هزيمة جديدة ثمنها بطولة الممتاز، لم يشفع للمريخ الأداء الجيد الذي ظهر به اليوم والذي كان بالإمكان بالخروج منتصرين بنتيجة عريضة على الهلال، الذي أدى خط دفاعه أسوأ مباراة له في مباريات القمة، إلا أن التسرع والأنانية كانت عنوان لمهاجمي المريخ في مواجهة مرمى الهلال المكشوف. عنتر قتله أعمى عبارة تلخص نتيجة مباراة اليوم والتي استطاع من خلالها الهلال الانتصار بثلاث هجمات جاءت كلها عن طريق سعيد السعودي الذي شكل الدفع به من بداية المباراة قاصمة الظهر للمريخ وهو يهاجم ويغزو مناطق الهلال بضراوة. سعيد السعودي الذي ظل بعيداً عن المريخ لفترة ليست بالقصيرة، وأكاد لا أذكر مشاركته أساسيا إلا في مباراة الشلف الجزائري في المباراة التي أقيمت بالجزائر، وحتى وقت قريب كان بصحبة الفريق الأولمبي ومنها طائراً إلى تونس لتسلم الميداليات مع المريخ في نهائي الكونفيدرالية ومنها إلى التشكيلة الأساسية لمباراة القمة! أما كان لمازدا أن يدفع بعلاء الدين بابكر اللاعب الجاهز والمتمرس على لقاءات القمة، خاصة وأنه يتميز بقدرته الهجومية الكبيرة وقدرته على خلخلة الدفاعات وعكس الكرات المحسنة إلى المهاجمين. الجهة اليمني فشل فيها إيداهور فشلا ذريعا منذ مباراة الصفاقسي ولم ينجح في عكس كرة واحدة صحيحة إلى المهاجمين أو إلى طمبل على التحديد، فإصرار الجهاز الفني على اللعب به في الجهة اليمني وخلفه السعودي كان من أخطاء الجهاز الفني الكبيرة. كرة مسددة من خارج منطقة الجزاء، وركلة جزاء وكرة مرتدة من القائم فقط لا غير كانوا كفيلين باغلاق ملف الممتاز للعام الخامس على التوالي لصالح الهلال. انتهت المنافسة وكانت هفوة مباراة الموردة أحد أسباب هذا الفشل الكبير. أنهزام المريخ اليوم أمام الهلال الضعيف والذي لم يقدم أي شيء أمر يجب أن يقف عنده مجلس الإدارة كثيراً. اجتهاد المجلس في توفير المدرب الكفء واللاعبين القادرين على الدفاع على شعار المريخ داخليا وخارجيا مهمة كبيرة ينظر لها متابعي المريخ كبارقة أمل للعودة مجددا العام القادم إلى النهائيات الأفريقية وإلى المنافسة على الألقاب المحلية. الفضية القارية هي الإنجاز الأوحد التي حفظت ماء وجه اللاعبين هذا الموسم ولولاها لطالبنا بتغير كل الفريق، خاصة بعد كل المعينات التي توافرت لهم هذا الموسم لتحقيق نتائج أفضل من التي حصلوا عليها.
Post: #2 Title: Re: ضياع البطولة (المحلية) .. وعنتر قتله أعمى ! Author: محمد عثمان Date: 11-29-2007, 10:42 PM Parent: #1
Quote: اجتهاد المجلس في توفير المدرب الكفء واللاعبين القادرين على الدفاع على شعار المريخ داخليا وخارجيا مهمة كبيرة ينظر لها متابعي المريخ كبارقة أمل للعودة مجددا العام القادم إلى النهائيات الأفريقية وإلى المنافسة على الألقاب المحلية.
كرومة سلامات المحزن أن رباعية الصفاقسي كان بالإمكان تلافيها وإحراج المنافس في ملعبه كما حصل في النهائي، أما مباراة اليوم فهي أسوأ وأضل سبيلا لأنها جاءت من فريق مهلهل لم يستطيع خلال ال90 دقيقة شن هجمة واحدة منظمة وجاءت اهدافه الثلاثة (بشوتين) وبلنتي!
Quote: أما مباراة اليوم فهي أسوأ وأضل سبيلا لأنها جاءت من فريق مهلهل لم يستطيع خلال ال90 دقيقة شن هجمة واحدة منظمة وجاءت اهدافه الثلاثة (بشوتين) وبلنتي!
ممكن يا أخ راكوبة تورينا الشوتين ديل اتجهزن كيف؟ وممكن بالله برضو تورينا قونين المريخ لو جن من هجمة منظمة؟
Post: #8 Title: Re: ضياع البطولة (المحلية) .. وعنتر قتله أعمى ! Author: خالد عبد الله محمود Date: 11-29-2007, 10:51 PM Parent: #1
العزيز راكوبة
حمد الله على السلامة
عنتر دة يا راكوبة كتلو أعمي مرة واحدة في حياتو لكن أنتو كل سنة الأعمي دة بملطش فيكم أسه يكون الأعمي منو؟؟
راكوبة خليك منطقي الهلال كان في أسوأ حالتوا و لم يستطع فريقكم الضعيف التفوق عليه و تحس إنو في فارق بتاع خبرة عشرين سنة و كأن لاعبي المريخ تم تجميعهم من فرق متعددة قبل المباراة بساعات !!
كانت فرصة كبيرة يا راكوبة و ضيعتوها و تاني ما أظن تتكرر قريب
Quote: راكوبة خليك منطقي الهلال كان في أسوأ حالتوا و لم يستطع فريقكم الضعيف التفوق عليه و تحس إنو في فارق بتاع خبرة عشرين سنة و كأن لاعبي المريخ تم تجميعهم من فرق متعددة قبل المباراة بساعات !!
د الأخ خالد هذا ما قلته بالضبط ، أن الهلال وخط دفاعه كان سيئا ومكشوفا ولم يستطيع اللاعبون أن يستغلوا هذه الفرصة.
Quote: أنهزام المريخ اليوم أمام الهلال الضعيف والذي لم يقدم أي شيء أمر يجب أن يقف عنده مجلس الإدارة كثيراً.
يا دوب حيقف المجلس ياخي إنت في أخر ستة مباريات كبيرة - باستثناء الميرغني و مريخ بورتسودان- ما حققت الفوز وداخل فيك 14 هدف ويادوب داير المجلس يقيف دقييييييييقة باللاي
ثم ياخي شنو حكاية كل تيم يرشكم يطاع ضعيف دولفين و الرجاء و الصفاقسي برضو طلعتوهم ضعاف
الأمر الآخر الذي يثير الاستغراب هو عدم تعامل المدير الفني المكلف مازدا مع المباراة بالشكل المطلوب، خاصة وأن المريخ تقدم مرتين على الهلال وفشل في الحفاظ على هذا التقدم وعدم استفادته من التغيرات إلا بعلاء الدين بابكر بعد مدة طويلة ولم يستفد من التغيرين الآخرين والذي كان بإمكانه أن يدفع بالسعودي أو جيمي ناتالي لتنشيط مقدمة المريخ خاصة وأنه يبحث عن الانتصار ولا شيء غيره.
تاريخ التسجيل: 05-02-2002 مجموع المشاركات: 5734 Re: هام جدا جدا : إلى جميع الهلالاب بدولة قطر (Re: على محمد على بشير)
Quote: لانو يومها ستكون بطن الهلالاب كلهم طامه
طامة وقالبين هوما والاجتماع حيكون ( ميطي)
راكوبة ســــــــلامات البيشوف تعليقك الفوق دا ما يقول كتبتو انت وكفارة والجاتك فى شبكتك سامحتك يعجبنى فيك ما بتزوغ زى بقية المريخاب لكن دائما عندك اعذار جاهزة الكورة اقوان والعبرة بى النهاية بعد كم سنة لمن تمشى الارشيف حاتلفى الهلال هزم المريخ3/2 مافى زول حايفول المريخ كان الافضل
Quote: الأمر الآخر الذي يثير الاستغراب هو عدم تعامل المدير الفني المكلف مازدا مع المباراة بالشكل المطلوب، خاصة وأن المريخ تقدم مرتين على الهلال وفشل في الحفاظ على هذا التقدم وعدم استفادته من التغيرات
Quote: قصدت بقولي "إن مازدا لم تتح له الفرصة الكافية لتجريب رؤاه" أن أشير لصعوبة مهمته إذا أضحى مطالبا في أي وقت من أوقات المباراة بتعديل نتيجتها؛ إذ سيتعين عليه وقتذاك إجراء تعديلات داخل الملعب أو من خارجه، دون أن يمر بذات الظَرْف الصَعْب بحكم أن أوتوبفستر كان هو "الحاكم بأمره"
يا أخي مازدا لم يتح له الوقت الكافي لتدريب المريخ الذي كان يتعين عليه السعي لإبقاء أوتوبفستر حتى نهاية الموسم. مازدا حاول أن يكون واقعيا بتدعيم مناطقه الدفاعية بإشراك لاعب بمواصفات دفاعية "سعيد السعودي"، لكنه أشركه مائلا نحو الطرف الأيمن دون أن "يجربه" من قبل في مثل هذه المهمة.
أتفق معك على ضعف مستوى دفاع الهلال "تحديدا داريوكان"، لكن دفاع المريخ لم يكن أحسن حالا، لاحظ لهدفي الهلال الثاني والثالث، وكل ما في الأمر أنه تعرض لضغط أقل، وهذا متوقع في مباراة لا بديل للمريخ فيها عن الفوز.
المنافسات الطويلة تحتاج استقرارا تدريبيا توفر للهلال الذي استفاد من بدلاءه بشكل أفضل من المريخ، وكما تعلم يا أخي العزيز فإن تحويل الخسارة إلى تعادل ثم فوز أمر لا يتكرر كثيرا في هلال/مريخ، ويستحق عليه لاعبو الهلال ومدربهم الثناء.
