رسالة الي عضو المنبر "عواطف ادريس اسماعيل" من القارئات "و & ر& ه"

Quote: بسم الله الرحمن الرحيم الاستاذ فيصل النوبي السلام عليكم ورحمة الله وبركاته ونتمني ان تكون بي عافيه وخير نحن من قراء منبركم الرائع (سودانيز اونلاين) طبعا رسلنا ليك الايمل وبنتاسف لي الاقتحام واخدناهو من البورفايل و لانو حقيقه ونتمني توصل رائينا لي الاستاذه الفاضله عواطف أدريس اسماعيل عن بوست المهمة الصعبة ... الفتيات السائبات ورحلة البحث عن المجهول !!!!! حقيقه الموضوع رائع بس حقيقه حسينا انو مسنا شديد ووجعنا لانو الاستاذه عواطف عممت وبي رغم خصصت الخليج بس برضو عممت وتداخل بعض الاساتذه في الكان رائيو منصف والبعض الاخر مجحف في حقنا الفتيات السودانيات في الخارج بس حقيقه نحنا حنكي ليك قصتنا ونتمني انو الاستاذه عواطف و المتداخلين والقراء ما يحكموا علي العموم ويخصصوا وحقيقنا نحنا بي رغم طموحنا وحاسين من الضغوط الطموح قل شويه بس الدكتوره الرائعه اشراقه بعد سماع قصة حياته حفذتنا زياده وعرفنا انو نحنا صح وانو حنواصل انشالله والظروف ما حتقهرنا و احتمال 80% من القراء او الاعضاء يعتبروا قصتنا دي خيال بس اي انسان درس في الدول الاوروبيه واي انسان عاش حياه طلبه في غربه بعرف انو نحنا علي حقيقه او لا واكيد في قراء من الدوله النحنا فيها وبمجرد سرد القصه حيعرفونا نحنا منو !!! القصه كالاتي!!!!!! نحنا ثلاثه بنات سودانيات بندرس في احدي الدول الاسكندنافيه وتخصصنا كالاتي 1)رياضيات و2) فيزيا 3)علوم طبيه تخرجنا من السودان من احدي الجامعات وقررنا انو نحنا لازم نثبت وجودنا ولازم نحضر ولا زم نكون يشار لينا بي البنان وبرضو ما ناسين عاداتنا وتقاليدنا ودينا البحكمنا والحمدلله وسالنا عن الجامعات وعرفنا انو الماجستير في الدول دي مجانا بس العيشه عليك وعرفنا انو العيشه غاليه بس قلنا مافي زول بموت بي الجوع بس اهم شي التمسك بي حيل الله قوي وبدينا رحله البحث عن الجامعات والحمدلله وتوفيق من الله ليقنا قبول في احدي الجامعات وساعدتنا صديقه لينا وهي كانت موجوده قبلنا وأ ثنا الفتره دي في السودان اشتغلنا ووفرنا وجينا علي هنا ونحنا الثلاثه ساكنين في غرفه واااااحده وعباره عن غرفه وبداخله حمام ومطبخ يعني غرفه م كويسه وواسعه واتشاركنا في السكن علشان نخفف الصرف واشتركنا في الاكل طبعا القراصه مدوره و ملاح التقليه وشوربه العدس ما تديك الدرب والكركدي والعرديب شنطنا كلها فيها عباره عن بهارات واكل ناشف علشان ما عارفين الظروف ونزلنا الجامعه وياسلام علي الجامعه مجتمع غير وثقافه وحضاره وبعد الاسبوعين الاوائيل قررنا نشتغل وسالنا بعض الزملاء من الهند و وباكستان لانو مساكين زينا وحالتمم تحنن زينا وصديقتنا الحكينا عنها من قبل انو ساعدتنا في القبول دي برضو من التعبوا جدا جدا جدا وحاليا رجعت واتزوجت ومحاضره في احدي جامعات السودان ومن الفتيات البرضو تعبوا في الغربه وحصلت علي الدراسات العليا من هنا واشتغلت نفس شغلنا ده واكتر قالو ما في شغل غير النظافه في مطاعم وشغل جرايد و قلنا كلوا شغل ومافي شغل بارد وتوكلنا علي الله وحده فينا اشتغلت جرايد الصباح وتقريبا بتقوم الساعه 3:30 صباحا بتوزع لغايه الساعه 6 بترجع وبتاخد راحه شويه وبعداك بتقوم الجامعه الساعه 9 الثانيه اشتغلت في مطاعم ماكدونالز وكانت ماسكه نظافه من الساعه 11 لغايه الساعه 1 صباحا واثالثه كانت بتشتغل في مطعم ماكدونالز برضو بس في ايام الويك أند (ايام الاجازه)بتشتغل من 7 صباحا لغايه 11 ليلا لمده يومين وفي نهاية الشهر بنشيل القروش وقروش تمام جدا جدا وبنلم لكن برضو بنرفه شويه ههههههههههههه بنمشي نتعشي برا ونرجع لي غرفتنا المتواضعه ندور في القراصه والشاي المقنن واكيد اغلب الاعضاء في سودانيزاونلاين خارج السودان وبعلموا تمام العيشه كيف في الدول دي وانو التوفيق بين الدراسه والشغل صعب كيف اما الجامعه الحمدلله ربنا سبحانه وتعالي وفقنا وماشين كويس ووحده مننا جاته منحة دكتوراه في كندا وهي تخصص فيزيا Organic Physics وانشالله حتناقش في خلال شهور بعد اجازه الكريسماس وحتسافر علي كندا وهذه مثال لي السافروا اما خريجة رياضيات برضو بتدرس في Bioinformatics Technologyوانشالله في خلال شهور حتناقش وانشالله حتواصل اما خريجة علوم الطبيه بتدرس الان في Medical genetics وانشالله التواصل مستمر وزي ما بقولوا الناس ( الدكتوراه جاته بلاء ونحنا مؤمنين طالما العزيمه موجوده والاخلاق موجوده وقبل كل شي ماسكين في حبل الله سبحانه وتعالي قوي ربنا حيكرمنا احسن اكرام نحنا مثال بسيط في كتاار زينا بس الظروف ما لمتكم تتعرفوا عليهم من الفتيات السودانيات . استاذه عواطف انو ما كل سودانيه طلعت من السودان مارقه لي الخراب والتلاف لالالالالا والف لا في سودانيات ومرقوا من بيوت سودانيه واتربوا علي الكسره بي المويه وموية النيل ورضعوا من امهاتم الحفاظ علي النفس والحرص وورثوا من ألاباء الوش الكعب وصرة الوش والفقاره والحمدلله برضو في السودانيات ماسكين في حجابم ودينم ودراستم وبي جي اليوم حنتقابل يا وطنا ويا اهلنا ورافيعن راس اهلنا وراس كل من حولنا والله نحن بنكتب في الايميل ده وكل وحده عايزه تقول بس نحنا بنتكلم بي اسامينا الثلاثه ومزرورين لانو امتحاناتنا قربت نرجو الدعاء اما انو الفتيات الانحرفوا ديل المشكله من بيوتم ومن تربيتم ومن اهلم ومن اهمال اهلم ليهم وعدم زرع الثقه في النفس وعدم زرع الطموح وطموح العلم وطموح الانسان يبقي كويس بي عرق جبينو وبي سهر عيونوا لكن بي كل اسف يا استاذه عواطف الاسر هي ليها الدور الاكبر علشان طلباتم فاقت الحدود و طموحاتم في الفارغه والمظاهر الخداعه وعايزين نضيف ليك اضافه صغيره نرجو منك تسلطي الضؤ علي الشباب الاولاد البطلع وبنحرف والبطلع برضو بلقط قروش لكن ما برجع ولااا بي شهاده ا ب ت ث ما عندو اسالي الاسباب شنو لكن ما كل شئ البنت البنت البنت هل البنت بتنحرف براها برضو بنحرف معاها الرجل وربنا سبحانه وتعالي لمن نزل احكاموا في العقاب ما نزل حكم لي البنت براها ولي ارجل براهو ما قال البنات يحاسبوهم براهم والاولاد براهم كل سوا في الحساب ويوم الحشر العظيم بنقيف كلنا سوا بنتمني انو تنصفي وبرضوا توجيهي اسئلتك لي الرجل برضو!!!!!!!!!!!!!!!!!!!!؟؟؟؟؟؟؟؟؟؟؟؟ ويا استاذه عواطف بنشكرك برضو انو سلطي الضؤ علي الموضوع ده علشان برضو الناس ما تظلم كل بنت وفي الختام بنقول ليك المابخاف الله سبحانه وتعالي تاكدي ممكن يعمل اي شي وديل شريحه معينه من فتيات ما بخافوا الله لكن تاكدي في البخافوا الله سبحانه وتعالي قبل ما يخافوا الناس وفي الختام نشكرك يا استاذ نوبي ونتاسف لي اقتحام الايميل سلام عليكم و & ر& ه

