موسيقيي البورد تعالوا نرجع لنقاش قديم حول فصام الموسيقي السوداني

اعزائي اهل الموسيقي في هذا البورد
كنت قد كتبت سابقا في هذا البورد عن ذلك التناقض الذي يعيشه
اهل الموسيقى في بلادي وتحويلهم لفنهم الجميل لمهنه تحب من يدفع اكثر
هناك نفر استنكر علي ذلك وانا عندما اناقش هذا الامر ليس لاني اريد الانقاص
من قدر موسيقيي السودان ...
ولكن اوجعني اليوم
ما رايته في تلفزيون السودان
اوجعني عندما رايت سميه حسن تغني في احتفالات ( الدفاع الشعبي )
وكانت قد غنت اغاني اطفال من كلمات محجوب شريف تدعو للحب وللخير
والان تغني ذات السميه للحرب للميل اربعين ....
والوجع الاكبر ذاك المدعو سيف الجامعه المناضل سابقا بالقاهره
( ومريم محمود ومريم ومي بنايتي ) يا جماعه مافي احترام مافي مواقف
ياخي ما تحترمونا نحن المستمعين احترموا نفسكم ...
عماد احمد الطيب
هشام درماس
اللحو
صلاح كوستي
وعدد كبير جدا من خريجي الموسيقى يجلسون وقائدهم محمد عجاج ذلك العاطل
عن الموهبه ....
كلهم يقولوا ... وبغنوا ... حرب حرب حرب علينا جاي الحرب
والعساكر امثال عبد الرحيم محمد حسين يرقصون
والله ( هذا زمانك يا مهازل فمرحي واسرحي )

الاخ معتصم ود الجمام .. سلام
تجدني في غاية الحزن والاسف لما وصلة لة بعض من فناني بلادي
تجدني رافضاً لة غالبا ومضمونا....صديقي المواقف لاتتجزء وسف يكتب
التاريخ مواقفهم السالبة هذة لاجيال قد تري عدم مصداقييتهم مهما قدموة من فن



تامل

شكرا نادر
على المرور
مشكلتنا قاعدين نتخما
هسه سيف الجامعه نقول عليهو شنو برنويا عديل
وناس القاهره زمان يقولوا ليك سيف الجامعه مناضل
وانا اقول انه من دعاة الحرب

نحن نتفهم ان يشلرك الفنانون في مناسابات
حكومية كدعم التعليم اعياد الاستقلال
فكل الاحزاب السودانية انخرطت في النظام السياسي بعد نيفاشا
============
ولكن ان يساندوا دعوة للحرب ليموت فيها السودانيين
فهذا امر يدعو للعجب ويجب آن بدان تماما
وعليهم ان يتحملوا المسؤولية التاريخية عن ذلك
فالتاريخ لن يرحم

شكرا الحبيب معتصم..
تعرف ياصديقى اصلو ماتتعب روحك, لانو الحكاية واضحة
(الفن القضية) ودى بفهمها نوع واحد فقط من الفنانين
والنوع دا يعنى مش معنى بالموسيقيين والمطربين وبس
لا , لكن كل قبيلة الارتيستز بمختلف مجالاتهم معنيون
بها وهناك نقطة احساس معينة نلتقى فيها كلنا وهى
الانحياز الفطرى للعامة فى مسائل مختلفة كثيرة وهى
مسالة (الفن القضية) انا بشوفها عيب كبير جدا كونو
الفنان ينحاز للخراب وااتدمير, للحرب والقتل والتشريد
ماسحا كل صفات الفنان الرقيق المهذب الشفيف وراسما لوحة
غير متناسقة الالوان والابعاد.. الجرى وراء لقمة العيش
لايبرر وسيلة الغش والخداع باسم الفن , فكلنا عانى وتعب
وشقى من اجل فن راق منحاز للعامة ولكن لم يخطر ببالى ولو
لمدة كسر من الثانية ان ابيع فنى بثمن بخس كما يحدث الان
للاسف الشديد فهى وصمة عار تتقلدنا جميعا بفعل اقلية لاتدر
ولاتع ماتفعل بنفسها وفنها00 دعك من الشباب ولكن هنالك قمم
كنا نتخذها مرشدة لنا فى طريقنا العسير وتنورنا متمنين ان
نحذو حذوها للوصول لما يسمى بالنجومية, ولكن للاسف الشديد
اكشفت على حقيقتها وتبين لنا انها كانت مجرد صور مغشوشة
برغم انتشار فنها ورسوخه فى احاسيس الناس .. ياصديقى
الفنان الذى لايخلص لفنه, اعتبره ليس بفنان بل انسان
غير واعى حتى فى مجريات حياته اليومية.
فى المقابل هناك فنانين نعتز بصمودهم ومواصلتهم فى
مشاويرهم مهمومون بقضايا الوطن ولايسالون الناس الحافا
من تعففهم ولو كانو لايجدون مايسدون به رمق معيشتهم الضنك
نحييهم من على البعد ونقول لهم انتم الذهب الذى لايصدا, وحتما
البقاء للمعدن الاصل وماتلف منه يذهب جفاء00
شكرا عزيزى معتم
تحياتى