أما وصف الهلال بالأعمى والضعيف والمهلهل ففيه إساءة للمريخ الذي ظل يفشل لخمسة أعوام متتالية في كسر احتكار هذا الفريق الأعمى والضعيف والمهلهل لبطولة الدوري الممتاز!
ود الريح حديثي عن الهلال في هذه المباراة بالتحديد ، فمظهر الفريق كان سيئا للغاية، وكان بإمكان المريخ أن يخرج منتصرا بنتيجة عريضة. أما مازدا فسوء التشكيل من البداية تسبب في هذه النتيجة، خاصة وأنه لديه لاعب مجرب معه في الفريق القومي وفي المريخ ذاته وأثبت نجاحه في خانة الطرف الأيمن وهو علاء بابكر. ودونك مباراة المنتخب التونسي وكيف استطاع أن يخلق إزعاجا للفريق التونسي المحترف بمعنى الكلمة واستطاع عن طريقه تسجيل أحد أهداف اللقاء. إضافة إلى الاحتفاظ بفرصتين للتبديل كان بالإمكان بهما إنعاش مقدمة المريخ وخلق مزيد من المتاعب للدفاع الهلال الذي يعاني من البطء والارتباك.
راكوبة تحياتى أتفق معك فى أن مازدا أخطأ فى التشكيلة وتنظيم اللعب لم يلعب بالقوة الهجومية الضاربة المكثفة التى يلعب بها أتوفستر وأبقى على السالب من الخواجة بإشراك البرازيلى عبد الحميد السعودي والبلدوزر كان يجب مشاركتهم منذ البداية بجانب طمبل والعجب فى منطقة الوسط المتقدم والهجوم
مباراة الدورة الأولى خسرها المريخ بالتعادل بسبب الحكم الضعيف الذى تساهل مع العنف والضرب من لعيبة الهلال لإيقاف خطورة المريخ هذه المرة الحكم كان حازما فى عدم إنفلات اللاعبين ولكنه ظلم المريخ فى ضربة الجزاء التى غيرت مجرى المباراة وتغاضى بعدها عن إحتساب ضربة جزاء واضحة لصالح المريخ من كرة معكوسة أمام مرمى الهلال تم فيها دفع مهاجم المريخ بصورة واضحة!
فى المبارتين المريخ كان الأفضل ولكن أضاع نصرا سهلا وخسر فى المرتين بالتعادل أو الهزيمة !
مدرب الهلال صاحب التشكيلة الثابتة والتبديلات المحفوظة مرة تصيب و مرة تخيب .. صدقت معه هذه المرة!
مبروك للهلال المحظوظ وهاردلك للمريخ الذى أهدى النصر لغريمه!
راكوبة معليش ياصديقى والتلاتة حارة شدييييد انا عارفك تعبان خالص لكن برضو بتقاوم وده امر يحمد لك مش زى ناس غلبة وزوغة لكن ده برضو ياراكوبة مابعفيك من قول الحقيقة خمسة سنوات حرمان كتيرة ياصحبى لمن زهجنا زاتو وتجى تقول لى عنتر كتلو اعمى فعلا الهلال لم يكن فى مستواه عشان كده غلبناكم تلاتة بس بالمناسبة وين عنتر مازدا مالو ما لعبوا فى المباراة
Quote: أما وصف الهلال بالأعمى والضعيف والمهلهل ففيه إساءة للمريخ الذي ظل يفشل لخمسة أعوام متتالية في كسر احتكار هذا الفريق الأعمى والضعيف والمهلهل لبطولة الدوري الممتاز!
هاهاهاها هييههههههه......تختوا نفسكم في مواقف بايخاااااا
راكوبة التناقض شنو انت موش يوم الصفاقصي قلت سيد السعودي ده كان يجب اشراكه عشان صغير وسريع.
بعدين ياخوي الهلال لعب بتكتيك وعينو علي الكاس وكان له مااراد. مشكلتكم بتحملوا النتيجة لي لاعب واحد. شاهد هدف مهند دفاعكم باكمله كان جمبو وبتفرج.
كلامك عن مازدا عين العقل
Quote: أعمى
Post: #28 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 01:48 AM Parent: #24
جمال طالبنا بسعيد السعودي في خانته الأساسية كلاعب محور بجانب مجاهد كما لعب في الجزائر وأجاد، وليس تجريبه في خانة جديدة لا يلعبها حتى مع المنتخب الأولمبي.
Post: #26 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 11-30-2007, 00:06 AM Parent: #1
Quote: خاصة وأنه لديه لاعب مجرب معه في الفريق القومي وفي المريخ ذاته وأثبت نجاحه في خانة الطرف الأيمن وهو علاء بابكر. ودونك مباراة المنتخب التونسي وكيف استطاع أن يخلق إزعاجا للفريق التونسي المحترف بمعنى الكلمة واستطاع عن طريقه تسجيل أحد أهداف اللقاء
يا راكوبة العزيز
أولا: إشراك علاء بابكر الغائب عن التدريب مع المريخ منذ 3 نوفمبر حتى 26 نوفمبر نوع من عدم الانضباط الذي لا أظن أن أوتوبفستر كان سيقدم عليه.
ثانيا: علاء أزعج دفاع المنتخب التونسي لأنه لعب أمامه مهاجما، لكنه -هو ذاته- فشل في مركز الطرف الأيمن أمام الصفاقسي بأمدرمان.
ثالثا: بدا المريخ أكثر سيطرة في مباراته مع الهلال يوم 23 أكتوبر 2005 لأنه كان -أيضا- يحتاج للانتصار، لكن المباراة انتهت بالتعادل وصارت أحد أسباب المتوالية الهلالية الخماسية.
رابعا: النظرة الشاملة لقائمة لاعبي فريق المريخ تؤكد "الاكتناز" في مراكز الهجوم "6 مهاجمون" والوسط المهاجم "6 لاعبون" على حساب الدفاع والأطراف والوسط المدافع. ولذلك لم يجد المريخ في مباراة اليوم لاعب طرف أيمن متخصص، ولعب في هذا المركز 4 لاعبون في المباريات الأربعة الأخيرة "علاء/قلق/إيداهور/سعيد"!!
خامسا: لديكم فرصة للثأر منا في نهائي كأس السودان، لكنكم لو فزتم علينا وعدتم للحديث عن "مريخ لا نراه إلا في كتاباتكم" فلن تحل مشاكلكم المزمنة. نحن عندنا يوم يومين بنفرح فيهم بالكاس الخامس على التوالي وبالفوز عليكم، وبعد داك نشوف داريوكان كان كعب مالو؟ وحمودة ليه ما عمل حاجة؟ وبعض السلبيات الأخرى.
Post: #29 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 01:54 AM Parent: #26
Quote: أولا: إشراك علاء بابكر الغائب عن التدريب مع المريخ منذ 3 نوفمبر حتى 26 نوفمبر نوع من عدم الانضباط الذي لا أظن أن أوتوبفستر كان سيقدم عليه.
الكل يعلم أن علاء الدين في قمة الجاهزية للمشاركة مع المريخ، خاصة وأن الدفع بلاعب شاب في خانة غير خانتة في مباراة بحجم مباراة القمة تحتاج فيها لتأمين مناطقك الدفاعية وأن تبحث عن الانتصار ولا شيء غيره ، أمر كان يتوجب عليه إشراك علاء الدين بحكم تجربته الكبيرة مع المريخ والفريق القومي. أما عن فشله في مباراة الصفاقسي فتلك مباراة استثنائية بكل ما تحمله الكلمة من معان لكل لاعبي المريخ، وخاصة في الشوط الأول. الطرف الأيمن أجاد فيه سفاري في ظل لعب أبالو ودامر في متوسط الدفاع، ولكن يصبح المريخ منقوصا من القوة الهجومية للطرف الأيمن لإلتزام سفاري التام بالشق الدفاعي. على عكس مقدرة البلدوزر على الاختراق والعكس والتهديف المباشر للمرمى، خاصة وأنه لاعب سريع ومهاجم بالأساس.
Post: #30 Title: Re: ضياع البطولة (المحلية) .. وعنتر قتله أعمى ! Author: Abd Alla Elhabib Date: 11-30-2007, 02:08 AM Parent: #26
Post: #31 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 11-30-2007, 02:09 AM Parent: #1
Quote: الكل يعلم أن علاء الدين في قمة الجاهزية للمشاركة مع المريخ
راكوبة يا أخي العزيز
حديثي كان عن تطبيق مبدأ الانضباط، أما جاهزية علاء بابكر فإني لم أقرأ في الصحف أنه كان يتدرب منفردا أو بإشراف مدرب مكلف مع اللاعبين الذين لم يسافروا للمغرب وتونس.
هذا فضلا عما تناقلته الصحف قبل أسبوعين عن وجوده بالكاملين "ضمن حديثها عن الخبر الذي أظنك قرأته مثلي".
Post: #32 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 02:23 AM Parent: #31
ودالريح وهل تحقق مبدأ الإنضباط بالدفع به في الشوط الثاني؟ خاصة وان مازدا كان يمكن أن يشركه من الشوط الأول بدلا من البدء بلاعب في غير مركزه الأصلى في مباراة حساسة مثل نهائي الممتاز؟
العــزيز راكوبة بالجد هــاردلك .. المريخ كان الأكثر هجوما وأضاع مهاجموه فرص عديدة كانت كفيلة بإنزال هزيمة مرة وقاسية للهلال.. لكن هلالنا لم يضيع الفرص التي وجدها...وهكذا كرة القدم تحكمها النتيجة في النهاية .
