Post: #1
Title: في وادي امسدر ...
Author: tmbis
Date: 12-11-2004, 11:39 PM
Parent: #0
تم إنتاج هذا المسلسل .. في العام 1985 وعرض في تلفزيون السودان .. ابان العصر الذهبي للدراما السودانية ..
يعتبر من الأعمال الخالدة في وجدان المتلقي السوداني .. لملامستها شريحة هامه من شرائح المجتمع وتسليط الضوء علي طريقة حياتهم في موطنهم الطبيعي ومقاومتهم للحياة بكل تفاصيلها ومعاناتهم في كسب العيش .. عن طريق التنقل من منطقة لأخرى سعيا وراء المآكل والمشرب وهجرة الريف للمدن ومحاولة التعايش مع رتابة إيقاعها..
اشترك في هذا العمل العديد من الاساتذة وخريجي معهد الموسيقي والمسرح .. منهم من انتقل إلي رحمة مولاه ومنهم من هو يناضل متمسكا إلي الآن بقضية وهم المسرح والدراما السودانية ومنهم من تغيب عن خارطة الدراما السودانية بسبب عامل الهجرة بضروبها المختلفة وكان لنا وافر الحظ أن نلتقيهم في هذه المساحة سودانيز اون لاين
الأستاذة تماضر شيخ الدين
الأستاذ يحي فضل الله العوض
الأستاذة مريم محمد الطيب ...
واترحم علي روح الاستاذ عوض صديق .. والخالد في وجداننا عميري ..
سبقتني عضوة بالبورد في تقديم هذا العمل بسرد جميل .. وهذا البوست امتداد طبيعي لمحاولة تنشيط الذاكرة والعودة لهذا العمل من خلال عرض مقاطع فيديو صغيرة .. واتمني ان تعيدكم إلي هذا العمل ..
وعذرا لعدم وضوح الصورة في بعض المقاطع نسبة لعدم جودة المادة ..
هي مجرد محاولة ..
|
Post: #2
Title: Re: في وادي امسدر ...
Author: ود شاموق
Date: 12-12-2004, 05:46 AM
Parent: #1
علي الطلاق UP
|
Post: #5
Title: Re: في وادي امسدر ...
Author: tmbis
Date: 12-13-2004, 09:27 AM
Parent: #2
شاموق يالذيذ..
الرياض فاقداك .. 
علي الطلاق ياودشاموق الواحد تاني كان البوست فتح منو الا يسجل اشتراك في صالة العــاب ..
متذكر المسلسل ده ياشاموق والا .. رهاب رهاب زينا كده ..
|
Post: #3
Title: Re: في وادي امسدر ...
Author: almulaomar
Date: 12-12-2004, 05:57 AM
Parent: #1
يعني يا تمبس لازم كل مرة تؤكد لينا إنو الذي نفسه بغير جمال لا يري في الوجود شيئاً جميلاً. شكراً لكل هذه المساحات التي تزرعها جمالاً وإبداعا يا فنان
|
Post: #4
Title: Re: في وادي امسدر ...
Author: waleedi399
Date: 12-12-2004, 06:38 AM
Parent: #3
تمــــبس ...
إن بقى البندر رقادك ...
كان اخير ليك المحل ...
تمبس انا ما داير اتكلم عن العمل رغم البساطة ...
لأنو العمل براهو بتكلم عن نفسو ... لكن للمعلومة فقط ..
يقال ان منطقة وادي أم سدر تقع في شمال منطقة ام درمان
بالقرب من الســـروراب والجزيــرة اسلانج ... فهل هذه حقيقة؟ 
|
Post: #7
Title: Re: في وادي امسدر ...
Author: tmbis
Date: 12-13-2004, 09:42 AM
Parent: #4
| Quote: لأنو العمل براهو بتكلم عن نفسو |
فعلا ياوليد العمل جدير بالمراجعه والوقوف عندو .. ومقارنتو مع الشي الحاصل حاليا في الدراما السودانية وبالرغم الامكانات الضخمة من تصوير وانتاج واكاديميات الا انو المقارنة واضحه في صالح العمل ..
