Post: #1
Title: ثلاث قصائد غنائية
Author: zumrawi
Date: 11-18-2007, 09:09 AM
حلمى من البداية اتفقد عيونك اطمن عليهن بعديها ابتسم ليك اسالك السماح
اجلس يى قصادك اتامل ملامحك بالليل والصباح
اهديكى الاغانى واجمل ماكتبت فى دنيا الفصاح
اديكى المعانى باقات الامانى تحتل بى حداك وتطيب جراح
يافن ياسلامة ياالفة وعلامة للشجن المصاحب والدنيا البراح
...................................................................................
فيك سيرة المودة واشواق مستمدة من شوقى المطالع لى كل الفصائد
وابقالك ملازم فى دربك مقاوم اتهجى المراجع للحب اللى عائد
ياصوت المحبة فى دنيانا شب كفكف للمدامع واتسطر مواجد
......................................................................
يوم شبت فى روحى الامى وجروحى سالمت المؤانى ختيت التهانى للعيد السعيد
واجمل مارسمت فى دربك بسمت سويت المعانى بتمر الثوانى فى الزمن العنيد
|
Post: #2
Title: Re: ثلاث قصائد غنائية
Author: zumrawi
Date: 11-18-2007, 09:11 AM
Parent: #1
دندنة
تسحر البال كل وكتو
تشغل القلب البهاتى
ترسم اماكن وازمنة
دندنة
شوق خرافةالى حضورا
حس حبيب مسجون عتابو
فرحة تملا ملحنة
دندنة
نجم حاضر فى اوانو
عين تعاين فى الخرائط
قلب مليان سنسنة
دندنة
صوت عصافير فى المغارب
رتقة الجرح البغالط
سـكة بتجيب الهنا
دندنة
من شفاهك مفرحة
جوة قلبى اتوهطت
زادت الشوق للغنا
2005
|
Post: #3
Title: Re: ثلاث قصائد غنائية
Author: zumrawi
Date: 11-19-2007, 09:28 AM
Parent: #1
--------------------------------------------------------------------------------
ياعيون راحلة منى وين تمشى
انا قلبى حزين وليك متوسد
لويصح القول منى كيف ترحل
ده الغرام كتال ولى بسهد
مزة شفت حبيب قلبو من صخرة
لابحس لابهم للحبيب يوعد
شفت فى الايام الف زول موجوع
الا وجعى صعيب للقلب يجهد
........................
ياحبيب العين فينى طال الشوق
وخايف الايام ليك تنسيكا
انو زول مجروح حب فيك خصال
وشايف الافراح كل مافيكا
واضحى من شوقو شايل الاحزان
كاتب الاحلام شان يلاقيكا
قول لى بس كيف القى افراحى
وانت زول مبعد وقلبى راجيكا
....................................
مرة فى الايام قلت ابقى عزيز
ضاع بعيد الشوق واضحى متباعد
الا قلبى الكان ليكا متناسي
عاد يغنيكا وليك بيواعد
لويصح الشوق كنت القاكا
واروى ظمأ الروح وقلبى مافاقد
الا شعرى بقول الكلام الراح
فى الغرام مابين قلبك الجاحد
الفتيحاب
9\2005
|
Post: #4
Title: Re: ثلاث قصائد غنائية
Author: zumrawi
Date: 11-20-2007, 07:24 AM
Parent: #1
انا والنجوم اصحاب
نتناجى طول الليل
نحكى الكلام الغاب
والهم طمح زى سيل
عن سيرة الاحباب
تتدس جوة النيل
وانا فى هواك ياحبيب
والعشق ليك نبيل
....................................
اصلو الفراق بيصعب
على ناس قلوبا رهاف
وكل الغرام اتعب
فلبى العليكا ضفاف
سكن الحقيقة صعب
على بالى ديما اوصاف
لى سكة مابتكمل
والقلب صار نزاف
.............................
فاكر حنانك كيف
يفتح طرق للشوق
وانت اللى صرت بعيد
زى سكة مابتروق
ارحم عليك الله
خليك سمح الذوق
لو شلت همى على
يكفيك يامعشوق
........................................ز
راجيكا تتكلم
وتحكى الفراق الطال
ده الهم كبر ماتم
والشوق صبح بطال
سالمنى شان اسلم
لايبقى حبى محال
انا صح حلفت قسم
بس الغرام كتال
2007
|
Post: #5
Title: Re: ثلاث قصائد غنائية
Author: zumrawi
Date: 11-27-2007, 07:52 AM
Parent: #1
فووووق
|
Post: #6
Title: Re: ثلاث قصائد غنائية
Author: zumrawi
Date: 12-03-2007, 08:08 AM
Parent: #1
القصيدة الاولى
الجرح
خلى الجرح يحكى عن شوقو يوم لقياك
يشهد على الليل والنجم والافلاك
معناك سرو بعيد كلمنى عن معناك
كم من طريق مبعد خاويتو ليك يوم داك
....................
