أحتفال (خاص جداً) وللبوردابيات فقط...لبيان ودوما

يبدو أن التكتلات النسائية تتقدم نحو المنبر..فقد وصلت الأخبار أن مجموعة من البوردابيات قد أقمن اليوم حفل خاص جداً ومقتصر على البوردابيات فقط على شرف الأخوات بيان ودوما...ولم توجه الدعوى للبورداب من الرجال..ومن المعروف أن (بيان) (ودوما) تشرفان هذه الأيام أرض الوطن بغرض الوقوف على بداية تدشين مشروع وطنى طوعى خيرى يجرى الأعداد له بالتنسيق مع بعض العضوات فى الداخل ومن الملاحظ أن وصول بيان ودومالأرض البلاد قوبل بأحتفاء كبير من بورداب الداخل والفعاليات السياسية والثقافية والأجتماعية وقادة الطرق الصوفية دون أن تغيب عن الأجواء تلك الشعبية الضخمة التى تحظى بها بيان فى الخرطوم وهى تكاد تدخل بجدارة ضمن المقاييس الأنتخابية للشخصيات العامة والمهمة .... .. ومن مصدر موثوق عرفت أنه مع وصول طائرة الدكتوره نجاة محمود الشهيرة (ببيان) قامت أدارة مطار الخرطوم بفتح (صالة كبار الزوار) واستقبالها




أنتهى الخبر




المصدر (رويتر)

حاتم الياس سلامات
انت يا اخوي مسؤل من الخير غطست بتنا وين؟؟؟؟د.هاله؟؟؟؟
سلم لينا عليها.


بعدين ده شغل مميز جدا شفت النسوان ديل حكومة كيف؟؟؟







شغل نضيف يا بنات ويا اخوات.....
وبالله ما تنسوا قدوم الزعيمه رندا حاتم
رندا حاتم زعيمة العمل الطوعي بدولة قطر.

ولسه في مفاجأت كثيره قادمه لكم يا بختكم يا بورداب الداخل.

يا حاتم الياس لا عزاء للرجال.

Quote: حاتم الياس سلامات انت يا اخوي مسؤل من الخير غطست بتنا وين؟؟؟؟د.هاله؟؟؟؟ سلم لينا عليها.

الغالـــيه تراجى

يسأل منك الخير ... غطستنى الحياه و المشغوليات ... و لكننى متابعه كتاباتك و مواقفك الجسوره التى اعتز بها... رغم انف حاتم الياس ! فتختلف رؤيتنا للعالم و قضاياه ..

و بالله عليك يا تراجى ... ما تقصرى قدر ما تلقى ليكى فرصه فى حاتم و كل دعاة افكاره (النيره !) ... "اديه فى رأسه و ما تتلفتى "

مودتى الخالصه و تحياتى للأسرتك ... و كونى بخير و أمــــان

هالة الاحمدي ..

انتي حاتم دا كلمك قال ليك قبل يومين كان عازمنا غداء وقلنا ليه الفاتورة دي كتيرة عليك حلف الا يدفعها براه


في حكومة اكتر من كدة يادعاة الافكار النيرة ..

حاتم فقدناكم شديد ..

Quote: بعدين ده شغل مميز جدا شفت النسوان ديل حكومة كيف؟؟؟ شغل نضيف يا بنات ويا اخوات..... وبالله ما تنسوا قدوم الزعيمه رندا حاتم رندا حاتم زعيمة العمل الطوعي بدولة قطر. ولسه في مفاجأت كثيره قادمه لكم يا بختكم يا بورداب الداخل. D

شفتي كيف يا تراجي ..

جندر صحي صحي والله كان يوم في قمة الروعة ..

اهة لكن تحت تحت تعال نحكي ليك ..

امي قالت والله كان تعزموا زملائكم كان بطعموها ليكم !!..

ماما دوما قالت ليها نصيحة تخدرك يا حنانة ..

بس بالجد اخدنا راحتنا شديد

الاخ حاتم ............ سلام
اتصلت بك قبل رحلتي الاخيرة لمقابلتك ولكن تلفونك خذلني ...... المهم يبدو ان هذه الاحتفالات الخاصة صارت تقليد لبوردابيات الخرطوم ...... فقد احتفلن بالدكتورة اشراقة ابان زيارتها الاخيرة للخرطوم وانا قلت اقول ليك عشان تكون عارف

الأخ بهاء..حينما سمعت بخبر ماحدث لك اتصلت بالأخ (عمرو كمال) لمعرفة مكان أستشفائك..ووصلت مع الأخ (فرح) لمستشفى فضيل اٍلا أن عدم معرفة الناس مشكلة...كنت قلق عليك جداً وسعدت اكثر حينما تجاوزت الأزمة..وتدثرت بعافية اتمنى أن لاتنتقص ابداً بأى عارض من عوارض المرض...