هاردلك يا راكوبة ..... لكن بصراحة اليوم اضعتم فرصة نيل اللقب خاصة فى الشوت الاول عندما لعب الهلال كانه جاء ليودع البطولة وبصراحة كنت اتوقع ان المريخ سيحقق النصر فى الشوط الاول خاصة ان دفاع الهلال اظهر ضعف واضح واما الشوت الثانى ظهر الهلال بمستوى افضل خاصة بعد العشرة الدقائق الاولى ومبروك عليكم الوصيف ياولوف
Quote: لكن بصراحة اليوم اضعتم فرصة نيل اللقب خاصة فى الشوت الاول عندما لعب الهلال كانه جاء ليودع البطولة وبصراحة كنت اتوقع ان المريخ سيحقق النصر فى الشوط الاول خاصة ان دفاع الهلال اظهر ضعف واضح واما الشوت الثانى ظهر الهلال بمستوى افضل خاصة بعد العشرة الدقائق الاولى ومبروك عليكم الوصيف ياولوف
المريخ كان افضل في الشوط الاول و لكن من غيراي فعالية "نجاعة زي ما بيقولوا المغاربة" و هجماته لم تكن ذات تأثير و لم تكن خطيرة طيلة الشوط الاول حتى هدفهم الاول جاء بسبب خطأ دفاعي. الشوط الاول كان ضعيف من الفريقين بالرغم من تفوق المريخ النسبي
هلالي يااعظم هلال يا دره يا اهلك رجال
عمار يس النور عاشق بخت الرضا
Post: #46 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 11:10 AM Parent: #34
اخونا هاشم الملاحظ أن الهلال دخل المباراة وسرعان ما ظهر الفارق بين الفريقين مع إصرار المريخ الكبير على حسم المباراة من الشوط الأول بالإندفاع الهجومي مما أسفر عنه ثلاث ركنيات للمريخ قبل الهدف الأول، وكان أجدر بمازدا بالاستعانة بمهاجم آخر يكون أوفر حظا وأقل أنانية من الذين لعبوا، وأسهل من دفاع الهلال بالأمس لن ولم يواجه المريخ
Post: #45 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 11:08 AM Parent: #33
ابوالجعافر مبروك الانتصار العجيب زي ما قلت
Quote: وهكذا كرة القدم تحكمها النتيجة في النهاية
Post: #35 Title: Re: ضياع البطولة (المحلية) .. وعنتر قتله أعمى ! Author: شهاب الفاتح عثمان Date: 11-30-2007, 05:14 AM Parent: #1
تحلــيل سلس ياراكوبه ..
الف مبـــروك للهلال و جمـاهيره انجـازهم الغير مسبـوق ...
و هاردلك شهر 11 يا مريخاب
والصبر مفتـاح الفرج , ولابــد للشــروق من زمـــان ..
Post: #38 Title: Re: ضياع البطولة (المحلية) .. وعنتر قتله أعمى ! Author: محمد عبدالرحمن Date: 11-30-2007, 09:52 AM Parent: #35
ياراكوبه ..
راعى شنو ياخ ..انتو خلال شهر واحد فى استادكم دخل فيكم 9 اهداف ..2 من الرجاء 4 من الصفاقص 3 من الهلال ..وتقول لى راعى برضو ..الفرق كان واضح جدا بين امكانيات لاعبى الهلال الواثقين من انفسهم وبين امكانيات لاعبى المريخ المتواضعة جدا ...
Post: #48 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 11:14 AM Parent: #38
Quote: الفرق كان واضح جدا بين امكانيات لاعبى الهلال الواثقين من انفسهم وبين امكانيات لاعبى المريخ المتواضعة جدا
يا راجل؟! هسي في المباراة دي غاب هيثم مصطفى وغاب كلتشي وغاب قودوين وعمر بخيت والدفاع كان في خبر كان تقول لي ثقة في النفس!
Post: #47 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 11:13 AM Parent: #35
د. شهاب سلامات تبقى الفضية القارية هي التي حفظت ماء وجه هؤلاء اللاعبين وهم يفشلون مع مازدا في الفوز على فريق مثل الهلال خاصة في مباراة الأمس، ومنتظرين الشروق ده بفارغ الصبر
Post: #37 Title: Re: ضياع البطولة (المحلية) .. وعنتر قتله أعمى ! Author: abas Date: 11-30-2007, 09:50 AM Parent: #1
حديثي عن الهلال في هذه المباراة بالتحديد ، فمظهر الفريق كان سيئا للغاية، وكان بإمكان المريخ أن يخرج منتصرا بنتيجة عريضة. أما مازدا فسوء التشكيل من البداية تسبب في هذه النتيجة، خاصة وأنه لديه لاعب مجرب معه في الفريق القومي وفي المريخ ذاته وأثبت نجاحه في خانة الطرف الأيمن وهو علاء بابكر.
راكوبة مش ده علاء الدين قمار
بقيتو تبكوا عليه الله معاكم
خمسة سنة والرش الرش
Post: #39 Title: Re: ضياع البطولة (المحلية) .. وعنتر قتله أعمى ! Author: keiga2000 Date: 11-30-2007, 10:14 AM Parent: #37
راكوبه الرائع
دي المجننه بوبي ذاته انو الهلال الضعيف الهزيل دا يتفوق على المريخ
عليك الله لو هيثم جاب الكوره على الطائر ولو ايداهور احرز هدف الانفراد الناس ديل كان خمسه بتمسكهم
لكن خاينه بت الكلب
فريق هزيل ملطشة الفرق السورية والتونسية يجي ينتصر على سيد البلد وزعيمها
وفعلا اعمى وكمان مكسرررررررررررررر
مش اعمى فقط
ويعجبني في المريخاب انهم مع زعيمهم في الانتصار والهزيمه
ابومصطفى
Post: #49 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 11:15 AM Parent: #37
عباس
Quote: راكوبة مش ده علاء الدين قمار
انتوا كابتنكم البتحرش بالمضيفات بتدافعوا عنوا ، تنكروا لنا دفاعنا عن علاء الدين!
Post: #40 Title: Re: ضياع البطولة (المحلية) .. وعنتر قتله أعمى ! Author: abas Date: 11-30-2007, 10:21 AM Parent: #1
كيقا سلامتك من الالم
الرش كيف معاك
تعرف الفرق التونسية دي في استادنا نحنا بندقها
انتو عرستكم في استادكم والاربعه خير دليل
وخمسة سنين خاتنكم في بيت البكاء
وان لو تفتح عمل الشيطان
Post: #42 Title: Re: ضياع البطولة (المحلية) .. وعنتر قتله أعمى ! Author: keiga2000 Date: 11-30-2007, 10:44 AM Parent: #40
كدي انت بتقصد الفرق التونسية ولا الصومالية
راجع كلامك
انتو مفروض لما يجبيوا سيرة الفرق التونسية دي
تتوارو خجلاً ؟
الكبير كبير والزعيم زعيم لكن قتلة الاعمى والمكسر والله حاره
ابو الواكيب كيفنك ولا يهمك يا زول سحابة صيف وتعدي هناك اخبار شبه مؤكدة تروج في المغرب أن المدرب المغربي الزاكي بادو مدرب المنتخب المغربي السابق يتفاوض مع المريخ وفي تصريح له لجريدتنا اكد الخبر لا ادري ماهي صحة الخبر
Post: #43 Title: Re: ضياع البطولة (المحلية) .. وعنتر قتله أعمى ! Author: عامر تيتاوى Date: 11-30-2007, 11:06 AM Parent: #41
Quote: عليك الله لو هيثم جاب الكوره على الطائرة
التونسية
Post: #50 Title: Re: ضياع البطولة (المحلية) .. وعنتر قتله أعمى ! Author: Rakoba Date: 11-30-2007, 11:18 AM Parent: #41
د. طارق تحياتي استغرب خبر مفاوضاة " بادو الزاكي" وأعتقد أن التوجه المريخي إلى مدرب أجنبي يحمل سيرة ذاتية عالية المستوى، وكان الحديث هذه الأيام مع المدرب الفرنسي " باتريك" مدرب " آسيك ميموزا العاجي" بالإضافة إلى خيارات أخرى. مدربو شمال أفريقيا لا أعتقد أنهم سينجحوا في السودان لأسباب عديدة وآخرهم كان مدرب الهلال التونسي " سفيان الحيدوثي" لاختلاف الكثير من العوامل الفنية بين السودان وتلك الدول وافتقار انديتنا للمدارس السنية التي ترفد الفرق الأولى بلاعبين جاهزين كرويا ينقصهم فقط التكتيك الملائم لكل مباراة، ناهيك تعليمهم أبجديات كرة القدم. هاردلك الخسارة من الهلال، ولنستعد من أجل كأس السودان.
