Post: #1
Title: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-12-2007, 12:01 PM
بعد تمكن الـ Hacker من إختراق
الموقع ، أقترح على بكرى عمل
كلمة مرور لكل عضو بجانب (كلمةالدخول)
تكون بمثابة سرّّ الليل ، وعلى الأخوة
الأعضاء توخى الحرص واليقظة فى التداخل
مع بعضهم البعض ، يعنى ما يخمك ويقول ليك
يا تمبا ، ولآ طق خااااص ، ولآ إنت راجل عجيب ،
يعنى لازم يديك " أمارة " ، ما يقول ليك أنا
دكين ولآ سودانية ولأ من ناس حيمورة ، لازم تتأكد
كويس وتسأله دكين ود منو ، منو فى ناس حيمورة
وأها سوباجو بحب يأكل شنو؟؟؟ حتى بعد داك تتداخل معاه .
المسألة ما ساكت ، ولا شنو يا سجيمان ؟؟ سجيمان منو ؟؟؟!!!
وأفلا نامت أعين الجبناء ، والله أكبر .  .
|
Post: #2
Title: Re: ثابِــت عِندااااااااك ، سِـرَّ الليــــــــــــل ........
Author: tmbis
Date: 11-12-2007, 01:24 PM
Parent: #1
طيب يا عبد الله في واحدين (مظليين) وبتاعين (قوات خاصة) بيجوك ناطين من فــوووق ..
زي ديل ترد ليهم كيف ..؟
يعني تكون شغال كويس في البوست، يجي مظلي يقول ليك يا جلابي .. يا مستلب 
اها زي دا ترد عليهو واللا تدخل ليهو (الخندق) .. وتجيب (بندقيتك وتملاهو نار)؟؟
|
Post: #3
Title: Re: ثابِــت عِندااااااااك ، سِـرَّ الليــــــــــــل ........
Author: tmbis
Date: 11-12-2007, 01:52 PM
Parent: #2
بعدين في (الغــام بشرية) تكتب ليها بالنهـار .. يجيك يرد ليك بالليل وشايل معاهو (زمزميتو) وكيس جبنة مضفرة وكيس زيتون
انا بقترح اول حاجة نعمل نقطة تفتيش ..
البورد دا بقى ما (مــأمن)
اقترح المعروضات تعملو ليها مخزن .. المفتاح نديهو لي زول أمين جدا
- ناس الخليج والشرق الأوسط ما في مشكلة بمسك المفتاح انا القدامك دا
- ناس الامريكتين ودول الكاريبي يمسكهم المستلب دينق .. لكن (يدقوهو فتاشة) راس كل نص ساعة.
- ناس السودان .. ديل مشكلتهم مشكلة .. غايتو يسلمو المفتاح لي اي واحد لكن اوصي بالنقد الذاتي .. خاصة للناس المتعودين يمشو (قندهار)
|
Post: #4
Title: Re: ثابِــت عِندااااااااك ، سِـرَّ الليــــــــــــل ........
Author: Muna Khugali
Date: 11-12-2007, 04:38 PM
Parent: #3
وبما انه ناس قندهار ناس كريمين وحلوين.. فأقترح ندي المفتاح لأي واحد فيهم فجميعهم أهل للثقه مشهورين بالكرم والوعي مع الطيبه..
ولما أمشس انا السودان ابقوا ادوني المفتاح يا حلوين
|
Post: #5
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-12-2007, 11:50 PM
Parent: #2
| Quote: في واحدين (مظليين) وبتاعين (قوات خاصة |
أها شفت الخوف بس من جِنس ديل ،
أنا بعرف واحدين منهم تلّبوا فى
(بيت) كده من تسعتاشر سنة ، ولى
أسى ما مرقوا والله ، رغم إن (البقجة)
بقت لا بتطلع بى حيطة ولا الله قال .
لكن بالشايفو ده ، ديل حيطلعوا بالباب
عدييييل كده ، ومن بعد ما يدونا كم بسطونة
فى (جـ...اتنا) ويقولوا لينا"عشان بعدين
ما نقولوا لقونا نايمين" ، لكن يا تمبس ،
والله كنا نايمين ، صدقنى .... ولى أسى نايمين ،
نوم الغوافل ، أقصد العوافى .
|
Post: #6
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-12-2007, 11:54 PM
Parent: #5
Quote:
يا جلابي .. يا مستلب |
.
ده تخليك معاه هاش وبشاش ، أقصد بشوش .
|
Post: #7
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-13-2007, 00:10 AM
Parent: #6
Quote:
يجيك يرد ليك بالليل وشايل معاهو (زمزميتو) وكيس جبنة مضفرة وكيس زيتون
|
.
زى ده بس تحرّش ليه العساكر البقبضوا الناس
بتاعين (الزيادة) ، خليهم يختوا ليه الكاب فى
وشه ويقولوا ليه قول أه .
