Post: #1
Title: حبيبي تعال .. تعال نتلــــم .. دعــوة للنقاش
Author: tmbis
Date: 09-18-2005, 12:04 PM
Parent: #0
مدام الريد اختلط بالدم
|
Post: #2
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-18-2005, 12:28 PM
Parent: #1
يعني مثــلاً
أغاني البنات أو أغاني التراث ، أو الاغاني الخفيفة
أو
اغانينا بصفة خاصة
عنـــدما تقدم من قبل الغير
هل تكون اكثر جذبا للإنتباه
ومدخل إلى تعريف .. عن بعض تقاليدنــا أو تراثنا ؟؟
أو ثقافتنا الموسيقية من منظور معين ؟؟
..
.
|
Post: #3
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-18-2005, 01:04 PM
Parent: #1
تمبس
اول مداخله لي معاك
كيفك
بوست جميل و له رائحه ليست بغريبه علي 
تهريجه
انت ساهرت في مكان تاني غير المنبر ولا شنو ؟
|
Post: #13
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-18-2005, 11:52 PM
Parent: #3
فيصل نوبي
حمد الله الف على السلامة بعد الشرشحة
وياريت ما تكون المدالخة الأخيرة
امس بالليل خالص لو ( عضيت ) لسانك معناته ديل انا ومعتصم ووليد 399 كنا ماسكين سيرتك ( قطيعة ) أخوان طبعا..
البوست ده ريحتو طاقة من بدري ومأزمني شديد وكلما اقول اللقي لي فرصة ليهو .. اقوم اتورط لي في حاجة تانية
امس مساهر مع وليد ومعتصم ،،
معتصم... الايامات دي شغال تنظير شديد جدا
ووليد .. بالو طويل جدا لكن احسن زول بينوم واقف
وانا طبعا لا حول لي ولا قـــوة ..
المهم
غيب وتعال وجيب لينا معاك كوبليه كوبليهين وورينا الحاصل فيهم شنو
|
Post: #62
Title: Re: حبيبي تعال .. تعال نتلــــم .. دعــوة للنقاش
Author: معتصم دفع الله
Date: 09-25-2005, 04:02 PM
Parent: #13
أسوي شنو يا تامبا الضرس متاور عليّ اليومين ديل ..
وحاتك يوم الجمعة الفاتت مشينا حتات كده أنا وشتات ..
ما بمشوها إلا الدبابين الماشين للقتال ..
أها يا فيصل الزول دا كلامو صحي بس ما تكون جاتك حاجة والعشراقة ما تكون كبيرة ..
كيفك يا زول يا جميل ..
أبقى ظاهر ودوماً خليك في الجوار ..
يا تامبا غايتو الشدة على الله ..
أنا اليومين ديل بقيت ما مسؤل ..
وما محسوب من الجماعة ..
يعني جنس الحاجات دي بتوديني التوج ..
بجيك تاني ..
|
Post: #4
Title: Re: حبيبي تعال .. تعال نتلــــم .. دعــوة للنقاش
Author: Hatim Elhassan
Date: 09-18-2005, 01:22 PM
Parent: #1
علاء
سلامات
الفيلسوف المتقنطر حاتم مسموح له بالمشاركة و لا محظور هنا
اتمنى الرد ما يكون تجاهل  او زجر زى المرات ديك
مودتى
|
Post: #15
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-19-2005, 00:10 AM
Parent: #4
حاتم الحسن
سلامات يا( ارسطو )
ما تفتكر انو ما مغيوظ منك . لانك بقيت زول فقري جدا
والله بالجد كده ما عارف الحصل عليك شنو انت
..
.
المهم في الموضوع يا حاتم إدارة الحوار هنا بتختلف عن إدارة اركان النقاش العادة بتنتهي بي كاتل ومكتول يا ( جارح ومجروح )
التركيز لما يكون على الفكر بيكون اجمل مسالة الكلام الما لذيذ صدقني ما بتودي لي قدام
يعني لما المادة تتفرغ من محتواها المعرفي بي عبارات غريبه غير عقلانية بتكون اقل قبولا
وفي النهاية الخسران منو ؟؟؟
انت طبعا
ولعدة اسباب اهمها .. ممكن تلقى نفسك خارج المساحة دي وبتكتب من منازلهم وبالتالي ضيعت فرصة انك توصل فكرتك ، لانو صدقني ما اظن بعد كده في شخص يحتمل الطريقة القاسية في توجيه الكلام او الطرح الغير جيد ..
المهم في الموضوع ضحكتني في الكلام المكتوب تحت ده
| Quote: اتمنى الرد ما يكون تجاهل او زجر زى المرات ديك |
لانك خلقت مني زول خيالي خالص
ما زجر ياحاتم لكن انت دفعه وبالجد بحزن خالص وبشفق ليك ولي اي زول بيوصل فكرتو بي طريقة ( العنف اللفظي ) الما قاعد يخدم اي قضية غير يشوه الصورة العامة
بلاي ياحاتم روق في علبك شوية وخليك من شفتنت التمانينات دي نحن في القرن الواحد وعشرين
..
.
انت حسع عندك حاجه تشارك بيها ؟؟
يعني بقيت تعرف تغني وحاجات زي دي والا ياها ( شتارتك ) بتاعت زمان ديك
|
Post: #16
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-19-2005, 00:29 AM
Parent: #15
طيب دقيقة ياجاعة علشان نكون واضحين
فكرة البوست ربما تكون متداولة بي شكل اوسع أو تمت مناقشتها بصورة مختلفة وبعدة طرق
لكن
الشد انتباهي تكرار عدة اعمال في شكل فيديو كليب محاولة تقليد العمل السوداني بالذات اغاني البنات أو اغاني السباته أو الاغاني التراثية بشكل عام..ودائما بتابع مستوى نجاح الفكرة من طريقة اختلاف الاداء .. وطريقة النطق لي مفرداتنا العامية الصعبة جدا وأخيرا الأداء الحركي إذا كان مصاحب ..
بالرغم من اختلاف المعطيات دي كلها إلا أن العمل دائما بيكون ناجح بمقياس المكان والبيئة وبيكون عادة مصدر دهشة ..
العمل المصاحب فرقة اثيوبية ولا حظت تكرار عدة اعمال تصب في نفس الاتجاه ، بعد الاقتباسات المعروفة لأغاني الراحل سيد خليفة ومحمد وردي والراحل خوجلي عثمان العديد من الفنانين ..
