Post: #1
Title: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 08:18 AM
Parent: #0
يا إما الواحد يعمل فيها روحو رياضية وهو في الحقيقة روحو طالعة عديــــــــــــل!!
يا إما الواحد يجي يهضرب بااااااااااااااع وميع وحاا وش وهو في الحقيقة مهري هري!!
يا إما يقول ليك والله لعبنا لكن إنتو محظوظين هههههههههههههههههه دي اقدم مكنة!!
يا إما يدعى البرود وهو في الحقيقة مهرود!!
ريكاردو فعلاً شغال تسميع وما عندو بديل ودي حقيقة كبيرة لا بينفع معاها غلاط ولا محللين عبطاء يجوا ينظروا قبال المباريات!!
قبل المباراة شغالين نظريات شديدة...المريخ سيعاني من البدلاء في حين ان الهلال له البديل الجاهز...تخيلو بديل الهلال طلع منو ((مرق ومعتز كبير)) وريكاردو متعود يبدأ بمهند ويبدلو بمساوي بدأ بمهند طلع الكيس خاوي!!
بديل معز ابكرشة الشريف!!
شوية كدا كان حايلعب المترجم!!
معليش متعوداااااااااااااااا
دايماً
وبالمناسبة وين الشباب
أجمل منظر شفتو مرة في شارع الاربعين قاعدة جنب اباب واولادها حولها وهي تدعي النواح والسكلي ((ووووووووووووووووو وووب ووووب )) صغير وجاهل ما كان كويس قبل اسبوع وووووووب ووووب ما قالو شديـــد الضبحو منو.
وجيناكم يا حبايبنا!!
حال خيل اصيلة!!
|
Post: #2
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 08:27 AM
تسقط الاضحية عن المريخاب هذا العام فقد ضحى عنهم إيداهور بكبش سميـــــــــــــــــــــــــــن!!
أملح = بتاع ملح!!
أقرن = فريق القرن
كل سنة وانتو طيبين!
|
Post: #3
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 08:34 AM
وازرق كمان!!
وعندو شهادة من الفريدو!!
اهاا قصرنا معاكم!!
|
Post: #4
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 08:46 AM
وعندو كمان صورة اها رايكم شنو؟؟
نجيب الصورة؟؟
كويس
سنعود بعد قليــــــــــل!!
|
Post: #5
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 08:47 AM
Parent: #4
عدنااااااااااااااااااا
بالمناسبة هذا البوست برعاية إيداهور
|
Post: #6
Title: Re: حال الهلالاب بعد كل هزيمة!!
Author: abuguta
Date: 12-16-2007, 08:56 AM
Parent: #4
سامى
زول جاك يحللك مافى
اخير امبارك لاخوى الانتصار
قلت لى كيف.....
اسى ياسامى,,,لو الهلال كا غالب دحين بشوفك بقرب
لو جيتك فى الثورة بتضارى منى
ويت عمر الفاروق...
|
Post: #7
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 08:56 AM
سألنا ابو كرشة الشريف يا زول رقدتا مالك في زاوية والشوتة في زاوية قال كنت قايل البلنتيات بدت!!
ليك حق في حارس يصدق يلقى مهاجم معاه راس لراس في خط تمطاشر!!
|
Post: #8
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 09:03 AM
أخر الاخبر قالو مهند سألوه يا زول علاء طيارة شخبط علاء ركب دردقو إنت مالك براااك وقعتا!!
قال إذا زميلك دردقو أخدلك درديقة ووقعة!!
كما وعد ريكاردو بتدريب اللاعبين على اسلوب الدردقة الجديد..
|
Post: #9
Title: Re: حال الهلالاب بعد كل هزيمة!!
Author: على محمد على بشير
Date: 12-16-2007, 09:08 AM
Parent: #8
Quote: يا إما الواحد يعمل فيها روحو رياضية وهو في الحقيقة روحو طالعة عديــــــــــــل!!
|
قويه دى لكن
|
Post: #10
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 09:09 AM
الله يجازيك يا نيازي كان جبت لي الكلام في صمة خشمي!!
هي هي هي
قلت لي من ذبح المريخ وسحب البوست!!
افتح فيك بلاغ زي بتاع عمر بخيت في مزمل يا ود البشرى!!!
|
Post: #15
Title: Re: حال الهلالاب بعد كل هزيمة!!
Author: محمد البشرى الخضر
Date: 12-16-2007, 09:38 AM
Parent: #10
| Quote: افتح فيك بلاغ زي بتاع عمر بخيت في مزمل يا ود البشرى!!! |
ما بيناتنا
لكن مزمل ممكن يتخارج يقول انا ما جبت إسم و قاصد إيداهور
أها إنت بتنكر إنك كتبته و سحبته
وما السيرة جات
عليك الله سحبتوا مالك يا عمك
يكون الضباح طلع معرفة ولا حاجة
|
Post: #11
Title: Re: حال الهلالاب بعد كل هزيمة!!
Author: mekki
Date: 12-16-2007, 09:13 AM
يا سامى ده النظام الاشتراكى...
يعنى لو فى واحد غنى وتخمان وعندو (خمسه) مليارات النظام الاشتراكى بى يفرض عليهو تقسيم قروشوا على (الفقراء)...و(المساكين)...و(ابناء) (السبيل)....!
تقسيم القروش بى يتم فى شكل (هدايا)...يعنى ليس بالغصب...
وفى اموالنا حق للسائل والمحروم...!
