** تاعبين نفسكم لييه ... ورافعين ضغطكم ... ؟؟؟؟؟

علشان الناس ما تتعب كتير وضغطها يرتفع ..
الزعلانة ليها من واحد تحدد الرقم بس ..شان ما تضرسونا ياجماعه والزعلان ليهو من زولة .. يركز ..ويسردب .. وكان سخنت معاهو .. يموت بيها ..
ده بوست بتارخ قديم .. لما كانت النفوس طيبة .. عدلتو ليتماشي مع درجة الحرارة .. والبوستات السمحه دي .....
هذا مع عميق اعتذاري لأسبوع دارفور ..

مسيــخ ، يخ...سي ، لميــض ، بـسس، لديــح ، عمـا، كريــه

بتتقال ليك وكمان مرات في صمة خشمك - حتي لو كنته بتنقط عسل .

[red[1- مسيــــــــخ
والمسيخ من المساخه .. وهي عكس طاعم ، الفول ده مسيخ يعني ناقص ملح ، الشاي مسيخ يعني ناقص سكر
ملحوظه:-
الفسيخ ما مع الجماعة ديل
طيب فلان أو هناي ده مسيخ ـ يعني شنو؟؟؟؟! مع العلم أنو هناي ده زول لا هو شاي بتشرب ولا فول بتاكل .

2- لميـــــــض
واللماضه دي لما تكون داخل ليك مع واحده في مشروع مناقره كلمه وغطايته، او الكمده بالرمده.. يعني قطع ،، وفي النهايه طلعت مغلوبه 1/صفر وأفلست واتورطت ودي عادة بتحصل قدام لمه من الناس زي البورد كده أو في البص .. لما تكون قاعد في ( العشرة المبشرين بالجكس ) ، وجات هنايه وقفت ليك في راسك وماسكه في الحديدة بتاعة الكرسي نظام قوم لي يعني من كرسيني ، وانته ما هببتو ليها لانك قاعد تعاين بالشباك .. ومرخم ، ومخدر وحالتك بالبلا لانك (سافي)..اها اذا كانت من النوع (العينة قوية) بتقول ليك :
( اسمع اذا سمحته .. الكراسي دي سووها للنسوان أرجع وراء هناك محل الرجال .. طبعا بتطنش زي الما قاعده تتكلم معاك بعد شويه المسألة بتجيب ليها جديع كلام .. بعد داك تبدا المناقره ..في الجماعة القاعدين بعد الكرسي رقم حداشر فيهم واحدين شمشارين بيكونو مستمتعين وما عايزين الحكاية تنتهي علي خير - في نوع بيقول ليها جملة واحده ويسكت :
كان ما عجبك انزلي ..
واذا اتلفتت شان تعرفو ده منو ... يكون عاين بالشباك ... في نوع بيضحك ضحك شديد مع أي جمله طالعه إذا في بوليس بيقول ليك :
أسمع يا اخينا .. أرجع لينا وراء بلاي ..
وإذا ما في ،، الكمساري ما بتتدخل والسواق خشمو عندو .. وشريط حـودة شغال تش ....
في النهايه الزوله دي بتقول ليك ( لميض) يعني خلاص .. عرفت انها لا محالة واقفه .. واقفه ، وبتجي معاها طوالي لديح لكن بتكون في مسافه بين الجملتين .. وعادة بتقوله بعدما توصل المحطه النازله فيها .. ومع آخر عتبه من سلم البص ...

3- يخ .. سي
وانا اشك في انها تكون جمله فرنسية الأصل علي وزن ( ميخ سي ) أو أحدي أخواتها .. او أحتمال ليها علاقة بالمزيكا إذا أفترضنا أن السي هي الدرجه السابعه في المدرج الموسيقي ،.. يا أما كمان الحرف التالت في من حروف اللغة الإنجليزية .. اما ( يخ ) فهي مشتقه من اليوخ واليوخ ده انا ما عارفو شنو .. ولا عايز اعرفو ، والجملة المركبه دي بتتقال احيانا مجرورة يخسييييييييييي . ودي لما تكون اتيخسته خالص وعملتها شينه .. ويخس ( حاف ) من غير ( سي ) " يخس عليك يعني ما تقدمني" ودي فيها نوع من الحنية المشفوعه بي نوع من الغنج _ ( كرمان انها صبية واكتير مهضومة ) وزي بداية ريده تحت تحت كده ودي دايما بتكون من صاحبة أخت الواحد . والآ تكون انته متغابي .. او غتيت.. يا عامل مجنون

[blue[4- بســـٍس..
والبس دي بتتقال لي الكديسه لما تكون عينه علي اللبن الفوقو الجماده .. المطفحه بي فوق .. وهي بمثابة تحزير لاول وآخر مرة إنها ما تتجاوز حدوده الآ والعقاب الصارم ومعالجه فوريه بخبطه علي الراس من المفراكه الخشبية يا اما كمان فردة الشبشب وفي الحالتين الكديسهه هي الضايعه و مغلوب علي امرها وبتتقال المفرده دي لما الواحده تكون مليانه نشوة من الكلام المعسول السمعتو منك قبل دقايق بس وهي ماشه مع صاحباته .. طيب علاقة الكديسه الضربوها قبيل دي مع صاحبات الزولـــــه دي شنو؟؟؟؟؟؟؟؟؟
عمــــــــــا
العما متعكم الله بنعمة البصر طبعا معروف وفي منو انواع في عما (الكباسه) .. والعما (اللايسك) هه هه والله كان يلايسك ما عارف - حسع يلايسك دي شنو ؟؟؟..

5- كريــــــــــــــــــــــه
وكريه دي أحلي واحده في الناس ديل كلهم وانا غايتو عاجباني وكريه دي لما الواحد يكون قاشر قشره جد .. وحالق جديد .. زي الساعه خمسة قبال صلاة المغرب والشمس نازله ..وانته بي قشرتك دي واقف تحت العمود اها بتجي هنايه دي كاسحه . ماشا لي صفاء صاحبته .. بتعاين ليك المره الأولي بسرعه كده وتاني تعاين ليك والمره دي الحواجبين بيكونوا قربو يجو الواطه مع ابتسامه واضحه وانته ما سألتها ، لاحظ ما سألتها وما شغال بيها الشغله كل ذنبك إنك مكسره حته حته .. .. وقاطع نفسه .. وعايزة معاك ..