شكرا يا حميدة للفيديو كليب
|
Post: #5
Title: Re: حبيبي تعال .. تعال نتلــــم .. دعــوة للنقاش
Author: ahmed haneen
Date: 09-18-2005, 01:27 PM
Parent: #1
وينك يا شفيف
غايتو قلنا نخش معاك في الربة حقتك دي
يمكن نكون مفيدين اكثر من بوستات تانية
شوف يا تامبا
تعرف الغنا حقنا دا قديم
والزمن اصبح ايقاعه اسرع
علي باليمين تعرف مقدمة ذاد الشجون براها حصة حوالي ربع ساعة
اها في الزمن دا تكون فرقة ميامي وى عجرم غنو تلاتة غنيات
وبمناسبة ميامي انا سمعتهم بغنوا وين وين تلقو زي دا
وطلعت حاجة جميلة وكانت متصدرة البوماتهم
ايضا
كدا كدا يا الترلة قاطرا قندراني
وفي النهاية اهديك
شراني يا يمة
شراني وبريدو
##
ساعة المطرة صبت
وساعة الهبوب هبت
انا واقفا مشرورة
محطة سبعة تشهد ،،
وبجيك تاني
|
Post: #6
Title: Re: حبيبي تعال .. تعال نتلــــم .. دعــوة للنقاش
Author: أيمن حسين فراج
Date: 09-18-2005, 02:26 PM
الأخ tmbis
.........
مساء النور
أغاني البنات
أروع ما يكون
معبرات عن واقع
والواقع عندي يعني
الآن
ويعني هنا
وليس غير الآن
وغير هنا
وما سواه باطل
أو وهم
أغاني البنات تستحق من الاحترام
وأكثر
تستحق الدراسة
هذا بوست (محترم إن صدق)
|
Post: #7
Title: Re: حبيبي تعال .. تعال نتلــــم .. دعــوة للنقاش
Author: أيمن حسين فراج
Date: 09-18-2005, 02:28 PM
Parent: #6
تعليم شنو
جامعة شنو
الليلة يوم عرسي
............
من أغاني البنات
............
|
Post: #21
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-19-2005, 02:22 AM
Parent: #6
العزيز جدا
ايمن حسين
..
.
صباحات الورد
قمر السبوع الداير
الليلة عبا وساير
غني وشكريه يا بنية
فوق المية خت المية
فوق الميبة خت المية
بت ابوك ما عارية
جميل أن تكون هنا توزع المفردات بحرفنة ..
وتاكد معي وعى اغنية البنات في توصيل فكرة محددة في زمن محدد
أو عكس المود العام..
يا امو الله اداكي
نحن معاك ماهماكي
نحن معاك ما هماكي
المطر البشكشك جاكي
انا ايضا احترم معك اغنية البنات بشدة
في المدح
في القدح
في الفراسة
في الكرم
في الجودية .. وفي وفي ...
في النزاهة
..
.
الموضوع ياايمن اتطرح بعدة اشكال وعدة مرات
وبصيغ مختلفة
حبيت اني اعمل اعادة فتح ملفات
مع تطوير الاغنية الحاصل
وفي نفس الوقت مواصلة حوار قديم .. عن اعمالنا بالخارج كما واضحة في النماذج اعلاهـ
واطمع في وجودك
لمزيد من الاضافات
طالما رحبت بالفكرة
باجتهادك الشديد
|
Post: #17
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-19-2005, 01:33 AM
كيفك يامقاتل يا شفيف
| Quote: اها في الزمن دا تكون فرقة ميامي ونانسى عجرم غنو تلاتة غنيات |
تعرف يا مقاتل
دي برضو وجهة نظر تانية عايزه ليها بوست براهو
المسالة بتاعت الغناء الدقه سريعه ده
البنتهي بي انتهاء تقديم الاغنية
عكس الغناء الخالد المتجدد مع كل لحظة استماع ليهو
بستغرب احيانا
لي قدام شكل الاغنية الجاية حيكون كيف بعد تحكم الكمبيوتر في العملية الصوتية وتشكيل الصوت والتحكم في عمل الآله الموسيقية ..
يعني مابعيد يا حنين لي قدام نقوم نحضر ليك ( كيته )كاربه كده وبوستراتك تكون مالية الرياض وشارع غبيرا العام ..
استمعوا للمناضل الشفيف في إلبومه الجديد ( الداير الشبك يجدع شبكتو معانا )
..
.
طبعا ناس ميامي ياحنين عندهم مشكلة بتاعت تبويظ اي حاجه يشيلوها
مع احترامي للناس البتسمع ليهم لكن بجوطو الحاجات بي طريقة كده ما بتدخل لي الواحد بي سهولة والباقي بتموهو كواريك .. ايوة ..ايوة ..ايوة وحاجات كتيرة ما معروفه
..
.
وكدا كدا يا الترلة طلعت قبل فترة بيغنيها واحد اسواني ومعاهو مجموعة مصاحبة
طبعا كان عندي هنا مجموعة من الشباب السعودي .. نجضوني بيها
ومصرين انو المجموعة دي سودانية طبعا لي مسالة الشبه الشديد بينا
فكنت بتعب شديد علشان اوصل ليهم فكرة انو الناس ديل ما سودانيين
تعرف احيانا بتطر اغنيها ليهم ( مسودنة لابعد الحدود ) وبي صوتي الشين ده
..
.
Quote: ساعة المطرة صبت
وساعة الهبوب هبت
انا واقفا مشرورة
محطة سبعة تشهد ،،
|
المطرة دي كانت زمان يا شفيف حسع بقت عامله كده..
ده كلو من وائل
وائل قفل الموبايل
|
Post: #9
Title: Re: حبيبي تعال .. تعال نتلــــم .. دعــوة للنقاش
Author: Muna Khugali
Date: 09-18-2005, 02:47 PM
Parent: #8
الليـلة يا يمـة
أذاني وبريـدو!!
مني
|
Post: #10
Title: Re: حبيبي تعال .. تعال نتلــــم .. دعــوة للنقاش
Author: نادية عثمان
Date: 09-18-2005, 05:13 PM
Parent: #9
قالوا امو نضامة
بريدها واريد كلامها !!!
واريد كلامك انت زااااااااتك ياتمبس !!
يلا لنكات الحفظ والاغنيات يانااااااس!!
|
Post: #35
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-20-2005, 10:18 AM
Parent: #10
نــادية ..
..
.
Quote: قالوا امو نضامة
بريدها واريد كلامها !!! |
والله يانادية ( النسيبة ) دي براهم بيدوروهــا
وبعدين كلامه بيبقى ليهم حار
.
.
عليك الله شوفي زيادات يانادية
حنمسكك جناح النسيبات ده
|
Post: #33
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-20-2005, 09:26 AM
Parent: #9
العزيزة مني خوجلي
حبابك ..
تعرفي عندي مجموعة افلام مناسبات عائلية خاصة ..
بكل ( اكسسواراته ) من رقيص عروس لي جرتق حنة وهلمفرح ..
قاعد استمتع خالص وانا بتابع الغناء ..
وانا في نيتي التعمق في البوست ده كنت بقيف كل لحظة والتانية في المفردات المستعملة في الاغاني ..
وكل مرة بطلع بي استنتاجات جديدة ،،
..
.
اولاد راحات ..ايا .. ايا الرمبزه
سايقين عربات ..
لابسين ساعات ...
المقرشين ..
والمفلسين..
اها في مكان تاني
عربيتك الحمراء
وشنو كده ما عارف .. في الرمله
وانا بدق ليك صاجه
وشنو كده ما عارف ..
لقيت في السمع ده كلو التركيز على العربية بشكل واسع
فما عارف القصة شنو
|
Post: #32
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-20-2005, 08:53 AM
Parent: #8
عــادل عثمان
شكرا جزيلا .. دائما بتغوص وتطلع بي حاجات جميلة ..
