شكرا بكري ابوبكر ... فقد اثبت أنك أكثر ديموقراطية منهم ... ومرحبا بالشيخ الطقي بيننا

Quote: عبد الرحمن الطقي . تاريخ التسجيل: 27-11-2007 مجموع المشاركات: 3 Re: يا باشمهندس بكري ... أما آن للشيخ الطقي أن ينضم إلينا ... دعوة للقراء لتزكيته (Re: معتز القريش) بسم الله الرحمن الرحيم شكر لمن منحوني عضوية المنبر يقول النبي صلى الله عليه و سلم : ( لا يشكر الله من لا يشكر الناس ) أتوجه بشري الجزيل - بعد شكر الله تعالى - للأخ المكرم الباشمهندس / بكري أبو بكر المدير العام لموقع سودانيز أون لاين ، على تكرمه بمنحي عضوية المنبر العام ، و لم يلتفت لدعوات المجاهرين بخنق الصوت المخالف ، و لو كان على الحق ، و كذلك شكري الوافر للأخ العزيز المصادم المشاغب / معتز القريش الذي قاد هذه الحملة باقتدار و هو كرجل دعاية و إعلان محنك له أساليبه و طرائقه ، و ما كنت أريد لها أن تكون كذلك ، و لكن قدر الله و ماشاء فعل. و أعتذر عن أي استفزاز أو استعداء سببه ( بوسته ) المثير الذي تحدى فيه الخصوم المفترضين أو المتوقعين بتزكيتي و المطالبة بالعضوية لي ، و بعضهم لم يستجب لهذا الاستفزاز و دعم ترشيحي ، كما و أشكر كل من ثنى ترشيحي ، و عرفني حسب علمه عني ، و أكثر هؤلاء يخالفونني المبدأ ، وخاصة أولئك الذين جمعنا بهم معترك العمل العام بالجالية كالإخوة الكرام : كمال سالم و عمر سعد و شكري ناطوس . و أرجو ألا أكون ثقيلاً على المتصفحين ، نوعاً أو كماً ، و سيخفف عمن لا يحبون أمثال قلمي أنني رجل ذو مشاغل خاصة جمة ، و تكاليف عامة عديدة ، و سوف ألتزم أدب الحوار ليس التزاماً بلوائح المنبر فقط ، و لكن انطلاقاً من مبادئ الإسلام السمحة ؛ قال الله تعالى : ( و قولوا للناس حسناً ) ، و قال تعالى : ( و جادلهم بالتي هي أحسن ) ، و لن يكون كل ما أطرحه هنا أو أعقب به جدالاً ، فإن نقاط الا لتقاء كثيرة إن أردنا نحن ذلك ؛( إن الله لا يغير ما بقوم حتى يغيروا ما بأنفسهم ) . و للجميع تقديري و إعزازي و احترامي . عبد الرحمن الطقي . إضاءة :و ما من كاتب إلا سيفنى 000 و يبقى الدهر ما كتبت يداه فلا تكتب بكفك غير شيئ 000 يسرك في القيامــة أن تراه

اهلا بالشيخ الطقى فى داره ونتمنى له اقامة طيبة وعشان الشلاقة كاتلانى ما قادر اصبر لانو عندى مواضيع ساخنة والكلام ليك يالمنطط عينيك.................شكرا لبكرى رغم ان بعض طيور الظلام حاولت سد هذا الفتح الكبير

شوف ياشيخ ما دام اتلاحقت الكتوف وبقيت عضو معانا

قبل أول حاجة : شكر آلاف للباشمهندس بكري ابوبكر

بعد الله سبحانه وتعالى ...

وأول حاجة مرحب بيك ونورت الديار

ثاني حاجة تبعد من بوستات الغنا بتاعتي

ثالث حاجة تبعد من بوستات الصور بتاعتي

رابع حاجة ودي الأهم : تدي لي الشيوعيين والجمهوريين ديل في راسهم التخين دا

وإلا برجعك محل ما جبتك ...

