Post: #1 Title: ماذا نقرأ لك الربع القادم؟ Author: محمد البشرى الخضر Date: 12-17-2007, 09:50 PM
بوست فك دبرسة المدبرس و الزهجان و الداير يضحي وخايف من النزفية كلو يجي يفك دبرسته هنا و يورينا خطته الإعلامية و الإبداعية للربع القادم شنو؟
ملحوظة... نرحب بالمدعين و ناس شوفوني أيضا
Post: #2 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 09:54 PM Parent: #1
نماذج
سهاد بوست نضالي يحكي قصة زواج امرأة و رفض اهلها و شوية كلام فارغ - توجد صور طبعا
Post: #3 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 09:58 PM Parent: #1
أنا أديب
مجموعة قصص قصيرة من تأليفي تحت بند الشو و نظام أنا أديب وكدة
Post: #5 Title: Re: ماذا نقرأ لك الربع القادم؟ Author: عبدالكريم الامين احمد Date: 12-17-2007, 10:07 PM Parent: #3
هلا يا محمد لو الله مد في الايام هنالك بوست اجلته كثيرا نسافر به الي (ابيي- ناما) برفقة دفاع شعبي وجيش ومهندسين مساحين زي الورد ناس قريعتي ساكت.. طريق يربط اهم المناطق التي ورد ذكرها كثيرا في اورقة الساسة ونقتهم العجيبة وغريبة سنري امر منطقة(ابيي) ونحلق في مدارات الوصول اليها عندما (قالت الثيودلايت خلاص استوب)... ... الجزء التاني من ابكر لوتري سيكون هذه المرة باذن الله من داخل الجك وسنحاول شفط بعض الملامح من شوارع اولاد جون العجيبة.. ... بوست اخر يشابه(دخان علي حافة الخيانة).. وهذه المرة حكايات من سطح منزل احرار وسيكون في حديث المسكوت عنه وسيرة بنات الليل وبعض بنات النهار ايضا... .... بالاضافة الي بعض البوستات (اللقيطية) والمصطلح لخليل وهو البوست الذي يذهب سريعا الي لقيط المنبر وهي الصفحات الوراء 3و4و5 وعيييك ودمت خلاقا ملهما يا صديقي..
Post: #6 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 10:17 PM Parent: #5
كيكي يا عمك ونعم الخطة بس ساعدنا بالإلتزام ناس البورد ديل بتاعين محن و توثيق وبلبدوا للميتات تيك كيرك يا عمك وأوعى تدقس بتغابوا فيك العرفة
Quote: ودمت خلاقا ملهما يا صديقي..
خلاق دي كان لفكرة البوست دا النحدثك الفكرة ملطوشة بالكامل (عشان ما يجي واحد يتفولح)
سؤال محيرني ياعمك... في ملعب كرة القدم يوجد قوس على رأس الصندوق بتاع التمنطاشر فايدته شنو دا؟
Post: #4 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 10:05 PM Parent: #1
أنا مناضل
أنا كدة
أنا قريت جامعة الخرطوم
أنا عبقري
أنا الزيي منو
أنا فاكيها في روحي
بوستات متنوعة تخدم قضيتي الأساسية (أنا)
Post: #7 Title: Re: ماذا نقرأ لك الربع القادم؟ Author: نادية عثمان Date: 12-17-2007, 10:19 PM Parent: #4
وده بقي فيلم كده من انتاجي.. واخراجي.. وتمثيلي.. وحتي المكياج عملاه أنا.. والعربيات الفي الفيلم سايقاها أنا..
فيلم فعلا مافي زيه.. انا برضه السيناريست.. بس معاي زول في المونتاج..علشان أكف العين..
ايه رأيك؟؟
Post: #9 Title: Re: ماذا نقرأ لك الربع القادم؟ Author: Mustafa Mahmoud Date: 12-17-2007, 10:29 PM Parent: #8
Post: #15 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 11:43 PM Parent: #9
شكرا يا دكتور وعيد سعيد
Post: #13 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 11:41 PM Parent: #8
منى خجاجة الحنان
Quote: ايه رأيك؟؟
بس إن شاء الله تكوني زبطتي أمورك مع الرقابة و الإهتمام بالسيكيوريتي أثناء العرض مهم برضك - عشان الفليق وكدا
سي جي قول إتنين أوعى من سيك القبول
Post: #12 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 11:28 PM Parent: #7
نادية السمحة
Quote: ود البشرى انت زول لذيذ
قاليك أسي انا خجلان خجلة
Quote: وافكارك البوستية مجنونة
لو كان المسنجر شغال كنت حكيت ليك أنا كنت كاتب شنو في الأول و شكرا لــ "شاهده قبل نشره" جري مسحت العنوان و البوست و كتبت دا وزي ما علقت لكيكي دي فكرة ملطوشة عديل او في رواية (مهكرة)
أنا طبعا ما من كتاب المنبر و أهتم أكثر بقراءة ما فيه و عندي كتاب مفضلون كثر. بدون مجاملة يا محمد انت واحد منهم. محل ما ألقى اسمك طوالي بخش وما بتخذلني بملاحظاتك الذكية وكلامك الدايما في الصميم. فخطتي للربع القادم متابعة كتاباتك و متابعة كتابات حيدر حسن ميرغني المعتدلة و المتوازنة.
Post: #11 Title: Re: ماذا نقرأ لك الربع القادم؟ Author: عبدالكريم الامين احمد Date: 12-17-2007, 10:51 PM Parent: #10
Quote: سؤال محيرني ياعمك... في ملعب كرة القدم يوجد قوس على رأس الصندوق بتاع التمنطاشر فايدته شنو دا؟
هلا يا عمك وده قوس العشرة ياردة او 9.15 متر وفائدته الاساسية بساعد الحكم في توقيف اللاعبين لمسافة العشرة ياردة في حالة تسديد ركلة الجزاء والقوس يا ماان يبعد من نقطة الجزاء في كل نقاطه عشرة ياردات.. شفت البلنتي ده بدلعو كيف في الكورة
Post: #17 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 00:01 AM Parent: #11
والله يا كيكي قلبي كان حاسي لكن قلت أتاكد أحسن تشكر يا معلم وبالمناسبة دي أحجز لي لوج في الجزء التاني من حافة الخيانة بس أعفيني من مشوار الدفاع الشعبي دا ما بريد سيرته ذاتها
Post: #16 Title: Re: ماذا نقرأ لك الربع القادم؟ Author: محمد البشرى الخضر Date: 12-17-2007, 11:56 PM Parent: #10
العوض يا عمك شكرا للمجاملة الرقيقة دي وياخي ظلمت كتاب البورد مع ضمك لي معهم وشكرا مرة تانية لإرجاع البوست لمساره
Post: #14 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-17-2007, 11:43 PM Parent: #1
دا شكل بوستيني في الربع بسرعة وريني رايك في بوستيني دا بعدين انت مش فاتح لينا الونسة سودانية و بمزاااااااج لزومو شنو اخر الليالي تقلبا لينا ارباع وانصاص اوعا تقولي لي دا امتداد طبيعي لي داك بعد الارشفة
Post: #18 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 00:08 AM Parent: #14
معلم يا اللمينز بس نسيت تاريخ مداخلتي ما عدلته ليه موضوع مهم ولفائدة النقاش ورفد الحوار بجيك صادي - أو كما قيل
Quote: بعدين انت مش فاتح لينا الونسة سودانية و بمزاااااااج لزومو شنو اخر الليالي تقلبا لينا ارباع وانصاص اوعا تقولي لي دا امتداد طبيعي لي داك بعد الارشفة
يا عمك البوست دا وكما ورد عاليه فكة دبرسة وكدا و الونسة بنتمها في الربع الجديد وكما لا يخفى عليك الجديد شديد بالمناسبة دي ما عندك حاجة لأيمن الربع
Post: #19 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-18-2007, 00:33 AM Parent: #18
Quote: معلم يا اللمينز بس نسيت تاريخ مداخلتي ما عدلته ليه
بعدلو في البوستات الجاية اصبر لي بس تصبح الواطة دي اسوي ليك جنس بوستات بس كلم لي بكري ما يودي بوستاتي الخور
Quote: بالمناسبة دي ما عندك حاجة لأيمن الربع
كدي شوفو ياهو دا ولا انا جبت لي زول تاني
كما هو عشان ارجعو من محل ما جبتو
Post: #20 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 09:58 AM Parent: #19
ياهو يا اللمينز شكرا جزيلا
Post: #21 Title: Re: ماذا نقرأ لك الربع القادم؟ Author: عبدالكريم الامين احمد Date: 12-18-2007, 10:03 AM Parent: #20
Quote: بس أعفيني من مشوار الدفاع الشعبي دا ما بريد سيرته ذاتها
انا ذاتي يازول لو بريدو (الحس المكواة) بس خلينا لمن نجي نتونس بالكلامات دي تعرف اخوك الوداهو شنو ممكن تلقي لي العذر... (دفاعنا الشعبي ياهو دي)
Post: #22 Title: Re: ماذا نقرأ لك الربع القادم؟ Author: طلحة عبدالله Date: 12-18-2007, 11:10 AM Parent: #1
بسم الله الرحمن الرحيم الاخ العزيز ود البشري السلام عليكم ورحمة الله تعالي وبركاته اهنئك بالعيد السعيد وأرجو ان يعيده الله علينا وعليكم بكل الخير والبركات اما انا فالحمدلله ولا ينقصني شىء سوى حاجات تانية حامياني .. وبعد فلدي أكثر من بوست ساطرحه عليكم وآمل أن ينال اعجابكم ويجيب كثافة ناس كدا بعرفم أنا اما البوست الاول فعنوانه : أمونة حلبت الليمونة الثاني : ود البشري المنظراتي مالك ومال بوستاتي اما البوست الاهم والذي أرجو أن أقدمه هدية عيد فهو بعنوان .. دليل الغابرين في مشوار هلال المتجملين المتوهمين . والسلام عليكم ورحمة الله . اخوكم في الله وعدوكم في الكورة طلحة الاحمراني .