المهيرة .. عطر النسيم
والمرايا
خديدو الوسيم النار
الحرير زي لون الجسم
والبروق زي ثغرو الوسيم النار
ياعروسنا
عريسك
غلبو الثبات
..
بتذكر نفس الاغنية دي استعمل منها الاستاذ محمد الامين ( زي كم مقطع موسيقي فقط ) في اغنية مراكب الشوق على ما اعتقد وخلط بيهاالحديث مع التراث في شكل جميل جدا.. الظاهر لي استعمله من نفس الفهم بتاع أنو القديم ده زاتو امتداد للتراث أو جزء اصيل منو
في الملف المرفق برضو ( خدر ) بتحرك بي مزاج عالى
ومرات كتيرة جدا عندو شطحات تراثية زي دي ما اي فنان قاعد يقدر عليها..
شكرا جزيلا ياعادل
الف شكر للإضافة التاكيدية..
|
Post: #11
Title: Re: حبيبي تعال .. تعال نتلــــم .. دعــوة للنقاش
Author: smilewomen
Date: 09-18-2005, 10:04 PM
Parent: #1
انا شكلى ح أطلع من الموضوع شويه
لكين لانو سمعت أغنية الليل الهادى بغنيها محمد فؤاد
انتهى منها طبعا.  وهى من الاغانى البحبها جدا.
لكين محمد فؤاد بشتن الاغنيه
قال الليل الهادى ((يذكرنى))
http://songs.6arab.com/foad..ellail-elhadi.ram
أها نرجع لموضوع أغانى البنات.
الشمار كتير تانى ما بجى
أغنيه هادفه جدا وعندها مغزى
وخاصه لما تقول
الكلام كتير تانى ما بجى
والشمار كتير تانى ما بجى
فقدت الامان تانى ما بجى
ولو سبت السودان تانى ما بجى
ولو مشيت أنا.. تانى ما بجى
دى معناها زوله تعبت تعب شديد من كلام الناس وشماراتهم الكتيره
ومن شدة ما تعبت حلفت لو سابت السودان تانى ما بتجى.
اذن الاغنيه ذات مغزى وتحمل الكثير من المعانى
وتتحدث عن الشمارات الكتيره فى السودان وعن كلام الناس
وانهم ما بخلوا زول فى حالوا
أما عن الاغنيه بتاعة الليل الهادى
فهل أخد محمد فؤاد اذن من شرحبيل أحمد ليغنى الاغنيه.
|
Post: #12
Title: Re: حبيبي تعال .. تعال نتلــــم .. دعــوة للنقاش
Author: ابو جهينة
Date: 09-18-2005, 11:42 PM
Parent: #11
علاء منصور يا تمبس
صباحاتك بنكهة التم تم
تلك حقيقة لا تقبل الجدال التي تقول أن معظم و ليس كل أغاني البنات عندنا عندما تغنى بها آخرون كانت مبلوعة و تساير الإيقاع الجديد لعرض الأغاني. و الأمثلة كثيرة.
و لكن أيضا تبقى حقيقة ثابتة رسوخ الجبال و هي أن هناك أغاني سودانية كالخط الأحمر لا يمكن تجاوزها من فنانين غير سودانيين ..
على ما أعتقد جازما...
أحمد حنين
Quote: شراني يا يمة
شراني وبريدو
##
ساعة المطرة صبت
وساعة الهبوب هبت
انا واقفا مشرورة
محطة سبعة تشهد ،، |
يا شرار .. كدة فضحت نفسك بإنك أحد سكان محطة سبعة
|
Post: #43
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-22-2005, 03:12 AM
Parent: #12
الريس أبوجهينة..
صباحاتك بنكهة السباته والدلوكة..
..
تعرف ييااستاذ ذكرتني بي مداخلتك دي اغنية قديمة
حسع شايفه غايبة عن الساحة
وكان اتغنت بيها ( حليمة الصومالية ) على ما اعتقد وكانت بتعرض في التلفزيون السوداني على طول ..
يا الماشي لي باريس جيب لي معاك عريس وسافر
خلاني
شرطا يكون لبيس ومن هيئة التدريس وسافر
خلاني ..
ويحليل زمان لما كان بتغني للمدرس والتدريس وقبلما تتعرب الجامعات والقرايه تبقى بي قروش ..
في اعتقادي يااستاذ اكتر ناس قدرو يقلدونا برغم من اختلاف ( الاكسنت ) هم الاثيوبيين
ونجحو لحد بعيد جدا أولاً لصدق نواياهم واختلاطهم التام بينا من فترة طويلة
بتذكر في مغنية ثيوبية اسمها ( Amelmal Abate ) عندهــا اغنية اسمها ( حبيبي السافر ) وبي العامية حقتنا ... وانابسمع فيها اندهشت انها بتذكر فيها ( العباسية ) الواحده دي وبتغني بحرية شديدة وبي سوداناوية شديدة
تلهون ..
ابراهام تمارو ..
منليك
والعديد من فناني اثيوبيا المتربعين على عرش الاغنية الاثيوبية اتعاملو مع اغانينيا بي كل احترام .. ومن غير تشويه..
شان تتأكد يا ريس انو حنين شرار جدا
قال برجع ولحدى الآنما ظهر تاني
|
Post: #41
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-22-2005, 02:47 AM
Parent: #11
العزيزة سمايل ..
سلامات ومتعك الله بالصحة والعافية ..
بالعكس
مداخلتك طاعنه( فيل ) الموضوع ..
وبتحمل نفس الفكرة من زاوية أخرى..
استمعت لاغنية الليل الهــادي .. من فترة طويلة ربما منتصف التسعينات
طبعا في وقتها كنا بنستمع ليها كتقليعه من ناحية الايقاعات والطريقة الاتقدمت بيها طبعا ده كلو كان عبارة عن جهل مرحلي ،، وللاسف الشديدوقتها ما كان في تصدي ليها
واستمرت المسالة ، وبعديها جات وسط الدايرة لي وردي بصوت محمد منير ووضع فيه بصماتو الممكن تكون قريب لينا وبتذكر اني سجلتها قبل فترة طويلة جدا من قناة عربية وكانت مصاحبه لمحمد منير راقصة مصرية حاولت تقتبس رقيص ( الرقبة ) الصعب في ( تكنيكو) لكن فشلت انها حتى توصل جزو صغير من الفكرة .. وفي النهاية تمت الباقي ( موية ) وعرفت فيما بعد أنو حصل نزاع بين محمد منير ومحمد وردي حول الاغنية ووصل وين مامعروف ..
وتبقى المسالة لسه معلقة يااسمايل وبعتقد انو كل الاذية الفنية والسرقات المؤسسة والاستهبال ومد الايد على حاجاتنا جاينا من ( عكس التيار ) ومتين نصحى وننتبه .. ما معروف.
