Post: #1
Title: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-20-2007, 04:05 PM
Parent: #0
قام هكر ملعون بالاستيلاء على باسوورد الزميله العزيزه الفنانه تماضر
بت شيخ الدين وكتب بوست يطلب فيهو عضويه للتلفزيونيه اللامعه نسرين
سوركتى ودخلوا الجماعه يثنوا
وبكرى ما قصر واعطى نسرين باسوورد وكتبت نسرين بوست تعريف بنفسها
وقالت بالحرف الواحد انا انحنى لكم
وجاء الخفيف اللفيف سجيمان وقال ليها تنحنى شنو نحنا اللى ننحنى
ونحبى بالواطه وشنو كدا ماعارف وكلام كتير وكسير اكتر
وبعد ما سجيمان فك اخره اذا بالزميل طلال عفيفى يجى يقول انو تماضر
قالت انو فى هكر استولى على باسووردها وكتب بيهو بوست يطلب عضويه
لنسرين
وماعارفين اسع ماهى الحاله النفسيه لسجيمان
هل هو فى الانعاش ام حى يفرفر
واشماتة ابله ظاظا فيك يا سجيمان
والباب مفتوح لتعزية سجيمان وخيبان امله فى الحضور البهى لنسرين
|
Post: #2
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-20-2007, 04:58 PM
Parent: #1
لا حولا ولاقوة الا بالله!!!
امًحُمد النضم دا صُح؟؟؟؟؟
وانا من صبحت الواطا ادردق وادمس للهكر؟؟؟؟...وقايلو نسرين.....شكيت لي الله ... ماعافي ليك..ما عافي ليك....ما عافي ليك.... اخدو منك يوم الموقف العظيم.....
اريت ربي يدمسك ويكتحك...متل ما كتحتني في صمة خشمي...انشا الله بركة الشيخ الجعلي ....تتقلب قعوية من اللليلة لي باكر...تتقلب قعوية وتبقى عيشتك في البلاعات...قعوية وحسها مكسور كمان عشان ما تقدر تقول غوووغ والمغسة تكتلك... انشا الله تتقلب خنفسانة وتعفصك ركشة في شارع الشنقيطي...وما تكتلك تعولقك...تبقى خنفسانة وكراعا مجبصة... وحايمة...يا المضر انشا الله يضرضرو لك الواطا في عويناتك
|
Post: #3
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-20-2007, 05:08 PM
Parent: #1
وحات الله من الخلعة نسيت اسمك يا علي...كتبت امحمد
اعفي لي عليك الله
نان ما شفت البهطة والخلعة والكسفة العلي؟
اريت ربي يكسر خاتر يا دا الهكر متل ما كسرت خاترنا
|
Post: #4
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-20-2007, 05:29 PM
Parent: #3
Quote: وحات الله من الخلعة نسيت اسمك يا علي...كتبت امحمد
|
ما منك .. من العليك
وغايتو يا سجيمان انا الايام دى شفقت عليك
من الجلابيه المشخته لى نسرين الله يكون فى عونك
وتعال جاى النحدثك
شفت صاحبك الخفيف ولفيف اصدر فرمان بالباصوورد فى اقل
من 24 ساعه بس غايتو جنس بشتنه واحده
وانا ظااطى يا سجيمان اكان تشوف مداخلتى
ايتها المزيعه الرائعه وحضورك البهى وشنو كدا ماعارف
وفى النهايه طلعنا متبشتنين فى هكرز ملعون
الله لا غز فيهو بركه الحرامى المسنوح اكان بشتنا وكشف حالنا
لكن يا سجيمان بشتنتك انتا شينه مره واحده
واكان على صاحبنا داك بشتنته اشنى من حقتك
|
Post: #6
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: soma
Date: 11-20-2007, 05:49 PM
Parent: #4
Quote: وانا ظااطى يا سجيمان اكان تشوف مداخلتى
ايتها المزيعه الرائعه وحضورك البهى وشنو كدا ماعارف
وفى النهايه طلعنا متبشتنين فى هكرز ملعون |
اخى على سلامات
لووووووووووووووووووووووووووول
ضحكت كما لم اضحك من قبل
| Quote: وحات الله من الخلعة نسيت اسمك يا علي...كتبت امحمد |
مباااااااااااااااااالغه يا سجيمان
الليله غايتو كتلتونى بالضحك
الكلام بكرى يسوى شنو يا اخوانا
واااااا شاماتة اساسى فيك لوووووووووووول
هسه يا بكرى كان اديت العضويه لى بلة ما كان اخير
كان مرقت من شماتة اساسى ووليد المبارك فيك
الليله غايتو ده يوم دولـــــــــــــــــــــــى
|
Post: #5
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-20-2007, 05:36 PM
Parent: #1
تعرف يا علي
انا كل ما ارسل رسالة في بوست تماضر واللا بوست نسرين القايلا نسرين" انشا الله انت بالناسور القدر خور ابعنجة يا دا الهكر"... تطلع لي رسالة انو البكان دا ما آمن وختري..وانا اشيل واسوي في اليس يس.... اتاريهو دا الهكر... اريت ربي يصوط عويناتك كان صطا عويناتنا..اريت ربي يمسخ عليك كان مسختا علينا يومنا
|
Post: #7
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Kamal Karrar
Date: 11-20-2007, 06:22 PM
Parent: #1
سجيمان... سلامتك يا دكتور...
