شاركوني الفرحة .. زهرتي آخر العنقــــود ..

سماها والدي الكريم ..
زهـــــــــــــــــــــــرة
تيمنا بوالدته الراحلة وكسرا لرتابة حرف العين في منظومة الاسماء ..
لا اقول انها شقية ..
لكن
دلوعتنا
حال كل من يختم به فعل الشهـــــد ..
ارهقتني بإزعاجها ومشاكستها وهي صغيرة وبحبي المفرط وتدليلي لها ..
غاية ما كنت اتمناه أن اسجل حضوري ، في كل لحظة فرح خاصة علي محيط اسرتي ( للفرح معهم طعم خاص ).. تعاقبت علي افراحهم ولحظاتهم السعيدة ..وانا هنا اكتفي فقط بأن اضغط علي أزرار التلفون وارسل قبلاتي..
اتصلت ..
كان صوت الوالد ... وهارموني من الزغاريد .. قدرت اميز من بينها نغمة الوالده فهي تطلق زغروده تنطلق من اعلى مستوى للصوت السبرانو وتستمر في ( صولو ) متواصل دون انقطاع..
صوت الوالد كان مزيج من الفرحة والنشوة في قمتها ..
انا : ده شنو ده ياحاج نفسك قايم كـــده .. الحاصل شنو ؟؟
الوالد : وينك انت ؟؟ الليلة الباشمهندس (حبوبتك) دي هدت حيلي بالفرحة.. وانا حسع قاعد اعرض في نص ( الجكس ) بي عمتي دي ..
.......
هل تغفر لي دمــــــوع فرحتي .. خطئة غيــابي ؟؟
لا اعتقــــد ...

الأخ الكريم استاذ علاء

ألف مبروك للأسرة الكريمة

وللباشمهندس زهـرة


وإلى الأمــام



تحياتي

العزيز احمد الشايقي ..
مختفي ..
الله يبارك فيك .. وشكرا لظهورك وأخبارك

الأخ العزيز tmbis

مبروووووووووك


للباشمهندس زهرة

وان شاءالله كل حياتها أفراح

Quote: هل تغفر لي دمــــــوع فرحتي .. خطئة غيــابي ؟؟ لا اعتقــــد ...

أشعر بمدى ألمك
ولكن هذا هو حال الغربة
تفقدنا أهم وأجمل مافي الحياة
أن نكون بالقرب من ممن نحب في لحظات الفرح والحزن
ومشاركتهم في أفراحهم وأحزانهم



ولكن لا تيأس

وكن دوما متفائل


تحياتي

علاء
مبروك لزهرة

بالمناسبة ما تنزل يازهرة حياتى
ودامت الافراج

العزيز ابوقوتـــه..

شكرا يا لذيذ .. علي الزهور ..
بعدين يا بهجة حياتي دي ما لقيته والله .. قاعد افتش عليها من امس ..
ما تتصرف لينا ..جيب اي حاجه من عندك يا بنكون طالبنك ، انا غايتو وصلتني كمية من الحاجات فيها زهور .. ارخي اضانك بس

العزيز صلاح الدين عبد الله ..

الله يبارك فيك .. ومليون شكر يا عزيزي ..
...
وربنا يقدرنا عليها..

الغربه ويختصر مسافات البعاد

يا زول تقطع تزكرتك

وتمشي عدل المطار

وتمشي تحضن الحلة كلها

بلا غربة بلا لمة



مبروك لزهرة وللوالدين

الأخت العزيزة نهـــال كرار

الله يبارك فيك .. وعقبال ما نبارك ليك اي لحظة جميلة في حياتك ..

Quote: أشعر بمدى ألمك ولكن هذا هو حال الغربة تفقدنا أهم وأجمل مافي الحياة أن نكون بالقرب من ممن نحب في لحظات الفرح والحزن ومشاركتهم في أفراحهم وأحزانهم

احيانا يصعب الاحتمال .. لما تتعاقب المناسبات وتزيد من جحيم الغربه ... غربه
لكن

متفائل
ومغيوظ
من تمنية وتسعين الواحد ما فرتق ليهو حفلة بي نادر خدر

مبروك والله فرحت لفرح والدك وفرحك.