Post: #23 Title: Re: ماذا نقرأ لك الربع القادم؟ Author: عبدالكريم الامين احمد Date: 12-18-2007, 11:29 AM Parent: #22
Quote: اخوكم في الله وعدوكم في الكورة طلحة الاحمراني
لا انت يااخوي تقول طلحة الجاء يلملم عدة الهلال ففقام لملم عدتو وعدة المريخ معاها
طلحة كل سنة وانت يابخير يامريخابي يا جميل
Post: #26 Title: Re: ماذا نقرأ لك الربع القادم؟ Author: Ishraga Mustafa Date: 12-18-2007, 12:52 PM Parent: #23
أخى الخضر.. ربنا يجعل ايامك وفى كل يوم وعيد كلها خضراء
موضوعين سوف اركز عليهما الفترة القادمة كان الله مد فى العمر
نواصل: بعد نجاح الجولة الأولى للقمة تراجى_إشراقية
تمارين {يوقا} لأجل الحياة
وبعدين حسب حالة الطقس ممكن يتم تناول بعض التوابل للروح
كل سنة انت وضيوفك بخير
Post: #30 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 01:55 PM Parent: #26
وانت بألف خير يا دكتورة بإذن الله نتابع و نستفيد ونتمنى ان تكون حالة الطقس مستقرة وزاهية عشان خاطر التوابل
Post: #45 Title: Re: ماذا نقرأ لك الربع القادم؟ Author: حسين محي الدين Date: 12-18-2007, 08:05 PM Parent: #30
ود البشرى الكرة لذيذية ودي شوية مواضيع:
مواصلة في قراءة على باب الخروج للشاعر هاشم صديق
وحلقات ساخرة من(كلام الليل)
ومجموعة أشعار جديدة..
Post: #29 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 01:46 PM Parent: #22
طلحة تنظير يا عمك كل سنة وانت طيب ويعود عليكم بالخير و السعادة و شوية منطق - باقي محتاج ليه بشدة
Quote: اما البوست الاول فعنوانه : أمونة حلبت الليمونة الثاني : ود البشري المنظراتي مالك ومال بوستاتي اما البوست الاهم والذي أرجو أن أقدمه هدية عيد فهو بعنوان .. دليل الغابرين في مشوار هلال المتجملين المتوهمين .
إذن موعودين بربع ممتع و تقيل حافل بالنقة و التنظير بس عندي طلب يا عمك ياريت تقوم بطلب ترحيل بوست دعم الأندية الفقيرة للربع الجديد زي ماقلت ليك الموضوع مهم ويحتاج نقاش بجدية خارج إطار المكاواة لا سيما أن الدوري (الهلالي ) الممتاز ما حيكون بدا
Quote: اخوكم في الله وعدوكم في الكورة طلحة الاحمراني .
أخونا في الله و حبيبنا في الكورة الله لا جاب عداوة ياااخ
Post: #24 Title: Re: ماذا نقرأ لك الربع القادم؟ Author: د.محمد حسن Date: 12-18-2007, 12:01 PM Parent: #1
Post: #31 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 02:11 PM Parent: #24
وانت طيب يا دكتور و القابلة على أمنياتك إن شاء الله عنوان بوستك دا اوحى لي فكرة بوست بعنوان تشكرني أشكرك...تنهزرني أنهزرك ... تكتر أشكيك لبكري
Post: #25 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-18-2007, 12:22 PM Parent: #1
Post: #32 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 02:17 PM Parent: #25
Quote:
Quote: معلم يا اللمينز بس نسيت تاريخ مداخلتي ما عدلته ليه
بعدلو في البوستات الجاية
وكدا
Post: #27 Title: Re: ماذا نقرأ لك الربع القادم؟ Author: ناذر محمد الخليفة Date: 12-18-2007, 01:06 PM Parent: #1
سلامات ود البشرى
تقرأ لي في الربع القادم بإذن الله تعالى :
* ما بين (أسياد الشي زاتا) و (المتهجمين على الشغلة) !! * لماذا فشلنا في محاربة الاغاني الهابطة ؟!! * (الآن حصحص الحق) !! حقائق وأرقام وخفايا الحملات الخيرية الإسفيرية .. * العنصرية المضادة وأهميتها في محاربة عقدة الشعور بالنقص عند بعضهم !!
بالإضافة لمواضيع أخرى متفرقة !!
صنفرة :
أنا جادي تماما يا ود البشرى والبوستات دي جاهزة موية ونور بس منتظرين السنة الجديدة ..
وكل عام وإنت بخير ..
Post: #28 Title: Re: ماذا نقرأ لك الربع القادم؟ Author: Ishraga Mustafa Date: 12-18-2007, 01:24 PM Parent: #27
Quote: * ما بين (أسياد الشي زاتا) و (المتهجمين على الشغلة) !! * لماذا فشلنا في محاربة الاغاني الهابطة ؟!! * (الآن حصحص الحق) !! حقائق وأرقام وخفايا الحملات الخيرية الإسفيرية .. * العنصرية المضادة وأهميتها في محاربة عقدة الشعور بالنقص عند بعضهم !!
انا غايتو يانازر لو اطالب بتأجيل القمة الاسفيرية مع تراجى بتابع المواضيع الساخنة دى
وكل سنة وانت بخير
Post: #33 Title: Re: ماذا نقرأ لك الربع القادم؟ Author: نادية عثمان Date: 12-18-2007, 02:18 PM Parent: #28
البدايات الجديدة..والخوف من الفشل !!
عفوا .. هذا القلب ربما يكون مغلقا..او خارج نطاق الخدمة !!
والبقية تاتى !!
