Post: #1
Title: .. عمك تنقـــو .. اسرارك خطيــــره ..
Author: tmbis
Date: 12-27-2004, 08:45 AM
Parent: #0
إن رأيت الصبح يبدي لك سحرا
فاذكريني واذكري يوم البحيرة
يوم أقبلني وفي يمناك زهرة
وقد حكت
في وجهك الوضاح ثغرة
ونسيم الصبح يهدي
لك سحرا
والندى يكسو وجوه الزهر نضره
فاذكريني .. واذكري يوم البحيرة
لم أعد اذكر إلا أن نظرة
أشعلت
في قلبي الولهان جمره وأثارت في حنايا الصدر زفرة
وأسالت
من سواد العين عبره
فاذكريني ... واذكري يوم البحيرة
فاذكري إذ قلتي هذا اليوم غرّ
في جبين
العمر فنان فيه بشرى وانثري في
شعرك
الفتان عطر وانثري في خدك الفنان دره .
فاذكريني ....
|
Post: #2
Title: Re: .. عمك تنقـــو .. اسرارك خطيــــره ..
Author: قرشـــو
Date: 12-27-2004, 08:59 AM
Parent: #1
تمبس الله ينصر دينك
ياخى دى قلبت فيها هوبة عديل كده
بالله من وين جبتها
الله عليك ياخى وبالله ما تحرمنا من الروائع دى
خلينا نروق دمنا شوية
تسلم لينا وتشكر على الابداعات
|
Post: #3
Title: Re: .. عمك تنقـــو .. اسرارك خطيــــره ..
Author: tmbis
Date: 12-27-2004, 10:14 AM
Parent: #2
العمـــــدة قرشـــو
مليون سلام ياحريف السمـــع..
اسرار الله يطول عمره .. احسن زولة بتختار .. الاغاني المفترض تتغني .. وصوته بيكمل الباقي ..
بتعدل المزاج الرايق ..
الملف ده تحديدا ومعاهو مجموعة محترمة وصلتني من العزيز الصادق خليفة والراجل اخو اخوان دائما بيعدل المزاج بي الحاجات الكويسه دي ..
والايامات دي اناباقي لي عمك تنقو في رقبتو .. والحصيلة ماشه كويس .. اتوقع انو حقك يجيك لي عندك .. كان بالرجلين بنوصلو
انت غالي علينا ياعمدة ..
محمود حسنين في البال ياعمدة .. بس لما نلم فيهو ؟؟
|
Post: #4
Title: Re: .. عمك تنقـــو .. اسرارك خطيــــره ..
Author: مريم بنت الحسين
Date: 12-27-2004, 10:18 AM
Parent: #3
تمبس .. انا خلاص .. زعلته منّك تب.. نهااااااائي ما اشوفك تاني.. ولا تجي بي أي حته ممكن اكون انا فيها.. وحأطلع امر محكمة انك ما تتواجد في area بتاعت خمسة كيلومتر انا ممكن اكون فيها... وبالله كلم عمّك تنقو معاك...
والله بتبالغوا
بنت الحسين
|
Post: #5
Title: Re: .. عمك تنقـــو .. اسرارك خطيــــره ..
Author: tmbis
Date: 12-27-2004, 11:07 AM
Parent: #4
مريـــــم..
حالتو عاملين ليك اعتبارات خاصة .. وبجيب ليك في الحاجات البــارده البتجيب الطراوة وكده..ولسه ما مشينالي .. المكانات التانية ..
انا ساهل يامريم
لكن تعبتي مع عمك تنقو...
عليك الله اسمعي الاغنية دي كويس كده .. ولما توصلي معاها مكان بلاي اسمعيها بتقول فنان دي كيف ؟؟؟
انا قبل كده قلت ليك بشاطرك نفس الجرسه والا ما قلت ليك ؟؟؟
كان ما قلت ليك ياني حسع بقولو ليك ..
اسرار بابكر صوته بيجرس الواحد..
|
Post: #6
Title: Re: .. عمك تنقـــو .. اسرارك خطيــــره ..
Author: 3mk-Tango
Date: 12-27-2004, 02:47 PM
Parent: #5
| Quote: اسرار بابكر صوته بيجرس الواحد. |
كدي خليهم اتنين .. ولا اقول ليك عشان بنت الحسين كمان قول ثلاثة ..