مرحب بالأخ الطقي ..
ومرحب بكل من يجيد أدب الاختلاف

من القلب نرحب بيهو ..
ونتمنى له اقامة سعيدة ..

العزيز/ معتز القريش

سلام عليك

شروطك قبلنابها تب ... بس مرحلياً و أولوياً!
و إنت قايل ناس القبيلة ديك بخلونا نفضى
لبوستاتك بتاعت الهجيج و الخشلعة دي ؟!!
و أحسن حل زي ماقلت ما نقرب عليها عشان
ما نشوف المنكر و مانغيره !!

و أبشرك جماعتك ديل دُت ما بنخليهم
بس خلينا انخش لي داخُل ...


أخوك الممتن ليك / الطقي

Quote: العزيز/ معتز القريش سلام عليك شروطك قبلنابها تب ... بس مرحلياً و أولوياً! و إنت قايل ناس القبيلة ديك بخلونا نفضى لبوستاتك بتاعت الهجيج و الخشلعة دي ؟!! و أحسن حل زي ماقلت ما نقرب عليها عشان ما نشوف المنكر و مانغيره !! و أبشرك جماعتك ديل دُت ما بنخليهم بس خلينا انخش لي داخُل ... أخوك الممتن ليك / الطقي

أيوا كدا انعدل عشان ننعدل معاك

العزيز/ معتز القريش

سلام عليك

شروطك قبلنابها تب ... بس مرحلياً و أولوياً!
و إنت قايل ناس القبيلة ديك بخلونا نفضى

لبوستاتك بتاعت الهجيج و الخشلعة دي ؟!!
و أحسن حل زي ماقلت ما نقرب عليها عشان
ما نشوف المنكر و مانغيره !!

أخوك الممتن ليك / الطقي

مرحباً بك يا شيخ عبدالرحمن الطقي ونرحب بيك اكتر طالما بتعرف

Quote: الهجيج و الخشلعة دي ؟!!

ويلا شمر الساعد للدواس الجاييك.
خلق الجمال
نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ.. فَهُمْ فى جَمِيعِ أقْطَارِ هَذَا الكَوْكَبِ مُتَآخُوْنَ، مُتَسَالِمُوْنَ، مُتَحَابُّونَ.. قَدْ وَظَّفُوا أنْفُسَهُم لِخَلْقِ الجَّمَالِ فى أنْفُسِهِم، وفى مَا حَوْلَهُم مِن الأشْيَاء.. فَأصْبَحُوا بِذَلِكَ سَادَةَ هَذَا الكَوْكَبِ.. تَسْمُو بِهِم الَحيَاةُ فِيهِ سَمْتاً فَوْقَ سَمْتٍ، حَتَّى تُصْبِحَ وكَأنَّهَا الرَّوْضَةُ المُونِقَةُ.. تَتَفَتَّحُ كُلَّ يَوْمٍ عَنْ جَدِيدٍ مِن الزَّهرِ، وجَدِيدٍ مِن الثَّمَرِ.
محمود محمد طه

مرة أخرى نرحب بانضمامك لقبيلة البورداب.

جدع الكرفتة
و لبس العمامة

Quote: جدع الكرفتة و لبس العمامة

كوستاوي الشين

تحت العمامة في كرفتة برضو
(هنا نبكيكم وهناك نبكيكم)

الإعلامي المخضرم / عبد الرحمن أبو شيبة
- الأمين الإعلامي للجالية السودانية بدولة قطر -

شكراً على الدعم و الترحيب ، و نسينا نذكرك في مساندينا من الجالية
ربما لأنك من ( كتلتنا ) ، و كمان نسينا عبد الكريم كيكي !!،
يمكن لأنو أدانا ( نص صوت ) ، و قول ليه ( نجاض قبورة ) - وفي روايتنا
نحن الكردافة - ( نجام قبورة ) ، النجاض دا راجييه في اجتماع المجلس
بعد بكره 30/11 ، بس المرة دي حيكون أكتر حضارية ، بعد ما هدأت النفوس ،
و أكلنا مع بعض ( الملح و الملاح الأمضى من السلاح )!!

