أحـــــــــــزان ... لشتاء هذا العام

أحـــــــــــزان ... لشتاء هذا العام


09-18-2004, 07:18 AM


  » http://sudaneseonline.com/cgi-bin/sdb/2bb.cgi?seq=msg&board=121&msg=1138465022&rn=0


Post: #1
Title: أحـــــــــــزان ... لشتاء هذا العام
Author: tmbis
Date: 09-18-2004, 07:18 AM

الحزن كائن حي :
فاعل ضميره مستتر موغل في الغموض .. يأتيك في سبعة ألوان يرتديك الأسود غالبا .
هو أشبه بفصل الشتاء .. شتاء أن تتخلي أشجار النيم عن خدرتها وتسترسل في الاصفرار ..

يقولون :أن الأصفر لون الموت .. ( من منكم رأي الموت ثم عاد ليوصفه ) ؟؟ ***1
هي :
يبتدي منها الصباح الجميل ، القمر يتلصص مساءا خلف الشباك الخشبي العتيق تتبعه النجوم .. نجمة .. نجمة ثم وجهها.
من رأي هويدا في آخر نهار شتوي تتقافز في أطلس ( الحجلة ) ترسم خطواتها علي ( خريطته ) تعاكس خصلاتها تجاه الريح تغمض عيناها وبلكنة نوبية بريئة تهمس اريكا .. عمياء .. أريكا .. عميا .. أريكا ....؟
من رأها تتوشح القرمصيص ، تمائم السوميت وحبات الودع تنتعل سواد ( الحناء ) علي أقدامها الصغيرة .
ما ذلت أذكر ضوء وجهك . .رسمك بأصابعي الصغيرة متمددة علي حبات الرمل ..
ما ذلت أكره رائحة الديتول .. ومقصات الجراحة.

أما هو :
فمنحني هذا الكم الهائل من الأحزان ..
أنين ( موثق ) في الامسيات الخالية إلا من طيفه .. وذكري تتواتر في الواحدة ليلا وعشرة دقائق بتوقيت الفقد .. كان ( أقربني ) يتمدد في حبل الوريد ويسري فيًَ قشعريرة ..
خصاني بآخر ابتسامته انتصر فيها علي هذا الكائن الأليم وأنا أتحسس جسده البارد واتأمل في سر الملكوت بين أن تتوسد الثرى وأن تصعد إلي السماء بطمأنينة محافظا علي نفس الإنسان.

أنا يا صديقي ما ذلت أتلقي رسائلك بشجن أليم في سبتمبر من كل عام وأقرا عليك ( يس والإخلاص وأورادا للحفظ ) واتحايل علي الدروب الممهورة بخطواتك وأتحاشي أن استمع إلي صوت سهير ..

الحزن يقلدنا في الليل .. بالحضن
الحزن أشجار جزورة من السماء .. فيما أظن
الحزن أقدم سؤال ، كوم خيال في صرة مجدوع ... في ركن
الحزن لو كنت موجود ياحبيب كان بيلزم حدو لكن .. لم تكن .. **2






.........................................
**1 الراحل ( علي المك )
** 2 ( خالد فالكاو )

Post: #2
Title: Re: أحـــــــــــزان ... لشتاء هذا العام
Author: إيمان أحمد
Date: 09-18-2004, 07:28 AM
Parent: #1

ياااااااه ياتمبس

فاقدين خطواتك هنا....
الحزن
اللون
الأصدقاء

وكلنا نخاف الشتاء

صديقتي الحبيبة حنينة، تتداعي هناك
اكتشفتها اليوم، وسأزورها

الأصفر.......... الموت.. سؤال أزلي!

لك شكري
إيمان

Post: #10
Title: Re: أحـــــــــــزان ... لشتاء هذا العام
Author: tmbis
Date: 09-19-2004, 06:47 AM
Parent: #2

ايمان أحمد ( أختي الطيبة )

خضراء ويانعة وحزنك سبيب
كأنك .. هلال البنات الخصيب...

هاتفني ..صديق في الساعات الأولي من الصباح .. وعادة يرحمني بتمرير صوته عبر الهاتف
( امشي أقراء بوست ايمان أين أنتم يا أصدقائي؟! ) ..
قلت ليهو .. قريتو مية مرة . وزائغ منو ...
ثم..
ابتديت مشروع البحث عن المتاعب ..
قصاصات ، رسائل اصدقاء قديمة غيبتهم المطارات والمواني ..
لوحة قديمة لم تكتمل بعد..

وذكـــــــري شتوية حالكة السواد..

.....

