ويجي صلاح شتات يقول ليك ...

العرب شينين..

شينين جنس شناة يا تامبا ..

لكن قدر ده يا معتصم

ده حقد بس منو

تعرف يا تامبا الحفل دا أنا متذكره كأنه أمس ..
عبارة عن تحفة فنية جسدت معانٍ كثيرة ..
وكنت محتفظ بشريط لهذا الحفل ..

لا زال هناك من يحتفظ لنا بشئ من الكرامة يا تامبا ..
فيجب علينا رد هذا الجميل بجميلٍ مثله ..





وشتات دا خلي علي أنا بقدر ليكم عليهو ..

بس إنت شيل شيلتك مع الكاردينال محمد الشيخ ..
بجي بكشف حالك ..

لكن في واحده شترا في النص يا معتصم .. زمنه فارق

( دكين ) بيشجع اللعبة الحلوة

والكاردينال محمد الشيخ ..

يمكن ان يتحرك في دمنا بحرية ..
طبعابعد تصفية حسابات بسيطة

تعرف يا علاء

أنا دائما بركز على "الشوف" من جوه
وكتير جدا ما بحاول اشوف من بره

هل تصدق انه فى ناس كتار، قمة فى الحلا
وهسه لو سألتنى شكلهم بالضبط كيف
اقول ليك ما متأكد
لأنه ما عاينت ليهم من بره

صلاح ده لو جاى من الباب ده
يبقى أنا موافق تماما

كدى عاين للناس ديل من جواهم، أول شى
معظمهم، يعنى مش كلهم
حتلقاهم فى منتهى البشاعة
وشنا فريده فى نوعها

المهم يا زول ما اطول عليك
الجماعة ديل هم حلوين يعنى؟

لأنه بالجد كده والله لحدى هسه أنا ما مليت عينى فى اشكالهم الخارجية

غايتو لو فيهم رقشه قولو لينا عوك

على الأقل نبدا نعاين ونعمل معادله

هسه عليك الله فى أحلا من الود معتصم ده

بس عيبه الوحيد

إنه "سيرباك"
Third Back

والمفروض يكون
First face

وسلام كتير ليك وللشباب

التعديل تم يا علاء لأنه حذفت كم جملة كده
هنا فى ناس "ما حلوين" أكيد، عشان ما يقومو يفهمو الكلام ده بالمقلوب كمان

الحلاء والجمال،، يا مطر
المقاييس المتابعة ونقاط الالتقاء بيناتهم والاختلاف
سمات الجمال المميزة في الملامح ..دي انا بتفق فيها وعندي ليها شوف محدد وبتلاقى معاي كتار فيها
الشوف الداخلي ده برضو بنعكس تلقائيا على الملامح ( رايك شنو في النقطة دي )
مافي نوعية كده بتقراها طوالي من ملامحه ..

عبد الله جوبا متذكرو يامطر ؟
ما احسن زول كان بيحب السودان .. وثقافة وحضارة السودان وانسان السودان
بنقدر نشوف الجمال من كل الزوايا يا مطر كان ركزنا كويس

Quote: هسه عليك الله فى أحلا من الود معتصم ده بس عيبه الوحيد إنه "سيرباك" Third Back

هسي عليك الله يا مطر ..
البقفل ليك العصابة ديل منو ؟..
ديل عايزين لعب الغتاتة ..
والضرب في الأنكل ..
يعني ..
مان تو مان ..

معتصم

والله فى دى صدقت

Quote: هسي عليك الله يا مطر .. البقفل ليك العصابة ديل منو ؟.. ديل عايزين لعب الغتاتة .. والضرب في الأنكل .. يعني .. مان تو مان ..