وين يا كريه
بركة الشفناك

أخوك
يخ سي

اهل العوض

ياخ انت نمرة اتنين بشكل

حمد الله علي سلامتك في عضمك ده ...
طولنا منك عديل كده

..
.

سلام يا تامبا

والله العظيم خففت على المساخه والماضة
العشناها من اول امبارح حتى اللحظة ..

خفف الله عليك من اللداحه والكره وادخلك فى زمرة
الصامتين المحترمين .


دمت ..
بالله نشوفكم القصه ما طالت

تبلدينا الوجيه

والله يوم الخميس كنت ماشي عليك بس دقت في الماسورة ..
علي العموم كلو في محلو .. وان شاء الله ما نكون مسسيخين عليكم

لي معدين ياخ أنا سألت نفسي سؤال وجيه .. ليه نحن واقفين في نمرة عشرة ... مع إنو الامتحانات قربت .. حقو نتحرك شوية ولا لخس .

عليك الله يا مسيخ في داعي للمساخة واللماضة اليوم داك يخسي عليك يا كريه يا ما بتعرف صليحك من عدوك عما اللايسك
والله يا تمبس رغم انه ...
الا انك بالغته في الوصف وجننت الظغط جن
والبوست دا عشرة ونص من عشرة
والنص دا ... باقي اللميض الابا يقوم للبت
لما الكمساري عمل حميل
ان شاء الله تطرشق يا كريه
بالمناسبة انت الدنيا دي فيها كم رطل ؟
سؤال ما برئ


...
..
.

بس روق واحلي
ولا هو انا الاروق واحلي

اســــاسي .. امسك

1، 2، 5، 1، 2، 5
والله انت مرض .. مرض ... انا قاعد احمبك مرات مرات .. لكن اصلي جدا.. بس دافنه ليك يامنقه
كررررررررررررررررررريه

اهل العوض قول حداشر وقرط عليها ..

بس كان ما فــاطر تقيل ( اتطارشه ) اعمل ما سامعه

تمبس
اخبارك شنو يا نمره تسعه
ومشتاقين كميات
ضمره عقاب

مرحى مرحى
(مرحى مرحى دي ما ذكرتكم بمسلسل الأطفال ليدي ليدي؟؟؟؟!!!)

تمبس وين يا فردة؟؟؟
أهل العوض عاش من شاف حروفك،، سمعت واللا جابوا ليك؟!
مششششش ممششششش (دي مص قنقليز يا تمبس)
فالواحدة لما يشاغلوها وتنبسط شديد تنبسط بالجد تقوم تعاين لي كده وتغرود وتصدر هذا الصوت فتقول،،، ممممشششششسسس الثقالة دي شنو؟
وجملة الثقالة دي شنو بتكون سلووو موووشن (ٍslow motion) ،، تمادياً في الغنج.
وقالوا بت الشمال وبت الجنوب بمشوا كل يوم الجامعة مع بعض
واحد مصاقرهم كل يوم الصباح يشاغل فيهم تقوم بت الشمال تعمل الحركة إياها وتقول لي (ها البارد ده)
المهم يوم غابت بت الشمال بت الجنوب ماشة براها شاغلها ليك صاحبنا قالت ليه (مششششششسسسسس،، ها الرتوبة ده (الرطوبة))

وجني وجن النكتة البترجموها

سلاماتكم الاتنين ليكم إكتير إكتير وحشة

Quote: (مششششششسسسسس،، ها الرتوبة ده (الرطوبة))

دي نمرة حداشر يا تمبس

غايتو يا بت قضيم
لو جاني وجع روح
وودوني الحكيم
.... زي الشرا في القندول
أوع من لول .. لأنها بتجيب لي وجع الروح تاني

اهل العوض يا شين
هاهاهاهاها
شين عديل يا اهل العوض

انا غايتو نمرة تلاتة
لو جيت نمرة 100 برضو نمرة تلاتة
بقالع فيها عديل كدا

لاحول ولا قوة

أنتوا قاعدين ورا الباب متين جيتوا ورديتوا وكمان قبلي؟!

تمبس

منقة خلط ولا اكل لانه في فرق كبير بين الاتنين

وزي ما بيقول عثمان الخضرجي المنقة خشم بيوت هاهاها
ياخي البوست دا جاب لي روح معنوية واداني شجاعة ادبية

تعرف انا العاجبني انه ردي ليك دا حيعمل كميرا خفية في

الزول المشرك ليك هاهاها مشرك ليك لكن علي مين يا توتو واوا

..
.
عليك النبي .. يا نمره 4
وحياتك شعراتك المسبسبات المدلكات بالكركار ديل
كن ما تترجمى لى النكته ؟؟
العمي .. الواحد بقي ما قادر يفهم

بس عليك يا تامبا جبت لينا عدم الاستيعاب .


وادوها مويه تديكم رطوبه ..

أنا لفيحة يا ظلامي؟!!
بعدين النكتة دي كان ترجمتها بتجيب لينا كلام عنصرية ما قدره
خليها كده بالروسي
وقالوا يا تبلدينا الفهم قسم


أهل العوض
اتجازى كان فهمت كلامك ده

سلامات يا حبة

أيام كانت البصات الكراسي القدام للنسوان والورانية للرجال طلع واحد أخونا قال ليهم ما تشكوها يا جماعة ولا واحد هبب صاحبنا ده المهم كرر الحكاية دي كم مرة ما تشكوها يا جماعة بعد داك البص إتحرك شوية كده والبص إتقلب والحكاية جاطت الناس إتلخبطت كلها المهم في واحد شكلو كان مصلح قام يفتش ليك في صاحبنا لقاه الوحيد مجدوع براهو قام قال ليهم أها يا أخونا شكوها وجدعوك بايظ .

وبرضو قلوبنا مع دارفــــــــــــور ..

..
.
برضو الفهم قسم ..
وهذه بتلك يا بت ابا ملجم ..
هلا احضرت لنا مترجما يا اهل العوض ،، فلقد
نفرت الظباء وافرنقعت الخيل ..