انه موسم التداعي .. يا ايمان

Post: #3
Title: Re: أحـــــــــــزان ... لشتاء هذا العام
Author: بلدى يا حبوب
Date: 09-18-2004, 08:32 AM
Parent: #1

تمبس

شكرا
والى فوق
تحياتى

Post: #11
Title: Re: أحـــــــــــزان ... لشتاء هذا العام
Author: tmbis
Date: 09-19-2004, 06:54 AM
Parent: #3


بلدي ياحبوب ..

تعيش يا جنابو ..
ولي فوق حبتين مع عميق حبي

Post: #4
Title: Re: أحـــــــــــزان ... لشتاء هذا العام
Author: zumrawi
Date: 09-18-2004, 08:47 AM
Parent: #1

ابو التمابس
شكرا جزيلا على هذا الابداع الرائع
انا عائد الى السودان هل من وصايا

Post: #13
Title: Re: أحـــــــــــزان ... لشتاء هذا العام
Author: tmbis
Date: 09-19-2004, 07:02 AM
Parent: #4

ياسر ابوالزمل ..

عودا حميدا مستطاب ..
ابحث عنهم جميعا.. سلة فواكه الأصدقاء .. الجوكر .. ببو .......سمؤل طه

عمار وعاطف منصور .. ( قول ليهم.. بحبكم شديد والله في )

Post: #15
Title: Re: أحـــــــــــزان ... لشتاء هذا العام
Author: هاشم نوريت
Date: 09-19-2004, 07:15 AM
Parent: #4

زمراوى
دبايوا
فينك ياراجل .

Post: #5
Title: Re: أحـــــــــــزان ... لشتاء هذا العام
Author: شتات
Date: 09-18-2004, 10:30 AM
Parent: #1

تمـبس ..
وأنت أيضـاً بالجـوار تعاني زمهـرير الأحـزان ؟
هـل أتاك حـديث الراحلين ..؟
أم هـي طـلائع الشـتاء .. ؟
هـل هو الصـوت النـائي بالنداء ..؟
أم هـو المكـان الشـحيح بالفـرح ..؟
هي الصحــراء يا صديقـي ..
تفترس الوحوش والمهــا ..
تغتال الصــرخة .. وتبتلع الصــدى ..
سـوائرٌ ربمـا سـارت هـوادجهـا .. منيعــةً بين مطعــونٍ ومضــروبِ
وربمـا وخـدت أيدي المطي بهــا .. على نجـيعٍ من الفرســانِ مصــبوبِ

تحياتي ..
وتسلم ..
صـلاح / شـتات

Post: #14
Title: Re: أحـــــــــــزان ... لشتاء هذا العام
Author: tmbis
Date: 09-19-2004, 07:13 AM
Parent: #5

نعم يا شتات ..
صح يا شتات
ايوة يا شتات

انها الصحـــــراء .... أكبر صحراء في ( واطة ) الله دي..
انعدام الرؤية.. والدوران في محيط العدم .. انفلات الروح .. أوان الذكري..
رجوع الصدي فارغ الصوت ..
واكبر وحشة ..

Post: #6
Title: Re: أحـــــــــــزان ... لشتاء هذا العام
Author: dreams
Date: 09-18-2004, 10:39 PM
Parent: #1

Quote: يقولون :أن الأصفر لون الموت .. ( من منكم رأي الموت ثم عاد ليوصفه ) ؟؟


فى منتصف نهار الخميس 10/9 هاتفنى (احلام كيفك ..ما تنسى يوم السبت حنة عبد الرحمن اخوى لازم تجى ..انا معتمد عليك تكفى معاى الناس ..وانتى ما الزول البعزمو بى ورقة فى بورد الشركة) ..

(اكيد يا ابوبكر ..ما تشيل هم من بدرى حنكون معاك ..وعقبالك)

منذ الجمعة داهمتنى حمى اعتدت ان تكون مقدمة لملاريا صادقتنى ..استمرت حتى منعتنى من الذهاب للمكتب صباح السبت ..وكذلك منعتنى النوم

السبت 11/9 الساعة 7:30 ص ..اتصلت واخبرتهم بعدم مقدرتى على الحضور للمكتب ...بعدها بـ 20 دقيقة تقريبا رن هاتفى لاسمع صوت تلك النجلاء تنتحب (فى شنو يا بت مالك!!؟) ..(احىىىى يا احلام ..اقول ليك شنو بس ...احىىىى يا امى) ..(فى شنو يا نجلاء) ...(قالو ابوبكر مات يا حلام) ..(ابوبكر منو؟؟؟!) ..(ابوبكر المحاسب بتاع الخزنة)...( لا اله الا الله ...لا اله الا الله)....

صراخ ...عويل .... عيون تكذب نفسها ...ابوبكر!!!!!!!!