الأخ العزيز
سامى عبد الوهاب مكى
الله يبارك فيك .. وفي احساسك الجميل ..الف شكر

مبروك لزهرة ، وليتفتح عبيرها ليغمر الجيران ،،،
وعقبال نفرح بيك يا تامبا ...
بلغهم تحياتي والتهاني ،،

الجميل تمبس
الف مبروك لزهرة
وتحياتنا للأسرة الكريمة

ألف مبروك ياعلاء لزهرة..الاسم جميل وأنا في عائلتي الاسم دا مسمى بيهو اتنين من العزاز جدا ولكن بنطقين..واحدة بضم الزين والتانية بفتح الزين..وربنا يبارك ليك في درر العنقود كلهم.

تمبـس
مـبـروك..
وجعلها الله من بنات المستقبل...

ومليون زهرة..

لزهرة...

العزيز ابورزقـــه ..
الف شكر لحضورك ..ولدعواتك الصادقة ..
وحمد لله لجميع شملك واشاركك الفرحة .. وربنا يجمع شمل ..


الجميع

كبر الأسير .. الله أكبر... باركو لي.... الحركة الشعبية ...رج عن من أعرفهم...!!]

العزيز بناديهـــا..
سلامات .. وربنا يحفظ ليك كل الزهرات ..
عندنا طبعا مغالطات كتيرة جدا مع الوالد بخصوص النطق .. هو دائما بيصر علي الاسم بي طريقتو الكلاسيكية زهرااا بي كل علامات الفتح وانا دائما بصر علي انها زهرة واحده اها لما ينادي عليها بينادي طبعا حسب اسمو .. فطوالي بيقوم ينط ليهو اقرب زول .. يا حاج يا ( معتق ) زهرة واحده بس ولي الآن ما اتحسمت المسالة
شكرا جزيلا بناديها .. وطمعانين في اللقيا ..

بفــرح بيهــا


Save @ PC

صديقي اللطيف .. محمد صلاح ( بن بن )
شكرا يا لذيذ .. علي كل الحاجات الحلوة ..
وعندي احتفالية خاصة في الدمام
دون في المذكرة واحجز لي مقعد في ( الهالف مون ) .. واتوقعونا انا والشباب قرييييييييبا

اخي العزيز علاء

مبروك
مبروك
مبروك

تهاني الحارة

الأخت الحبيبة انا بنت النيل ..
سلامات
ومشتاقين ..

والف شكر وعقبال افراح الاولاد..
طمنيني عنك

Quote: مبروك لزهرة ، وليتفتح عبيرها ليغمر الجيران ،،، وعقبال نفرح بيك يا تامبا ... بلغهم تحياتي والتهاني ،،

بس كدا ؟؟ يعني قاعد تزوغ بالطريقة دي ؟؟
مش قالو الخال والد وشنو كده ما عارف ؟؟
غايتو ام طلال مجهزة لي علبتين كعك والسكر عالي الجودة و( كمية ) من الحلويات المشكلة ،، والكلام ده كلو وانا ما كلمتها ..
اتحرك معانـــــا ورقم الحساب بي طرفك عندنا مشاريع قدامنا

محبتي ياخـــال وعقبال ما نفرح بالدكتورة فدوى والباشمهندس طلال ..

تمبس

تهانينا ( وبيت مال عيال) شفتني مشاتر كيف

امنياتنا لزهرتكم بمذيد من النجاحات

الف الف مبروك العزيز تمبس ... اها نقوم نحجز الاستراحة .....




ود الباوقة

Quote: الف الف مبروك العزيز تمبس ... اها نقوم نحجز الاستراحة .....

العزيز ودالباوقة
تحياتي ..

الإستراحة جاهزة ..
بس خلي تمبس يجهز خروفين ..