أنت ما عارف السكة دي عويصة؟؟؟؟ أنت ما قلت أنا مااااااااااااااااهل لمن أحيّركم..
مالك الحصل ليك شنو... يا زول خليك ثقييل.. عشان ماتدفق مويتك على الرهاب..
أكان نسرين ولا جينفر لوبيز حينوبك منها شنو.. بس كحل عويناتك ساكت من سكات
وخلي الخفة واللفة..
غايتو ما عارف بيقولوا شنو في المواقف الزي دي.. يا ربي عظم الله أجركم..تنفع؟؟
سوما.. شفتي جنس ده!!!
|
Post: #8
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Kabar
Date: 11-20-2007, 07:07 PM
Parent: #1
الصديق سجيمان كتب:
| Quote: اريت ربي يدمسك ويكتحك...متل ما كتحتني في صمة خشمي...انشا الله بركة الشيخ الجعلي ....تتقلب قعوية من اللليلة لي باكر...تتقلب قعوية وتبقى عيشتك في البلاعات...قعوية وحسها مكسور كمان عشان ما تقدر تقول غوووغ والمغسة تكتلك... انشا الله تتقلب خنفسانة وتعفصك ركشة في شارع الشنقيطي...وما تكتلك تعولقك...تبقى خنفسانة وكراعا مجبصة... وحايمة...يا المضر انشا الله يضرضرو لك الواطا في عويناتك |
كدا ما ينفع يا صديقي ..و احسن تكلم ليهو الشيخ ابوزيد.. عشان يشملو بخطبة جمعة كاربة..
شكرا صديقي على محمد على بشير..
كبر
|
Post: #9
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: محمد البشرى الخضر
Date: 11-20-2007, 07:30 PM
Parent: #1
أبو علوة
كيفك يا رائع يا متمكن
اديني طلة بي جاي
إبتزاز ...وشيل حال
|
Post: #10
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: soma
Date: 11-20-2007, 08:37 PM
Parent: #9
| Quote: سوما.. شفتي جنس ده!!! |
كمال سلامات
والله العظيم انابضحك بضحك
من قبيل لما ما شايفة قدامى من دميعاتى
مباااااااااالغة
غايتو يا سجيمان الليلة بتجيك حمى
والله انا حاسة بى وجعتك
لوووووووووووووول
|
Post: #13
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-20-2007, 08:54 PM
Parent: #10
شفتي البقت علي يا سوما؟
تبقى علي كلاب الحلة...
وقعدت اوصي فيها... واتحكرت ودابر ابدا لي معاها ونسة...اريت ربي يوهدبك با دا الهكر متل ما وهدبتني وجهجهتني......اريت ربي يكسر خاترك
|
Post: #11
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Kamal Karrar
Date: 11-20-2007, 08:42 PM
Parent: #1
سوما العزيزة.. أعملي حسابك شوية
المساسككة بين بوست نوبي وعلى بشير براها م كفاية
لكن رأيك شنو نقول لسجيمان عظم الله أجرك؟
ولا جبر الله كسرك أحلى!!!!!
|
Post: #12
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: soma
Date: 11-20-2007, 08:50 PM
Parent: #11
Quote: لكن رأيك شنو نقول لسجيمان عظم الله أجرك؟
ولا جبر الله كسرك أحلى!!!!! |
كمال ياخوى .. كسر شنو البنجبر لى سجيمان؟؟
وحات الله سجيمان هسه تلقاه ماسكاه ام هلا هلا
لا بنفع جبر كسر ولا جبر خاطر ولا البركه فيكم زاتها
خلى كده فاير لمن يبرد براه
لكن عليك الله مش ده اظرف واذكى هكر قابلك يا كمال
انا غايتو اهنيه على دقة التصرف
لكن يا ريتها كان بقت فى محلها
على الاقل تكون ضد الحملة القامت علينا فى صمة خشمنا
شكرا كمال وخلينا نضحك صباحى الليلة
الواحد ليه زمن ما ضحك كدة
|
Post: #14
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Kamal Karrar
Date: 11-20-2007, 08:58 PM
Parent: #1
يخيل لي يا سوما... لو بكري رجع لسجيمان جلابيتو المشختة
الليلة برضو ما بتحلهّ..