فى ذات صباح عرس اخوه ...ارتحل ابوبكر..

نام ولم يستيقظ ...امه قالت (لو عارفاهو ما بقوم ما كنت حنستو يرتاح شوية ..ده رقد وش الفجر ياخواتى ..ما تم ساعتين مما رقد!!!)

بقى ان تعرف - يا تمبس-

ان ذاك الابوبكر ...انتزع لذاته فقط اثنان وثلاثون عاما من هذه الفانية

ان ذاك الابوبكر ... تعرفه من بعد امتار بوميض ابتسامته التى تفارقه ابداً

ان ذاك الابوبكر ..كان اخو اخوان ... واخو كل البنيات

ان ذاك الابوبكر ....يفتقده كل زملاءه ...وكل من عرفه ..

رحمهم الله جميعاً

ورحمنا

Post: #17
Title: Re: أحـــــــــــزان ... لشتاء هذا العام
Author: tmbis
Date: 09-20-2004, 00:43 AM
Parent: #6

احلام..

صعب هذا الفقد .. عندما نعيش واقعه الاليم .. وان نكون في عمق القدر وفي زحمة أن نصدق ولا نصدق هذا الفصل الحتمي ..
فجيعتي معك في ابوبكر .. وربنا يسكنه الجنان .. ولوالدته الصبر والسلوان.
....

Quote: ..( لا اله الا الله ...لا اله الا الله)....

نعم يادريمز .. بيده تصاريف الأمور ..

( ماسر الروح ) ياحلام ..؟؟ هل احيانا تخبرنا عن رحيلها ومغادرتها للجسد .. أو تعلن عن حين رحيلها ؟؟
ربما كانت ساعات فقدك لي الراحل اطول بمقياس الزمن .. لكن كانت سويعات صديقي أقل من صوابع الكف الواحد .. فرقتنا فقط ساعات للنوم.. ويا ( لسر الروح ) لم استطع فيها النوم ولا ثانية .. بينما هو نام ولم يعد .. وأرتحل في هدوء وطمأنينةإلي البرزخ..
لهم الرحمة

Post: #7
Title: Re: أحـــــــــــزان ... لشتاء هذا العام
Author: تولوس
Date: 09-19-2004, 01:39 AM
Parent: #1

Quote: الحزن أقدم سؤال ، كوم خيال في صرة مجدوع ... في ركن

علاء تمبس
تحياتي اليك ... من يسمع تلك الضحكات الرنانةالجميلة لا يظن ان يجد الحزن مكان له في نفسك الصافية النقية

تحياتي للحضور الانيق الجميل

Post: #20
Title: Re: أحـــــــــــزان ... لشتاء هذا العام
Author: tmbis
Date: 09-20-2004, 01:18 AM
Parent: #7

تولوس .. صيدنا الجديد
حدد موقعك في خارطة الكون .. وصلت والا لسه بتزازي بي جاي ؟؟

الحزن يا تولوس .. قنبلة موقوته مزروعه بعنياة في مكان ما جوانا ما معروف .. متي ما سحبت الاقدار صمام امانها .. انفجرت .. لكن ساعات الضحك والحميمة الحلوة بين من تحبهم كفيلة بأن تحتوي هذا الانفجار ..
كان اليوم اجمل بوجودك بيننا ..

ما تنسي لي الوصايا ..

Post: #8
Title: Re: أحـــــــــــزان ... لشتاء هذا العام
Author: حمزاوي
Date: 09-19-2004, 02:05 AM
Parent: #1

نسيبي تمبس
صباحك نور
يا بورداب الرياض الزول دا مسخن ومولع نار
نشوف طريقة نخليه يسافر السودان
يا اخوي فضفض كدا وريح نفسك
انت بتعشق الحاجات الجميلة
من والى

Post: #24
Title: Re: أحـــــــــــزان ... لشتاء هذا العام
Author: tmbis
Date: 09-20-2004, 08:12 AM
Parent: #8

ابو النسب .. حمزاوي
مساك الورد ..
فعلا السخانة حاصلة ..
ومعاها شوق سوداني شديد .. بس ربك يسهل لينا بالمرقه من هنا ده ..

مسجل غياب مالك ؟؟

Post: #9
Title: Re: أحـــــــــــزان ... لشتاء هذا العام
Author: معتز تروتسكى
Date: 09-19-2004, 04:09 AM
Parent: #1

تمبوستى..
ياعزيزى القلب يتشقق من الحزن الجميل..
كم اعشق بوستك المشحون بالالم..
اشتهيك تمبس..
فى مشاوير الصراخ وضجة احزان البكاء..
للشتاء القادم..
ومن دون احزان الطبيعه اموت فى الشتاء..
تصدق..
كم انت جميل...