وما تضحكى ..
هنا مسرحية الساره بت منصور

تبلدينا ما تزعل مني انا قاصداني بالفهم قسم دي
وقصدت أقول أهل العوض ما تبلدينا لكن لفيحة ذي ما قلت
معليش

حذفناه نألو مكرر

تمبس يا كريه ... تعرف من زمان وأنا ناوي اكتب بوست عن شرحبيل ، لكن اليوم دا قرب يجي
بت قضيم وتبلدينا ، ياخ عقدتونا .. يعني أعبر عن انشداهتي وفرحتي بالملاقاة كيف؟ أضارب يعني ولا أضارب .. وبرضو ما داير أقول لول .. لأنو لول .. اللول لالك يا العروس .

أساسي يا فصيلة تمبس .. بلص

بس غايتو .. اختطفتوا البورضي من الشكلة الكانت قايمة بي هناك دي .. حقو تتفاهمو مع بكري أبوبكر في حق الباندوث

ويا نمرة تلاتة كل سنة وانتي طيبة

اساسي ..
المنقه دي جايهكبسولات .. لكن ليك انت بالذات عاملين حساب انها ( حقققققققققن )


تبلدينا .. سموية لسه ما لميت فيها .. ؟؟

بت قضيم ...
الفار كان ضارب شديد . دخل الحفلة دفر الساوند سستم بي رجلو رماهو ..قلب ليهو اي كرسي في طريقو
مسك المايك ..قال جيبو لي هنا اكبر كديس الله خلقو .. جيبو الاسد زاتو ..
طلع ليهو الفيل قال ليو مالك عامل جوطه يافار انته؟؟ قام اداهو لزه صغيرة كده
الفار وقع .. وقام اتنفض ... قال ليهو ..والله ياابو الافيال لقيت ( السكر ) هد حيلنا بس ..
كان ما ضحكتي تكوني بايخه جدا .. والله يسامحك في تعبي ده

معتصــم ... دي زي نكتت بوكس السمك .. تكون بالغته كان ما سمعتها

اهل العــوض .. نان لكن بوست شرحبيل ده تعملو كيف مدام انته الخواجه زاتو بتتماسخ معاهو وجنك تغالتو .. كدي حدي معاك باقي الليل ده وبعداك نندرش انا وانت وشرحبيل .. والحشاش يملا مخلايتو ..

اسامه الخاتم ..اول شي ليك الياسمين ياخ والشوق ليك عامل فينا عمايل .. وما عايزين نعبر عن مشاعرنا بس ما داير تدينا فرصه
والله يااسامه اخوك قوم لف دي قصرت عمرو زاتو .. وزن ن ن ن دي موضوعه طويل خلاص غايتوما عارف لكن عامله كده زي لما يقولو ليك عليك الله ما تفكها فينا ياخشجرة يخسي يااسامه خليها لاقتك شجرة الزهاجه ؟؟؟ وكمان سموهو نادي الزهاجه اي زول مدبرس بتلقاهو هناك العبد لله كان مرات مرات كان بتواجد بي هناك ... في زيارات تفقديه للاخوان ...

ما نديلا .. اخوك يدو خفيفه والله .. ما فقاع ..بس السلوك جاهزة .. وأول ما عمك الحاج شرحبيل غنا طوالي نزلت الجهاز ..وللصدفه الغريبة تتخيل برضو كنت قاعد افتش للاغنية دي من فترة طويلة .. عاين بت قضيم عملت في نكتتك شنو ؟؟

يا تمبس يا فردة
جعلتنى أتحفز... ثم ابتسم.. ثم تتسع الابتسامة حتى انى وصلت المرحلة القردية( القهقهة)
و انا صايم وما تسالنى لــيه!
امسك طيب
في : ياخى قوم لف .. كدا ويمكن إن ترفق مع كدا او قوم لف ساى بدون كدا يعنى... الأسباب مجهولة لدى
و عندك كمان يا علاء
: ما تعمل لى زنةفى راسى) و دى اتقالت لى صاحبك كتير بالزات فى السنتين الاخيرتين.. و برضو ما تسالنى ليه
زنة من زنننننننننننن زى زنة الكهرباء و الزنة طبعا مافى اصغل منها
يعنى البتقول ليك ما تزنا لى يعنى معناها أمشى يا سغـــــيل
اها اخيرا سمعت بى شجرة يخصى...
شجرة يخسى دى سميت كدا لانه بنات الداخلية بقيفن عندها فى لحظات تقديمهم من قبل الشبان و لمن الشاب خلاص قدمها يعنى و راجع فجاة تسمع و بغزارة كمان: يخس عليك, يعنى ما تقدمنى شوية... فسميت شجرة يخسى
لوووول يا تمبس والله اعلم

مرة واحد نمر خمسة حبا ليهو واحده نمرة اتنين ...لكن بس عويرة شوية....قال ليها و الله يا هناية انا معجب بيك شدييييييد.....اتلفتت عليهو و قشت الريالة و قالت ليهو ...
شدييد و لا شد كراع....


كلكم هنا نمرة تسعة ..كلكم...

شكرا على الغنية يا تمبس....دي نكتها من وين يا شقي الحال

..
.
عبر بالاحضان يا اهل العوض ..
بس ان شاء الله شاشتك تكون 17 بوصة ولا عندك كاميرا
هيغ هيغ هيغ على قول غرباوى

كدا ؟؟ يا بت قضيم ما قلتو ... فصاح ولداح
بس تتصورى جات علينا الاتنين ما انا قلت ما فاهم النكته ولسه ما فاهمة .. ما قسم هو ..
بس عقدتينى دا كلو اعتذار ولا خوف ؟؟
غايتو الواحد تارنى عيونو حمره وشرارة وما عارف ؟؟

بالمناسبة ممكن تدونا نمره 7 لو ما محجوزة
وبالمناسبة انا دا عايز اتفرحخ هنا وادسي من الشكلات البهناك
دى والله لمت فينى واحدة اسمها عشه بت فاطنه داير تجهجهنى ..
بس الله قادر ..
وكن على الباندويث دا الليلة بغرق ..