ود البشرى حقوق العناوين محفوظة لاصحابها والبوست ده لازم يجى معاك الدورة الجديدة عشان مافى زول حقو يروح سمح؟
Post: #34 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 02:27 PM Parent: #27
ناذر كل سنة وانت طيب و السنة الجاية زي ما عايز إن شاء الله مستبشرين بالعودة القوية المتوقعة لك في الربع القادم - لا سيما بعد خسارتك اللقب السنة دي عقبال نشارك في بوست بعنوان مبروك يا ناذر الولد/البنت
Quote: أنا جادي تماما
دي المشكلة زاتا
Post: #35 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 03:28 PM Parent: #1
الإخوة الكرام عند كتابة البوست الفكرة ما كانت جادة لكن مداخلاتكم الكريمة قادت البوست بصورة لطيفة شاكرين
أها يا علي بابا خليناك
Post: #36 Title: Re: ماذا نقرأ لك الربع القادم؟ Author: دينا خالد Date: 12-18-2007, 05:14 PM Parent: #1
ود البشرى مشتاقين ،(تصدق)؟
Quote: لو كان المسنجر شغال كنت حكيت ليك أنا كنت كاتب شنو في الأول
اتضح ان سودانيز اون مسنجر ،، انفصلت عن المركبة الام، ورووووووحت ربك رب الخير هدا راعيها بفكرة حذفها ،، يعنى انا تطير عيشتى ال بحكى لى منو ؟؟؟ وللا يابشرى اقعد اتفرج فيكم كدا كل زول يقول للتانى تعال لى وراء العنبة الرامية فى بيتنا ؟
ود البشرى احم احححححححححم انا ح افتتح الربع الاول ببوست لمنافسة القمة اسمو دينا ومحسن (اولاد خالد ) على الهواء مباشرة
لكن عاد من هسه بنكلمكم الا تدخلو مغمضين وال ..... على مسئولية المتداخلين !!!! بس اقروو معانا لى بكرى
Post: #37 Title: Re: ماذا نقرأ لك الربع القادم؟ Author: نادية عثمان Date: 12-18-2007, 05:27 PM Parent: #36
دينا خالد ياعسللى
Quote: يعنى انا تطير عيشتى ال بحكى لى منو ؟؟؟
بحكى ليك انا .. يلا لاقينى تحت النيمة النائمة فوق بيتنا !!
Post: #40 Title: Re: ماذا نقرأ لك الربع القادم؟ Author: Ishraga Mustafa Date: 12-18-2007, 05:39 PM Parent: #37
سلامات يانادية
كل سنة انتى وبنيتك بالف خير
وكت اخونا الخضر مشى الصلاة نقعد نتونس شوية اها بالصح كدى يادينا شنو قصة العنبة الرامية فى بيتنا دى؟ لو كانت النيمة زى ماقلت نادية ممكن تكون منطقية
وبالمناسبة دى جاتنى فكرة بوست: مابين النيمة والعنبة الرامية فوق بيتنا وموضوعية الاغنية السودانية/ لاحوأأأأأأأأأأأأأألا مالو العنوان ده طويل كدى وبعدين الغنا ده لمن يكون منطقى وموضوعى فايدته شنو، صاح يادينا ولا انا غلطانة
كل سنة وانتن طيبات
Post: #43 Title: Re: ماذا نقرأ لك الربع القادم؟ Author: نادية عثمان Date: 12-18-2007, 07:45 PM Parent: #40
اشراقة مصطفى ياحبيبة قساى كيفنك كده
كل سنة وانتى واحبابك بالف خير يارب
Quote: لو كانت النيمة زى ماقلت نادية ممكن تكون منطقية
هو الفنان فى الاغنية بقول العنبة مع انو النيم فى السودان اكتر .. سبحان الله حتى نيم بلدنا مهمش !!
Post: #38 Title: Re: ماذا نقرأ لك الربع القادم؟ Author: Ishraga Mustafa Date: 12-18-2007, 05:27 PM Parent: #36
Quote: اسمو دينا ومحسن (اولاد خالد ) على الهواء مباشرة
دى على شاكلة تراجى واشراقة على الهواء مباشرة؟ طيب ووين حقوق الطبع يادينا؟؟
يا ود البشرى. عشان الحاجات ما بتدسى في البورد دا .. فأحسن الواحد من حسع دي يطلع الحاجات عشان ما يجو ناس كدا يقولو ليك الزول دا ما ياهــوو .. عليه .. سيكون هناك بوست مفتوح وسأكتب فيه من أماكن مختلفة على سطح الكرة الأرضية .. ولاحظ لي مسالة الكرة الأرضية دي .. لكن العنوان الرئيسي: تمبس في كالفورينا .. وتداعيات رحلة كندا فمن حسع العندو جوابات يا ماسينجرات يجهزة من بدري .. عشان نخليها على الجمب مع الطرد بتاع فيصل نوبي الوصلنا قبل يومين وتم شحنه..
Post: #48 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 09:19 PM Parent: #39
تمبس يا عمك
Quote: تمبس في كالفورينا .. وتداعيات رحلة كندا
لى كدة بوست الربع البعدو حيكون بعنوان رحلتي من الظلام إلى الإستنارة
Quote: فمن حسع العندو جوابات يا ماسينجرات يجهزة من بدري
عن نفسي احملك سلام خاص لبشاشا وياسر طيفور كل سنة وانت طيب و يعود عليكم بالخير و السعادة
Post: #58 Title: Re: ماذا نقرأ لك الربع القادم؟ Author: فيصل نوبي Date: 12-18-2007, 10:35 PM Parent: #39
Quote: عشان نخليها على الجمب مع الطرد بتاع فيصل نوبي الوصلنا قبل يومين وتم شحنه..
خليكم شاهدين عشان لمن أفتح بوست و يكون تمبس عليكـ بالاعتذار او العودة الي الديار..
بعدين علاء ما ينطط
_ بجيب ليكـ صورة بروفايلكـ الحايم بيها دي
Post: #46 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 08:28 PM Parent: #36
دينا خالد بنت حلال والله
Quote: ود البشرى مشتاقين ،(تصدق)؟
بالحيل مصدق تصدقي إنتي لما كتبت لنادية تعليق المسنجر دا كنت كاتب بعدو "او أديني ايميلك " وتاني شكرا لــ(شاهده قبل نشره) مسحتها اذكرت حساسيتك مع حكاية تبادل الإيميلات, خفتك تجيني طايرة بمفراكة ولا حاجة
Quote: يعنى انا تطير عيشتى ال بحكى لى منو ؟؟؟ وللا يابشرى اقعد اتفرج فيكم كدا كل زول يقول للتانى تعال لى وراء العنبة الرامية فى بيتنا ؟
تبري أمي من طيران العيشة انا احكي ليك ولا يهمك
Quote: دينا ومحسن (اولاد خالد ) على الهواء مباشرة
عنوان جدا قوي و مثير حاجزين صف أول من هسي
كل سنة وانت بخير والقابلة على أمانيك إن شاء الله
Post: #41 Title: Re: ماذا نقرأ لك الربع القادم؟ Author: ناذر محمد الخليفة Date: 12-18-2007, 05:54 PM Parent: #1
سلامات يا إشراقة ..
وكل عام وإنت بخير ...
Quote: انا غايتو يانازر لو اطالب بتأجيل القمة الاسفيرية مع تراجى بتابع المواضيع الساخنة دى
لا لا ...
