Post: #1
Title: عيدية .. للمشوكشين بس ..
Author: tmbis
Date: 11-27-2003, 12:38 PM
Parent: #0
جاي تاني
خــــــــــــــالد محجـــــــوب
|
Post: #2
Title: Re: عيدية .. للمشوكشين بس ..
Author: Hussein Mallasi
Date: 11-27-2003, 12:46 PM
Parent: #1
من العنوان يا تمبس حسبت المغني هاشم ميرغني,
و لا ده كان زمان !!
كل سنة وانت طيب
|
Post: #13
Title: Re: عيدية .. للمشوكشين بس ..
Author: tmbis
Date: 11-27-2003, 03:49 PM
Parent: #2
وانت طيب يا ملاسي .. لكن مسبة لي كترة المشوكشين .. في الدنيا دي عدد الفنانين البيساعدو في الناس المساكين ديل في تقدم ملحوظ
غايتو الله يكون في عونهم
المشوكشين .. 
|
Post: #3
Title: Re: عيدية .. للمشوكشين بس ..
Author: ghariba
Date: 11-27-2003, 12:48 PM
Parent: #1
كل سنة وانت طيب
اخبارك شنو
نتمنى ان تمدنا بالحاجات الحلوة دي دائما
|
Post: #14
Title: Re: عيدية .. للمشوكشين بس ..
Author: tmbis
Date: 11-27-2003, 03:54 PM
Parent: #3
استاذ صلاح
وانت طيب والاسرة .. ومواعيدنا القديمة زي ما هي .. وفي انتظار مفاجأتك السعيده دايما .. وعدسة كاميرتك الديجيتال
اقعد عافيه
|
Post: #4
Title: Re: عيدية .. للمشوكشين بس ..
Author: ahmed saeed
Date: 11-27-2003, 12:57 PM
Parent: #1
tmbis سلام وكل سنة وانت طيب
انا برضو جيت تانى 
|
Post: #5
Title: Re: عيدية .. للمشوكشين بس ..
Author: aba
Date: 11-27-2003, 01:05 PM
Parent: #4
كل سنة وإنت طيب يا علاء
طبعا خالك طول من حكاية الشواكيش دي
لكن لما زول يجيب سيرتو راسي بياكلني
والراس يا تمبس مليان بي آثار العدوان
|
Post: #6
Title: Re: عيدية .. للمشوكشين بس ..
Author: ملكة سبأ
Date: 11-27-2003, 01:48 PM
Parent: #5
|
Post: #7
Title: Re: عيدية .. للمشوكشين بس ..
Author: Tumadir
Date: 11-27-2003, 01:56 PM
Parent: #6
الناس الشايلين الشاكوش زاتو..وحايمين ديل مافى ليهم غنيه؟؟؟
|
Post: #9
Title: Re: عيدية .. للمشوكشين بس ..
Author: Hussein Mallasi
Date: 11-27-2003, 02:51 PM
Parent: #8
| Quote: ما متنا لكن شقينا المقابر |
الحمد الله البقيتي حنينة !!!!
|
Post: #10
Title: Re: عيدية .. للمشوكشين بس ..
Author: ترهاقا
Date: 11-27-2003, 03:03 PM
Parent: #9
العزيز تمبس
كل عام وإنت والاهل بخير
باين عليك ماخد شاكوش من نوع ابوكديس
|
Post: #21
Title: Re: عيدية .. للمشوكشين بس ..
Author: tmbis
Date: 11-27-2003, 04:40 PM
Parent: #10
ترهاقا
وانت طيب يا استاذ .. والشاكوش الجاي علي امانيك
طبعا راسي مليان حفر .. ما حفر شواكيش .. حفر عادية .. من الكورة بس
|
Post: #15
Title: Re: عيدية .. للمشوكشين بس ..
Author: haneena
Date: 11-27-2003, 04:00 PM
Parent: #9
لووول يا حسين ملاسي
مش كدة بالله؟؟؟
|
Post: #20
Title: Re: عيدية .. للمشوكشين بس ..