اشكرك ..

الأخت تراجى مصطفى
الدكتوره هاله الأحمدى..

نرحب بكل (شابات السودان الجديد هنا وقوى الهامش )..ومرحب بيكن تب مافى كلام تانى.

بهاء بكري ..

كان ما ملاريتك دي كان عملنا ليك خيانة - لكن تقول شنو !!!!

الاخ حاتم الياس

كيفنك

كان الاحتفال باستضافة كريمة من الاخت انعام حيمورة التقينا فيه بالرائعات د.بيان و ماما دوما على انغام المبدعة اسرار بابكر

كان حضورا جميلا و متفاعلا من بوردابيات الخرطوم و كان اليوم ناجحا بكل ما تحمل الكلمة من معانى

استاذة تيسير النورانى - ملكة سبا و كل من التقيتهم للمرة الاولى سعيدة جدا بمعرفتكم

شكرا آل حيمورة على الاستضافة الكريمة

شكرا أسرار فقد كنتى قمة فى الابداع

بهاء بكرى- سلام

احتفال دكتورة اشراقة كان فى منزل العزيزة ريهان الريح و كان بنفس القدر من الروعة

الاخ حاتم الياس ...

شكرا ليك على فتح هذا البوست المفأجاة وانا حا استغله لنحكي فيه عن انطباعتنا عن الحفل الرائع ..

قررنا نحن بوردابيات الخرطوم الاحتفال بكل من ماما دوما ود. بيان .. واختير المكان (بيتنا) ..

اعددنا لستة الحضور الجندري .. وعزرا ثم عزرا لما سقط اسمه سهوا ..


وكان الحفل الرائع الذي احيته الاستاذة اسرار بابكر بحضور ..

الحبيبة ام الكل الاستاذة: ماما دوما .. واختها الحبيبة .. وبنت خالتها العسل

د. بيان .. وحبيبتها (أسوم)

الاستاذة : نجلاء الماحي

الاستاذة :نهلة عمر

الاستاذة :انعام عبد الحفيظ - وشرفتنا كتير جدا جدا - امها العزيزة - وكذلك اختها ..

الاستاذة : ريهان الريح الشاذلي

الاستاذة: تيسير النوراني

د. صفية محمد

الاستاذة : اشراقة حيمورة وبنتها العسل (سلمى)

الاستاذة : اسمهان هاشم

الاستاذة : ملكة سبا - واختها العزيزة

الاستاذة : والدة محمد البشرى الخضر

الاستاذة : امل محجوب

الاستاذة : تيسير سوار

الاستاذة : عواطف المنصوري

الاستاذة : سهام ابو عاقلة - وبنتها عزة السودان

الاستاذة : عفاف ابو عاقلة

د. هبة حسان

الاستاذة : ماجدة بابكر - اخت اسرار

الاستاذة : الهام حيمورة - وبناتها العسولات

الاستاذة : فادية - صديقتي

الاستاذة : منال خوجلي وبنتها العسل - ميريهان

الاستاذة : غادة نوري .. وعند حضورها عج المكان بالزغاريد



___________________________

اعتزرت كل من :
الاستاذة : سمرية
الاستاذة : نادية السر
________________________

وفاتهن الحفل ..

الاستاذة : عفاف ابو كشوة
الاستاذة : عفاف عطا المنان
___________________________

ولم تعتز عن الحضور

الاستاذة : نهال الطيب
الاستاذة : زينب الشفيع


ولي عودة

يا سلام يا حاتم بوستك لمه لينا لطيفات المنبر العام
موده خاصه لى بيان و دوما
والاخوات اللطيفات
ست البنات هاله الاحمدى ( الزوله الراقيه الودوده)
الانعامين
انعام ع الحفيظ
انعام حيموره
وكل بنات حيموره
اسمهان هاشم
وبقيه الاخوات
فات وخلاك للزمن ضاعت أمالك سدى _ عصام محمد نور_ فيديو
اسرار بابكر
مودتى

شكرا انعام وكان برنامج زي الورد........

حاتم ازيك


بيـــــان مجرد شايقية عنصرية ليس الا.

