الهادي حامد ( ود الجبل ) .. فــــاتت..

كلمـــــــات الأستاذ
الطيب برير يوسف
...
فاتت وفي السحاب
مسراها
لملمت السحاب في عيني شان
اللقاها
فـــــــاتت
فاض في عيوني حنين وغازل للبرق
بضياها
ستفت الفرح للقاها وما لاقت خطاي
خطاها
ومن حزني العلي غنيت ضحك في صحوي حزن
رؤاها
فـــــــاتت
يا شوق الولف في غنايا ويا حزن الرحيل في
غناها
ولو يسعد خطي الترحال بيوسع في مداي
اساها
مهما يتوهه الترحال يهّوم بالغياب
جواها
فـــــــــاتت
حترجع هي زي أول وتفتح بالفرح
دنياها
وتقدح قلبي بالآمال وعارف نبضي جوه
دماها
طويل خطو الأمل ممدود أكيد في يوم
ح اللقاها
فـــــــــاتت

Quote: ومن حزني العلي غنيت ضحك في صحوي حزن رؤاها

... ما أنبل الحزن... تمبس
كل سنة وانت بالف خير يا أخي ... وأديك الف عافية
الاغنية رائعة الكلمات ... والاستاذ الهادي حامد مدرسة متفردة
عودنا دائماً بتقديم الاعمال الجميلة رغم انه مقل في اعماله
نطالب ود الجبل بتقديم المزيد من الروائع الفنية ... لك الف تحية وأديك الف عافية

رأيك شنو لو تنزل لينك الحفظ يا بخيل

وولي .. باعد بينك وما بينه .. الاحزان
اجمل الايام في السكة
ربنا يسعدك في ايامك الجديده..ودي منيتي ليك من حسع.

Quote: عودنا دائماً بتقديم الاعمال الجميلة رغم انه مقل في اعماله

Quote: نطالب ود الجبل بتقديم المزيد من الروائع الفنية

Quote: والاستاذ الهادي حامد مدرسة متفردة

طيب ما كان تخلي لي حاجه اقوله..
وبعدين بالمناسبة درس العود المجاني ده ركز عليهو شديد.. ما تقول ما بسالك منو


Save @ PC
ده الكود ياكسلالالالالان

صوتك ولا الازرق بين عرش الدنيا وعرض بحورا

صدى اصوات لى ناس بتحب

تتصايح

رايحة سنين ماعارفه مصيرا

ده لحنك ولا غيوم مستعجلة ماشة تبل الروح

بى عطورا؟

الكلمات..اتخلقت اول ولا اللحن هو البدا يسرى؟

دايما حال الشى الاسطورة




تمبس بالغت فى الهادى الجبل

تمــــاضر ..
الهــادي .. قاعد يبالغ معاي اناالقدامك ده

لما الكلمة منو تهد جواي الحيل
قبال ما لحنو يهبش مكان الشوق ..وصوتو يتم الباقي





الهادي ..
ياخ الله يطول عمرك ويديك الصحة

الأخ : tmbis
تحية طيبة
كم هي رائعة هذه الأغنية ومدهشة
لحنها منساب في سحر وجمال
والأداء يأخذ النفس في دنيا التحليق
تأملت ما كتبته عنها
وما كتبه ضيوفك أيضاً
لكن برغم كل هذا الجمال
وبرغم هذا الاحتفاء
ومع احترامي لك ولزوارك وما كتبوا
بقى السؤال معلقاً في داخلي كفانوس قلق في ليل موحش
(أين شاعر الأغنية؟)
من هو؟
ولماذا لم تتم الإشارة إليه؟
أقول هذا لأني أعرفه حق المعرفة
وأعرف تفاصيل هذه القصيدة المغناة
وأعرف كيف وصلت إلى الهادي الجبل دون غيره
أقول هذا بعد غيبة لي عن المنبر بسبب عطل أصاب جهازي
تعذر علي أصلاحه
وهأنا أستلف كمبيوتر (جارتي) من أجل هذا البوست المميز والأغنية الرائعة
إن سمحت لي أن أعتذر عبرك هنا لغيابي عن أناس أقدرهم ويحترمونني
وسأعود إليك ولزوارك هنا
بعد أن نبحث جميعاً عن شاعر الأغنية وهو قريب منكم جداً

الأخت مها عبد الله ..
شكرا جزيلا للمداخله ..

