Post: #1
Title: ( زوزي .. بــلاش)...
Author: tmbis
Date: 11-17-2007, 02:35 PM
(مـابال) شعب دول المغرب العربي ..؟
لو اردتها اكثر دقة .. عشاق كرة القدم فيهم..
اعني
مشجعي المنتخبات التي لا ترحم الخصم في أراضيها .. خاصة الخصم الضعيف والحمام الميت على وجه التحديد..
عندما ذكرت عشاق كرة القدم فيهم .. كنت أعني الذين يعشقون اللعبة الحلوة ويقفون من خلف منتخباتهم المحلية .. التي تغذي بدورها المنتخبات القومية .. المنتخبات التي ابهرت الجميع في مباريات كأس العالم ووقفت ندا للكثير من الأندية العالمية .. الكثير من هؤلاء اللعيبة مازالوا في الذاكرة ..
رباح مادجر ..
الأخضــر بلومي
حجي ..
إلخ .. من اللعيبة المميزين في عالم كرة القدم الذين كانت لهم صولاتهم وجولاتهم في المستطيل الأخضــر ..
أقول..
ذهب هؤلاء اللعيبة وتركوا من خلفهم سيرة وخلدتهم بلدانهم .. بأن ردت لهم الجميل وفي الذاكرة العداءة نوال المتوكل وقد تبؤات مكانا مرموقا في المجال الرياضي ببلادهــا.. بينما لا نعرف حتى الآن اي اقدار عصفت بالكشيف حسن وموسى أحمد جودة .. والعداء خليفة عمر ..
كان يطربني لحد بعيد صوت المعلق الرياضي الرشيد بدوي عبيد عندما كان يحرز الهداف الخطير وليد طاشين هدف خطير برأسه الذهبية .. فيصيح من العمق .. قووووووونننن .. وعندما يفعلها الراحل والي الدين بأي لعبة بهلوانية أو يتراقص بدفاع الخصم .. قوووووونن.
زعلت من الرشيد مرة واحده في حياتي .. لما بريش انفرد بحارس الهلال العملاق .. يور فلم يستطيع أن يداري خوفه ورجفته .. فتجرد من حياديته وأخذ يصيح .. اطلع يا يور .. اطلع يايور .. زعلت منه لا لتنبيهه لحارس الهلال العملاق والذي عبر بنا إلى نهائي الأبطال في نسخته المعروفة وقتها .. ما اغضبني أنه اظهر خوفه الواضح من المهاجم الخطير بريش .. ووقتها لو كان هناك ما يعاني من أي مبادي للازمة أو الأمراض الأخرى المعروفة بسرعة مخاطبتها للدم أمثال الضغط والسكر .. لكن راح فيها خاصة وأن الفترة المذكورة كانت فيها القنوات الفضائية قليلة الانتشار والراديو هو سيد الساحة اعلاميا .. لكن نحمد الله الواهب العطاي أن منحنا قلباً من حديد  نتحزم كان اتغلبنا وناكله في حنانا .. عكس أخوة لنا لم يترشو الواحد يومين ما تشوفو في البورد.. اليوم التالت يجي يسمعك فارغه شديدة ..
كنت معجب لحد بعيد بمعلقي المباريات التوانسة أو المغاربة .. بالرغم من عدم معرفتي او تمييز ما يتحدثونه احيانا .. فلهم طريقة نطق خاصة للعربية استمدوها من لهجاتهم المحلية لغة البربر الامازيقية ..
كنت دائما اعقد مقارنة بينهم وبين معلقنا الرشيد بدوي وكيفية المتعة عندما يقدمها لنا خاصة لما الهلال يكون ضارب اللون.
وأنا اتابع انحسار المد المريخي في البورد اليوم .. قفذ إلى ذهني صوت المعلق التونسي وهو يصف حال مباراة لمنتخبه .. تذكرت كيف وصف نتيجة المباراة (2/صفر) .. قائلا بلكنته التي يعرفها:
( زوزي .. بـــلاش )
بعد الترجمة من متخصص يحمل الجنسية المغربية .. اتضح انها:
(زوزي) يعني بها .. جوزي .. من جــوز
(بلاش) يعني بها .. ميطي ..
وبلاي يا جماعة ركزوا لينا علي ميطي دي .. وزوزي
مبدئيا أن بتوقع تكون .. كم زوزي .. يعني زوزيهات كتار ..
زوزي الزول دا × زوزي تاني = تمنية
أما بالنسبة لي اساسي .. فمن حسع دي (ظوطاتي) جاهزة بس ما يقفل لينا التلفون ..
|
Post: #2
Title: Re: ( زوزي .. بــلاش)...
Author: عبد الله عقيد
Date: 11-17-2007, 02:51 PM
Parent: #1
الأخ دينقـ(س)
أقصد الأخ تمبس
انت بتكتب بالأزرق ليه؟
.. هسي عليك الله في داعي تكتب بالأزق! مالو الأسود.. ما محايد
انتو لمن تكتبوا بالأزرق بتتكلموا في الحاجات الما قدركم ليه؟
.. هسي عليك الله المباراة دي.. مش في الدور (الزوز) يعني التاني؟
انتو طلعتو من الدور الكم؟ (الأول) مش؟
انتو ما بتخجلو ليه؟
ناس أكبر منكم مشوا في السكة مشوار أطول منكم، وصلو الدور التاني في
بطولة إنتو طلعتو منها في الدور الأول..!! مش عجايب يا ناس!!