أنا ما بقدر عليهم
تعرف هم حيقومو يتلايقو عليك عشان انت تعمل معاهم مخالفة
والحكم يديك كرت أحمر

"أحمر غامق"

ديل
اشوف فيهم يوم

يا معتصم
ليك حرية التصرف في كل ايام الاسبوع
ويوم الخميس بعد النومة الطويلة
المطر بكون احلى زول
علشان كده انايوم الخميس
المطر ده حقي براي

قول خير

السماحه ما مشكله (في شكل حساده)
لكن هم بالجد رقاصات
نحنا اسياد الرقيص ده ما اظن نقدر نقدم عرض زي ده بحريه زي دي وانسجام مع الموسيقي ونظام
والله قبل يومين جابو عرض في افتتاح شنو كده في استاد شنو كده عرض لاطفال كده مخجل والله
المشكله الحقيقيه هي في الاهتمام الكافي بالاداء والجوده قبل ما نقول عدم امكانيات وشناه

غايتو العرض ده عاجبني جدا برضو يا تمبس
وتحياتي

عرس الســودان .. للحفــظ

تومـــا
والله تصدقي الملف ده كان من نصيب البوست حقك ..
لكن قمت لقيت ليك هاشم ( ما اظنو يموت الشوق معاي )
لقيته بالصدفة فقلت خلاص نشوف هاشم ونستغل ( الحسادة ) دي في مآرب أخرى
خاصة عندي ناس كتار هنا بفتش ليهم وعايزين شوية تحريك ودردقه

بعدين
المشكلة اني دايما بستغرب في حاجاتنا ليه بتكون حلوة لما يعمله غيرنا؟؟
مع انو نحن اسياده
حسع لاحظي للحركة والتحفيظ والتعب وتغمص الدور ده اخد مسافة قدر كيف شان يتهضم ويطلع بالشكل الجميل ده ؟؟

هاشم جاييك في السكة علشان زاتو البوست بتاعك ده شايفك مطنشاهو كده

هوى يا انتو ده بالله وكت شنا؟








روقو شوية ورانا عرس
اديكم كده..

صلاح شتات دا زاتو ظلامي .. !!

Quote: صلاح شتات دا زاتو ظلامي ..

وطلع مؤتمر وطني ( مادلج ) ياحمدية

الكلام ده طبعا من اخر جمعة ولي جاي
بقي يتكلم كتير عن المنهجية
وسلوكيات الافرادفي ظل التحولات الدولية وبعض من ( البطيخ )
وتاميها لي موية

وانامجبور

وليد طه

والله قلبي معاك شديدده كلو ما بيحلك

ما قالوا عليه مجكس من أندنا

تمبس
صلاح شتات قال كدة ؟
أكيد بيكف العين ..

كلام شاعرنا الفذ أبي ذر المطر دة ما تفوتوه ساكت .. دة كلام كبير جداً.

في شاعر سوداني (شايقي) يجلس بتواضع أمام ماكينة الخياطة في سوق البطحاء بالرياض ، تغنى له الكثيرون من نظمه و كلماته. يجلس يعمل و هو يرمق هذه الغزلان السارحة أمامه في السوق جيئة و ذهابا ..
ذات يوم كشفتْ واحدة مثل هذه الراقصات وجهها أمامه .. فهاله ما رأى من جمال يصرع ذي اللب.
فأطال النظر و هو يبلع الريق. فقالت له بإزدراء : ويش تناظر ؟
ثم ذهب إلى بيته و قال شعراً :

تقول لي ويش تناظر ؟
بناظر وجهاً متل فلق القمر
شق الخمار نافر

الشاهد هنا :
إستكثار أن ينظر واحد مثل هذا السوداني الشين إليها و هي التي كشفت وجهها لينظر إليها واحد (قندف) من شاكلتها.
الشاهد الثاني أنها لا تعترف أن النظر إلى الجمال صنيع الله مشاع لكل ذي عينين و كل ذي متذوق لهذه النعمة .. و خاصة إن كان المشاهد سوداني يقبع أمام ماكينة خياطة في برندة بالسوق.

هنا تكمن البشاعة التي قصدها المطر. رغم أنها بشاعة أتت لنا بقصيدة حلوة من شاعر مرهف.

صلاح شتات : إنت في ياتو كوم ؟ شناة الوش ولا الشنا القاصدا المطر ؟ يا إمبراطور إمبراطورية ال ......
إكمل يا ود دفع الله

حمـــزاوي..