اهــا في اغاني البنات اكيد في كمية من طرح المشاكل والحلول مهما كان شكلها
يعني مثلا
جاياك
جاياك يا ابشرا جايا افتو
معاك
يا ابشرا
لمتين ،، لمتين بايره لي سنين
ولمتين
وإن شاء الله راجل مرا يا ابشرا
ودي طبعا حالة متأخرة بالرغم مما فيها من استسلام إلا أنها تنبيه لي الاستشعار المبكر ، يعني الواحده لما تكون في قمة الهرم ،، احسن تنتبه وما تفوت الفرصة علشان ترجع في النهاية ( لي ابوشرا ) ونظام الباراسايكولوجي ده ( وطبعا الدلالات دي هنا يا اسمايل بتقع في مصلحتنا ) كنوع تكميلي يعني الواحد لما يكون مربط امورو من بدري مع زولتو . ماتقوم تتخاذل وتلوح ليهو ( بالشاكوش ) كل دقيقة والتانية وتطلعو ليهو من شنطة اليد وترهبو.. والمسكين يكون شايل قلبو في ايدو ..
ما تنقطعي ياسمايل والنماذج كتيرة جدا .. ما تبخلي علينا
|
Post: #14
Title: Re: حبيبي تعال .. تعال نتلــــم .. دعــوة للنقاش
Author: حمزاوي
Date: 09-18-2005, 11:56 PM
Parent: #1
تخيلوا معي
نانسي عجرم ولا باسكال مشعلاني
ولا نوال الزغبي
ولا ندي القلعة ( عشان خاطر سجيمان )
واقفة تغني امامك
شاهدوا روعة المنظر
|
Post: #44
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-22-2005, 03:24 AM
Parent: #14
ابو النسب
مسكاقرووو..
.
.
اناغايتو يا حمزاوي بحب استمع لي حبوبة ( حواء الطقطاقة )
بمووووت في صوته
|
Post: #18
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-19-2005, 01:42 AM
Parent: #1
تمبس
ما قلنا ليك فوق
من ما دخلت البوست كنت اثق ان هذا مقصدك
تهريجه:
عشان كده سالتك ساهرت وين
|
Post: #46
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-22-2005, 04:10 AM
Parent: #18
يا نوبي ..
بعد تهريجتك البي الاحمر دي احب أأكد ليك
انو الايامات دي ما قاعد اساهر
علشان لياقات رمضان وكدا
بنوم بدري
زي ( اتنين صباحا كده ) 
|
Post: #19
Title: Re: حبيبي تعال .. تعال نتلــــم .. دعــوة للنقاش
Author: Badri
Date: 09-19-2005, 01:59 AM
Parent: #1
تامبا انتا عامل نايم ولا ما شايف
| Quote: يلا لنكات الحفظ والاغنيات يانااااااس!! |
قعدتا راجي اللنك لكن لقيتك بتتغاتت ولا بد من تدخل
|
Post: #47
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-22-2005, 04:17 AM
Parent: #19
| Quote: تامبا انتا ولا ما شايف |
يا فقري
انا اول كنت عامل نايم .. قلت اخليك تشيل حقك بي ضراعك
ما عارف مكرسين الجهود التقنية دي لمتين
لكن شايف نيوبي فزعك
|
Post: #22
Title: Re: حبيبي تعال .. تعال نتلــــم .. دعــوة للنقاش
Author: نادية عثمان
Date: 09-19-2005, 07:05 AM
Parent: #20
ياخى الفيديو والاغنية بيقطعوا !!
لكن سمية حسن مفروض ترفع قضية على الحبش ديل !!
مع انهم والله جضموا الفيديو كليب جضيمة حلووووووووووة
بالمناسبة شرحبيل احمد رافع قضية على محمد فؤاد بخصوص اغنية الليل الهادئ .. ولسة فى المحكمة ..
|
Post: #23
Title: Re: حبيبي تعال .. تعال نتلــــم .. دعــوة للنقاش
Author: abuguta
Date: 09-19-2005, 07:14 AM
Parent: #22
تبس قريبى
قربت اقابلك تصور...زى مقابلة معتصم
قبل يومين طلعت لمنتداكم
ولقيت ود الطالب مصنقر والله هو زول ظريف
بس كان عندى صداع ...الله لا وراك ليه...من شدة
ما هو شديد....نسيت احسب السلالم كم حتى.. اصل للغرفة
عموما كانت نصف ساعة ظريفة....
حبيبى تعال نتلم
ولقدام
|
Post: #25
Title: Re: حبيبي تعال .. تعال نتلــــم .. دعــوة للنقاش
Author: Abdulla Ageed
Date: 09-19-2005, 07:41 AM
Parent: #23
يا تمبس ياخي سلامات.. طولنا ما شفناك
وبمناسبة الكليب: إنت من هنا ولا من زُحل!!
دايما انت متخصص في الجمال.. يديك العافية
لو ربّك سهل حا أجي راجع لموضوع أغاني البنات..
يا ابقوتا
إنت في الرياض؟؟؟
حرام عليكم يا اخوانّا ما تدونا خبر.
|
Post: #65
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 01:02 AM
Parent: #25
عقيد
كيفك ؟؟
والله الزحمة العارفه انت ديك حاصلة ..
لكن اهو الواحد بيحاول يكون هنا مرات .. مرات
انا من هنا يا عقيد
لكن بي صراحة الايامات دي كان لاقي لي طريقة للمريخ .. بيكون كويس
او كما قال
..
في الانتظار
|
Post: #50
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-24-2005, 00:41 AM
Parent: #23
ابوقوته ياهندسة
.
.
طبعا انا جيت تاني يوم ولقيت باقي عطرك في المنتدى
كلمني معتصم والله
وبي صراحة اقولليك .. انا فاقد الامل اني اقابلك نهائي
غايتو لحين اشعار آخر نشوف البيحصل شنو
حاول تعال نتلم
مشاريعنا دائما ناجحة
|
Post: #49
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-23-2005, 02:20 AM
Parent: #22
الأستاذة نادية
سلامات
التقطيع ده غالبا من الاتصال المعاك وسرعتو لكن كل الملف تمام مافيو مشكلة
.
.
الاغنية دي بالتحديد يااستاذة نادية إذا فيها رفعان قضية مفترض السودان كل يوم من الصباح يجي واحد يسجل في المحضر بتاع القضية
اغاني التراث موزعة ..
ومافي حد جايب ليها خبر
عندي مجموعة تانية بنفس الطريقة دي بحاول بقدر الامكان اني انزل نماذج مختلفة منها
.
.
ياريت لو كل الناس الاتسرقت اغانيهم ينتهجو نفس نهج الاستاذ شرحبيل
للحفاظ على التغول .. ومدان الايد بدون الاعتراف بالحقوق ..