__
ما علي الرسول الا البلاغ
ملاسي
ما تجي تقول لي بتنقل في كلام النسوان

دفعة ازيك

دحين بنوتنا ديل امانة ما كدحن كدح!
رينا يزيدهن ز يوفقهن و بهدي التانيات,

Quote: دحين بنوتنا ديل امانة ما كدحن كدح!

شفت يا دفعة التعميم في الطرح الفطير داكـ كتلن كيفن هناكـ !!

ابوالدفاع حاشاك النقل ، بقيت موصل جيد للحرارة بس

والله يا دفعة الموضوع ده مزعلني شديد
عشان في كتار زي المساكين ديل انظلمو و اتعفصو تحت رجلين التعميم

__
الفرق بين موصل للحرارة و ناقل الكلمات ده ان شاء الله يكون كبير

Quote: وفي الختام نشكرك يا استاذ نوبي ونتاسف لي اقتحام الايميل

قبل يومين واحد قال نوبي المهذب
وهسي البنوت ديل قالن الاستاذ نوبي؟؟!!!



فضل بس الديك يبيض ..ونرفع فراش هذ الارض..

يا ديكو انت زعلان عشان ما قالو ديكو المهذب..
بعدين الديكـ ممكن يكون باض .. ولا الا تشوف بي عينكـ انت



____
مشتاقين يا وغد

Quote: ملاسي ما تجي تقول لي بتنقل في كلام النسوان

بتنقل و بتنقل وبتنقل
اها

انت وين مختفي يا ود البشري ؟؟
من ديكـ* و عيكـ !!
زي نقل كلتشي ولا قودوين



_
* ده ما ديكـ دكين

Quote: قبل يومين واحد قال نوبي المهذب وهسي البنوت ديل قالن الاستاذ نوبي؟؟!!! فضل بس الديك يبيض ..ونرفع فراش هذ الارض..

شكرا يا نوبى لنقلك ( كلام النسوان) الرائعات ديل..
وربنا يوفقهن.

آمنة
شايف طلاتكـ كترت .. عسي خير

Quote: شكرا يا نوبى لنقلك ( كلام النسوان) الرائعات ديل.. وربنا يوفقهن.

ديل بنيات يستاهلن ينقلو كلامن..
لانهن جابن تجربة ترفع راسهن و راس أهلن و بلدن.

__
واجب نقول ليهن مبروكـ أخوات نسيبة.


التعديل لكلمة نسوان الي بنيات لانهن لم يذكرن انهن نسوان

استاذ نوبى

والله البنات ديل عجبونى لمن شبكت يدى خلف رقبتى

الله يعطيهم العافيه ويوفقهم ويكثر من امثالهم قادر يا كريم

العزيز وليد
برغم معاناتهن مما قيل ..يبثن الامل في الدواخل

__
يا ولي يا اخوي استاذ بتاع ايه
زعلان منكـ و انت عارف ليه.

سلام


حلاتكم يا اخواتي ربنا يحفظطم ويسدد خطاكم ويوفقكم ويردكم سالمين غانمين.

التعميم خطا بالتاكيد.

شقيقني الكبري سوسن تغربنا انا وهي للدراسه بالمغرب وعز علي فراق الوالده فاثرت امدرمان الاهليه ووقتها كانت جامعه حديثه والدخول اليها مخاطره..وواصلت سوسن في المغرب اربع سنوات فقط ورجعت حامله لبكالريوس القانون الدولي واصطدمت بواقع العمل في السودان ومره اخري اعاده الكره وذهبت الي سلطنه عمان وسمعتها ماشاءالله عليها توزن دهب
وعملت , وبرت والدتها واحضرتها معها الي عمان وكتب الله لها نصيبها هناك وتزوجت وانجبت ولله الحمد.

الامر حساس ولا يمكن تعميم الراي فليس كل من بالخارج سيء وكل من بالداخل جيد
صحيح في الخارج تتشابك عوامل كتيره قد تضر بالبعض لكن يبقي الشيء المهم هو تقوي الله تعالي.


سلام

الاخت سلمي
حفظكـ الله و أختكـ سوسن و وفقكم و ذادكم علما.
التجارب الجميلة دوما تعطي التفاؤل للاخرين ..
بعكس التجارب المريرة التي تقتل الامل داخل اولياء الامور و طالبي النصح ..
الف تحية لكـ و لأختكـ .. شاكرا لكـ سرد تجربتكما المفيدة لطالبي الامل و النصح.

الاعزاء ...