برجع ليك

الأخت مهى عبد الله ..
سلامات
بالنسبة لمداخلتك وان كانت تتسم بنوع من العتاب الواضح في تساؤلاتك الملحه عن الشاعر لمعرفتك به ( حسب ما ورد في سردك ) سعدت بها لأنها إضافة تكميلية لغرض البوست .
اعتمد دائما في أي عمل أو بوست ( غنائي ) أقدمه علي إضافات المتداخلين وما يأتون به من ردود. احيانا اذكر اسم الشاعر في كثير من الاعمال واشير إليه إذا كنت علي معرفة به ، احيانا اتسال عن مناسبة الأغنية أو أسم الشاعر في حال عدم توفر المعلومة.
عند بداية تسجيلي بالموقع كان هناك وضمن اللائحة بند يشير إلي استعمال علامة ( ..... ) في غياب المعلومة وكنت دائما اتمسك بهذا البند .. تعطيل اللائحة نفي إلزامية التمسك به .. وأصبح الأمر عندي تقديري ..أحيانا يسقط مني وأحيانا تتم الإشارة إليه وهذا لايعني ضحضي للحقوق الادبية لأي كاتب أو شاعر أو مغني أو ملحن وارجو أن تلحظي إنني لم أقم بنسب كلمات الأغنية إلي الأستاذ الهادي حامد أو اللحن لأني فاقد لكامل التفاصيل.
في أحد البوستات عن الاستاذ الهادي تداخل معي عضو البوردالاستاذ بشري سليمان وكانت أول مرة أعرف أنه كاتب كلمات ( وعد المستحيل ) التي تغني بها الأستاذ الهادي وحفزتني تداخلته من خلال الحوار الدار بيننا للتواصل مع الأستاذ حسن السر كاتب كلمات ( المدينة ) وبيننا لقاء مؤجل . وفتحت لي ايضا نوافذ للبحث والتواصل من جديد مع الأستاذ الهادي وتسليط الضوء علي مشروعه الغنائي من خلال المنبر والمحاولات مستمرة .
عموما..
اتمني أن يكون هذا البوست بداية حقيقية للمزيد من البحث عن مشروع الهادي وعن شعراء الهادي واغانيه وربما هناك العديد من الاعضاء يملكون إضافات قيمة في غيابها التام عن البعض واتمني أن توفرت لا يبخلو باي معلومة ..
اتمني ايضا ان تتحل مشكلتك مع جهازك لتعودي للتحدث وللرد عن تساؤلاتك .. المطروحه:
عن (أين هو شاعر الاغنية)
ومن هو..
اما لماذا لم تتم الإشارة إليه أرجو أن يكون تبريري أعلاه مكان تقديري الخاص لشخص الشاعر وكلماته الجميلة التي كانت من ضمن الاسباب في تواجد كل من هم في هذا المكان وكانت سبب رئيسي في وجودك الذي آمل فيه الكثير من الإضافات.
لك الشكر مجددا

الأخ الأكرم tmbis
تحية واحتراما
أشكر لك أولاً حسن ردك عليّ
وما كانت مداخلتي تحمل أية شبهة للملام أو العتاب
وإنما كانت دعوة منا جميعاً لنلتفت للضلع الثالث في مثلث الأغنية
الضلع الذي كثيراً ما يغيب أو نغيبه نحن في غمرة الموسيقى والصوت الصداح
نعم شاعر هذه الأغنية هو الأستاذ الطيب برير يوسف
الذي ظل معانداً للضوء ومشاكساً للظهور
نادته الأخت الشاعرة عبير في بوستها (ابحثوا عنه فكلماته ركن الهدوء) فجاء على استحياء كعادته
ناقشته مرة في عدم التعامل مع المغنين
كان له رأى غريب
قال لي إنه في غاية السعادة لأن أحدهم لم يغني له
بحجة أنه لا يحب أن يعرق شعره ويسمع من خلال أي واسطة تكون هي المقصد الأول
فلو أن الناس سمعوا له أغنية بعينها وعلقت في الأذهان
لاشترط عليه أن يقدم ذات النموذج في ذهن المتلقى دائماً
وضرب لي أمثلة على ذلك
والأمر الثاني يرى أن الأغنية تظل مرهونة بصورة كبيرة عند المتلقى بالمغني وليس بشخصية الشاعر
نختلف أو نتففق معه في ذلك هذا أمر
لكن الأمر الأكثر أهمية هو أن نحترم هذا الرأى ونقول له بالصوت العالى
من يقول مثل هذا الكلام فلم ولن يعود ملك نفسه
إن جاء سنحتفى به وإن غاب سنبحث عنه
أجدد شكرى لك الأخ tmbis
-----
لازلت أستلف كمبيوتر جارتي
لذلك أرجو المعذرة إن غبت لبعض الوقت
لك العتبى حتى ترضى

الأخت العزيزة مهي عبد الله.
شكرا لحضورك مجددا.. الذي كنت انتظره..