Quote: ما قالوا عليه مجكس من أندنا

ما قالـوا عليك مجكس ،، عاد نان وين الجكساية

Quote: ما قالوا عليه مجكس من أندنا

ما من اندكم يا ابو النسب
مافي ليهو طريقةانتو بتدو الواحد فرصة

علاء الدين ومصباح السحر الجميل

صباحاتك ورد أبيض وأزرق

أكيد طبعا يا تمبس
الجمال البرانى برضه مهم، وعنده مواضعه المطلوب فيها
أما "يوتوبيا" الجمال الجوانى والبرانى المتلمين مع بعض
فدى قليلة جدا زى ما انت عارف

بس انا زى ما قلت ليك بركز أول شى على الجوه
بعد داك البره ساهل، مقدور عليهو
يعنى ممكن بكل سهولة، تقفل الفتحتين المتعبتين الفى الراس
الإسمهن العيون
بس القباحة الجوانية دى إلا تقفل ليها روحك عديل كده

النصيحة والله يا تمبس
هناك فى البلد قاعد نعاين ونملا عينا كمان

بين إبتسامك والمنى
وقف البنفسج وإنحنى
جاتك غناوى الدنيا كلها
تمشى تقدل فى إنسجام
حضن الوهج
حضرة عيونك ولونا
بين إبتسامك والبنفسج
إنتشى المعنى و توهج
وقلنا لى عيونك سلام

قلت لى عبد الله جوبا
كيف ياخ ما متذكرو

عبد الله السريّع

وصدقنى الزول ده يمكن يكون زعيم "المعاينه من جوه"
وأول ما عشق، عشق المعانى

ونحن برضه بنعشق المعانى
ومعانى المعانى

Quote: بين إبتسامك والمنى وقف البنفسج وإنحنى جاتك غناوى الدنيا كلها تمشى تقدل فى إنسجام حضن الوهج حضرة عيونك ولونا بين إبتسامك والبنفسج إنتشى المعنى و توهج وقلنا لى عيونك سلام

يا مطر ..
ما ده الشوف الميتافزيقي البعنوهو .. البينعكس ليك في الملامح الخارجية..
وبتتفاعل معاهو منظومة الاحساتس كلها .. وممكن تشمو شمان منغير ما تشوفو..
بس المشكلة يا مطر في التلقي والترجمة من زول لي زول وهي البتطلع الكلام المكوت فوق ده .. وفي احتمالات اختلاف وجهات النظر..
لكن صدقني احيانا في اشارات كده .. الابتكر وجهات النظر زاتو يتحير فيها..

اتمنى مشكلتك التقنية تتحل بسرعه .. شايفك طولته..

العزيز
جلال

صاحب الجلال

كيفك يا ابا جهينة
يا أجمل الحلوين

تعرف
أنا مشيت للشاعر الجميل "عبد الله محمد خير" فى البطحا
كان قاعد فى محل لى جوه، فى عمارة "الرصيص" الجديدة، مع نهاية الكبرى وانت ماشى جنوبا على الفسحه الهسه بنو فيها مركز الوزير
الكلام ده فى بداية التسعينات

كان وصانى الصديق الفنان "محمد جبارة" وقال لى ما دام ماشى الرياض امشى اتعرف بعبد الله

وفعلا والله مشيت ليهو وقعدت معاه
قلت ليهو يا حاج عبد الله انا مستعد أجيك كل يوم بعد المغرب عشان "أعمل ليك العراوى والزراير بتاعة الجلاليب" طبعا أخوك برضه ترزى حريف جدا
قال يا ولدى العراوى هنا بسووها بالمكنة، والعمود برضه بالمكنة
قلت ليهو يا حليل ناس عم رزق الله فى السوق العربى ونسوان نمرة تلاتة

المهم بقيت كل كم يوم كده أمر عليهو ونتكلم عن "حسونه" و "ود الدابى" و"ابراهيم ابنعوف" و السر عثمان" و"محمد سعيد دفع الله" الخ

وتصدق سألته من القصيدة بتاعة "الحُرمة" العاين ليها دى
قعد يضحك وقال لى القصة

قال لى بالمناسبة دى، نفس الشى حصل معاى فى "سوق الدبة"
برضه حصل نفس المشهد مع اختلاف المنظر طبعا

هناك الشعر كان منسدل الى الخلف زى "شلال قلول"