النظر الي نصف الكوب الملئ اهم بكثيرمن التركيز علي النصف الفارغ ..وفي هذه الحالة اكثر الكوب هو الملئ والفارغ منه صغير اي ان محصلة مقال عواطف ايجابياته كثيرة ومنها لو اخذنا كفاح هاتين الثلاث كنداكات يكفي ..اعرف حكايات وامثلة كثيرة رائعة للمراة السودانية بعمر خروج البنت السودانية للعمل والدراسة منذ عقود كثيرة مضت .. خرجت بنات سودانيات قبل عقود جاوزت الاربع الي روسيا والدول الاشتراكية وامريكا حيث كان مجرد السفر الي هذه البلدان مشقة وتكلفة ورغم اسهام لدولة فان هاتين الفتيات كافحن بصدق وعملن ونجحن وفي زمن موجة الاغتراب والهجرة والشتات منذ اواخر سبعينات القرن الماضي الي الان فهناك مئات من الامثلة الرائعة للمراة السودانية تفوق ما للرجل السوداني .. نقطة ملونة واحدة تغير لون سطل ملئ بالابيض وهذا الذي حصل حالات بسيطة لمن اختلط عليهن الامر اساءت للغالب الاعم ولا اظن ان عواطف وهي امراة مكافحة عاملة تربي اولادها تدرسهم في اركان الدنيا تشقي من اجلهم قد ارادت بما كتبت الغالب الاعم ويبدو ان حماستها للمراة ضخمت في نظرها خطا هذ النفر القليل من البنات فلم تراع ان عنوان مقالها ربما يدين العام ...
اعي جيدا كاب لفتيات يعملن ويدرسن في غربة واخوات يعملن في غربة ووافراد من الاسرة الصغيرة والممتدة من البنات يعملن مثل ما تفعل الكنداكات الثلاث وصديقات في غربة يعملن مثلهن قيمة المراة السودانية العاملة في الداخل في شتي الاعمال من الزراعة الي الرعي الي بيع الشاي وكعاملات نظافة وممرضات ومعلمات ومهندسات وطبيبات ووووووو وفي كل الاحول اثبتن نبلا وجلدا واداء نافعا لامتهن دون ان يسهن ما يشوه اسمائهن ....انا من مناطق كان يغيب فيها الزوج الاب شهورا وسنينا وتقوم الزوجة الام بمهام الاب والام واعي جيدا دور المراة السودانية في تشكيل الانسان السوداني الملتزم وتربيته وتعليمه كما انا " ابن ابي " فانا "ابن امي" وفي منطقتنا النوبية ينادونني باسمها "بكري فاتنة او ابوبكر فاطنة " تكريما لامي وحميمة دون ان ينال ذلك من دور ابي ....

التحية لكل نساء السودان في الداخل والشتات وعذرا ان اصابهن رذاذ دون قصد من مداخلات الكثيرين منا ومن عنوان مقال عواطف فهنا الخطا يعم ومسئولية ان نرممه مسئولية جماعية ...
وعاشت كنداكاتنا ....

مودتي
ابوبكر سيداحمد

الباشمهندس ابوبكر
تحياتي ايها الاب الفاضل
و أتمني لاخواتي التوفيق و الرعاية من الله ..

Quote: التحية لكل نساء السودان في الداخل والشتات وعذرا ان اصابهن رذاذ دون قصد من مداخلات الكثيرين منا ومن عنوان مقال عواطف فهنا الخطا يعم ومسئولية ان نرممه مسئولية جماعية ... وعاشت كنداكاتنا ....

تابعت كل مداخلاتكـ مع الاستاذة الصحفية في الموضوع المطروح
لامست من حروفكـ ما أصابكـ من التعميم ..
ولاحظت ايضا رسائلكـ الرقيقة التي تطالب باعتذار الاستاذة..
عذرا ايها الاب الفاضل و اتمني ان تتقبلها مني
أحيانا .. يجب ان نقسي حتي نعلم .. لا ان ننصح ..
و لذا كانت الكلمات الحادة .. أهم و اقوي من النصح المبطن ..
الذي لم يأتي بنتائج غير ما رأته عيناكـ من إعتذار متهكم علي ما تبقي (للكنداكات).

و دوما لكـ كل الاحترام.

الاخ الكريم نوبي ..

لك التقدير .. وللشمعات الرائعات مثال الفتاة السودانية الصح ..
وهي الاخت والام والزوجة التي لانقول انها انعدمت في زمن الرداءة ...
هي موجودة في الثلاث الجميل .. وفي داخل السودان وخارجه .. ولكن حتي
لانطيل المديح فالفساد اصبح لايطاق وظاهرا لكل عين بصيرة .. والاستاذة
عواطف حينما تحدثت كانت تقدم الخير علي الشر فهاجمت الانفلات حتي نري
الحسن ونكثر من الافاضل .. فنحن لانلومها لانها ارادت الخير وهي فتاة
ايضا تمسها مايمس اخواتها .. فلها الشكر انها كانت شجاعة في طرح
موضوع هي من ضمن المعنيات بالانفلات او السائبات كما اسمتها .. ولقيت
من هذه الكلمة انتقادات .. ونحن في كلامنا الدارجي نقول ديل ماسايبات
ساكت ونحن نفهم ذلك في السودان ولكن البعض مسك الموضوع من طرفه الاخر
لك الشكر اخي نوبي والتحايا العاطرات للثلاثي المكافح ..

بهاء الدين//

الزميل بهاء
انت من طرح هذا الموضوع
هل السوداني كسول وغير منتج .؟.؟
هل كان هناكـ تعميم في عنوانكـ او داخله ؟

ثم كتبت رائيكـ حول ما أثارته الاستاذة عواطف

Quote: العزيزة عواطف .. تحية عطرة فعلا خروج فتاة من البلاد دون رقابة خطر عليها وعلي اسرتها وعلي مجتمعنا المشهور بالاحترام والوقار .. وانت تتحدثين عن الامارات .. ولكن الوضع السيء اكثر في الدول السهلة اي التي يمكن الذهاب اليها بمجردتوفير التذكرة مثل مصر ؟ وهنا مالايخطر علي بالك من فظائع .. وحكايات مخجلة .. ورغم قرار عدم سفر الفتاة دون محرم فان تلك القرارات لاتقف امام فتاة - جميلة - تريد السفر لوحدها وربما بتذكرة بالاقساط تسهيلا لهن من بعض الوكالات ؟ فالفساد في هذه الناحية اختي عواطف اصبح خطيرا جدا .. وندعو الله بالستر .. ولك كل الود بهاء الدين/ القاهرة

Re: المهمة الصعبة ... الفتيات السائبات ورحلة البحث عن المجهول !!!!!
مما يعني موافقتكـ التامة علي طرحها بدلا من اشارة بسيطة للتعميم الظالم..

