Post: #1
Title: البحث بتاع بكري دا مؤلم جدا
Author: Mohd Ibrahim
Date: 12-16-2007, 11:25 AM
عشان الواحد يفتش ليهو بوست سابق ..بعد تلقاهو برضة ماتقدر تعرفو
موجود في ياتو صفحة ..مفروض يكون في اوبشن تكبس عليهو يرجعك للموضوع
الرئيسي ..ولا ما كدة ياناس الاختساس..
|
Post: #2
Title: Re: البحث بتاع بكري دا مؤلم جدا
Author: Mohd Ibrahim
Date: 12-16-2007, 12:58 PM
Parent: #1
يااخوانا مافي زول جاوبني ..البحث دا اشتر وانا الكويس
والله البحث كويس وانا الاشتر ...
|
Post: #3
Title: Re: البحث بتاع بكري دا مؤلم جدا
Author: الطاهر عثمان
Date: 12-16-2007, 01:11 PM
Parent: #1
الحبيب والله البحث اشتر وانته الكويس
اول حاجه ما بيديك المواضيع الانته كاتبها
يجيب ليك اي حاجه: حته كان جيت قلته سلام لزول يجيبه ليك
ولمه يجيبه بيديك مشاركتك ولو عايز تشوف الموضوع لازم تمشي تضغط فلات فيو
بالانجليزي كده flat view
اما لو عايز تشوف كم نفر قروا الموضوع الا تكتب مشاركة ويطلع الموضوع في الصفحة الاولى حتي تعرف المعلومة دي
ولو عايز تعرفه في الصفحة كم اثناء بحثك عنه دي الاستحالة نفسها
لك التحية وبعد فترة حتلقى نفسك اعتدت عليه وتتقبل الوضع وخلاص
اما انك تعمل اقتراحات وطلبات ويسمعوها ليك فده عاشر الاستحالات
|
Post: #4
Title: Re: البحث بتاع بكري دا مؤلم جدا
Author: Mohd Ibrahim
Date: 12-16-2007, 01:24 PM
Parent: #3
شكرا
والله طمنتي علي روحي ...مع انو الشغلانة دي باقي لي ماصعبة
بكري دا لو ادي فجة في بورديو دا للجاهبز المعانا ديل كانو جضموه ..
علا باقي لي بكري دا مادير الشغله دي تفك منو ..البورد بحتاج تجديد
بالحيل بالحيل بالحيل ...
|
Post: #5
Title: Re: البحث بتاع بكري دا مؤلم جدا
Author: الطاهر عثمان
Date: 12-16-2007, 01:47 PM
Parent: #1
آ زول الجهابز ديل زاتهم ماهم البيجي منهم الهواء
اخيرلو ما يفرط  ورمضان كريم
|
Post: #6
Title: Re: البحث بتاع بكري دا مؤلم جدا
Author: AnwarKing
Date: 12-16-2007, 01:53 PM
Parent: #1
هو فعلاً البحث بتاع بكري...
لأنو أي منتدى مهتم بالتوثيق - كما يقول بكري على هذا البورد - يعلم ان البحث مهم تماماً كما التوثيق...لذلك يمكنك البحث في بورد بكري عبر البحث بتاع قوقل...
ياخي لو عاوز احصائية عن مشاركة المرأة السودانية في الكتابة في المنتديات...لازم تعتمد على ذاكرتك حينما تضع سودانيز أون لاين في الحسبان....أو تعمل ليك فزع تطلب المساعدة!
عليه:
1- أكتب أسم الموضوع ، أو أي فقرة في الموضوع وأضيف ليهو أسم الكاتب...بجيك بسرعة أكبر زي 10 مرات في قوقل من البحث في البورد هنا...
2- إستخدم متصفح الانترنت أوبرا http://www.opera.com/download/ فهو أسرع بكتير من انترنت اكسبلورر
والسلام
أنور
|
Post: #7
Title: Re: البحث بتاع بكري دا مؤلم جدا
Author: Mohd Ibrahim
Date: 12-16-2007, 02:49 PM
Parent: #6
ياانور شكرا ..كلك ذوق ..ونرجو انو بكري يشوف الاميل ويشتفيد من الاراء
والاقتراحات المطروحة لحل المشكلة
|
Post: #8
Title: Re: البحث بتاع بكري دا مؤلم جدا
Author: الزوول
Date: 12-17-2007, 05:40 PM
Parent: #1
السلام عليكم
الأخ محمد إبراهيم
مرحب بيك في المنبر
المشكلة في المنبر ده انو الناس وبسبب كثرة عدد الأعضاء
والصعوبات التي يحسها الأعضاء الجدد في سبيل التسجيل
إضافة لنوعية الإدارة المركزية بيد الأخ بكري ، والتي تجعل من الصعوبة الوصول إليه والتفاهم معه مع كثرة مشغولياته واستحالة متابعته للمنبر
تجعل الأعضاء
لا يحسون برغبة كبيرة في التغيير
وكأنه ليس بالإمكان خير مما كان
ويقبلون بالمنبر كما هو
بل ويعودون أنفسهم على سلبياته ويتعايشون معها وكأنها قدر منزل
.......
بخصوص البحث وصعوبته
وبالرغم من تعايشنا مع صعوبته
ففي بعض الأحيان
يصبح الموضوع شبة مستحيل حينما تبحث عن بعض الأسماء الصعبة أو التي يكتبها أصحابها بطريقة غير صحيحة
وأقرب مثال لذلك هو اسم بكري أبو بكري نفسه
فمحرك البحث حرف أ يختلف عن حرف ا ( الهمزة والألف)
وحرف ي يختلف عن حرف ى ( الياء والألف المقصورة)
فإذا بحثت عن بكري ابوبكر وأخطأت في الياء أو الألف المقصورة والهمزة ...الخ)
فلن تخرج بأي نتيجة
شيء آخر
موضوع الأرشيف
فكذلك يتطلب البحث أن تكون ملماً بتأريخ الموضوع فتختار الأرشيف المطلوب
وإلا فلن تخرج بأي نتيجة
.................
كثيرة هي اقتراحاتنا
ولكن كما قلت
فليس لبكري وقت كاف لمتابعتها
شكراً لإثارة الموضوع
.............................
وما الناس إلا هالك وأبن هالك *** وذو نسب في الهالكين عريق
|
Post: #9
Title: Re: البحث بتاع بكري دا مؤلم جدا
Author: نيازي مصطفى
Date: 12-17-2007, 09:40 PM
Parent: #8
هناك خدمة في قوقل تسمح لاصحاب المواقع ان يضيفوا قوقل لمواقعهم وهي تقريبا قريبة من
خدمة قوقل ديسك توب التي تسهل عملية البحث في جهاز الكمبيوتر .. اتمنى ان يضيفها
الباشمهندس بكري
لك التحية اخي .
|
|