القمة أهم أهم
Post: #42 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-18-2007, 07:26 PM Parent: #1
ما دام الحكاية بقت جد اولا تحية لي كل الاخوة الفوق 00 وان جات متاخرة عنوان بوستي في الربع القادم هو ادمان سودانيز اونلاين وابداه من هنا والله يا جماعة ما عرفت اعمل لي سودانيز اونلاين دي شنو الصباح الظهر العصر بالليل لحدي ما عيوني طششن رسلت رسالة لي بكري قلت ليه شكرا على الايام الجميلة القضيتها في موقعك الجميل دا ولو سمحت افصلني انتظرت كم يوم يجيني رد وما جاني قلت كدي ادخل المنبر لقيت باسوردي ما زال ينبض بالحياة اخر حل توصلت الية اتصلت بي شركة الاتصالات وقلت ليهم افصلوا عني الخدمة نهائي ( هاتف + DSL ) قفلت الجهاز وقعدت يومين بدون سودانيز اونلاين في اليوم التالت شالتني الشلاقة والخفة قلت كدي اشوف الجماعة فصلوا مني الخدمة ولا ما فصلوها القى ليكم الخدمة شغالة زي الورد وكمان يتصل علي واحد مسئول من خدمة العملاء ويقول ليه يا اللمين عايز تسيبنا خدمتنا بسيطة وساهلة وما مكلفة وحتى لو عايز نوقفها ليك مؤقتا نوقفها وقعد يحنس هو طبعا ينظر ليها من ناحية مادية وانا نظرتي ليها صحية في النهائية استحيت منو قلت لي خلاص خليها شغالة ورجع اللميز لعادتة القديمة ورجع وجع العيون قلت ما ادفع الاشتراك اشوفهم بفصلوها وللا لا والله لي اربعة شهور ما دفعت ليهم ولا تعريفة واحدة وما فصلوها وشابكني ليك رسائل على الموبايل ( عزيزي العميل لقد صدرت اليك فاتورة بملغ كذا نرجو سرعة السداد حتى لا تتعرض الخدمة للالغاء وشكرا ) بي قلبي اقول الالغاء دا ما انا العايزو ذاتو وفي الشهر السادس فصلوا الاتصال من الهاتف لكن الDSL لحدي لحظة كتابة المداخلة دي شغال اها منتظر الشهر التاسع يارب ولد يريح عيوني واسميه مفصول بن اللمينز
Post: #49 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 09:24 PM Parent: #42
غايتو يا اللمينز عليك جنس حركات إستهبال جلابة بلا بكري أفصلني بلا اقطعوا الخط ياخي خش على ملفك غير الباسويرد واكتب الجديدة مغمض
Post: #61 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 10:53 PM Parent: #54
نوبي يا عمك شنو مالقيت حجز ولا شنو الحكاية
يا فقُر ما قالت ليك صاحبتها
Post: #64 Title: Re: ماذا نقرأ لك الربع القادم؟ Author: نادية عثمان Date: 12-18-2007, 11:13 PM Parent: #61
Quote: يا فقُر ما قالت ليك صاحبتها
سيبك منو شارب شربوت ماواعى !!
Post: #60 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 10:45 PM Parent: #52
Quote: انا شفت واحد صاحبي اسمو ناجي سمي مربوطة ببوهية واحدة واخذ (سيك في قبولوا)
لكن ما بالغ ناجي دا
زولك بتاع الجاكات دا أوحى لي بفكرة بوست تنفع للربع القادم بعنوان الجاكات الكبرى في التاريخ...رصد وتحليل يتناول الجاكات عبر التاريخ مع التركيز على الجاكات المحلية و السايبرية بصفة خاصة رايك شنو يا عمك؟
Post: #53 Title: Re: ماذا نقرأ لك الربع القادم؟ Author: دينا خالد Date: 12-18-2007, 09:40 PM Parent: #1
Quote: دى على شاكلة تراجى واشراقة على الهواء مباشرة؟ طيب ووين حقوق الطبع يادينا؟؟
يا اشراقة ياخى هى حقوق الطبع براها المحفوظة ؟؟؟؟ والله بالغتى انا قلت بوست ح ينافس بوست القمة الاسفيرية تراجى واشراقة (بنات مصطفى) على الهواء مباشرة
لقيتينا كيف بالله انا ومحسن اخوى دا ؟؟؟!!! بوست ما بددخل صاااااح ،، بس ساعدونا بالصفقة والموية الباردة !
Post: #55 Title: Re: ماذا نقرأ لك الربع القادم؟ Author: Ishraga Mustafa Date: 12-18-2007, 09:52 PM Parent: #53
Quote: لقيتينا كيف بالله انا ومحسن اخوى دا ؟؟؟!!! بوست ما بددخل صاااااح ،، بس ساعدونا بالصفقة والموية الباردة !
غايتو يادينا لقيتك متفائلة جدا صفقة شنو وموية باردة كمان طيب دى مالجنة عدييييييييييييييييييل كدى يازولة قولى نساعدكم بالدراب طوب اخدر ولا احمر اها الموية دى الا تعملوا قمتكم دى جنب بحر ابيض تضجوا شوية وتتموا الباقى موية..
______________________________________________________________________________ كيف العيد والحب... بالله ده ماموضوع بوست كارب؟ كل سنة وانتى طيبة وأمانيك محققة
Post: #62 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-18-2007, 10:57 PM Parent: #1
Quote: ياخي خش على ملفك غير الباسويرد واكتب الجديدة مغمض
يعني قالوا ليك ما فكرت فيها لكن بي بساطة لمن تشليني القريفة ارسل لي بكري يرسل لي الباسورد المغمص او تلقى المنبر مولع من زي نوع البوستات دي
اها المرة دي تعال قول لي التاريخ واخرة مشاركة ظبتها يا معلم
Quote: آس الأتو ونجلد غايتو يا راوية كان اتلاقينا في طربيزة وست شوفي ليك زميل غيري
تصدق وتأمن بالله زميلي في الوست جاهو حول في دماغه
يازول والله بعرف العب كويس بس انت قول خير
بس ماتسأل رجا لانها مغرضة
كل سنة واهلك كلهم واولادك واصدقاءك بخير
Post: #76 Title: Re: ماذا نقرأ لك الربع القادم؟ Author: عبدالكريم الامين احمد Date: 12-18-2007, 11:51 PM Parent: #63
Quote: يكونو بوشوهو في بوهية تانية او قصوا بيهو وانجلد
يا راوية اس الاتو(ماكل ماكل) واحنا يوم صحبي بتاع الجاكات ده جاب الخبرية دي قعدنا ممكن شهر كامل نشوف فرضية عدم اكل اس الاتو دي ما لقينا ليها اي حل.. عشان كده انتي زميلك ناذر وانا خلو لي ابو (حتوت) ده وتعالو لماتش (وست) ..وهاك يا اسنافيك
Post: #88 Title: Re: ماذا نقرأ لك الربع القادم؟ Author: Rawia Date: 12-19-2007, 00:16 AM Parent: #76
Quote: قعدنا ممكن شهر كامل نشوف فرضية عدم اكل اس الاتو دي ما لقينا ليها اي حل..
ا
ما انا برضو قدر ماحاولت اعرف الاحوال الممكن الاس العادي- مش كمان الاتو- ماياكل فيهالقيتها احوال نادرة جدا وضعيفة
مع انه عندنا زول غتيت خلاس لو نوى يبوش ليك اسك ومايأكلوا بيعملها
وناذر تمام معاي بس انت وابو حتحوت اركزو
Post: #65 Title: Re: ماذا نقرأ لك الربع القادم؟ Author: محمد البشرى الخضر Date: 12-18-2007, 11:25 PM Parent: #62
Quote: ظبتها يا معلم
من ناحية زبطتها أوكي لكن كان راجيني أفتح ليك بوست زي ده ياها الواطاتك صبحت وباسويردك لحق ملفات المريخ المطوية كرهتي في الدنيا بوستات يا بكري الحقنا و يا المكاشفي تنجدنا يا بني إذا استعنت فاستعن بالله
Post: #72 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-18-2007, 11:49 PM Parent: #65
Quote: من ناحية زبطتها أوكي لكن كان راجيني أفتح ليك بوست زي ده ياها الواطاتك صبحت وباسويردك لحق ملفات المريخ المطوية
انت قالوا ليك براك الفي البورد دا الفرد كتار احمد الله اها شوف دا
هسه انجر ليك واحد بي بنوبي بوستاتنا جاهزة
Post: #66 Title: Re: ماذا نقرأ لك الربع القادم؟ Author: فيصل نوبي Date: 12-18-2007, 11:25 PM Parent: #62
Quote: اها المرة دي تعال قول لي التاريخ واخرة مشاركة ظبتها يا معلم
يا اللمينز انت شارب شربوت برضو؟؟
ياخ اخر مشاركة تاريخها شهر 12 سنة 2007 ؛ تكون العام القادم الربع الاول كيف !! شنو ياااا ما تصحا معانا
اللمينز ده شكلو كان ببوش الآسات و ياكل بي دو
__ كل سنة و انت طيب يا اللمينز ياخ
__ شربوت شنو يا نادية ياخ قلنا ليكـ خميرة ما شربوت
Post: #70 Title: Re: ماذا نقرأ لك الربع القادم؟ Author: ناذر محمد الخليفة Date: 12-18-2007, 11:42 PM Parent: #66
كل سنة وإنت طيب يا روميو ..