يلا أهو زي ما قلتي ضحكنا شوية.. وقالوا وقعة الشاطر بألف
وسجيمان الليلة بقى إسم على مسمى.... الله يشوفو ساكت
|
Post: #15
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: محمد البشرى الخضر
Date: 11-20-2007, 08:58 PM
Parent: #1
أبوعلوة يا رائع يا متمكن
ما دام فتحت لي كدا زإنت عارف غلاوتك عندي
بجي على نفسي و اجيك انا
ما بيناتنا
بالغت ياعمك
|
Post: #16
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Ahmed musa
Date: 11-20-2007, 09:06 PM
Parent: #1
(حضورك البهي) ؟؟؟
أهي أهي أهي
...
...
...
يا خوانا والله في سؤال مخوفني !!!
(بكري) ...
ياهو (بكري)؟؟؟
|
Post: #17
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-20-2007, 09:13 PM
Parent: #1
احمد موسى
اي ضكر يطلع ماهو مافي ندم عليهو....الندم علي نسرين دي...
اريت ربي يندمك ويسففك التراب يا دا الهكر........
يا اخوانا الزول دا ما مسلم؟؟؟....وحات الله ما عندو ظرة انسانية
|
Post: #18
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: osman abdala
Date: 11-21-2007, 02:06 AM
Parent: #1
والله والله...
يا علي ..
وسي جي مان..
ضحكتوني لمن جاني لوز...
انا قلبي أكلني من البوست المعني يعني في دقايق البوست بقي صفحتين قلتا انا لمن جيت رحبوا بي 10 ناس..
بركة الكان هكرز ..
|
Post: #19
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: soma
Date: 11-21-2007, 05:32 AM
Parent: #18
| Quote: ضحكتوني لمن جاني لوز... |
الاخ عثمان عبد الله
حبابك والله
وكر على مافى زول رحب بيك
شاهد الله اسمك ده ما شفتو الا هسه بس
لكن اتلومنا فيك .. والغائب عذره معاه صاح؟
انا غايتو ما شفت بوست الترحيب الخاص بيك
لكن امسحا لينا فى طرف جلابية سجيمان دى
اصلو من امس باقيه عليه حكاية الميته وخراب الديار
رغم انى لاقيتك هنا فى ضل نيمة اخونا على دى
اصلى حارساها من امس ..لكن برضو حبابك
واهو ضحكت معانا ..
ن شاء الله ديمه مبسوط وتبرا من اللوز يابا
اطبعا اختك من امس عندها حالة بتاعة قرقره متواصلة
لما هددونى بقفل الكمبيوتر ناس البيت
بقيت اجى اضحك كتامى وامرق
ههههههههه
تحياتى وحبابك من تانى
***
متاوقة
سجيمان كيف اصبحت يا خوى
يعلم الله مانى شمتانه فيك
وواجعانى بالحيل البقت فيك من امس
علا ضحكتنى لما دميعاتى اتشتتن
ما مشكلة يا سى جى بنجيب ليك نسرين بالصح
|
Post: #20
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-21-2007, 05:50 AM
Parent: #1
| Quote: ما مشكلة يا سى جى بنجيب ليك نسرين بالصح |
تاني ان جاتني بشحما ولحما عنداهلي باقي لك بصدق؟....
الدخلت علي مو هينة..... يا سوما اختي
|
Post: #21
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Nader Abu Kadouk
Date: 11-21-2007, 06:44 AM
Parent: #20
سجيمان
يا راجل اركز والجايات اكتر من الرايحات
ودي عشان تبطل كبكبه
يا سجيمان انا شوفت البوست و قلت انخلص شغل بعدين نرحب بمزاج
اها وحاتك وكتين جيت راجع لقيت البهدله حاصله
ودابكدوك
|
Post: #22
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Randa Hatim
Date: 11-21-2007, 06:58 AM
Parent: #21
يا جماعه وقسم بالله قلبي وجعني وجاني صداع من الضحك
من بوست لى بوست
شئ ابتزاز وشيل حال "ابوحتوت"
شئ رجافين اونلاين "نوبي"
وشئ واشماتة ابلة ظاظا فيك "آمحمد" حسب زغللة سجيمان
لكن لقيتكم مبااالغه .. عالم لابده وقانصة "اونلاين"
مسؤولين من الخير
بكري مالو ما قال "بغم" لى هسي
الزول دا افقدو ...