Author: tmbis
Date: 11-27-2003, 04:27 PM
Parent: #8
يعني يا حنينة بقيتي حريفة لنكات وكمان بتلطشي ؟؟
والله خطيرة عديل كده
كل سنة وانت طيبة
وشقيتو المقابر دي معناته ..شنو؟؟
معناته الشاكوش برا؟؟ والا شنو ؟؟
|
Post: #25
Title: Re: عيدية .. للمشوكشين بس ..
Author: haneena
Date: 11-27-2003, 05:21 PM
Parent: #20
Quote:
وشقيتو المقابر دي معناته ..شنو؟؟ |
دي يا تمبس معناهاالشواكيش ما لحقتناوالحمد لله
لكن شفناها عند الجيران
ياخي نبرا ونستبرا علي قول راوية
الدنيا عيد
ما تفوِّّّلوا علينا
|
Post: #19
Title: Re: عيدية .. للمشوكشين بس ..
Author: tmbis
Date: 11-27-2003, 04:23 PM
Parent: #7
يا تماضر العالم قاعد ينزع في السلاح .. وسلاخ الشواكيش بالذات ..فاذا عندك شاكوش محرق روحك من زمااان حقو تشوكشيهو للواحد بسرعه ..
وبقدر اهديكم اغنية امسكي عليك شاكوشك ده .. من كلمات نجا قباني .. وغناء ناجر خضر . ده في حالة عدم استعمالكم للشاكوش .. البيخل الواحد يكضم
وكل سنة وانت طيبة .. وتاني انت طيبة
|
Post: #18
Title: Re: عيدية .. للمشوكشين بس ..
Author: tmbis
Date: 11-27-2003, 04:15 PM
Parent: #6
زهور يا بلقيس
واله غطيك من الشواكيش الحايمه دي
|
Post: #33
Title: Re: عيدية .. للمشوكشين بس ..
Author: ملكة سبأ
Date: 11-29-2003, 07:28 AM
Parent: #18
تمبس
اريتك تبقى طيب انت
انا البى كلو هين
|
Post: #16
Title: Re: عيدية .. للمشوكشين بس ..
Author: tmbis
Date: 11-27-2003, 04:02 PM
Parent: #5
وانت طيب يا احمد سعيد قرنفل الزماااان
وبركة الجيت بركة الجيت
ابــــا
كل سنة وانت طيب .. ويديك العافية يا خال .. كويس الشاكوش المبكر وصحي خالص طبعا .. لانو الشاكوش البجي علي كبر ده بيكون ما كويس علشان الواحد بيقلع ضرس العقل ...
اعمل حسابك غايتو ..
|
Post: #11
Title: Re: عيدية .. للمشوكشين بس ..
Author: sentimental
Date: 11-27-2003, 03:07 PM
Parent: #1
ابت تجى يا حنينة
ابت تجى
انا احفظها الغنية كيف فى الجهاز
الطشها كيـــــــــــــــــــــف من تمبس ده
|
Post: #17
Title: Re: عيدية .. للمشوكشين بس ..
Author: haneena
Date: 11-27-2003, 04:08 PM
يا سنتمنتال
الغنية انا لطشتها واللي كان كان
لنك الحفظ شغال تمام
اقفل الغنية فوق واحفظها بضغط اللنك
وورينا الحاصل
نوريك تلطشها كيف دي الا تدفع
|
Post: #22
Title: Re: عيدية .. للمشوكشين بس ..
Author: tmbis
Date: 11-27-2003, 04:45 PM
بختك يا سنتي
صلاة العيد اكيد كانت في ميدان الخليفه .. كل سنة وانت طيب
لكن حلين من سرقة الاغنية الظاهر لي شاكوشك .. كبير جدا .. قلبي معاك
|
Post: #12
Title: Re: عيدية .. للمشوكشين بس ..
Author: Rawia
Date: 11-27-2003, 03:25 PM
Parent: #1
نبرا ونستبرا
لكن دخلنا و استمتعنا
و صوتو رائع
|
Post: #23
Title: Re: عيدية .. للمشوكشين بس ..
