Post: #1
Title: ** صديقي دافئ *** كلما اوغلت في النفس الحسرات اتذكرتك كان ما جيت انا ماشي
Author: tmbis
Date: 06-10-2003, 09:12 AM
كنت بفتش زي كل مرة لما أفلس وأجي ماري من عندك كايس أنجم
أو
أحتاج السكات البجيني منك ..وأكون عارفك قاصد شنو ..
ولي شلاقتي ضربته الحته دي ..مكان عارفك قاعد تفتش .أخذت فيني ما أخذت وزي ما أظنك عارف السهر جاء تاني والحمي بتاعت آخر الليل .. يا حبيبي انا عيان ياخي .... انا عيان ياخ انته مابتفهم عربي
أنجّم كيف ؟؟؟ وكيف وكيف أنجّم كيف ؟؟؟
أرحل أتوه وما اللقي قيف
يا مشتهي
يا اقصي حالات الوجود المنتهي
يا صاحبي الدافئ ..
مش كلمتك قبل كده
يا صاحبي
هل تحاول أن تذكرني
أو تعبر موج الفرحة إلي داخلي
أنت ذكرياتي ومجدي
قنديلي في كوخي الدفئ
شمس الامل التي ومضت في بهاء
معاك لحدي يوم الاحد كان ما جيت هنا انا ماشي
أحببت أن أكون معكم..فهل من مرحب؟
من الاثنين إلى الاثنين
كده برضو..تنسونا..يا ناس البورد!!!؟؟؟
الحاجـــــه مهلــــه......طلق..طائش
|
Post: #2
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: قرشـــو
Date: 06-10-2003, 09:17 AM
Parent: #1
الحبيب تمبس
تحياتى
ده شنو ده ياخى؟؟
ولكن اين دافى بالله
|
Post: #4
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: tmbis
Date: 06-10-2003, 09:24 AM
Parent: #2
الحبيب العمدة قرشو
انا ما عارف الحاصل شنو
لكن الزول ده انا فاقدو من فترة طويلة حتي في الماسينجر ما ظاهر وما كنا بنتفارق لحظه
الوحدة اصعب حاجه ممكن نواجهه بعدما اتعودنا علي الجميع
اناما لاقيتو قبل كده لماني معاهو البورد ده وعرفتو زول ود ناس
وأخو أخوان بتألم لي الم الكل
ما داير اقول ماخد في خاترو لن برضو اصعب شي أنو نكون بعيدين من هنا
غربه
وكمان وحده
وعذاب
وألم
طيب شنو تاني
شنو تاني يا دافي
|
Post: #3
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: Ahlalawad
Date: 06-10-2003, 09:19 AM
Parent: #1
تمبس
والله فيك الخير
تكلمت حيث صمتنا
غايتو أحجز لي المقعد القدامي معاك ، جنب السواق
|
Post: #5
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: tmbis
Date: 06-10-2003, 09:26 AM
Parent: #3
اهل العوض
ربنا ايكذب الشينة والزول ده يرجع
|
Post: #6
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: شدو
Date: 06-10-2003, 12:43 PM
Parent: #5
لك التحيات بلا حدود ياغالى وانت تبحث عن صديقك العزيز دافئ
واضم صوتى اليك تضامنا ونامل ونعشم فى عودته
متجاوزا الصعاب
|
Post: #7
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: rummana
Date: 06-10-2003, 01:07 PM
Parent: #6
تمبس
هبت رياح الماضى..أمس
صحيت من النوم حالي ما على بعضه
حسيت بقرب انتكاسة متعلقة بادمان البورد
قلت الله يكضب الشينة.. وان شاء الله حيكضبها
المهم تصفحت وتصفحت وتصفحت وتصفحت في البورد
قمت دخلت الارشيف ...جارية ورا ايمو لاني شفت اسمه
طاخ على راسي ..اصابني ليك شاكوش الاندهاش
قال شنو قال دافي وقفوه من البورد لأنه استعمل كلمات غير لائقة
المهم لقيت ليه الكواريك والزحمة والجوطة وموية الغسيل المدفقة اتزلقت لي كم زلقة كدة لما في النهاية مسكني ليك بكري وقال لي قولي بسم الله الموضوع انتهى والمشكلة كانت في النظر وخلاص ركبنا نضارة..حتى حمدت الله وقلت ليهم موية الغسيل دي تاني دفقوها بعيد ولا خلو اخوكم الفي امريكا داك يرسل ليك دولارات اشتروا ليكم لوري رملة عشان تردموا الموية البقت خيران خيران دي