بس كدي شوف درماتيكية اهداف المريخ واهدف الهلال وحدد لنا اي الشباك أسهل لولوج الاهداف مع عندو ضربة الجزاء وسيلة جبانه لاحراز الاهداف وخاصة بمعاونه التحكيم، وعدم التفكير في اهداف مباراة المجد السوري (بالهوبا) يعني (بالكربون) وحدد لنا ايهم اسهل لاستقبال اهداف الخصم وماتنسى خمسات وستات الفرق التونسية خليها بعيد
Quote: وحدد لنا اي الشباك أسهل لولوج الاهداف مع عندو ضربة الجزاء وسيلة جبانه لاحراز الاهداف وخاصة بمعاونه التحكيم، وعدم التفكير في اهداف مباراة المجد السوري (بالهوبا) يعني (بالكربون) وحدد لنا ايهم اسهل لاستقبال اهداف الخصم وماتنسى خمسات وستات الفرق التونسية خليها بعيد
طبعا شباك المريخ لانها استقبلت اهداف اكثر ثم ان ضربات الجزاء هى التى صعدت بالمريخ الى نهائى الكونفدرالية مع الاسماعيلى اما فيما يخص الهوبا السورية فقد جاءتكم الهوبا السودانية وهذه اصعب مراسا عن طريق مهند الطاير وبخصوص الخمسات والستات فانتم اهل لها وقد خمستم من الاهلى المصرى وكانون الكاميرونى وربعتم من الصفاقسى فى الرد كسل وماعايز اقول ليك تسعتم من سان جورج الاثيوبى ومن نافلة القول انكم سدستم من الهلال وربعتم واخيرا ثلثتم وهنالك ايضا تربيعة من شى اسمه اوتالى حاجة كده زى دوا القحة
مع تقديرى للبرازيلى باولينو
Post: #63 Title: Re: ضياع البطولة (المحلية) .. وعنتر قتله أعمى ! Author: على محمد على بشير Date: 11-30-2007, 04:47 PM Parent: #62
Quote: ارتكب حكم الامس اخطاء قاتله فى حق المريخ
1/ احتسب تسلل على هيثم طمبل بينما كانت الكره فى حوزة ايداهور المنفرد بالمرمى تماما ولم يشارك طمبل فى اللعبه
2/ احتسب مخالفه على راس 18 الهلال بحجة تعطيل العجب بينما الكره كانت لحظة الصافره فى حوزة احد لاعبى المريخ وداخل خط ال18 تماما
3/ احتسب تسلل على العجب الذى لم يشارك فى اللعب بينما كان لاعب المريخ الاخر منفرد بالمرمى تماما ( وعشان يغطى خجلته عملا دروب بول )
4/ احتسب ضربة جزاء لا توجد الا فى خياله وبعد تمثيل مساوى وعند خط المرمى يعنى شويه واللاعبين الاتنين والكوره فى الاوت
وهدف العجب هو تأكيد لهدف باولينو الذى عدت كرته خط المرمى لم يحتسبه الحكم فحسمه العجب
فاتنى فى مداخلتى السابقة تهنئة أصحاب الفضل الأساسى فى إنجاز الهلال لما قاموا به من دور بارز ومقدر طوال الموسم وهم الحكام وإتحاد الكرة ولجنة برمجته للمنافسات الخيل تجقلب والشكر لى حماد ضربتى جزاء ظالمتين فى مباريتى الموردة والهلال وحكم هزيل فى مباراة القمة فى الدورة الأولى كانت كفيلة بحسم البطولة الضعيفة والهزلان والضعف الذى أعنيه فى المستوى والكفاءة والضمير
الأخ نادر تحياتي وهاردلك إضافة لما ذكرت عانى المريخ من البرمجة الضاغطة التي فرضها الاتحاد العام دون النظر لاعتبار التسفار المتواصل لفريق المريخ شرقا وغربا، وكما ذكر قريش اليوم في عالم الرياضة أن المريخ أدى في شهر اكتوبر 9 مباريات بمعدل أكثر من مباراتين في الاسبوع الواحد. وهي ذات الاسباب التي جعلت أتوفيستر يهرب من تدريب المريخ حينما قدم تقرير لمجلس الإدارة قبل شهور وكان حينها المريخ قد ادى 67 مباراة دون احتساب المباريات الأخيرة. الارهاق البدني كان له أثر كبير على نتيجة الأمس فالسفر الطويل المصاحب بالتوقفات هنا وهناك ظهرت بصماته على عدد من اللاعبين وعلى الرغم من ذلك تجاوز اللاعبون هذا الإرهاق وقدموا مباراة جيدة في تونس وأم درمان.
Quote: عليك الله لو هيثم جاب الكوره على الطائر ولو ايداهور احرز هدف الانفراد
خلاص يا أولاد عمنا قمتو على "الخرخرة"!
يا أخوانا الأعزاء لدي تسجيل للمباراة كاملة، وقد اهتممت بإعادة المشهد الذي سقط فيه طمبل مطالبا بركلة جزاء، وكان واضحا جدا أنه حاول خداع الحكم الذي كان على بعد خطوات منه وأشهر له بطاقة صفراء يستحقها.
أما ركلة الجزاء التي احتسبها الحكم للهلال فقد كانت صحيحة لأن سعيد السعودي أعاق "بقدمه اليمني" سيف مساوي بعد أن استحوذ هذا الأخير على الكرة وتقدم بها "أرجو مراجعة إعادة المشهد بالكاميرا الموجودة خلف المرمى". وبالمناسبة: لاعبو المريخ لم يعترضوا على قرار الحكم "فيما شاهدت".
شاهد هنا مشهد ركلة الجزاء:
يا أولاد عمنا نحن لسنا مسؤولون عن "رعونة" مهاجميكم وإهدارهم للسوانح بطريقة جعلتكم تتحسرون عليها! هكذا هي كرة القدم، تهدي النصر لمن يستفيد مما سنح له من فرص. والعاقل فيها هو من لا يبطره النصر فيغفل في غمرة الفرح المستحق الأخطاء التي وقع فيها لاعبوه. أما من هزمه لاعبوه بإضاعة الأهداف، وانصرف عن انتقاد رعونتهم للحديث عن الحكم ومبررات أخرى؛ فليبشر ببقاء علل فريقه المزمنة في الموسم الجديد.
ود الريح لاحظ امتداد يد مدافع الهلال في اتجاه عنق هيثم طمبل ومنعه بالاعتراض من المرور، فالكرة لم تكن مكاتفة قانونية أو شيء من هذا القبيل إنما اعتراض واضح بمد الساعد على امتدادها لمنع المهاجم من التقدم داخل منطقة الجزاء. أما حالة سعيد السعودي فهو لم يقصد ركل المنافس وإنما الكرة التي نجح فيها مساوي من تقديمها لذلك ظهرت اللقطة كما عرضت، ويستحيل على أي لاعب ناشئ أن يقصد ركل المنافس داخل منطقة الجزاء بهذه الطريقة، لأن ببساطة اللاعب كان غير مواجه للمرمى ويستحيل عليه التسجيل من هذه المنطقة، فالتعمد هنا غير موجود أبداً. ونعيب على السعودي اهتمامه بإبعاد الكرة بهذا الشكل وكان من الأجدى ( التحليق - محاصرة) مساوي الذي لم يكن لديه خيارات كثيرة في هذه الكرة وهو ليس بلاعب أعسر القدم أصلياً.
Quote: لاحظ امتداد يد مدافع الهلال في اتجاه عنق هيثم طمبل ومنعه بالاعتراض من المرور، فالكرة لم تكن مكاتفة قانونية أو شيء من هذا القبيل إنما اعتراض واضح بمد الساعد على امتدادها لمنع المهاجم من التقدم داخل منطقة الجزاء.
راكوبه انت بتشرح لي منو والله ديل لو جبت ليهم سيف مساوي ذاتو واعترف بالتمثيل مابقتنعوا ليك
في حساباتنا المريخ قدم اداء رجولي وممتاز وامتلك الكوره اكثر الاوقات واضاع من الفرص ماكانت كفيله بانزال هزيمة ثقيلة بالوصيف
نرجع لتحليك للمباراة,,,, @من ملاحظاتى للخمس مباريات الاخيرة المريخ اذا تاخر لا يعود لجو المباراة على عكس الهلال ..فان دخول هدف فى مرماه يجعل اللاعبين اشد حماسا ودى ميزة الخبرة والنفس الطويل ووعى المعترفين ياخى امس ضيعتو مولد,,لكن حتى لو انتصر المريخ الكاس مش حقته لان الاعادة مش فى صالحو لكن ممكن يتصالح مع جماهيرة,, @الهلال داخل المبارة, بثلاثة فرص ,تعادل نصر اعادة,,,والمريخ من اجل الاعادة فقط @فى الشوط الاول 13 فاول للمريخ مقابل 3 للهلال @بدلاء الهلال هم الدين غيرو مجريات الاحداث,,يعنى بدلاء جاهزون @كرنقو قايلو بهاء الدين الحضرى ومتخيل المريخ الاهلى,,والا ما كان شات كدا @مازدا بعيد خالص عن المباراة,,صدقنى انا كنت عاوز المريخ ينتصر عشان ينهزم باكثر من خمسة فى الاعادة,, @العجب محظوظ احراز الهدف سيطيل عمره فى الملعب لسنة قادمة @ ومبروك عليكم الفضية ودورى الابطال وهنا ظهر الزعيم الحقيقى قدر يثبت للسودان مقعدين فى الابطال,,النقطة الاخيرة محالة للصحفى الرياضى المفيد,,احمد الريح للنظر فى صحتها @شكرا ياركوبة على جمال البوست ولكن زينه بالاهداف حتى تظهر مهمة الصحفى المحايد نوعا
طبعا منطق معلمين؛ لأن لاعبو المريخ مثلهم مثل لاعبي أي فريق آخر: يعترضون على ما يرونه مجحفا من قرارات الحكام. وأحدث دليل هو اعتراضهم على ركلة الجزاء في مباراة الرجاء بالمغرب لدرجة أن ابراهومة دخل أرض الملعب لتهدئة ثورتهم "غير المبررة".