ود الباوقــه ..

الله يبارك فيك وعقبال تخريج الدكتورة..

Quote: اها نقوم نحجز الاستراحة

الاستراحة جاهزة وتسمع في كلامك ده .. ابقى مارق بس..
في حاجات كتيرة في قائمة الانتظار ..

يا ابوخدره

Quote: ( وبيت مال عيال)

الواحد بقى يخاف عليك
يعني انا اخلي الرياض والشغل الفي يدي ده واجي احرسك والا شنو؟؟
عذبتني معاك
غايتو شكرا للفرزتو من كلامك ده ولحدي ما نشوفك
انا عامل اعلان فوق لي بن بن

يا لفرحتنا وسعادتنا ..
ألف مبروك للباشمهندس زهرة وعقبال الدكتوارة إن شاء الله ..
كعادتك دائماً يا صديقي حاضراً في دواخلنا جميعاً ..
وها أنت تشارك الأسرة بكل هذه المشاعر الجميلة ..
أسيرياً وقلباً وقالباً ..
زغرودة الوالدة ودموع الحاج وفرحته ..

الرفيق وصديق الدرب .. معتصم دفع الله ..
فرحتي هنا لا تكتمل إلا بوجودكم من حولي .. انتم من تعيشون معي كل لحظاتي وتجملوها..
جمعنا الله هناك في حضن الوطن .. لنكمل باقي المشوار ..
ليك تحيات الاسرة ..
وشكرا
للباشكاتب ..

Timbs2:
ألف ألف ألف مبروك وتهانينا للباشمهندسة وكده الواحد ضمن إنو بيتو إنشاء الله إتشطب مجااااااااااااااااااان ..

Quote: ارهقتني بإزعاجها ومشاكستها

ياراجل قول كلام غير ده شكلها أرهقتك بي علاء الدين حوول لي ريالات ..علاء الدين موبايلي 3310 عايزاك تجيب لي موبايل أبو كاميرا ..علاء الدين جيب لي الدفاتر الملونة ديك والقلم الباركر ..
اسألني انا من إرهاق الحتالة خصوصاً لو طالبة جامعية
قال إزعاج ومشاكسة قال

عمر .. الله يبارك فيك وعقبال بيك نفرح

Quote: وكده الواحد ضمن إنو بيتو إنشاء الله إتشطب مجااااااااااااااااااان ..

بيتك ده حاول ركب ليهو ( مكنة ) ( قندراني ) وكبر ( العادم ).. الباشمهندس قالت عايزه تحضر في الهندسة الميكانيكية..

Quote: ياراجل قول كلام غير ده شكلها أرهقتك بي علاء الدين حوول لي ريالات ..علاء الدين موبايلي 3310 عايزاك تجيب لي موبايل أبو كاميرا ..علاء الدين جيب لي الدفاتر الملونة ديك والقلم الباركر ..

ده حال السعودية طبعا.. وحسع كلما اصحى الصباح جوالي ده اقعد اتأمل في محاسنو..
فقري جدا انت
نسيت المسطرة الطويلة العامله كده من فوق .. الغريبه كلما ارسل مسطرة مع واحد يا ينساها في الرياض .. يا في الطيارة يا في اللموزين..

مليون مبروك ليك يا زهرة
وانشاءالله تفرح معاهم يا تمبس
في الفرحة الكبيرة ......
مع خالص امنياتي للبشمهندسة زهرة بمزيد
من النجاح والتوفيق وعقبال الماستر والدكتوارة
السمؤل

عزيزنــا المشاكس سمؤل..
الف شكر ياسمؤل وشكرا لامنياتك واسال الله ان يستجيب..
وعلي درب الماستر والدكتوراة ان شاء الله.

ألف مبروك لزهرة يا تمبس
وعقبال ما تفرح بعدلها
شفت زهرتك الحلوة في الخرطوم في أحد لقاءات البورداب
وحقيقة اعجبت برقتها ولطفها وأدبها وهي زهرة بحق
ربنا يخليكم لي بعض

دكتورة ايناس ..