المهم النصيحة انا راسي لسه لافي
وينو الوليد المنضمة دافي ده طار وين
جيبوهو لي النسألوا هو مالو روحو محرقاهو
كان للعرس بنعرس ليه بس هو يصبر شوية لما البت تتم السبعتاشر سنة
كلها خمسة سنوات هسه تمر زي الهبوب
|
Post: #8
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: shiry
Date: 06-10-2003, 01:26 PM
Parent: #7
سلام مربع
فعلا ياجماعة وين دافئ الدافئ
؟؟
ليه نحن كده ..؟ من يغيب عننا شوية ننساه
؟؟
حقيقي حقيقي نحن سيئيين خالص جدا
كمان
يادافئ . معليش ياود امي .. لسنا ملائكة لنزين لك تقصيرنا في حقك
لكن نحن بشر
عشان كده سامحنا لو قصرنا معااااك
برضو السماح من الناس السمحين
احلى سمااااااح
تعال يلااااا البورد وناس البورد كلهم
مادين ليك ايديهم
خليك سوداني وقول لينا
سمااااااااح
|
Post: #9
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: بت قضيم
Date: 06-10-2003, 02:06 PM
Parent: #1
تمبس
مصر تخت صورتي دي؟؟؟
انا عارفة دافي وين
الزول ده حرد ليكم البورد بعد ما طردتوه
عندو كرامة
لم ينزل بوست رسمي بتاع اعتذارات،، اشمعنى؟؟؟
شان هو شين؟؟؟
بصراحة يا دافي لو بتقرا في كلامي القطعتوا من راسي ده ،، يعني لو ما زلت تقرانا وما طويت صفحة البورد ،،اعلم اننا نشتاق جنك
واذكر مرة لما رمانة قررت تترك البورد،، اذكر انك وقفت احتجاجا،، وزعلت وطلبت منها الاستمرار
ده يا انت،، يا الزهايمر ووجع الركب قايم علي
بالله اظهر عز الناس دي
فلا يرد دعوة كريم إلا لئيم
|
Post: #10
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: Elkhawad
Date: 06-10-2003, 02:52 PM
Parent: #9
داااااااااااااافي
من اخر صوت ممكن يطلع
وباخر حس فضل
بناديك وبنادي جميل الايام الجمعتنا
عارف الايام دي انا متحيل وداير لي سبه اختفي بيها
في احساس مقيت انو الحيل كمل وبفرفر فرفره مزبوح
عندي احرف كتير ماقدرت اكتبه في البورد عاقرت بيها الورق
مابين دفاتر الجامعه واوراق السندوشات والبقيه في راحه يدي
اغلبها لحظات حزينه لذا لم احبذ ان ادونها بانتظام كي لا اتزكرها
الاحساس بالحزن لا يختلف عن الاحساس بالظلم حارق حار لكن فرحه الرجعه سعادته حراقه شطه بس
فيا صديقي لا تعجل بمراره غيابك سرعه غيابنا
تمسبه الجميل .. عليك الله ما تنسي اخوك وانتا مارق اغشاني معاك
علي الاقل نسلم كراسينا الحاجزنها دي لي زول اجدر مننا بالحضور
والجديد دائما معبق بالنشاط المفرح
|
Post: #11
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: hala guta
Date: 06-10-2003, 03:47 PM
Parent: #1
لكل الماخدين في خاطرم
يا دافى
|
Post: #12
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: الجندرية
Date: 06-10-2003, 04:05 PM
Parent: #11
تمبس الحنين
تعرف دافي ود الشيخ
ولداً زين ما يتخير عليك
والقلوب شواهد انا متأكدة انو متذكر اننا بنحبو
وهو اكيد ما بكسر بي خاطر البحبوه
بجي
بس انت سوق ا لصبر خليهو ياخد راحتو ويجيك دافر زي النيل
تعرف انكم بتشبهوا بعض جداً
|
Post: #13
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: Tumadir
Date: 06-11-2003, 01:06 AM
Parent: #12
تمبس
دافى بجى...نعم هو حزين ...وشارد
لكن بجى
حيمشى وين من رفقتنا ومحنتك دى؟؟؟
حيطير مننا وين؟؟؟