وقال القصيدة

يا الشايل شعرك فى كتفك
أدينا نظره
لو بى طرف طرفك

نسيت الباقى والله يا جلال

يعنى هو هناك كايس النظرة
وهنا منعوهو النظرة

أثرت الأشجان والله يا جلال
ما عايز أطول فى النضمى

يقومو ناس "عصابة القناع الأسود" ديل
عارفهم طبعا

يقومو يدونى "طلقة"
أقصد "نظرة" يعنى

قال صلاح شتات قال العرب شينين .. الله بسألك يا تمبس ..!!!!
ومن يهجو القمـر؟
من يعيب النجوم ؟

Quote: دا حقد بس

ما مني أنا يا تمبس .. من معتصم وابوذر المطر .. شوف الحاقد منو؟




بعدين يا تمبس انت حدد موقفك معانا وللا مع الكاردينال محمد الشيخ؟



حميدة .. البقول الناس ديل شينين هو الظلامي .. صح؟



حمزاوي .. ما قلنا ليكم ادونا كورس تأهيلي في اللغة النوبية عشان الضرورة وكدة ..



أبوجهينة .. يا استاذ ما تمسك مني العصابة دي .. تحياتي


وليد العريس .. نلاقيك والزمن نديان



والتحية لكل الناس الهنا .. .. والهناك برضو كمان



ونلتقي يا علاء دائماً .. على الضفاف التمبسية ..

( هاشم شتات )

يعني ( مصر ) تموت بيهو جواك ؟؟
بختك عمليات القلب في السودان بلاش .. ( والرمد ) بدهو قطرة ( ومس )
الكمدة بالرمده

Quote: العرب شينين..

أي عـرب تعنـون..

يا ولي تمبس دقس نسى النقطة الفوق دي ..

تعرف يا تمبس ..

اسأل معتصم ..
مرة كدة في محل جات واحدة عربية من ذوات الخمار ..
في واحد كان بعاين ليها ..
قالت ليهو ويش تطالع ؟
قال ليها :

بطالع في قمر فتـق الخمار طالع
بطالع في جمر بيـك وبلاك والع
بطالع في النفـس يبقي مو طالع

تقول لي شينين !!!


وللا ايه رايك يا ابوذر ؟
محمد الشيخ قال : ما تقولوا لي المورفولوجي والابستيمولوجي والانتتمولوجي وما عارف ايه ..

Quote: بطالع في قمر فتـق الخمار طالع بطالع في جمر بيـك وبلاك والع بطالع في النفـس يبقي مو طالع

شتــــات..
ليش ما يطالع طالما انو حالتو متأخرة كده
وشوف العين ما بيكتل غزال..
بعدين هو كان عمله شينه ،، معاها حق ..
اما إذا مات بيها
فبتطلع ليك الكلام الفوق ده..
..
.
وإذا كان حريف خالص .. كان يشوف يطالع مرة واحده
ويتم الباقي غلاط..
لانو العصفور في الشجرة وما عندو ولا عصفور في ايدو .. صاح ؟؟

Quote: محمد الشيخ قال : ما تقولوا لي المورفولوجي والابستيمولوجي والانتتمولوجي وما عارف ايه ..

اما كلام الكاردينال .. فهو واضح جدا
والمسالة محسومة
ما محتاجه حصة صباحية ..
إلا إذا كنت ( بتطالع ) من منظور فلسفي أعمق من كده

Quote: أي عـرب تعنـون

تعرف يا وليد
انا مرة كنت في منطقة في السودان .. شان تصل ليها إلا تكون عنتر..
السكان الفيها طيبين بشكل ..
مسامحين بشكل ..
عندهم يقين .. حياتي إذا اتوزع على الدنيا يكفيها ويدفق..
فيها تمازج من القبايل .. بس الاغلبية .. من العرب الرحل ..
والخريف مترع .. والابل سارحه جمب الضان وقوس قزح شاقي السماء نصين ورزاز كابي والسماء ما بين الرمادي والاسود ..واشجار الهشاب واللعوت .. ريحته فايحة ومعطرة الجو..
الجو ملهم..
في نص الغيبوبة دي ..
شد انتباهي .. شافعة صغيرة ( فارشة ) قرعة كبيرة بتاعت ( روب )..
( ممشطة ) بطريقة بسيطة جدا وهي على الارض المشاط اطرافو كابه ومجرجرة بالارض وريحة ( الكركار ) ما تديك الدرب..
مشيت خطوتين .. اتسمرته رجعته تاني
رجعت ليها وقعدته جميتها
يا بت انت بت جيران ناس منو ؟؟
ضحكت ببساطة حسيت بعدها انو الدنيا اسهل مما كنت اتصور..
قالت لي هنوك ساكنين..
هنوك .. كانت عبارة عن خيمة من الشعر والبروش الملونه..
المهم .. شربت ( الروب ) كلوووو في ونستي معاها دي لحدي ما بقيت اشوفه تلاتة .. تلاتة
ندمت اني تاني راجع لي عالم فيهو ضجيج ابواق ممكن يصحيك من النوم ..
ولاحظت بعدما رجعت نفس المنطقة بي فترة انو طبيعة بشرة السكان بتتغير مع طبيعة المنظقة.. بدون كريمات ولا بدرة ..
وقلت في سري ياربي .. ( جويل بحلق ،، وساندرا بولك ) كان حكيت ليهن بصدقوا كلامي ده ؟؟