Quote: وعقبال ما تفرح بعدلها، ربنا يخليكم لي بعض

شكرا كتير وانت تقاسميني فرحتي بزهرة ،،
في نفس يوم اللقاء كانت مزحومة في ورش عمل الجامعة وكنت مصر انها لازم تتعرف عليكم.. بالرغم من اللحظات البسيطة الكانت فيها إلا انها حكت لي كتير عن اللمه وعن الروح الطيبة..
وكنت بتمني زي كل مرة اني اكون حضور ..

مبروك تمبس
بس انا قايلك اصغر من كده
قال دي اخر العنقود طبعا

domdom

سلامات والله يبارك فيك وعقبال ما نبارك للنابقة مرة تانية في اعلي الدرجات العلمية

Quote: بس انا قايلك اصغر من كده قال دي اخر العنقود طبعا

اها لقيتني كيف ؟
غايتو ضرب حساباتك ديل اتنين مهندسين هي والولد الاكبر منها طوالي الحمد لله .. والاتنين مرحلة الاساس يعني بي التوقيت الجديد ، اما انا قريت الابتدائية لما كانو بيجو يصورو الطلبة ويرصوهم في كنبه واحده والصور ابيض واسود..

الأخ الكريم استاذ علاء

ألف مبروك للأسرة الكريمة

وللباشمهندس زهـرة


وإلى الأمــام

الأخ الأستاذ صلاح غريبه ..
الف شكر
وعبرك تحياتي للابن الدكتور وفي انتظار فرحة التخرج
لتجني ثمار الغربه ويعم الفرح اسرتكم العامره بكم

الأخ علاء ..
تهانينا الحارة للباش مهندس زهره ولوالديك الكرام.. والله يفرحهم بيكم
وعقبال ما تفرحوا بيها عروسة وأم وينادوك يا خال تمبس

الاخت العزيزة عزاز شامي ..

الله يبارك فيك وعقبال ما نبارك ليك فرحتك الكبيرة ..

Quote: وعقبال ما تفرحوا بيها عروسة وأم وينادوك يا خال تمبس

خليها تندرش شوية كدا وبعدين الخال دي ملحوقة
انا من سنتين بقيت عمو مرتين وكلمااتصل واسمع ياعمو بحس انو في تلاتة ( شيبات ) جن طالعات
غايتو يا عزاز الواحد يحضر بتيختو وجريدتو من حسع وانا مركز علي جريدة الحياة لانو صفحاته كتيرة وبتغطي من المطرة والشمش

مبروك و عقبالك

راجى شنو؟؟؟

تامبا
ألف مبروك
أفراح مستمرة يا رب

شكرا يا عمي الحاج اسماعين وراق .. وعقبال ما نبارك للامورة اسيل

شكــرا دكتورة بيــان للاهداء اللطيف وسط الدايره


شكرا الاخوات العزيزات رجــاء العباسي وراوية العباسي للزهور والورد


كل ما اتمناه أن اراكن بالجوار

esam gabralla

الله يبارك فيك ، وعقبالك انت برضو...

Quote: راجى شنو؟؟؟

يعني نسيت ؟؟ والا عشان مطنشني

Quote: كان صوت الوالد ... وهارموني من الزغاريد .. قدرت اميز من بينها نغمة الوالده فهي تطلق زغروده تنطلق من اعلى مستوى للصوت السبرانو وتستمر في ( صولو ) متواصل دون انقطاع..

لكن امك دى ما سحرتها عديل كده.

الف مبروك تمبس وجاهزين جاهزين للاحتفال بالناجحين
يا اولاد معتصم ووليد399 جهزوا عدد واحد استراحة وصلحوها،،،،

تمبس صاحبي العظيم زمان

عقبال فرحنا بيك إنت يا ظريف!! سمعنا صوتك ياخي!!

