.. قفشات السيرفر ..

احيــانا...
تمر لحظــات على السيرفر ومن الضغط أن لا يجمع وتحدث فيه بعض الاسقاطات التي سرعان ما يتم تداركهــا بسرعة..
وأحيانا.. تتكرر غلطات غير مقصودة واحياناً أخرى تحدث تفاصيل معقدة في الزوار ومتصفحي البوست الواحد وتختلط المعادلات الحسابية وتتشابه وتختلف
أمـــا
في صفحة المتواجدين فهناك العجب العجــــــاب

حصل اترصدتو للسيرفر
أو
عندكم قفشات ليهو ؟؟


نشوف

يمكن التحايل وقفش هفوات السيرفر من خلال الشاشة
بعدة برامج
ميزتها
سريعة الالتقاط
سهلة الاستعمال
عالية الجودة ..
ويمكن ( تصديقهــا ) بسهولة حيث أنها تعطينا صورة طبق الاصل
..
.
يعني يا ( موثقاتية ) بختكم إذا نزلتو البرنامج ده

يعني زي القفشة دي مثلا بين ( وليد ووليد )
المسافة بيناتهم ( 101 ) اهــا أكيد فيهم واحد طالب التاني
والمية وواحد دي ما معروفة بالريال والا باليورو
والا بالدينار..
على كل الحضر القسمة ... يقسم والبياطل براهو بيخنق

تامبا
سلام
وهاك دي

Quote: المتواجدون الان بالمنبر العام 167 شخص » (1 )عضو و (166) زائرا »إسماعيل وراق هذه الصفحة يعاد تحديثها كل 120 ثانية.

والكلام دا قبل نص دقيقة فقط.

يا سلالالالالالالالالالام يا اسماعيل
..
.
القفشة دي فاتتني كيف مافي طريقة إعادة بالبطئ ؟؟

تعرفي يا طائفي
غالباً ح اريحك من مسالة تعمل كود وتجيبو
بعد ما ننزل البرنامج ح اديك خيار الضغط على زر واحد فقط وتعمل تظليل على المنطقة المطلوبة
وتطلع معاك المسالة زي الكانك ماخد صورة بي كاميرا ديجيتال
وكمان ولا أجدع مصوراتي..

تمبس

وما لاحظت إنو صاحب البوست دا، قاعد متحكر فوق لإسم الوليدين؟؟

أها دي ما أبو القفشات زاتا.

ههههههههههه
قفشة ملعوبة يا مولانــا والله ما لاحظت ليها
..
.
لــكن
الاقفش منهــا ما ملاحظ معاي أول اتنين معاي في البوست ( اسماعيلين )

ها ها ها ها
والله يا تامبا
شكلك رايق ومزاجك كارب
يلا يا مان أنا في إنتظار برنامجك دا
أصلك بتاع محن

تامبا


انا اسمي مكتوب
يا اخوي انا حايم بره
واسمي مكتوب بالرصاص هنا

على فكرة البوست فكرتو حلوة
وطالما قلت كدا يا اخوي أها
يبقى خلاص نطلع ليكم المصائب
الداسناها من زمان.........
ناس home alone وما شابه ذلك
دقيقة بس .. امشي اجيب ليكم
المدكن .. بلا بصـل
على وزن المكشن*

حاشية،، المكشن دا الملاح الاسمو (الطيارة قامت)

والله يا وليد ( 101 ) عليك دغاله شديدة خلاص
يعني إلا يصوروك حتن تطلع ليك بي برنامج
المهم
انا حاجز برنامجين هنــا.. واحد ( ديكوري ) والتاني توثيقي
Quick Screen Capture
Screen Print & Capture
غايتو كان لاقوك فطهم وشوف غيرهم لأنو انا مجهزهم من بدري
..
.