Author: tmbis
Date: 11-27-2003, 04:47 PM
Parent: #12
تبري يا راوية بالجد تبري
لكن قولي لي الدخلك شنو ؟؟؟ ان طبعا قلت البوست ده بتاع المشوكشين
وما بفرز انا غايتو
اي واحد دخل هنا يشيل شيلتو
مشوكش مشوكش
|
Post: #24
Title: Re: عيدية .. للمشوكشين بس ..
Author: dreams
Date: 11-27-2003, 05:12 PM
Parent: #23
صحى ؟
انا ما سرقت ...بس جيت اعاين
|
Post: #27
Title: Re: عيدية .. للمشوكشين بس ..
Author: tmbis
Date: 11-27-2003, 05:34 PM
Parent: #24
ااي صحي يا دريمز
واعملي حسابك
البوست ده .. كلو شواكيش .. ما تقومي تعوقيهو
|
Post: #26
Title: Re: عيدية .. للمشوكشين بس ..
Author: رشا بابكر
Date: 11-27-2003, 05:25 PM
Parent: #1
العزيز/ تمبس
غايتو ربنا يستر
اناما عارفة شوكشت والا شوكشونى بس الكلام (ماضى)
قول لى كيف؟
اقول ليك
كتبت قصيدة بتحمل نفس معنى الاغنية دى
اسمها (ما افتكر) ودى مناسبة انى انزلها ليكم
وبعدين تدينى الافادة اين كان موقعى .هل شوكشت والاشوكشونى
غلوتية عديل.
|
Post: #28
Title: Re: عيدية .. للمشوكشين بس ..
Author: tmbis
Date: 11-27-2003, 05:43 PM
Parent: #26
العزيزة رشا بابكر
كل سنة وانت طيبة
والعيد الجاي علي امانيك
ويني القصيدة ؟؟ ام شاكوش دي ؟؟
غايتو ما عارف يا رشا لكن انا قاعد احب اسمع اي قصيدة فيها شاكوش انثوي ..بتكون طاعمه كان ليها او عليها
في قصيدة كاتباها سعادة عبد الرحمن .. جميلة جدا ومعبرة ومليانه شواكيش
ياريت لو تسرعي لينا بي شاكوشك ده .. كان لينا او علينا ..
|
Post: #29
Title: Re: عيدية .. للمشوكشين بس ..
Author: hala guta
Date: 11-27-2003, 07:18 PM
Parent: #1
نبرى ونستبرى
بس جينا نعيد عليكم
تمبس
حنينة
راوية
دريمز
رشا
تماضر
خالد
احمد سعيد
حسين ملاسي
عريبة
ملكة سبأ
سنتمنتال
والحيجوا تانى
كل سنة وانتو طيبين
هالة
|
Post: #30
Title: Re: عيدية .. للمشوكشين بس ..
Author: الجندرية
Date: 11-27-2003, 09:30 PM
Parent: #1
غايتو جربناهن الاتنين
شوكشنا واتشوكشنا
بس في الاخر مسكنا الدرب وما راح لينا
الله يستر بس من الاشارات المخادعة
ويجوا في الاخر يقولوا ليها الطريق دا دخلتو كيف؟
كل سنة وانت طيب
والسنة الجاية
لا مشوكش ولا مشوكش
|
Post: #31
Title: Re: عيدية .. للمشوكشين بس ..
Author: hala guta
Date: 11-28-2003, 04:35 AM
Parent: #1
| Quote: ]ويجوا في الاخر يقولوا ليها الطريق دا دخلتو كيف؟ |
امانى
ليها؟؟
ما ليهو؟؟
كل سنة وانت طيبة
والله يكفينا شر الاشارات المخادعة والشواكيش
|
Post: #32
Title: Re: عيدية .. للمشوكشين بس ..
Author: AnwarKing
Date: 11-29-2003, 05:46 AM
Parent: #1
للمشوكشين
Salam :
شواكيش من مختلف التخصصات
عندما تزعل البنت من الولد و تديه شاكووش
******************
كلية ا لقانون:
اسمع يا عمرو... ما تخلينى اتصرف معاك تصرف منافى للقيم الاخلاقية و ارفع عليك قضية
***********************************************
كلية العلوم الادارية:
كويس يا عمرو... تخلينى انا ادفع حق الفطور و تغشنى... لخبطلى راسى الله يلخبط راسك انشالله.
