بورداب الدوحه ... مشتاقين كتير ,,,

الاحباب العزاز ,, التحيه والاشواق وكل سنه وانتو طيبين ,

شنو ياجماعه عاملين نايمين والعيد بعد بكره ؟ اين انتم ياهارون دياب

وضحيـــــــه

وعمر سعـــد

وابوساندرا

وبقية العقد الفريد , والله حقيقة مشتاقين ليكم ولى لمتكم المدهشه الحلوه .

الوقت ضيق لكن فكروا لينا فى رحله ولمه تانى اوثالث اورابع ايام العيد ,

على الاقل الناس الطولنا ماشفناهم ديل نلتقى بيهم فى هذه الاجواء الخريفيه ,

انا جاهز لاى تكليف . همتك معانا ياعوض حمزه افتكر مافى احلى من( ديرتكم)

استاذ / كمال
تحياتي

وكل سنة وانت واسرتك الكريمة بالف خير
وجميع بورداب الدوحة .... بورداب الزمن الجميل بخير

والله ....
كلنا مشتاقين للمة والقعدة الحلوة وجاهزين دائما....
واجزم....
ان الجميع جاهز



تحياتي
هارون دياب

كمال
جيتك تاني
اهم مافي الموضوع .....
اخونا بهاء بكري وبعد ان كتب له الله الشفاء بعد الوعكة الصحية اعتقد انوا الكثيرين لم يتمكنوا من زيارته وانا منهم......
عشان هو ساكن لينا في اخر الدنيا دييييييييييك ....مع عوض حمزة وصديق .....
اعتقد انو دي فرصة مناسبة عشان نلاقيه ونعيد عليه ..... ونحمد ليه السلامة.....!

Quote: . همتك معانا ياعوض حمزه افتكر مافى احلى من( ديرتكم)

اها قلته شنو .....؟ اصلو الكلام ليك يالمنطط عينيك .
تحياتي
هارون دياب

شكرا هارون .. وطبعا كالعاده انت اول المبادرين ,

لكن باقى الناس يظهر نائمه لسه , المهم خليك متابع

كل سنه وانت واولادك فى امن وامان ,

كل عام والبورداب بخير


اقترح ان تكون المعايدة مع بهاء بكري وكل يقوم بما يليه من واجب .
زيارة الى الخور فكرة جميلة .
محول الى عوض وصديق لاخذ الرأي

الأحوال كلها مؤاتية لإقامة الرحلة
الجو الجميل
والإجازة الطويلة
والعيد
والبعاتي بهاء
وبعض الزوار الكرام والشداد

بس الوقت ضيق لذلك لابد من فريق عمل مكرب ونشيط ومبدع وخلاق

أقترح التالي
1- للتنظيم والمساهمات والترحيل
-----------------------
هارون دياب
طارق المكي
حسام صحافة
فيصل عباس
محمد الطيب حسن


2- للوجبات والدعم اللوجستي :
-----------------------------
رندا حاتم
اميرة الشيخ
ماهيتاب
ناهد/ نانا
رشيدة
وأخريات مبادرات يرشحن نفسهن

3- المكان :
--------------
صديق احمد عمر
عوض حمزة
بهاء بكري

كمال سالم المسمى هنا بكمال علي
رئيسآ
و محمد ابوالعزائم منسقآ عامآ بين المجموعات

ممكن وضع مكان بديل وهو حدائق الدوسري في الشحانية
واللا شنو يا هرون ؟

لك ولهم جميعا تمنياتنا بعيد سعيد..
وادام الله المحبه والترابط بينكم..

ابوساندرا والله انت سحار عديل وانا بقيت اخاف منك (معرينى طوالى وكاشف نومتى) .

اها لوقلنا ننتظر الشداد معناها نضحى بالضحيه ونأجل الرحله للكريسماس يوم 25

( رأئك شنو ) ,, ( انشاء الله مايكون فى واحد فهم حاجه غيرك يالسحار)


فى الاتجاه الثانى :

انا اقبل التكليف ليس لاى سبب غير انى مشتاق ليكم كتير وعايز المكم .

وابدأ باستغلال صلاحيات الرئس :

1- على الجميع الظهور هنا خلال هذا اليوم وابداء ارائهم

2- الاخوه الذين تم ترشيحهم من قبل ابوساندرا عليهم التواصل

معى عبر الموبايل 5901792 او الارضى 4869848

3 - اذا لم نتفق فى بقية هذا اليوم على شئ فان من الصعب عمل اى شى

فى يوم غدا لانشغال الناس بالعيد والمعايده .

ارجو من الجميع الاهتمام بالامر والتحرك الفورى .

وكل عام وانتم بخير ( وجزاكم الله خير )

عزيزة المنبر كلوا

الغاليه منى خوجلى

شكرا على المرور والف شكر على المعايده والكلام الرقيق .


كل سنه وانت وكل افراد الاسره فى لندن والسودان بخير , وشكرا على الاستجابه

بتغيير الصوره لكن برضو أم سنون فى الوجدان .

كل الود والامنيات الطيبه ,,,

فيصل الزبير الرجل الهمام

حياك الله وكل سنه وانت طيب

والله نبهتنا لحاجه مهمه ( بهاء بكرى ) وانا بفتكر حتى اذا ماقامت الرحله

لازم ننسق كلنا اوبعضنا فى ان نقوم بزيارته غدا بعد الفطور .