تبلدينا . وبت قضيـــم

حقو تنجرو لي بدل ... بدل اي حاجه .. ان شاء الله بدل .. قرقره اصلي بقيت عامل زي المجنون بضحك براي من قبيل

غايتو كان رفدوني من الشغل .. بعوقكم الاتنين

يا ابوي الباندوث على حسابك
انا شخصياً عندي فيه كمن بايتات ( أبو عشا البايتات) وفرتهم لما غيرت رأي اليوم داك،، باقي كنت حاكتب بوست تهنئة بمناسبة طهور بت مرة الجيران
عقبال وليداتكن كلكم
وقمت غيرت رأي قلت نخليها في مناسبة أوفر
أها حق التهاني اديتوا ليكم كله في البوست ده فمافي داعي للتحسس
تحسس دي من حشاش

ثم يترجموا ليك النكتة كيف يعني يا تراوة،،
خلي سجيمان بقولها ليك بالشعبي

أهل العوض
والله مطرة بس والحمد لله انت ما غريب وعارف لما كانوا بوزعوا في صف الفهم أنا كنت بسوي في شنو

تمبس
رأيك شنو نقلب المصطلحات دي لمصطلحات بوردية ،، فلما واحد يشيلوا تقيل مع واحدة تقوم تعاين ليه كده (ما عارفة حيعرف انها عاينت ليه كده) المهم تعاين ليه كده وتقول (امشششششششششسسس،،، ها الباندوثي ده هاالمسطوح ده اقصد السطحي ده )

..
.
تامبا
طيب الغرقرة دى زاتها ما بدل ....... حاجة
اكتر من كدا نديك قهقهة ودى بدل خروج نهائي
واعمل حسابك اوعع المدير يكحلك وانت فى الانترنت
سغيلين جنس سغاله هم فى الحاجات دى ..

looool@بت قضيم
تتصوررى يا دااااااااااااب فهمتها بعد كلمة تراوة دى
عاد ما غرباوى ولسانى معوج الا ترسميها لى رسم

امشششششششششش انا بعد دا .. كدا كويس ..

سلام

اربعه

..
.
اربعه هو شنو الاربعة
جايه بعد الواطه صبحت عندكم وكمان بتختارى
شوفى عينة بت قضيم دى قاعدة من الدغش ولمن قيلت وحجزت الرقم ..
يا ربي رقمها كم ؟؟ والله نسيتو الا نرجع ونشوف بعدين بالمناسبة كل ما رقمك صغر
كل ما انت كنت اكثر قربا للمواصفات الفوق دى عشان كدا ارجعى ورا
شويتين ..ممكن


تحياتى ومودتى

ضمره .
الشوق كميات والله .. والبيتزا دي .. كان ما علمتك الدغاله بتبقيك غتيت وين تلفوناتك ؟؟


بت خريم .. .. يا شفيفه مع انو نكتتك ( بايخه ) الا انو قاعد اشوف لي في آليه ( شفتي آليه دي كيف ) ؟؟ عشان اعمل ليك ارقام .. تاخدك فيها راحتك علي الاخر لانو شايفك عملتي الحاله واحده .. وسلمتي علي البورد كلو في البوست ده .. طبعك شين خلاص ياشفيفه

Quote: دي نمرة حداشر يا تمبس

حداشر دي بالليل ياحاج سجيمان والا حداشر بالشنقيطي ؟؟؟ الواحد بقي ما بيثق فيك زي زمان

اهل العوض .. شايف اساسي ده قال ليك شين ( في شان شنو) ؟؟

اماني .. تلاتــة ... دي بتجيب لي وليك الهواء ... الله بيسالني

يا تمبس
انت كل النمر الفوق ديل..عاجبك ولا لأ؟؟
قال رافعين ضغطنا..قال
امشي شوف الرفعه منو لينا

اها انا حاجزة الطيش..وما في زول يجي يقالعني فيها
واللنك التحت دة طوبتي..عشان تآمنوا بس
Save @ PC

نمرة اتنين الله يبارك فيك
ويبدو انك الوحيد من ناس البورد الفاكر فيك الخير
ابو العيال ما قصر وعمل لي بوست في صفحة اعضاء المنبر

تمبس
تجيبنا لينا الهواء لشنو
انا غايتو تلاتة كان شنقوني ما بخليها
بستشهد فيها عديل كدا

حنونة
انت دايماً الطيش بالقلبة
وطوبتك عينة
النبي جيبها معاك محل ما تجي
هو نحن عندنا بركة غيرها

حداشر بالنص يا تمبس
والنكتة ما بايخة شديد،، شديد ما شدكراع يا مانديلا،، الأبيخ منها:
قالوا ود ست العرقي سألو الاستاذ نص + نص كم يا ولد،، ٌقال ليه قزازة يا استاذ...

هسه انت نص وأهل العوض خلي ليه النص التاني
تبلدينا نديه ليها مجموعة
كيف التقسيمة دي معاك؟؟!!

أهل العوض
ازيك تاني

جندرية
سلامات ،، حرم التلاتة ما ترجع منك

حنينة
لوووووووول لاللك يا العروس يا قول أهل العوض

راوية
هقارة ده سنو؟؟؟!!!

الباقيين كلكم ازيكم لعلكم طيبين في حيكم

تمبس
ارض الحكومة تقدر تقول حاجة؟؟!!

العزيزة بت قضيم

Quote: حرم التلاتة ما ترجع منك

أمسكي قوي حرامك ما يقع واطه والشكله تقوم

لك خالص مودتي

ومودتي يا معتصم

وما تخاف نحن الكعب البسوي الويل (كأنه ده شكر يعني)
ونحن الناس السمحين بالحيل
والدايرنا مش عارف إيه والما بدورنا برضو مش عارف أيه
نرميها واطة كيف
افوووو
وكدي زول يغالطها في نمرة تلاتة
بنشلخه شطرنج
أفووو

علاء

أصلو ما حصل عملت UP لآ بوست
بس لأنو البوست دا عمل لي معنويات UP
أنا برضو بعمل أب

العميل رقم 401 دا خطير/ة خلاس

سلام

الرحمابي

اها يابت قضيم انا جاي بواسطة وحأشيل نمرة تلاتة قولك شنو ؟
تمبس ( بعدين بنتفق )

لووووول تمبس..
صاحبك نمرة واحد ما طلع نمرة اتنين..
لووووول

غايتو البوست دة نكتو من وين
وكمان نكت كترة ناس

حنينة زحى لى جنبك فى الطيش دى ممكن؟

مشاركة قديمة من الحميم الملا عمر .. نسأل الله ان يخفف احزانه .. ويغفر لوالده ويكفر عنه سيئاته ..