***********************************************
مدرسة العلوم الرياضية:
اسمع يا عمرو... انا اصلا" عارفة من البداية انو علاقتنا زائد خيانتك بتساولينا نتيجة سيئة للغاية و انا جد قرفانة منك بنسبة مية فى المية, لأنو نص مخى بقولى اديك كف والنص التانى بقول اديك بنية... اعمل شنو يعنى اجمعم الاتنين مع بعض يعنى ولا شنو يعنى.
**********************************************
كلية اللآداب : قسم اللغات:
البنت: كف يا عمرو عن مضايقتى و الا...
الولد عمرو: لعنة الله عليك بسبع لغات
*******************************************
كلية الهندسة الماكانيكية:
انت يا ولد فاكة من راسك صامولة ولا شنو؟
*****************************************
كلية الهندسة المدنية:
اسمع يا عمرو... انا ما دايرة اتكلم معاك... انت تمشى فى شارع و انا امشى فى شارع.
********************************************
كلية الهندسة المعمارية:
اسمع يا عمرو... ما تخلينى اديك شاكووش بالشاكوش الماسكاه بيدى اليمين و اطعنك بالبرجل الفى يدى الشمال.
**********************************************
كلية الأقتصاد و العلوم السياسية:
يا عمرو... انا و بكل صراحة, السياسة القاعد تتبعها معاى دى انا ما عاجبانى صراحة" كده... يا اما تتبع معاى استراتيجية مختلفة او نقطع العلاقة البيناتنا لأنو الموقف حا ليا" متأزم اكتر من الازم.
*********************************************
كلية العلوم: قسم الجيولوجيا:
عمرو... ياخى انت مالك قلبك زى الحجر كده... خليك زول مرن شويه ماممكن ياخى... مش الواحد والا الواحدة لمن يتكلموا معاك تثور قدامهم زى البركان.
**********************************************
كلية العلوم قسم الفيزياء:
يا عمرو... نحن علاقتنا فى بدايتها كانت ممتازة و ايجابية جدا"... لاكن فجأة ابتدينا نتطور تطور عكسى والعلاقة بقت سلبية, عشان كدة كل واحد مننا يمشى فى مسار مختلف.
********************************************
كلية الطب:
عليك الله يا عمرو ما تمرضنى الله يمرضك... ما تخلينى اقطعك بلمشرط ده و اوديك العناية المركزية.
**********************************************
كلية البيطرة:
يا حيوان... تخونى انا يا عمرو؟... طيب اصبر لى كان ما وريتك انت والنعجة المعاك يا كلب يا حمار.
**********************************************
قسم علم النفس:
يا عمرو... انا نفسياتى متنافرة منك... سيبنى براى زهجانة منك بعد الشفتو منك... سيبنى عليك الله ما تجننى و تجيب لى حالة عصبية لأنو انا ممكن اوديك فى ستين دهية.
*********************************************
قسم الأعلام و الصحافة:
عمرو... انا والله بفضحك... والله
*********************************************
قسم الفلسفة:
يا عمرو... انا بحبك... لكن بكرهك فى نفس الوقت... و انت طبعا عارف انو الحب والكراهية مستحيل يجتمعوا مع بعض... عشان كده كل واحد مننا يمشى فى طريقه.
******************************************
كلية الآداب قسم التاريخ:
عمرو... نحن علاقتنا كانت جميلة و حميدة... لكن بعد ما شفتك قاعد تخون فينى انت والبنت الأسمها سماح و دبرتوا مؤامرة ضدى... فأنا اقترح انو كل واحد مننا امشى فى طريقه و كل الطرق تؤدى الى روما.
*********************************************
كلية التربية:
انت يا عمرو بتقل ادبك على يعنى والا شنو يعنى... اربى فيك لمتين انا.