على راي سوما تكون صلعتو "نديااانه" من الاستحراج
|
Post: #23
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: soma
Date: 11-21-2007, 07:35 AM
Parent: #22
| Quote: على راي سوما تكون صلعتو "نديااانه" من الاستحراج |
رندا سلامات يا جميلة
قسما بالله يا رندا انا اصبحت مصدعه صداع مبالغه من ضحك امس
هسه راسى ما قادره ارفعوا.. برضوا جيت اكابس اتفرج فى باقى البوست
انطبق على المثل البقول.. حزناااانه وواعية
|
Post: #24
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: tmbis
Date: 11-21-2007, 07:53 AM
Parent: #23
والله يا ود البشرى لكن مبالغة:
الحمد لله امس الواحد كان مشغول ... شديد لكن كنت متابع ليك كل الرومانسية دي .. والناس القضايين .. وناس الواجب .. والناس الجابت التلج..
والله انا الله بريدني
اديك ســر أقولو اول مرة .. من ما بدت الحملة دي :
امس فتشت لي الأغنية بتاعت محمد الأمين ( وعــد النوار ) كان الحلقة فيها نسرين سوركتي .. وفضل الله محمد بلاي قعدت تبكي في الحلقة دي لحدي ما قطعت ليك قلب واحد أخونــا كدا 
اهــا
كنت بفتش للملف دا ( سما واطا) ما لقيتو
غايتو احمدك يا الله سيدي حسع الواحد كان راحه فيها ساكت واتهموهو في نفسياتو..
يا علي:
لكن ما لقيتك رحاااااب ..
ناسك وحبانك مش كدا..؟
والله فيك الخيــر .. طيب ما كان تجيب معاك تلج عديل كدا
|
Post: #26
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 07:58 AM
Parent: #23
الاهو والاخوات الكرام
ناسف للتاخير فى الردود
ولكن يا جماعه
البوست دا بتاع عزاء لى سجيمان .. يعنى بيت بكاء وكدا
يبقى سجيمان هو ( سيد البكاء ) وهو البيتلقى العزاء والمعزيين
وفى حاله غيابه توجد الاخت سوما
|
Post: #27
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 08:00 AM
Parent: #23
الاهو والاخوات الكرام
ناسف للتاخير فى الردود
ولكن يا جماعه
البوست دا بتاع عزاء لى سجيمان .. يعنى بيت بكاء وكدا
يبقى سجيمان هو ( سيد البكاء ) وهو البيتلقى العزاء والمعزيين
وفى حاله غيابه توجد الاخت سوما لانها قريبة الميت وياها العاصره
فراش البكاء
اما انا فخلونى فى مصيبتى
والله يكشف حال ود البشرى
|
Post: #25
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Ashraf el-Halabi
Date: 11-21-2007, 07:58 AM
Parent: #1
Quote: (حضورك البهي) ؟؟؟
أهي أهي أهي |
واك
الغريبة يا بوحميد قبل فترة كان في زول ساكي عضوية لزميلة كم شهر كدا يرفع في بوست الطلب و(هناي داك) مجلي حنانو لمن حنني*
والأغرب (أكان ما أخاف الكضب) برضها اسمها نسرين
ـــــــــ
*الحنني الزول.. ما هناي داك
|
Post: #29
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 08:28 AM
Parent: #28
Quote: الغريبة يا بوحميد قبل فترة كان في زول ساكي عضوية لزميلة كم شهر كدا يرفع في بوست الطلب و(هناي داك) مجلي حنانو لمن حنني*
والأغرب (أكان ما أخاف الكضب) برضها اسمها نسرين |
غايتو لو الهكرز دا %C
|
Post: #30
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 08:28 AM
Parent: #28
Quote: الغريبة يا بوحميد قبل فترة كان في زول ساكي عضوية لزميلة كم شهر كدا يرفع في بوست الطلب و(هناي داك) مجلي حنانو لمن حنني*
والأغرب (أكان ما أخاف الكضب) برضها اسمها نسرين |
غايتو لو الهكرز دا %C
|
Post: #31
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 08:29 AM
Parent: #28
Quote: الغريبة يا بوحميد قبل فترة كان في زول ساكي عضوية لزميلة كم شهر كدا يرفع في بوست الطلب و(هناي داك) مجلي حنانو لمن حنني*
والأغرب (أكان ما أخاف الكضب) برضها اسمها نسرين |
غايتو لو الهكرز دا دخل لينا ايميل هناى داك وورانا هناى داك هبب شنو
فى الخاص يكون ما قصر معانا الهكرز دا
لانو سرعة منح الباسوورد اكيد وراها مراسلات على ورق السلوفان ومعطره كمان
غايتو هناى داك مشكلته مشكله