سؤال:
هل فكرت ان تنفي او تدافع عن هؤلاء ؟؟
الحقوا رجال السودان بدول الخليج من ضياع مدخراتهم بسبب ب...ات اثيوبيا الجميلات

__
لا يسعني الا ان أنقل لسيادتكـ قول الرسول صلي الله عليه وسلم
"انصر اخاكـ ظالماأو مظلوما"

العزيز نوبي
محزن جداان البنت في كل احوالها تجد نفسها
مرغمة علي الدفاع عن نفسها لمجرد الظن
البطال الذي يلاحقها فقط لانها بنت و انها
حاملة وديعة الشرف الذي يعتقد جزء من
المجتمع انها اضعف من تحملها لوحدها فيسعي
لعونها لاغيا لشخصيتها و جزء آخر يرميها
في البحر مكتوفة ليعاقبها علي البلل
و ينجو هو...

العزيز نصار
فعلا أخي و المحزن اكثر ان يكون الظن من بنات جنسها ..
ندعو الله الستر لبنات مهيرة و اخوتنا ..
و هن يثبتن يوما بعد يوم انهن اقوي و اقوي.
لكـ التحايا اخي علي اثارة هذه النقطة الهامة.

أولا التحية ليكم وشكرا ليكم لأنكم شرفتوا أسركم ورفعتوا راسنا

كلنا وكم أنا فخور بكم فتلك البلاد ينجح فيها قوي العزيمة من

الرجال فما بالك وأنتم فتيات بدون رقيب ولا حسيب وهذا إن دل

على شئ إنما يدل على معدنكم ومنبعكم .

ولكن تأكدوا من شئ واحد بس أن الأستاذة عواطف عندما تصف مشكلة

تمس سمعة السودانيين لا يعني هذا أنه ليس هناك جانب سليم وصالح من

شريحة المغتربين لالالا الدليل أنتم , تأكدوا إذا سكت الجميع وإستشرت

المصيبة أول من يتأذى منها هو أنتن الجزء السليم فسيعمم الوصف

كل من رأى أو سمع أو حتى جرب بنفسه وبعدها تكلم وحكى وعمم

ساعتها سيؤلمكن هذا التعميم لأنه بدر من رجل ومن شخص ليس هدفه

مصلحتكن وأخيرا شكرا لكن وللأستاذه ست الكل عواطف أن كانت سببا

في أن نضطلع على هذا المثال الرائع من بنات بلدنا ونوصيكن خيرا

بأنفسكن ونقول هانت وأبقوا عشرة على بعض وعلى القراصة والتقلية




عمكم صلاح واسبه

( لأنه بنتي وجدان بتمشي زيكم كده الجامعة )


تخريمة نوبية لفيصل نوبي :Quote:

ما تجي تقول لي بتنقل في كلام النسوان
=================================

شكرا يا مشاطة فلولاك لما كان هذا الجمال

الاخ نوبي
شكرا لك لنقل الرسالة
ويا بنات مبروك عليكم نجاحكن...لكن والله حزنتوني


لانكن لا تختلف عن طرح عواطف في حاجة,ولم تنتبوه لانكم محظوظات قدر شنو...
فقد اكلمتم جامعات...والشريحه التي تتحدث عنها عواطف لم يتاح حتى لهن ربما
اكمال الجامعات.

وعشان بدكتوراتكم وماجستيراتكم....للاسف لم تضيف لكن شيئا ,وعارفين دائم
دي مشاكلنا مع ناس الكليات العلميه انه جنهم قرايه اكاديميه بس وماعيزين يفتحوا عيونهم ويقورا في امور ثانيه..حسه لو في واحده فيكم بتاعت اجتماع او علم نفس او اعلام
ما كان كتبت الكلام الساذج زي الكلام الكتبتبوه ده:

Quote: اما انو الفتيات الانحرفوا ديل المشكله من بيوتم ومن تربيتم ومن اهلم ومن اهمال اهلم ليهم وعدم زرع الثقه في النفس وعدم زرع الطموح وطموح العلم وطموح الانسان يبقي كويس بي عرق جبينو وبي سهر عيونوا لكن بي كل اسف يا استاذه عواطف الاسر هي ليها الدور الاكبر علشان طلباتم فاقت الحدود و طموحاتم في الفارغه والمظاهر الخداعه وعايزين نضيف ليك اضافه صغيره

هذا تحيلي غريب للفقر وللاخلاق..يقلوا لكم هؤلاء المسحوقات فيهن من غادرت لاجل الدواء لوالديها وتجوا بنفس فاتحه تقولوا الاسرة؟؟؟؟يا جماعة لا يمكن ان القى الفرد في الماء واقل له لا تبتل!! صعب المحافظة على الاخلاق في ظل الفقر.وعندما اقول صعب
ليس معناهوا مستحيل ولكنه صعب.....

غايتو جنس حاله؟؟كل اليقولوا عليه موسى يطلع فرعون.....

اخي فيصل ..

اذا نحدثنا عن ظاهرة فلايعني التعميم فليس هتالك مجتمع فاسد كله او
صالح كله؟ ولكننا نتحدث عن الفساد خوفا من ان يعم؟ وحكايات السودانيات
في الخارج حكايات يندي لها الجبين .. ولكن هنالك فتيات يضرب بهن
الامثال .. فلايمكن ان اتحدث عن ظاهرة وكانها عامة تاكد من ذلك لا انا
ولا الاخت القديرة عواطف التي لا اعرفها شخصيا بل اتمني ذلط ..

بهاء الدين//

العزيز فيصل
شكرا لايراد الرساله ..
والتحيه للبنت السودانيه في كل مكان نموذج مشرف للكفاح والوعي وتدارك الصعاب
ولي تعليق بسيط :
نحن نتحدث الآن وكان هجرة المراه ووجودها بالخارج ظاهره حديثه ، ولكن الحقيقه ومنذ زمن طويل قبل التعقيدات والمشروعات الحضاريه والهوس بكل انواعه كانت فرصة التعليم بالخارج للفتيات متاحه وبمنح دراسيه من الدوله .
بالمناسبه التفوق الاكاديمي وطول كفاح ونضال المراه السودانيه تاريخ لا يحتاج الى دفاع ولا مناصره فشوفنا المراه السودانيه قاضي ومهندس وطبيب وباحث وضابط وكانوا مثال في كل المجالات .
الازمه عزيزي في تناول بمسئوليه بحثيه للظواهر عامه والاجتماعيه بصفه خاصه ، نطرق التعميم والانطباعيه بشكل غير مقصود احيانا ، ولكن نتناسى دوما ان هذا النوع من الظواهر يحتاج الى درايه بحثيه وتقديم براهين وارقام واحصاءات وتحليل كل ذلك مع تقديم توصيات حتى يكون الطرح مًًًًُُجدي وموضوعي ولا يمس شريحه واسعه من المجتمع.
اعتقد ان رسالة الاخوات هي دعوه لنا جميعا الحذر واليقظه مستقبلا في تناول الظواهر الاجتماعيه بهكذا تعميم .
فمزيد من التغيير الاجتماعي والنقاش بدرايه وموضوعيه وحقائق
لك لكاتبات الرساله الود والتقدير
ايمن السر

Quote: ولكن تأكدوا من شئ واحد بس أن الأستاذة عواطف عندما تصف مشكلة تمس سمعة السودانيين لا يعني هذا أنه ليس هناك جانب سليم وصالح من شريحة المغتربين

الاخ نوبي

شكرا لك علي نقل هذه الصورة الجميلة ولكني اعتب عليك بتحاملك علي الاستاذة
عواطف فهي عندما تطرقت لهذا الموضوع لم تعمم علي الاطلاق وانما تداولت ظاهرة
عامة وسط السودانين.