هيثم طمبل ألقى بجسمه على هذه اليد الممدودة بطريقة افتقرت للذكاء لأنه سقط كمن تم دفعه من الخلف! على العموم المشهدان معروضان "أعلاه" ومتاحان للمشاهدة، ومن الممكن أن "نتغالط" أنت وأنا إلى ما لا نهاية حول هذا الأمر دون جدوى... ياخي نحن "بلنتي كورة الإسماعيلي" لحدي الليلة ما حسمناهو
الحكم لم يظهر انحيازا متعمدا لفريق على حساب الآخر، وقد منح المريخ كل ما يستحق من مخالفات قريبا من منطقة الجزاء وأشهر البطاقة الصفراء لكلتشي وعلاء يوسف للعب العنيف وللمعز لتأخير لعب ركلة مرمى. _________________________________
بالمناسبة: حكم مباراة الأمس "أحمد النجومي" هو الذي أدار المباراة التي فاز فيها الهلال على المريخ 3-0 في يونيو 2005 ... يعني ممكن تقولو "حكم نحس"!!
Quote: واليد يا ابوحميد كانت ممدودة للسلام ولا بهدف الاعتراض والمنع والإعاقة
وهل تحسب المخالفات بالنيات يا راكوبة العزيز؟!
نوى سيف مساوي أن يعيق هيثم طمبل الذي استعجل وألقى بجسمه على الأرض... ولم يحتسب الحكم ركلة جزاء وعاقب طمبل للتمثيل، يبقى غلطان الحكم ولا طمبل؟! ______________________________
... أضيف أن أحمد النجومي كان هو الحكم الذي احتسب ركلة جزاء للإسماعيلي تعادل بها وديا 1-1 مع المريخ في فبراير الماضي، وكان "أمير الصحفيين الرياضيين" قد وصفها حرفيا بقوله [ الدراويش لعبوا أمام المريخ مكتملين حتى النهاية.. ونالوا مساعدة مباشرة من الحكم أحمد النجومي باحتساب ركلة جزاء وهمية منحتهم هدف التعادل ].
ولا بأس من الإشارة لأن أحمد النجومي أشهر البطاقة الحمراء لكلتشي أمام الاتحاد بمدني واحتسب في تلك المباراة ركلة جزاء للاتحاد. وطرد لاعب الهلال "السابق" مجاهد في مباراة أمام الميرغني بإستاد الهلال.
طبعا الوقائع التأريخية لا تعني أن الحكم لم يخطئ بالأمس، لكنها قــد تنفي عنه تهمتي الترصد والتعمد.
ود الريح لم اتحدث عن النية لأن الفعل قد حصل بالفعل فتم المنع والإعاقة والاعتراض غير القانوني داخل منطقة الجزاء، ولكن كان للنجومي رأي آخر وهو على مقربة من مكان المخالفة.
Quote: راكوبه انت بتشرح لي منو والله ديل لو جبت ليهم سيف مساوي ذاتو واعترف بالتمثيل مابقتنعوا ليك
سيف مساوي مثل وين يا كيجا؟! والله إلا يكون جابوهو في مسلسل مصري ونحن ما عارفين!
الذي مثل هو هيثم طمبل، وأقترح عليك -يا أبو مصطفى- في هذه الأيام التي ضربت فيها فيوزاتك أن أتكفل باستضافة ابنك حفظه الله "مصطفى" في بلاد العم سام لمدة أسبوعين سيكونان بمثابة الكورس المكثف الذي سيشتمل على حضور تسجيلات لمباريات الهلال الإفريقية وتحفيظ بعض الأناشيد والهتافات وتعليم كيفية إلقاء القارورات على الملعب كما يفعل الرشاشات.
عليك الله يا أبومصطفى ما حرام عليك؟ ولدك يمكن يكون من ولدوهو ما فرح مع أبوهو بالدوري الممتاز -زي أولادي مثلا-!!
ياخي ليلى بنتي عمرها سنتين وشهرين، حضرت فيها 3 كاسات دوري ممتاز!! وأمبارح مبسوطة تعاين ساي في ناس مهند الطاهر مشعلقين في عراضتكم ودايرة تعمل زيهم... قايلاها طوطحانية
الأخ "راكوبة" مثلك تماماً استعجبت للعب السعودي في الخانة الجديدة ولكنني بصراحة استحسنت الأمر في بداية المباراة. للأسف يتحمل السعودي جزء كبير من أخطاء الأهداف الثلاث ولكنها محاولة يمكن أن تثمر جيداً في المستقبل بعد بعض النصح خاصة وأن اللاعب لا يزال يافعاً. لا تنسى أن مازدا دفع به لتكملة وظيفة الدفاع بعد الأخطاء السابقة لابالو وللأسف لم يتمكن ايفوسا من اللعب. وكنت أتوقع أن يفسد ايفوسا الكثير من هجمات الهلال خاصة التي يتم تهديفها من خارج منطقة الجزاء رغم أنه يضيع بعض الوقت في الاستعراض. ولكنها المستديرة يا عزيزي. مبروك لأولاد أزرق لأنهم تمكنوا من هزيمة فريق في قامة المريخ.. وقد لاحظ الجميع الفرح الخرافي للعيبة الهلال بل ومدربهم ريكاردو الأمر الذي يؤكد ما يحاول البعض إنكاره هنا. وهو أن المريخ فريق عظيم.
مبروك ليهم مرة أخرى وعشان يحصلوا المريخ لازم يجيبوه بدون تعادل. مبروك ليهم برضو ولو إنو.. .
راكوبة سلام.. بطولة الممتاز (المحلية) الاقوي هي المدخل لبطولة الابطال (الخارجية) الأقوى.. أماوصافة بطولة الممتاز (المحلية) فهي حتما تقود الى بطولة الكونفدرالية (الأضعف).
Quote: لم اتحدث عن النية لأن الفعل قد حصل بالفعل فتم المنع والإعاقة والاعتراض غير القانوني داخل منطقة الجزاء، ولكن كان للنجومي رأي آخر وهو على مقربة من مكان المخالفة
هنا أختلف معك يا أخي العزيز اختلافا لن يزول إلا بتراجع أحدنا عما يعتقد بصحته؛ لذا أقترح حفظ هذه القضية -بيننا على الأقل- في ذات الfile مع سابقاتها من القضايا التي حفظت لعدم توافر الأدلة
يعني مايكفي استهزاءهم بميداليتي الهلال الفضيتين في ابطال افريقيا واحتفالهم بالورود بميدالية الكونفدرالية التعبانة
حلوة دي
Quote: ياخي ليلى بنتي عمرها سنتين وشهرين، حضرت فيها 3 كاسات دوري ممتاز!! وأمبارح مبسوطة تعاين ساي في ناس مهند الطاهر مشعلقين في عراضتكم ودايرة تعمل زيهم... قايلاها طوطحانية
تحيتي للامورة بنتك
Post: #85 Title: Re: ضياع البطولة (المحلية) .. وعنتر قتله أعمى ! Author: عامر تيتاوى Date: 12-01-2007, 06:07 AM Parent: #84
اخوتناالمريخاب يقومون بمحاولة لصرف الانظار عن المشكلة الحقيقية وهى ان المريخ فشل للسنة الخامسة على التوالى من الحصول على الدورى فى بلاده ويحاولون الايهام بالمركز الثانى فى الكونفدرالية البطولة الضعيفة ولتى لم يكن فيها فريقا قويا عدا الصفاقسى التونسى والذى برهن على قوته بان حسم النهائى من مباراة الذهاب على ارض غريمه المريخ برباعية جعلت من مباراة الاياب احتفالية ومراسمية فقط وهذا يحدث لاول مرة فى تاريخ البطولات الافريقية ان تاتى المباراة النهائية والبطل معروف سلفا من خلال فوزه باربعة اهداف فى الذهاب خارج ارضه والمريخ ياسادة خسر كل البطولات التى لعب عليها فى شهر واحد وخرج بهزائم نكراء ويكفى ان المريخ ناءت شباكه بستة عشرة هدفا فى ستة مباريات 5 من الصفاقسى و5 من الرجاء و3 من دولفين و3 من الهلال والمجموع 16 لذلك خرج نظيفا كما لوكان مغسولا باومو ياراكوبة فى شوال قون ( ذو القعدة ) وفى ذى القعدة هزائم بالشوال ماتنسى سلملى على الاخ طمبل عادل امام
Post: #87 Title: Re: ضياع البطولة (المحلية) .. وعنتر قتله أعمى ! Author: إسماعيل وراق Date: 12-01-2007, 06:54 AM Parent: #85
خمس مرات على التوالي كتيرة شوية زمااااااااااان عندما كان يلعب الهلال وينتصر المريخ كانت حجة ناس العرضة جنوب أن الكرة نتيجة.
غايتو سواااها كرنقو
Post: #88 Title: Re: ضياع البطولة (المحلية) .. وعنتر قتله أعمى ! Author: nazar hussien Date: 12-01-2007, 06:57 AM Parent: #85
غايتو يا المريخاب جنس نوع قوة عينكم دي عند صدام الله يرحمو ما لاقتني
البلد اتكسرت وهو يقول انتصرنا في ام المعارك..
دحين انتو بعد ما الهواد شرب...بتفتشو في الترس..
طيب التلاتة الاول امس ديل خليناهن تب وعفينا...بس انتو اتفاهموا مع عبدو قابل ما يسجلن في كراسوا...باقي الاربعة كأسات وعلي التوالي...ديك نسوي معاهن شنو..
ام هي فضة تونس ولا ذهب السودان...
وصيف اينما حللتم...
غايتو انا لو من ناس الهلال قبل ما استلم الكأس بفك ليكم
اربعة والله خمسة فيهم قودوين...والمعز...وعمر بخيت...