*
مابين لحظة القدر الحقيقي
وانتحارك وانتحارى00
أيامنا المنسوجة بي
خيط سحاب
وكتين يطل شعاع قدرك
ونبتعد
يفرقنا ونفترق
ويطول انتظارى00
إحساسي القديم هو
البحسب معاى
زمن معدود في كون بشر
ما هو منا ومانا منو
وماكان اختيارى00
تتقطع أوتار حياتي
بعد شقا
لافرهد فيها فرح غربة
ولا امل
من البداية والنهاية
في الزمن الاجترارى00
ساعات مظلله بالرهبة والانتظار
مستحيل تسرح معاك
والباقي موت غربة وسفر
وصحارى00
كل لحظه مت فيها
تطل عينيك غيمه
تحيني واقوم
بي ريد اسرارى00
مانى شاكى في دقايق
عمري ليك ولاعنادى
ألفي أعماق بعيده يا لقريبه
وهالة مدارى00
أفل نجمي وانخمد لهيبو
عشان حياتي معاك
ثواني ودقيقه
وبعاد اطرارى00
لانه مابين لحظة
القدر الحقيقي
واستمرار حياتي
اغتيال وحقيقة
وقرارى0

Post: #12
Title: Re: أحـــــــــــزان ... لشتاء هذا العام
Author: هاشم نوريت
Date: 09-19-2004, 06:58 AM
Parent: #9

تمبس
دبايوا
ياراجل ما شفت حد شاف الموت ورجع
الظاهر انت عايش بره السودان وفى
السودان ولد خرطومى .
ياراجل قلت اسلم عليك ما عندى موضوع
سلامات ياتمبس.

Post: #27
Title: Re: أحـــــــــــزان ... لشتاء هذا العام
Author: tmbis
Date: 09-20-2004, 08:55 AM
Parent: #12

هاشم نوريت ..
ايتانينا ..

تعرف بقيت لما اشوفك في بوست .. طوالي قاعد اخش في المرقوعه بتاعتي وأجر شوال اللالوبة .. عنقده مني بس
وبعدين أنت ما عارف حكاية ( البعاتي ) والا شنو؟؟

Quote: وفى
السودان ولد خرطومى .

كضبا كاضب .. انا من امدرمان ..

بس ولد دي عجبتني شديد..
المهم في الموضوع
..

شايفك في التفزيون المرة الفاتت .. بقيت مشهور ( يامنقه..)




Post: #25
Title: Re: أحـــــــــــزان ... لشتاء هذا العام
Author: tmbis
Date: 09-20-2004, 08:37 AM
Parent: #9

تروتسكي ..
سلامة قلبك .. يا صديقي العزيز ..
Quote: تتقطع أوتار حياتي
بعد شقا
لافرهد فيها فرح غربة
ولا امل


يااه يامعتز .. ما أعمق هذه السطور .. ما بين انتظار وتمني .. وعذابات ..
لكن يبقي الأمل خيط من الضوء في نهاية النفق المظلم.. والقدر يتربصنا في منتصف الطريق..


معتز ..
عادة تنمو الأشياء في دواخلنا ببطي ..
هاأنت تنمو .. حد الظلال



Post: #40
Title: Re: أحـــــــــــزان ... لشتاء هذا العام
Author: معتز تروتسكى
Date: 09-23-2004, 08:01 AM
Parent: #25

تمبس وانت كمان..
اتخيل وابدا اقعد عشان تشوف ..
فلسفة الحزن...
شى فوق الشفافيه..
بعيد عن الروح..
حاجه ....
دلوقت ياتمبس ..
انت شاعر بانو فى شى....
اه ياتمبس...
يا رفيق..الظلال ياها انت..
ونحن تحتك نستظل ..
ياتمبس عايز اقول ليك شنو..
اووووف..
اتخيل بكتب بى نفس الحاله الراهنه..
ياخى الحزن حبيبه..
الحزن وطن..
ياتمبس انت زاتك حزن..
الحزن اعظم نظريه للوفاء..
وووووووووو
تمبس ابو الزمل ياالصديق
هى خطوه كان لابد لها من زمن للنفاذ اقبل الان تاريخ الزمن ياتمبس..
فقد كانت الحياة بالنسبة لى حزن كبير تتوفر الاشياء امامى ويكون للزمن حديث اخر ..
اقلمت نفسى على ذلك فقد تكون قمة سعادتى عندما اسمع اغنية حزينه ..
اسكب بعض احزانى واوراقى على بابك...
ويكون الكلام كالتى..
تمبس انت الخزن الاكبر...