Quote: يقال ان منطقة وادي أم سدر تقع في شمال منطقة ام درمان
بالقرب من الســـروراب والجزيــرة اسلانج ... فهل هذه حقيقة؟ |
طبعا ياوليد انا حدي الكلية الحربية بس .. لكن لي وراء كده .. مسطح تسطيح السنين
|
Post: #6
Title: Re: في وادي امسدر ...
Author: tmbis
Date: 12-13-2004, 09:34 AM
Parent: #3
العزيز الملا عمر ..
شكرا دائما لحضورك الانيق .. فيما نحتفظ به من اشياء جميلة تعودنا علي المرور عليها لتأكيدها ..
العمل اكيد عجبك ونشط ليك الذاكرة حبتين ..
طبعا الوكت داك نحنا كنا صغار شديد ما قدركم
|
Post: #8
Title: Re: في وادي امسدر ...
Author: waleedi399
Date: 12-13-2004, 10:55 AM
Parent: #6
المنتاج مـــــــــا في الســــلك يا تمبس، تعرف المسلسل دا بيؤكــد
او نحن بدينا بالمقلوب، يعني من فوق لتحت بالعربي كدا السقوط من الاســفل   
|
Post: #11
Title: Re: في وادي امسدر ...
Author: tmbis
Date: 12-14-2004, 09:32 AM
Parent: #8
المنتاج ده حركات بسيطه ياوليد لسه تحت التجربة حالتو
| Quote: السقوط من الاســفل |
طيب لمتين ؟؟ ومافي طريقة طلعه قريب ؟؟
|
Post: #9
Title: Re: في وادي امسدر ...
Author: Hadia Mohamed
Date: 12-13-2004, 11:03 AM
Parent: #1
شكرا على الاشراق تمبس
الفرهيد
تم الريد....................
النديانه
لا نسى بان بطلة المسلسل الفنانة الجميلة منى الطاهر ومن اعظم الممثلين بجانب من ذكرتهم هو الممثل القدير والمهموم بالفن انور محمد عثمان واستاذ انور قام بفتح كليه للدراما بجامعة النيلين .
والتحية للفنانة فايزه عمسيب والفنان احمد البكرى
و بلقيس عوض .
|
Post: #12
Title: Re: في وادي امسدر ...
Author: tmbis
Date: 12-14-2004, 09:47 AM
Parent: #9
هــادية
سلامات ..
كنت بتمني انو مساحة الفيديو تسمح لتقديم اكبر عدد من المقاطع لكل الشخصيات الشاركت في العمل لكن اكتفيت بجزء من المقدمة واضح فيها كل القدمو العمل ..
تحية للاستاذ انور والمحاولات الاخرى لعديد من الاساتذة والخريجين لمحاولاتهم الجادة في النهوض بالدراما السودانية ومحاولات خلق جيل مؤهل يحمل نفس الصفات الوراثية لجيل العمالقة..
معك ارسل التحيات للاساتذة
فايزه عمسيب
مني الطاهر
بلقيس عوض
الطيب شعراوي .. وكل المشاركين في العمل ..
|
Post: #10
Title: Re: في وادي امسدر ...
Author: Hafiz Bashir
Date: 12-13-2004, 11:23 AM
Parent: #1
الرائع تمبس
اول مرة الاقيك في البورد وعشان ترحب بي
عليك الله نزل لينا لنك الحفظ
انا و الجندرية
|
Post: #14
Title: Re: في وادي امسدر ...
Author: tmbis
Date: 12-14-2004, 09:54 AM
حافــظ
ان شاء الله متلاقيين طوالي ومليون وخمسمية مرحب بيك ..
وده لنكك للحفظ.. يا حافظ
|
Post: #13
Title: Re: في وادي امسدر ...
Author: نــوف
Date: 12-14-2004, 09:51 AM
Parent: #1
| Quote: واترحم علي روح الاستاذ عوض صديق .. |
بسم الله عــــوض صـــديق مات متين ياتمبس؟؟؟؟؟؟؟؟؟
|
Post: #17
Title: Re: في وادي امسدر ...