أقول ليك حاجة..
بعدين بالليل ما تجي حايم بي هنا
الله يستر
|
Post: #3
Title: Re: ( زوزي .. بــلاش)...
Author: tmbis
Date: 11-17-2007, 04:31 PM
Parent: #2
يا كمندان كيفك؟
اعصابك كيف؟؟
أول حاجة احي فيك قوة قلبك .. بقيت زينا واحد بتجي خاشي ومتحزم ومتلزم واللا دي رجفة ما قبل المباراة ..؟
على العموم يا عقيد الطريفي زول نصيحة .. وأنا بمرق ليكم النصيحة من حسع دي ..
( زوزي ) محمداكم مع الرأفة طبعا لو اخدنا في الاعتبار عامل الأرض والجمهور يعني بي افتراض أنكم لاعبين في الريد ( كاسيل معكوسة)..
تعرف المحيرني شنـو ياعقيد ..؟:
تلقو ليكم ( جداعين ) وين.؟
( الجداعين ) دي من الناس ( الجدعان ).. ( البجدعو ) بي قصب السكر وقزاز الموية وهلمجرا..
المهم يا عقيد الله يستر
وليك علي:
كان عملتوها بنزل ليك يوسف البنا بي ( بطانو ) ( واسبوع تمام ) ح اكون متضامن معاكم مبسووووط ( زوزي ) وعشرين قيراط ..
لكن
كان رشوكم ..
العشا علي في ( الفيصلية ) كمان في المطعم البطل علي مكتبك مباشرة..
اها قصرت معاك ..؟
قول يا مسهل
|
Post: #4
Title: Re: ( زوزي .. بــلاش)...
Author: jini
Date: 11-17-2007, 05:21 PM
Parent: #3
العرس ما لو برضو فيهو اقوان!
بنات الزمن دا شواتات جنس شوت!
زمان العروس طوالى مغلوبة هسة بتدرن وبتغلب كمان!
جنى
|
Post: #6
Title: Re: ( زوزي .. بــلاش)...
Author: ابوعسل السيد احمد
Date: 11-17-2007, 08:54 PM
Parent: #4
يا جني
زمان برضو كان عندهن فلتات
عشان كدا ابن البادية قال:
جابت قونين ببساطة
يا عديلة اللي
_________________
سلام يا علاء
أنا خارجيا مع بني الأحمر
حتى النصر و إن صار عزيزا
بس داخليا بشمت و راجي
هزائمهم..
|
Post: #9
Title: Re: ( زوزي .. بــلاش)...
Author: tmbis
Date: 11-17-2007, 11:15 PM
Parent: #6
Quote: سلام يا علاء
أنا خارجيا مع بني الأحمر
حتى النصر و إن صار عزيزا
بس داخليا بشمت و راجي
هزائمهم.. |
يا عســـل
ياخي إنت كنت مافيش .. الناس ديل عملو لينا سيره عديل كدا
حسع ( نكربنك ) معاهم واللا كيف يعني ..؟
|
Post: #8
Title: Re: ( زوزي .. بــلاش)...
Author: tmbis
Date: 11-17-2007, 11:09 PM
Parent: #4
Quote: العرس ما لو برضو فيهو اقوان!
بنات الزمن دا شواتات جنس شوت!
زمان العروس طوالى مغلوبة هسة بتدرن وبتغلب كمان!
جنى |
.. ياجـــن إنت العروس دي اسمها رجــاء .. واللا شنــو ..؟
|
Post: #5
Title: Re: ( زوزي .. بــلاش)...
Author: أبوالزفت
Date: 11-17-2007, 05:27 PM
Parent: #1
نتجة مباراة الرجاء x المريخ
يا تمبس دي بالغت فيها عديل
ضيعوك .. ودروك
تترمم تااارم ..
واللهي ضحطكت لمن دموعي جرت
|
Post: #7
Title: Re: ( زوزي .. بــلاش)...
Author: فيصل نوبي
Date: 11-17-2007, 11:02 PM
Parent: #5
زوزي .. و نص
|
Post: #10
Title: Re: ( زوزي .. بــلاش)...
Author: عبد الله عقيد
Date: 11-18-2007, 09:26 AM
Parent: #7
بس ما (زوزي .. بلاش) يا نوبي
هي الحداية بترمي كتاكيت؟!
|
Post: #13
Title: Re: ( زوزي .. بــلاش)...
Author: tmbis
Date: 11-18-2007, 10:26 AM
Parent: #7
وتعالى بص
|
Post: #11
Title: Re: ( زوزي .. بــلاش)...
Author: tmbis
Date: 11-18-2007, 09:40 AM
Parent: #5
Quote: ضيعوك .. ودروك
تترمم تااارم .. |
. أبو الزفــت
إنت وين امس بالليل ..؟
طبعا رقصنا ليك اساسي ها لحدي الصباح ..
|
Post: #12
Title: Re: ( زوزي .. بــلاش)...
Author: abuguta
Date: 11-18-2007, 09:53 AM
Parent: #11
| Quote: طبعا رقصنا ليك اساسي ها لحدي الصباح |
الليل امسى ,رشاشات راجين دخول القون
همى على الاشباح...سمرة و حمرة لـــون
دا السبب الخلانى اساهر واغمض العيون
رقصة ناس تمبس لاساسى فى...التلفون
|
|