Post: #1
Title: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-01-2007, 01:10 PM
في امسية الاربعاء 28 نوفمبر باستراحة القصر بالطائف
تم تكريم الاستاذ الشاعر حاتم حسن محم بخيت الدابي وسط
حشد من ابناء الجالية السودانية بالطائف بمبادرة واعداد
وتقديم مبدعي منتدى الطائف الثقافي بقيادة الاستاذ الدقوني
والمتألق الواثق عبد الرحمن
ابداع
ابداع ابداع
ساعود
|
Post: #2
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-01-2007, 03:11 PM
Parent: #1
حاتم حسن الدابي
الميلاد 11/7/1961
له حوالي 300 قصيدة
وولدين
وثلاثة بنات 
عمل مهندسا بهيئة توفير المياه الريفية بالخرطوم ثم نقل الى دارفور ام كدادة حتى 1995 ثم اعاد العمل مع الشركة الصينية للمياه والكهرباء في تقويم مشاريع الاعاشة في كل نري والقرير والكلد والغابة ثم انضم الى مشروع القرير وترك العمل في 2001 .
مشارك في كل المنظمات المدنية الثقافية والفنية وروابط الطلاب بالجامعات والمعاهد العليا بالسودان
اصدر مجموعته الشعرية الاولي باسم هموم الناس في عام 1996 ثم لسان الحال
|
Post: #3
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-01-2007, 03:14 PM
Parent: #2
الشاعر حاتم الدابي في القاء شعري
والى يساره الواثق عبد الرحمن امين المنتدى والاستاذ على الدقوني رئيس المنتدي
|
Post: #4
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-01-2007, 03:17 PM
Parent: #3
جانب من الحضور في استماع وانسجام تام مع الشاعر الدابي
|
Post: #5
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-01-2007, 03:24 PM
Parent: #4
حضور كبير لقيادات حزب الامة بالطائف
عصام اصيل
وحرص شديد على التوثيق
يظهر في الصورة الاستاذ المغيرة التجاني رئيس المكتب التنفيذي للجالية بالطائف الى الجوار من رئيس المنتدى الدقوني
|
Post: #6
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-01-2007, 03:27 PM
Parent: #5
الاستاذ مصطفى حبشي في فاصل مع الراحل مصطفى سيد احمد
|
Post: #7
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-03-2007, 12:29 PM
Parent: #6
عهد الريدة
يا خاينة عهد الريده فات
وبقينا نبكي على قيم صبحت مع الايام شتات
ويا حليل زمانا خالي هم راحت ليالي الامنيات
كانت احاسيس من نغم صغناها بكل اللغات
دنيانا كانت بالنعم محفوفة من كل الجهات
لا فينا مظلوم لا ظلم وجواز سفرنا اجمل صفات
والليلة فرقنا السهم كان قوسو اولاد الزوات
حطانا من اعلى القمم ورجعنا عهد الموبقات
غنينا وكتين انهزم في جوفنا صنديد الصلات
غمدنا والليل ابتسم واهتزت اعمدة الثبات
روح الشباب صابوا السقم او عايشة بين حيا والممات
سبناها تغرق في خضم والفينا فضل بس رفات
عضينا اصابعين الندم والبسمة لازمت الجناة
وطنا في جوفنا الالم وجوانا وأد الامنيات
صار فينا شبح الخوف حكم بي همو قيييل وفينا بات
تابعنا واتفرق الملم هجر الوليدات البنات
ما بيسلم الزول ان نضم وما بيجدي كان لزم السكات
لا تبنا لا التاريخ رحم جراها في الابدان سياط
|
Post: #8
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-08-2007, 10:32 AM
Parent: #7
وكانت الرواسي وما لاحقها من توابع تحقيقات جهاز الامن مع الشاعر حضورا ايضا بالمنتدى
مدر مدر يا مراسي نحنا بعاد لحقنا القيفة
إنت مدبج ونحنا نقاسي برد ام شير والموج والزيفه
مركبك الماليها مطارق تمشي تقيف تسرح بكيفه
مره مغارب ومره مشارق وإنت تخاف الريح وحفيفه
ساوها زينه وفوقا بيارق وانت مدبج توب وقطيفه
فيها المات والضاربو الفالق والسالمين في حالة مخيفه
كل الناس ترزع في كفه وانت وناسك فوق الدفه
**************
الدايشين والراسن لفه والشاخصين في المدى للضفه
وقف طبالك فوقن الفه جوه المويه وريقن جفه
من العطش النص اتوفى وباقي النص الفضل جيفه
ضاقو المر والحال استعصى الشغال واللاحق الحصه
الواصال للرحم انقصه والهداي مو لاقي الفرصه
الرساي سافر ما وصى خلى محمد واحمد وحفصه
الاطفال العرفو القصه سدت جوه حلوقن غصه
من الجوع الدم اتمص واصبح كل الحلم رغيفه
|
Post: #9
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-08-2007, 10:48 AM
Parent: #8
كل الراكب شاف احلامو دون احساس ماتت قدامو
فن كتابو وكسر اقلامو لا الوالدين لا الجار ما لامو
ناس الحله القعدو وقاموا اصر والح يمشي كلامو
هزموا خوانو البي جوع نامو وكم خريج مو لاقي وظيفه
يا الفكيتا وقوتلا سيري وعارف انو الدنيا دميري
لا في ضفاف لا شفنا جزيري لا في الحيري ولا في الطيري
كسرت جناحا وقوتلا طيري واتملكت الكانت ميري
يالسودت الناصع وجيري ايد الحق صابونه وليفي
قبلك كم متعلم وقاري عكس الريح سولو الصاري
مشدوهين متعشي وحاري ريسه شلتو والبحاري
كم سنوات علامة الباري واقفي وهم شايفنا جاري
بقينا هلاك والقيف مضاري لا حجار لا دوحة وريفه
|
Post: #10
Title: Re: الرواسي وعهد الريدة لسان حال حاتم الدابي بالطائف ( توجد صور )
Author: محمد حسن العمدة
Date: 12-08-2007, 10:49 AM
Parent: #9
حسك عينك ما تتمادي وتنسى الراكب عندو اراده
الاهوال الشافه وخادة كان في مدرسه ولا عيادة
شفنا الايد الكان اجواده يا مبتورة ويا شحادة
ويا ما رقاب كانت سداده علمت الله من التعريفه
يا ريسنا قدر مديرك فك الدفه وادها غيرك
احفظ نفسك ترضى ضميرك وقف اوع تواصل سيرك
كان طاوعتنا شن بيضيرك عرض اكتافك وفك البيرك
لا هني شكرا وكتر خيرك وكل انسان في الارض خليفه
|
|