وياريت ناس امريكا يتفقدوه لينا
لانو من امبارح ما منو اى اخبار
|
Post: #32
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 08:29 AM
Parent: #28
Quote: الغريبة يا بوحميد قبل فترة كان في زول ساكي عضوية لزميلة كم شهر كدا يرفع في بوست الطلب و(هناي داك) مجلي حنانو لمن حنني*
والأغرب (أكان ما أخاف الكضب) برضها اسمها نسرين |
غايتو لو الهكرز دا %C
|
Post: #33
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: soma
Date: 11-21-2007, 08:47 AM
Parent: #32
Quote: البوست دا بتاع عزاء لى سجيمان .. يعنى بيت بكاء وكدا
يبقى سجيمان هو ( سيد البكاء ) وهو البيتلقى العزاء والمعزيين
وفى حاله غيابه توجد الاخت سوما لانها قريبة الميت وياها العاصره
فراش البكاء |
على ياخوى كيف اصبحت
فكيت الزوغه وخليتنى براى للضيوف؟
وكمان برا خجلة تقول انا خلونى وسوما العاصرة الفراش؟
الفراش فى بيتك يا جنا اركز وقابل الناس
سوما تطير عيشتها تكابر الحريم تبكى معاهن
وتجرى تشيل الفاتحة مع الرجال؟
عيب الشوم عليك
والكلام ناس الضهارى جونا امس عصريه باللوارى
اصلو الخبر وداه ليهم اخوك المر كدارى
قالوا وجعتهم بالحيل مغيسة سجيمان ود عمهم
فى واحد فيهم قال ما بشيل الفاتحه تب
حرم الا ناخد بى تارنا
والتانى متجوعل بالحيل
قال الا يلموه فى سجيمان يجلدوا بى صوت العنج فى ضهرو
كيتا عليه فى دردقته المشاترة دى
الا بس قدرنا دسينا سجيمان فى طرف الحلة
وكان لى انا وجع راس لمن رابطه راسى زى( زير الشيربوت)
بتعرف الشيربوت؟
ده كلو من خج بكى امس اقصد قرقراب امس
دحن يا على آخوى تعال انفجخ فى الواطة
وكابر الضيوف
فتك بى عافيه
|
Post: #35
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 09:57 AM
Parent: #33
Quote: يا علي:
لكن ما لقيتك رحاااااب ..
ناسك وحبانك مش كدا..؟
والله فيك الخيــر .. طيب ما كان تجيب معاك تلج عديل كدا |
غايتو يا تامبا
قالوا شقى الحال يعتر ليهو بي...
انتا لو كنت اون لاين امبارح كان فضيحتك بى جلاجل
لانى عارف ومتاكد انك مكسر فى النيل الازرق ومن يظهرون
على شاشة النيل الارزق .. لكن نقول شنو .. الحكايه حظوظ بس
تخريمه : -
للماعارفين
كلمنى معتصم دفع الله قال لى تمبس لمن يجيبوا نسرين فى سهره
فى النيل الازرق بيعاين بالعين الشمال واليمين تزرف فى الدموع
ونحنا الحمد لله ما زرفنا الدموع
والمغالط يتصل على معتصم اسع دا عشان يديهو الشمار الحار
قال ترحيب قال
|
Post: #40
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: tmbis
Date: 11-21-2007, 10:24 AM
Parent: #35
Quote: انتا لو كنت اون لاين امبارح كان فضيحتك بى جلاجل
لانى عارف ومتاكد انك مكسر فى النيل الازرق ومن يظهرون
على شاشة النيل الارزق .. لكن نقول شنو .. الحكايه حظوظ بس |
والله يا علي سيك سيك معلق فيك .. اصلو ما تحاول تزوغ .. العملتوهو امس دا .. عايز ليهو تلاتة (اراشيف)  حتين يتنسي . بعدين انا امس قاعد والله .. من جهازي دا ما اتحركته .. شايف الحفلة دي .. وشايف الناس الجات جاريه العميان شايل المكسر .. إنت قايلني بقع بالساهل مش ..؟ والله يا علي قلت اديها صنة النشوف آخر الناس دي شنــو ..؟
تخيل اللحظة العايز اجي داخل عشان افك آخري .. علمت رد للبوست .. كان اشوف يك البوست مافيش
بعدين يا علي النيل الأزرق دا تخصصات .. إنت قايل المسالة ساكت كدا مفكوكــة .. | Quote: كلمنى معتصم دفع الله قال لى تمبس لمن يجيبوا نسرين فى سهره فى النيل الازرق بيعاين بالعين الشمال واليمين تزرف فى الدموع ونحنا الحمد لله ما زرفنا الدموع |
كضاب والله
بعدين كانت المسالة جابت ليها فت .. انا بوصل ليك الكمببوتر دا مع كمبيوتر البيت وافتح ليك بوست هنا مباشر .. من دقنو وافتلو
لكن شكلك كدا عايز تدرع تلجك الأمس دا في معتصم وفيني
لكن مافي طريقة ليك .. قلت ليك إلا بعد تلاتة أربعة اراشيف ..