Post: #16
Title: Re: أحـــــــــــزان ... لشتاء هذا العام
Author: معاوية كرفس
Date: 09-19-2004, 07:56 AM
Parent: #1

تمبس

من مدة شايف عنوان البوست ده


Quote: و زائغ منو


Quote: الحزن يقلدنا في الليل .. بالحضن
الحزن أشجار جزورة من السماء .. فيما أظن
الحزن أقدم سؤال ، كوم خيال في صرة مجدوع ... في ركن
الحزن لو كنت موجود ياحبيب كان بيلزم حدو لكن .. لم تكن .


لو عشنا لي بكرة

حأنزلا ليك بصوت المبدع سيف عثمان

Post: #28
Title: Re: أحـــــــــــزان ... لشتاء هذا العام
Author: tmbis
Date: 09-20-2004, 09:30 AM
Parent: #16

معاوية كرفس .. مرتين

شكرا يااصلي ..
ومن امس منتظر ملفك ده ..
طبعا ما اشتغل معاي .. بعافر فيهو من قبيل .. حتي اللنك بتاع الحفظ ما ( مقسم معاي )..
.. وأقول ليك حاجة تانية ..
انا طبعا لسه ما سمعتها .. لكن اكيد طالما ضاربه سبف عثمان حتكون حاجه تانية ..
وكمان (عماد ببو) عمل ليها معالجة قبل كم يوم بالجيتار حاول اوصلو وعندو شغل كتير جدا .. بس هو جايط ومشاغلو كتيرة .. انا ح اعتمد عليك .. في الحاجات دي..
ولما تجي راجع ادي الملف ده معاك هبشة . والله ما سامعو يا معاوية.

Post: #41
Title: Re: أحـــــــــــزان ... لشتاء هذا العام
Author: معتز تروتسكى
Date: 09-24-2004, 10:06 AM
Parent: #28

الحزن تمبس..
اعشق اللون الاسود..والابيض ..
والاحمر..
فمابين الاول والثانى يكون الحزن...
والاحمر كذلك هو الذى بينهم..
واموت فى برد الصقيع من الشتاء...
اجمل مافى الطبيعه الشتاء...
صوت سيف وكلماتو ....
فوق حد الحزن...
ومعاويه.. الصراااااااااااااااااااااااااااااااااااااااخ...
الحزن.. تمبس..
مابن النقش والديتول والحناء...
رائحة العتق من الاسنشاق..
شم ..شم..
لماذا تذكر اوصافى واشيائى الخاصه على الملاء...
رغم الستار المح شخصى داخل ما تكتبت..
ضربات من الخلف..
وحزن..
اين حقوق الحزن..
اين الطبع الحزين..
ياتمبس الحزن...

Post: #18
Title: Re: أحـــــــــــزان ... لشتاء هذا العام
Author: الجندرية
Date: 09-20-2004, 01:06 AM
Parent: #1

الليلة مالكم يا حبان / حبيبات القسى
قلبي مناديل لدمعاتكم / ن

Post: #32
Title: Re: أحـــــــــــزان ... لشتاء هذا العام
Author: tmbis
Date: 09-21-2004, 01:57 AM
Parent: #18


اماني ..

منورة للكون بي طلتك ..

هذه وخزة صغيرة تسربت منها .. تفاصيل حبيسه في الروح ..

يسلم لينا قلبك الكبير ياست الحبايب

Post: #19
Title: Re: أحـــــــــــزان ... لشتاء هذا العام
Author: أبو ساندرا
Date: 09-20-2004, 01:08 AM
Parent: #1

تمبس
دريمز

هدهد الله أحزانكم

و

مطر الحزن عاود هطل.. جدد عذاب الأرصفة
ضيي المصابيح البعيد .. أتعب عيونك و إنطفى
مدني النخلي

و
أتعلم أن طيور الذرى يا صديقي
أضاءت بدمعات حسرتها كهف حزني
كأني بها قد تمنت لو أنك أخبرتها
لتهرع نحوك ناشرة تحت ظلك
مهدآ من الريش والثلج والأقحوان...
كأني بها قد تمنت لو أنك عاتبتها
لترفع عنك
عناء الزمان وبؤس المكان...
كأني بها وقد طوفت
بأشرعة الفقد فوق المدى،،
تناءت عن الأرض نافرة
تلاعن فيها الأسى والسدى،،
كأني بها يا صديقي
وقد أدمن العاشقون السرى
أضاءت بشمعات أحزانها كهف حزني ...
ويا ويحها طاش منها جناح نفور
وظلت مع الريح تبكي ، تغني...
تمنت طيور الذرى يا صديقي كثيرآ كثيرا
وهيهات...هيهات يجدي التمني
علي عبدالقيوم ،في رثاء أبوذكرى

