Post: #1
Title: يا بورداب داير لى قروش كتيرة؟؟؟؟؟؟
Author: عمر سعد
Date: 12-09-2007, 01:18 PM
اول مشروع لى عايز ارجع اى اغنية غنوها (الرقشات) لى سيدة
بعد تسديد كامل سعرها للرقشة وشراء كل الاشرطة الفى السوق
ونرسلة فى اقرب فرصة للمريخ (الكوكب) ما التيم ........
يمكن يتفاعلو فوق يطلعو موية يستفيدو بيها الامم
رايكم شنو ؟...................؟
صحافة30 نزل لى اغنية رايكم شنو بتاعت الوان الطيف
|
Post: #2
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-09-2007, 01:29 PM
Parent: #1
هههههههههههه الناس قبايل عيد ابو يقرو البوست كلو كلو
افتكرونى داير حق الضحية.............الحق
طيب حا نزل بوست تانى ان عندنا قروش كتيرة الداير منو
كويس مسنجر مافى عشان الطرح يبقى عديل فى البوست ....
شاركونا احلام الاصلاح الاجتماعى والثقافى والغنائى
|
Post: #3
Title: Re: يا بورداب داير لى قروش كتيرة؟؟؟؟؟؟
Author: soma
Date: 12-09-2007, 01:31 PM
Parent: #1
| Quote: اول مشروع لى عايز ارجع اى اغنية غنوها (الرقشات) لى سيدة |
الاخ عمر سلامات
والعيد على الابواب
العيد مبارك عليك علينا وعليك يتبارك
وان شاء الله مشروع سيدة ده ينجح
لكن انا زاتى دايرة لى قروش كتار
بس مشروعى غير مشروعك.. اناعشان ماشة الجنيد
لكن بنتفق فى اننا دايرين قروش كتار
اها رايك شنو نتفق ؟ كان لقيت ليك قريشات تقسمها معاى
وانا كان لقيت برضو بقسمها معاك ..
بس اوعك تمقلبنى وتركبينى الركشة وتفكنى عكس الهواء 
تحياتى وعيدك مبارك مقدما
اسماء الجنيد/ مسقط
|
Post: #4
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-09-2007, 01:52 PM
Parent: #1
Quote: الاخ عمر سلامات
والعيد على الابواب
العيد مبارك عليك علينا وعليك يتبارك
وان شاء الله مشروع سيدة ده ينجح
لكن انا زاتى دايرة لى قروش كتار
بس مشروعى غير مشروعك.. اناعشان ماشة الجنيد
لكن بنتفق فى اننا دايرين قروش كتار
اها رايك شنو نتفق ؟ كان لقيت ليك قريشات تقسمها معاى
وانا كان لقيت برضو بقسمها معاك ..
بس اوعك تمقلبنى وتركبينى الركشة وتفكنى عكس الهواء
تحياتى وعيدك مبارك مقدما
اسماء الجنيد/ مسقط |
الاخت سوما ياخى انتى موضوعك بسيط ولا داير ليهو بوست زاتو
امشى اقرب وكالة بيدوك تذكرة بشيك مؤجل 3 شهور تمشى الجنيد وتبقى جندية زاتو
بس ما تنسى تجيبى لينا شوال سكر .؟؟؟؟؟؟؟؟؟
خلى طموحاتك عالية شوية .......................انا موضوعى كبير جدا
|
Post: #5
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-09-2007, 02:36 PM
Parent: #1
كدى انا ماشى مشوار وجاى اشوف جونى كم
بالغتو يا بورداب
غير سومة وجات قايلانى عندى جمعية (ختة)
الفيكم اتعرفت
|
Post: #6
Title: Re: يا بورداب داير لى قروش كتيرة؟؟؟؟؟؟
Author: Muna Khugali
Date: 12-09-2007, 06:11 PM
Parent: #5
أنا كمان يا عمر..عايزه قروش كتيره لكن ماكتيره شديد..