*********************************************
كلية الفنون الجميلة:
تتصور يا عمرو... انا دى اول مرة اكتشف انك انسان حقير للغاية و تصرفاتك كلها قبيحة و اطلاقا" ما عندك حس فنى تتعاملبيهو مع الناس.
*********************************************
كلية الشرطة:
اتكلم... افتح خشمك ده و قول لى العلاقة البينك و بينها بالتفصيل الممل... و متحاول تدس منى اى معلومات لأنو انا كنت مراقباك فى التمانية واربعين ساعة الفاتت.
********************************************
جامعة امدرمان الأسلامية:
الله يسامحك يا عمرو... الله يسامحك و كتر الف خيرك لخيانتك لى.
*******************************************
كلية كمبيوتر مان:
انا آسفة يا عمرو... الظاهر انو فى خلل فى حياتنا... انا ما عندى اى استعداد انى اعمل معاك رستارت و نبدء حياة جديدة... كل الممكن نعملوا اننا ننسى الفات و الكان بيناتنا ونرميه فى الزبالة... يعنى باختصار لازم تحصل عملية فرمتة و شت داون فى وقت واحد
******************************************
ويظل الشاكوش ..شاكوش
|
Post: #34
Title: Re: عيدية .. للمشوكشين بس ..
Author: hala guta
Date: 11-29-2003, 09:44 AM
Parent: #1
Quote: ]ويظل الشاكوش ..شاكوش
|
|
Post: #35
Title: Re: عيدية .. للمشوكشين بس ..
Author: ود العجمى
Date: 11-30-2003, 10:37 AM
Parent: #1
تعرف يا تمبس انا قلت الزول مالو لا اتصل لا قال سلام ؟؟
لكن بعد هديتك دى وباعتبارى احد المشوكشين ليك السماح وشكرا رغم انك ذكرتنا بماسينا العاطفية فى العيد
تتجدد الشواكيش والراس واحدة والقلب لا زال يخفق
|
Post: #36
Title: Re: عيدية .. للمشوكشين بس ..
Author: JAD
Date: 11-30-2003, 02:05 PM
Parent: #1
يا أخ تمبس .. الشاكوش القديم العاول بنحسب
تحياتي،،،
|
Post: #37
Title: Re: عيدية .. للمشوكشين بس ..
Author: ودقاسم
Date: 11-30-2003, 02:39 PM
Parent: #1
المشوكشين والمشوكشات ، والشامتين والشامتات
لكم مني تحيات
يا جماعة انتو عارفين إني أنا بحب الرغي والحكي والكلام الكثير ، وأنا كده في الكتابة والونسة ، مش يا تمبس ، بحب الكلام ومرات لمّن أنتبه أقول يا أخوانا أنا مجنون وللا شننو ، وبصراحة ما في نضم ممكن يتقال بدون معلومات ، والمعلومات في موضوعكم هذا هي الشمارات ، فلا توجد وسيلة أخرى غير الشمارات لنشر حكايات المشوكشين والمشوكشات ، والشاكوشية من قبيلة الشينة المنكورة ، ويلاحظ أن كلا المشوكشين يدعون أنهما ضاربي الشاكوش وأن الآخر هو من أكل الضربة ، ومنهم من يقول أننا مارسنا الضرب وتلقينا الضرب ، أما الفرّاجة فينطلقون إلى التحليل ، والجرسة هي التي تكون مدخلا ضخما لهذا التحليل ، والجرسة أنواع ، منها البكاء العلني ، والبكاء السري ، ومنها الكتابة شعرا أو نثرا ، ومنها التسرع في بدء علاقة جديدة ، ومنها الامتناع عن أي علاقات مستقبلية .
وأنا أؤكد لكم أن ليس منكم من لم يصبه شئ من الشوكشة ( حلوة الشوكشة دي ، خاصة من راجل عجوز زي كده ) ، والشوكشة أنواع عديدة ، منها ما يتم الاتفاق عليه بين الاثنين لاستحالة الاستمرارية ، ومنها ما يتم بفعل هبوط اضطراري لعريس جاهز ، ومنها ما يتم بفعل أم أو أب قاهر فيمنع إبنه أو بنته من الارتباط بالطرف الآخر ، ومنها ما يحدث بسبب الفلس ، ومنها ما يحدث بسبب اكتشاف التاريخ ، ومنها ما يحدث بوجود البديل الأروع ، ومنها ما يحدث بسبب الانتقال من السماحة النص نص إلى السماحة المفاجئة للطرف الأنثوي .