Quote: أحسب أن الموضوع مجازي يتعلق بطباع البشر وربما يطلق التعبير ويراد عكسه تماماً وهو في واقع الحال تشبيه بليغ فالمساخة كما شرحت هي خلو الطعام من الملح أو الشراب من السكر وإن كان الأخير مقدور عليه حيث أن الشاي بدون سكر أو القهوة بدون سكر لها نكهة خاصة أما الفول بدون ملح فيصعب إستساغته ، وإطلاق صفة المساخة على شخص معين تقفز مباشرة إلى أفعاله وردود أفعاله لا شكله أو لونه لأن المساخة لا لون لها ولا طعم إلا إذا كان السكر شديد العكر وبالتالي يقوم بتعكير الشاي ويعطيه اللون المائل إلى لون النيل الأزرق في الدميرة أو الفيضان. كلمة يخ مفردة أو يخ مقرونة بسي هي ليست فرنسية الأصل كما تفضلت ولا لها علاقة بالسلالم ولا العتبات الموسيقية حتى وهي في تقديري علامة من علامات طمام البطن نتيجة لإصطدام أحد الحواس الخمس بأي شئ قبيح أو قذر أو حتى نتن كأن تكون مثلا في إحدى الحارات الشعبية وتتأذي بفعل الروائح المنبعثة من البالوعات التبقبق أو براميل الزبالة أيام كان في زبالة أو ربما رائحة اسطبلات السواري لكل من جاور قشلاق البوليس أو أسواق الخضار في صباح يوم ممطر أو حتى المصانع وبخاصة الصابون. أو أن يكون جاركم سامحه الله يربي فيه بيته كمية معتبرة من الماعز والدجاج والحمام إضافة إلى أفراد أسرته. وأشاطرك الرأي في أن خلف الأمور أمور في هذه اليخسي فهي وإن كانت مقترنة بطمام البطن ومقدماته إلا أن أغلب الظن المراد بها شئ من العتاب المعسول إن جاز التعبير. كلمة بس هي فعلاً للزجر وإحتقار الفعل أو القول الصادر من الطرف الآخر وإن كانت أقل حدة من اليخ سي وهي تفسر بحسب موضوع بسبستها. العمي كما تعلم هي دعوة صعبة خلاص بأن يحرم الإنسان من نعمة البصر وهي مرحلة يكون فيها الطرف الذي يدعو عليك قد وصل به الأمر حداً يتمنى لك فيه العمى. والعمى في حد ذاته درجات فهناك العمى البليس وهناك العمى البعمى وهنا ربما تأتي كلمة العمى مقرونة بالشكل ، عمى في شكلك أو خلقتك مثلا. أما كلمة يلايسك فهي صيغة المبالغة في كلمة ليس بتشديد الياء لمن تقرب تقطم مساميرها يعنى منتهى التقريط يليس تلييساً فهو مليس وهي مليسة وهي أن تقوم بعمل مسح أو جلبطه للجدار بالأسمنت مستعيناً في ذلك بالمحارة والمسطرين أو ربما تزبيل الحيطة بالزبالة في بيوت الجالوص والفكرة واحدة وإن إختلفت المواد والروائح. وهي تعميم بالويل والبلاء فإذا لايسك العمى أو المرض أى أنه أجهز عليك ولم يعد هناك شيخ أو وصفة بلدية أو طبية بقادرة على مداواتك وعلاجك. يعني تصبح بفضل وبركات هذه الدعوة ميئوس منك. وأجمل ما سمعته من هذه العبارات عبارة أمشي يمش شترك ويمش هذه بكسر الياء وتشديد الميم لأربعة حركات يعني أربعة ميمات يممممش وتكسين الشين ولو عشوائياً وأحسب أن الموضوع متعلق بمسائل المشي والسير وبالتالي فهو يخاطب الركب والكرعين بإعتبار أنها أعضاء الحركة والمشي لدى الإنسان وهي في تقديري تعني أن تسير سيراً أشتراً أو مشاتراً أو غير متجانس لعرج أو كلوجة أو تقوس في الأرجل ولا علاقة للكسيح بالأمر لأن له دعوة حرة مباشرة.

ممكن تدي خالك رقم
سلام للناس الهنا _بفتح الهاء_
والله إنت زول جميل يا علاء.

ويييييييييييين يا تمبس كيف حالك طبعاً زمن طويل

من بوستاتك وكمان مما شفت بوستك دا على طول حضرت السماعات بتاعتي

عشان استمع إلى آي رائعة ستكون بانتظارنا والله من غير ما اعرف أنو

محضر لينا شرحبيل

" مناي أشوفك تاني "

شكرا ليك كثيييير يا أبو التنابس

اتحفتنا والله كالعادة.

كمان بالمناسبة أولا مرة اكتشف أنك ماهر في تفسير قاموس اللهجة

العامية الستاتية وخصوصاً اللغة دي خاصة وبطعم خاص، على العموم

تمام التمام وما عندك عوجة "تب"

وكمان داير افتح ليك برنامج تفسير وتحليل مرة أخرى فقط حبيت

اعرف كلمة " كُــرعليَ" هل هي من

الكر والفر ولا ليها تفسير تاني وحاجات تانية برضو جاية باستحضرها

في الذاكرة وللحديث بقية يا تمبس.



وليد احمد

تحياتي للكل

يا تمبس معلق الرد ده هناك ليه؟؟!!
الله ينعل ابو الحوص ياخي.

تبلدينا
اسقاط ماذا؟؟؟
يا عزيزي انا قلت نكتة لاجل النكتة (غسماً) بالله العظيم ما قصدت شي وانت بالجد بتخوف.