عايزه قروش اشتري بيها فيلا في الساحل الشمالي في مصر..
وعايزه عربيه وفرش ليها..
وبعدين عايزه دخل شهري ثابت من غير ما اشتغل..
وبعدين ماعايزه اقعد في بلد واحده اكتر من شهرين..يعني تذاكر سفر وكده..
وعايزه مصاريف للأماكن المسافره ليها..مع التامين الصحي وعلي الحياه..
وقدامي حاجه من اتنين وانت كمان..
يا اما ترسل لي قروش كتيره العب بيها اللوتري اسبوعيا..ومن غير ما نيأس لمدة قول 10 سنين..
وبعدين نكسب ونقسم..
يا اما في واحد تاني سريع وخطر.. لكن بيجيب قروش سريعه..وفي نفس الوقت مصاريف تحقيقه مامحتاجه
الا الي ثريا بدل موبايل..وكلاشينكوف وبدله عسكريه..ونعلن قيام تنظيم عسكري,,وتشوف براك يجو يحنسونا ويدونا قروش كتيره كيف...
قلت شنو؟؟
|
Post: #7
Title: Re: يا بورداب داير لى قروش كتيرة؟؟؟؟؟؟
Author: نادية عثمان
Date: 12-09-2007, 06:34 PM
Parent: #6
الله يديكم ويدينا يارب !
|
Post: #8
Title: Re: يا بورداب داير لى قروش كتيرة؟؟؟؟؟؟
Author: سلمى الشيخ سلامة
Date: 12-09-2007, 07:02 PM
Parent: #7
ياعمر اخوى
زمان كنت بقول لامى كل يوم
تلاته مليون دولار يا امى دعواتك
المهم لقصة دى استمرت كتير
يوم ابوى وامى عليهما الرحمة كلها
زهجوا منى شديد
ابوى قام قال لى انتى ما بتزهجى ؟
امى قالت ليهو
ـ هى لكن قالت يا رب ما كدى ؟
اها قربت تبقى شكلة
لكن كنت مصرة لغاية ما طلعت من السودان على التلاته مليون
اها يا سيدى لمن جيت بى هنا لقيت ليك اللوترى اب كمكمية مليون دولار
ما بعرف احسب قروش كتار امكن تلاته جنيه كدى ولا حاجة
وكل يوم اقول يارب بس اكسب اللوترى
والحكمة ما بلعبو
اكسبو كيف؟
برى
اها نتفق يا فردة على الكمكمية ديل انت تقوم ترسل لى اولن عشان العب وبعدين ليك على نتقاسم
واصلى يا حبيب ما عندى غرض كبير مع القروش كان كترت ولا قلت
لكن راجينى عرس البنية
قلت كيف ؟
وانشا الله تكون من النوع المحظوظ زى حظ الشحادة الفى تكساس
قامت قالت لى زول عابر طريق دايرة لى دولار
اداها الدولار
يا معلم قال ليك الحجة لعبت اللوترى وفازت واتحولت من متسولة لمليونيرة
ولانها (بت ناس ) قومى اعملى اعلانات الجرايد ماخلت جريدة والتلفزيون والاذاعة
بس عشان تلقى الزول الاداها الدولار
وطبعا ناس (الختف الرصين) جوها ليك صفوف وهى وتشيل وتقول (دا ماهو )
المهم يا زول لمن حكوا لى بالقصة دى قلت دا امكن نبى الله الخضر
يارب يجينى ويدينى دولار واحد واكسب اللوترى اب كمكمية دا ويا مان
ما بتفكفك السودان عديل واعمل لى عييييييييييييييك حاجات
ياخ دقيقة ياخ خليتنا نكشف ليك افكارنا
خليتنا نحلم لكن ما بطال بس القزازة ما تنكسر
|
Post: #14
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 01:06 AM
Parent: #8
Quote: ياعمر اخوى
زمان كنت بقول لامى كل يوم
تلاته مليون دولار يا امى دعواتك
المهم لقصة دى استمرت كتير