ولك الشكر

بخاف
مشتاقين يا مان

يا عزيزي لم أراكـ يوما تدفن الرؤوس في الرمال
او تجامل من طرف
يا عزيزي أعد قرأة البوست المعني و أتركـ تحاملي جانبا و قل لي اذا كان تعميما ام طرحا فطيرا

العزيز أيمن

Quote: الازمه عزيزي في تناول بمسئوليه بحثيه للظواهر عامه والاجتماعيه بصفه خاصه ، نطرق التعميم والانطباعيه بشكل غير مقصود احيانا ، ولكن نتناسى دوما ان هذا النوع من الظواهر يحتاج الى درايه بحثيه وتقديم براهين وارقام واحصاءات وتحليل كل ذلك مع تقديم توصيات حتى يكون الطرح مًًًًُُجدي وموضوعي ولا يمس شريحه واسعه من المجتمع.

ده اللي مفروض يحصل
بدل عن رمي التهم جزافاً و دون إحصائيات.
أتيت بالمختصر المفيد يا عزيزي.

Quote: Quote: اما انو الفتيات الانحرفوا ديل المشكله من بيوتم ومن تربيتم ومن اهلم ومن اهمال اهلم ليهم وعدم زرع الثقه في النفس وعدم زرع الطموح وطموح العلم وطموح الانسان يبقي كويس بي عرق جبينو وبي سهر عيونوا لكن بي كل اسف يا استاذه عواطف الاسر هي ليها الدور الاكبر علشان طلباتم فاقت الحدود و طموحاتم في الفارغه والمظاهر الخداعه وعايزين نضيف ليك اضافه صغيره هذا تحيلي غريب للفقر وللاخلاق..يقلوا لكم هؤلاء المسحوقات فيهن من غادرت لاجل الدواء لوالديها وتجوا بنفس فاتحه تقولوا الاسرة؟؟؟؟يا جماعة لا يمكن ان القى الفرد في الماء واقل له لا تبتل!! صعب المحافظة على الاخلاق في ظل الفقر.وعندما اقول صعب ليس معناهوا مستحيل ولكنه صعب.....

تراجي
انتي قريتيها كيف الفقرة دي ؟

البنيات قالن المشكلة من التربية ما من الفقر ..
ركزي شوية يا تراجي ياخ و حاولي تقللي الشتارة

الزميل صلاح
اراكـ تدافع مع وجود هذه الفقرة في ذاكـ الطرح الفطير

Quote: شقيقتي الكبرى التي اضطرت إلى الإعادة قررالمشير جعفر نميري فتح مدارس أضافية في بعض المدن ومن حسن حظ أختي أن تم قبولها ضمن المائة وعشرين الأخيرين في المدرسة الجديدة في المدينة المجاورة ولكن أخي الوحيد رفض رفضا باتا رغم أنه كان جامعيا أن تسافر شقيقته إلى مدينة مجاورة تواجه فيها مشاكل الغربة لوحدها رغم أن المدرسة بها داخلية ويحرسها غفر أشداء لا يسمحون للنملة بالدخول أو الخروج فرضفخت أختي لجبروته لأنها كانت مسكينة جدا ولا تستطيع حتى الدفاع عن وجهة نظرها وجلست بالبيت تندب حظها العاثر إلى أن طرق طارق الباب للزواج منها فوافق أخي على ذلك دون استشارتها رغم أن عمرها لم يتجاوز الخامسة عشر !!!

مما يعني ان الطرح لم يكن للدفاع او المناقشة
بل اثبات ان البنت مكانها الطبيعي البيت داخل اربعة حيطان فقط.


كنت أتمني ان تسدي النصح للاستاذة ايضا بدلا عن الاكتفاء بالدفاع .
لكـ التحايا.

الاخوات مثال رائع لتربية الاسرة لبنتها - اذا رموها في وسط النار ما يخافو عليها دي التربية الصااااااح
وزي ما قالن الدور كله على الاسرة والاسرة وبس مش على الدولة ولا على المجتمع ولا على أي جهة غير الاسرة

ربنا يغطى على بناتنا حيثما حلن ويسدد خطاهن

ولكن لا أستطيع هضم هذا البوست ولا أجد فيه سوى مكيدة مدبرة للنيل من عواطف إدريس إسماعيل .

البوست موضوع النقاش كان به تحاور هادف بالخلاف والإتفاق . ومواجه صريحة للنفس لنبش المسكوت عنه بحدته مثل مشرط الجراح الشافى وغناه مثل إشراقة مصطفى وآبوته وصفائه مثل أبو بكر سيد أحمد .

الصوت النشاذ الذى "ضرس" سنوننا هو نوبى وآنسة/سيدة أعتقد إنها دينا خالد . التى فجعت فيها لأنى إعتقدتها دينا فيصل ولكن ستر الكريم .

سؤالى الآن وأمامى هذه الرسالة البديعة من ثلاثة بناتقصتهم بنسج خيوط الملائكة وصفاء النفس . ألم يجدن فى هذا البورد شخص غير نوبى ?

شخص أو أنثى تستطيع توصيل الرسالة بدون حساسية ومزيد من الإثراء .

الرسالة فى يد نوبى "شومة" أو خنجر مسموم فى صدر عواطف وإمتداد لإسفاف وليس حوار وفائدة كما تفعل دائمآ .

إذا قدر لهؤلاء الفتيات وجود حقيقى فهن توفقن فى كل شيئ إلا إختيار ساعى البريد لأن متابعتهن لللبوست نوبى ليس الرجل الصحيح لأهدافهن النبيلة الجلية فى الرسالة

تحياتى لهن

شوف عيني
CNN

شنو با عطية لقيت ليكـ موضوع
بقيت تهضرب يا عمكـ

شكرا فيصل
والتحية لهؤلاء الأخوات وللعزيزة إشراقة كنماذج مشرقة تؤكد أننا ما زلنا بخير، تجعلنا نحس بالفخر وندق "سدرنا"
ونقول ليهن أبشروا آآآخياتنا..

عبدالجليل

Quote: ونقول ليهن أبشروا آآآخياتنا..

لكـ و لهن التحايا عزيزي.

Quote: شخص أو أنثى تستطيع توصيل الرسالة بدون حساسية ومزيد من الإثراء .