اسمع
ما بلقى عندكم ( داردمه )
التلج خليناهو

Quote: يعني يا ( موثقاتية ) بختكم إذا نزلتو البرنامج ده

Your phone
هنا يا تامبا عليك الله:
[email protected]
طلب بى طريق مثقفاتيه صاح

ناصر البطل

ناصر



طلب المثقفاتية ده ناقص
إذا بديتو لي بي ( بفتكر إنو ) أو ( كلمتني عن حاجاتك ) كنت بصدقك أنك مثقفاتي

التلفون في البروفايل
والحاجات كلها
واكيد ح ارسل ليك في الايميل
كان ما وصلك الآن معناته انا مشيت البيت اتغدي وأنوم

الداير معانــا يحمل البرنامج ده ..
من www.download.com
http://www.download.com/3120-20_4-0.html?qt=screen+prin...arch.x=23&search.y=9
اختار أول برنامج في خيارات التحميل

لمن نجي بعدين .. يحلها الف حلال

Quote: abuguta »ABUZEEGH »ADIL FAIT »almohndis »aosman »Elawad Eltayeb »Esameldin Abdelrahman »nasiradin »saif massad ali »shiry »Sidig Rahama Elnour »Yasir Elsharif »إسماعيل وراق »بكرى ابوبكر »رشيق اباظة »عبدالرحمن عبدالله أبوشيبة »عبدالعظيم عبدالله »عبير خيرى »عصام ابو القاسم »محمد حسن العمدة »محمد حسن عوض احمد »معتصم الطاهر »منصور شاشاتي »نادية عثمان »نجود حسن عبد الرحمن »ياسر مكاوي

تامبا
سلامات
تاريك بتاع ناسات
اسى ابقوتة متربع
على ناس الانجليزى
وابو محمد على ناس العربى
مثلنا مثل البشير وسلفا
على سلام الضلفا
من نمولى لحلفا

Quote: مثلنا مثل البشير وسلفا

ابوقوته*

دي هسي ما قفشة سيرفرية
اسفيرية شوف كويس ...
البشير و سلفاكير

بس انت شلت الكير مشيت بيهو ويييييين؟؟



لك العتبى يا ابوقوته، حتى تستغيثD:

تم التعديل للحقوق الادبية

Quote: مثلنا مثل البشير وسلفا

Quote: حمـزاوي،،، دي هسي ما قفشة سيرفرية اسفيرية شوف كويس ... البشير و سلفاكير بس انت شلت الكير مشيت بيهو ويييييين؟؟

يا ولي ما قلنا ليك لسه ناقص واحد ..
بس الحاجة المحيراني العين التانية مشت وين ؟..
أها دي بالثابتة ..

Quote: يا ولي ما قلنا ليك لسه ناقص واحد ..

والله يا معتصم حقو الـ 101 دي تخصمه منو تخليهو قاعد في الصقيعة
..
.
الحمد لله كمشتو بالثابته لانو كان ح يغالطني
كويس كشفان الحال ده معاهو
بريحو

Quote: حمـزاوي،،، دي هسي ما قفشة سيرفرية اسفيرية شوف كويس ... البشير و سلفاكير بس انت شلت الكير مشيت بيهو ويييييين؟؟

تم التعديل وين يا وليــد ؟؟
اهو مسكوك بالثابته وبي معروضاته
..
.

Quote: تامبا سلامات تاريك بتاع ناسات اسى ابقوتة متربع على ناس الانجليزى وابو محمد على ناس العربى مثلنا مثل البشير وسلفا على سلام الضلفا من نمولى لحلفا

يا باشمهندس ..
والله العتب على النظر
غايتو قفشة وراحت علينا..
لكن صدقني كان كررتهــا تاني بلحقك سيلفــا
وكتر لينا معاك في القوافي دي يا باشمهندس

القفشه اللي هي
أو ممكن تكون دقسه يا تامبا
أنو ناصر البطل مقدم طلب مثقفاتية

وانا افتكرتو ايميلك قمت رسلت ليك
افتكرتك عامل ايميل طلبات هسع تلقى
ناصر البطل مصارينو اتقطعت من الضحك

ما زي وليد شريف وياسر الشريف وعبد الرزاق
وعبد القادر واحدة بواحدة .....
ومافي حـد أحسـن من حـد