شكراً لكم جميعاً

مع عظيم امتناني ،،
عبد الرحمن الطقي

الف مرحب بالاخ عبد الرحمن الطقى بيننا وشكرا بكرى ابوبكر .

مرحب بالاخ عبد الرحمن الطقى

الجار العزيز / شيخ الطقي
صباح الخير
شهادتي في شخصك مجروحة فالرجاء السماح ....!

مرحب بيك عضوا فاعلا في هذا الحوش الكبير
شكرا سيد الحوش بكري ابو بكر علي روح الديمقراطية الاصلية .
شكرا ود القريش ( الحوار الغلب سيدو...!)

لكن....
الشافك وديت الراجل ده الخور من اول بوست ماكضب.
التحايا
هارون دياب

خلق الجمال
نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ.. فَهُمْ فى جَمِيعِ أقْطَارِ هَذَا الكَوْكَبِ مُتَآخُوْنَ، مُتَسَالِمُوْنَ، مُتَحَابُّونَ.. قَدْ وَظَّفُوا أنْفُسَهُم لِخَلْقِ الجَّمَالِ فى أنْفُسِهِم، وفى مَا حَوْلَهُم مِن الأشْيَاء.. فَأصْبَحُوا بِذَلِكَ سَادَةَ هَذَا الكَوْكَبِ.. تَسْمُو بِهِم الَحيَاةُ فِيهِ سَمْتاً فَوْقَ سَمْتٍ، حَتَّى تُصْبِحَ وكَأنَّهَا الرَّوْضَةُ المُونِقَةُ.. تَتَفَتَّحُ كُلَّ يَوْمٍ عَنْ جَدِيدٍ مِن الزَّهرِ، وجَدِيدٍ مِن الثَّمَرِ.
محمود محمد طه

Quote: شكرا ود القريش ( الحوار الغلب سيدو...!) لكن.... الشافك وديت الراجل ده الخور من اول بوست ماكضب. التحايا هارون دياب

عفوا يا هارون
انت الراجل دا جارك ... كلمو يبعد عن طريقي
والحبة دي ما بتجيهو ...
يعني لا يدافع عني ولا يهبشني ... منيح ؟؟؟

[B]جاري العزيز الشهم / هاون دياب بل شهادتك لشخصي من أوثق الشهادات فلتقلها كاملة

أشكر لك مواقفك النبيلة ،
و تاني ما حنغلبك بإرسال المداخلات لناس أبو كدك
أها خلاص عرفنا الدرب !

بس ما جبت لي صاحبك ( الزعيم أبو ساندرا ) ! ،
شايفه عينه فتحت و بباري البوستات إلا بوستات عضويتي
و لللا زيارة هيئة العلماء و الدعاة - فرع قطر -
ليه في مرضه و الحوار الوي داك معاهو ، و مع
الجمهوريين المعاهو ، و عشوتو المدنكلة ديك
كلو طلع فالصو ؟!
و لا عملها جد لما قال لي : ما بزكيك نمشي نزكيكم
و تقوموا علينا تكفرونا !

قول ليهو مقترحاتك قبلناها و أصلاً نحن ردينا بيها على
( ود الزين ) في بوسته ( ياأهل الدوحة وقطر ...
من هم هؤلاء و لماذا الآن ) و كتر خيرو ود الزين
جانا و رحب بي ألف ، و كمان رقم صفر القذفنا
جا و رحب ، و شايفو قبل ( ما يزيد حصيلتو العلمية
و يجينا داخل تووووش ) زي ما قال ، شايفو بي هناك
بفتي بوجوب عد التضحية السنة دي !!!
و شكراً لأخيه ( نادوس ) على ترحيبه بانضمامي .