أما يا علي عثمان
ما هذا الإحراج يا علي؟
ما هذا الإحراج ياخي؟
الشهادة والعمل الصالح الواحد في بورديكم ده مايهجص؟؟!!
يا بوي انا حلبية خوافة لا تنظر لهذا اللسان السليط،، إنه مجرد عدل إلهي حيث يقطع الشعر من حتة يطول اللسان في حتة تانية،، ويخلي القلب رهيف من حتة تالتة وما بقدر على الهبباي في عز الصيف
فشيل كل النمر وكان داير بنملحها ليك بملاح ويكة.
أمششششششسسسسس،، أو كما قال الجنوبي عندما سرقوا عجلته،، بالله ده الفاظ ده؟؟!!

تمبس لوووووووول علي النكتة،، من جد حلوة إكتير

الراقية بت قضيم
والله قلنا نهجص معاكم بس
واكان للحلب ( انا اخوكي لزم )

تمبس

انا كنت زهجان اسه ولا حبه زهج ماف

وين انته مالك ماف

هسي نضم صوتنا ليك ياجريفاوي
ونقول وينك ياعواليق
يرقمها ويرفعها فوق وينداح

6. عواليق :
.........................
.........................
........................

والله يا علي من صورة الأمورة (ما شاء الله) ممكن نقول عليك حلبلب
وأهلين يا رفيق

يا اخوانا الزول ده مشى وين وساب الناس دي براها؟؟

وليد
كر عليا تقولها المرأة السودانية تعبيراً عن الحنان الأمومي بأن (تعال إليا نطيب خاطرك) ،، إذ أنها تقال في تلك الحالات التي قد يحتاج فيها الشخص لنوع من الاهتمام والحنان كالمرض والحزن إلى آخره
والله أعلم

ملكة سبأ
بمناسبة الكديسة
قالوا الفلاتي هاجر امريكا الخواجات لحسوا عقلوا الفلهمة ركبتوا،، صاحبه اتصل فيه (ووووويييين يا أبد الئال،،، كيفك تمام والله وهشة شديدة ، البيت فاقدك،، امس كنت مع امك وابوك)
صاحبنا قال ليه (بالله؟؟ أها الجمائة الأواليق ديل كيف؟؟)
ولووووول بطنقرة لينا المرة دي في السما الأحمر وينداح بالجد

..
.
ليه انت فاكراني ود امبعلو يا بت قضيم ؟؟
قال بخوف قال
والله دا انا بخاف من كلللللللب ما تعملو على (لبوات ) كلكم
بعدين من وين لفحت الاسقاط دا ؟؟
الكلام دا انا كتبتو ووين
عارفه بفتش من فوق لتحت ما لقيتو نظرى ما خّف وحتى ما متذكر وين
يعنى ضعف ذاكره وضعف نظر .. بتعمل خرف
بعدين اليومين دى شايف ضغطك منخفض اعتقد ناقص حاجة ؟؟
ايام جست جوكنغ بليس دونت .... وخلاااص


سلمت

العزيز اللديح تمبس...ازيك

بطل لماضة وكراهه ...وخلى المساخة خليك لذيذ زي سمك المعذر اليوم داك وجيب لى صورتى والغنية

تحية ليك من دكين لانو الايام دى عندو جذب سماوى كمان عدم الرصيد زى ما عارف (مكنتو)

بنتلاقى
chao

السمك ياتو ؟؟
الاكله في الجبل ووجع بطنه !!!!
بت قضيم
اها الجمائة الاواليق ديل وين
لوووول

الاحباب الاعزاء كل من ساهم بي وجودو في هذا البوست . لكم محبتي .. واسف لتأحيري في الردود لظروفي العمليه الصعبه .. واتمني ان لا تكون هذي اخر ردودي في البورد ..
راوية
مشتاقين .. وينك انت ؟
حنينة ..
سانكيو ياخواجه للنك الحريف .. الله يقدرنا علي حاجاتك الحلوة كلها..
اماني ..
الشوق حاصل بس اليد قصيرة وانت ست العارفين/ت ( مش كده صاح ؟ )
بت قضيم ..
عملتي لي شنو في موضوع القروش ؟؟
معتصم ..
اتصالك دايما بيرطب بالواحد من الصباح ..الله يخليك
الرحمابي ابوالنسب ..
معليش تكبر تنسي ياصديقي النبيل وتأكد أن الحيتان ( تموت باليابسه )
علي عثمان ...
فرصه سعيدة شديد وانت بالذات حقك محفوظ وما بنختلف بس انت تعال.
رجاااااااااء ..
تاني انقلب واحدده من شنو ياربي ؟؟
هاله ...
حمد الله علي السلامة .وتاني الجماعة اتخارجو ولمتم صعبه خلاص ..
الخال ..
الله يديك العافية ياصاحب القلب الكبير وانت تعزل عزل يا تشيل من طرف دي دايرة ليها كلام ..
وليد ..ولي ..
الشوق شديد ..انا قايلك سافرته واتصالاتك مقطوعه ..اعمل كلك علي الكود وهدية مني ليك شرحبيل .. وبوعدك بي الكتير بس خليني اروق شوية .. وكر علي دي ياوليد ما بيفكوها كده ساكت ..بعديها طوالي بتجي ياود امي يعني بتكون عامله كده ( كر علي ياود امي )
قرمبوز.. اللزيز
عندي معاك كلام سر ..كويس ؟؟
تبلدينا...
ما تشوفنا ياخ ؟؟

بلقيس ..
عواليق انت دي زهجان منك ..

وليدطه ...
تاني كان داير تجينا تعال براك .انت ما بتعرف تبيع الناس والا شنو ؟؟ وكان علي صاحبك ده والله من ما عرفتو مكنتو دي فاكيها فيني بتاعت الرصيد مافي دي .. حاجاتك جاهزه .. كان داير معاي ..تعال الخميس ده رايك شنو ؟؟

بلقيس .. قبل كده اكلت لي زول ما عمل لي حاجه انت قايله شنو ؟؟

بت قضيم .. عليك الله عايشه دي حقاره كده ليييه
سمعتي نكتت المصطول ؟؟
مصطول وقع ليهو في بير .. وقعد يكورك طلعوني .. طلعوني .. طلعوني .. لما مافي زول جاب خبرو
قال
انا بحاول تلاتة مرات وكان ما طلعته بمشي بيتنا طوالي ...