شكرا لمرورك
والاضافة
|
Post: #24
Title: Re: حبيبي تعال .. تعال نتلــــم .. دعــوة للنقاش
Author: Hatim Elhassan
Date: 09-19-2005, 07:32 AM
Parent: #1
يا دمعى الاتشتت
و غلب اللقاط
سيد قلبى و سيد روحى
بشكيك ليك انا بجروحى
و امانة ما احيرك يا تنبث
لوك الصبر
|
Post: #66
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 01:09 AM
Parent: #24
Quote: و امانة ما احيرك يا تنبث
لوك الصبر |
حاتم
والله انت اعلامي بشكل يازميل
وشكلك قاعد ساكت ،
بحيرك دي انا سامعه من تالتة متوسطة
|
Post: #26
Title: Re: حبيبي تعال .. تعال نتلــــم .. دعــوة للنقاش
Author: willeim andrea
Date: 09-19-2005, 09:16 AM
Parent: #1
ديل فاتو سميره دنيا عديل في الصوت والصوره كمان ... بس وروني الطريقه كيف وانا اعمله شاشه خلفيه للجهاز والا اقول ليكم رسلهوها لي مسج... يا جماعه في احلي واحن من كده وبعدين يا تمبس يا اخوي انته الحاجات دي بتجيبه من وين
|
Post: #67
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 01:21 AM
Parent: #26
وليم..
كيفك يارهيب ..
غايتو سميرة يا وليم ببصم عليها بالعشرة .. وشريطه الشهير بتاع اغاني الدلوكة ده كرهتو ليك العيشة ..
لكن طبعا امكانيات فيدو كليب تعبانه
علشان كده الجماعة ديل ( خرتوها )
الخلفية دي إلا اطلع ليك صور من الملف .. وخليني ارجع لي الملف الرئيسي كان ف يطريقة
بديك منو خلفيات..
..
.
والله ياوليم الحاجات دي بتجيني في مكاني ..
واخوك محظوظ واحبابو كتار .. كتار جدا وانت واحد منهم والله العظيم
فإذا كان في طريقة نمدج ليك حبال من العندنا ديل .. دلنا عليهو بس والباقي خليهو علي ..
|
Post: #27
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-19-2005, 11:22 AM
Parent: #1
تمبس
Quote: حمد الله الف على السلامة بعد الشرشحة
وياريت ما تكون المدالخة الأخيرة
امس بالليل خالص لو ( عضيت ) لسانك معناته ديل انا ومعتصم ووليد 399 كنا ماسكين سيرتك ( قطيعة ) أخوان طبعا..
البوست ده ريحتو طاقة من بدري ومأزمني شديد وكلما اقول اللقي لي فرصة ليهو .. اقوم اتورط لي في حاجة تاني |
من الصباح بفتش لي ردك
وقلت تمبس ده ما ممكن يكون طنشني
انت شنقتهافوق كده مالك و بالاحمر (دي ما اغنيه)
الشباب الحلوين ديل كيف ؟
مسنجري عند وليد ممكن تشيلو منو
اها البوست ده جابني عنوانو
طبعا الناس ديل ريحتهم مالوفه لي
بعرف القطهم كيف
تهريجه:
اولا ممكن اهرج في بوستاتك ولا لا ( انت سمحت لي بالمداخله بس)
|
Post: #28
Title: Re: حبيبي تعال .. تعال نتلــــم .. دعــوة للنقاش
Author: waleedi399
Date: 09-19-2005, 01:15 PM
Parent: #27
| Quote: مدام الريد اختلط بالدم |
جـــنكم خلـــط
انوووووووم واقف ولا انوم قفـأ
انشاء الله امووووت ركـن
يا حليل زمان .. وسنين زمان
قال نتلم قال اتلميت اتلميت ما اتلميت الدوريات جنب الباب .. لووووووول
|
Post: #69
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 02:34 AM
Parent: #28
وول ي ي ي
..
الله يجيبو ياربي ...
اها.. مشاعرك عامله كيف الايامات دي ؟؟
اخدو راحتكم انت وفيصل ما عندكم مشكلة خالص ..
بس جيبو لينا اغنية اغنيتين معاكم وفرتقوها لينا نعرف الحاصل شنو ؟؟
كانما لقيتو اغاني
جيبو ( موز )
مافي مشكلة
|
Post: #68
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 02:27 AM
Parent: #27
فيصل ..
كيفك يا مهرجاتي
انا مابطنش يافيصل ،، احيانا بيكون عامل الزمن زفت خالص معاي .. لكن خالص ما بحب اطنش رد زول مهما كان ..
..
.
وليدالعريس انا اللقاهو ليك كيف الايامات دي ؟؟
مسموح ليك بحدود تهريجة واحده عند اللزوم .. بعد العشامباشرة
ح اشيل ايميلك
واتوقع الاضافة
|
Post: #29
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-19-2005, 01:20 PM
Parent: #1
| Quote: قال نتلم قال اتلميت اتلميت ما اتلميت الدوريات جنب الباب .. |
دي علي وزن تيموليت 
|
Post: #30
Title: Re: حبيبي تعال .. تعال نتلــــم .. دعــوة للنقاش
Author: waleedi399
Date: 09-19-2005, 01:42 PM
Parent: #29
| Quote: دي علي وزن تيموليت |
تموليليت بت ناس منوووووو؟؟
بالمناسبة هي لقو اهلها .. قالو ما عارفين ليها ام لا أبو
قالو كل ما تلقى ليها واحدة تمسكها تشاكلها وتقول ليها انت امي
والمرأة تقول دي مجنون تجري منها .. وتجري وراها تقول ليها تعالي يا ماما
الناس دي بتتسلبط في الامهات دي سااااااااااكت كدا ..
عشان كدا قالو ليك النسوان مما تشوفها يقولو المرأة المجنونة اهديك اجرو منها ... لووول
|
Post: #31
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-19-2005, 01:48 PM
Parent: #1
Quote: تموليليت بت ناس منوووووو؟؟
بالمناسبة هي لقو اهلها .. قالو ما عارفين ليها ام لا أبو
قالو كل ما تلقى ليها واحدة تمسكها تشاكلها وتقول ليها انت امي
والمرأة تقول دي مجنون تجري منها .. وتجري وراها تقول ليها تعالي يا ماما
الناس دي بتتسلبط في الامهات دي سااااااااااكت كدا ..
عشان كدا قالو ليك النسوان مما تشوفها يقولو المرأة المجنونة اهديك اجرو منها ... |
الوليد
عد الي تابوووووووووووووووووووووتك
اري قلمك قد تعاطي من قزازه التصاوير دييييييييييييك
تهريجه
تحت تحت
بيني و بينك
انت تيموليت دي لسه حايمه في الشوارع ؟
|
Post: #34
Title: Re: حبيبي تعال .. تعال نتلــــم .. دعــوة للنقاش
Author: waleedi399
Date: 09-20-2005, 09:34 AM
Parent: #31
Quote: اري قلمك قد تعاطي من قزازه التصاوير دييييييييييييك
|
فيصل نوبي ..