كل واحد | واحدة له| لهاشواكيشه | شواكيشها ، لماذا لا تحكوا لنا ؟
لماذا لا تفتّوه ؟ لماذا تقطّعوه في مصارينكم ؟
احكوا لنا إن كنتم مطرقة أو سندانا ، فكلاهما سواء وكلاهما توجعه الضربة .
كدي أبدأ إنت يا تمبس ، وبعدين الجندرية شايفها أشارت لممارسة شي من الشواكيش وتلقت شواكيش مضادة ، ثم ننتقل هكذا
ولد
بنت
ولد
بنت
لحدي ما نكملكم كلكم ، ونكون نشرنا كل الغسيل ، وبعدين نلمو ، أصلا بكري قال حا يلم كل الغسيل بنهاية ديسمبر .
|
Post: #38
Title: Re: عيدية .. للمشوكشين بس ..
Author: dreams
Date: 11-30-2003, 02:49 PM
Parent: #37
لووووول يا ود قاسم
اول مرة اقول لووول دى انا
لكن والله لوووول
لكن ما لقيت الا تمبس ده تبدا به
كده بكرى ح يلم الغسيل قبل يومه لانه الباندوث ح يكمل من اول شاكوش تمبساوى
تسلم
وانت ذاتك يا تمبس تسلم
|
Post: #39
Title: Re: عيدية .. للمشوكشين بس ..
Author: haneena
Date: 11-30-2003, 07:31 PM
Parent: #38
لووووووول
يا ود قاسم
كلامك عجبني تب وما بتقصر
نبدأ بيك انت
باعتبارك كبيرنا
عشان الناس تطمئن
وتبدا الفت الما خمج
ولا اراكم الله مكروها في شاكوش لديكم
رايك شنو؟؟؟
|
Post: #40
Title: Re: عيدية .. للمشوكشين بس ..
Author: ملكة سبأ
Date: 11-30-2003, 11:00 PM
Parent: #1
هو تمبس دا و ين ياجماعة ؟
|
Post: #41
Title: Re: عيدية .. للمشوكشين بس ..
Author: hala guta
Date: 11-30-2003, 11:17 PM
Parent: #1
تمبس مطبول برة يا الملكة
عنده مشكلة فى النت
ونحن متجدعين فى البوست بتاعه
|
Post: #42
Title: Re: عيدية .. للمشوكشين بس ..
Author: ملكة سبأ
Date: 11-30-2003, 11:34 PM
Parent: #1
طيب ماتقولن لى ياهالة
انا زاتى جيت اتجدع طيب
لوووووووووووووووول
غايتو ياتمبس الحبسك برة ما هين وكان على النت هينة
ود قاسم
طيب الدور بنت
اها منو ياربى ؟
لا انا ولا هالة غايتو
لووووووووول يازرزور المدين
لا قاصداكى ولا حاجة
|
Post: #43
Title: Re: عيدية .. للمشوكشين بس ..
Author: hala guta
Date: 12-01-2003, 00:03 AM
Parent: #1
يا الملكة
ما قالوا الدور على ود قاسم
لكن كان زرزور المدين بدا ما عندنا مانع
اصلها زايغة من بوست قبال كدة
|
Post: #44
Title: Re: عيدية .. للمشوكشين بس ..
Author: ودقاسم
Date: 12-01-2003, 09:23 AM
Parent: #1
يا جماعة تمبس يعاني من شاكوش وهذه المرة من محبوبته النت ، وفي غياب السابق يأتي اللاحق ، فالقائمة تحمل اسم الجندرية ، وهي صرحت بأنها تلقت شواكيشا ، وردت بشواكيش ، والجندرية حكّاية وكتّابة ، وبأسلوب روائي كمان
يلا يا جندرية ،
ويليها أبا
وأنا سأكون حكما فقط لأنني اعتزلت اللعب بسبب تقدم السن .