و نعيد ليك مقترحاتك يا أبو ساندرا بلفظك :
1/ نحن ما تكفيريين .
2/ نحن ما مؤتمر وطني .
3/ نحن ما الجهة ديك الطلعت الفتاوي .
4/ تغيروا اسمكم لاسم حليو زي ( نور الهدى )
و الله اسم جميل و حليو !
أها تعال نتفق :
تجونا تشاركونا في أنشطتنا الدينية ( البحتة )
و نغير اسمنا البعبع دا طوالي ..

تحياتي لكم و عاجل و كامل الشفاء لأبي ساندرا .
عبد الرحمن الطقي

Quote: ثاني حاجة تبعد من بوستات الغنا بتاعتي ثالث حاجة تبعد من بوستات الصور بتاعتي

ود القريش يا خوي ... الواحد وكت رقص .. بيدس دقنو ليه؟

مرحب بالشيخ

مرحب بالقادم الشيخ عبدالرحمن الطقي في عوالم من الأقلام الحره

شكرا م.بكري أبوبكر ...

شكرا معتز القرشي ...

مساحة من ديمقراطية الكلمة مفتوحة له ولنا نزلت أهلا وحللت سهلا الطقي.

،،،،أبوقصى،،،،

اخونا الطقي حمد لله علي السلامه والف مبروك دخولك القلعه ((اعمل حسابك من الخفافيش))
ياريت لو تورينا فيك كل الواجهات الجميله ماتقوم تمسك لينا في حاجه واحده وتخلي باقي الحاجات
زي ماقال الفحل المزواج اخونا معتز القريش ماتقرب من بوستاتو وياريت لو كمان انت برضو تدينا من اشعارك حاجه ((من عشاق الشعر الاسلامي - المديح ))بالمناسبه دي
ليه جماعة انصار السنه المحمديه مابمدحو الرسول (صلي الله عليه وسلم)؟؟؟؟


وابقي داخل وجر وراك الباب

إلى قبيلة المستنيرين وخصوصا الجمهوريين والشيوعيين ... ج...م السّم القدُر عشاكم

شيخ ابو زيد يهاجم المنبر وتلميذه الطقى يطلب العضوية هل ...ينابيع فقهم الوهابى

الشيخ عبد الرحمن الطقي يرد على معتز القريش: لم أطلب عضو...مهوريين والشيوعيين !