Post: #21
Title: Re: أحـــــــــــزان ... لشتاء هذا العام
Author: ابو جهينة
Date: 09-20-2004, 01:39 AM
Parent: #19

تمبس

Quote: هي :
يبتدي منها الصباح الجميل ، القمر يتلصص مساءا خلف الشباك الخشبي العتيق تتبعه النجوم .. نجمة .. نجمة ثم وجهها.
من رأي هويدا في آخر نهار شتوي تتقافز في أطلس ( الحجلة ) ترسم خطواتها علي ( خريطته ) تعاكس خصلاتها تجاه الريح تغمض عيناها وبلكنة نوبية بريئة تهمس اريكا .. عمياء .. أريكا .. عميا .. أريكا ....؟
من رأها تتوشح القرمصيص ، تمائم السوميت وحبات الودع تنتعل سواد ( الحناء ) علي أقدامها الصغيرة .
ما ذلت أذكر ضوء وجهك . .رسمك بأصابعي الصغيرة متمددة علي حبات الرمل ..
ما ذلت أكره رائحة الديتول .. ومقصات الجراحة.


إنها أحزاني مدى الدهر .. و ليست للشتاء فقط ..

Post: #22
Title: Re: أحـــــــــــزان ... لشتاء هذا العام
Author: ايهاب
Date: 09-20-2004, 02:16 AM
Parent: #21


Post: #30
Title: Re: أحـــــــــــزان ... لشتاء هذا العام
Author: dreams
Date: 09-20-2004, 09:25 PM
Parent: #22

ايهاب

تعرف لما شفت الشخبتة المعبرة دى رفعت ايدى وشلت الفاتحة

وبرضو ..........غنيت


لما الظروف تفرض علينا

الفرقة والنوح والشتات

والزهرة تذبل والارض

عز الربيع تصبح يباب

الحسرة بتغطى العيون

وتوشح الكون بالسواد

والفرحة فى الانفاس تموت

واحلامنا تصبح ذكريات


.
.
.

ابوساندرا

الجندرية

الله يخليكم يااااارب

تمبس وبقية الحضور

صباحكم خير بتوقيت الخرطوم


تسلمو كلكم

Post: #35
Title: Re: أحـــــــــــزان ... لشتاء هذا العام
Author: tmbis
Date: 09-21-2004, 02:55 AM
Parent: #22

هووووووووووووووووووبا ..
افتقد .. لولالالالالالالاتك ياصديق .. وطلتك الحلوة ..
وصلت كل الحاجات وفوقه ليها بوسه .. وهنا اديني لووووول كبيرة وحياتك


واصل الترجمة بريشتك .. هي اكتر وضوحا..

Post: #34
Title: Re: أحـــــــــــزان ... لشتاء هذا العام
Author: tmbis
Date: 09-21-2004, 02:45 AM
Parent: #21

استاذي .. ابوجلال .. وعندك الخبر اليقين

اصدقك بكل ما في .. من احزان

Post: #33
Title: Re: أحـــــــــــزان ... لشتاء هذا العام
Author: tmbis
Date: 09-21-2004, 02:20 AM
Parent: #19

ابوساندرا

الحـــزن
لا يتخير الدمع ثيابا
كي يسمىِ
بالقواميس بكاء
هو شئي يتعرى
من
فتات الروح
يعبر من
نوافير الدم الكبرى
شئي ليس يفنى
في محيط الكون
أو
يبدو هلاماً
في
مساحات العدم
  





Post: #23
Title: Re: أحـــــــــــزان ... لشتاء هذا العام
Author: معاوية كرفس
Date: 09-20-2004, 07:35 AM
Parent: #1

الحزن لو كنت موجود يا حبيبي
كان بيلزم حدو
لكن لم تكن


الحزن أداء المبدع سيف عثمان




و ياهو دا اللنك عشان الجندرية ماتحزن


ـــــــــــــــــــــــ
لعنة الله علي الأصدقاء الأنبياء
لأننا نحبهم
ونفتقدهم

Post: #36
Title: Re: أحـــــــــــزان ... لشتاء هذا العام
Author: tmbis
Date: 09-22-2004, 00:37 AM
Parent: #23

كرفس ...
استمعت للملف بعد تحنيس شديد ...
شكرا ليك ولي سيف عثمان وكمية الشجن الجميل في صوتو .. وتعبيرو بالعود والصوت عن كل الالم الفيها ..

هل من مزيد يا كرفس ؟؟

Post: #26
Title: Re: أحـــــــــــزان ... لشتاء هذا العام
Author: zumrawi
Date: 09-20-2004, 08:38 AM
Parent: #1

عزيزى ابو التمابس
سافعل وارقد عافية
الاخ هاشم نوريت
كنت مسافرا الى مصر وهناك لم استطع تصفح الانترنت
كثيرا للانشغال....