صحبك وصل الخرطوم الليلة المغرب لكن العفش بتاعو ما جا معاهو !! يعني حا يعيد من غير عفش !!
شنكل :
زول يسافر وعفشو يروح منو في السكة !!
تتصور ؟؟!!
Post: #81 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-19-2007, 00:03 AM Parent: #66
نوبي صاحب الطرح الفطير
Quote: يا اللمينز انت شارب شربوت برضو؟؟
لا والله اليومين ديل مركز على لبن الصافي اكتيفيا
Quote: اللمينز ده شكلو كان ببوش الآسات و ياكل بي دو
كل سنة وانت طيب يا الحبيب
Post: #71 Title: Re: ماذا نقرأ لك الربع القادم؟ Author: ناذر محمد الخليفة Date: 12-18-2007, 11:45 PM Parent: #1
هسي كيف يعيد في مدني من غير عفش ؟!!
عايك الله أمشي أسأل ناس القطرية في أبوظبي شوف أخبارو شنو ؟!!
Post: #75 Title: Re: ماذا نقرأ لك الربع القادم؟ Author: فيصل نوبي Date: 12-18-2007, 11:51 PM Parent: #71
ناذر يا لذيذ مشتاقين يا عمكـ كل سنة وانت طيب و عقبال الحج مع المدام صاحبي أمس قال عنده دامة جابت ليهو الحجز و داير (عفشو) يوصل
Quote: عايك الله أمشي أسأل ناس القطرية في أبوظبي شوف أخبارو شنو ؟!!
كدي انت بالعقل كده قطرية اسال منها في ابوظبي ولا الدوحة
__ قلت ليو إنتظر عمل فيها معلم لمن تلاقيو قول ليو وين يا متألم
Post: #77 Title: Re: ماذا نقرأ لك الربع القادم؟ Author: عبدالكريم الامين احمد Date: 12-18-2007, 11:56 PM Parent: #71
Quote: هسي كيف يعيد في مدني من غير عفش ؟!!
ناذر يااخي مشتاقين والله وكل سنة وانت والعروس والاهل بكل خير واخخخ انا من عيد مدني حتي ولو بدون عفش يا ناذر
Post: #74 Title: Re: ماذا نقرأ لك الربع القادم؟ Author: ناذر محمد الخليفة Date: 12-18-2007, 11:51 PM Parent: #1
كل سنة وإنتي بخير يا راوية ..
Quote: ناذر ياعريس تزاملني عشرة
يا خي قالو في برنامج بتاع وست بيخليك تلعب وست أون لاين وتختار زملاءك من أي حتة في العالم !! قدر ما فتشت النيت ما لقيت ليهو خبر ..!!
غايتو لو بتعرفي حتة ينزلو منها البرنامج دا أنا مستعد أزاملك في عشرة مسخنة ..
بس خليكي حريفة وبوشي كويس عشان أنا ما بعرف ألعب مع الكيشة
Quote: بس خليكي حريفة وبوشي كويس عشان أنا ما بعرف ألعب مع الكيشة
ياخ والله حريفة
والله البرنامج دا لو لقيتو حسة دي بجيبو دا حيكون تمام لاني فعلا خرمانة ويست
Post: #79 Title: Re: ماذا نقرأ لك الربع القادم؟ Author: ناذر محمد الخليفة Date: 12-18-2007, 11:58 PM Parent: #1
روميو ..
Quote: لمن تلاقيو قول ليو وين يا متألم
قابلتو جبيل في المطار بالصدفة .. وشكلو مغيوظ من إنو العفش ما جا معاهو ..
التكقول العفش كان شاحن فيهو بتاعات
Post: #84 Title: Re: ماذا نقرأ لك الربع القادم؟ Author: فيصل نوبي Date: 12-19-2007, 00:09 AM Parent: #79
ناذر بتاعات شنو ياخ... صاحبي اليومين ديل مدير مكتب للحج و العمرة يسفر في الناس للحج وهو ماشي يعيد في مدني .. قلت ليو هسي انت مقتنع انه ناسكـ ديل حجهم ده ماشي و كده !! قال لي تعال أسفركـ معاهم أمير حماعة او مُشِرف .. أظنه دايرني احججهم ليو في بانت طبعا الالذ من كده انه رفضو تأشيرة الحج بتاعتو هو ظاااطو .. أظنه أقصر من السن القانوني
_ الناس دي ضربت الشربوت خلاس ... نسأل الله السلامة
Post: #80 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:01 AM Parent: #1
كيكي ..
كل عام وإنت بخير ..
Quote: ناذر يااخي مشتاقين والله وكل سنة وانت والعروس والاهل بكل خير واخخخ انا من عيد مدني حتي ولو بدون عفش يا ناذر
تتصور قبل أسبوعين كنت في مدني عرس في نادي الضباط ..
لكن كمبوهات ريكم ما رهييييييييييييييبة والشباب هناك مبالغة
وأنا أقول إنت بتجيب الدرابات دي من ويين ؟!!
Post: #83 Title: Re: ماذا نقرأ لك الربع القادم؟ Author: عبدالكريم الامين احمد Date: 12-19-2007, 00:08 AM Parent: #80
Quote: والشباب هناك مبالغة
طبعابتكون شفت حت النبق علي اصولو ورقصة القرد والركشة والرمبة علي اصولها كما رقصها الخواجة (جون جرجس) ذات يوم
Post: #89 Title: Re: ماذا نقرأ لك الربع القادم؟ Author: فيصل نوبي Date: 12-19-2007, 00:16 AM Parent: #80
Quote: التكقول العفش كان شاحن فيهو بتاعات
قالو المدير بتاع الشركة لاحظ انه الموظفين دايماً بيشربو كتير في الاحتفالات بتاعت الشركة عشان مجانية
يوم الاحتفال بتاع رأس السنة الاخير طلع ليهم (memo) انه الشراب يكون واحد فقط ( One Free Drink ) جاء لقاهم عاملين كده
__ نسأل الله السلامة
Post: #82 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:03 AM Parent: #1
راوية ..
Quote: لاني فعلا خرمانة ويست
والله أنا برضو .. طولت والله من وست كارب مع ناس حرفاء ..
يا ريت لو لقيت لي زول بيعرف طريقة للبرنامج دة ...
روميو ما عندك فكرة ؟!!
Post: #86 Title: Re: ماذا نقرأ لك الربع القادم؟ Author: فيصل نوبي Date: 12-19-2007, 00:13 AM Parent: #82
ذكرتني بي ما عندكـ فكرة
__ مجموعة من النساء في الحج من غير الناطقين للعربية ، يتقدمهن رجل يقرأ العربية ؛ إلا أنه لا يفهمها . وذلك أنه كان يقرأ من كتاب الأدعية ، وهن يردّدن وراءه ، حتى صار يقول : طُبع ، فيقلن : طُبع ، فيقول : في الرياض !! ، فيقلن : في الرياض ، فيقول : في مطبعة ، فيقلن : في مطبعة .....إلخ .!!