أقول ليك حاجة.:
أنا ح اتابع قناة الشروق علشانك ..
|
Post: #46
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 03:47 PM
Parent: #40
| Quote: تخيل اللحظة العايز اجي داخل عشان افك آخري .. علمت رد للبوست .. كان اشوف يك البوست مافيش |
الله يجازيك يا بكرى
بالله لو صبرت لينا دقايق وبعدها حزفت البوست مالو
لانو مداخلة تمبس كانت ح تكون مداخله تاريخيه
لانو تامبا ما كان ح يرحب زيو وزى الناس العاديين
طبعا دا كان ح يكلمنا عن مسيرة نسرين الاعلاميه وتطورها المرحلى
وثنائيتها مع سعد الدين وح يدلف بينا لى الوان التياب اللى كانت
بتظهر بيهم فى السهرات وعيييييك وهو جارى وراهو كارو من التلج
دا لو ماشحن بكس الزنكلونى كله من مصنع التلج
غايتو الله يسامحك يا بكرى
عملتها ونجضتنا معاك
انتا اسع يا بكرى عشان تامبا دا ما جاب سيرتك قايلو بيخليك
دا راجل عكليته والله ح يسكك بيها خغلمية سنه وانتا الجانى على
روحك كان تصبر ليهو وتورطه وتسكته
احييييييييييييييييى انا عليك يابكرى
يا معتصم ود دفع الله
المسأله دى وصلت مصداقيتنا امام الامم المتحده
غايتو ما عافى ليك لو ما جيت شهدت لى
|
Post: #37
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 10:11 AM
Parent: #33
Quote: دحن يا على آخوى تعال انفجخ فى الواطة
وكابر الضيوف
|
والله يا سوما ما بقدر
موش فى مرات كدا الناس تجى فى بيت البكاء ويقولوا فلان وين نعزيهو
يقوموا يقولوا ليهم الزول دل راقد تعبان جوه والناس تقوم تفهم انو
الحزن مقطع قلبه ويعزروه
اها انا نفس الشعور
بس ما عارف هناى داك يكون عامل كيف اسع
|
Post: #38
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 10:12 AM
Parent: #33
انتوا يا اخوانا انا اتهكرت والا شنو ؟
المداخله بقت من اصل وكم صوره
ومرات ناقصه
بسم الله الرحمن الرحيم
انا حاسى انو الهكر حايم معانا فى البوست دا
يا اخوان اثبتوا لينا شخصياتكم
وكل واحد يطلع الباسوورد بتاعو
عشان نعرف الاصلى من المزور
|
Post: #34
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 09:39 AM
Parent: #28
Quote: الغريبة يا بوحميد قبل فترة كان في زول ساكي عضوية لزميلة كم شهر كدا يرفع في بوست الطلب و(هناي داك) مجلي حنانو لمن حنني*
والأغرب (أكان ما أخاف الكضب) برضها اسمها نسرين |
غايتو لو الهكرز دا دخل لينا ايميل هناى داك وورانا هناى داك هبب شنو
فى الخاص يكون ما قصر معانا الهكرز دا
لانو سرعة منح الباسوورد اكيد وراها مراسلات على ورق السلوفان ومعطره كمان
غايتو هناى داك مشكلته مشكله
وياريت ناس امريكا يتفقدوه لينا
لانو من امبارح ما منو اى اخبار
|
Post: #36
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: إدريس البدري
Date: 11-21-2007, 10:01 AM
Parent: #34
يعني يا علي القصــة دي كلها طلعت فشنك؟
ههههههههههههههههههههه
ياخ هو سجيمان براهو؟
العالم كلها رقدت واطة
تاني توووووووبة وبرررضو توبة
|
Post: #39
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 10:18 AM
Parent: #36
| Quote: تاني توووووووبة وبرررضو توبة |
بعد شنو يا ادريس
فضيحتكم اتنشرت فى الجرايد والماعارف الان عارف