يوم ابوى وامى عليهما الرحمة كلها
زهجوا منى شديد
ابوى قام قال لى انتى ما بتزهجى ؟
امى قالت ليهو
ـ هى لكن قالت يا رب ما كدى ؟
اها قربت تبقى شكلة
لكن كنت مصرة لغاية ما طلعت من السودان على التلاته مليون
اها يا سيدى لمن جيت بى هنا لقيت ليك اللوترى اب كمكمية مليون دولار
ما بعرف احسب قروش كتار امكن تلاته جنيه كدى ولا حاجة
وكل يوم اقول يارب بس اكسب اللوترى
والحكمة ما بلعبو
اكسبو كيف؟
برى
اها نتفق يا فردة على الكمكمية ديل انت تقوم ترسل لى اولن عشان العب وبعدين ليك على نتقاسم
واصلى يا حبيب ما عندى غرض كبير مع القروش كان كترت ولا قلت
لكن راجينى عرس البنية
قلت كيف ؟
وانشا الله تكون من النوع المحظوظ زى حظ الشحادة الفى تكساس
قامت قالت لى زول عابر طريق دايرة لى دولار
اداها الدولار
يا معلم قال ليك الحجة لعبت اللوترى وفازت واتحولت من متسولة لمليونيرة
ولانها (بت ناس ) قومى اعملى اعلانات الجرايد ماخلت جريدة والتلفزيون والاذاعة
بس عشان تلقى الزول الاداها الدولار
وطبعا ناس (الختف الرصين) جوها ليك صفوف وهى وتشيل وتقول (دا ماهو )
المهم يا زول لمن حكوا لى بالقصة دى قلت دا امكن نبى الله الخضر
يارب يجينى ويدينى دولار واحد واكسب اللوترى اب كمكمية دا ويا مان
ما بتفكفك السودان عديل واعمل لى عييييييييييييييك حاجات
ياخ دقيقة ياخ خليتنا نكشف ليك افكارنا
خليتنا نحلم لكن ما بطال بس القزازة ما تنكسر |
استاذتنا الماهلة والسمحة وام عزة الرائعة عروس البورد وعروس السودان كلو
انت كلامك دة قبال الدينار ولا بعدو ...........
3 مليون ما بتسوى ليك حاجة الان
لكن لو سالتك ياتو اغنية حابة ترجعيها لسيدة ونشوف تكلفتة كم نرجعة ليهو
من الرقشات ديل وغنم االاشلاق الداقهو مطرة دة؟
|
Post: #16
Title: Re: يا بورداب داير لى قروش كتيرة؟؟؟؟؟؟
Author: سلمى الشيخ سلامة
Date: 12-10-2007, 01:35 AM
Parent: #14
لكن لو سالتك ياتو اغنية حابة ترجعيها لسيدة ونشوف تكلفتة كم نرجعة ليهو ؟
اغانى كتيرة بقت ملطشة مع ناس المدعو عصام محمد نور
دا بجيب لى الاعصاب لمن اسمعه
عارف ليه ؟
لانه ما عمل غير انه شوه اغانى الكاشف وبقت زى اللبانه ماعنده غيرها
وكتير بتساءل انه زول دارس موسيقى وين ابداعه الممكن يحقق ليه ذاته ؟
ليه متسلط على الكاشف ؟
لمن بقى الاولاد الصغار مابعرفوا الكاشف
وبفتكرو عصام محمد نور هو صاحب الاغنيات وبنسبوها ليهو
فى الدنيا كلها الفنان بغنى اغانى الغير لكن ما للدرجة التخلى الفنان يتشحط فى مقام واحد
وحكمة الله عنده معجبين
بشنو ما بعرف
طبعا متغاظة منه
عارف فى امريكا واوروبا ومصر ولبنان الفنان لمن يظهر فى الاول بغنى غنا الناس
لكن بعد فترة بكون عنده رصيد وبخلى الناس وغناهم
لكن عندنا غير كده
جنس ديل دايرة استيكة تمسح ملامحهم الاصلا ماموجودة