الاصيل تمبس ابو التمابس ...عاطر تحياتي
شرحبيل ده ما رايع روعة النيل فى العصاري اتحفتنا
..للاسف عزيزى انا ما دخلت المنبر الا اللليلة الجمعة لكن اكد زايرك..زايرك ...صاحبك الخميس كلوا كان بيضرب جير... وحالتو بالبلا..
ما قلت ليك (جذب سماوى)

رايك شنو اعزمك حفلة يوم الخميس الجاي رقم جوالى......؟؟؟
ولا اقول ليك تجنباً للضهب حأديك بكرة (مسد كول) وخليك بياع

ارقد عافية..

انا المصحينى حسه شنو زاتو ما عارفه الســـــ4:33ــــــاعه صباحا
والاحساس العندى بالظبط 1,2.3,4, 4,4,5 وتقول لى رافعين ضغطكم لى

معناته كنت نايمه ياراوية مش كده ؟؟
طيب انت كويسه ..
اها شوفي ليك زول قاعد ينوم..
بس شيلي الـ 1،2،3،4 من دماغك .. فكري من 10 ولي قدام .. شان ما تجيك مصيبة زمان ..
وروقي المنقه ..كلو بيهون ..

مصيبه اكتر من الفيها دى النبى شنو
نحنا لو ما عشان الزيك ديل زاتو ماعرفين
10 ولى فوق قال
وبركه اللقيتك الشوق ليك مطر
ونفسي فى نقه معاك
وتسلم

صدقيني ياراوية

كلو في محلو ... والشوق بي نفس الكميات دي .. وقيل اكتر ..
عارفه...
انا زيك كده البورد ده مرات بشوفو عشرة عشرة.. وكان ماالناس البتجبرك علي انك تتواصل معاها في المكان ده .. ما اظن الواحد كان بتكون فيهو نفسيات يمر بيها.. البركة في اي زول جميل بيعرف قدر الناس وبيحترم نفسو في المقام الاول ..
بس يكون في علمك .. طالبك عشرة نقة برضو .. بس كدي لما تصحي من النوم كويس وتضربي ليك كباية قهوة خطيرة كده .. انا عازم نفسي غايتو .. عندك اعتراض؟؟

هى ياناس الجمائة الاواليق ديل جو!!
اسمعنى :
اولا : حمد لله على السلامة لانو كنت حاتخبط على دماغي واعملها
ثانيا: انا زاتي زهجانة منك
ثالثا : ظاااااااااهر

راجي كلام السر

والله ظاهرة ظهرانية

..
.
تامبا

انت بتدسها ؟؟
شايفك بس بقيت تبعنا بالرخيص

بت قضيم
انت نظاراتك ديل غبشن ؟؟
بالمناسبة لقيت نقطة السقوط

C U all

عظيم تبلدينا
لقيت نقطة السقوط؟؟؟
يلا فتش بؤرة الشعور
عاين
انا لست بمطششة،،، لو سمحت،،، انا حوصة بس

..
.
هل هى مرئية ؟؟ اقصد بؤرة الشعور ..
اليومين دى اخوك ما بياخد درس فى مدرسة سقراط
الفلسفية .. تجى معااى ؟؟

looool@ حوصة بس

دى ذكرتنى نكتة عن اهلنا البديرية فى كردفانا الغرة ، طبعا معروفين بطلعوهم للقنيص وصيد الارانب ،، اها طلعو اتنين واحد فيهم احوص
-زيك كدى يعنى تلقيوهو بكتب هنا وبكون قاصد هناك - اها مشوا ليقو خشخاش الارنب قام السليم قال للاحوص انا بكشكشها ليك وانت
فنها بالسفروك لمن تمرق ، ومشى يكشكش الارنب عشان تطلع اها رفع راسو شاف ليك صحبو الاحوص بدل ما عينو فى الجحر لقاهو بعاين ليهو
قال انت يا ادم ووين بتأاين ؟؟
قال ليهو ما فى جهر الارنب ..
قال كن دى مراعاتك الا ما تفن ..

مساعدات للترجمة ولاجل الحنكشة
القنيص : الصيد
خشخاش الارنب : جحرها
السفروك : اداة صيد محلية فى شكل زاوية منفرجة من الشجر
الاحوص : زي بت قطيم

. منايه اشوفك تاني

ارفع فوق يا كريه

انا ح اوديك الصفحة الاولي .. كان لقيتك مشيت مكان
ح تتعب معاي ..
..
بوست معولق

ابو التنابس

الجميل ياهوووو دا

انت عارف
كلما اشوف بوست أليلك
اذكر نكته الراجل النباح ( وعارفك تكون ناقشه يا عفريت)
من الصباح يكورك الفطور ، الكسره، الملاح، المويه ،الشاي ، هو ملاح البخت دا بمرق متين ؟؟؟

ودي قشت عينو من النوم


يوم مشي المطبخ وسالو من المارق شنو؟
عندنا فول، كمونيه ،بيض ،بالطوه ،عدس ،جقاجق...
استغرب وقالو دا كلو مرق
ايوا مرق
قالو ما عندكم مره للــلخد؟؟

اريدها بنفس الجمال
.
..
...

بن عمي عماد..
..لفينا وجيناهو بعد سنة ونص البوست ده وشكرا للباشمهندس دورو لينا من جديد
وعساهو يجيب لينا الناس الفاتت دي ..
ويطير لينا البوم
..
.
الجنا كيفنو .. ما ضاق ( الكسرة ) وطلع للحارة؟؟

بت قضيم
ملكة سبا
راوية
هالة قوتة
رجاء
الرحمابي
الجندرية
مانديلا
اسامة الخاتم
أهل العوض
.......
..
.

أين أنتم يا اصدقـــاء الزمن الجميل؟؟
هل غيبتكم المشاغل؟؟ أم هذا المكان اصبح لا يستوعب كل الجمال الذي فيكم؟؟

عودوا في دواخلــنا متسع من الحب لكم وشموع لا تضئ إلا بوجودكم..