قال توبه قال
اها شوف جنس دا
واشماتته ابله ظاظا فيك يا سجيمان
اها تودى وشك وين من الناس
|
Post: #41
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: ebrahim_ali
Date: 11-21-2007, 10:42 AM
Parent: #39
والله العظيم بوست ولا مسرحية لعادل إمام من النوع ابو كديس ضحك مبالغة والواحد لمن دموعوا جرن من الضحك مش من حاجة تانية
تعليقات كلها سخرية في سخرية وعفوية من رندا لسوما لسيجمان اللسجم والاتكتح وادردق بي الواطة ولا دكين الفكا اخروا وقال ليها عليك الله ناس اساسي وعمر الفاروق كان ما غلطانة ترد عليكم نسرين ولا ناس الاخت العزيزة ولا الوجه الصبوحة والطلعة البهية والمذيعة المقتدرة والكفوة (الكفوة) دي كتبتها أنا لكن في زول لفحها واقتبسها ونزلت في بوست خاص بيها وقال دي زااااااتها الكفوة بجيكم بعد دخول نساء المتزوجين بعد ما يشوفوا التعليقات
ويييييييييين صاحب البيت شايل وردتوا ولافي بيها من ترحيب لترحيب لمن نسرين جابت خبرو
الملاحظة المهمة والجديرة بالدراسة من بكري ومن معه انو في البوست المحذوف في بعض الاسماء كانت مختفية لفترة طوووووووووويلة جداً ولم تظهر الا في ذلك البوست ارجو معرفة كل من كتب حتى تصل يا بكري للهكرز وربما يكون مننا وفينا
|
Post: #42
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: محمد البشرى الخضر
Date: 11-21-2007, 11:04 AM
Parent: #41
إبراهيم علي ياعمك
حاجة زي كدةQuote: 20-11-2007, 04:51 ص
ebrahim_ali
.
تاريخ التسجيل: 05-02-2002
مجموع المشاركات: 2276
Re: الرائعة نسرين سوركتى تطلب عضوية المنبر (Re: تيسير عووضة)
هي رائعة روعة نصاح .. اثني طبعاً. كما قال ملاسي
ونثني أيضاً
الناس البهاجموا من طرف عليكم الله ركزوا شوية وابعدوا عن السياسة في الأمور الفنية
والثقافية والجمالية نحن الآن في حضرة الجمال ولابد أن نتحلي بروح الجمال فنسرين
مذيعة مؤهلة وكفوة وقديرة على إبراز ذلك هنا كما أبرزته على قناة النيل الأزرق
وأقول للتي ذكرت انها من التلفزيون القومي هي لم تكن هنالك بل كانت في البلو نايل |
الكوت هوادة و الأصل بجاملك فيه
|
Post: #43
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 02:37 PM
Parent: #42
Quote: هي رائعة روعة نصاح .. اثني طبعاً. كما قال ملاسي
ونثني أيضاً
الناس البهاجموا من طرف عليكم الله ركزوا شوية وابعدوا عن السياسة في الأمور الفنية
والثقافية والجمالية نحن الآن في حضرة الجمال ولابد أن نتحلي بروح الجمال فنسرين
مذيعة مؤهلة وكفوة وقديرة على إبراز ذلك هنا كما أبرزته على قناة النيل الأزرق
وأقول للتي ذكرت انها من التلفزيون القومي هي لم تكن هنالك بل كانت في البلو نايل |
قرقرقرقرقرقرقرقرقرقرقرقرقرقرقر
والله لكن يا ابراهيم على بشتنة السواد
والجميله انو ود البشرى قبضك بالثابته
يعنى جليى تشمت وداسى حقك
عفيت منك يا ود البشرى
|
Post: #44
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: nazar hussien
Date: 11-21-2007, 02:53 PM
Parent: #43
| Quote: تكون صلعتو "نديااانه" من الاستحراج |
ههههههههههههههههههههههههههههههههههههههههههههههههههه
بتكون نديانة وقررب يقطع فيها بصل وزيت...