عشان يكون في منافسة...مش ممكن ياخي تحرجوا جماهيركم
خمسة مرات في استادكم...بي 4 2,3
وامانة في ذمتكم...بي فتيحكم دا قون كرنقو شفتوه دخل بي وين
ودالريح صور وفيديو دي كفيلة بإدانة بوش ظااااطو، قلت لي نثبت النية كيف
Post: #86 Title: Re: ضياع البطولة (المحلية) .. وعنتر قتله أعمى ! Author: الناظر Date: 12-01-2007, 06:40 AM Parent: #1
متعودة ديما؟؟؟؟؟؟؟ خمسة كاسات و برضو عنتر كتلو اعمى و الله دى ما اعمى بشوف عديل خمسة مرات
ولكم التقدير ( حاولو اجهزو من الان)
Post: #89 Title: Re: ضياع البطولة (المحلية) .. وعنتر قتله أعمى ! Author: محمد عبدالرحمن Date: 12-01-2007, 07:02 AM Parent: #86
Quote: متعودة ديما؟؟؟؟؟؟؟ خمسة كاسات و برضو عنتر كتلو اعمى و الله دى ما اعمى بشوف عديل خمسة مرات
مش كدا بالله ياالناظر ..الاعمى دا يكتل فيهو خمسة سنوات وراء بعض ..الله يعميهم زيو كدا ...
Post: #90 Title: Re: ضياع البطولة (المحلية) .. وعنتر قتله أعمى ! Author: على محمد على بشير Date: 12-01-2007, 07:09 AM Parent: #89
Quote: هيثم طمبل ألقى بجسمه على هذه اليد الممدودة
والله يا احمد الريح ضحكتنى لمن دموعى جرت قلت لى اليد ممدوده ياربى مدافع داخل خط ال 18 بيمد يده ليييييه بيشحت لله يا محسنين والا بيقرأ فى المعوزتين قال ممدوده قال
Post: #91 Title: Re: ضياع البطولة (المحلية) .. وعنتر قتله أعمى ! Author: على محمد على بشير Date: 12-01-2007, 07:11 AM Parent: #90
الكره امام طمبل تماما والمرمى مكشوف امامه ايضا ياربى وقع وخلى الكورره ليييه
السؤال لا ينتظر اجابه
Post: #93 Title: Re: ضياع البطولة (المحلية) .. وعنتر قتله أعمى ! Author: على محمد على بشير Date: 12-01-2007, 07:56 AM Parent: #91
يا راكوبه
شوف الفيديو دا والذى ارفقه الاخ شيبا فى منتدى المريخ ويوضح ان الهدف التالت للهلال جاء بعد مخالفه واضحه جدا وذلك بأن استلم كلتشى الكره بيده فى مكان مكشوف ولا عائق بينه وبين الحكم او رجل الخط او عدسات التلفزيون ونتج عن هذه المخالفه الواضحه هدف الفوز للهلال
المريخ ما قتله اعمى .. لأنو الأعمى كان واقف ساكت والله وما عمل اي حاجة لكن عنتر براهو شال اصبعو المجزّم الاسمو طمبل وطبز بيهو عينو .. فيا راكوبة ما تبهت الأعمى ساكت وتقول هو القتل عنتر.
Post: #94 Title: Re: ضياع البطولة (المحلية) .. وعنتر قتله أعمى ! Author: ولياب Date: 12-01-2007, 08:10 AM Parent: #92
معقولة يا راكوبة
كل مرة الأعمى ده كاتل عنتر
الحقيقة عنتركم أعمى وأعمانا عننننننننننننننننننننننتر .
يلا معلش خيرها في غيرها،،، وعقبال ما نشوفكم كده على التوالي سنة ورا سنة .
Post: #95 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 12-01-2007, 08:18 AM Parent: #1
Quote: ياربى مدافع داخل خط ال 18 بيمد يده ليييييه
سلامات يا علي محمد علي بشير
راكوبة سألني نفس السؤال:
Quote: واليد يا ابوحميد كانت ممدودة للسلام ولا بهدف الاعتراض والمنع والإعاقة
... وجاوبت ليهو:
Quote: وهل تحسب المخالفات بالنيات يا راكوبة العزيز؟!
نوى سيف مساوي أن يعيق هيثم طمبل الذي استعجل وألقى بجسمه على الأرض... ولم يحتسب الحكم ركلة جزاء وعاقب طمبل للتمثيل، يبقى غلطان الحكم ولا طمبل؟!
... وقلت برضو لى راكوبة:
Quote: من الممكن أن "نتغالط" أنت وأنا إلى ما لا نهاية حول هذا الأمر دون جدوى
وعلى العموم، لم أنكر أنا أن يد مساوي كانت ممدودة؛ فهل من الممكن أن يقر أحدكم أن طمبل ألقى جسمه دون أن يعترضه أحد؟!
Post: #96 Title: Re: ضياع البطولة (المحلية) .. وعنتر قتله أعمى ! Author: على محمد على بشير Date: 12-01-2007, 08:24 AM Parent: #95
عليك الله يا احمد الريح اعد النظر للصوره دى مره ومرتين وتلاته وشوف هل اليد كانت ممدوده ام اتمدت لفعل شئ معين وصدقنى يا احمد الدفاع دا ما بيشبهك ولكن بيشبه المشجع العادى وانتا هلالى غير عادى
الأخ محمد على مبالغة كلتشى عنده مقدرات فى تقدير وإلتقاط الكرات العكسية بيده وبرد فعل سريع يحسده عليه الحارسان معز وبهاء ! الحكم ورجل الخط عملوا نايمين ربما تشجيعا لموهبة إلتقاط العكسيات !
إنها يا عزيزى البطولات الوهمية الزائفة يفرح بها الواهمون! وبيان بالعمل بأن سبب تدهور الكرة فى السودان يعود لأزمة ضمير لدى الحكام وإتحاد الكرة
راكوبة سلام حكم المباراة عندما يطلق صافرة بداية المباراة لا يدوّن في مفكرته الصغيرة سوى الأهداف والكروت الصفراء ومادام الكروت تأتي من أخطاء. أيضاصاً الأهداف تأتي من أخطاء ولذلك سميت كرة القدم بلعبة الأخطاء، والفالح من يقلل من أخطاءه
Post: #99 Title: Re: ضياع البطولة (المحلية) .. وعنتر قتله أعمى ! Author: mekki Date: 12-01-2007, 08:47 AM Parent: #1
غايتو يا المريخاب جنس قوة عينكم دى ما شفناها حتى فى الكيزان
Post: #100 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 12-01-2007, 08:51 AM Parent: #1
Quote: هل اليد كانت ممدوده ام اتمدت لفعل شئ معين
يا علي أنا عندما قلت "ممدودة" ما كنت قاصد إنها "امتدت براها"؛ وقلت إنو مساوي مدها ربما بنية الإعاقة، لكن الإعاقة لم تحدث؛ والدليل: الفيديو طبعا وليس الصورة الثابتة.
بالنسبة لما سبق الهدف الثالث، فيبدو لي بالعودة لشريط المباراة "بعد قراءة تعليقك" أن كلتشي لمس الكرة بيده ، لكن الغريب فعلا هو أن مدافعي المريخ لم يرفعا أيديهما مطالبين الحكم باحتساب مخالفة!
أها يا جماعة، البلنتي ما صاح، والقون التالت فاول، طيب قوون كرنقو مشكلتو شنو؟ فايت السرعة القانونية؟!
هاردلك ونرفع القبعة لفريق المريخ الذي كان نداً قوياً ومنافساً شرساً للهلال، بل تفوق عليه "لعباً" في معظم لحظات المباراة، رغم أنه يحسب للهلال أنه تعامل بتكتيك أفضل أتاح له الخروج بانتصار باهر.
أعتقد أن الإخوة هنا، وف مقدمتهم الهلالي المطبوع أحمد الريح، قتلوا المباراة بحثاً وتحليلاً، وبالتالي لن يكون بمقدوري إضافة أي شيئ
إذا كان هناك ما اختلف معك بشأنه، فهو اللاعب سعيد السعودي. وضح جلياً أن ذلك الفتى اليافع هو خامة ممتازة للغاية. وبقليل من الخبرة والتمرس، يمكنه أن يصبح أفضل مدافع في أفريقيا وربما في العالم بأسره.
زفي تقديري أن الخطأ الذي وقع فيه مازدا، والذي عادة ما لا يقع فيه مدرب مبتدئ، تمثل في سحب السعودي من الملعب. ولعل هناك اتفاق غير مكتوب في الأوساط التدريبية أن أي لاعب يتسبب في ولوج هدف في مرماه سواء عن طريق الخطأ أو عبر ارتكاب ركلة جزاء، لا يستطيع المدرب تغييره، حيث أن ذلك الأمر سيصيبه بالإحباط وربما أثر على نفسيته ومكانته وسط زملائه.
لو طلب مني أن أختار لاعباً من المريخ لضمه لتشكيلة الهلال لاخترت بدون تردد سعيد السعودي، خاصة أنه يتمتع بالهدوء وبالطول الفارع وبالخفة والرشاقة وبالتعامل الجيد مع الكرات الهوائية، وهي صفات - أقولها بصراحة - بات معظم مدافعو العلال يفتقرون إليها.
أشكرك على تهنئتك "المغلفة" للهلال باحتكار البطولة. ومرة تانية، هاردلك للمريخ، فقد كان جيداً، ولكننا كنا الأفضل.
Quote: لكن الغريب فعلا هو أن مدافعي المريخ لم يرفعا أيديهما مطالبين الحكم باحتساب مخالفة!
ودالريح وهل احتسب الحكم ضربة جزاء الهلال لأن لاعبي الهلال رفعوا أيديهم، هو قاضي الجولة والمخالفة كانت أمامه ولم يستطيع يحرك ساكن، وفي مخالفة طمبل زاد عليها بإنذاره أيضا، كما قام بإجهاض هجمة مريخية خطرة بداعي التسلل واستأنف اللعب بإسقاط، تقول لي نجومي ، لو كان " هلالي" ما كان عمل كده
Quote: وعلى العموم، لم أنكر أنا أن يد مساوي كانت ممدودة؛ فهل من الممكن أن يقر أحدكم أن طمبل ألقى جسمه دون أن يعترضه أحد؟!