Quote: وما كانت مداخلتي تحمل أية شبهة للملام أو العتاب وإنما كانت دعوة منا جميعاً لنلتفت للضلع الثالث في مثلث الأغنية الضلع الذي كثيراً ما يغيب أو نغيبه نحن في غمرة الموسيقى والصوت الصداح نعم شاعر هذه الأغنية هو الأستاذ الطيب برير يوسف الذي ظل معانداً للضوء ومشاكساً للظهور نادته الأخت الشاعرة عبير في بوستها (ابحثوا عنه فكلماته ركن الهدوء) فجاء على استحياء كعادته ناقشته مرة في عدم التعامل مع المغنين كان له رأى غريب قال لي إنه في غاية السعادة لأن أحدهم لم يغني له بحجة أنه لا يحب أن يعرق شعره ويسمع من خلال أي واسطة تكون هي المقصد الأول فلو أن الناس سمعوا له أغنية بعينها وعلقت في الأذهان لاشترط عليه أن يقدم ذات النموذج في ذهن المتلقى دائماً وضرب لي أمثلة على ذلك والأمر الثاني يرى أن الأغنية تظل مرهونة بصورة كبيرة عند المتلقى بالمغني وليس بشخصية الشاعر نختلف أو نتففق معه في ذلك هذا أمر لكن الأمر الأكثر أهمية هو أن نحترم هذا الرأى ونقول له بالصوت العالى من يقول مثل هذا الكلام فلم ولن يعود ملك نفسه إن جاء سنحتفى به وإن غاب سنبحث عنه

سعدت صباح اليوم بمعرفة شاعر القصيدة استاذنا الطيب .. كنت في انتظار ان تأتي الاضافة منك .. وفي الطرف الاخر .. تابعت مداخلاتك القيمه في بوست الأخت عبير خيري وما كتبه كل من هم بجوا هذا الانسان الطيب ... اذا لا عجب ان يلتقي الطيب البرير .. والهادي فهما من نفس طينة الابداع .. ونقاء الروح ..
كانت قمة سعادتي وانا استمع خلال هذا اليوم لصوت الاستاذ الطيب البرير من الجانب الاخر من الهاتف .. وهكذا دائما يخدمني الحظ في كل من يأتي من الهادي ..

الطيب البرير ما عندو اي طريقة غير يكتب من هذا الكلام
والهادي يترجم.. الحان واداء موزون..
ولنا دهشة الاستماع..

شكرا مجددا مهي .. واهلا بعودتك مجددا..

راجعي البوست بشكله الجديد

الهادي حامد ( ود الجبل ) .. فــــاتت..]

تمبس علاء00
برغم من اننا ناكبد بين شقوق الوقت لكى نطل لكن من اجل جمايلك استنفرت كل الاصدقاء من اجل ن يمدونى بكل شى وانا انتظر منهم كل ما لديهم من ابن المنطقه ومن هناك يحيووك من العمق العاشر 00
ومن طيبه ومن تريعة البجا00 من كل الاماكن هناك حين يمسون ويصبحون من كل ركن فى الاحياء000
فقد قلت الحق كل الناس تردد هتاف ذاك الرجل حتى النساء المتقدمات فى السن 00فهو شهيق المدينه ياتمبس 00
انت ادرى ياصديق 00جمال تلك الحوارى التى كنت بها من ديمها وحلتها الجديده واراضيها وووووو00انت ادرى ومالديك يكفى لصنع بوستات فكل زاويا تحتاج الى صحف تفسير000
واصل وانا اتاوق وكل مايطل شعاع من هناك ساشق كل الحواجز واتي اليك هنا00
فانت تستاهل00
والهادى حامد ود الجبل يستاهل00