لانه لو الفنان حقيقى بفتش عن ذاته اولا وبعد ما يثبت وجوده بكون غنا الناس مجرد وجود هامشى
يعنى وردى مثلا لو اتكل على فكرة انه معجب بابراهيم عوض كان لحق امات طه
وزيدان لو كان اتكل على فكرة انه معجب بالكابلى والشفيع كان حجره غتس
والكاشف نفسه ماكان معجب الا بنفسه عشان كده ما مات فنه
وكمان دايرة اعدم الزول العمل الاتلاف لاغانى الكاشف بان دخل عليها ما اسماه موسيقى جديدة
ليه ؟
ومنو المسؤول عن عمل زى دا ؟
اها الملايين من الدولارات ما بتكفى عشان اعمل العمل دا كلو
وبعد داك يا حبه العمر راح مابقى فيهو كتير عشان تلاوى الناس
نقعد جمب الازيار وننضف الخدار
|
Post: #17
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 01:46 AM
Parent: #16
ام عزة الجميلة قالت
Quote: اغانى كتيرة بقت ملطشة مع ناس المدعو عصام محمد نور
دا بجيب لى الاعصاب لمن اسمعه
عارف ليه ؟
لانه ما عمل غير انه شوه اغانى الكاشف وبقت زى اللبانه ماعنده غيرها
وكتير بتساءل انه زول دارس موسيقى وين ابداعه الممكن يحقق ليه ذاته ؟
ليه متسلط على الكاشف ؟ |
كويس نبدا باغانى الكاشف كويس جدا بكرةننزل اغنية للكاشف بصوتو ونفس الاغنية بصوت عصام محمدنور ونشوف.............ممكن ياخد كم وما يغنيها تانى
ونخت القروش تحت بند منصرفات لحدى ما نلقى بند (مالية)
واللة فى حاجات كتيرة ماغصانى خليها على اللة قلتى لى نقعد تحت الزير
خلو فيها زير.......................بقى الزير الا الزير سالم
تشكرى على وضع اول بند صرف فى هذا البوست . ترقبينى غدا
|
Post: #11
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-09-2007, 07:59 PM
Parent: #7
| Quote: الله يديكم ويدينا يارب ! |
اها يا بت عثمان لو اداك دايرة تعملى شنو ما قلتى لينا
اللة يديك يا رب
|
Post: #25
Title: Re: يا بورداب داير لى قروش كتيرة؟؟؟؟؟؟
Author: نادية عثمان
Date: 12-10-2007, 10:31 AM
Parent: #11
| Quote: اها يا بت عثمان لو اداك دايرة تعملى شنو ما قلتى لينا |
ان الله ادانى القروش دى حااديك ليها انت موش قلت داير قروش كتيرة ؟!!وبس حااشيل منهم حبة كدى اجيب بيها حاجة حلوة لايمان بتى قصرت معاك ؟!!
|
Post: #28
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 04:51 PM
Parent: #25
يا بت عثمان ما تقصر ايامك ويديك فوق امانيك الجميلة
لكن ورينى دايرة ترجعى اغنية منو لسيدة بالقروش الحا تدينى ليها دى
لانى انا دايرة لمشروع ما عايزة لنفسى فكرتو اول البوست
|
Post: #13
Title: Re: يا بورداب داير لى قروش كتيرة؟؟؟؟؟؟
Author: Al-Shaygi
Date: 12-09-2007, 09:16 PM
Parent: #7
| Quote: الله يديكم ويدينا يارب ! |
والله أعقل رد لا قاني
أحلام في منتهى البساطة
والإنبساط
قناعة غير عادية
تحسدين عليها
.........
الفكر الصوفي مسيطر
الفقرا أنقسموا النبقة!!!
لك الود أختنا الفاضلة وبت حلتنا.