Author: tmbis
Date: 12-29-2004, 08:25 AM
Parent: #13
نــوف
حيرتيني طبعا .. الشي العارفو انو اتوفي قبل فترة ...
غايتو كان كلامي ده طلع هضربة ساكت اكون بالغته ..
ياجماعة المعلومة دي مش صاح ؟؟
واحد يلحقنا ياجماعة...
محمد الامين .. حلني من الورطه دي ياخ ...
|
Post: #15
Title: Re: في وادي امسدر ...
Author: محمد الامين احمد
Date: 12-28-2004, 06:10 PM
Parent: #1
up
up
|
Post: #16
Title: Re: في وادي امسدر ...
Author: محمد الامين احمد
Date: 12-29-2004, 08:15 AM
Parent: #1
و دى عشان حليفة ود شاموق
up
|
Post: #18
Title: Re: في وادي امسدر ...
Author: عمر الفاروق شيخ الدين
Date: 12-29-2004, 08:37 AM
Parent: #1
اخونا تمبس:
الفنان عوض صديق عملاقنا الكبير توفاه الله والمعلومة صحيحة لا اذكر التاريخ بي الضبط ولكن المعلومة مؤكدة رحمه الله رحمة واسعة ولكن لم تمت اعماله الخالدة فينا والتي كان اشهرها " بائع السموم" وبقي لنا من روح هذا العملاق المخرج المميز ابنه " مجدي عوض صديق" والذي له بصمات واضحة في قناة النيل الازرق وقبلها الفضائية السودانية
|
Post: #19
Title: Re: في وادي امسدر ...
Author: محمد الامين احمد
Date: 12-29-2004, 08:43 AM
Parent: #1
العزيز تمبس
الفنان عوض صديق رحمة الله ، متواجد بيننا بتلك الاعمال التى زينت
سماء الفن السودانى، نسأل المولى عز و جل له المغفرة و الرحمة
Quote:
وفاة الممثل السوداني عوض صدّيق
توفي في الخرطوم امس الممثل والمسرحي السوداني الكبير عوض صديق بعد حياة فنية حافلة ورصيد ابداعي غني في مجال التمثيل الدرامي في الاذاعة والتلفزيون والمسرح امتد لاكثر من اربعين عاما.
وكان الفقيد صاحب اداء وحضور متميزين في الحركة الفنية السودانية واشترك بصورة فاعلة في كل من فيلمي «بركة الشيخ» و«عرس الزين» و«فانتازيا معركة كرري الى جانب معظم المسلسلات السودانية والعديد من الاسكتشات الدرامية والتمثيليات الاذاعية والدراما الاجتماعية والبرامج العامة.
ويعد الراحل عوض صديق من الجيل المؤسس للحركة المسرحية في السودان وعاصر واقعها الجديد بأدائه العديد من الادوار والشخصيات الدرامية
|
نقلا عن جريدة البيان الاماراتية
7th of Augast 2002
http://www.albayan.co.ae/albayan/2002/08/07/mnw/28.htm
|
Post: #20
Title: Re: في وادي امسدر ...
Author: tmbis
Date: 12-29-2004, 08:53 AM
Parent: #19
عمر الفاروق
ومحمد الامين ..
رحم الله الاستاذ عوض صديق رحمة واسعه وعزانا في مجدي مواصل للمسيرة ..
شكرا جزيلا ..ياشباب ..
انا متاكد انو مر علي الخبر ..
نـــوف
بلاي بعدما تجي ادفعي لينا بدل جهجهه
|
Post: #21
Title: Re: في وادي امسدر ...
Author: معتصم ود الجمام
Date: 12-29-2004, 04:41 PM
Parent: #20
اولا التحيه لك يا علاء
عوض صديق ممكن مات تمه سنتين
وادي ام سدر يا جميل اجمل كان فيه
الجميل خطاب حسن احمد
يا جميل يا اخي اتصل على علمني
شويه معاك من فيديو ذي ما علمتني الاوديو
وحادهشك باشيائي الجميله ولا اقول ليك زورني مره
ولو بعد الحج
معتصم
|
|