شوف مستشفى الباوقة احسن لـيك .

Quote: فقد وصلت الأخبار أن مجموعة من البوردابيات قد أقمن اليوم حفل خاص جداً ومقتصر على البوردابيات فقط على شرف الأخوات بيان ودوما...ولم توجه الدعوى للبورداب من الرجال

خيانات شـديدة يا عزيزي حاتم ..
رصيدنا كمل تلفونات مع دوما
وبيان وانعـام ..
وبرضو عاينينا من العنف ضد الرجل ..

محبتي ..
ومرحب بالعزيزتين دوما وبيان ..

ذي الورد ساي ياريهان

العجب شريط الفيديو!!

تمام يا بناتنا
والله واضح جداً يا بوردابيات الخرطوم هددتو عروش و جيوش بدليل بوست حاتم أخوي دة (إزيك يا حبيب)
وغايتو يا تراجي أنا متشجعة أطلب من أخونا بكري راكوبة خاصة للبنات جزء من المنبر مع بداية السنة دوحة وارفة عنقريب مرتب وهمبريب و رملة مرشوشة راجل ما يخشها...
وكمان من أحلى الحاجات ظهور الحبيبة د. هالة الأحمدي و الله فقدناها شديد
لكم التقدير و المحبة و للغاليات بيان و دوما و لكل الصديقات بالخرطوم
لنا

لنا مهدى أزيك..

متابعنك فى صوت الأمة..لكن قاعده تكيلى بمكيالين مرات (تشدى على ابوهاشم شديد) وتخففى على (سيد الصادق)...المهم ده ماالمقام..

بس قلنا نرحب بيك

Quote: لنا مهدى أزيك.. متابعنك فى صوت الأمة..لكن قاعده تكيلى بمكيالين مرات (تشدى على ابوهاشم شديد) وتخففى على (سيد الصادق)...المهم ده ماالمقام.. بس قلنا نرحب بيك

حاتم إزيك
بس شكلك ما متابع كويس
المهم دة ما المقام
قلنا نرد الترحيب

الاخ حاتم الياس
اذيك
ولايهمك هسع شفتني انا حمته بي هناك نهائيااصلي الطعام المسيخ مابحبة مكان مافية انتم مابتقعد حتي لو اسرار انقطع تقطع.

شفتني انا معاك كيف اعتذار مااعتذرته.(هسع انا اسمي مكتوب)

محبتي

تحياتى للاخت دوما .. ولبيان قبل ان ترهن مصيرها بمصير حزب سياسى مسيطر على السلطة الان ولكنه الى زوال..

التلميذ النجيب حاتم الياس ..أزيك

شكرا انك نكت لينا الزولة الرائعة دكتور هالة..

Quote: و بالله عليك يا تراجى ... ما تقصرى قدر ما تلقى ليكى فرصه فى حاتم و كل دعاة افكاره (النيره !) ... "اديه فى رأسه و ما تتلفتى "

من الناحية دى اطمئنى..انا غايتو ما بقصر

أمنه مختار...قلنه ليك الجماعة فتحوا فصول أعادة..ومارديتى

وبعدين تذكرى زمان فى حاجه أسمها أنجليزى علب (الصلص) ناس (يس) (فورموست) (كانى) (نو) (بست)
أها سيايتك الطالعه بيها فى الكفر دى ياها ذاته سياسة (علب الصلص)

لمن تطوريها و(تفكى الخط) ماعندنا مانع..نقعد ليك جنس قعاد لكن هسع نحنا مافاضين شغالين (تلمذة صناعية فى ورشة المعلم تراجى) لمن نتخرج بنجيك

حاتم .. ياخ انت زعلت من كلامي ولا شنو .. والله هو بس ذي كلامك الفوق البديت بيه دا .. كان دا صاح دا صاح !!

هاردلك !

Quote: حاتم .. ياخ انت زعلت من كلامي ولا شنو .. والله هو بس ذي كلامك الفوق البديت بيه دا .. كان دا صاح دا صاح !! هاردلك !

حاتم ما زعلان منك يا انعام..
زعلان منى انا





ربنا يهديك يا حاتم وهالة الأحمدى تهد فيك...قادر يا كريم.

Quote: يبدو أن التكتلات النسائية تتقدم نحو المنبر

الحمد لله .. اثبتنا قوتنا وجدارتنا .. شفت البوستات قامت تتطاقش بي هناك ...

غايتو انا بدعو لتكوين اتحاد نساء المنبر ..

رايكن شنو ؟؟..