وليد



تمبس قال ماشى الغدا و جاى لما يرجع بنتفاهم

ناصر المثقفاتى

Quote: حمـزاوي،،،

وليد قول يالطيف
حمزاوى منو يابلد
انتو خلاص بقيتو مابتقرو
بتتاعملو بالشعارات
والله دى قفشة جديدة لنج
يعنى ناس البورد التقدمين بالبهناك لليسار
عادوك خالص..لو الزول جاء جديد وقال كداوقف مع
مع اسلامى على طول..هو كوز...
زى واحدة اختنا..رحبت بيها بقفشة شعرية
ولما عرفت اتجاهها..يوما قلت ليها..كلامك دا مش اوكى
قالت لى انت اتهمتنى انا عنصرية..اها شفت كيف

الكير دا حق دعاة ناس الانفصال
الزول بقى سلفا..والسلفا نوع من
المضادات الحيوية..التى تمضد الجراح

قلت لى ناصر قال البطل ما بجيب حاجة
قام ثقفها ..والله شغل
الزول دا شغله نضيف

شوف يا أبقوته هوى
الخوه كوم و الثقافه كوم تانى
الجمعيه دى انا خاشى فيها جديد
أسسسسسسع بلم فيك كوم مثقفاتيه ينجضوك نجاض
و الله ما يخلو ليك جيهتا تنوم عليها
الزم الشخيت و أقيف بعيد و زح لى ورا
أنت عااااارف المثقفاتيه ديل ما برضو بى بعض
ها الحين يتصلون بى يبغون تأديبك بس أنا رفضت منشان الخوه

تخريمه:
مشتاقين و بس ... أها عازمك جمعية مثقفاتيه ... تشترك؟

ناصر البطل

العزيز
ابوقوته،،

لك العتبى مرة اخرى
إلى أن تستغيث.......
الجاتك في مداخلتك سامحتك
أنت عارف الساعة اثنين يا اخوي
والجوع كافر، كنت في اتصال مع تمبس
وانتبهت للخطأ في المداخلـة لكن قلت
ما هي برضو قفشه خليها تكون موضوع
من مواضيع البوست، لووووووووووووووول
وعارف الناس الملقوفين زي ناس معتصم وغيرهم

طبعاً الايام دي أخوك عقلو ضارب والجماعة شمتانيين
انشاء الله يا معتصم وتمبس يوم جهجهتكم ما تجي

ويـا شمـاتـة أبلـه ظــاظــأ فـيك يا ابن العـم399

Quote: انشاء الله يا معتصم وتمبس يوم جهجهتكم ما تجي

أكتر من كده يا ولي ..
مالك علينا ياخي نحن ناس مساكين ساي ..
حتى أسأل آبله ظاظا ..

آبله ظاظا مين ؟؟؟؟؟؟؟

القرضابي والموردابي ،،
والتطابق في الحروف الكبيرة والاختلاف في حرفي الوسط

***

اهـــا بالنسبة للناس العايزين معانا وحملو البرنامج وعملو نايمين
نشوف طريقة الضبط للبرنامج
وكيف نتعامل معاهو
بعد فك البرنامج نذهب مباشرة لقائمة إبدا ( Start ) ثم برامج ( Programs ) ونختار اسم البرنامج Screen Print32 V3 ونضغط على الايقونة الخاصة لعملية الضبط

نختار الخيار General
ونقوم بالضبط كما هو موضح بالشكل مع مراعاة أن هناك أربع خيارات منبثقة من البند
Capture Area Selection Method
الخيار الأول:
يقوم بتصوير كامل الشاشة عند الضغط على زر الكيبورد المعني ..
الخيار الثاني :
يقوم بتصوير النافذة المفتوحة فقط
الخيار الثالث
ويفضل أختيار هذا البند لأنه يعطينا فرصة في خيارات متعددة عند الضغط يقوم البرنامج بتصوير كامل الصفحة المفتوحة ثم تجميد الصفحة وهنا يمكننا إختيار المكان المراد الاقتباس منه ونقوم بعمل تظليل عليه بالماوس حسب الطريقة العادية المتبعة ثم نقوم بالضغط بالماوس عند الناحية اليمنى لإتمام عملية التصوير أو الإلغاء حيث تظهر لك الخيارات المطلوبة لتنفيذ العملية
الخيار الرابع
وهذا خاص بزر الكيبورد ونادر أن نستعمله