تحية طيبة للجميع

يا سلااااااااااااام يا تمبس يا اخى

اشكرك جدا.... ان شاء الله تعرس اربعة

و فعلا هذا العمل

Quote: عبارة عن تحفة فنية جسدت معانٍ كثيرة ..

شكرا حتى تستغيث

يا جماعة شتات كلامه صاح...لانه ما بتشوف شى ديل بجهروا عديل كدة

والله انا فى واحدة من الناس ديل شفتها بتشرب فى بيبسى فى يورمارشية

فى الرياض شوف عينى للبيبسى نازل فى الوريد..حكيت لى واحد صاحبنا

قال لى يا ابو الموج لو دققت شوية عينك للكرويات الحمراء براها والبيضاء

براها...سبحان المبدع المصور ...

شتات بالعمى الا........ام اهلك،،،،

تسجيل حضور للسلام على الغائب الحاضـر ..
العزيز صديق المـوج ،، تحياتي واشواقـي ..
ليك مدة ما بنت وانا في اشتياق لي شوفتك ..
يا صديق وين انت .. ليك وحشـة يا رجـل

صحى!
تمبس....
خلينى اقول ليك حاجه
لى لحظه بس حا انسى
كل التهميش والتعالى
الذى يمارسه الجميع ( واظن
9؟؟ انضم الى المثلث ليصبح مربع )
وبى كده تكون الحكايه باظت ( ليكم يوم يا ظلمه)
واجيك راجع للحظه تانى
وصدقنى يا تم وبس لما اجى اعدد الحاجات الجميله فى
هذه الدنيا هذا الشتات بجى فى الاوائل بس
لو مات ما بكون قبل الدكتورة.

ثم افيق مرة اخرى من هذه اللحظه
وارجع تانى لى الواقع ..
عشان عايز افتح نار فى الزول دا ذاتو
وبنصحك نصيحه اخويه لى وجه الله الزول دا
ابعد منو والله اسمع كلامى وابعد من المحور دا
وتعالى هنا احسن ليك ..
وخلينى الفت انتباهك للشئ البيحصل ليك دا
كلو بى سبب الزول دا ... وفى اقرب ملف تلقاه
اكتل منو ومن الامبراطور يمين طوالى وارقد صوف


همسه سغنتوووته ( ذى حقت الضلع الرابع )
اسمع .. لما يكون فى عزمى او كرمليس
او سامبا فى حته بعيده صلح علاقتك معاهم
لانو الشحططه بى اللموزينات صعبه يا تمبو
معليش يا تمبس طولته عليك
بس عندى نصيحه لى الضلع الرابع عايز اقولها
ليهو بالمناسبه انت مشخوط بى قلم الرصاص
و three h اعمل حسابك . مايقلوك ناس القلقاله
ديل فى اول ملف
عموما نحن باب التسجلات بتاعنا فاتح لغاية يوم الجمعه
الساعه 9و26 دقيقه صباحا و الماسك التسجيل
الادارى المحنك واللاعب الفذ دكين
العايز يسجل عندو, لانو هو سكرتير المجموعه
الارجوانيه القدحيه الجديده .