__
Post: #85 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:11 AM Parent: #1
الأمينز ...
كل عام وأنت بخير ..
إنت يا زول مساهر لحدي هسي مالك ؟.!!
بكرة الصلاة عندكم الساعة كم أصلو ؟!!
أنا غايتو لسع في برنامج فك وتركيب الستاير وتغيير الملايات !!
والله ما في شي كرهتي في الدنيا غير البرنامج دا يوم الوقفة ..
قلت أعرس وإرتاح منو ..
لمن عرست .......
يادوووووووبك إتهريت بيهو هري !!
هسي جيت زايغ من الاوضة البي هناك وبكتب المداخلة دي من المطبخ !!
ولو إنقبضت وأنا بسوي كدة ..
حا يقع لي عكاز في نص راسي ؟!!
دي حالة دي ياخ !!
Post: #91 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-19-2007, 00:22 AM Parent: #85
عارف انا الليلة من الصباح مقضيها نووووووووووم ساكت
Quote: هسي جيت زايغ من الاوضة البي هناك وبكتب المداخلة دي من المطبخ !!
ولو إنقبضت وأنا بسوي كدة ..
حا يقع لي عكاز في نص راسي ؟!!
دي حالة دي ياخ !!
شوفت اهو جنس دا المخلينا مكنكشين في عزوبيتنا السمحة دي
انحنا عزابة نقوم نصحى على كيفنا في الرياض في جدة دايما مخدر بيتنا ما يقدر علينا الا كفيلنا هيييييييييع
Post: #87 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:16 AM Parent: #1
!!!!!!
Quote: بتاعات شنو ياخ... صاحبي اليومين ديل مدير مكتب للحج و العمرة يسفر في الناس للحج وهو ماشي يعيد في مدني .. قلت ليو هسي انت مقتنع انه ناسكـ ديل حجهم ده ماشي و كده !! قال لي تعال أسفركـ معاهم أمير حماعة او مُشِرف .. أظنه دايرني احججهم ليو في بانت طبعا الالذ من كده انه رفضو تأشيرة الحج بتاعتو هو ظاااطو .. أظنه أقصر من السن القانوني
روميو .. الساعة كم هسي ؟؟!!! قومو إلى صلاتكم غفر الله لكم
Post: #90 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:18 AM Parent: #1
أسكت ساي يا كيكي ..
Quote: طبعابتكون شفت حت النبق علي اصولو
أنا كنت قايل شباب الديم ديل أكبر صعاليق حفلات في دول سيكافا ..
لكن لمن مشيت مدني دي وشفت الجلكسة أمنت بي الله واحد ...
شكلي حا أنط هناك كل فترة وكدة
Post: #92 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:26 AM Parent: #1
روميو ..
Quote: يردّدن وراءه ، حتى صار يقول : طُبع ، فيقلن : طُبع ، فيقول : في الرياض !! ، فيقلن : في الرياض ، فيقول : في مطبعة ، فيقلن : في مطبعة .....إلخ .!!
دي زي واحد فلاتي جا حلتنا وفتح ليهو دكان وكل يوم يطلع المصلاية وعامل فيها شيخ قاعد يقرا من المصحف وبرضو ما بيفهم بس بيقرا لحدي ما وصل الفهرس وقعد يقرأ بالتجويد كمان : سورة الفاتهة ، سورة البقرة ، سورة أل إمران .... إلخ
غايتو لو ما سبتناهو قبلو كان قبل على لافتات المحلات الجمبو وقراهن كلهن .. وما بعيد بعد داك يقبل يقرانا نحن (نسأل الله السلامة) !!
Post: #93 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 00:27 AM Parent: #1
!!!
Quote: جاء لقاهم عاملين كده
وتاني يوم الصباح يجو الشغل عاملين كدة :
وبرضو نسأل الله السلامة !!
Post: #94 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-19-2007, 00:53 AM Parent: #93
Post: #95 Title: Re: ماذا نقرأ لك الربع القادم؟ Author: نادية عثمان Date: 12-19-2007, 02:49 PM Parent: #94
ناذر
Quote: والله ما في شي كرهتي في الدنيا غير البرنامج دا يوم الوقفة ..
الخميرة اخبارها شنو مع الشية الليلة وهل النيمة لسة معلق فيها سلك الويرلس
Post: #96 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 07:10 PM Parent: #95
ندوية العسل
أنا ما عارفة أبدا من وين ، أولاً كل سنة وإنتي طيبة ومشتاقين بالجد والله نفسي أقابلك تاني مما شفتك في حفلة ود الامين في الأوبرا .
والله أنا كل يوم بقرا كلامك عني ونفسي من فترة طويلة أرد عليكي لكن ناذر ما مديني chance معاهو .
بصراحة انا بالجد بديت اصدق الكلام دا لكن البوري ناذر شنو؟؟ على العموم انا بالجد اتكيفت منك شديد ومن كلامك الزي العسل دا يا عسل,,تسلمي ياخي على كلماتك الرقيقة دي .. وانا شاء الله نتلاقى في ساعة خير لكي خالص مودتي وتقديري لميس
Post: #97 Title: Re: ماذا نقرأ لك الربع القادم؟ Author: نادية عثمان Date: 12-19-2007, 07:34 PM Parent: #96
Quote: ندوية العسل
أنا ما عارفة أبدا من وين ، أولاً كل سنة وإنتي طيبة ومشتاقين بالجد والله نفسي أقابلك تاني مما شفتك في حفلة ود الامين في الأوبرا .
والله أنا كل يوم بقرا كلامك عني ونفسي من فترة طويلة أرد عليكي لكن ناذر ما مديني chance معاهو .
بصراحة انا بالجد بديت اصدق الكلام دا لكن البوري ناذر شنو؟؟ على العموم انا بالجد اتكيفت منك شديد ومن كلامك الزي العسل دا يا عسل,,تسلمي ياخي على كلماتك الرقيقة دي .. وانا شاء الله نتلاقى في ساعة خير لكي خالص مودتي وتقديري لميس
ليموووووووووووو العسللى بذات نفسها عندنا ؟ يالف تلتمائة مرحبا والله يادوب كده الليلة عيدنا ياحبيبة
والله سعيدة بى طلتك دى بطريقة ماتصصوريها ياغالية
ياخ هو ناذر ليه مادايرك تشتركى معانا ؟ ماهنا فى رجال كتاااار بى زوجاتهم صلاة النبى وعينى باردة ؟!!
هو بكون خايف عليك من الحسد وبصراحة معاه حق انتى تعالى اشتركى معانا لكن ماتختى صورتك لانو احتمال كبير سجيمان يألف فيك قصيدة غزل عصماء وناذر ده جعلى دمو حار يقوم يرتكب فى سجيمان جريمة قتل عامدا مستعمدا والدنيا عيد والشرطة ضاربة الشربوت ونائمة فى بيوتها وبكرى زاتو معاهم عليك الله ياناذر ياتخلى ليمو دى تشترك معانا ياتزح وتديها اللابتوب وتسلمها الباس ويرد بتاعك خليك جدع بقى .. ماينفعش تحرمنا من البت العسل دى كده ياباشا ولا ايييييييييه ؟!!