|
Post: #58
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-22-2007, 08:01 AM
Parent: #44
| Quote: بتكون نديانة وقررب يقطع فيها بصل وزيت... |
يا نزار
الله يجازى محنك
|
Post: #45
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: Kamal Karrar
Date: 11-21-2007, 03:13 PM
Parent: #1
يا أخوانا...أنا إمكن ما أحضر معاكم رفع الفراش
لكن عليكم الله يوم "البرود" تكلموني!!!
|
Post: #57
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-22-2007, 07:57 AM
Parent: #45
Quote: يا أخوانا...أنا إمكن ما أحضر معاكم رفع الفراش
لكن عليكم الله يوم "البرود" تكلموني!!! |
اها الليله يوم البرود يا ود كرار
عشان ما تقول ما كلمناك
|
Post: #47
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: حسن الجيلى سعيد
Date: 11-21-2007, 04:10 PM
Parent: #1
على محمد على بشير
والله كلمناكم وقد أعذر من أنذر
رحبوا بتحفظ تانى وماتفكوا آخركم
من الأول قلنا ليهم ركزوا على بله صاحب أساسى طنشونا اها فى داعى للفضايح دى
|
Post: #48
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-21-2007, 04:15 PM
Parent: #47
| Quote: من الأول قلنا ليهم ركزوا على بله صاحب أساسى طنشونا اها فى داعى للفضايح دى |
ياحسن
نحنا هينين
صاحبك اساسى قال للهكر عليك الله كلم لى بكرى يدى صاحبى بله باسوورد
امانه فى زمتك يا حسن دى فى زول سبقه عليها
|
Post: #49
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: حسن الجيلى سعيد
Date: 11-21-2007, 04:21 PM
Parent: #1
Quote: صاحبك اساسى قال للهكر عليك الله كلم لى بكرى يدى صاحبى بله باسوورد
امانه فى زمتك يا حسن دى فى زول سبقه عليها |
على محمد على بشير
عاد الراجل مزنوق ومافى زول إشتغل بيه ما لقى إلا الهكر
إرفض النعمة قال ننتهز الفرصة
|
Post: #50
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: حسين يوسف احمد
Date: 11-21-2007, 04:28 PM
Parent: #49
Quote: شفتي البقت علي يا سوما؟
تبقى علي كلاب الحلة... |
عزيزي سجيمان :
قصـدك كـلاب الحلـة
ولا كـلاب أخـر لخبطـة ؟؟
شـوف آخر لخبطة كتبت شـنو :
|
Post: #51
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: حسين يوسف احمد
Date: 11-21-2007, 04:33 PM
Parent: #50
والهنـدي كتـب :
|
Post: #52
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: معاذ حسن
Date: 11-21-2007, 06:05 PM
Parent: #51
يا ابو علوه
انا غايتو كنت عاررررررف وخشيت عشان استدرج سجيمان.
يا اخونا بالجد الكلام دا مكتوب في صحيفة سودانية!!!
|
Post: #54
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-22-2007, 06:31 AM
Quote: ا ابو علوه
انا غايتو كنت عاررررررف وخشيت عشان استدرج سجيمان.
|
بالهى
دى مكنتك
|
Post: #53
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: سجيمان
Date: 11-21-2007, 07:42 PM
Parent: #1
معاذ ما تصدق النضم دا يا زول جرايد شنو التكتب كدي؟
انا زاتي ما ادردقتا لهان قدًر.....لمن تكتب الجرايد
|
Post: #55
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-22-2007, 06:34 AM
Parent: #53
Quote: انا زاتي ما ادردقتا لهان قدًر.....لمن تكتب الجرايد
|
والله يا سجيمان حننتنى لكن
|
Post: #56
Title: Re: واشماتة ابله ظاظا فيك يا سجيمان .. لا توجد صور للبشتنه !
Author: على محمد على بشير
Date: 11-22-2007, 07:31 AM
Parent: #55
لكن يا سجيمان انا وانتا هينين
شوف صاحبك اساسى دخل الهكر واسطه بينه وبين بكرى عشان يدوا صاحبه
بله باسوورد ودا بعد ما ادردق واتكسر وياريت على كدا وبس
دا ملح لى بكرى مع الكلاب
وقال ليهو لييه يا بكرى ناس تولعوا ليهم اللمبه وناس تحرشوا ليهم الكلبه
عليك الله يا سجيمان
حركة اساسى دى فى زول سبقه عليها
|
|