اصبح بوستك لى ملاز ياتمبس00
وشجن زكريات 00
اسرد منها لياليك هناك 00
اسرد ارجوك000

واصبح على قيف الصحراء والريح الحفيف00
كنتى سابقتى الزمن وانتظرتى على الرصيف00
لو شفتى كيف00بنزيف نزيف00

سلام يا علاء الدين

طبعاً الحديث عن الهادئ صعب شويه

أنا عم الراجل ده يا تمبس بخليني اعيط

فبحزنه دمع ودمه بالفرح

تعرف ياتمبس

مدخل النص الغنائي ده

فاتت وفي السحاب
مسراها
لملمت السحاب في عيني شان
اللقاها

قطعة من حكاية البلددي معانا

غايتو ان دورت بجيب ليك الغنية دي بعود كاش كده

" أوعه اكون فتلت ليك البوست .!؟

تمبس .. شكراً على الدرس المجاني
والله دا درس ما بتلقي في معهد الموسيقى والمسرح .. اديك العافية
وصلني الرابط .. تاني ما تعملها ... يا بخيل

ابراهيم الجريفاوي..

دا باب السنط بتاع عقد الجلا ولا شنو....
لك التحية ويديك الف عافية ... كل سنة وانت طيب

وليد
اتمرن كتير ..
سمعت تحت تحت كده الخميس الجاي المنتدي فيهو حفلة علي شرف الافتتاح

يا قرمبوز ..
بابك الجبتو ده .. بشبه لي ( باب الروح متاكا انسربي ).. صاحيات الحدائق ارعي..

انت قاصد بيهو .. ادخلي زي ما عايزه ..والا الباب البجيب الريح ..

Quote: فاتت وفي السحاب مسراها لملمت السحاب في عيني شان اللقاها

والله ياابراهيم مرات قاعد احسدك في باقي الحاجات الفضلت دي ..
قاعد تسمع الهادي Fresh
وانا بقيت زي ما شايف افتش في .. البصبحنا لي بكره ..


جيب لي الحاجات كلها ياقرمبوز .. وكان ما لقيتني في عارف مشاويري شكلها كيف
اجدع بس بي فوق حيطة الماسينجر ..
وياني اخوك .. المشتيهيك ياقرمبز..

تمبس عزيزي سياتى اليوم الذى احكى لك سر المدينه (جبل الاولياء) وحكاوي الاستاذ ود الجبل الهادى مابين سيارته الكلاسكيه الى دراجته الجميله ومشاويره الكدارى بين قلوب شعب المدينه وجلساتنا فى ظل ذاك العود الرفيق فى حضرة مجلس يزينه كثيرا (قاسم ابوزيد-الشاعر )00
يااااااااااااااه ياعلاء اشياء تحتاج لكثير من الوقت لكن كيف السبيل للخروج مع زخم الحياة التى تشرى وتبيع فينا00ميتاق تاريخ لهذا الجبل الهادى حامد فى الذاكره فقط كيف السبيل لكى نرد له بعض الديون 00
شكرا عظيم ياتمبس على الاستاذ وشكرا تانى كمان ليك000
الم تسمع قصة ياقهوتا 00تلك بائعه الشاى فى السوق والتى يستظل عندها قاسم ابوزيد والهادى ونقتاد نحن والاصدقاء من تلك الاستظلاله 00
حكاوي عجيبه ومنزفه لدمع القلب 00ياقلب انت00
كم انا حزين بك000
بعض رحيقيه ياتمبس وجزء من الكل00
1. المدينة (كلمات) حسن السر00
2. عرفتك (كلمات) عبدالرحمن السمانى00
3. خلى الناس (كلمات) التجانى حاج موسى00
4. بغنيلك (كلمات) موسى ابراهيم00
5. السراب (كلمات) عبدالله قوته00
6. لو شفتى (كلمات) خطاب حسن احمد00
7. يازهره (كلمات) خطاب حسن احمد00
8. الصدق والنم (كلمات) حسن محمد القدال (مرثيه الاستاذ مصطفى سيداحمد)00
9. انت المفارق (كلمات ) عبدالرحمن السمانى00
10. كراسى القلب (كلمات) قاسم ابوزيد00
11. ياقهوتا (كلمات) قاسم ابوزيد00
12. ميساء كلمات) الهادى حامد *لحن- سليمان عبدالقادر ابوداؤد00
*كان يلحن من صميم انفاسه الا القليل00وله مع مصطفى سيداحمد مرافقه كانت اجمل ماتكون وحكاوى لاتمل منها الاذان00
شكرا صديقى العزيز تمبس علاء00

والله يا تامبا
ودالجبل دا لما أسمعه بحلق معاهو في فضاءات آخرى ..
وبعدين فعلاً منتظرين تنزل كل الأعمال الجميلة بتاعتو ..