خالد فضل

الوجيه خالد فضل الصاحبي لحدي الآن

القصة شنو يادكتور اعلان الحرب ده ؟؟
يعني الا الواحد يقنع ليهو من نومة خميس يشرك ليك في اشارة اليورومارشيه ؟؟

اضرب بوري بس .. تلقانا يانا نحنا..

الله يبارك فيك يا عظمه واتوقعني

صديق الموووج ..

Quote: الف مبروك تمبس وجاهزين جاهزين للاحتفال بالناجحين يا اولاد معتصم ووليد399 جهزوا عدد واحد استراحة وصلحوها،،،،

يخليك لينا يا عطمة .. انت اعمله معانا هنا وامشي تمها هناك
نبارك ليك الجيه من الحج

العزيز / تمبس

10001000 مبروك وعقبال الدكتوراه





ـــــــــــــــــــــــــــــــــــــــ
لقيتك ... والرزاز مدخل

ود المايقومــا..
الف شكر يا عزيزي .. انا متاكد من حضورك في فرحي

جعل الله حياتكم كلها زهور ووسرور وحبور وورود يا تمبس يا جميل يا فنان

الأخ علاء

مبروك قدوم الزهــرة وإنْ شاء الله تملأ حياة الأسرة كلها أفراحـاً وعـبـقـاً.

مبروك يا عمو؛

و لو في حفلة بي جاي ادينا خبر باللاهي*.

______

* اتمنى ان لا تقرأ لاهاي.

الجميل تمبس
الف مبروك لزهرة
وتحياتنا للأسرة الكريمة

الأخ الصديق مولانا اسماعين التاج ..
كان بقدومها فرحة وفال .. والآن ببداية مشوارها العلمي اكتملت فرحتنا
شكرا يامولانا .. وما نعدمك ..


الإبن ملاسي
ضاعت عليك الحفلة وامكانية عرض ( الحلاقة ) الجديدة وانت من زير لي زير ..
الله يبارك فيك ويجعل لك في كل خطوة زير ( قناوي ) ..

الحبيب جدا
نزار حسين ..
لك تحيات الاسرة .. وعقبال ما نفرح بيارا

أينعت فى الروض زهرة

إنشاء الله يا تمبس حياتكم كلها بنكهة الورود وابتسام الحدائق

وتهانى صادقة للزهرة ولكل الأسرة

طيب بالمناسبة دى يا علاء
ما تهبش لينا أغنية أبوداود العجيبة دى

أينعت فى الروض زهرة

على بالايمان فى تسجيل بالعود يا تمبس

برعى وابوداود راس

وثالثهم السحر

كدى حاول

ومبروك آلاف

ألف مبروك يا تمبس لك ولزهرتك آخر العنقود ولأفراد الأسرة الكريمة وربنا يديم الأفراح.

قبل كم يوم كان زواج أختي الصغيرة بنادي أمدر السياحي وبرضي زيك كنت أتابع بالتلفون زغاريد الفرحة والضحكات وأنا وحيد بالرياض. ربنا يديم الأفراح ويلم الشمل في ساعات خير وبهجة لك ولنا ولكل السودانيين.

ألف مبروك يا تمبس
ومزيدا من النجاحات لزهره

تمــــــــــــــــبس الجميل..
ازيك يامفرده الروح ..
ازيك يا من تهدى الرفاق طعم الاشياء والنفس..

لعلك بخير..

خالص الامانى القلبيه لاواخر العنقودالزهره ..
بدوام النجاح والتوفيق فى كل سبل الحياه..
وانت كذلك..
وعبرك ارسل ليها هذه الكلمات المرتجله..
فتحياتى لها..