ارجو التنسيق معى بالتلفون . تحياتى ,,,

هارون دياب

سلام

هنالك معايدة اول يوم بنادى الغزال الساعة السادسة على ما اعتقد والناس كلها بتكون بهناك

استغلو الفرصة للتنسيق ...................................................................................

كل سنة وكل بورداب الدوحة بخير وكل بورداب الشتات

واخص العم جعفر زعيم بورداب اليابان وهو بجوارنا هذة الايام المباركة لة منى التحية ولكل بورداب اليابان

اها نهجم عليهو برضو بس بعد يحدد هو وين فى الوعب ولا معيذر ؟؟؟

الاخ العزيز كمال سالم

والاخوه الزملاء الاعزاء كل عام وانتم بخير.

انا اقترح عمليا ان تكون الرحلة ثالث ايام العيد بمنتزه الخور العام.للسرعه نرجو من كل اسره ان تحضر ماتيسر من الطعام والماء. والاخوه العزابه ماتيسر فقط.

كما نحب ان ننوه ان الاخوه نجوم الهيلاهوب بيننا ويمكن ان يشاركوننا الرحله وكذلك العم جعفر من بورداب اليابان والاخ مرتضى الكجم.

الاخ العزيز كمال سالم

والاخوه الزملاء الاعزاء كل عام وانتم بخير.

انا اقترح عمليا ان تكون الرحلة ثالث ايام العيد بمنتزه الخور العام.للسرعه نرجو من كل اسره ان تحضر ماتيسر من الطعام والماء. والاخوه العزابه ماتيسر فقط.

كما نحب ان ننوه ان الاخوه نجوم الهيلاهوب بيننا ويمكن ان يشاركوننا الرحله وكذلك العم جعفر من بورداب اليابان والاخ مرتضى الكج

كمال سالم داير النصيحة ولا الجنبها امسك فى كلام ضحية الفوق دة وحاتك رحلتك ناجحة واتصل عليهو بقيها ليهو فى راسو دة

كمال سالم
صباح الخير
وعشان خاطر عيونك....
وعيون بورداب الدوحة
وفي انتظار اخر الاخبار والشمارات بتاعت الرحلة.
نرفع هذا البوست قبل الارشفة لتكملة البرنامج.
ماعارفين الحصل شنو .....
لكن متوقعين النجاح لكل فاعلية للاحبة في الدوحة.
وبرضو .....
فووووووووووووووووووووووق.
تحياتي
هارون دياب

هلا يا بورداب هلا..
وكل سنة وانتم جميعا بالف خير..
ضحية وهارون بالله بطلوا اللولوة دي ونجضوا لينا الرحلة
كما عهدناكم يا ورد

كل عام وإنتم بخير
إستنادآ على التفويض المخول لنا
نعين :
ضحية إبراهيم رئيسآ مناوبآ يحل محل الرئيس اثناء وجوده

التحضير ضعيف يا فرد
وبكرة ثالث العيد
ومحمية الدوسري قريبة وظريفة
ومليانة نعام آدم
النعام ركوب الجن

Quote: ومليانة نعام آدم النعام ركوب الجن

داك الزراف يا زول
سلامة النظر ياخال

كمال
شنو الدربكة دي يا اخوانا
ضحية اتصل وقال الخور
حسع الواحد يمشي الخور ولا الكورنيش
...

كيكى ,,

نسبة لضيق اليوم (جمعه)وبعد الخور وحرصنا على قضاء اكبر وقت

مع فرقة الهيلاهوب ,, فقد تم الاتفاق على حديقة البدع لقربها .

تم الإتفاق على مايلي :
المكان
--------
نسبة لضعف التحضير بسبب ضيق الوقت
وضرورة أن تتم الرحلة غدآ الجمعة ثالث ايام العيد
لضمان مشاركة ناس الهيلاهوب
فقد قررنا الإختصار والتسهيل
وإخترنا حديقة البدع مكانآ للقاء
الشجرات الظليلة التي تقع في الجهة الخلفية من الحديقة
غير المواجهة للكورنيش ، بين الجامعين
المكان قريب للكافة وظليل وبيختصر زمن

الزمان :
-------------
طبعآ بكرة الجمعة ثالث أيام العيد
لكن الساعة كم
الساعة 12 ونص حتى نتيح الفرصة للمصلين

الوجبة:
--------------
غداء عن طريق المساهمات
ان تلتزم كل أسرة بغدائها العادي
ما مشكلة لو تشابهت
ماء بارد + شاي

تحضيرات :
-----------
سجاجيد - مفارش { هارون + ضحية }
ماء بارد وعصائر { عمر سعد + كمال سالم + أبوساندرا }
شاي + قهوة { كيكي ، هرون ، ضحية ،

علم يا كمال سالم حديقة البدع حديقة البدع بس لية ما بدرى شوية والناس ممكن تتحرك للصلاة فى وقتها والجوامع كتيرة وفى جامع داخل الحديقة شنو المحركة دى


اها ناس الخور قلتو ليهم عيك ولا لا

وناس دخان و والوكرة و وووووووو

أ.كمال سالم و بورداب الدوحة الأعزاء ..

كل عام و أنتم بخير و ربنا يحقق أمانيكم ..



آسف جداً للحضور المتأخر و معكم في كل ما ترونه مناسباً ..

عمر سعد ,, صحافة 30


شكرا على الاهتمام والمتابعه . . كلف الاخ ضحيه بابلاغ الجميع ,


فقط نرجو المتابعه فى الصباح .


تحياتى , وكل عام وانتم بخير ,