وبعدين يا سامى يا خوى إنتو ناس جيرانا وحبايبنا...وده كلام بى يعرفوا الجعلى عمر بخيت عشان كده أهدى ليكم شوية لحمة (ضنب)...
على العموم مبروك عليكم الكاس
ومعليش على القسمه (الضيزى)....
الإمضاء:واحد هلالابى عندو أصحاب مريخاب كتار
|
Post: #12
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 09:17 AM
أها مكي دا مثال حي على كلامي!!
بيتذكر اصحابو في المناسبات دي
ينطبق عليه الوصف الاول((روحو طالعة))
بجيك اكفر ليك في البيت
قلت لي ملياردير رصيدو صفر!!
خلاص كبرتي وليك((تمنتاااااشر سنة)) عصية هي شباك المريخ على فريق النادي المتصدع
|
Post: #13
Title: Re: حال الهلالاب بعد كل هزيمة!!
Author: حمزاوي
Date: 12-16-2007, 09:23 AM
سامي اخوي
مسكاقمي
يروى والعهدة على الراوي بعدما ايداهور دخل المسمار وهتاف المريخاب وصياحههم واحد هلالابي ما قدر يستحمل قام طلع من الملعب لاقاه واحد جنب مواقف الاستاد سأله الصياح دا في شنو ( الظاهر الزول كان شايقي ) رد عليه قال الكلاب بيكوركو عشان ايداهور جاب هدف وقام سأله الكلاب دوول يي منو قام قال ليه المريخاب الزول بس وقف ومد رقبتو وبدأ يهوهو فيه هوهوهو صاحبنا قام رقد صوف قال جوا وبرا
|
Post: #14
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 09:28 AM
حمزاوي سلامات الناس ديل نحن محضرين فيهم عديـــــــــــــــل!!
|
Post: #16
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 09:44 AM
| Quote: يكون الضباح طلع معرفة ولا حاجة |
اها محمد البشري دا من الذين ينطبق عليهم الوصف التاني!!
ناس بااااع
|
Post: #17
Title: Re
Author: waw
Date: 12-16-2007, 11:00 AM
Parent: #16
: حال الهلالاب بعد كل هزيمة!!
|
Post: #18
Title: Re: حال الهلالاب بعد كل هزيمة!!
Author: hajhamad
Date: 12-16-2007, 11:03 AM
Parent: #16
مبرووووووووووووك مريخنا فوووووووووووووق
قلت لي الواحد عامل روحو رياضية و هو روحو طالعة زاتووووووو
|
Post: #19
Title: Re: حال الهلالاب بعد كل هزيمة!!
Author: نادر محمد الراضي
Date: 12-16-2007, 11:16 AM
Parent: #18
والله يا سامي وما طالبني حليفة
أي رشاشة لاقيتو قال لي نحنا
خفنا ما يكون لينا نديد وتحت
تحت كدا قالوا الوالي مظبطها
مع الأرباب .. الشغلة بقت Copy .. Paste
يا عمك .. البحفظهم منو الجماعة ديل؟!!
|
Post: #21
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 12:04 PM
Parent: #19
Quote: والله يا سامي وما طالبني حليفة
أي رشاشة لاقيتو قال لي نحنا
خفنا ما يكون لينا نديد وتحت
تحت كدا قالوا الوالي مظبطها
مع الأرباب .. الشغلة بقت Copy .. Paste
يا عمك .. البحفظهم منو الجماعة ديل؟!! |
الفئة التانية اجارك الله
|
Post: #20
Title: Re: حال الهلالاب بعد كل هزيمة!!
Author: شهاب الفاتح عثمان
Date: 12-16-2007, 11:24 AM
Quote: أجمل منظر شفتو مرة في شارع الاربعين قاعدة جنب اباب واولادها حول
ها وهي تدعي النواح والسكلي ((ووووووووووووووووو وووب ووووب )) صغير
وجاهل ما كان كويس قبل اسبوع وووووووب ووووب ما قالو شديـــد
الضبحو منو] |
ابـــداع
 
|
Post: #22
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-16-2007, 12:07 PM
يا دكتور برضو في استثناءات!!
واحد لابس شال الهلال مع الجلابية لافي بي اولادو لابسين احمر والاولاد مهججين من شبابيك العربية والشارع كله يغلغل في ابوهم((والله حننى)) قلت ليه إنت رشاشة الجابرك شنو تلف بيهم قال لي لو كان غلبنا ما كان تعبو اولاد الكلب يوم ليك ويوم عليك...
دا راجل رياضي بس نوعو نادر عشان كدا ما حاتلقاه في التصنيف اعلاه.
|
Post: #23
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-17-2007, 10:46 PM
وزي عمر الفاروق
الحقو الراجل العامل فيها رايح دا
|
Post: #24
Title: Re: حال الهلالاب بعد كل هزيمة!!
Author: سامى عبد الوهاب مكى
Date: 12-18-2007, 10:30 PM
وين الشباب الحلوين بتوع السناريوهات دول
الكتب تخيل لو المريخ غلب كان كتبو شنو
وين انتو يا شباب ههههههههههههههههه
ابو الهل دا لو فيه خير كنا عميانين منو نحن
باب التوبه فاتح صحيح حاتخضعو لاختبارات عنيفة لكن احتمال نقبلكم برضو وارد بنسبة تلاتة في المية هههههه
كدي وروني امتحانات زعيم الصحافة رئيس انجح صحيفة حليتوها
الزعيم سيد البلد العميد الرائد الملك المريخ طبعا
|
|