كدي خليني امشي استوعب واجيك
قال عندي صلعة قال ... 
|
Post: #9
Title: Re: .. عمك تنقـــو .. اسرارك خطيــــره ..
Author: tmbis
Date: 12-27-2004, 03:31 PM
Parent: #6
| Quote: قال عندي صلعة قال ... |
انا قلت ليهو الزول ده صاحبي ..
بس دماغو ناشفه ما بسمع الكلام
طيب خمسه علشان خاطر مريم كمان ..
|
Post: #7
Title: Re: .. عمك تنقـــو .. اسرارك خطيــــره ..
Author: Raja
Date: 12-27-2004, 03:01 PM
Parent: #1
تمبو وتنقو..
غايتو بس انحنا بختنا..
|
Post: #11
Title: Re: .. عمك تنقـــو .. اسرارك خطيــــره ..
Author: tmbis
Date: 12-27-2004, 04:09 PM
Parent: #7
رجــاء..
بختكم كده حاف ويدينك فاضيات ؟؟
اعملي ليك اي حركة ... ان شاء الله تجيبي معاك كنافه
حلة البطاطس الفي النار .. راحت في ستين داهية ..
بكره الغداء Neeem
دي حاله دي 
|
Post: #8
Title: Re: .. عمك تنقـــو .. اسرارك خطيــــره ..
Author: معتصم الطاهر
Date: 12-27-2004, 03:10 PM
Parent: #1
شكرا .. تمبس
تنقو ..
بس بقوا الناس (؟؟) يتعلموا منكم الحاجات دى ..
ولو اتعلموها كويس .. اها ..
|
Post: #10
Title: Re: .. عمك تنقـــو .. اسرارك خطيــــره ..
Author: معتصم دفع الله
Date: 12-27-2004, 03:58 PM
Parent: #8
تمبس نحن قبيل شن قلنا ..
ولا أنادي ليك العصابة ديل ..
يشوفوا ليهم صرفة معاك ..
عالم ما بتحفظ الأسرار ..
|
Post: #19
Title: Re: .. عمك تنقـــو .. اسرارك خطيــــره ..
Author: tmbis
Date: 12-28-2004, 08:10 AM
Parent: #10
مووووو
| Quote: ولا أنادي ليك العصابة ديل .. |
واحد من الجماعة اياهم اتصل علي قبل شوية .. قال لي زهجان وبطني طامه من البورد .. وانا ح اخلي البورد وتاني ما جاي ..
في نفس الوكت انا بتكلم معاهو بالتلفون قعد يوصف لي امشي ادخل بوست فلان الفلاني شوفو كاتب شنو ؟ عليك الله الكلام ده صاح
اها شوف ده القال عايز يخلي البورد..
برضو تقول لي عصابة ؟؟
|
Post: #12
Title: Re: .. عمك تنقـــو .. اسرارك خطيــــره ..
Author: tmbis
Date: 12-27-2004, 04:26 PM
Parent: #8
| Quote: بس بقوا الناس (؟؟) يتعلموا منكم الحاجات دى .. |
معتصم الطاهر .. حبابك ملوين وزيادات ..
انا غايتو جاهز ما عندي اي تعطيل ..
|
Post: #13
Title: Re: .. عمك تنقـــو .. اسرارك خطيــــره ..
Author: Rawia
Date: 12-27-2004, 04:51 PM
Parent: #12
تمبس احسن ليكم تورونى القى الغنا دا وين
بعرف احمله عند بكرى
وبعرف انزله يلا ورونى بتجيبو الحلاوة دى كلها من وين
ولا تنقو الجايب اسرار بى الفاتح حسين زاتو معاها
|
Post: #20
Title: Re: .. عمك تنقـــو .. اسرارك خطيــــره ..
Author: tmbis
Date: 12-28-2004, 08:19 AM
Parent: #13
راويـــة..
| Quote: تمبس احسن ليكم تورونى القى الغنا دا وين |
بعدما تقدمي طلبك ويمر علي تلاتة جهات مختلفة ومناطق متفرقة حول العالم .. وبعد داك يتم التشاور والتوصيات .. والذي منو .. وبحث آلية لتفعيل التواصل والتبادل المشترك في قطاعات كبيرة من المجتمع وشنو كده ما عارف .. حتى بعد داك نقول ليك
مش قالو ليك الكلام ده سر ؟؟
لكن معانا واحد خشمو خفيف كان زنقتيهو بيديك بخره .. كدي حاولي
|
Post: #14
Title: Re: .. عمك تنقـــو .. اسرارك خطيــــره ..