القسم
من زمان يالسمحه
فى عينيك ختيت قسم..
ووهبتو ليك حياتى
ومشيت طريق لافيه حدود لارسم..
وفرحت بى الجاينى منك
شيتا لافى الواقع لاجاى من حلم..
بس لقيت البيناتنا اكبر
يزيد كل يوم وينحت فى الالم..
معاهو الخطى ملت طريقه
شعاع العتمه فى الصرخه اترسم..
متين نلقاكى فى الغربه
اعيد قسمى واشيل باقى عمرى النقسم0

تحية طيبة للجميع

الجميل تمبس

مبروووووووووووووووووووووووووووووووووك

و دائما من افراح لافراح ان شاء الله

تمبيس

الف الف مبروك... للباشمهندس زهرة

ألف مبروك يا تمبس

الفين مبروك لزهرة


ومبروك ليك يا تمبس

وانشاء الله تحضر كل الافراح الجاية معاهم


تسلم انت وهى

يا مرض مفروض موش تبكي .. تبكي وتدردق في ا########## دي وابوك يفرح وامك تذغرد
ياهي دي الولدة الناجحة
ربنا عوض الوالد والوالدة خير

العزيز تمبس

تحياتي ..

والله اعذرنى بقيت ادخل المنبر ده مطشش مرات اشوف ومرات لا ، لولا (خدرنت )

ماكان عرفت الخبر ، فقد قرات الخبر هناك وذهبت بعد ذلك ابحث عن البوست ..

الف مبروك لزهرتكم الجميلة وامنياتى بحياة عملية موفقه ..

محبتي

الاخ تمبس

مليون مبروك


ولك محبتى

جهاد

العزيز تمبس
ألف مبروك نجاح أخر العنقود و مزيداً من النجاحات لكل أفراد اسرتك الكريمة

الاخ بـــــ تمبس ــــــــــة


مبروك النجاح لى زهراء

وعقبال العرس ان شالله

تحياتى لك وللاسرة ..

الاخ تمبس
تحيه طيبه والف مبروك الباشمهندس زهره وانشاء تفرح بيها يا رب وما تنسي العزومه

تمبس
دبايوا
جعلها الله من المستورات ان شاء الله

الأخ الكريـم علاء،

ألف ألف مبروك، وإن شـاء الله تربى فى عزكم.

ألف مبروك وتتربي في عزكم يا تمبس

مبروك لزهرة يا تمبس ربنا يسعدها،

بسم الله الرحمن الرحيم
الأخ العزيز تمبس
الف مبروك مقدم زهرة...جعلها الله من زهرات الإسلام والسودان...وأقر بها أعينكم

علاء الدين


الف مبروك وان شاءالله تفرح بجديدها على حسب كلام الحاجه


انت اخبارك شنو ما ظاهر مالك

العزيز علاء

ربنا يفرحكم ويجعل أيامكم كلها أفراح

وألف مبروك لزهرة

حبيبنا أبو علاء
ألف ألف ألف مبروك
و أحمل للعائلة تهانينا و محبتنا

العزيز تمبس
ألف ألف مبروك لزهرة "الزهرة" مزيدا من التألق والنجاحات

Quote: يا اولاد معتصم ووليد399 جهزوا عدد واحد استراحة وصلحوها،،،،

صديق الموج حمدالله على السلامة لووووووووووووووووووول

تمبس انا باركت ليك في خدرنت بي هناك
باركت لي زهره و باركت ليك انت
يلا تعال ادفع قيمه الاعلان

الأخ تمبس
مبروك لزهرة ، وأتمنّى لها حياة يحفّها النجاح والتوفيق والإستقرار ..

أعذرني لكتابتي بوست منفرد

تمبس و زهرة .. إليكما أهدي هذه الزهرة

ـــــ
انا في البعيد مشتاق لهمسة من الوطن يانسمة
[email protected]

الحبيب تمبس،،

الف مبروك لزهرتكم..