الشايقي
|
Post: #15
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 01:11 AM
Parent: #13
Quote: والله أعقل رد لا قاني
أحلام في منتهى البساطة
والإنبساط |
الشايقى ود عمى قالو شايقى قالو ليهو اطلب حاجة بندى ود عمك الجعلى دة ضعفة
قال ليهو ما بتتراجع قال الجعلى قال ليهو افو قام الشايقى قال ليهو (اقلع لى عينى دى)
كيفك يا ابو ملاح ضارع ما بكمل ................
كدى من اغنياتكم حقة الشايقية ياتو غنية حابى ترجعة لى سيدة وما تقول لى ما بتتراجع
تسلم على المرورو
|
Post: #10
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-09-2007, 07:57 PM
Parent: #6
Quote: أنا كمان يا عمر..عايزه قروش كتيره لكن ماكتيره شديد..
عايزه قروش اشتري بيها فيلا في الساحل الشمالي في مصر..
وعايزه عربيه وفرش ليها..
وبعدين عايزه دخل شهري ثابت من غير ما اشتغل..
وبعدين ماعايزه اقعد في بلد واحده اكتر من شهرين..يعني تذاكر سفر وكده..
وعايزه مصاريف للأماكن المسافره ليها..مع التامين الصحي وعلي الحياه..
وقدامي حاجه من اتنين وانت كمان..
يا اما ترسل لي قروش كتيره العب بيها اللوتري اسبوعيا..ومن غير ما نيأس لمدة قول 10 سنين..
وبعدين نكسب ونقسم.. |
واللة يا بت خوجلى احلامك بسيطة قلت لى فيلا وين فى مصر المؤمنة
انت ارخص ليك تشترى طائرة بالاقساط من جياد بعد ينتجو طيارات بواسطة شركة المهاجر
وبعدين تشتغلى بالطييارة دى عداد وين ما ماشة تعملى اعلان تركبى الناس بنص السعر بتاع التذاكر
وعفش داخل الطائرة على مسؤلية صاحبة ......اها تكونى لميتى حق الطيارة بعد خمس سنين تكون ملك حر
لية ما عندك فكرة زى دى انا اى زول بديهو حل بس ادونى حل لى مشروعى الفوق دة
اللة يديك يا رب
|
Post: #9
Title: Re: يا بورداب داير لى قروش كتيرة؟؟؟؟؟؟
Author: ismeil abbas
Date: 12-09-2007, 07:04 PM
Parent: #1
ألأخ/عمر سعد
ابشر بالخير...............
الفى جيبنا بأذن الله ينتقاسما.............ده ما حال ألأخوان.
مودتى.....................
إسماعيل محمد احمد عباس.........
|
Post: #12
Title: Re: يا بورداب داير لى قروش كتيرة؟؟؟؟؟؟
Author: soma
Date: 12-09-2007, 09:15 PM
Parent: #9
Quote: امشى اقرب وكالة بيدوك تذكرة بشيك مؤجل 3 شهور
تمشى الجنيد وتبقى جندية زاتو |
عمر ياخوى هى قالوا ليك بقت على حق التذكرة ؟
اها انا زاتى دى شغلتى .. وعندى التذكره كمان ..
كان انت داير تذكره بديك ..