عزيزي تمبس
في ذات يوم يسودني الضجر زرت أحد أصدقائي ، فعرف مابي ، اخرج من أدراجه جهاز تسجيل صغير ، وبصوت شبه مكتمل أخرج الجهاز الصغير صوتاً جهوراً صاحبته دندنة العود من ود الجبل ، ثم انساب اللحن ، فجأة أنتبهت ان هذا اللحن قد اذاب مابداخلي ، سالت صديقي لمن هذه الكلمات الجديدة فتبسم ضاحكاً ضحكة صفراء لم يجيبني ولم أنتظر أجابته فقد عرفت أنه هو من خط هذه الكلمات فقد كانت تشبهه تماما.... وعرفت فيما بعد سر تلك الغنوة

الأن اقتبس كلام الأخت مها ، واقول

Quote: من هو؟ ولماذا لم تتم الإشارة إليه؟ أقول هذا لأني أعرفه حق المعرفة وأعرف تفاصيل هذه القصيدة المغناة وأعرف كيف وصلت إلى الهادي الجبل دون غيره

هي دعوة لك ولكل المهتمين بانزال الاغنيات أن يزكروا اسم الشاعر متى ما تسني لهم ذلك

هل أتفقنا يا صديقي !! كلم معاك معتصم ، وعمك تنقو

وشكر لكل هذ الجمال

العزيز صديق
وخليني اقتبس كلامك

Quote: في ذات يوم يسودني الضجر زرت أحد أصدقائي ، فعرف مابي ، اخرج من أدراجه جهاز تسجيل صغير ، وبصوت شبه مكتمل أخرج الجهاز الصغير صوتاً جهوراً صاحبته دندنة العود من ود الجبل ، ثم انساب اللحن ، فجأة أنتبهت ان هذا اللحن قد اذاب مابداخلي ، سالت صديقي لمن هذه الكلمات الجديدة فتبسم ضاحكاً ضحكة صفراء لم يجيبني ولم أنتظر أجابته فقد عرفت أنه هو من خط هذه الكلمات فقد كانت تشبهه تماما.... وعرفت فيما بعد سر تلك الغنوة

وخليني اقول ليك كمان ..
تكرر معاي نفس المشهد وكنت في غاية السعادة بهذا الانسان الشاعر .. له مني الحب بقدر كلماته النقية..

متفق معاك تمام الاتفاق .. بس انت كمان ما شاعر انك بخلت علي ؟؟
حتى كمان الاخت مهى معاك ...

مووووو..
زي تحليقي بتاع كل مرة مش كده ؟؟
اعمل حساب اننا ح نكمل المشروع ده .. مع بعض ،، طبعا جاهز لي العمل الجاي المتفقين عليهو
مش كده ؟؟ والا عندك راي ؟؟
قاعد اعتمد عليك

تروتسكي ..
ايام خالده في ذاكرتي .. ملونه بضحكة عذبه من شخصية ما اغمد جفوني والا وتزاحمني .. يرجعني لهم في مخيلتي هذا الهادي ..
مساء شتوي سحيق .. اخبرني اخي عن دهشته بهذا الهادي وهو مشبع به وكنت لم التقيه بعد .
تعرف ياتمبس في زول اسمو الهادي .. ده الظاهر لي احسن زول بيعرف بيغني في الدنيا.. كنت في حفلة في الجبل اكتشفت انو حتي الحبوبات كانت بتغني معاهو ..
اشتقت من كلامو ان استمع لهذاالهادي ..
درات الايام .. مناسبة لاحد اقاربنا .. وقع اختياري علي الهادي .. واصريت علي اختياري .. كان هناك خيار آخر بأحد فناني القمة .. اصريت علي اختياري وتمسكت بالهادي ..
ذاك المساء غني الهادي .. وغني .. بطيبته غن المدينة علي بعد خطوات من منزل الاستاذ حسن السر .. اندهش الجميع .. احاطو به بالمسرح .. من اول اغنية حتى نهاية الحفل لم يبارح الهادي خشبة المسرح وصادف ان تغني بأغنية واحده لاكثر من مرة حسب طلب الحضور. رقصنا معه .. واحتويناه
سمعته وعايشت جانب من تفاصيله المتعبه .. المزعجه..