ده الجرح فى اصلو زاد فى اذاهو البى
والكلمة من خوفا تحجب ضياها على
الشوق صبح اكوان مدسوسة من عينى
والحب جحيم راتع فى بالى بس قول لى
.....................
آه الولف كتال ياريتو كان ما جا
كنت ابتعدت بعيد خليت مكانى رجا
انك تزح تبعد من قلبى شان انجى
كان القرب يرتاح فى صبح او فى دجى
..........................
زيد من ضياكا الفيك خلى الجرح يزداد
وانا راجى ميعادك ماتخلف الميعاد
طفت المدن كلها وما سبت اى بلاد
زاجع اقول ليكا خليك على معتاد
ياسر زمراوى محمد عثمان 16\01\2006
|
Post: #7
Title: Re: ثلاث قصائد غنائية
Author: zumrawi
Date: 12-05-2007, 02:12 PM
Parent: #1
ياعيون راحلة منى وين تمشى
انا قلبى حزين وليك متوسد
لويصح القول منى كيف ترحل
ده الغرام كتال ولى بسهد
مزة شفت حبيب قلبو من صخرة
لابحس لابهم للحبيب يوعد
شفت فى الايام الف زول موجوع
الا وجعى صعيب للقلب يجهد
........................
ياحبيب العين فينى طال الشوق
وخايف الايام ليك تنسيكا
انو زول مجروح حب فيك خصال
وشايف الافراح كل مافيكا
واضحى من شوقو شايل الاحزان
كاتب الاحلام شان يلاقيكا
قول لى بس كيف القى افراحى
وانت زول مبعد وقلبى راجيكا
....................................
مرة فى الايام قلت ابقى عزيز
ضاع بعيد الشوق واضحى متباعد
الا قلبى الكان ليكا متناسي
عاد يغنيكا وليك بيواعد
لويصح الشوق كنت القاكا
واروى ظمأ الروح وقلبى مافاقد
الا شعرى بقول الكلام الراح
فى الغرام مابين قلبك الجاحد
الفتيحاب
9\2005
|
Post: #8
Title: Re: ثلاث قصائد غنائية
Author: عبدالأله زمراوي
Date: 12-05-2007, 02:24 PM
Parent: #7
Quote: حلمى من البداية اتفقد عيونك اطمن عليهن بعديها ابتسم ليك اسالك السماح
اجلس يى قصادك اتامل ملامحك بالليل والصباح
اهديكى الاغانى واجمل ماكتبت فى دنيا الفصاح
اديكى المعانى باقات الامانى تحتل بى حداك وتطيب جراح
يافن ياسلامة ياالفة وعلامة للشجن المصاحب والدنيا البراح
...................................................................................
فيك سيرة المودة واشواق مستمدة من شوقى المطالع لى كل الفصائد
وابقالك ملازم فى دربك مقاوم اتهجى المراجع للحب اللى عائد
ياصوت المحبة فى دنيانا شب كفكف للمدامع واتسطر مواجد
......................................................................
يوم شبت فى روحى الامى وجروحى سالمت المؤانى ختيت التهانى للعيد السعيد
واجمل مارسمت فى دربك بسمت سويت المعانى بتمر الثوانى فى الزمن العنيد |
أبن العمة ياسر..
ما شاء الله على الملكة الشعرية الجميلة. أنا أعرف أنك كتبت شعرا كثيرا لذلك فليكن هذا البوست محفلا لأشعارك الجميلة. نريد الغنائية ونريد الوطنية ونريد الثورية.
فهلموا للقصيد النضير للشاعر ياسر زمراوي..
|
Post: #9
Title: Re: ثلاث قصائد غنائية
Author: zumrawi
Date: 12-08-2007, 12:02 PM
Parent: #1
عزيزى وابن خالى عبدالاله زمراوى
مسكاقمى.
جميلة هى كلماتك فى حقى اسعدتنة وشجعتنى على الكتابة
اكثر فاكثر
شكرا لكلماتك النضرات وتسلم ياامير
ولنواصل الكتابة الثورى والوطنى والعاطقى منها
|
|