Post: #29
Title: Re: أحـــــــــــزان ... لشتاء هذا العام
Author: Habib_bldo
Date: 09-20-2004, 09:49 AM
Parent: #26


ليه غيرت نظارتك الملونة بنظارة سوداء أخي تمبس
والشتلء لم يأت بعد
أنا أكره فصل الشتاء ولكنني أكره الأحزان أكثر
يا أخي ما من طبعك الحزن أرمي احزانك وأبتهج للدنيا فهي حلوة إن اردتها أن تكون حلوة

Post: #31
Title: Re: أحـــــــــــزان ... لشتاء هذا العام
Author: ايهاب
Date: 09-21-2004, 00:13 AM
Parent: #29


Post: #38
Title: Re: أحـــــــــــزان ... لشتاء هذا العام
Author: tmbis
Date: 09-22-2004, 10:08 PM
Parent: #29

وليد .. حبيب بلدو ..
صباح الخيرات والطله ..
دي عدسات لاصقة لزوم .. مواجة الشتاء . سرعان ما تتغير لي بطانية جامده للمقاومة ..
وتقول لي برضو البرد ما جاء .. اديها يومين .. وشكلك ح تلبس البيت كلو وتمشي المكتب ..
سلمت من الاحزان ..
وعلي امل شوفتك




ايهاب ..
وين باقي النصوص .. بطل كسل

Post: #37
Title: Re: أحـــــــــــزان ... لشتاء هذا العام
Author: tmbis
Date: 09-22-2004, 01:52 AM
Parent: #26

ياسر ...

بالسلامة .. والقلب يدعيلك

Post: #39
Title: Re: أحـــــــــــزان ... لشتاء هذا العام
Author: معاوية كرفس
Date: 09-23-2004, 07:26 AM
Parent: #37

تمبس

مزيداً من الشجن

أغشي معاك البوست دا



Post: #42
Title: Re: أحـــــــــــزان ... لشتاء هذا العام
Author: Ishraga Mustafa
Date: 09-24-2004, 10:21 AM
Parent: #39

تمبس
الله يسامحك
يعنى نحنا ناقصيين

يالله واحدة بواحده

زمهرير الروح..... مطر بلاحنين الى عشه بت فاطمة، عالية، تماضر والجندرية

Post: #43
Title: Re: أحـــــــــــزان ... لشتاء هذا العام
Author: معاوية كرفس
Date: 09-25-2004, 06:29 AM
Parent: #42

.

Post: #53
Title: Re: أحـــــــــــزان ... لشتاء هذا العام
Author: tmbis
Date: 09-25-2004, 11:22 PM
Parent: #42

شروق ..

Quote: مطر
زمهرير
بينهما تئن السماء آخر زرقتها
وتتحشرج الروح نحو ملاذهاالاخير


حتما سيكون هناك فصلا للربيع تتفتح فيه الازهار .. وترتدي سماءك البنفسج .. ترقبيه عند قدومه الآتي.
وسانتظر معك عند حافة الامل.

Post: #51
Title: Re: أحـــــــــــزان ... لشتاء هذا العام
Author: tmbis
Date: 09-25-2004, 10:48 PM
Parent: #39



كرفس ..

مريت بي هناك بس بدون مسح كامل .. مزنوق لي يومين يامعاوية
ح ادخل ليهو رايق .. واحتمال كمان افاجأك بي حاجات
بس اديها صنه شوية .. خليها توصلني

Post: #44
Title: Re: أحـــــــــــزان ... لشتاء هذا العام
Author: AlRa7mabi
Date: 09-25-2004, 07:58 AM
Parent: #1

تمبس والصحاب الحلوين

لو لم أكن في قمة حزني
.. لكتب ليك بباذخ فرحي

سلام

رحمابي

Post: #54
Title: Re: أحـــــــــــزان ... لشتاء هذا العام
Author: tmbis
Date: 09-25-2004, 11:34 PM
Parent: #44

رحمـــــأبي ؟؟

طيب مقاطعني مالك ؟؟
ياخ انا عملت ليك حاجه ؟؟
والا قاعد اعرف ؟؟

الدنيا كلها بتسال عليك .. ما انا براي


ح تبوس لي صفصف ... مش ؟؟

Post: #45
Title: Re: أحـــــــــــزان ... لشتاء هذا العام
Author: hala guta
Date: 09-25-2004, 09:55 AM
Parent: #1

Tmbis
And all his visiters
really mushtageen
hala

Post: #46
Title: Re: أحـــــــــــزان ... لشتاء هذا العام
Author: walid taha
Date: 09-25-2004, 10:21 AM
Parent: #45


اضـــــــــــــــــبط..!