أكتب بريدكـ الاكتروني هنا و خليهن يراسلنكـ

اما دي

Quote: ولكن لا أستطيع هضم هذا البوست ولا أجد فيه سوى مكيدة مدبرة للنيل من عواطف إدريس إسماعيل . الصوت النشاذ الذى "ضرس" سنوننا هو نوبى وآنسة/سيدة أعتقد إنها دينا خالد . التى فجعت فيها لأنى إعتقدتها دينا فيصل ولكن ستر الكريم . سؤالى الآن وأمامى هذه الرسالة البديعة من ثلاثة بناتقصتهم بنسج خيوط الملائكة وصفاء النفس . ألم يجدن فى هذا البورد شخص غير نوبى ? الرسالة فى يد نوبى "شومة" أو خنجر مسموم فى صدر عواطف وإمتداد لإسفاف وليس حوار وفائدة كما تفعل دائمآ .

إفلاس منكـ لا أكثر..

Quote: نوبى وآنسة/سيدة أعتقد إنها دينا خالد . التى فجعت فيها لأنى إعتقدتها دينا فيصل ولكن ستر الكريم

Quote: إذا قدر لهؤلاء الفتيات وجود حقيقى

شكرا لحسن ظنك بي يا رافت

كلمة حق اقولها,, نوبي ليس ممن يختلقون الاسلحة لكسب معركة ما

قد يفجر في الخصومة قليلا ولكنه انبل من ذلك بكثير.

يقيني ان للفتيات وجود حقيقي.











_________
غايتو يا فردة علي قول دكين
ما فضل الا نرفع فراش هذه الارض

دينا فيصل سلام
ليس بيى وبين فيصل إختلاف خاص

Quote: قد يفجر في الخصومة قليلا

وهذا مربط الفرس لعدم ترشيحى له ساعى البريد الملائم فى هذا الحوار تحديدآ . وكلمة

Quote: قليلا

زيديها حبتين
ودى


تعديل كلمة الحوار ظهرت الحار

رأفت ميلاد
و سياسة الكيل بميكالين..
برغم ما تقدم من فقدان للمنطق في مداخلتكـ الاولي و إتهام واضح بالتدليس هنا

Quote: ولكن لا أستطيع هضم هذا البوست ولا أجد فيه سوى مكيدة مدبرة للنيل من عواطف إدريس إسماعيل .

و إتهامتكـ بالعنف هنا

Quote: الرسالة فى يد نوبى "شومة" أو خنجر مسموم فى صدر عواطف وإمتداد لإسفاف وليس حوار وفائدة كما تفعل دائمآ

واضح جدا من مداخلاتكـ مع الاستاذة محاولاتكـ المستميته في الدفاع عنها
و أرشيفكـ يحفل بالتحامل علي بناتنا العزيزات و إليكـ علي سبيل المثال لا الحصر

Quote: عواطف صباح الخير ضريبة الغربة هكذا . لاتحزنى كثيرآ ولا تجعلى نفسك مثال . ماهى ظروف هذه الفتاة ? هى تستطيع أن تخرج من العاشرة الى الثانية صباحآ إذآ الخلل موجود فى الفتاة من الممكن أن تكون تحون ثقة زويها فيها وهم الآن فى مأساة لا نتسرع بإلحاق الإنحلال بالأسر ثم بالفئات ثم بالشعوب ليست أول سودانية تفسد وليس كل السودانيين فاسدين نحن شعب من الشعوب يا عواطف مثلنا مثلهم رأيت بأم عينى وقبل أيام قليلة جدآ فتاة أبنة وزير سابق ورجل مشهود له تقبل صديقها السنغالى على قارعة الطريق ووسط مجتمع سودانى خالص وفى مناسبة محزنة لم نفعل شيئآ سوى الحزن وغض البصر أحفظ بناتنا يا رب العالمين محبتى

Re: إعدام طالبة ثانوي .... من المسئول عن الجريمة ؟؟؟ !!!
عليه لا تستحق حتي أن أضيع وقتي في إستعدال مفاهيمكـ..
و يبقي ما تسميه وداً

كيفك يانوبى

Quote: سياسة الكيل بميكالين..

دى مافهمتها !! هل أنا الذى أكيل أو هى إعلان حرب .
حقيقى أنا لا أتقصدك وأنت تعلم ولكن يحزننى ترصدك للأخت عواطف ولم أر منها سوى كل إتزان وإثراء إجتماعى رائع فكان يجب أن أبصم هنا مستنكرآ .

أما قصة

Quote: أرشيفكـ

دى بتزكرنى زول

Quote: يحفل بالتحامل علي بناتنا العزيزات

ده بقى تحريض غير مناسب ومتاهات لا تليق وأنا أحترم الزميلات جميعآ . والمداخلة التى أوردتها كانت لوم لعواطف وليست مساندة .. صغتها "بأسلوب الحوار" . أنا أدافع عن الأسر ولا أرمى الصبيّة صاحبة القصة لأنها كانت مدانة بالخبر المنشور . و أصر على رأيى يمكن أن تكون أسرة متماسكة وناجحة وفساد أحدها لا يعنى تدمير أسرة . وهذا يحدث على الحياة الطبيعة تكرارآ . لذا يجب أن لا نرمى الأسر "بالبصلة" الفاسدة وتكون مأساتهم مأساتين .

والبنت التى ذكرتهافى المثال وصفت أهله ابأنهم أكرام ودافعت عنها نفسها بمداخلة أخرى مع عواطف فى نفس البوست

Quote: أبدآ بت مهذبة ولكنها نشأت فى مجتمع لا يرى العيب فى ما تفعل فكانت فقط على سجيتها . كانت تتخاطب مع الكل بإحترام وأدب . والكل "نساء ورجال" قدر وضعها "بحسرة" Re: إعدام طالبة ثانوي .... من المسئول عن الجريمة ؟؟؟ !!!

عمومآ أقبل منك مع المودة ما تقول بصدر رحب وكل أتمناه أن تعفينى من كلمة

Quote: أرشيفكـ

بتعمل لى حساسية

تحياتي لكـ و لهن أخت شادية..
فهن بالفعل مثال يحتذي به.

والله بنات تمام يا عوض دكام ..
وربنا يدّيهن الفي مرادهن ..