وجبنة مضفرة وزيتون كمان ، ده أصلوا حيرد ليك من
سان جيمس ولا الGMH ولا ال JB أصلوا؟؟؟.
وين ناس (المديرية) ؟؟؟؟.
Quote:
المفتاح نديهو لي زول أمين جدا |
عين العقل ، وإلآ المعروضات تروح " ضواقة" ساكت .
Quote:
خاصة للناس المتعودين يمشو (قندهار |
.
مش كده بالله ، أقلآها ديل ناس عينهم ومعدتهم ملالالانة .
يا زول إتفقنا تب .
|
Post: #9
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-13-2007, 00:22 AM
Parent: #7
Quote:
ناس قندهار ناس كريمين وحلوين |
وشبعانين ، ورويانين .
Quote:
مشهورين بالكرم والوعي مع الطيبه.. |
Quote:
والجضع ، والبِج ، والعمبلوك .
Quote:
ابقوا ادوني المفتاح يا حلوين |
.
مافى مانع يامنى ، المفتاح والضبّاح ، والمفراكة كمان ،
ولو عاوزين حصحاص للسلات ، مااااا عندنا مانع ، بس إنتوا
تعالوا السودان ، أقصد قندهار . إنتى قندهار دى وين للفار ؟؟؟
|
Post: #8
Title: Re: ثابِــت عِندااااااااك ، سِـرَّ الليــــــــــــل ........
Author: tmbis
Date: 11-13-2007, 00:16 AM
Parent: #6
| Quote: ولما أمشس انا السودان ابقوا ادوني المفتاح يا حلوين |
يـــا منى ..
إنتو تستاهلو مفتـاح الجنة لو عرفنا ليهو طريقة ..
احلى ناس في قندهــار
|
Post: #10
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-13-2007, 00:27 AM
Parent: #8
Quote:
احلى ناس في قندهــار |
.
"أجضع" ناس
|
Post: #11
Title: Re: ثابِــت عِندااااااااك ، سِـرَّ الليــــــــــــل ........
Author: Muna Khugali
Date: 11-13-2007, 01:14 AM
Parent: #10
Quote: مافى مانع يامنى ، المفتاح والضبّاح ، والمفراكة كمان ،
ولو عاوزين حصحاص للسلات ، مااااا عندنا مانع ، بس إنتوا
تعالوا السودان ، أقصد قندهار . إنتى قندهار دى وين للفار ؟؟؟ |
شوفت يا عبدالله شمس الدين..انت لازم تمشي مع الناس لقندهار التي ليس وراءها جبال..
شوفت صورتك الفي البروفايل دي..محتاجه لقندهار وبوش وجبل اولياء
وأي مكان فيه أكل..
ده علي افتراض انهم لسه أحياء بسبب الحب!
مرحب بكم في قندهار..
وبعدين انا بخاف من الفيران ما تجيب سيرتهم
وكمان انا موجوده في السودان..اجيها كيف يعني؟
قول لتمبس تعال.. وبعدين كلنا نتفق ونمشي قندهار
|
Post: #12
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-13-2007, 09:55 AM
Parent: #11
Quote:
صورتك الفي البروفايل دي..محتاجه لقندهار وبوش وجبل اولياء
وأي مكان فيه أكل..
|
.
بس أنا من أتباع (الحب قبل الخبز أحياناً) ،
ومع الزيادات المضطّردة فى أسعار الخبز ، صار
الحب " أرخص " كثيراً فى هذا الزمان .
فى كتاب سيرته الذاتية(الجنوبى) ، ذكرت عبلة الروينى
أن أمل دنقل قال لها أن الحب حالة إقتصادية ، فلكى
أحبك يجب أن أخرج معك ، ولأخرج معك يجب أن يكون
معى ثمن علبة السجائر ، والمشروب الذى سنتناوله ، أو
فيما معناه .
لكن يا منى باقى ليك لحمة الزمن ده ما "بتخش" فى الوجدان ؟؟؟
Quote:
وكمان انا موجوده في السودان..اجيها كيف يعني؟
|
.
معليش ، أنا فايلك فى قندهار .
.
تمبس إعتذر عشان ماسك مفتاح الخليج والشرق الأوسط ، وخايف
يغيب يجوا الهكر يدخلوا من وراه ، وهاك يا تهكير ويسرقوا
المعلومات هُبر هُبر ، أقصد هكر هكر
|
Post: #13
Title: Re: ثابِــت عِندااااااااك ، سِـرَّ الليــــــــــــل ........
Author: عبدالله شمس الدين مصطفى
Date: 11-14-2007, 12:25 PM
Parent: #12
مين هناك ؟؟؟
ده هكر ولآ Deng مُتنكِّر فى تمبس ؟؟
إنته منو يا زول ؟؟؟
|
|
|