ياود الريح خليك حقاني: اليد الممدودة مش اعتراض؟
طيب دي خليها استلام الكرة بالساعد مش فاول برضو؟ لاحظ انو الحكم يقف خلف لاعب الهلال ومعاك أن الارجح أنه لم ير بشكل دقيق أين سقطت الكرة على جسم اللاعب ولكن اللاعب كان يرفع يده اليسرى ألم يكن هذا وحده كافياً لاحتساب الفاول. أعني هنا شيئين وليس واحد وهما أن الحكم أبطأ خلف الكرة ثم أن اللاعب رفع يده.
طيب لو كنت في مكانك يا أحمد كنت انتقدت الحكم في الحالتين بشكل واضح. ليس من باب إنو بايعها للهلال زي ما بنقول. لكن لتقصيرو في مهته.
بعد ده كلو يا أحمد رأيي الشخصي أن المريخ كان الأفضل وأن مسئولية الهزيمة مريخية قبل الحكم. وهي زي ما قلت سابقاً لراكوبة نتيجة لاشراك سعيد السعودي طوال المباراة في وظيفة جديدة عليه. مازدا شكلو كده كان بيحضر لعيبتو بتاعين الفريق القومي! لكن ده ما كافي برضو عشان الناس يشنو هجوم على مازدا. ظني أنه استفاد الكثير من التدريب في الفترة الماضية وستريكم الايام باذن الله أنه قدير. فقط أتمنى أن يتراجع عن الحدة الزائدة التي تزيد من توتر اللاعبين وبالتالي ارتكاب الاخطاء.
حقيقي مبروك للهلال.
.
Post: #102 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 12-01-2007, 09:12 AM Parent: #1
Quote: ياود الريح خليك حقاني: اليد الممدودة مش اعتراض؟
Quote: لكن اللاعب كان يرفع يده اليسرى ألم يكن هذا وحده كافياً لاحتساب الفاول
سلامات يا abdelwahab hijazi
مد اليد دون حدوث الاعتراض بها أمر لا يستدعي احتساب مخالفة، حتى لو توافرت نية الأعتراض. ورفع اليد دون لمس الكرة بها أمر لا يستدعي احتساب مخالفة، حتى لو توافرت نية اللمس.
وأحيلك للتعليقات السابقة التي أبنت فيها رأيي في المشهدين.
Post: #104 Title: Re: ضياع البطولة (المحلية) .. وعنتر قتله أعمى ! Author: على محمد على بشير Date: 12-01-2007, 09:28 AM Parent: #102
Quote: يا علي أنا عندما قلت "ممدودة" ما كنت قاصد إنها "امتدت براها"؛ وقلت إنو مساوي مدها ربما بنية الإعاقة، لكن الإعاقة لم تحدث؛ والدليل: الفيديو طبعا وليس الصورة الثابتة.
طيب يا ود الريح تانى بننقل ليك الفيديو هنا واتفرج مرتين وتلاته واربعه والى ما لانهايه وورينى الاعاقه لم تحدث كيف
بعدين فى حتتة كلتشى شال الكوره بى يده دى شنو انو لاعبى المريخ يرفعوا يدهم للحكم وهو الحكم عميان والا غبيان والا رجل الخط ماشى بى عكاز ما المخالفه واضحه وظاهره
Quote: ومعاك أن الارجح أنه لم ير بشكل دقيق أين سقطت الكرة على جسم اللاعب ولكن اللاعب كان يرفع يده اليسرى ألم يكن هذا وحده كافياً لاحتساب الفاول. أعني هنا شيئين وليس واحد وهما أن الحكم أبطأ خلف الكرة ثم أن اللاعب رفع يده.
يا أحمد لم تقرأ ملاحظتي أعلاه بشكل جيد. قلت أنني أتحدث عن شيئين مد اليد وبطء الحكم خلف الكرة يعني أقلاه مفروض يكون شك فقط في أنو الكرة لامست اليد وده براهو كافي لاحتساب الفاول.
.
Post: #107 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 12-01-2007, 09:40 AM Parent: #1
Quote: طيب يا ود الريح تانى بننقل ليك الفيديو هنا واتفرج مرتين وتلاته واربعه والى ما لانهايه وورينى الاعاقه لم تحدث كيف
يا علي
أنا عندي شريط المباراة، وشفت المشهد ده عدة مرات، بس يا أخي الحكاية ما مكابرة، لأنو أنا ممكن أقول عنك نفس الكلام ده!
أنا ما عارف أثبت ليك بالكلام كيف إنو الإعاقة ما حصلت!! هل ممكن إنك تثبت لي إنو الإعاقة حصلت؟! موش حتقول لي عاين في الفيديو؟!
Quote: أنا ما عارف أثبت ليك بالكلام كيف إنو الإعاقة ما حصلت!! هل ممكن إنك تثبت لي إنو الإعاقة حصلت؟! موش حتقول لي عاين في الفيديو؟!
يمكن كان بقول ليهو كفاية شربكتا المعز في الشوط الأول عاوز تشربكو لينا تاني؟
Post: #108 Title: Re: ضياع البطولة (المحلية) .. وعنتر قتله أعمى ! Author: Ahmed Alrayah Date: 12-01-2007, 09:54 AM Parent: #1
Quote: قلت أنني أتحدث عن شيئين مد اليد وبطء الحكم خلف الكرة يعني أقلاه مفروض يكون شك فقط في أنو الكرة لامست اليد وده براهو كافي لاحتساب الفاول
مسألة الشك في مثل هذه الحالات لا أعلم عنها شيئا يا عبدالوهاب، لكن في حالة التسلل ينص قانون اللعبة على أن يكون الشك في صالح المهاجم "أي لا يحتسب"، ولا أعلم إن كان تعميم الحالة ممكنا أم لا "أقصد أن يكون الشك لا يكفي لاحتساب مخالفة".
استمعت إلى اللقاء مع حسن المصري قبل المباراة وبعدها. ويبدو جلياً أنه حانق على شيء ما بالنسبة لكل الوسط الرياضي. خاصة عندما سئل عن الأداء الفني للمباراة فقال بالحرف الواحد: "لن أتحدث عن الأداء الفني لأن مافيش حاجة أصلاً. " وفي ذلك إساءة لمدربي الفريقين. بينا الرأي أنها من المرات النادرة التي لاحظت فيها نفس المدربين من خلال المباراة خاصة بالنسبة للمريخ. تدريب اللاعبين ليس هندسة ميكانيكية يا كيجا يعني المدرب بيعمل العليهو والباقي بتموه اللاعبين. مازدا مال كثيراً إلى تجديد الخطط وتغيير خانات اللاعبين ووظائفهم وهذا جيد وسيستفيد منه المريخ والسودان الشيء الكثير في المستقبل. ألم تلاحظ أن مازدا لعب بأقل عدد من اللاعبين الأجانب؟ أمام السودان الآن مواجهات مهمة للغاية وهي بالقطع أهم من حصول المريخ على المحلي. معظم المريخاب يحملون على مازدا وعلى بعض اللاعبين بينما يقرون بأن المريخ هو من قدم الأداء الأحسن رغم أن "الكورة أقوان". لو إنت صاحب الأداء الأحسن شجع مدربك ولعيبتك نحو الأفضل وليس ذمهم.
لكن يا كيجا كلام حسن المصري ما كلو كعب. لاحظت انو ركز على حاجة مهمة بالنسبة للسودان وهي ضرورة الاهتمام بالناشئين. الدول الآن تعتمد على المدارس الرياضية والأكاديميات لتطوير الرياضة. ليس من باب التنافس والمجد الرياضي فقط ولكن لأنها أصبحت " صناعة حديثة" تستفيد منها كل المجالات الأخرى. تونس مثلاً لها الكثير من الأكاديميات ولم تصل إلى ما وصلت إليه من باب الصدفة أو لأنهم من طينة غير طينتنا زي ما بقولوا. تابعت أيضاً برنامج على قناة TV5 حول تجارة أو قل استثمار اللاعبين الأفارقة ولمست كيف أن لنيجيريا والكاميرون هيئات ومؤسسات كاملة تعمل من أجل الرياضة.
أنحنا طبعاً عندنا أولويات يراها الكثيرون أهم في مجال الخدمات لا سيما الصحة. لكني على قناعة أن بالإمكان أن نقدم أكثر مما نقدم الآن للرياضة حتى لو من باب من "دقنو وافتلو". حسن المصري شكلو مستعد يقبل تكليف في المجال ده.
عن المريخ : هارد لك صحي لكن العارف عزو مستريح.
أعلاه كتبتُه لكيجا في رابط آخر. أرجو أن يكون مفيداً.
.
Post: #110 Title: Re: ضياع البطولة (المحلية) .. وعنتر قتله أعمى ! Author: أبوالزفت Date: 12-01-2007, 11:51 AM Parent: #1
راكوبة ســـــــلامات نصيحة اخوية خلى المريخ بجيب ليك الضغط والسكرى البيشوف البوستات بتاعتكم يقول المريخ غالب مجهودكم ده وكتابتكم عن المريخ لو كانت عن نقاط الضعف الكتيرة فى فريقكم كان احتمال حالو اتصلح شوية الهلال حايلعب دورى ابطال افريقيا الموسم القادم,واحتمال الموردة فى الكونفدرالية انتو ويييييييييييييييييييييييييييييييين حالتكم تحنن , والعقبى عندكم فى المسرات
عنتر ياهو عنتر ما خبرناه أطرشاً ، إلا كان الأعمى يكون أطرش كمان دي تبقى حكاية!