لكن البقص الضهر هناك نسيتوا ؟
شىء ضريبة وشى مغتربين
وشىء تاشيرة خروج
وزكاة وهلم جرى
انتقام بس
لكن برضو طموحى امشى الجنيد
والقى كل الناس طيبة
واقعد فى ضل الضحى بس
|
Post: #20
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 06:47 AM
Parent: #19
يا ود حسن ميرغنى اللة يديك العافية وزى ما بتقول حبوبتى تلقى الفى مرادك
كويس اثريت البوست وعايزك تكون فى لجنة التقييم حق الاغانى عشان نعرف التكلفة
ابلنتكلم عنها كم عشان لازم نعرف دايرين كم.......ولسة السوق ماشى بتاع الاغانى
انا بفتش ياود حسن على اغنية رايكم شنو بتاعت الوان الطيف خلفية للبوست
رايك شنو
|
Post: #22
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 07:05 AM
Parent: #12
كويس يا اخت سومة عرفت لى مصدر تذاكر واللة فكرت فى كلامك
لقيت نفسى ماشى اعيد فى السودان قربتة اغير راى ههههههههه
لكن كويس جاتنى فكرة نلم قروش كتيرة ندى ناس جاز المغتربين ديل حقوقهم
ونلغى الجهاز انا شايف انو الجهاز بترهلو دة مافيهو فايدة
وزى ما قال كمال سالم تاج الدين المهدى انو عندو كلام حالم انو يفرتقو
الجهاز دة ويعملوة نادى لللمغتربين فى اجازاتهم يجو يقضو يهو وقت جميل
وانا اؤيد هذا الكلام الحالم عايز تدفع ضريبة تمشى اقرب مكتب ضرائب
عايز تاشيرة تمشى التاشيرات عايزين زكاة نمشى ديوان الزكاة
عايزين حق القناة الفضائية نمشى التلفزيون ومدير التلفزيون يورينا حسابو كم ووين
عايزين حق ترعتى كنانةوالرهد كل زول قدام بيتو ترعة يخت القروش فيها
عايزين دمغة جريح اى زول بلقى ليهو زول مجروح فى حلتو او اهلو يديهو
عايزين دمغة شهيد كل زول يمشى اقرب مقابر يلقى ليهو شهيد يعمل ليهو لقيمات
الحلول موجودة بس نرجع الغناء دة لاصلو كيف ....فكرى معاى
|
Post: #21
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 06:57 AM
Parent: #9
سمعة كيفك ماقصرتةواللة لكن انحنا مشروعنا واضح دايرين نشيل الاغانى
من الرقشات والسخل الحايم نرجعو لاسيادو الاشتروهو منهم وشوهو الاغانى
بقينا شعب مستهلك ومجتر حتى الاغانى ياها الاغانى بس بصوت رقشة جديدة
مافى جديد ....كل زول طلع ليهو 10 مليون اشترى 5 اغانى وسجل شريط ربح
فيهو اكتر من سيد الاغنية مليون مرة مع فارق انو شوه الاغنية
لية ما سمعنا عبقريات ام كلثوم وعبد الحليم وفريد الاطرش
لية التحايل على اغانى الغير بادعاءات نشر الاغنية القديمة
اها ادعمنا ولومؤقتا بتشخيص الاغانى اولا بعدين نشوف الحساب كم فى النهاية
المشكلة التبرع حا يكون فكرى او ذهنى او احساسى لانو لو فى قروش كان
عينا مليون مراجع مالى ومدير حسابات عشان اشفافية وكدة
|
Post: #18
Title: Re: يا بورداب داير لى قروش كتيرة؟؟؟؟؟؟
Author: محمد مكى محمد
Date: 12-10-2007, 02:49 AM
Parent: #1
العزيز عمر سعد
ياخوى انت البوست بتاعك مشتت فيه سكر?
رأفت لسه ما شافه عشان يغتس ليك حجره....
لو ما عارف سعر الجنيه كم,تعال بى هناك...
|
Post: #23
Title: Re: يا بورداب داير لى قروش كتيرة؟؟؟؟؟؟
Author: رأفت ميلاد
Date: 12-10-2007, 09:35 AM
Parent: #18
أها وصلنا يا محمد مكى غانمين وتريانيين وما كايسين شحدة
يا ود سعد .. كلامك بشيل منو نص .. ومن سلمى سلامة النص التانى
أغانى الحقيبة والرواد فى الخلدوها .. وفى البشتنوها
Quote: يا ود حسن ميرغنى اللة يديك العافية وزى ما بتقول حبوبتى تلقى الفى مرادك
كويس اثريت البوست وعايزك تكون فى لجنة التقييم حق الاغانى عشان نعرف التكلفة |
ده الموضوع ..