بت قضيم
ملكة سبا
راوية
هالة قوتة
رجاء
الرحمابي
الجندرية
مانديلا
اسامة الخاتم
أهل العوض

بالله يا تامبا الناس دي تجمع هنا بسرعة ..
دي دعوة حب ومحبة ..
نشتاقكم يا صحاب الزمن الجميل ..
فهلا لبيتم النداء ؟..

أتمنى أن لا يطول إنتظارنا ..

Quote: بت قضيم ملكة سبا راوية هالة قوتة رجاء الرحمابي الجندرية مانديلا اسامة الخاتم أهل العوض

يا ابو الدفــاع ..
على ما اعتقد انو دعوتنــا دي .. دقت في العراضة ..
الناس دي مافي واحد فيها جا داخل جاي
اللهم اجعله خير
ولا تحرمنا من طلتهم رؤية ( Nick نماتهم ) أون لاين أو على الأقل في صفحة المتواجدين

هسي أنا يا ربي أكون نمرة كم!؟

بالله أتاريكم داسّين الحاجات الحلوة دي يا تامبا!؟

يخ... سي!

ياتمبس


لحنت الاغنية ولا لسسسسسسسسسسسة ؟!!

والله انا الايام دى الضغط مرتفع شديد

وعندى ضربة قلب لكن مع دة كلو

انا دايرة نمرة 3 برضو يا تمبس وكان

الجندرية ابت قول ليها بارعة دى التالت مشترك

وكان ابت تانى

خلاص ادينى 4 يعوضنا الله

لكن انت ما تكلمها

ووريها انو هى كدة بس

يا .. خِـــدره
انا برضو والله مسالة الضغط دي وعندي ( شحتفت ) روح وخمــان نفس
ولي كم شهر كده حاجات كتيرة باقية لي مسيخه
الباسطة زاته بضوقه .. زي العرديب
..
.
اعملي خيانات وشيلي .. التلاتين .. تلاتك وتلاتة الجندرية
الايامات دي ضاربه نسيم فينــافي امان الله

غايتو يا بارعه كان امورك ما مشت ( تش )
اعملي فحص ( للظار )
..
.

Quote: ارفع فوق يا كريه

العزيز
الهمباتي ود عقيد ..
تعرف البوست ده بمناسبة الموديلات الجديدة والحركات الحاصلة دي
مفترض نقوم بمسالة اعادة صياغة ليهو في مصطلحات حايمه اليومين دي بالبورد
حاول اجتهد معانــا
نرقمه ، وننقطة ، ونسميهــا.
ومبدئياً بنديك رقم عشرة ..
ولما كنت بلعب كورة زمان ما كنت بفكو بالساهل .. بالرغم من اني كنت بقيف آخر زول ووراء خالص

الحبيب تمبس

تعرف بقيت لما اكون زهجان افتش بوستاتك وين

وينطبق عليها المثل القائل : بيت الضبع ما بخلى من العضام

وانا بلقى هبر مش عضام بس

تسلم لينا يا .............


المحيرنى البوست ده متين كان

وانا ما شفته كيف

ياربى اكون ساعتها مكرضم ولا شنو ...

مــولانا العمدة قرشو..
الله يبعد عنك الزهج والحساسية المنبرية
ويمتعك بمواسم الترطيبة الاخوية والبوستات المريحة..
..
.
البوست ده يا عمدة نجرتو ذات صباح من صباحات البورد المشحونة بالمناقرات الشديدة لكنها مناقرات حميمة كان الاختلاف فيها لا يتجاوز الافكار والمعتقدات والطرح السايبيري وقليل فقط كانوا يشذون عن القاعدة بالتخريمات والبلنجات تحت الحزام ..
ولذلك افترضت بوست ( شطرنج ) سايبيري يحقن الدموم والالفاظ ويوصل المعلومة فكان عادي جدا وقتها تلقى ليك بوست بتاع اي زول مرفوع بي الرقم المعني والظاهر على آخره أو رقم متطرف بعد حوار طويل وعلى طول ممكن تحدد مستوى الاختلاف
كان مساخه ، أو كراهه ، أو ( شمان ) على خفيف
وبمثلما كانت المساخة كان العسل بينقط من بوستات .. ويداوي ( يرقان ) القبح من دون ( كي )
..
.

Quote: 01-03-2004,

البوست ليهو سنة وزيادة
لكن حاسس كأني كتبتو حسع دي

Quote: المحيرنى البوست ده متين كان وانا ما شفته كيف ياربى اكون ساعتها مكرضم ولا شنو ...

يا قرشو أخوي ..
كيفـــــــنك ..

البوست دا من الزمن الجميل ..
شفت كيف كنا وكيف صرنا ؟..

محبتي ..

دفرة عشان الحلوين ..

ولكل الجمال الفيه ..

والله ياخي البيت بيتنا والحاجه السمحه بنجيها .. بلا دعوه .. بلا إحم
حتي لو كنا نمره الف

معتصم..
..
ما عندك لينا حاجة ؟؟
البورد مليان مصلطحات تجارية واكلشيهات
حاول شوف لينا حاجه ..
..
.

عمار بيلي ..
منور والله والبسوت بوستك
والدار دارك ..
خد راحتك على الآخر ..
بس عندي سؤال فني ..
خالد البيلي .. خريج الجامعة الاهلية بيبقي ليك ؟؟؟

Quote: ياتمبس لحنت الاغنية ولا لسسسسسسسسسسسة ؟!!

يعني يانادية دي ممكنة اعتبره رقم ( 4 )؟؟
..
.
اديهــا صنة يانادية وبتتجيه تمام



طبعا قاعد افتش على شريط الفيديو بتاع السهرة
لكن شاريني فيهو لحدي الآن..

اخي تمبس ..
اسره البيلي اسره كبيره جدا ..
وعباره عن جزئين في امدرمان حي العمده
والركابيه ناس البيلي الاستاذبالجامعه الاهليه
.. والخرطوم 2 و 3 وديل ناس حسن البيلي بتاع القضائيه
ونا عثمان البيلي الكان وزير التربيه والتعليم
في عهد نميري وهم في الاصل
اولاد عم بس مافي تواصل إمكن خالد ده من ناس امدرمان
معليش لي حصة التاريخ دي