الاستاذ الموصلي
والاستاذ سمندلاوي
لكــم الود
فقط ما يوجعني ويدهشني قدرتهم علي ان
يكونوا هنا وهناك ...
زمان كنا في المعهد بنقول في منهج الموسيقى
ماقاعدين يهتموا بالجانب الفلسفي والفكري قدر اهتمامهم
بالتكنيك والتجويد على مستوى الاله ...
لكن فعلا هناك القابضون على الجمر ...
الاخ ياسر
ايضا نحن متعجبون
معتصم

شكرا معتصم..
يبدو إنو الأخ عاطف خيري.. زمان..
لما قال لسيف (تاني ما تلحن لي أي أغنية)..
كان يرى ما لا نراه..

شكرا صابر
ويا ريت كل الشعراء يقولوا ليهو ذي عاطف


ملحوظه تحت تحت يا سيدي انا ذي البعرفك
انتا من جبره وصاحب عماد ببو ولا انا غلطان
لك الود معتصم سيد احمد

لا حولا يا معتصم

سيف الجامعة؟؟؟؟؟

Quote: ملحوظه تحت تحت يا سيدي انا ذي البعرفك انتا من جبره وصاحب عماد ببو ولا انا غلطان

ذاكرتك حديد.. ياصاحبي..
بالمناسبة ..
وين بقية الشباب ..
لسه مواصلين..
ولا جارت عليهم الأيام..??

Quote: لا حولا يا معتصم سيف الجامعة؟؟؟؟

أيوة يا نهال ... ده بالذات النضال كان بالنسبة ليهو (قشرة)

أييييييييه .... ولسة

سلامات يا معتصم :

مجنون جن يا سيف الجامعة !!

نهال
ابو العزائم
ناذر
لكم الود
سيف الجامعه ده بقع عليهو الكلام بتاع الزول
كان بعيد عن الانقاذ وقاموا قال ليهو تعال نديك وزاره
رده قال ليهم ( ده دافوري كورة شراب وخلاص الشمس قربت تغيب عاوزني العب معاكم عشان اتوسخ )
اها سيف الجامعه خشه في اخر تلاته دقائق من الدافوري لا جاب قون واتوسخ ساكت

عماد احمد الطيب
هشام درماس
اللحو
صلاح كوستي
محمد عجاج

العزيز معتصم

المذكورين أعلاه لا يشكلون اى وزن فى الاغنية السودانية فدخولهم من هذا الباب كخروجهم
من الباب الاخر

فلا تيأس يا اخى فهنالك عركى مازال يغنى لصوص العصر فى عقر دارهم

شكرا ترهاقا
لك الود
يبدوا ان عركي هو من تبقى لنا

كتير جدا نبهت الاعضاء الى عدم التسرع فى اطلاق الاحكام
عليكم الله اسمعو مريم ومى
وشوفو احساس سيف الصادق وبعد داك احكمو
ولو واحد عندو الاغنيه ينزلها
ووردى قامه فنيه
وفنااان

[object width="425" height="355">



انا بهديكم الموسيقي دي
عليش