قلمي لا يتعاطى غير العصاير وبدون سكر كمان عشان ممنوع من الصرف .. وانت عارف اليومين دي الصرف مشكلة الاقتصاد العالمي نسبة لارتفاع ضغط العملة الصعبة وانخفاض درجات حرارة الدينار السوداني مقابل جيب تمام زوايا (الفلس) والله لا وراك يا فردة
|
Post: #36
Title: Re: حبيبي تعال .. تعال نتلــــم .. دعــوة للنقاش
Author: salma altijani
Date: 09-20-2005, 10:52 AM
Parent: #34
تمبس كيفنك
غنا البنات كان الطريقة الوحيدة البتعبر بيها
البت السودانية عن مشاعرا عشان كدة الرجل السوداني
بيعتبرو وعاء مقدس او لنقل نا فذة
مقدسة يتاوق بيها لدوخل المرأة,,
هسة متغيرات كتيرة في حياتنا حصلت وفرت طرق تعبير تانية,,
ولو سألتك هل اغاني البنات تعبر عن بنات
اليومين دي وهل هي القالب الذي يفضله الشباب الآن
حا تلقي الاجابة محتاجة لوقفة شوية
مع ذلك اغاني البنات مليانة حنية وخصوصية
لكن يا ربي حا نحتاج بعد كدة نختها
مع اغاني الحقيبة (في حقيبة واحدة)
وبأية حال ما بنقبلها الا بلسان واداء سوداني.
|
Post: #37
Title: Re: حبيبي تعال .. تعال نتلــــم .. دعــوة للنقاش
Author: magdi elmahi
Date: 09-20-2005, 12:10 PM
Parent: #36
تمبس......سلامات
.........................
ياماشي ليباريس جيب لى معاك عريس
شرطاً يكون لبيس
من هيئة التدريس
شوف ياتمبس الناس زمان شروطة كانت شنو !!!!
قال استنارة قال !!!!!
الليلة الشرط الاساسى لازم يكون مقرش
مقرش شدييييييييييييييييييييد يورو ودولار او محلى بالمليار
حتى مغتربين الدول العربية بقوا دقة قديمة
(ماتزعلو)
ولك عبق التحايا
مجدى الماحى
|
Post: #38
Title: Re: حبيبي تعال .. تعال نتلــــم .. دعــوة للنقاش
Author: dreams
Date: 09-20-2005, 02:29 PM
Parent: #37
سلامات لكل المتداخلين
انتو من زمن غنا البنات؟
هسه بقت نوعية الغنا دى حقت الاولاد
ايوه
وبغنوها احسن من اى بت لدرجة اللقب برتبط باسمهم بعدها
ويبقى فلان اسمه (...... بت)
بالاضافة لى انهم برضو بقوا ينجرو اغانى على نفس الايقاع والفكرة تعبر عنهم برضو
اها دى حتسموها شنو؟ .... اغانى الاولاد؟
زى عوض دكام مثلاً
شينة كورتنا يا عوض دكام
شينة شاشتنا يا عوض دكام
جامعة الخرطوم يا عوض دكام
السهر بالكوم يا عوض دكام
الرصيد خلصان يا عوض دكام
والجيب فلسان يا عوض دكام
هامش:
انا سمعت انه اسرة عوض دكام رافعة قضية على مؤلف وكل من يؤدى الاغنية دى
لكنى لو مكانهم ما بعمل كده
لانه كونه الشباب بعد السنين دى كلها من وفاته يختاروه
هو عشان يحكوا له همومهم حتى ولو باغنية وكلمات ده
بيعنى انه فعلا كان شخص محبوب وقريب منهم وانهم فعلا
افتقدوه والا كان يقولو كلامهم لى اى زول غيره ...
وهو نفسه - رحمه الله - لو كان موجود
بروح الطيبة ديك ما اظن كان يزعل
تسلمو
|
Post: #39
Title: Re: حبيبي تعال .. تعال نتلــــم .. دعــوة للنقاش
Author: نادية عثمان
Date: 09-20-2005, 06:48 PM
Parent: #38
قالوا امو شنافة
نكير مالو ماشافها ؟!!
|
Post: #40
Title: Re: حبيبي تعال .. تعال نتلــــم .. دعــوة للنقاش
Author: أيمن حسين فراج
Date: 09-20-2005, 07:10 PM
Parent: #39
تمبس الجميل
مساء النور
لما قالت البنات
ما دايرالك الميتة ام رمادا شح
ديراك يوم لقا بدميك تتوشح
هاج (على) وماج
فكانت الشجاعة والبطولة والاقدام
ولما قالت البنات:
دق الباب وجانا
جريت ليهو حفيانه
ما قاصده الخيانه
قاصده يتونس معانا
رقت حواشيه وتشذبت أخلاقه ومراميه وتحسنت (العلاقة)
شفت كيف؟
|
Post: #42
Title: Re: حبيبي تعال .. تعال نتلــــم .. دعــوة للنقاش
Author: abuguta
Date: 09-22-2005, 03:06 AM
Parent: #40
تمبس
امس الساعة 10 مساء
انت كنت واقف امام ...محل معتصم دفع الله
والمحل مقفل...وانا جاى من مجمع الخالدية..
ولا دا هندى بشبهمك
قربت انزل اسلم عليك....لكن المدام قالت لى
يازول ما تعطلنا....خلينا من اصحابك الكتار ديل
الاغنية حلوة..
ولقدام
رد
ودعقيد...انا قديم خلاص...فتا الخمسة الاولى
ولكن جناحى مكسور ..كانت عندى دورة فى معهد حاسب
وعندى نصف ساعة انتظار.قلت اشوف اسعار ايسر
وصلت وين .دخلى دجى نت..شفت ليك زول بعرفو من زمان ..عرفتة منتدى ساى قاعد يجادل مع زبون..تعرفت عليه طلع متعصم
دعودة
تمس انزل لى باغنية فى الجزيرة نزرع قطنا
او..من ارض المحنة.بس فى منتديات ابقوتة
..وليك على ازورك زى زيارة معتصم
واعمل فيك مقلب ظريف زى بتاع ود الطالب...هههههههههه
|
Post: #72
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 04:30 AM
Parent: #38
دريمز.
كيفك ؟؟
كلامك ده فيهو نوع من الصاح وممكن نعتبره دي ظواهر ملازمة لعهد الانحطاط والتفكك الاسري وتفكك المجتمع ..
في نموذج برضو من نفس النوعية دي عرفت انو بيساعد على تعليم ( رقيص العروس ) للعروسة ..
والغريب في الأمر انو بيلاقى قبول جيد جدا وسط البنات يعني بيساهم في توصيل الفكرة الاساسية وبيعبر بي لسان ( البت ) ولذلك تلازم الاسم الثاني مع اسمو .. يعني امتداد طبيعي للفكرة الاساسية بس اختلاف النوع ( الوسطاني ده )..
| Quote: هسه بقت نوعية الغنا دى حقت الاولاد |
يازولة كدي براحه..
دي ظاهرة برضو والظاهرة غالباً بتكون مرحلية وبتزول
تعرفي انا قبل فترة سمعت شريط كاسيت فيه مجموعة من عمالقة الفن
بيغنو في جلسة خاصة في اغنية معروفة هي عبارة عن غناء بنات .. واستغربت ياربي كيف يكون الحال إذا قام واحد من نفس الشخصيات دي وحاول يورط نفسو بي شكل اوسع.
علشان كدا بالنسبة لي فننا وانحدارو في الوقت ده بالذات ظهرت الظاهرة الغريبة دي وهي برضو نوعية من التعبير شئنا او رفضنا.. لكن ما بنعتبره الصوت العالي في توصيل الافكار
وغالباً ياحلام بتلقى رواج فترة محددة وبتنتهي او تموت في حينها..