Post: #127 Title: الاستاذ عبده قابل يقول: أن الندية بين هلال-مريخ كادت تتلاشي لصالح الهلال!!!!!! Author: kamalabas Date: 12-02-2007, 04:27 PM Parent: #1
الاستاذ عبده قابل يقول: أن الندية بين هلال-مريخ كادت تتلاشي لصالح الهلال!!!!!! ( عرف كيف يخطف الفوز الذي توجه بطلا للممتاز للمرة الخامسة علي التوالي· ü الهلال يلحق الهزيمة الثالثة عشرة بالمريخ في الممتاز * الانتصار الذي حققه الهلال علي المريخ امس الاول هو الانتصار الثالث عشر الذي يحققه الهلال علي المريخ في بطولة الممتاز مقابل 3 انتصارات فقط حققها المريخ علي الهلال طوال مسيرة الفريقين في البطولة· * كون ان يحقق فريق الفوز على منافسه بالصورة التي حدثت فهذا معناه ان الندية كادت ان تتلاشي فاي فريقين متنافسين دائما ماتكون الشقة والفارق في الانتصارات قريبا وان جاء التفوق فهو يجئ فارقا قليلا وليس بمثل الصورة التي حدثت في لقاءات الفريقين اذ ليس معقولا ان يصل فارق الانتصارات الي 10 انتصارات· * ايضا الفارق في الفوز ببطولة الممتاز كبير جدا فبعد ان كسب الهلال لبطولة هذا الموسم صار عدد البطولات التي حاز عليها الهلال 8 بطولات مقابل 4 للمريخ فقط حصل عليها المريخ - اي ان البطولات التي فاز بها الهلال وصلت الي ضعف البطولات التي حاز عليها المريخ علما بان المريخ عندما فاز بالبطولة الرابعة كان يسبق ويتقدم علي الهلال ببطولة ، 4 بطولات للمريخ مقابل 3 للهلال ليجئ الهلال ليفوز بالبطولة خمس مرات علي التوالي رافعا عدد بطولاته الي 8 بطولات·) http://goansport.net/article/id/3382
Post: #128 Title: Re: الاستاذ عبده قابل يقول: أن الندية بين هلال-مريخ كادت تتلاشي لصالح الهلال!!!!!! Author: jini Date: 12-02-2007, 04:42 PM Parent: #127
Quote: عنتر ياهو عنتر ما خبرناه أطرشاً ، إلا كان الأعمى يكون أطرش كمان دي تبقى حكاية!
عنتر العرضة يا مان الكتلو الأعمى الجمرة! جنى
Post: #129 Title: Re: الاستاذ عبده قابل يقول: أن الندية بين هلال-مريخ كادت تتلاشي لصالح الهلال!!!!!! Author: Rakoba Date: 12-02-2007, 11:12 PM Parent: #128
Quote: الكتلو الأعمى الجمرة!
الأطرش ولا واحد تاني!
Post: #130 Title: Re: الاستاذ عبده قابل يقول: أن الندية بين هلال-مريخ كادت تتلاشي لصالح الهلال!!!!!! Author: Rakoba Date: 12-02-2007, 11:13 PM Parent: #127
بطولات محلية لا تسمن ولا تغني من جوع!
Post: #131 Title: Re: الاستاذ عبده قابل يقول: أن الندية بين هلال-مريخ كادت تتلاشي لصالح الهلال!!!!!! Author: Rakoba Date: 12-03-2007, 12:30 PM Parent: #130
جاء اليوم في الفترة الرياضية بالإذاعة الرياضية 104 ضمن مباريات دورة القدس بدار السلام يلتقي اليوم ( الشعراء والصفاقسي)!
Quote: ويمكن بالهوبا وشريميطي المريخ تفوزوا علي الهلال
ابوالزفت ان كان كل طموحكم الفوز بالبطولة ( المحلية) التي شبعنا منها، فهذا شأنكم أما نحن فريق كؤوس محمولة جوا، سبق أن فزنا ورفعنا علم السودان عاليا في الوقت الذي انصرف فيه الآخرون إلى لاراش و التزوير والمنشطات. وهاك الشرميطي ده!
Post: #134 Title: Re: ضياع البطولة (المحلية) .. وعنتر قتله أعمى ! Author: حسن طه محمد Date: 12-04-2007, 05:40 AM Parent: #133
الأخ راكوبة
تحية خماسية ( تعرف ليه خماسية )
وأحيي فيك محاولة اظهار نفسك بروح رياضية رغم انو الموقف صعب بالنسبة ليك وقلبي معك والله يجازي الكان السبب.
ودمتم ،،
Post: #135 Title: Re: ضياع البطولة (المحلية) .. وعنتر قتله أعمى ! Author: Rakoba Date: 12-04-2007, 10:50 AM Parent: #134
الأخ حسن التحية مقبولة ونردها بأحسن منها بتحية صفرية ( عارف ليه؟!) ونحنا ظااااطنا قلوبنا معاكم لأنكم قدر ما حاولتوا في الأول والآخر (محلي) وعالمي في ( التصنيف)
الأول: شاهدت الـ highlights في Youtube ولكنها كانت متركزة فقط على هجمات وأهداف المريخ ؟؟؟؟؟
كان من الأفضل أن تعنون على النحو التالي
Merikh's ball possession highlights
وليس
Merikh Vs Hilal highlights
الثاني: لم تعلق على ما كتبته أعلاه.
Quote: الأخ الفاضل راكوبة
هاردلك ونرفع القبعة لفريق المريخ الذي كان نداً قوياً ومنافساً شرساً للهلال، بل تفوق عليه "لعباً" في معظم لحظات المباراة، رغم أنه يحسب للهلال أنه تعامل بتكتيك أفضل أتاح له الخروج بانتصار باهر.
أعتقد أن الإخوة هنا، وف مقدمتهم الهلالي المطبوع أحمد الريح، قتلوا المباراة بحثاً وتحليلاً، وبالتالي لن يكون بمقدوري إضافة أي شيئ
إذا كان هناك ما اختلف معك بشأنه، فهو اللاعب سعيد السعودي. وضح جلياً أن ذلك الفتى اليافع هو خامة ممتازة للغاية. وبقليل من الخبرة والتمرس، يمكنه أن يصبح أفضل مدافع في أفريقيا وربما في العالم بأسره.
زفي تقديري أن الخطأ الذي وقع فيه مازدا، والذي عادة ما لا يقع فيه مدرب مبتدئ، تمثل في سحب السعودي من الملعب. ولعل هناك اتفاق غير مكتوب في الأوساط التدريبية أن أي لاعب يتسبب في ولوج هدف في مرماه سواء عن طريق الخطأ أو عبر ارتكاب ركلة جزاء، لا يستطيع المدرب تغييره، حيث أن ذلك الأمر سيصيبه بالإحباط وربما أثر على نفسيته ومكانته وسط زملائه.
لو طلب مني أن أختار لاعباً من المريخ لضمه لتشكيلة الهلال لاخترت بدون تردد سعيد السعودي، خاصة أنه يتمتع بالهدوء وبالطول الفارع وبالخفة والرشاقة وبالتعامل الجيد مع الكرات الهوائية، وهي صفات - أقولها بصراحة - بات معظم مدافعو العلال يفتقرون إليها.
أشكرك على تهنئتك "المغلفة" للهلال باحتكار البطولة. ومرة تانية، هاردلك للمريخ، فقد كان جيداً، ولكننا كنا الأفضل.
الاستاذ حسن بشير تحياتي على فيديو الyoutube اهتم فقط كما هو معروف فيما يخص المريخ وفقط منذ فترة ليست بالقصيرة على الإنترنت ومن خلال وصلتي على موقع يوتيوب، بل وأن معظم ذلك العمل موجه بالأساس إلى موقع نادي المريخ الإلكتروني على الإنترنت. ثانياً اعذرني لعدم تعليقي على مداخلتكم ذلك لكثرة المداخلات وتداخل الأمر علي، فلك العتبى حتى ترضى. لا خلاف على موهبة اللاعب سعيد السعودي، وشخصيا طالبت به بلاعب في خانة المحور مع مجاهد في مباريات المريخ مع الرجاء والصفاقسي ، إلا تفريط المريخ فيه ليشارك مع الفريق الأولمبي كان خياراً غير موفقاً من الجهاز الفني للمريخ. ولكنك تعلم أيضا الضغط الجماهيري الكبير الذي تعرض له مازدا بإشراكه السعودي في هذه الخانة الجديدة، خاصة وإن كان أثمر هذا التواجد على هدف هلالي آخر كان سيقضي هو الآخر على السعودي. وبدخول علاء الدين بابكر في الجهة اليمني شكلت هذه الجهة صحوة جيدة واستطاع علاء الدين الوصول إلى منطقة جزاء الهلال وتسديد كرة ارتطمت بالقائم الهلالي وهذا ما عجز عنه السعودي طوال الوقت الذي لعب فيه، حيث كان يعجز على تحقيق الاختراقات المرجوة منه وعكس الكرات المحسنة إلى المهاجمين مع إيداهور الذي لعب أمامه، فلا أجاد هو ولا إيداهور في هذه الخانة. الهلال لم يكن الأفضل ولكنه استفاد من أخطاء اليافع السعودي وربما تغاضي حكم اللقاء عن ضربة جزاء صحيحة للمريخ كانت يمكن أن تغير مجرى المباراة. وموعدنا نهائي كأس السودان
وقع أربعة من نجوم أندية المنتخب الأولمبي اليوم إقرارات بالتسجيل لنادي المريخ في فترة الانتقالات الرئيسة نهاية هذا الشهر، واللاعبون هم: الحارس محمد آدم من اهلي مدني أحمد الباشا من الهلال بورتسودان بله جابر من حي العرب بشه من الموردة.