اصحابى ....
انتم ايقوناتى المضيئه
دمتم لى القا وسنا
بكم اكتمل
احبكم احبكم



تمبس بعد اذنك لو سمحته

رجاء يا عباسى الف تحيه ليك افتقدك وافتقد حرفك الحميم
لكى الاف التحايا ليت الدروب تتشابك مرة اخرى.
عبرك احى راويه جدا ... يديكم العافيه آل العباسى

و
تحيه عطشانه جدا جدا لك ايها المطر السعيد

لكم جميعا
انهار من الود الصافى

سعادة الكاردينال محمد الشيخ ..

ليتني أستطيع أن أمسك بأدوات الكتابة وناصيتها ..
لنظمت فيك درراً وما لم يكتبه قيس في ليلاه ..
ولكن تجدني أركب الكلمات كمكنيكي مبتدئ ..
في حارة الكتابين والمبدعين ..

أنت إمبراطور هذه المجموعة والديمنو المحرك لها ..
إمبراطورية الحب الذي صنعناه بأيدينا ..
ونعيشه الآن ..
وتحركه مشاعرنا وإنسانيتنا ..

لو ده كلامو
لموني فيهو بس
لكنو..
جبان اصلو مابلاقينى فى الضلمه. .

ياتمبس

انتو قاصدين ياتو عرب

اذا نحنا بنشيل عكاكيزنا ونجيكم
وكان عرباًغادي الليقول ساي

الكاردينال محمد الشيخ ...اخر الرجال المحترمين

صلاح شتات .. رجل من زمن الفرسان

هذا حجري احجز به مقعدي في هذا البوست ...

وجايكم يا تمبس ومعتصم وتسعتين وقد نستعين بدكين ...

سالني سائل لما هربت من الرياض ...وقد كنت قاب قوسين او جوة الجك ..

اجبته وانا انفض الفكرة من راسي ... رغم اني فيها اصدقاء من اجمل ما رايت

وفيها منتهي البورداب او بورداب حتي البورداب ( علي وزن بيزا حتي الاشباع )

يكرمونك حتي التواري خجلا ... الا اني لا اصلح للحياة في مكان اكون انا فيه البرنامج ...

صديقي من زمن الجامعة قابلته في الرياض .. يوم الخميس سالته : البرنامج شنو الليلة ؟
اجابني : سناتيك انا وصديقنا اخر لنا لنسهر معك ..
يومها عرفت ان جدة غير ...
ليتكم بورداب الرياض كنتم من سكان جدة...

..
.
سلام يا ظرفاء الرياض ...

وحشـــه كتــيره .. شنو مسجاتكم قطـّت ؟؟
دايرين تقنعوني انو شتات دا خـّرف من ورانا !!
دا رجل جميل يحب الجمال مستحيل يطلعن شينات
يكون دا الحاقد الكاردينال ود الشيخ ..
والشناه خلوها بس بالله دا ما وصف شعراء الحقيبة البقول :
القوام اللادن والحشا المغروم
والصدير الطامح زى خليج الروم
طلعه ما تتقابل ،،،
زى لهيب النار ،،،
تحرق البتهابل والبعيد فى النار ،،،
فى الطريق لو مرت بالخلوق مزحوم
كالهلال الهل الناس عليهو تحوم ،،،

ولا كلام عمك ود القيس :
لها مقلة لو انها نظرت بها الى ( كاردينالاً)
قد صام لله وإبتهل ,, لاصبح مفتوناً معني بحبها
كانه لم يصم يوماً لله ولم يصل ..

عجايب ،،،
جاييكم انا وراء اساسي ..

نص مخفي بلا تفاصيل :
تصدق يا كاردينال اخوك مره فتحو ليهو بلاغ ببنده العزيزية ومنها لقسم المعذر
بسبب ويش تطالع !!
ومرقتني بطالع فى قمر فتق الخمار طالع
ونقيب اسمو : صالح عبدالرحمن صالح الحازمي
تتصورا ..
الشمار كتلك يا معتصم .. مش ؟؟
كان ليكم .. مرت الأيام ..

خلونا نطالع البورد ونجيكم ..

لوووووووووووووول... شينين شنا... اسألوني انا.. وممكن أجيب ليكم شهود كمان.. شتات ده أصله ما بقول كلام ساي....

تمبس

يا راجل

يا تامبا إنت البجيب الزول الإسمه صلاح شتات دا شنو ؟..

ما تعمل حاجة ياخ مارس صلاحياتك ..

أستدعي كل الأفيال ..