شعب من الكذابين

ما هي مشكلتنا الضبط ؟

35 مليون بني ادم فقط .
مليون ميل مربع من الأراضي الخصبه والسهول والجبال والوديان.
كل مناخات الدنيا من الصحراء وحتي الأستوائي .
كل ثروات الدنيا ارض زراعيه غير محدده المساحه , نهر خالد , ذهب , نحاس , حديد وأخيرا بترول

ما سبب اخلفنا ؟
المشكله شنو بالضبط يا شباب ؟
شنو البيخلينا نقتل فى بعض ؟
شنو البيخلينا من اكثر الشعوب المشرده ؟

شنو

طبعا ده ممكن يكون سؤال بيدور في ذهن الكثير من ابناء وطني الطيبين , الناس الما عرفو الكذب والغش والخداع للحصول على امتيازات او منافع.
الناس البسيطه ناس الحله والفريق
ناس الضرى والنفير
لكن اكيد ما ناس الامه والأتحادي والجبهه والشيوعي
اتمنى من منتسبي هذه العصابات (من عصبه) ان يمارسوا فضيله نقد الذات وان يحددوا بوضوح شديد مواضع الخلل لا ان يكونوا حارقي بخور فقط وحتى يتسنى لنا ان نعيش بكرامه , هذا اذا بقى ما يكفي من الوقت لذلك.

أقول ليك ليه!!!!!!!!!!!!!!!!!!!!!!!!!!!!!!!!!!

أحسن بلاش

ابن الرشيد

سلامات

يا ريتك افصحت كان خففت عنا قليلا
المشكله ان الدنيا ماشه ونحن ما زلنا نتاتي
فى انتظار مساهمتك في تشخيص دائنا
ولك الود

الفنان أبو عركى كان بغنى (بخاف) وناس الحافلات بكيتبوها (بخاF)

أما حبايبنا هنا غلبنى عديل اقول شنو؟؟؟؟؟؟؟؟

أحنا مش كذابين بس !! احنا بقينا حثالة وقمامه يأنف منها العالم

أنا برضو داير زولا يفصح لينا عشان يخفف علينا وعليك

الله فى

Quote: ما هي مشكلتنا الضبط ؟ 35 مليون بني ادم فقط . مليون ميل مربع من الأراضي الخصبه والسهول والجبال والوديان. كل مناخات الدنيا من الصحراء وحتي الأستوائي . كل ثروات الدنيا ارض زراعيه غير محدده المساحه , نهر خالد , ذهب , نحاس , حديد وأخيرا بترول

حبابك ..
مشكلتنــا انا شعب اقل قــامه بكثير من ارض يجري فيهــا نيلين !!.
مشكلتنا الجهل و العصبيه و الفســاد ....

مع إحترامي الشديد للرأي المطروح هنا

الشعب السوداني شعب اصيل

ما ذنبه إذا لم يإذن الله له بولاة امر يعملون على تعلية شأنه بين الامم

حبيبنا ود الرشيد

المصيبه انو الناس ما عايزه تعترف بأن الزمن قد غير كثير من الأشياء السمحه العرفونا بيها الاخرين
بل حتى تلك الأشياء كانت نسبيه بأعتبار ان السودان كان وما زال منقسم على نفسه , وبالتالى السمح خشم بيون.


ربك يهون القواسي

شهاب نورتنا

كان جدنا عبد النور عليه رحمه الله بيقول لي الناس ديل ( قصده ناس الأنقاذ) قالوا جايين ينقذوا البلد من الطائفيه والحزبيه والأغراض الشخصيه بس يا ولدي ده كان شعارنا نحن سنه 1952 , البلد الأن صعب انقاذها يا ولدي, البلد دى فى سكرات الموت .
الله يرحمه
لو كان عايش يا ربي كان حيقول شنو عن حالنا الأن ؟


شكرا على المرور يا حبيب

الأخ حيدر

شكرا اخي على المرور ودفاعك عن بني وطنك

بس السؤال ...

ولاه الأمر المفروض يرفعوا من شأن البلد ديل ما ياهم ذاتهم الشعب السوداني

بصيغه اخرى ما كل المستنيرين والمتعلمين وانصاف المتعلمين من الشعب السوداني الفى الحكم الأن أو (الكانوا) فيهوا هم شعب الكذابيين ولو جمعتهم حتلقاهم 3/4 الشعب السوداني.
بالله عليك كده احسبهم من اول حكومه حتي الأن ديل براهم ما ثلاثه ارباع الشعب السوداني.
ياخي ولا تحسبهم بس اتلفت يمناك ويسراك وراقب ليك اي سوداني شوفو بيكذب فى اليوم كم مره (فى مقوله بتقول ان اصدق سوداني بيكذب ثلاثه مرات فى اليوم )
الموسف يا حبيب ان الصدق هو النشاذ فى هذا الزمن العابس

ربك يهون