هالة قوته تمتلك كمبيوتر ونت..

شاهد عيان،،،

Post: #56
Title: Re: أحـــــــــــزان ... لشتاء هذا العام
Author: tmbis
Date: 10-02-2004, 06:30 AM
Parent: #45

هــاله ..
الشوق مطر ..
اتمني عودتك ..أون لاين بعدما تعملي ليك كيبورد بالعربي

Post: #47
Title: Re: أحـــــــــــزان ... لشتاء هذا العام
Author: hala guta
Date: 09-25-2004, 10:58 AM
Parent: #1

Walid Taha
Salamat

Post: #48
Title: Re: أحـــــــــــزان ... لشتاء هذا العام
Author: ترهاقا
Date: 09-25-2004, 11:25 AM
Parent: #47

الحبيب تمبس

يعيش الكفيل أللى خلاك تكتب كلام زى ده

وحنقوم نعمل شعار جديد ، نقول إذا اردت تمتع الناس بالكتابة ،فعليك
بكفيل ثقيل

ويلا اديها صرمة

Post: #49
Title: Re: أحـــــــــــزان ... لشتاء هذا العام
Author: اسامة الخاتم
Date: 09-25-2004, 12:13 PM
Parent: #1

اصفر.. احمر.. اخضر.. اسود
ليس للحزن الوان عزيزى علاء
و لكنى اعلم تماما لون الشوق.. لون الاشواق
كذلك اعلم طعمه و رائحته

متى نلاتوى هناك.. هـــنــــــــــــــــــــك يا تمبس

لك الاحزان النبيلة و لى الشوق لك و لمن تحب
حتى ذلك الحين اهديك زهرة بيضاء.. زهرة ياسمين

حاشية: الشوق لونه ...... ايه ؟؟

Post: #50
Title: Re: أحـــــــــــزان ... لشتاء هذا العام
Author: معتصم دفع الله
Date: 09-25-2004, 01:05 PM
Parent: #49

تومبس أيها الشفيف ..



مرة .. مرة ..
أبكي بي عين واحدة ..
وأمسح الدمعة في كمي ..
وأطرد عنك الأحزان ..
رحم الله البروف علي المك ..
والصديق خالد فالكاو ..




دمت يا صاحبي ..



تخريمة ..
مرحب بعودتك أستاذنا أحمد ساطور
ألف حمداً لله على السلامة ..
الشوق ليك كتييييييييير والله ..

Post: #52
Title: Re: أحـــــــــــزان ... لشتاء هذا العام
Author: الجندرية
Date: 09-25-2004, 11:08 PM
Parent: #1

كرفس
شكراً على سيف عثمان وعلى اللنك

***
رحمابي
بركة بالشوفة
نقوم نوفي نذورنا عاد
نذرنا ليك عديل كدا
***
تمبس
شنو يعني
ما ترسل الحاجات

تحياتي للجميع

Post: #55
Title: Re: أحـــــــــــزان ... لشتاء هذا العام
Author: معاوية كرفس
Date: 09-28-2004, 08:32 AM
Parent: #52




أماني شكراً



مزيداً من الحزن

Post: #57
Title: Re: أحـــــــــــزان ... لشتاء هذا العام
Author: tmbis
Date: 10-02-2004, 06:56 AM
Parent: #55


وليد طه ..

أرجو ان لاترهب زوار هذا البوست ، ده آخر تحذير بالنسبة ليك



ترهاقا ..وينك يااستاذ .. ؟؟
عارف غلاصة الكفيل دي .. نحنا بره منها .. لكن المشكلة الكبيرة غلاصة الحاجات التانية ..
اتصلت عليك مليون مرة.. بيرد لي زول غريب جدا .. انت عندك بقيت راعي ارهاب يا ابو الصواطير والا شنو ؟؟

اســــامة الخاتم
ليك وحشه
وبيناتنا احزان مفرحة لم تكتمل بعـــد .. اتمني أن اسمع عنك كل ما هو سعيد .. اختر مكانك واحترق ..

ليك الياسمين .. وحفنة الاصدقاء النبلاء ..



Post: #58
Title: Re: أحـــــــــزان ... لشتاء هذا العام
Author: tmbis
Date: 10-02-2004, 07:32 AM
Parent: #57



معتصم ...
مرة .. مرة
باعد بينك والفكرة ... نفسها
وقف .. عند محطات الفرح ..
ستجدهاتحولت
الفكرة نفسها.


اماني ..في الطريق ليك .. حسب الاتفاق ..الاخير


كرفس
معاك