تخريمة :
المحيرني إنهم شغالين في ماكدونالدز وقالوا لمن يستلموا القروش بيقوموا يرفهو ويتجدعوا شوية ويقوموا يتعشوا برّة !!! دحين برّة دي ما ياها ماكدونالدز زاااااااااتا ولّا في حتّات أرقى
طبعاً انا شخصياً لمن خلااااااااص أتجدع شديييد بتعشا في ماكدونالدز

سلام الأخ نوبى و كل الأحباب
حسب فهمى كقارئ عادى لبوست الأستاذه عواطف أخذته مرآة لظواهر جديده على مجتمعنا فى الغربه و من باب حرصها على البنوت بالذات و لم أنظر أليه بعين التعميم التى راءها كثير و لا أستيع أن أحجر عليهم فى ذلك فكثيرا ما يكون الأختلاف سببا لاثراء موضوع النقاش.
و كثيرا ما نتكلم نحن السودانيين بتعميم و لا نقصد به ذلك و كم مره الواحد يسمع أنو ناس وين كده كعبين ويعاينو ليك في عينك و يمسحوك وناس أمريكا مفلسين فنتلقى ذلك بعدم حساسيه و تفهم.
خلاصه قولى بدون الأطاله أن الأخت عواطف فى طرحها سلطت الأضواء على مشكله و لو رأى البعض تعميم فى ما أوردته فلنحسبها حرصا منها على بناتها فى الغربه و لنا أن نختلف معها و لكن يظل الود و الأحترام ديدننا.

التحيه لحواءات بلادى فى كل مكان فكسبهم كسبنا

تحياتى
محمد على

الله يحفظكن ويرعاكن

كنت زميل دراسة لعشرات الطالبات ولم ارى منهن الا الخير

زمن الديمقراطية الاخيرة حاول مسؤول كبير فى الجمعية التأسيسةالطعن فى شرف الطالبات السودانيات بمصر لكنه اعتذر بعد الهجوم الكبير الذي

شنه عليه اعضاء الجمعية وحملة الادانات القوية التى شنها عليه اتحاد الطلاب السودانيين بمصر

السخيف سلامات

وين السخف بقي اناقة فجأة وتعاطف مع السائبات .. سوري اقصد البنات

يا بناتي اقرن قرايتكن الحبة ما بتجيكن وكان لكلام السائبات دا بكون ونسة نسوان ساكت في زهرة الخليج ولا قهوة مغتربات

عارفين يا بنات قصة البت الحديقة

أهو كل واحدة منكن حديقة

والحديقة تزهر بالجمال وتتفتح شذي وعبير

الناس الدقة القديمة ديل ما يأثروا فيكم

والعالم في رحلة ومنافسة لا يبقي معها الا الاقوياء نساء ورجال

فتسلحن بالعلم وتزينن بالدين والعرف والتقليد من غير عمي

وانه صوتي انا

مع خوالص الدعوات

السودانية 2000

السخيف سلامات

وين السخف بقي اناقة فجأة وتعاطف مع السائبات .. سوري اق

السخيف سلامات

وين السخف بقي اناقة فجأة وتعاطف مع السائبات .. سوري اقصد البنات

يا بناتي اقرن قرايتكن الحبة ما بتجيكن وكان لكلام السائبات دا بكون ونسة نسوان ساكت في زهرة الخليج ولا قهوة مغتربات

عارفين يا بنات قصة البت الحديقة

أهو كل واحدة منكن حديقة

والحديقة تزهر بالجمال وتتفتح شذي وعبير

الناس الدقة القديمة ديل ما يأثروا فيكم

والعالم في رحلة ومنافسة لا يبقي معها الا الاقوياء نساء ورجال

فتسلحن بالعلم وتزينن بالدين والعرف والتقليد من غير عمي

وانه صوتي انا

مع خوالص الدعوات

السودانية 2000

الاخوات الماعايزات يقولن اسمائهن
اولا هنالك شيئا غير طبيعي في قصتكم هذه

وهي وبما انها تبدو قصة مشرفة لبنات يرفعن الراس وعصاميات
لماذا اخفيتم اسمائكن؟؟؟؟؟؟؟




ثانيا يا نوبي لازلت مصرة ان تفكير هؤلاء المدعيات للنجاح و العاصميه
ان تفكيرهن متخلف في محاسبة الآخريات ولا يختلف عن عواطف في شيئ
كل الحبوا يعملوا شوية استعراض بنجاحهم.

(أشراقة مصطفى) اين انت؟؟.... افقتدتك هنا....

ايميل تاني من البنيات

Quote: سلام عيلكم جزاك الله خير وقرا نا بعض المداخلين علي انو الايميل ده يحتمال شن هجوم علي الاستاذه عواطف لا والله العظيم نحنا بس حاولنا نوصل راينا وبي الدليل انو نحنا ارسلنا نفس الايميل في بداية البوست لي الاستاذه مني خوجلي ولكن هي ما طرحت المشكله ونحنا كنا عايزين بس شخص يوصل رائينا ما اكتر من كده وبنشكرك وبنشكر كل الاعضاء الكرام وبنشكركم لي تشجيع بس ما تنسونا من صالح الدعاء

وفقهن الله
الي حين عودة

خطاب من الاخوات مرة أخري.

Quote: بسم الله الرحمن الرحيم الاسماء كالاتي( ولاء عبدرحمن الفكي )( هاجر محمد عبد القادر)( رميساء بابكر الحاج) لانو جميع الاساتذه والاستاذات الكرام ومحتجين انو نحنا حجبنا اسمائنا لي وبنكرر مره اخري نحنا ما قلنا الا رائينا ومن حق اي شخص الاعتراض او القبول زي ما نحنا اعترضنا علي البوست والخلانا نتشجع ونرسل رائينا لانو ده منبر عام لي المناقشه والحوار وقبول الرائ الاخر وحتي قبول رائ القراء ومناقشتم وليس اعتراض شخصي لانو نحنا ما بنعرف اي شخص هنا معرفه شخصيه وعلي ما نعتقد حصل التباس لي الاستاذه عواطف(نكرر) انو هي بي رغم انو خصصت منطقة الخليج بس برضوووو قالت البنات البسافروا وكل المداخلين رموا بي سهامم علي البنت البتسافر ونحنا من البوست ورائي الاستاذه عواطف ورائ كل المداخلين, فقط نوضح انو في بنات سافروا وبقروا وفي برضو بنات شغالين لي لقمة العيش وضربنا مثال انو نحنا في الدول الغربيه اصعب من دول الخليج وكل المحيط الحولك مختلف علي عكس الخليج دول عربيه واسلاميه ومحافظه والانحراف عمروا ما كان مربوط بي سفر **** وهنا في سؤال كان مفروض يتسال( السائبات والبنحرفوا في وجود الاب والام ديل سببم شنو؟يعني بي الفصيح بتنحرف وقاعده في حووووش ابوها دي سببه شنو) مش انو الدول الاسكندنافيه في الخليج العفو يا استاذه عواطف !!!! حتي الاعتراض علي رائينا مفروض يكون بي مستوي مناقشتك ومستوي مكانتك كا صحفيه وبي نفس الهجوم الفتحتي بيهو البوست مش تقليل من اراء الاخرين (انتي صحفيه وبي قلمك ممكن ترفعي ناس وممكن تهدمي ناس وبرضو ممكن تقتلي ناس )حسب مفهومنا المتواضع عن الصحافه اما عن المواضيع السابقه انو نحنا ماشاركنا فيها وفقط شاركنا في الموضوع ده لانو حقيقه يا استاذه عواطف نحنا ما عندنا ثقافه في بيوت الظار والبنت الدلوعه والبنت الخمجانه وانو نعاين لي الناس لابسه شنو لسه ما فضينا ليها لكن لو فضينا ليها نوعدك و اكيد حنديك رائينا بي كل وضوح وبي كل مصداقيه وبدون اي تردد ونشكرك كتير يا استاذه تراجي علي رائيك المنصف في حقنا كتييييييييييييير وانو كلامنا فشخره وكلامنا استعراض جزاك الله خير ما عندنا غير الا احترام رائيك كتير جدا وانو نحنا لمن عرضنا قصتنا كا دليل وانو لي ناس سافرو وغيرنا مئات وعشرات البنات سافروا,بنتمني منك يا استاذه تراجي تختي نفسك مكان الفتيات الفي البوست وانهم سافروا هل حيكون سرد قصتك الجميع القراء عارفين انك مناضله وكذا وكذا وكذا وانو استعراض!!!! وانو لمن تتكلمي عن انو انتي في عهدك انتيجتك الثانويه اهلتك لي انك تاخدي منحه في القاهره وتدرسي , بي العكس نحنا قرائنا كلامك ده من خلال بوست ومااا عبر في خيالنا ممكن يكون استعراض بي العكس انبسطنا جدا, بنتمني ما تتسرعي في الرد قبل التفكير فيهو لانو برضو التسرع بضر ماا بنفع ( ان ما بعد الظن أثم) وشكرا جزيلا مره تانيه بنتمني انو الناس ما ياخدوا رئينا هجوم واتقبلو اراء الاخرين حتي لو كانت ضدهم لانو ده منبر عام ومناقشة قضايا بتهم لناس ويصلوا لي الحل السليم البفيد كل الناس بدون تجريح وبدون تعميم وبدون شي مثبت (عنتر قتلوا اعمي) وشكرا جزيلا لي كل الاتفهمو الامر بي صدر رحب وتقبلوا رائينا بي كل هدوء ونكرر اعتزار اذا رائينا اجحف في حق ناس ونحنا برضو مستعدين و حنتقبل كل الاسئله بي صدر رحب ولاء,هاجر,رميساء