نحن مش قدر ما نغيب بنجى؟؟؟؟
افى هو مننا وزينا ... بجى
بس
... النمسك تراب اترو لمن يجى
ونمسك طرف غنوته ... لمن يجى
ونحجز ليه ...فى البرش... جنبنا لمن يجى
وندس ليه الحكى الفاتو كلو،
ونغمت ليه معانا تسالى وذكرة فقدتو لمن يجى
|
Post: #14
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: haneena
Date: 06-11-2003, 11:56 AM
Parent: #13
تمبس
يا الحنين
أثرت في مناجاتك لأخوك وصديقك دافئ
خوة نادرة في زمنناالردئ هذا
أحسست بألمك
يا دافئ
يا البعرفك و ما بتعرفني
عشان الزمن الكعب الفرق بيناتنا
جيت داخلة البورد أيام المشكلة
أقصد المشاكل
البورد قايد نار في كل الجهات
عنف فكري و غيره
شعرت بإنقباض
ولما ناس زعلوا وخلونا---و إنت منهم
تحول إنقباضي إلي حزن مقيم
أنا قريت ليك كتاباتك
وجدتك إنسان رقيق حساس --- وفنان
وإمكن دة الزاد معاناتك
أرجع يا دافي
عشان تمبس المكلوم و الباقين
وعشان كمان أتعرف بيك أكثر في مداخلاتنا
الجميع في إنتظارك-- ترجعهم مكسوفين؟؟
بت قضيم--أحييك و اتضامن معاك
يا بكري-- نزل بوست إعتذار
دة من حق دافئ---ولا شنو؟
حنينة
|
Post: #15
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: hala guta
Date: 06-12-2003, 03:25 AM
Parent: #1
دافى
فى انتظارك
|
Post: #16
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: tmbis
Date: 06-12-2003, 06:36 AM
Parent: #15
*
|
Post: #17
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: HOPELESS
Date: 06-12-2003, 06:42 AM
Parent: #16
يا دافي يا اخي ما شايفنا متجرسين وراك كيف
شنو ما خلاص كفايه بعاد
***
يا ادارة السجم نزلو بوست اعتزار للزول دا
بنفس حجم بوست فصل العضو دافئ
يستاهل برضو
|
Post: #18
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: اسامة الخاتم
Date: 06-12-2003, 06:45 AM
Parent: #1
دافى
ح تجى مش
|
Post: #19
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: tmbis
Date: 06-12-2003, 08:17 AM
Parent: #18
شدو الجميل
رمانه الواعية
شيري الاصليه
بت قضيم الشينة
خواض الحلو
هاله قوته مرتين
حنينه الحنينه
جندرية الطيبة
تماضر فردتي
جمال اللزيز
اسامة الخاتم الحبيب
شكرا يا قبيلة لعمق إحساسكم بغياب صديقي دافئ ...
تعرف يا منقه
عندي احساس أنو البوست ده ممكن يجيب لي
• شوالين سكر
• وبنطلونين جينز
• ويفهم محمود بتاع اللجان الشعبية بتاع حلتنا زمان وجهة نظري ويرجع لي سامية الكشك بتاعه ،، تتخيل الجبان جاب لي الامنجيه.
تلقاك نائم ولا هماك .. ....
الناس دي منتظراك يا بايخ
|
Post: #20
Title: Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما
Author: tmbis
Date: 06-12-2003, 09:49 AM
Parent: #19
بت قضيم قالت:
Quote: لم ينزل بوست رسمي بتاع اعتذارات،، اشمعنى؟؟؟
شان هو شين؟؟؟ |
ودي حنينه
Quote: بت قضيم--أحييك و اتضامن معاك
يا بكري-- نزل بوست إعتذار
دة من حق دافئ---ولا شنو؟
|
وده كلام جمال
Quote: يا ادارة السجم نزلو بوست اعتزار للزول دا
بنفس حجم بوست فصل العضو دافئ
يستاهل برضو
|
والإدارة عامله ميته
والله يا منقه كان ما الايام دي حيلي مهدود كان جبته ليك طلطاشر محامي
دكين ده كان جبتو بيعمل ليها طبظه
انته عارفوا لخباط كيف
المهم خليني اشوف الحنك ده نهايتو شنو ؟؟؟؟
وانته شايفني كاتل حيلي كده قايلني مابوصله الامم المتحده مش كده ؟؟؟
عينك بتشوف
|
|