Post: #98 Title: Re: ماذا نقرأ لك الربع القادم؟ Author: محمد البشرى الخضر Date: 12-19-2007, 07:44 PM Parent: #1
العيد مبارك عليكم جميعا الناس الساهرت دي قطع شك جلت الصلاة الليلة ---------------------------------------- اللمينز يا عمك وقت البوست دا مداخلاته فاتن المية
كان تسوي الصفحات إتنين قلنا ليك دفن الليل اب كراعا برة بـ(لعوزك) ساكت
Post: #99 Title: أتمني في الربع القادم Author: محمد البشرى الخضر Date: 12-19-2007, 08:08 PM Parent: #1
اتمنى في الربع القادم أن أقرأ لجميع الاقلام - الكيبوردات - الغائبة واخص الإخوة الأحباب ياسر طيفور و لؤي شمت و محمد عمر الفكي و الشاعر المعلم إبراهيم فضل الله و دكتورة هبة عبدالله كما اتمنى ان تختفي الأسباب اللتي حملت العزيزة بيان على التوقف وان تتوقف حكاية رمي الناس بالباطل و الإتهامات المجانية وأن نشاهد ما نكتبه قبل نشره وان نحترم الرأي الأخر المخالف لرأينا وأتمنى أن تختفي ظاهرة ردم الصفحة الأولى ببوستات على شاكلة * , أب , فوووق وأتمنى ان لا نلجا للشتم و ذكر الخصوصيات و الأمور الشخصية مهما اختلفنا كما اتمنى ان تختفي - او تقل - العناوين المبهرجة و المثيرة اللتي لا تناسب المحتوى وأيضا اتمنى ألا أقرا في الربع الجديد بوستات على شاكلة أتوقف و أستقيل ووداعا وإن كان لا محالة فعلى الاقل يلتزم اصحابها بما يدعون واتمنى ان يعود المسنجر وان تقل الحذلقة و اللغة المتعالية المتفلهمة وان يختفي تثاقف المثقفاتية وتنطع المتنطعاتية و تقعر المتقعراتية و بري البرايين وقد القدادين و زعط الزعاطين وشو الشواتة و انا الأنانة واخيرا وليس آخرا أتمنى ان تنال سوركتي العضوية بالجد المرة دي (فقط لأجل خاطر ملاسي و عمران)
هذا ما كان من امري فماذا عنكم؟
Post: #100 Title: Re: أتمني في الربع القادم Author: الأمين عثمان صديق محمد Date: 12-19-2007, 08:49 PM Parent: #99
Quote: العيد مبارك عليكم جميعا الناس الساهرت دي قطع شك جلت الصلاة الليلة
وانت بالف خير اما الصلاة الحمد لله صليناها
Quote: اللمينز يا عمك وقت البوست دا مداخلاته فاتن المية كان تسوي الصفحات إتنين
ان تامر يا جميل كدا كيف معاك كفاية وللا ازيدهم
مالك عايز تجهجهنا معاك نقوم ننجر تقوم تعدل
Post: #101 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-19-2007, 09:23 PM Parent: #1
دي قوية دي تحب افصلك
تم التعديل لوزن البوست
Post: #102 Title: Re: ماذا نقرأ لك الربع القادم؟ Author: محمد البشرى الخضر Date: 12-19-2007, 09:52 PM Parent: #101
فعلا قوية يلا شوف لينا موضوع عضوية سوركتي
Post: #103 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-19-2007, 10:14 PM Parent: #102
Quote: يلا شوف لينا موضوع عضوية سوركتي
انت كمان ما تبالغ قول لي افصلك افصل نوبي اغطس حجر بوستات ابو النيذ شن قدرني على سوركتي دي قبل ما تجي خلت المنبر يمشي كدي و كدي
Post: #104 Title: Re: ماذا نقرأ لك الربع القادم؟ Author: ناذر محمد الخليفة Date: 12-19-2007, 11:37 PM Parent: #1
نادية ..
بقيتو تسرقو الباصويرد مني وتستعملوهو في مكالمات دولية ولا شنو ؟!!!
Post: #105 Title: Re: ماذا نقرأ لك الربع القادم؟ Author: نادية عثمان Date: 12-19-2007, 11:50 PM Parent: #104
ناذر
Quote: بقيتو تسرقو الباصويرد مني وتستعملوهو في مكالمات دولية ولا شنو ؟!!!
عاين
انت زول صاحب حظوة عند بكرى وعندك كمان مكتبة فى المنبر ده يعنى زول واصل شديد يبقى ممكن عااااااادى فى لمح البصر تجيب باس ويرد لليمو اخيتى الرقيقة دى ياكمان وحاتك كل يوم تجى تلقى باس ويردك ناقص حتة والفواتير الدولية ماتديك الراحة قلت شنو وقد (جنزر من بنزر) انت حر
Post: #106 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-19-2007, 11:58 PM Parent: #105
Post: #107 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-20-2007, 00:25 AM Parent: #106
ابو النيذ مشيت وين بتاكل في المكرونة ود البشرى باين عليه الليلة تقل في الشربوت هيي انا ماشي وقبل ما امشي اهديكم اللقطة دي
لقطة البوست
Post: #108 Title: Re: ماذا نقرأ لك الربع القادم؟ Author: ناذر محمد الخليفة Date: 12-20-2007, 09:11 AM Parent: #1
نادية ...
Quote: قلت شنو وقد (جنزر من بنزر) انت حر
قلت أمري لله .. فليرحمنا الله جميعا ..
Post: #112 Title: Re: ماذا نقرأ لك الربع القادم؟ Author: نادية عثمان Date: 12-20-2007, 11:03 AM Parent: #108
ناذر
Quote: قلت أمري لله .. فليرحمنا الله جميعا
وتيب
اها ورسلت لبكرى ولا لسة ؟
عالم ماتجيش الا بسرقة الباس ويردات بتاعتها
Post: #109 Title: Re: ماذا نقرأ لك الربع القادم؟ Author: ناذر محمد الخليفة Date: 12-20-2007, 09:15 AM Parent: #1
الأمينز ..
تعرف يا مان ..
أي زول يعاين للثورة دي :
طوالي حا يعرفا مزورة قول لي كيف ؟!!
معقول ياخي إسمي في العنوان وكمان (مأجر باصويرده) والقراء 520 وكمان الردود أقل ؟!! أمال الناس الدايرين يفصلوني من المنبر وما لاقين فرقة لو ما دخلو وساطو وجاطو في البوست بتاع العنوان المصيبة دا ، حا يتجغمزوا وين تاني ؟!!
صنفرة :
103 يفترض الصفحة تقلب ولا ما كدي ؟
Post: #110 Title: Re: ماذا نقرأ لك الربع القادم؟ Author: عبدالكريم الامين احمد Date: 12-20-2007, 09:26 AM Parent: #109
Quote: 103 يفترض الصفحة تقلب ولا ما كدي ؟
انا معجب جدا بطلعات الامين الجوية دي ومتابعها بمتعة.. ولكن قلت في سري يوم الزول حيعمل ليهو وردة زي دي وبتقبض بالثابتة ... يا ناذر الزول ده(الفوركاست بتاعو عالي شديد) في اشاعة انو بكري في الدورة الجايةحيعمل الصفحة (105) مداخلة..
Post: #114 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-20-2007, 02:28 PM Parent: #110
كيكي يا جميل والله انا مقصر معاك
Quote: يا ناذر الزول ده(الفوركاست بتاعو عالي شديد)
بالله كلم الزول ودا وريهو الفوركاست بتاعنا كيف
Quote: ولكن قلت في سري يوم الزول حيعمل ليهو وردة
اصبر لي المرة الجاية اعمل لي بوستاتي وردة صاج فوقها وردة يايي بي مسمار اربعة لينيا واربط بي مفتاح استندر وبعد دا اجيب قطرة واقرط للاخر يا اتحلج يا اتقطم يا ربط بي دربكين تاني ما يطلع
Quote: انا معجب جدا بطلعات الامين الجوية دي ومتابعها بمتعة..