Author: abas
Date: 12-27-2004, 09:40 PM
Parent: #1
يا قرشو العمده
تمبوسه ده ما قلب هوبه
ده خلانا ننطط احنا قلبنا احنا الهوبه
شكرا علي هذا الابداع يا تمبسه
لكن ما تشوف لي خالك واحده جديده من ندي القلعه
|
Post: #21
Title: Re: .. عمك تنقـــو .. اسرارك خطيــــره ..
Author: tmbis
Date: 12-28-2004, 09:03 AM
Parent: #14
يا عبس ..
سلامات ياوجيه..
شايفك يوم الخميس كملتو كلو ..
وصلتني قبيل حاجاتك الرسلتها لي ..
ما غتاته مني بس الشديد القوي منعني .. والشديد القوي ده عندو كم تصنيف بحكيهو ليك لما اتصل عليك ..
| Quote: لكن ما تشوف لي خالك واحده جديده من ندي القلعه |
انت ندي القلعه دي بتثبت ليها .. والا بتجهجهنا معاك ساكت
|
Post: #27
Title: Re: .. عمك تنقـــو .. اسرارك خطيــــره ..
Author: abas
Date: 12-28-2004, 09:41 PM
Parent: #21
والله يا ود اختي اثبت ليها ثبته بس انت رسله لي ساكت
انت ازول قايلني انا سجيمان ابوفضيحه ولا شنو
|
Post: #15
Title: Re: .. عمك تنقـــو .. اسرارك خطيــــره ..
Author: بت القبايل
Date: 12-27-2004, 10:11 PM
Parent: #1
تمبس
ياســـــــــــــــــــلام عليك ياراقى
واللة انت فنان يظهر عندك حب جديد
تحياتى لك
بت القبايل
|
Post: #22
Title: Re: .. عمك تنقـــو .. اسرارك خطيــــره ..
Author: tmbis
Date: 12-28-2004, 09:10 AM
Parent: #15
بت القبايل
منوره والله .. ومليون مرحب بيك ..
جديد وين يابت القبايل ..؟؟ انت عايزه تجيبي لي الهوا والا شنو ؟؟
كل التحايا ليك
|
Post: #16
Title: Re: .. عمك تنقـــو .. اسرارك خطيــــره ..
Author: خالد فضل
Date: 12-27-2004, 11:16 PM
Parent: #1
الإبن تمبس
طبعاً"إبن" دي ليست محاولة مدسوسة لسحب البساط من خالك ودقاسم!! بس عايزين نثبت حكاية التفاوت في الأعمار، والأعمار بيد الله !!
حكاية الأسرار بين الشباب بس، أما العجائر الزي حالتي بهمهم النهايات!!!
ما تقول لي لفتاتك وممفجآتك دايماً ممذهلة!!! يعني كانت صباحية حلوة بالنسبة لي. فقد فتحت ال PC والبورد من قولة تيت وإلا ألقى ليك الثنائي تمبس وأسرار بابكر. بصراحة انبسطت!!! وأسفت على حلة البطاطس بتاعتك!!! ما تعمل بدالها بيض ياخي!!! حدي يطبح حلة بطاطس في اليومين ديل!!! لكن في الجو البارد دا بتديك طاقة. ألله يفك عزوبيتك ويلمك على البتحبهم ويعزوك عشان يعملوا ليك المشمر والمحمز!!! شكراً على الهدية!!!
بالله واصل ابداعاتك.
خالد
|
Post: #17
Title: Re: .. عمك تنقـــو .. اسرارك خطيــــره ..
Author: منذر نقدالله
Date: 12-28-2004, 00:01 AM
Parent: #16
لاحول ولاقوة الابالله لاحول ولاقوة الابالله
|
Post: #29
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 00:02 AM
Parent: #17
منذر ..
How Do U Do
غايتو كويس انو الواحد متعود علي حركاتك دي من زمان ..
في اقتراح اسمو تلفون .. مالاقي رقمك وطلال ووليد لي سنين منهم ..
ح ترسل وتضرب والا الواحد يجيك هناك ..
اسرار دي ما بتلقاها بالساهل هناك .. حسن علاقاتك مع الواحد .. شان يعرف يشتاق ليك كويس
|
Post: #28
Title: Re: .. عمك تنقـــو .. اسرارك خطيــــره ..