إذا الخيار الثالث يفضل في العملية

User Interaction
وهذا الخيار خاص بزر التحكم في أخذ الصورة ونقوم بأختيار Prt-Scr كما موضح في الشكل وهو الزر الموضجود أعلى الكيبورد يسار لوحة الأرقام Print Scrn SysRq
Miscellaneous
في هذا الخيار نقوم بوضع العلامات على كل الخيارات وهي ثلاثة
ثم ننتقل إلى الخيار الذي يليه Print Options دون وضع علامة Ok

ولسه ما خلصنــاحنمشي خطوة خطوة حتى يكتمل الشرح

ناصر البطل

ههههههههههههه

والله دى ياناصر بالغت فيها عديل

خليك اونلاين ياحبيب


شكرا ياتمبس على البوست الجميل ده

Quote: خليك اونلاين ياحبيب

هههههههههه
لمتين لكن ياواثق
يعني ما ينوم؟؟
شكرا انو البوست عجبك يا واثق وياريت كمان تشوف معاك البرنامج لانو مفيد خالص..

ناصر قفشتك مقبولة
وعادي جدا بتحصل في ارقى السيرفراتبس ما تقوم تهبش ليك حاجة تلقى نفسك أوف لاين
اسمع ؟؟
انت رقم التلفون بتاعي ده عايز ( تخللووو )
بديك اربعة وعشرين ساعة انتظار وبعديها بركب لي شريحة جديدة
شفت الترطيبة دي كيف

فى زول عمل مس كول ؟

تامبا بتاع العناقريب

انا عندي مشكلة ياخي
حاولت اغير الباصوورد .. و ابت تشتغل
والمشكلة لو ما اتغيرت
انا و سودانيزاونلاين بس الطريفي و جملو
وده حتي عودتي الي كمبيوتر البيت







اها ده من شنو يادكتور !!

Quote: تامبا بتاع العناقريب

خــدر

Quote: انا عندي مشكلة ياخي حاولت اغير الباصوورد .. و ابت تشتغل والمشكلة لو ما اتغيرت انا و سودانيزاونلاين بس الطريفي و جملو وده حتي عودتي الي كمبيوتر البيت

الطريفي منو يازول ؟؟
تعرف انا ما فاهم كلامك ده كلو
يا اما عامل مجنون
لكن الشي المتأكد منو كان لميت في الباص وورد بتاعك ده ( بستبزك )
كدي حاول اديني ليهو في الايميل شان اغيرو ليك .. شوف اعمل فيك شنو هههههههه
تعرف
متذكر لي قفشة لذيذه خلاص من زمان في دار الرياضة امدرمان
طبعا كنا بنقعد في الناحية الشمالية ،، طبعا الاتجاه داك الجماعة كلهم بتاعين ( قشة ) وبتاعين أم برمه وبيكونوا مصلحين وقفاشين جـــدا واي تعليق بيكون قفشة تضحكك أسبوع ..
اها في عمك بتاع تسالي عندو تسالي خطير جدا بيكون شايلو في قفه كده وبتديهو القروش بيخمش ويديك يعني لا لافيهو في قرطاص ولا حاجة
والتسالي لونوأحمر وشهي خالص
اها واحد من الشباب ديل وانا بشتري من عمك
قام كورك ليهو
قال ليهو
يا عمو .. انت تساليك ده ( محننو )

Quote: فى زول عمل مس كول ؟

احتمال يكون ده الموردابي يا القرضابي
ما تستبعد أي شي وارد الايامات دي

هوى انا ضربت عديييييييل



ناصر البطل

تمبس

بوستك قَـفَــش

تمبس

أقصد طـفـش.

يا مولانــا
والله اول ما لقيت الرد قايلك أبو الريش
تاني قلت كوستاوي
تاني قلت هاشم نوريت وكنت عايز أقول ليهو معزوم معانا فته هنا..القـــــوم..

إذا كان Killer هو الوحيد الذي يخوف حسين ملاسي يبدو أنني سأنحاز لفكرة ملاسي وأعمل الف حساب للزول ده إلا أنني لا اتواني لحظة في فتح بوست ترحيبي ليهو عربون صادقة

..

