Post: #1
Title: صـحـن الـجـيـران ..!!
Author: awad okasha
Date: 12-08-2007, 06:39 PM
صحن الجيران
في زمان كان فيه الكرم ..
سيد الخصال ..
عادة سودانية أصيلة ..
وسيلة للتواصل الاجتماعي ...
فيها اقتداء بالسنة النبوية الطاهرة ...
لابد من الاهتمام بذلك ( الصحن ) ..
تعبئته من خيرات ( حلة ) البيت ..
ولابد أن يكون نظيفا ..
( ومتمرا ) بشكل جيد ..
كما في أعراف النساء ..
والأفضل أن يكون ( مغطيا ) ...
الأروع في الأمر ..
انه لابد أن يرجع ( مليان )
غالبا ما يتم التبادل الجميل ..
خلال ( الحيطة ) الفاصلة
تسبقه المقدمة الطيبة :
( فضلة خيركم ) ...
ما اروع هذا الشعب ..
وما أروع تلك الأيام ..
|
Post: #2
Title: Re: صـحـن الـجـيـران ..!!
Author: salma subhi
Date: 12-08-2007, 07:19 PM
Parent: #1
Quote: ما اروع هذا الشعب ..
|
الشعب السوداني شعب مضياف يتصف بالجود والبساطة...وان كانت قد اندثرت الكثير من العادات الجميلة الا أنه ما زال يقاوم تغيرات المناخ وتقلبات الحياة.....فنحن شعب عجيب وذو مزاج فريد فما أروعه..
صحن الجيران من العادات الأصيلة التي تدل على التواضع والكرم والروح السمحة النقية...
الجميل في الموضوع ان هذا الصحن لا يقتصر على مناسبة معينة....بل يحب الدوران خلال أيام السنة لا يكل ولا يمل ناشراً الود والمحبة بين الناس....
قالوا يا أخ عوض ...
في قط اتعود يشوف ناس البيت يودوا صحن للجيران بصورة دائمة....
صاحبة البيت انشغلت كم يوم ما ودت للجيران....ومرة جهزت الأكل ...ما تفاجأ الا بالقط يجر الصحن من الصينية ويذهب به الى الجيران...
حتى القط تعود على الفعل الجميل...
تقديري أخ عوض...
|
Post: #3
Title: Re: صـحـن الـجـيـران ..!!
Author: خالد علي محجوب المنسي
Date: 12-08-2007, 08:05 PM
Parent: #2
جميلنا / عوض عكاشة
تحية طيبة سلاااام عليك
Quote: عادة سودانية أصيلة ..
وسيلة للتواصل الاجتماعي ...
فيها اقتداء بالسنة النبوية الطاهرة ...
لابد من الاهتمام بذلك ( الصحن ) ..
تعبئته من خيرات ( حلة ) البيت ..
ولابد أن يكون نظيفا ..
( ومتمرا ) بشكل جيد ..
كما في أعراف النساء ..
والأفضل أن يكون ( مغطيا ) ...
الأروع في الأمر ..
انه لابد أن يرجع ( مليان ) |
يا حليل الصحن وأهل الصحن يا اخوي الصحن ما راح وانتهى زمنو وفات قفا مننا مع المحنّا والقمل .. يا حليل زمن الناس زينين ما مشدوهين زمن النفاج وبت الجيران وود الجيران الوصي علي العقاب .. زمن البنية تمرق تتبخر وودالجيران العين في الأرض حامي الحمى .. والصحن مكتوب فوق قفاهو غاية المنى بالمنكير الأحمر ( حق الملكية الصحنية ) .. التتميرا هي تتميرا ساكت بتكون بتوب خط الأستواء الراح زمنو ومقطع نضيف للتتمير .. والانامل التي تداعب الصحن .. اخ أخ أخ يا عوض خلاص أنا تهتا في الأشواق ومابرجع ...
تحياتي ومودتي
خالد
|
|