Author: tmbis
Date: 12-28-2004, 11:51 PM
Parent: #16
الخــال الجديد ابوالخلد
صباحاتك ورد .. وان شاء الله دائمامفرهده وموزونة بالانغام الجميلة ..
كدي مشروع ( الخلولية ) المقترحة خليهو لي جلسه خاصة داير اعمل فك تسجيلات للخال القديم ده خاصة وانو 2004 وهو زاتوبقي يجليها ثابته وبقي ما شغال بينا كتير يعني فاتح لينا عديل كده .. اجندتك الاخيرة بتاعت يوم الخميس الفات اجنده كويسه ومغريه خالص خاصة وانو كانت معربنة بي ( كنجالات ) عليك الله الخال الفايده منو شنو إذا ما كان في المقام الاول بيمرر الاقتراحات ( المالية ) بي ( سهولة ويسر)
بالنسبة لي حلة البطاطس طبعا تمت ( فرمطتها) بي باقي الليل داك وطلعت منها حاجه كده ما عارف بيسموها شنو يعني علي العموم ممكن تتعامل معاها بي حذر شديد .. تجي تجرب؟؟غايتو ما بنصحك
| Quote: ألله يفك عزوبيتك ويلمك على البتحبهم |
خال مريح خلاص..
Thanx
وانا منتظرك وفي حاجات كتيرة بتعدل المزاج الجايط ده
|
Post: #18
Title: Re: .. عمك تنقـــو .. اسرارك خطيــــره ..
Author: الجندرية
Date: 12-28-2004, 00:17 AM
Parent: #1
يوم البحيرة يا علاء؟؟
يادوب عرفتك غاطس وين
نرسل اعانة مناديل
بتكون كملت العمم والجلالايب والملايات
الله كريم عاد
|
Post: #23
Title: Re: .. عمك تنقـــو .. اسرارك خطيــــره ..
Author: garjah
Date: 12-28-2004, 11:41 AM
Parent: #18
الجندرية
مناديل شنو سجم كم الجلابية والحيطة
سلام تعظيم ليكم جميعا يا احلى ناس
|
Post: #24
Title: Re: .. عمك تنقـــو .. اسرارك خطيــــره ..
Author: ناجى الزبير الملك
Date: 12-28-2004, 11:54 AM
Parent: #23
......
تمبس ....
....انتا قاصدنا واللا شنو ... يا زول وجعتا قلبنا ....
....
شكرا ليك على الكود ....هنا وهناك ....
....
ناجى ملح
|
Post: #33
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 02:00 AM
Parent: #24
نجـــو
ياخوي انت قلبك براهو موجووع .. انت العليك هين
بس كلما تلقى ليك Save@pc اعفص وما تتلفت الدنيا نهاية سنة وجرد سنوي ..
قاعد ( اللبد ) ليك انصاص الليالي ماشايفك ..
( خباررك )
|
Post: #40
Title: Re: .. عمك تنقـــو .. اسرارك خطيــــره ..
Author: ناجى الزبير الملك
Date: 12-29-2004, 01:34 PM
Parent: #33
نجـــــو
دى ...خطيرة منك لكن سمعتا والله جابو ليك .....أخوك ممكون وصابر ...
....
خباااارك انت ....والله انا بظهر أنصاص الليالى .....
....
لكن انت الما ظاهر ...قالوا وما قلتا انا .....انك مشغووووووول سديد ...
لووووول
|
Post: #32
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 01:50 AM
Parent: #23
الوجيه قرجة
منورة الامورة الله يخليها..| Quote: مناديل شنو سجم كم الجلابية والحيطة |
والستارة كمان ياقرجـــه بس بي حرفنة شديدة
|
Post: #30
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 00:15 AM
Parent: #18
| Quote: يادوب عرفتك غاطس وين |
غاطس في البطاطس يا ست الكل
برد من الاضان للاضان .. حراق الروح العارفاهو .. تدخل البورد تطلع بي كتمت نفس بخاخ الازمة ما بيحلك منها .. ترجع البيت سهر المنام لي وحدي
مناديلك دي يامنقه بتخسرك .. خليها ستاير يا ملايات امريكية من النوع القوي داك ..