حقو نخت الأغانى الجيدة .. من وجهة نظرنا .. والقبيحة للإنتقاد والتقييم .. فى رقشات أصيلة ياخى
مساهمتى معاكم ببوست نها أبو راس .. حيو زهرة روما****وأكثر من فنان
الأغنية الخالدة من قلب أمدرمان .. جناين الشاطي
كلمات: خليل فرح
ألحان: خليل فرح
نشوف الحملا على الأعناق منو .. والشترا منو
متابع معاكم
مودتى
|
Post: #30
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 05:34 PM
Parent: #23
اولاد قلبة جو زى ما بيقول بهاء بكرى
مرحب رافت ميلاد قال | Quote: أغانى الحقيبة والرواد فى الخلدوها .. وفى البشتنوها |
الموضوع ما البشتنوها ولا الخلدوها خلى كل زول يغنى الداير يغنية انت شفت المصيبة
انو واحد يمشى لشاعر اغنية للكاشف او ابوداؤد او عثمان حسين او محمد ميرغنى او
او او او ويشترى الاغنية ويقوم مش يخلدة يقوم يطبعة فى شريط وينتجة وتكون بقت حقتو
تقول ليهو كيف يثول ليك اشتريتة بحر مالى.......دة المطلع ...............
المهم فى الموضوع انو ممكن يغنوها كدة للتسلية بس ما يسجلة فى شريط او اذاعة او تلفزيون باسمو ..............................................................
تعرف عمى السر قدو رقال انو اولاد اخوانو والصغار قالو ليهو واللة اغنيتك بتاعت
المهرجان حقت عصام محمد نور شرط الرجل اندهش لانو تم اغتيال الكاشف مرتين.
| Quote: حقو نخت الأغانى الجيدة .. من وجهة نظرنا .. والقبيحة للإنتقاد والتقييم .. فى رقشات أصيلة ياخى |
انا من الاصل فى المبداء فى الشراء .........
| Quote: نشوف الحملا على الأعناق منو .. والشترا منو |
حا تبقى وجهات نظر متباينة حا تلقى البيقول ليك ي اللة وحا تلقى البيقول ليك دة شنو
عشان كدة نقطع العرق ونسيح دمو العندو غناء يجى يغنيهو لينا الما عندو غناء
يلزم دارو تخيل لو زمان كان وردى يشترى غنيةمن محمد الامين وكابلى يشترى من الشفيع
لكن وردى غنى غناء ابراهيم عوض فترة اتعرف غناء غناهو دة المطلوب ما يشترى غناء ابراهيم عوض ويقول داير ينشرو بالحان جديدة..............
ودى واحترامى ومنتظرك
|
Post: #34
Title: Re: يا بورداب داير لى قروش كتيرة؟؟؟؟؟؟
Author: رأفت ميلاد
Date: 12-13-2007, 08:41 PM
Parent: #30
| Quote: المهم فى الموضوع انو ممكن يغنوها كدة للتسلية بس ما يسجلة فى شريط او اذاعة او تلفزيون باسمو .............................................................. |
والله شينة دى والله .. خاصة قصة يبيعها "حقتو" .. تحير
كلامك كدة وقع لى
أهديك "الكوامر" ديل رحمهم الله عاشوا للفن وماتوا فقراء
ولم يغنوا لغيرهم للربح فهم معطرين بنجاحاتهم .. ولكن هو الوفاء ..
أبو داؤود والعطبراوى
|
Post: #35
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-13-2007, 10:27 PM
Parent: #34
انت عارف الشعراء مشكلة كل زول طالب بحقو فى الاغانى
بتبقى فى قصة الملحن والمؤدى طبعا لو فى كانت قوانين واضحة كانت المسالة عولجت من زمان لكن
المعالجة كانت متاخرة واخذت فى الحسبان انو الناس تستفيد لمن زمان جو يجددو الاذاعة
قالو للفنانين تجو نمسح ليكم غناكم دة كلو ونسجل ليكم من جديد وكلو بحقو وافقو
حاليا فلان يمشى لى فلان يديهو 5 مليون تبقى الغنية حقتو سهل التنازل من الملحن
بعد داك تتسجل باسمو فى الشرايط المالية البلد واللة فى التلفزيون فى اصوات صوتى
احسن منها (يعنى انتهيت منهم عديل كدة انا).............