يا باشمهندس بكري ... أما آن للشيخ الطقي أن ينضم إلينا .... دعوة للقراء لتزكيته

مواضيع ذات صلة بحصول الشيخ على العضوية

الف مرحب بالاستاذ عبدالرحمن الطقى بيننا ، فى منبر سودانيز اون لاين الواسع العريض مرحب به ونتمنى ان يدعم ويرفد مبادىء الحوار والحجه بالحجه والمجادله بالتى هى احسن كما نتمنى ان يحمل لنا تغييرا نوعيا فى المنبر لكى تكون وسائل الجدل الكلمات الخاليه من الاسفاف والهتر وخاليه من الكراهيه وان لا تصيبنا العزه بالخطأ ونقبل الحق حتى وان جاءنا من الآخر المختلفين معنا , يقول ابن رشد مخاطبا الغزالى (فينبغى لمن آثر الحق ان وجد قولا شنيعا ولم يجد مقدمات محموده تزيل تلك الشناعه ان لا يعتقد ان ذلك القول باطل وان يطلبه من الطريق الذى زعم المدعى له ان يوقف منها عليه ويستعمل فى ذلك من طول الزمان والترتيب ما تقتضيه طبيعة ذلك القول المتعلم ) ويقول ابن الاثير ( ان عناية العرب بالفاظها انما هو عناية بمعانيها لانها اركز عندها واكرم ) ويقول ابو هلال العسكرى ( ان الكلام يحسن بنصاعته وتخير الفاظه واصابة معناه وجودة مطالعه ) كما يقول الكندى ( انه لا ينبغى لنا ان نستحى من استحسان الحق واقتناء الحق من اين اتى وان اتى من الاجناس القاصيه عنا والامم المباينه فانه لا شىء اولى بطالب الحق من الحق وليس ببخس الحق ولا بصغر قائله ولا بالآتى به ولا احد بخس الحق بل كل يشرفه الحق ويحسن بنا اذا كنا حراصا على تتميم النوع الانسانى اذ الحق فى ذلك ان نعى ما أخذ وان نضيف اليه ) وقال الكندى ايضا ( ان من اوجب الحق الا نذم من كان حد اسباب منافعنا وان غيرنا انساب وشركاء لنا فيما نفيده من ثمار فكرهم تلك الثمار التى تعد لنا سبلا وآلات مؤديه الى علم كثير مما قصروا عن نيل حقيقته ) وقال ايضا ( انه لم ينل الحق من المعرفه بما يستأهل الحق احد من الناس بجهد طلبه ولا احاط به جميعهم ، بل كل واحد منهم اما لم ينل منه شيئا واما نال منه شيئا يسيرا فاذا جمع يسير ما نال كل طرف من النائلين الحق منهم اجتمع من ذلك شىء جليل القدر )
وقال ادوارد سعيد : - ان الحق يعلو ولا يعلى عليه وانه - اى الحق مجردا - هو الوطن الوجدانى والملاذ الانسانى لكل انسان تضىء فى دواخله ثقافة او شهامه .
نتمنى ان يكون الاستاذ عبدالرحمن الطقى مشبع بروح وجوهر الاسلام- ونحن نظن ذلك - وروح وجوهر الاسلام العداله والانصاف واحترام الانسان اينما كان موقعه وموقفه ومن اوجب واجبات الاحترام احترام رأى الآخر وحتى ان كان مخالفا او معارضا لان الانسان اى انسان لا يمتلك الحقيقه الكامله والحكمه الكامله فنصف رأيك عند اخيك ويجب علينا الانعطى رأينا البشرى قدسيه حتى نجرم الآخر او نكفره او نخونه ويجب علينا نحن البشر الضعفاء الا نطلب محو الآخر المختلف معنا من الوجود بسبب اختلاف فى الاراء او الافكار ولا نطلب عزل ا فكاره او اقصائها لذات السبب .

مرحب بالاستاذ الطقى مره اخرى ليكون اضافه نوعيه للمنبر

مع تحياتى واحترامى

يعني بقت علي الوهابية عشان تكون في معارك

نحن قبلنابي الكيزان واشباه الكيزان ...
مرحب بيك وانشاءالله تكون اضافة مميزة

الف مرحب بالشيخ عبدالرحمن الطقى





تخريمه.

اها يامعتز ارتحت خلاص جبت ليك بودى غارد عشان الشيوعين والجمهوريين

ما قولتو نوبة . عليك الله جيب لينا الترابى دا تكون عملت فينا خير.

و مرحب بيك ألفين أختي / صباح حسين


و خليك مواكبة الحدث شوية ؛
زي ود القريش ( جدع الكرفتة و لبس العمة ) !!


زي ما قال ( كوستاوي )

تحياتي و تقديري ..
عبد الرحمن الطقي ،،

السلام عليكم
مرحباً بالشيخ الطقي عضواً بهذا المنبر
ونحو مزيد من أدب الحوار الراقي
.............................
وما الناس إلا هالك وأبن هالك *** وذو نسب في الهالكين عريق

الإخوة الأفاضل /

حسين يوسف أحمد
معز هاشم
محمد أبو العزائم أبو الريش
مجدي عبد الرحيم فضل
جعفر بشير
الزول

أشكركم شكراً جزيلاً ، و مرحباً بكم أنتم في داركم ،
و أتمنى أن أكون عند حسن ظنكم ؛ إضافة حقيقية
و نوعية للمنبر ، و معاً لتطوير الحوار الراقي
خاصة الحوار الديني المبني على الأدلة الشرعية
لا بالأهواء و الآراء المجردة .

سلمتم من كل سوء ..

عبد الرحمن الطقي ،،،

البيدوفيل الطقي يؤيد البيدوفيليا

التفاصيل في البوست المشار اليعه اعلاه

الوهابيون يؤيدون البيدوفيليا !