وبرضو بنلقى النوعية دي رواجه اكتر وسط مجتمعات البنات
زمان حيدر بورتسودان اول ما طلع كان بيغني اغنية بيقول فيها:
رسل لي رسائل
وقال انا في الجزائر
أول يناير حمادة يجينا زائر ..
الكلام ده في بداية التسعينات والاغنية لقت اقبال كبير جدا وسط البنات بالذات
وبرضو كانت بشكل ظاهرة
واختفت
ظهرت مع نادر خدر وسامي المغرب
واختفت
الآن ظهرت من جديد بشكل مختلف .. فهل تستمر ؟؟هل تعبر عن مجتمع الاولاد ؟؟ هل تصمد امام الطرح الجيد؟؟
..
.
Quote: بيعنى انه فعلا كان شخص محبوب وقريب منهم وانهم فعلا
لو كان موجود
بروح الطيبة ديك ما اظن كان يزعل
|
الرحمة والمغفرة لدكتو عوض دكام
والشهادة لله .. د. عوض دكام كان شخصية محبوبة للكثير روح مرحة ، وحب الخير للناس والمساعدة لدي مواقف كتيرة معاهـ تاكد عمق انسانيتو عليه رحمة الله واتفق معاك انو إذا كان موجود ما كان اختلف اطلاقا مع اي حد يتناول اسمو..
لكن زي ما عارفه لسه مسالة الموت عندنا وشكل القداسه البنتناوله بيها..
عليه رحمة الله.
وتسلمي انت برضو
|
Post: #71
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 03:42 AM
Parent: #37
مجدي الماحي
سلامات
وكيف أخبارك..
| Quote: حتى مغتربين الدول العربية بقوا دقة قديمة |
بلاي يامجدي ؟؟ والله دي كارثة .. غايتو اللحقو رسلو لينا زيارة ياعقد عمل يقلعنا من هنا..
Quote: ياماشي ليباريس جيب لى معاك عريس
شرطاً يكون لبيس
من هيئة التدريس |
ايوة يا مجدي دي ما حقبه زمنية وامنيات مرحلية..
واكيد يختلف الخطاب مع تطور المرحلة..
السمح ولدى
جاب الدش ولدى
بالريال ولدي
في الخليج ولدي
اها دا تمرحل برضو ، شوف ( الدش ) ركبوهو وووين
شوف دي كمان:
يا السايق التايوتا
واللابس السكروته
اها حسع مكان التايوتا اتوس ، نوبيرا كامري والتفاصيل دي .. والسكروته راحت في الرجلين برضو .. مع اقمشة الشبح ، والتيوبو ، والدش ..
والعفية درجات برضو
|
Post: #70
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-28-2005, 03:18 AM
Parent: #36
سلمى التجاني..
كيفك ؟؟
تعرفي الجميل في البوستات احيانا بتدار من الخارج يعني بشكل اوضح احيانا بيتم نقاش خارج البورد من متصفح عادي يا عضو لكن مابيشارك في البوست لاي سبب من الاسباب
امس دار بيناتنا حوار مع صديق راقي جدا ومليان فهم
عن موضوع البوست ده والغريبة مجمل كلامو عبارة عن نسخة من كلامك الكتبتيهو هنا
عن التعبير عن المشاعر
بكل اشكالها البعيدة خالص والمحسوسة ، والمحرمة احيانا والمناطق الممنوع دخوله مطلقا
وفي كل الاحوال تظل الاغنية العادية طاقة ومتنفس للكثير من الاشتهاءات وعكس الواقع المعاش وتعكس ملامح الزمن بوضوح اكتر..
وفي اشياء بتظل ملازمة للتشكيلة الاجتماعية وعناصر المجتمعات وبتكون ملازمة ليهو
اغاني الحماسة
الفخر
الهدهدة
موروثات القبيلة .. إلخ..
بالتالي لايمكن تجاوز اي نموذج من النماذج اعلاه وفي كل الاحوال لابد من خط موازي في الطرح ولسان تعبيري آخر .. يعني كل ( نوع ) بيعكس هموم ( نوعو ) ومجتمعاتنا لسه فيها الكبت ولغة التعبير فقيرة او تكاد تكون بتواجه بنوع من الاستغراب ..
إذا يا سلمى
اغاني البنات ملازمة لكل انواع الاغنيات الأخرى ولايمكن فصلها مهما كان فيها من بوح او تعبير واضح جداوجرئ..ومن غير المعقول نغيب شريحة اساسية في المجتمع هي من العوامل الاساسية في بناءه
|
Post: #45
Title: Re: حبيبي تعال .. تعال نتلــــم .. دعــوة للنقاش
Author: saadeldin abdelrahman
Date: 09-22-2005, 04:00 AM
Parent: #1
حبيبنا تمبس..
لك التحايا الوسيمه وسامة مجهوداتك...الله يديك العافيه (السودانيه) نأنو العافيه الجزائريه كعبه خلاص.
كلمات الأغنيه الإثوبيه أو الأريتريه بالسوداني:
هبيبي تآل تآل نتلم مادام الريد إهتلط بالدم
ما دام الريد إهتلط بالدم أنا ذنبي أيه شيهلونى الهم
بستناك أنافي البهر مهال التير (هاج) رهل
مهال التير (هاج) رهل إنت من هنا ولا من زهل
وما تسألوني الطير هاج مالو ولا كيفن.. المهم في الموضوع إنو هاج
Apologies
|
Post: #48
Title: Re: حبيبي تعال .. تعال نتلــــم .. دعــوة للنقاش
Author: DKEEN
Date: 09-22-2005, 10:38 AM
Parent: #1
تامبا ...
عزاز علينا شالو نوم عيننا فراقكم جبري حاشا ما بي ايدينا ...
تعرف دي كانت تعويذة الاجازة التي مضتت ...
انتا في بهاك الدائم ..
وانتا في غيابك الطال عن الخرطوم ..
البنات خلو الغنا ..
اخوك كاتل 56 حفلة بعدد ايام اجازتي..
يوم واحد ما اتذكرتك إلا لامن شفتاترتار في الهاشماب مغزوز في طرف الشارع ...
حتى ظننتك MADE IN CHINA
البنات هسع ز ي التراير في ناصيات الشوارع ..
ما عايز ليك لستك؟؟؟
|
Post: #51
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-24-2005, 01:21 AM
Parent: #48
اضغط للتشغيل
اقيس محاسنك بمن
|
Post: #52
Title: Re: حبيبي تعال .. تعال نتلــــم .. دعــوة للنقاش
Author: nashaat elemam
Date: 09-24-2005, 01:27 AM
Parent: #1
الفنان تمبس
كثيرة هي النماذج التي طرحها المتداخلون في هذا البوست.. ولكن يجمع بينها انها كاغنيات اشتهرت
مع فنانين غير أصحابها الأصليين.. اشتهرت بعيداً عن السودان.. بل وتمادى البعض مثل محمد منير
ونسب عدداً كبيراً من الأغنيات للتراث النوبي، متجاهلاً الفنانين الحقيقين الذين ابدعوا هذه الأغنيات..