بالمناسبة الالوان دي ما من عندي منهن هن زاتهن.

والله يا نوبي ملاسي دا إلا تكون حنستو ولا وسطت ليه دينا
ما ممكن لحدي الآن ما يجي يقوليك بطل نقل كلام النسوان دا

والله العظيم نحنا بس حاولنا نوصل راينا وبي الدليل انو نحنا ارسلنا نفس الايميل في بداية البوست لي الاستاذه مني خوجلي ولكن هي ما طرحت المشكله ونحنا كنا عايزين بس شخص يوصل رائينا ما اكتر من كده


سلام يا فيصل..

حقيقي وصلتني رسالتهم في الأميل وتناقشت معهن فيها..واخر حديثي معهم اخبرتهن انني أود تفاصيل
أكثر عن يومهم العملي حتي أفتح بوست..يصبح لمن يقرأه معرفه اكثر من أن يكون مجرد رد فعل لبوست عواطف..
ولقد اشرت في بوست عواطف لهذا ... وبينت انني لم أرغب في نشرها في البوست الخاص بها للحدة التي عمت البوست في النقاش..الرساله اول تاريخ وصلتني به كان في 17 نوفمبر ثم استمر الأخد بيننا في النقاش لمدة ايام تبادلنا في ثلاثه او اربع رسائل..

عندما تابعت اثناء ذلك بوست عواطف ورأيت ان النقاش ضاع منه الهدوء وكثر فيه الهجوم..قررت ان لا أزيد الأمر سوءا.. وأنتظر الي أن تهدأ الأمور ولا أزيدها سوءا..فاذا بي افجأ بنفس الرساله قد وصلتك وقمت انت بانزالها..وبهذا لم يعد عندي حق في عرضها مره اخري ولا معني لتكرارها ..اليوم أو غدا...

فقط أحببت أن اوضح هذا مادام اسمي قد ذكر هنا..لهن ولعواطف ولكل النساء المكافحات كل التحايا.. والأحترام..

مع الموده..

الاستاذة مني

Quote: سلام يا فيصل.. حقيقي وصلتني رسالتهم في الأميل وتناقشت معهن فيها..واخر حديثي معهم اخبرتهن انني أود تفاصيل أكثر عن يومهم العملي حتي أفتح بوست..يصبح لمن يقرأه معرفه اكثر من أن يكون مجرد رد فعل لبوست عواطف.. ولقد اشرت في بوست عواطف لهذا ... وبينت انني لم أرغب في نشرها في البوست الخاص بها للحدة التي عمت البوست في النقاش..الرساله اول تاريخ وصلتني به كان في 17 نوفمبر ثم استمر الأخد بيننا في النقاش لمدة ايام تبادلنا في ثلاثه او اربع رسائل..

الف شكر لكـِ

اقترح علي الاخ بكري ( او الهكر ) ايهما اسرع باعطاء الاخوات صاحبات الرسائل باسووردات لمناقشة هذه القضية بانفسهن ، فهن اقدر علي الاخذ و الرد و المعالجة ، بدلا من اعطائها للناقل فيصل ، و الذي اتضح جليا من خلال مداخلة العديد من الاخوة انه لا يصلح لمثل هذه المهام ، و انه استخدمها للنيل من اخت عزيزة هنا .

رافت ميلاد !!!
ياخى مالك معكر مساءنا
حقيقى انا اتشغلت شوية ومتابعتى لى بوستاتى دى ضعفت
فعليكم الله ما تستغلو الحته دى ،،،

Quote: الصوت النشاذ الذى "ضرس" سنوننا هو نوبى وآنسة/سيدة أعتقد إنها دينا خالد

ياخ معقول تتملس لى عواطف بشتيمتنا قدر دا ؟؟؟؟ ياخ لا ما صاح
مداخلتك قدر ما اجتهدت وبذلت فيها من جهد، غرضها كان واضح وريحتها فايحه ومقصدها
ما فات على اى زول مر على البوست دا ؟؟؟
اتلطف لطفك ياخ جايب سيرتنا مالك ؟؟؟؟
بعدين طرحك افطر من الفطير الام ... كنت تبقى زول جادى وتاشر على الضرسك قيهو شنو ؟؟
ــــــــــــــــــــــــــ




ضرستك سيدة دى ؟؟؟؟ لا والله انسه،،، وبكرة بجيب صورتى ،، عشان انت تغير رايك
وتصرف لينا من صكوك غفرانك ****

فى انتظار ان يخبرنا الاخ
رافت ميلاد فى ما ضرسهو من مداخلاتى ؟؟؟
لاعرف كيف ازيل لهو الساسوى فيما بعد
فانا حريصه على الا يضرس هو شخصيا