Killer ..... الوحيد الذي يخيفني ....

احتمال يكون ده الموردابي يا القردابي ( كما تكتب بلانجليزية)
ما تستبعد أي شي وارد الايامات دي
....الدابي دة وينو????

مش احتمال يكون العجب برضو يا سمعه ؟؟

الزميل نمرة 6 ده منو باليل مرة دخلت لقيتوا حضور

صباح الخير
ويا وليد..... يا حصلنى يا خلينى ارجع ليك

يا وليد خمسمية
وليد تلتمية أمس عملنا اجتماع مصغر هنا
وطلعنا بي توصيات صغيرة كده
بالرغم من انو الزول ده باقي عليهو شوية كــدا والاولاد يشرفو من السودان إن شاء الله ويبقي اربعمية إلا أنو اللخبطه بتاعتو بتاعت الايامات دي
اتطرينا اننا نحذف منو خمسة وعشرين كمان .. ولذلك ما عندك مشكلة ممكن تنطلق بكل سهولة وقشة ما تعتر ليك

يا استاذ هشام
والله انا مستغرب أنو الزميل ده مر فيك كيف ؟؟
فعلا المنبر مكشوف

كتب تمبس

Quote: يا مولانــا والله اول ما لقيت الرد قايلك أبو الريش تاني قلت كوستاوي تاني قلت هاشم نوريت

هههههههههههههههههه

تعرف يا تمبس

باين إتشابه عليك البورداب أو تكون المشكلة في برنامجك العجيب الجبتو لينا دا.

لك بصراحة، بصراحة زعلتـنـي بالجد. يعني مـا قادر تميز بين صورتي وصور الآخرين؟؟ سامحتك المرة دي.

المرة الجاية خلي نـظرك مجلي وفتح عينك وببساطـة حتقدر تميــز بيني وبين أبو الريش، وكوستاوي، وهاشم نوريت.




أها عشان تاني ما تغـلـط الغلطة الفظيعة دي:


- - دا أبو الريش --------- -- ودا كوستاوي -------- ودا هاشم نوريت ------- ---- ودا أنا


ولو ما واضحة ليك، أوضحها أكتر: من اليمين للشمال أبو الريش، كوستاوي، هاشم نوريت، إسماعيل التاج.

يا مولانــا ..
ما عايز اقول ليك الفي النص بينك وبين هاشم نوريت ده منو

لكن تحت تحت كــده محمد أدروب ده بيشبه خالي ،، نسخه بالكربون طبعا وما بعيد اقوم اتشبك ليك في هاشم نوريت .. اصلو انا طولت ما اتشبكته معاهو

طبعا نسيت باقي الضبط بتاع البرنامج
الله ينعل أبو الخرف
Print Options
الخيار ده بنخليهو فاضي ما بنعمل عليهو تنقيط إلا إذا حبينا نعمل طباعة للصورة
Save Options
نعمل تنقيط على خيار الحفظ في القرص Save Capture Area To Disk
File Format
ويمكن اختيار أي نوع من أنواع الامتدادات وغالبا يفضل إختيار JPG لان الملف فيه بيكون عالي الجودة بالاضافة لي صغر الحجم ..أما إذا حبينا نعمل لقطة من الصورة ونرجع تاني نشتغل عليها في الفوتو شوب أو أي برنامج أخر ممكن نختار خيار PMB ونرجع نغير الامتداد لي الفورمات الأولي لسهولة التحميل على النت

تمبس بعد الترحيب بصاحبك حامل الإسم: 4869524

الطلعو لينا الملقاط بتاعك.

شوف الإسم، واتـأملو كويس.

بعد التأمل في الإسم: 4869524

أقرأ كل رقمين من الشمال لليمين أو من اليمين للشمال بدون فـط أي رقم، يعني: 48، 86، 69، 95، 52، 24 أو 24، 52، 95، 69، 86، 48.