المشكلة ما يوم البحيرة بس في حاغجات تانية تجهجه الطير في سماو . انا غياتو ( جلدي تخن ) خلاص
يعني كل مرة نجي نشخبط ليكم في الباب ونلقاكم مافيشين والا الحكاية شنو ؟؟ المرة الجاية بنعمل فوضي وكواريك شديدة .. شيلو البلوك ده خلونا نعرف نتفاهم معاكم
|
Post: #25
Title: Re: .. عمك تنقـــو .. اسرارك خطيــــره ..
Author: عمرو احمد
Date: 12-28-2004, 12:24 PM
Parent: #1
تمبس انتا ( ذو ادان نظييييييفه ).
وبجيك في مسنجر,بس انتهي من امتحاناتي,
الي ذلك الحين يا صديق واصل الروائع,وياريت الهادي حامد.
الله يخليك
|
Post: #26
Title: Re: .. عمك تنقـــو .. اسرارك خطيــــره ..
Author: 3mk-Tango
Date: 12-28-2004, 02:33 PM
Parent: #25
تمبس انا لي اسة خاتي يدي في راسي ( صلعتي ) وقاعد جنب البحيرة دي
لكن في حاجة تانية ما بقولها ليك بس انتظر رزقك
|
Post: #31
Title: Re: .. عمك تنقـــو .. اسرارك خطيــــره ..
Author: A.Razek Althalib
Date: 12-29-2004, 00:24 AM
Parent: #26
تمبس
معتصم دفع الله
والناس الحلوين
تعالو زورونا.. الـ أســــــرانا.. أسرى لنا في سجون الحركة الشعبية..!!
ولكم مودتي وحلو الإنغام
------------------------------
عبدالرازق عيسى الطالب
|
Post: #36
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 02:42 AM
Parent: #31
عبد الرازق..
عجبي لبلاد ... تذبح ابناءها قربانا لفجر لن يأتي..
ستجدنا..
|
Post: #35
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 02:23 AM
Parent: #26
عمــــــك..
مشروع التعرية ده انيق جدا والله .. كدي فكر بي رواقه
والله تتخيل مرات نص الليل اتذكرك .. اضحك زي المجنون براي ..
انتظر رزقك لمتين لكن ؟؟
ياعمك ..
بدري جاي في اليومين دي .. رسل لينا فضل الظهر بتاعك ده .. يا بعمل ليك عرس شهيد عينه
|
Post: #39
Title: Re: .. عمك تنقـــو .. اسرارك خطيــــره ..
Author: 3mk-Tango
Date: 12-29-2004, 01:03 PM
Parent: #35
| Quote: يا بعمل ليك عرس شهيد عينه |
اكتر من عرس الشهيد الحصل لي يوم داك ؟
انا عارفك ما بتخلوني انت واسرار دي الا تجيبو اجلي
اسة كنت متوقع لي بارتي عشان نجيت من الحادث
ارسلها ليك مع برابراوي كيف معاك ؟
|
Post: #34
Title: Re: .. عمك تنقـــو .. اسرارك خطيــــره ..
Author: tmbis
Date: 12-29-2004, 02:08 AM
Parent: #25
عمرو
سلامات ..
كدي خلص قصة الامتحانات دي علي رواقه كده .. ولاقيني
الهادي ده ياعمرو عامل ليهو سيرفر براهوووو.. خليك مطمن خالص شديد
شد حيلك
|
Post: #37
Title: Re: .. عمك تنقـــو .. اسرارك خطيــــره ..
Author: Magdi Is'hag
Date: 12-29-2004, 07:38 AM
Parent: #34
تنقو
شكرا على هذه الروائع و عندي ليك طلب و لاعضاء البورد البحبوالحاجات الحلوه ياخي بفتش في اغنية لو طلعت القمرا و بغنوها تلاته شابات بصوره ما معقولة لو عندك الاغنية دي حتكون أجمل هديه للسنة الجديدة,...... ولك الود
|
Post: #38
Title: Re: .. عمك تنقـــو .. اسرارك خطيــــره ..
Author: كرماوي
Date: 12-29-2004, 12:49 PM
Parent: #37
الاخ / تمبس
ياود يافنان لك التحية الواحد تاني ما يفوت بوستك يعني
المهم كتر من النوع ده بذات بتاع الناس الخلاص الفقدد المنطق امثالنا
بس دلونا على الطريق ونحن بنعبي البرميل
مع ودي لك يارايع
كرماوي
اصلي لمن ادور اجيك بجيك لا تعجزني المسافة لا الظروف تمسك بأيدي
|
|