شكرا لوجودك في هذا المكان الطبيعي لك ومعك لوحة شرف الاساتذة وانتظر حكاوي الجبل وكنت قد عايشت فترة منها.. مع الصحاب

تمبس... حياك الله يا اخوي
والله انا لوقايل البوست دا فيه شحتفه كدا ما كنت دخلت ...
شنو شاعر الاغنية، وما ادراك ما قصة الاغنية، بعد شويه ملحن الاغنية...
طيب مصورها منو ... والمخرج المنفذ برضو ما ليهم نصيب ...

بصراحة!!! بصراحة كدا يا جماعة اعجبني هذا البوست، وانا واثق تمبس ذات نفسو
ما متوقع الكم الهائل من هذا الاقابل والمعلومات الهائلة عن الهادي ...
وهذه التي ( فاتت) ... اكيد لينا وقفات فيها عشان نستزيد اكثر ,,,
وبرضـــو ... فااااااااااتت

والله ياوليد ده مش فيهو شحتفه
ده طلع لي حاجات جميلة جدا ما كنت منتبه ليها
وجاب لي مكالمة من شخصية تدفق انسانية .. وعذوبه .. كان ما عارفو ..

تعرف الواحد كان فتش جوه البورد ده بيلقي العجب ..
خليني افتش وبجيك راجع ..

حترجع هي زي أول وتفتح بالفرح
دنياها
وتقدح قلبي بالآمال وعارف نبضي جوه
دماها





تمبس يا لذيذ شكرا

سوركتي ..
وينك ؟؟
حمد الله علي السلامة ..

قول وكمل باقي الكلام...انت سيد الدار ...

up

العزيز تمبو..

نشكرك على شنو ولا على شنو..؟

أول من عرًفنا الهادي ود الجبل هو الصديق عبدالرحمن سوركتي.. وطبعا ما حأقول سر لو قلتا ان سوركتي بيملك أجمل صوت وغنًاي لدرجة.. وبقينا نتابع معاهو انتاج الهادي حامد المتميز..

تحية للصديق الطيب برير على الكلمات الرائعة..

تسلم..

تماضر ..
Upik زي الورد دائما.. وطلتك خليها ساكت..

رجــاء ..

Quote: سوركتي بيملك أجمل صوت وغنًاي لدرجة..

بلاي ؟؟
طبعا انا ناقش حاجات تانية .. دي غايتو جديدة .. لكن المشكلة يارجاء يلمو فيهو كيف ؟؟

Quote: تحية للصديق الطيب برير على الكلمات الرائعة..

وليك وللهادي كمان ..
وبرضو لي استاذة مهي عبد الله وفي انتظاره بشده

Quote: يا شوق الولف في غنايا ويا حزن الرحيل في غناها كلمـــــــات الأستاذ الطيب برير يوسف

ونسمع ود الجبل
تبقى ما فاتت ولا حاجة !!
قاعدة الروعة ومتحركة
سلامات تمبس
وبعد إذنك أعزم صديقنا كبر
لانه مره قلت ليه حب الجمال دا اتعلمته هنا
والليلة عايز اقول ليه مع تمبس دا

ياعلا يافنان

بلقيس ..
مليون سلاماااااااات..

( كبر ) ده يابلقيس احسن حقل تجارب للحاجات الحلوة .. وتمشي فيهو طوالي ..
مواعدني بي حاجات سمحه .. لكن زايغ مني ..


بعدين حركات تحياتي البتتقلب دي لفحتيها من وين ؟؟

تمــبــكــتـو ...

بالمناسبة رغم انها فاتت ... والكلام دا من اسبوعين تقريباً

لكن اكــدت مصادرنا ... انها قاعدة ولسه باقية فينا

دقـــت وتر يسوق الزول في نفـــس خــطـاهـــا

بالمناسبة يا تمبس الليلة في بروفات ودورس خصوصية

عند معتصم دفع الله، ارجو الالتزام بالحضور في الزمان والمكان المحددين


صـــــــــدر تحـــت توقيعــــــــــــي ...