ماشي؟؟

طيب شوف المفارقات:
48: عام هزيمة إسرائيل للجيوش العربية وقيام دولة إسرائيل وما عُـرف بالنكبة ويوم الأرض في فلسطين.
86: عام تكوين الحكومة الديموقراطية الثالثة في السودان برئاسة السيد الصادق المهدي بعد إجراء انتخابات تشريعية حرة ونزيهة بعد سنة من سقوط نظام جعفر نميري في 1985.
69: عام من حكاياتنا مايو. إنقلاب مايو.
95: عشرية (مرور عشرة سنوات على) إنتفاضة مارس/أبريل 1985.
52: ميلاد علاء الدين تمبس.
24: ثـورة 24 في السودان، جمعية اللواء الأبيض (علي ع اللطيف، ع الفضيل الماظ).

أهـا صاحبك دا إسمو خطيييييير.

تمبس

بخصوص 52

أرجو ملاحظة إني ضحيت بـثورة 26 يوليو 1952 ، عشان خاطر تاريخ ميلادك. يا مولود مع الثورة (الإنقلاب).

Quote: بعد التأمل في الإسم: 4869524

يا مــولاناوبعد التامل في الزميل الكلو أرقام ده .. والبنتمنى أنو يكون حنين علينا..
فنطلع بالاتي :
انو حاصل جمع الأرقام دي كلها بيديك ( 8 ) تمنية والتمنية طبعا ما بيدخل فيها إلا واحد مجازفاتي بس لانو كان جابت معاها( دو ) بيروح فيها معناته عايزه ليها زول جرار خالص وحاوي عديل
علشان كــدا أنا خايف صاحبك ده يكون من النوعية دي :
حقو اديك نكته بمناسبة التمنيات دي ..
في اتنين لاعبين كوتشينة
واحد حظو خطير جداوأبو رزقة
التاني المعاهو يجر كرت يقول ليهو هاردلك تسعة
المحظوظ يقول ليهو ( عندي )
يجر كرت تاني يقول ليهو معليش المرة دي راحت عليك تمنية
يقول ليهو عندي تسعة انا
يجر كرت يقول ليهو سبعة صغيرة
صاحبنا يقول ليهو عندي تمنية
يجر تسعة يقول ليهو المرة دي عفصتك تسعة طويلة
صاحبنا المرزق يقول ليهو عندي تسعة برضو
فقام زهج منو
قال ليه والله أنا لو كان عندي زي حظك ده حسع كان يكون عندي تلاتة عمارات في سويسرا
قال ليهو
برضو عندي

...

ناصر البطل

انت وراي و لا انا وراك مباريني كده

يا نور
ياخ ما تدفر الله

ناصر البطل

يا ناصر ونور ..
الباص ووردات كان اتطايبت السيرفر بشيل البورداب
حقو تشتغلوها اقدمية
والفقراء اتقاسمو الباص وورد

يا تامبا
ياخ ما تفتح موبايلك ده
شنو كلو ما اضرب ليك شابكى
ان الهاتف السيار لا يمكن الوصول اليه
فضحتونا ياخ

ناصر البطل

Quote: ان الهاتف السيار لا يمكن الوصول اليه فضحتونا ياخ

الآن يمكن الوصول إليه ياناصر
.
.
وينك انت ؟؟

وليد399



عموما قفشه حلوه شديد

و انا منتظر ايميل منك يكون بتاعى براااااى

ما بتاع خلو الرجل ده

ارجع فتش فوق لى ايميلى و انا منتظرك

ناصر البطل

Quote: المتواجدون الان بالمنبر العام 174 شخص » (2 )عضو و (172) زائرا »abuguta »بدرالدين شنا هذه الصفحة يعاد تحديثها كل 120 ثانية.