وانت لك خبرة في الموسيقى.. اراهن انا ان عيبنا الكبير التوزيع الموسيقي..
كلماتنا جميلة.. والحاننا كذلك.. لكن يبقى التوزيع الموسيقي الذي يتغلل في دواخل المتلقي وبانسيابية
جمالية لها منهجيتها العلمية هو ما نفتقده.. وان كان للصورة تأثير في ذلك حيث اننا مكبلون بدرجة معينة
عن اخراج الصورة بهذا التحرر، لكن ليست وحدها هي حجر الزاوية.. فأغنيات ميامي حينما انتجوها لم
تكن ترافقها صورة حتى نقول ان النجاح انما كان بسبب الصورة المصاحبة للأغنية..
ولا انت رايك شنو؟؟
|
Post: #53
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-24-2005, 05:57 AM
Parent: #1
العزيز تمبس
لدي الكثير
هلا ساعدتني لمدك بهم
نوبي
|
Post: #54
Title: Re: حبيبي تعال .. تعال نتلــــم .. دعــوة للنقاش
Author: willeim andrea
Date: 09-24-2005, 01:56 PM
Parent: #1
up
|
Post: #55
Title: Re: حبيبي تعال .. تعال نتلــــم .. دعــوة للنقاش
Author: ايهاب
Date: 09-25-2005, 04:19 AM
Parent: #54
تمبس كدي جيب لنك الحفظ بعد داك نشوف حكايه النقاش دا
|
Post: #56
Title: Re: حبيبي تعال .. تعال نتلــــم .. دعــوة للنقاش
Author: صلاح الدين عبدالله محمد
Date: 09-25-2005, 06:11 AM
Parent: #55
وكمـــــــــــــــــــــــــــــــــــــــــــــــــــــــان
UP
|
Post: #57
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-25-2005, 08:38 AM
Parent: #1
| Quote: تمبس كدي جيب لنك الحفظ بعد داك نشوف حكايه النقاش دا |
لعيونك و بعد اذن تمبس
اقيس محاسنك
حبيبي تعال .... تعال نتلم
|
Post: #58
Title: Re: حبيبي تعال .. تعال نتلــــم .. دعــوة للنقاش
Author: WadAker
Date: 09-25-2005, 08:59 AM
Parent: #1
تمبس سلامات
ضفرة
نفسى اسمع سيد الكارو ذات الدلالة الاقتصادية المباشرة عندما صارت الكوارو مدخلا لنقل شوارد العزاره من اسواق ام دفسو الى زقاقات الاحياء الطرفية ولا ادرى ما علاقتها باغنية كده كده يالترله ام ان الرابط فقط اقتصادى وله تصدام خلفى ماكن اقتضتة غياب لعبة السمين يقع والضعيف يقيف وهل مازال الكارو سيد الموقف ام ان الركشة اجدر بالتغنى الان ؟؟وده ما كلام سهر
|
Post: #59
Title: Re: حبيبي تعال .. تعال نتلــــم .. دعــوة للنقاش
Author: فيصل نوبي
Date: 09-25-2005, 09:10 AM
Parent: #1
| Quote: نفسى اسمع سيد الكارو ذات الدلالة الاقتصادية المباشرة عندما صارت الكوارو مدخلا لنقل شوارد العزاره من اسواق ام دفسو الى زقاقات الاحياء الطرفية ولا ادرى ما علاقتها باغنية كده كده يالترله ام ان الرابط فقط اقتصادى وله تصدام خلفى ماكن اقتضتة غياب لعبة السمين يقع والضعيف يقيف وهل مازال الكارو سيد الموقف ام ان الركشة اجدر بالتغنى الان ؟؟وده ما كلام سهر |
ود عكر انت مشيت التصاوير قبل ما تجي هنا ؟
|
Post: #60
Title: Re: حبيبي تعال .. تعال نتلــــم .. دعــوة للنقاش
Author: WadAker
Date: 09-25-2005, 09:25 AM
Parent: #1
| Quote: ود عكر انت مشيت التصاوير قبل ما تجي هنا ؟ |
ابدا لاكن بحاول امسى عليها بعد شوية بس الزحمة تقل شوية
ضفرة
ما تصلح لاكن
|
Post: #61
Title: Re: حبيبي تعال .. تعال نتلــــم .. دعــوة للنقاش
Author: MaxaB
Date: 09-25-2005, 03:28 PM
Parent: #1
الأخ الكريم .. تمبس
تحية طيبة ..
يوما ما .. من زمن غابر - أسأل الله أن لا يعود - .. كنت أستمع هذه الأغنية أنا و بعض أصدقائي .. أستوقفتني كلماتها الموحية .. لدرجة أحالت عندي الإستماع الناعس لتنبه متوثب .. لذا لم يكن غريبا أن أقفز لإعيدها من مبدئها من جديد .. إلتفت إلى من هم حولي .. ألا تلاحظون شيئا غريبا في كلمات هذه الأغنية ؟ .. ركزوا قليلا .. ثم أجابوني بالنفي .. قلت لهم .. هذه الأغنية تتناول قضية معينة ... واصلت حديثي ..
لم تلبث أفواههم أن فغرت دهشة .. أيكون ..
حبيبي نعال نتلم .. ما دام الريد اختلط بالدم .. أنا ذنبي أيه شيلوني الهم !!؟ .. أي هم هذا !!؟ .. نتلم .. اختلط الريد بالدم !!.
ثم .. بستناك أنا في الكبري .. و بحكي ليك أنا بي عذري .. و لو ما جيت البحر في !!؟ .. أليست كلمات موحية .. و أترك لفطنة القاريء .. أن يفهم مغزى ما استنتجت .. ترى هل هو صحيح ؟
لست بصدد محاكمة الأغنية أخلاقيا .. و إن كان من المفيد الولوج إلى نقد الأغنية .. بإعتبارها جزءا من الأدب المتداول و الموروث .. و بالمناسبة من يكتب كلمات هذه الأغاني ؟ و هل هناك أي رقابة أهلية ذاتية ضابطة من أي نوع ؟
و لك .. لكم التحية
رب اجعل هذا بلدا آمنا و ارزق أهله من الثمرات
مكسب
|
Post: #63
Title: Re: حبيبي تعال .. تعال نتلــــم .. دعــوة للنقاش
Author: tmbis
Date: 09-26-2005, 00:54 AM
Parent: #61
ما بنختلــــف
|
Post: #64
Title: Re: حبيبي تعال .. تعال نتلــــم .. دعــوة للنقاش
Author: حمزاوي
Date: 09-27-2005, 04:04 AM
Parent: #1
فوق يا ابونسب
|
Post: #73
Title: Re: حبيبي تعال .. تعال نتلــــم .. دعــوة للنقاش
Author: ebrahim_ali
Date: 09-28-2005, 08:34 AM
Parent: #64
تمبس الغالي سلامي واحترامي
اقتبس فقط ما خطه عبد الله عقيد
(دايما انت متخصص في الجمال.. يديك العافية)
|
|