Post: #1
Title: الكوز والمنافى.....أحمد إبنعوف
Author: Kostawi
Date: 11-14-2007, 08:38 AM
الكوز والمنافى
بلدك تبنيها
ومنها تمرق مطرود
تنساها تفتش لى منفى
المنفى يضيق
بى نفس الناس الطردوك
وأشباه الناس المدت إيد
وختت إيد
فى ايدين السفاحين
لى وين حتسيبا بلادك
ووين تلقاه المنفى
مع إصرار القتله
الجنبك سكنو
وقعدو ينافقو السيستم
يلهطو فى خيرات الفوود ستامب
المديكيت
السكن المدعوم
وسكشن أيت
وفى نفس الوقت
يلعنو فى حظ اليوم الجابم
لى أرض الكفار
لى وين حتسيبا بلادك
لما حثالة البلد إتلمت
وختت عينا عليك
على كيفم هم
دايرنك تحيا
على كيفم هم
دايرنك تبقى وسيله وحيله
وحيطه قصيره
وكتف يشبو عليه
لما البلد الواسعه أمريكا
تضيق بى وجودم
شله منافقه
فيهم من جاهو اللوترى
وفيهم من ألف كيسو
وفيهم من كذّب دغرى
على الهجره
نكرو الكيزان يوم جو
نكروا عمايل الأمن
وسجن الناس من دون تهمه
نكروا صلاتهم بالحاصل
فى دارفور
تقتيل
تشريد الناس من غير سبه
كلو نسوه عشان أمريكا
وعيشة أمريكا
كلو نسوه
عشان يبقولنا (بروكسى)
خلية كوزنه جوه أمريكا
يمارسو حقوقم
زى وزيك
أكتر منى وأكتر منك
زى منشار
يطلع ياكل ينزل ياكل
حال الكوز فى دول المنفى
فتح عينك زى ماقال الشاعر
وفكر
إنك كيف بتخلى بلادك
وتمشى المنفى
يجيك الزول الطردك منها
يسكن جنبك
ياكل يشرب من أموالك
يعيش جربندى
وفى السودان عامل البيزنس
برضو أموالك
فتح عينك وفكر أكتر
كيف نتلمّ نحارب فكرة
إنو الكوز لابد من يمرق
يسيب المنفى ويرجع
يمشى محل
جهجهنا وغرّب بينا
وعربد
لازم نعمل إيد فى إيد
ونفكر
أبدا مانلوم أنفسنا
نقول
ماأحسن نحن نكون الأحسن
ديل عالم دمها بارد
يحبو السلطه
ولم المال
ديل عالم بس يفهموا
لغة التحيل
ونظافة المنفى
تعالوا نفكر كيف نتعاون
ونرسم لى أولادنا
بلاد من دون كيزان
أو منتفعين
أو جلادين
أو أفاكين بى إسم الدين
نرسم لى أولادنا
ملامح بكره
بدون إزعاج من وهم الجبهة
تعالو نمازج بين تاريخنا الكان
وبين الحاضر والمستقبل
نأسس جاليه
نضيفه وخاليه
نرحّل من أمريكا كلاب الجبهة
أو كل من يعمل لى إنقاذم
تعالوا نجدد قسم أكتوبر
نمد إيدينا تلاقى
ونصنع وحده
تلم الوطن الباقى
نعمل أكتر رغم ظروفنا
نسيبو خلافنا
وكلنا إيد فى إيد نتحدى
نظام الجبهه
تعالوا نجدد قسم اكتوبر
من الأول
نرصد كل من خانا بلادنا
وجاى يعيشا معانا
أيام المنفى
يبلغ
يكتب
يرصد فينا
وفى أخبارنا
وكيف بنموت فى بلاد الغربه
بعيد عن الق أوطانا
وكيف بنموت فى بلاد الغربه
بعيد عن الق أوطانا
أحمد إبنعوف
فرجينيا 2007
|
Post: #2
Title: Re: الكوز والمنافى.....أحمد إبنعوف
Author: Kostawi
Date: 11-14-2007, 10:04 AM
Parent: #1
|
Post: #3
Title: Re: الكوز والمنافى.....أحمد إبنعوف
Author: Kostawi
Date: 11-14-2007, 11:10 AM
Parent: #2
تعالوا نجدد قسم اكتوبر
من الأول
نرصد كل من خانا بلادنا
وجاى يعيشا معانا
أيام المنفى
يبلغ
يكتب
يرصد فينا
وفى أخبارنا
وكيف بنموت فى بلاد الغربه
بعيد عن الق أوطانا
|
Post: #4
Title: Re: الكوز والمنافى.....أحمد إبنعوف
Author: عبد المنعم سليمان
Date: 11-14-2007, 11:14 AM
Parent: #1
تحياتي وعبرك للصادق احمد ابعوف
|
Post: #5
Title: Re: الكوز والمنافى.....أحمد إبنعوف
Author: Kostawi
Date: 11-14-2007, 05:01 PM
Parent: #4
Thanx Moniem
|
Post: #6
Title: Re: الكوز والمنافى.....أحمد إبنعوف
Author: Kostawi
Date: 11-14-2007, 08:41 PM
Parent: #5
ونرسم لى أولادنا
بلاد من دون كيزان
أو منتفعين
أو جلادين
أو أفاكين بى إسم الدين
|
|