المريخ يؤكد أحقيته بلقب الوصــــيف .. ويفوز بكأس البطولة الثانية في ترتيب الاتحاد العام ..

مبروك لجميع ( المريخاب ) ..
المباراة ( جميلة ) واثبتت علو كعب ( المريخ ) في هذه البطولة ..
..
..
استوقفني بالامس حديث المهندس ( مجدي شمس الدين ) في برنامج ( عالم الرياضة ) ..
تحدث عن ( التمثيل الخارجي ) .. وتمنيات ( السودان ) بالمشاركة بفريقين في ( بطولة ابطال افريقيا ) ..
وان هذه ( التمنيات ) ذهبت ادراج الرياح .. وهناك ( 12 دولة ) أحق منا بهذا الامتياز ..
ولم يذكر المهندس ما هي الـ( 12 دولة ) الأحق منا في ذلك ؟
رغم أن ( الهلال ) خرج من ( دور الاربعة ) في دوري الابطال .. و( المريخ ) لعب ( النهائي ) في ( الكونفدرالية ) ..
فمن هي الـ( 12 دولة ) التي حققت هذا المستوى ..
دور الاربعة في ( بطولة الابطال ) كان فيه معنا ثلاث دول ( مصر - ليبيا - تونس ) ..
و( الكونفدرالية ) واقع الحال يقول ان النهائي يلعب مع ( فريق واحد ) وكان ايضا من ( تونس ) ..
يعني بحسب لائحة بطولات ( الاتحاد الافريقي ) .. يأتي ( السودان ) في المرتبة ( الثالثة )
بعد ( مصر - وتونس ) وقبل ( ليبيا ) حيث لم يصل فريقها للمباراة النهائية في ( الكونفدرالية ) ..
أهو ( حق ) آخر ضيعه علينا ( الاتحاد السوداني ) ..؟؟؟؟!
..
..
تحدث ايضا ان ( الاتحاد الافريقي ) يستقبل ( الترشيحات ) لبطولاته قبل تاريخ 30-11
وحيث ان ( البطولة الثانية ) لم تكتمل بعد قام برفع اسم ( الهلال بطل الدوري الممتاز ) و ( المريخ وصيف الدوري الممتاز ) ..
اعتمادا علي نتائج ( البطولة الاولى ) في تصنيف ( الاتحاد السوداني ) ..
وهو الأمر الذي كان سيعود إليه لو فاز ( الهلال ) بـ( البطولة الثانية ) ايضا ..
( في حالة الجمع بين بطولة الدوري الممتاز وكأس السودان - يتم الترشيح بناءا علي نتائج الدوري الممتاز ) ..
لكن الحمد لله .. تفوق ( المريخ ) ورفض ( مكرمة ) الاتحاد السوداني ..
..
..
جماهير ( استاد الخرطوم ) استمتعت امس بالعرض الكروي .. وسيطرة الفريقين في اجزاء من المباراة ..
اعتقد ان ( المباراة ) كانت ( مرضية ) لجماهير الطرفين ( الكل استمتع ) ..
واستطاع ( المريخ ) ان يخطفها عن طريق ( إيداهو ) بطريقة ( ما تدقس يا معلم ) ..!
..
..
نحمد الله كثيرا لخروج لاعبي الفريق بدون ( اصابات كبيرة ) لخطورة اللعب في ( استاد الخرطوم ) ..
خصوصا ان السودان أمام استحقاق ( غانا ) ولاعبي ( الهلال والمريخ ) هم ( الفريق القومي ) ..
قرار ( شداد ) بنقل المباراة الي ( استاد الخرطوم ) وعدم تعود اللاعبين علي ( النجيل الصناعي ) ..
كان يمكن ان ينتج عنه ( اصابة ) لأحد اللاعبين يدفع ثمنها ( السودان ) ..
وكل ذلك لإرضاء ( فلتة زمانه ) مسـتر ( شداد ) ..
..
..
اللهم لا تؤاخذنا بما فعل السفهاء منا..

حميده

ياخ حمد الله على سلامتك
تتصور كنت عاوز اقول لى معتصم دفع الله قبل شويه
يشد ليك سلك ويجى يطمنا عليك
غايتو الحمد لله الما جاك شلل اطفال

Quote: غايتو الحمد لله الما جاك شلل اطفال

علي بشير ..
ما غريبة انه ( لاعبي المريخ ) يبقوا ( حريفين ) كدا في ( اسبوع ) ..
قول الحمد لله انه ما خرج واحد من اللاعبين بـ( سيارة الاسعاف ) ..
..
..
مبروك يا عمك ( الوصافة ) .. محليا وخارجيا .. !

اخوي ودفعتي حميدة
مسكاقمي
اول مرة تكتب كلام جميل عيني باردة
الحاصل شنو يا اولاد
انت تكتب كلام جميل ذي دا والواد معتصم يكتب كلام رهيب بي هناك
شنو الحكاية
بتحبوا من ورانا ولا شنو
الظاهر عليك اتصلت في الكلاكلة وبعدين كتبت كلامك الحلو دا
أموووووووت أنا في اللفة
بس في ملاحظة
عنوان البوست شين ذي صاحبنا عمر الفاروق

Quote: الظاهر عليك اتصلت في الكلاكلة وبعدين كتبت كلامك الحلو دا

ناس الكلاكلة ( مريخاب ) ..

والله إيداهو ده خطييييييير
خلى الناس تتعلم .. وتتكلم بي عقلانية .. وهي مكسورة الجناح والطـّرفْ
تاج السر يبارك .. إيمان تبارك .. هشام المجمر يبارك .. وكمان حميده ؟؟
باقي عمر الفاااروق وأبوقوتة والسيد رقم صفر
.
.
أحب الأدب النيجيري أنا .. أحب المسمااار أبو نجمة وأموت مكرفس بين كانو ولاغوس
تاني تجو المولد ؟؟

الكاس كاس السودان

والمريخ سيده

اذن فالمريخ سيد البلد

Quote: خلى الناس تتعلم .. وتتكلم بي عقلانية .. وهي مكسورة الجناح والطـّرفْ

وكلام ( العقل ) برضو بيقول ان ( كأس السودان ) بطلها ( وصيف ) ..
وجميع ( الاستحقاقات ) الخارجية الأولوية فيها لـ( بطولة الدوري الممتاز ) ..
عشان كدا باركنا ليكم ( الوصافة ) ..
..
..
اتمني انكم تعرفوا ( الفرق ) بين ( فرح ) المريخاب .. و ( حزن ) الهلالاب ..!

بعد المسمااار .. نرجو الكشف الطبي على : علاء الدين جبريل
جرياً على عادة ( حميدة ) الجميلة والتي تقضي بحقن ( لنكاته ) في مواضيع إخوانه