أبوقوتة أحرس لي هنا أنَّمش أشرب وأجي
هيييييييييييييع عرب الجزيرة خلو الحواشات واندفقوا في العولمة
باقيلك أبقوتة تاني نحن بنرجع للطورية

بدر الدييييييين

حارسها ليك طب

تعرف يابو ربى...بقعد يوميا من 10 الى 6 على النت والشغل ذاتو قعاد
مش عليك الله زى الماسكين موية قمح على قولك زمان
تعرف يابدر زمان عندى ابن عمى من البراهمن
ابوه درس فى مصر سنة 47 وامه مصرية..
يعنى متفلهم حبتين..اتصل على مرة وقال لى ياعرب الجزيرة
ووقتها كانو بزيعو فى اوائل الشهادة السودانية والاولى كانت
من قرى ابقوتة..ابوها من هناك وامها من عندنا
قلت ليه يازول افتح التلفزيون شوفو العرب بسو فى شنو
التوب بصنوعو فى سويسرا وبلبسوه ناس الوادى الريقيق- بتشديد الياء
شفت العرب زاحفين كيف
تسلم يا طيب

شكيت علي الله يا ابوقوته
ناس الوادي الرقيق ديل كانو خاربين علينا سوق الخضار بي خضرة الخلا والعجور بتاعن الرخس داك الله لا كسبهم الناس تزرع الوقت كلو وهم يجو داخلين ساكت كمان عملو زراعة طماطم مطرية

Quote: ناس الوادي الرقيق ديل كانو خاربين علينا سوق الخضار بي خضرة الخلا والعجور بتاعن الرخس داك

والله ياسيف الظاهر لي كنت ( جلابي ) قاعد ساكت
صغار التجار ياكلو ويقشو في طرف توبك
تقول لي خاربين السوق ؟؟
في تاجر بيقول خاربين السوق ؟

والله فعلا يا ابوقوته
العرب
زحفوا .. زحفوا زحف جد
.
.
اها عايزين نشوف زحفك ده الليلة كيف ؟؟
وتعال متغدي خفيف

يا بدري رمضان كريم ..
انا اكنت مطمن خالص البوست محروس الحرسان دهـ
اها ابوقوته ده يمكن ربنا يفتح علينا ونلاقيهو الليلة عيانا بيانا
عندك اي وصية نخمها ليك منو ؟؟؟
.
.
قفشاتك الحايمة يابدري دمها خفيف جدا ..

هاكم دي واحده تاني

تمبس كدي شوف دي ، البوست العاير دا ، وما عندو سيد ، وما عندو عنوان ، دا نقول عليهو شنو
قفشة والا فقشة

يا صديق رحمة
كيفك يا مواطن ورمضان كريم ..
الصورة راحت فيها طبعا.
البرنامج القديم جميل ..
وياريت لو تنزل كمان البرنامج الجديد المرفق .. وتظبط الاعدادات
ونشوف بعد داك بنتعامل معاهو كيف
..
.

Quote: Nour Kamil

الاسم ده اكبر قفشة يا فيصل

Man 2 Man
بعد كدة عاوزين حكام أجانب

أها يا تمبس.. كلامي مشى وجا

والله يامحمد السر .. تنفع منجم عديل ..
اها القصة ظبطت ..
وكدا احسن خلى البورد ده شوية .. يتوهج .. ويشتعل .. وينور ..
لينا فترة ياخ الواحد ما عارف يمشي وين

بس خليك قريب واعمل حسابك اوعك تدخل يدك في مكان بتخرب الرصة طوالي

المتواجدون الان بالمنبر العام 417 شخص » (40 )عضو و (377) زائرا
»80 .......
»ADIL FAIT
»Ali Alhalawi
»Amin Elsayed
»AYAD ELSUNNI
»bint_alahfad
»BousH
»charles deng
»Elkhawad
»Hassan Osman
»Isa
»Mohamed Elgadi
»Mohammed Elhaj
»MUNA OBIED
»Murtada Gafar
»Osama Mirghani
»Osman Malik
»oudenoord
»saif massad ali
»Sidig Rahama Elnour
»Yasir Abdulhai
»إسماعيل حميم
»الفاتح محمد عثمان
»الملك
»امير عبد الماجد
»تاج السر حسن
»دفع الله خطاب
»زول ساكت
»عادل محمد الصافي
»عبد الحميد البرنس
»عبدالرازق نقد
»عزاز شامي
»فيصل نوبي
»مبيوع
»محمد ادم ابوكيفو
»محمدين ايدام
»محمود عمر
»نادية عثمان
»هشام مدنى
»وليد محمد المبارك
هذه الصفحة يعاد تحديثها كل 120 ثانية.

Quote: »80 .......