وأعد أن أكون حكما عادلا ، ويمكن أن أقبل بنساء خط ( مساعدتين) بدل رجال خط ( مساعدين ).
|
Post: #45
Title: Re: عيدية .. للمشوكشين بس ..
Author: الجندرية
Date: 12-01-2003, 12:29 PM
Parent: #44
ود قاسم مالك عليك يا اخوي
داير تخلي الادارة تفكني عكس الهواء
ومن هسي بقول ليك ختني معاك مساعدة خط
لانه عامل الزمن دا شملنا نحن زاتنا
|
Post: #46
Title: Re: عيدية .. للمشوكشين بس ..
Author: OmDur
Date: 12-01-2003, 02:24 PM
Parent: #1
وجيت اجرى قايلاها
من جديد جيت تانى .....
بس برضو حلوة , يا تمبس
وكل سنة وانت طيب .. كل ايامك اعياد
..
.
وكلكم حلوين يارب
|
Post: #47
Title: Re: عيدية .. للمشوكشين بس ..
Author: ahmed saeed
Date: 12-01-2003, 03:54 PM
Parent: #46
يا تمبس شيل شيلتك
| Quote: ومنها ما يحدث بوجود البديل الأروع |
يا ود قاسم انا دى لافقا معاى
|
Post: #48
Title: Re: عيدية .. للمشوكشين بس ..
Author: ودقاسم
Date: 12-02-2003, 10:06 AM
Parent: #47
أحمد
أحكي لينا إنت بدل تمبس ، وإذا بتعرف أي من شواكيش تمبس أحكيها وأنا أتحمل المسئولية ،نحن ننتظرو لمتين ، كل شوية يقول النت فيها مشاكل ، تلاقيه أخد شاكوش جديد .
|
Post: #49
Title: Re: عيدية .. للمشوكشين بس ..
Author: ملكة سبأ
Date: 12-02-2003, 10:31 AM
Parent: #1
وليه مايجى قرنقل يتكلم هو زاتو ؟؟
يلا تعال اقيف فى دور صاحبك
|
Post: #50
Title: Re: عيدية .. للمشوكشين بس ..
Author: ahmed saeed
Date: 12-02-2003, 12:51 PM
Parent: #49
سلام تمبس
سلام ود قاسم
سلام يا ملكة
انا امس قلت شيل شيلتك بس الليلة قال متحسس شوية
ومال لو حكيت يحصل شنو ........؟؟؟؟
|
Post: #51
Title: Re: عيدية .. للمشوكشين بس ..
Author: ahmed saeed
Date: 12-07-2003, 00:09 AM
Parent: #49
يا ملكة سلام ان حاحكى ليكم فى حلقات قبل
ما افارقكم بس شيلو الصبر والجايى
|
Post: #52
Title: Re: عيدية .. للمشوكشين بس ..
Author: tmbis
Date: 12-07-2003, 10:06 AM
Parent: #51
دي ظاهرة صحية خالص أنو البوست ده يجمع أكبر عددية ممكنة من المشوكشين في الأرض ، كلمن دخل هذا البوست فهو آمن الا من شاكوش قديم . ظالم كان أو مظلوم ..
طيب ما تساعدوني ..
ممكن نحكي .. الداير يتنفس يتنفس .. هنا احيانا بنحتاج لي كده .. حتي ولو كان في اي شكل
نحك قبلما بكري يلم الحاجات دي
ان غايتو بديكم فرصه لحدي يوم التلاتاء الساعه ستة بي توقيت قرينتشوبعديهابجي بحكي وبدون اي تردد
يا ودقاسم
انت بقيت تنسي والا شنو ؟؟ آخر مطره اتفقنا أنو نصلح الحاجات من خلال البوست ده
يا احمد سعيد .. ح تقول قبل السفر مش كده ؟؟؟
ملحوظه صغيرة جدا /
هل تم توقيع سندات شواكيش هذا الصباح ؟؟
والا الجوطه دي لزومه شنو ؟؟
|
|