اخي في الله علاء

الف مبروك اخي

ربنا يحفظها ويعطيها علي قدر ما تتمني

ألف مبروك يا تمبس

الأخ تمبس

تحياتى

نعم الإله على العباد كثيرة** وأجلهن نجابة الأبناء
التهنئة بنجاح زهرتك وتفتحها عقلا يحلق عاليا فى سماء المعرفة وروحا تفوح بحب الوطن.
والتهنئة موصولة لكل أبناء وبنات السودان الناجحين والمفرحين لقلوب أهلهم.
كما أتمنى والمناسبة مجال تعليم الأبناء أن أذكر -عندما كنت فى منطقة خميس- مشيط مشروعا إقترحته على الأخوة آنذاك ويتلخص فى عمل صندوق لتعليم أبناء المغتربين على أن يدفع كل مغترب بالسعودية مبلغ خمسة ريال شهريا. وكنت أراهن على أن هذا المبلغ البسيط إذا إنتظم جميع المغتربين دفعه شهريا سوف يعلم جميع أبناء المغتربين بالجامعات السودانية أو غيرها. فبالطبع وجد المشروع من يحطمه بحجة الأمانة ومن الذى سوف يكون مسئول عن هذا المال وكيف نحاسبه ووووو...الخ.مع أن المبلغ المطلوب من الفرد صغير ويمكن أن نجرب به بداية المشروع مع وصع كل الضمانات لنجاحه وإن فشل سوف لن يخسر الشخص أكثر من60 ريال فى السنة ونكون قد حاولنا.
وكان إقتراحى الثانى أن نجمع هذا المال ونوزعه على جامعات السودان سنويا على شرط أن تقبل أبناء المغتربين مجانا, وبهذا نكون قد عالجنا موضوع ألا يكون المال فى أيدى أفراد ربما يخونوا الأمانة.

فعفوا لتذييل تهنئتى بهذا الموضوع ولكن عسى أن يكون نجاح زهرة هو فاتحة خير على السودانيين ليفكروا فى مشاريع يمكن أن تخدم أجيال المستقبل.

الحبيب تمبس
التهنئة من سويداء القلب لزهرة "البنت الحديقة" و لكل مشتل الحنيّة بيتكم العامر باذن الله
ربنا يرد غربتك و يلمك على الناس الطيبين ديل
خالص محبتي

ألف مبروك يا تمبس,وتتربي في عزكم

العزيز تمبس
الف مبروك وربنا يحفظها لكم
زهـــــــــــــــــــــــرة
مع تحياتى

تمبس
وصلني شمار حاااااار
قالوا زهرة دي ، زهرة فعلا ،،،
وخالك ما عندو ولد كبير ،،، ومتعود على نسب ناس أم درمان ،،، وعارف طعمو ،،،
أها كيف ؟



ما تقولي خرفان ...

العزيز تمبس

ألف مبروك ،، و ربنا يرد غربتك و يبرّد حشاك ،

أنا جاهز ليس لـ لم الكراسى فحسب و إنما

لإنزالها و كل ما يخصها .... بس قول عوك .

My friend Tmbis
Our congratulations to the engineer Zahra and to your parents the nobles ..Also I wish that Allah makes every days you weddings Waqbal doctorate and I wish that we rejoice over you at your qualification for the marriage ...
We wish that we see you soon in the eastern region so that we please a proper with Zahra 's graduation on the shore of the Persian Gulf or as they named it the Arabs the Arab Gulf..

Quote: يا ابوخدره Quote: ( وبيت مال عيال) الواحد بقى يخاف عليك يعني انا اخلي الرياض والشغل الفي يدي ده واجي احرسك والا شنو؟؟ عذبتني معاك غايتو شكرا للفرزتو من كلامك ده ولحدي ما نشوفك انا عامل اعلان فوق لي بن بن

does not become disturbed a lot concerning the brother Khedr it has come to very late stages that rebelled against our control

My friend hope the acceptance of my regret for my lag in the congratulation
Badri

The uncle Wad gasim n7na fe el saf, we are not from Amdrman people but we studied in Amdrman ma nanfa3 ya tamba?
My greetings of you and to the generous family ya '7al

تمبس اخوي
مبروك لللمهندسة زهرة . . ومعليش جات التهنئة متأخرة
يا اخوي ليه ما اتصلت علي وانا لسع في السودان
عشان امشي البيت واقوم بالواجب

العزيز تمبس ..