ده منو يا خال ؟

Quote: ده منو يا خال ؟

والله ماعارفو ودى ما اول مرة!!!!

»تاج السر حس7
»تاج السر حسن

Quote: »تاج السر حس7 »تاج السر حسن

Quick Screen Capture
برنامج خفيف ..
يعمل على تصوير سطح المكتب .. أو أخذ لقطات من أي نافذة مفتوحة ..
يمكن التحكم في إختيار اللقطات بأشكال هندسية مختلفة ومن زوايا مختلفة
برنامج سهل الاستعمال
خفيف على الهارديسك
يمكن إزالته وإعادة تنصيبه في اي لحظة.. والتحكم في الخيارات
.
.
يمكن تحميل البرنامج من موقع
http://www.download.com
فقط كتابة Quick Screen Capture على محرك البحث
ومن ثم تحميل البرنامج وفك الضغط





وهذا شكل الايقونة الرئيسية للبرنامج بعد فك الضغط المرفق

المتواجدون الان بالمنبر العام 387 شخص » (32 )عضو و (355) زائرا

»Abureesh
»Adil Isaac
»ahmed haneen
»Amin Elsayed
»aymen
»Dr.M.Eltaib
»gamal elsadig
»humida
»Kamel mohamad
»Marouf Sanad
»Mohammed Elhaj
»Murtada Gafar
»nadus2000
»nashaat elemam
»Omar Bob
»sari_alail
»Sidgi Kaballo
»tmbis
»أبو ساندرا
»أحمد الشايقي
»إسماعيل حميم
»اشرف السر
»ايهاب
»بكرى ابوبكر
»ثابت محمد
»عبدالماجد موسى
»عزاز شامي
»محمد ابراهيم قرض
»محمد امين مبروك
»محمد عبدالقادر سبيل
»نجلاء المهدي
»نجود حسن عبد الرحمن
هذه الصفحة يعاد تحديثها كل 120 ثانية.

تمبس
شـوف المان تو مـان الماخمج
شوف أخوك لاعب مع منو ؟ مع إنو دي أول مباراة ألعبها

بعدين سؤال
أنت مالك واقف فى الحدود

الظاهر عليك
آخــر العجــم وأول العــرب
بس أديني فرصة أنزل البرنامج (التوماتيك) بتاعك ده
عشان نتحل من (المانيوال )

لك التقدير على هذا الترويح

ثابت
اول حاجة مليون مرحب بيك ورمضان كريم ..
..
ويا ثابت طالما انك راكب جمب الريس
الواحد ما بيقدر يزعلك .. الواحد يصاحبك بس

الش البعرفو يا ثابت أني في الكورة كنت بلعب آخر زولفي الميدان .. وما حصل جيت الطيش قبل كدا إلا في بورد بكري دهـ
غايتو عربية الفرملة كويسه يا ثابت

اها نزل البرنامج بي رواقه وخلينا نرجع ليه نشوف الحاصل فيهو شنو

مرحب بيك مجددا يا ثابت

ولــــــــيــــــــــد 6 221 mutwakil toum 19-10-05, 04:07 ص
بواسطة

Quote: ولــــــــيــــــــــد 6 221 mutwakil toum 19-10-05, 04:07 ص بواسطة

المتواجدون الان بالمنبر العام 468 شخص » (28 )عضو و (440) زائرا

»446 ------------------رقم
»ABDELAZIZ MAHADY
»ADIL FAIT
»Adrob wad Elkhatib
»anwar abu gaidaa
»atif anees
»Balla Musa
»charles deng
»EL fahal Abdelatif
»Elmosley
»gamal elsadig
»humida
»mahmed alhassan
»mohamed osman bakry
»Osman Malik
»Sabri Elshareef
»Siddig A. Omer
»Tabaldina
»tmbis
»القلب النابض
»بدر الدين الأمير
»جمال عثمان همد
»حسين يوسف احمد
»حمزاوي
»مبيوع
»نجود حسن عبد الرحمن
»نصار
»هشام مدنى
هذه الصفحة يعاد تحديثها كل 120 ثانية.

بعد دا الشغلة محتاجة ليها بوست

معانا تيمان في المنبر!!