طالما انت معجب بالطلعات الجوية 00 انا بجيك بالقطرية يوم 30 فبراير الجاي ومعاي شنطة المفاتيح وياهو دا بوست الترحيب بتاعي
اسمع دا بوستين خالطهم في بوست واحد عشانك انت بس يا راجل يا لذيذ يا سكلانس
Post: #113 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-20-2007, 02:21 PM Parent: #109
Quote: 103 يفترض الصفحة تقلب ولا ما كدي ؟
يا ابو النيذ انا لو داير اسويهم 1300 صفحة لي مداخلة واحدة اقدر ولو داير اسويهم 13000 مداخلة في صفحة واحدة اقدر بس انت زي ما عارف انحنا بوستاتنا بطنها كبيرة شوية وانحنا دايما بنحب نشتغل في الغريق
Post: #111 Title: Re: ماذا نقرأ لك الربع القادم؟ Author: طلحة عبدالله Date: 12-20-2007, 10:04 AM Parent: #1
المسكين بنبل شديد عبدو
Quote: لا انت يااخوي تقول طلحة الجاء يلملم عدة الهلال ففقام لملم عدتو وعدة المريخ معاها
طلحة كل سنة وانت يابخير يامريخابي يا جميل
قلنا ليكم اتنين واحد الفرحتوا بيها في أمدرمان دي ما بتوكلكم عيش في سوسة وقد كان .. ما اكلتوا حتى قنقليز .. تقول لي ما لملمنا عدتنا ...؟ دا انتو لميتوها بى ترابا يا خوي ..
يا عبدالكريم البديع كل سنة وانت بخيرين وزيادة .. ربنا يحقق كل أمنياتك ويزيدك من خيرو كمان كمان .. كن دائما بعافية .
Post: #115 Title: Re: ماذا نقرأ لك الربع القادم؟ Author: ناذر محمد الخليفة Date: 12-20-2007, 04:53 PM Parent: #1
!!!
Quote: يا ناذر الزول ده(الفوركاست بتاعو عالي شديد)
واخد بالك من كيكي يا عم اللمينز
Post: #116 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-20-2007, 08:28 PM Parent: #115
Quote: واخد بالك من كيكي يا عم اللمينز
كيكي دا زمان بي هنا Re: اقتراح لدخول بعض الأعضاء للمنبر العام عزمني جاكسون في الدوحة وانا من اليوم داك ما لقيت طريقة امشي ليهو ما مقصر فيهو بالله اها هسه مادام الله رفع القدم ياني الشربتا الجاكسون
Quote: يا ناذر الزول ده(الفوركاست بتاعو عالي شديد)
انت يا ابو النيز مشكك في الفوركاست بتاعي ولا شنو الفوركاتس قراب في لبنان التكلة مني دي
ـــــــــــــــــــــــــ فوركاست = تنبؤ فوركاتس = فرقة غنائية لبنانية شفت كيف الفرق بينهم في ترتيب حرفي السين والتاء اوعا تدقس تقوم تقراهم بسرعة تفتكرهم كلمة واحدة دا شرك
عدل لتصحيح حرف عدل لجلب اللنك
Post: #117 Title: Re: ماذا نقرأ لك الربع القادم؟ Author: عبدالكريم الامين احمد Date: 12-20-2007, 08:52 PM Parent: #116
هلا يا الامين وحبابك في الدوحة ويا حليل زمن الجاكسون وانا ياخي من الفترة ديك كل مرة بقول الامين ده ممكن يمر علي دوحة العرب ونشوف الفحص الفني علي جاكسون.. وبعدين ناذر ده زول بقي بتاع (اوديو) ساكت وكورتو فكت ما تسمع كلامو ياااخي.. كل الود وكل سنة وانت جميل يا الامين
Post: #118 Title: Re: ماذا نقرأ لك الربع القادم؟ Author: ناذر محمد الخليفة Date: 12-20-2007, 09:24 PM Parent: #1
اللمينز ...
Quote: اوعا تدقس تقوم تقراهم بسرعة تفتكرهم كلمة واحدة دا شرك
غايتو لخبطت لي راسي بي فوكاستاتك وفوركاتساتك دي !! إنت الكلام دا لو بتكتبو قبل الساعة تسعة بالليل بيحصل شنو
Post: #119 Title: Re: ماذا نقرأ لك الربع القادم؟ Author: ناذر محمد الخليفة Date: 12-20-2007, 09:26 PM Parent: #1
كيكي ...
Quote: وبعدين ناذر ده زول بقي بتاع (اوديو) ساكت وكورتو فكت
إنت أوديو دي مرادفة لي كلمة (أدبي) الكنا قاعدين نستعملا زمان كـ نقيض للزول العلمي !!
عليك الله يا كيكي بطل تدقيساتك دي براك شايف حالتي صعبة كيف مع الأمينز
Post: #121 Title: Re: ماذا نقرأ لك الربع القادم؟ Author: عبدالكريم الامين احمد Date: 12-20-2007, 10:28 PM Parent: #119
Quote: إنت أوديو دي مرادفة لي كلمة (أدبي) الكنا قاعدين نستعملا زمان كـ نقيض للزول العلمي !!
ديك (دي في دي) يا ناذر بالله يا ناذر انا زول مسكين ماتعمل مشاكل ياااخي
Post: #120 Title: وأتمنى أيضا Author: محمد البشرى الخضر Date: 12-20-2007, 10:24 PM Parent: #1
كماأتـمنى أيضا: - ان تختفي حكاية الونسة في بوستات الناس
وكدا
Post: #122 Title: Re: وأتمنى أيضا Author: عبدالكريم الامين احمد Date: 12-20-2007, 10:31 PM Parent: #120
Quote: - ان تختفي حكاية الونسة في بوستات الناس
ود البشري معليش يااخي لكن ناذر ده قاعد يعمل لي فاولات علي الطائر كده (شفت ليك فاول علي الطائر ياعمك)
Post: #123 Title: Re: وأتمنى أيضا Author: الأمين عثمان صديق محمد Date: 12-20-2007, 10:49 PM Parent: #122
Quote: كماأتـمنى أيضا: - ان تختفي حكاية الونسة في بوستات الناس وكدا
ود البشرى يا دوب الشربوت فكه انت من الاول ما قلت البوست ونسة فك دبرسة هسه وقت غيرت رايك عندي باقي ونسة اتمها مع كيكي وابو النيذ وامرق ليك من بوستك الفطير دا
Quote: إنت أوديو دي مرادفة لي كلمة (أدبي) الكنا قاعدين نستعملا زمان كـ نقيض للزول العلمي !!
انت يا ابو النيذ فكت منك بالجد ولا شنو اوديو صوت ، ميكرفون ، ساوند ، راديو ، حجار بطارية مسجل زي مسجل العربية دا ياخ
كيكي ابو النيذ دا ما فكت منو بس انت عارف اللعيبة الكبار بتمر بيهم حالات كدا زي حالة عمر بخيت
دي كيف معاك يا ود البشرى
Post: #124 Title: Re: ماذا نقرأ لك الربع القادم؟ Author: محمد البشرى الخضر Date: 12-20-2007, 11:06 PM Parent: #1
شباب ما تتحسسوا حبينا نعكنن عليكم شوية
وكدا
Post: #126 Title: Re: ماذا نقرأ لك الربع القادم؟ Author: الأمين عثمان صديق محمد Date: 12-21-2007, 00:00 AM Parent: #124
Quote: شباب ما تتحسسوا حبينا نعكنن عليكم شوية
مافي تحسس ولا حاجة السيرفر سيرفر بكري وكلنا ضيوف عند بكري لا فرق ما بين ما في الشارقة ولا ما بين ما في الشبارقة الوقت اتخار بس باين الشباب مشوا وانا بي وراهم
Quote: وكدا
بعدين شنو وكدا البقيت تستعملها كتير كدا ود البشرى ما قاعد يستعمل المفردة دي كتير كدا انت ود البشرى وللا واحد هكر كدا كانت انت ود البشرى خت نقطة كدا كان ما ود البشرى خت نقطتين كدا بعرفك طوالي كدا
تصبح على خير وكدا
Post: #127 Title: Re: ماذا نقرأ لك الربع القادم؟ Author: محمد البشرى الخضر Date: 12-21-2007, 00:09 AM Parent: #126
.
وهكذا
Post: #125 Title: Re: ماذا نقرأ لك الربع القادم؟ Author: محمد البشرى الخضر Date: 12-20-2007, 11:57 PM Parent: #1