ألف مبروك .. إن شاء الله تربي في عزكم الوافر ..

والتهنئة موصولة للأهل بالسودان ...


أخوكم ..

جاد

تمبس ألف ألف مبروك على الباشمهندسه الزهره... وربنا يفرحك بيها كمان وكمان.. وعقبال الشهادات العُليا... والسوبرمان الحيمر بالكتير عشان يخطفها...

بنت الحسين

الاخ تمبس

التحايا المعطرة بزهرة القرنفل


الف مبروك لزهرة الزهرة

الأخ المحترم تمبس..
ألف مبروك لزهرتك...و ربنا يديم أفراحكم, ويرد غربتك و غربتنا بالسلامة..آمين..

على فكرة الفي الصورة دي أكان بتك أكان ما بتك..غايتو مكملة السماحة...ما شاء الله

تمبس

الاشواق من هنا لاعندك

مليون زهرة لزهرة

ومبروك ...

....
....

جانبيا:

مبروك المشاط

الأخ العزيز تمبس

اسعد الله اوقاتك ،،، الف الف مبروك نجاح وتخرج الباشمهندس / زهرة ،، وكل الاماني لها بمستقبل علمي وعلمي زاهي وزاهر

شرووم

لون الفرحة الفاتت وين !!
طعم الضحكة الرايحة سنين
خيت الدم
تومة الروح
بنية يابا
قمر دورين

هدية يُمة
منانا التمّ
نورنا العمّ
يزيل العتمة
الليلا ضنين

ترياق الزمن
المابي يلين

يسر العسرة
جيش النصرة
اليوم حاتبين


ربح المسرة
حصاد الوفرة
الحارسو أمين
راحة بالنا
ضريرة فالنا
عديلة وزين

حس فنانا
الشنف (اضانّا)
واطرب حالنا
لهج سمحين

صوت آذّانا
الكّبر جانا
ملانا يقين

ورد قرآنّا
بخور تيمانّا
دقُر ياعين

حفيظ رحمانّا
يارب آمين

بنوك راسمالنا
وإستثمارنا
الربحو حلالنا
وعايدو ثمين

طويل بنيانّا
الشقا عنانّا
وساسو متين

***

Quote: وعقبالك مانبارك ليك تخريج زهرة كمان

تمبس وزهرته وموسم الأفراح

فرحتي بسحر نفسها فرحتي بزهرة الرقيقة

لكم أطنان الود

ويازهرة عرسي قوام عشان نحضر المرة دي ونطلع من لسان تمبس

وياتمبس ان لم تحضر ليلتها بالجسد فكنا بالروح والله ..

تاني ملايين التبريكات ..

الف مبروك ياتمبس وانشاء الله تدوم الافراح

وعقبال الدكتوراه

الاعزاء ، الاحباب

المطر ، العوض الطيب ، معروف سند ، تروتسكي ، محمد الأمين أحمد ، سجيمان ، عبد الله بابكر ، دريمز ، اساسي ، محمد عبد الرحمن ، جهاد الغزالي ، ندى أمين ، ودالعباسية ، حسام يوسف ، هاشم نوريت ، أبوالريش ، كمال عباس ، عجب الفيا ، راشد الحاج ، ودعقاب ، عباس ، علاء الدين يوسف ، نادر ، خدر ، لؤي ، وليد طه ، مهاجر ، النصري أمين ، بله موسى ، لنا مهدي ، الشريف ، هشام مدني ، ودقاسم ، مصدق مصطفي حسين ، بدري ، حمزاوي ، جاد ، مريم بنت الحسين ، أحمد سعيد ، سناء خالد ، قرمبوز ، شرووم ، بلقيس ، شدو..

آسف لعدم ردي في حينها للظورف المختلفه..
وشكرا ليكم وانتم تضيفوا لي مساحة من الفرح ، كنت اتمنى ان ابادلكم كلمتكم ، حرف بحرف ...
سنلتقي
لكم كامل الحب والتقدير
والف شكر مجددا مني ومن الاسرة