دة موضوعى استغلو فقر الفنانين الزمان ماديا وليس فنيا ولعبو لعبتهم
دة الغايظنى ودايرنى الم فلوس ارجع الغناء لى اسيادو
شكرا للاغانى
|
Post: #29
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 05:18 PM
Parent: #18
ود مكى رافت غاطس فى البطاطس
ومنتشى حد الانتشاء .....اللة يحلو من العوين
بعدين ناس جنيفا ديل جنهم وجن ادفع mean by it push
|
Post: #24
Title: Re: يا بورداب داير لى قروش كتيرة؟؟؟؟؟؟
Author: Alsa7afa_30
Date: 12-10-2007, 10:21 AM
Parent: #1
| Quote: صحافة30 نزل لى اغنية |
للأسف مافي أغاني رقشات ...
من الـ هايس و انت طالع 
|
Post: #26
Title: Re: يا بورداب داير لى قروش كتيرة؟؟؟؟؟؟
Author: nazar hussien
Date: 12-10-2007, 10:43 AM
Parent: #24
انت يا عمر سعد...بنيت ليك بيت دحين؟
يا راجل انا في عرض مليلينات شوية اعمل بيهم ترخيص البناء ما لاقيهن..
تقوم انت تتبرع بي مشروع خيري قدر دا؟
عليك الله ختني في اجندتك...ان شاء الله تعتبرني من المؤلفة قلوبهم
وليك علي تاني ناس الرقشات افتن فيهم جارتنا ضابط المرور...
ناس الصحافة كلهم بعرفوها...واعدم ليك الشوارع الرقشة الحايمة..
|
Post: #27
Title: Re: يا بورداب داير لى قروش كتيرة؟؟؟؟؟؟
Author: soma
Date: 12-10-2007, 11:55 AM
Parent: #26
Quote: للأسف مافي أغاني رقشات ...
من الـ هايس و انت طالع |
صحافة سلامات.. ومشتاقون
قلت لى انت لسه ما عيدت ولا شربت الشربوت ؟
ردك كان حيكون كيف بعد شربوت العيد ؟ 
تحياتى وكل سنة وانت طيب
|
Post: #33
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 07:40 PM
Parent: #27
سومة نشوف شطارتك عايز لى حجز للخرطوم من اى دولة خليجية قريب قطر
يوم 18 19 20 ياللة همتك دى برة البوست مسنجر وكدة
|
Post: #32
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 07:25 PM
Parent: #26
الاخ نزار حسين
انت شكلك مشيت خطوات كتيرة داير ترخيص بناء
وحاتك انا لا عندى بيت لا ارض لاعوينة ولا فى الخطة الثلاثينية الجاية احتمال يكون عندى بيت حسب المعطيات الحالية .......................................
بس اعتقد انو جدى حاجز ليهو مساحة معتبرة للعلئلة بحمد النيل فبيكون عندى نصيب
لو ما الانقاذ باعوها بموتاها جملة وقطاعى...................................
اول ما اخلص من مشروعى دة ببقى تب على بيتك دة وابشر بالخير
بس اوعك تسكن قدام او وراء ركشة او سخلة
|
Post: #31
Title: Re: يا بورداب داير لى قروش كتيرة؟؟؟؟؟؟
Author: عمر سعد
Date: 12-10-2007, 07:14 PM
Parent: #24
الولد جميل صحافة الرجاء
انزال اغنية جناين الشاطئ بصوت فرفور
وصوت سيدة لو امكن؟
|
|