بلاي يا مزمل البت دى ما ترفدا من جريدتك ..

أول حاجة البت دى ظاهر عليها مشهورة شديد وبتزيد ليك نسب التوزيع حتى شوف :

Quote: انا واحدة زرقاء من اولئك الذين يعانون من هذه المشكلة.. فكلما ألتقي احد الحمر يمتدحني ولكنه يتراجع سريعاً بمقولة مشهورة (عيبك هلالابية)

وشوف كمان ..

Quote: وآخر يلتقيني ويقول لي: (بتشبهي النجمة) ولا ادري ما هي مميزات النجمة حتى أكون (بشبهها)

ودا :

Quote: انا ومنذ صغري تفتحت عيناي على حب الأزرق وترعرعت في كنف أسرة تتباين فيها الألوان ولكني تمسكت بهذا العشق الأبدي..

صبرك يا مزمل انت شفت حاجة أها :

Quote: ولا انسى أن هناك من يقابلني ويمازحني: (لازم رئيس التحرير الاستاذ مزمل يرفدك من الجريدة لأنك طابور) وآخرون (انتي شغلوك كيف في الصدى؟) وعبارات كثيرة ونحن في الصحيفة نعمل بمبدأ الديمقراطية والحرية والصدى ليست حمراء كما يعتقد البعض.. ومزمل ابوالقاسم ليس ديكتاتوراً فهو يحترم الرأي الآخر بالرغم من حمرته الصارخة والتي يشمئز منها الانسان!!.

وكمان بتاعت منطق وممكن تخليك تقتنع انو يدك الشمال هي اليمني والعكس والدليل دا :

Quote: ولو جئنا على حسب رأي الحمر.. لو كنت مريخابية (الأربعة دي ما كانت ودتني التوج) معقولة بس فريق ذو قاعدة جماهيرية ضخمة.. ويمتلك لاعبين تم تسجيلهم بمليارات الجنيهات ورئيسه جمال الوالي الإداري الفذ.. ينهزم في أرضه ووسط جمهوره بهذا العدد الضخم من الاهداف؟ وليس مهماً الهزيمة في حد ذاتها ولكن المهزلة التي حدثت وجعلتنا (مضحكة ومسخرة للكل)!!.

وقارئة ذكية جدا للواقع حاضرا ومستقبلا كما وضح هنا :

Quote: من البداية كنا نؤقن بأن المريخ سيتوقف يوماً في إحدى المحطات.. لأنه غير مؤهل لبلوغ النهائي.. وعندما (جات الحارة) والتقى بالكبار تقزم لأنو (ده شهر ما عندو ليهو رقبة) والحمد لله انها انتهت على الأربعة فقط!!..

والحالة أنها :

Quote: أنا لا أحب الحديث في الكورة

غادة السمان شنو كمان معاها...؟
ماترفدا بلاي يا مزمل يرحمك الله ..

ملحوظة :
الاخطاء الإملائية والنحوية وضعف الصياغة وركاكة الأسلوب أشياء لا أهمية لها ..
المهم الفكرة يا معلم ..

طلحة ياخي جيب المقال كامل
بطل حراق الروح دا
خلينا نقرا كلام (بتنا) دي

Quote: طلحة ياخي جيب المقال كامل بطل حراق الروح دا خلينا نقرا كلام (بتنا) دي

مقال شنو يا محمد يا خوي
هو فضل فيها مقال ..؟
ما هو كل الكلام الفوق دا
قال نقرأ مقال بتنا قال ..
قصة عجيبة والنعمة ..

محمد البشري لا يعترف أن المقتبس اعلاه هو مقال كامل (برضو فيك الخير) ثم ويؤكد أن من يقرأ الكلام دا سيعاني حراق الروح تماما كما قال أدناه ..

Quote: طلحة ياخي جيب المقال كامل بطل حراق الروح دا

عارف يا محمد ياخوي الشىء المحيرني البت دى عايزة تقول شنو ..؟
انها مشهورة والناس قاعدين يقروا ليها ويسألوها من الكتبتو واللا :
أنها هلالابية بتكره المريخ وما بتشرف بيهو ..
فى الحالتين قصة عجيبة والنعمة..

طلحه

ممكن تكون كاتبة انت

جيب المقال واسمها ومنطقتها

وعنوانها

ولا تاني ماتجيب سيرة الهلال الحارق حشاك ده هنا

Quote: طلحه ممكن تكون كاتبة انت جيب المقال واسمها ومنطقتها وعنوانها ولا تاني ماتجيب سيرة الهلال الحارق حشاك ده هنا

غايتو يا عباس قدر ما فتشت لى وش يفرفر من الضحك ما لقيتو ..
ياخ قلت ليك البت دى كتبت الكلام دا في جريدة الصدي .. دليل أكتر من كدا شنو ..
خلي الطابق مستور ياخ ..

طلحه هوووووووووووووووي

البس ليك وش بلاستيك

زي اللبستو يوم الاربعه

وجيب الموضوع كلوا هنا دي

واسم البنية دي

ونحنا زولنا البكتب في الصدي عندنا فيه راي

يعني يا عباس انت ما مصدق انو دا (كل الكلام) الكتبتو البت (المشهورة) دى ..؟
دا كل الكلام يا صديقي أما أسم البت فعلى ما اعتقد بلالة البشاري او ماشابه .
المهم انت رائك شنو في شهرة البت وطريقتا فى الكلام عن نفسها وتمجيد ذاتا ..؟
غايتو أنا ما مستغرب طالما انها قالت هلالابية ..
ياهو دا حال الهلالاب .

طلحة،،، عملت لي شنو فى الموضوع ؟؟؟؟

العزيز فضل كرار
راجع الخاص

جااااتكم في جرح يا رشاشات مش ؟!!!

طلحة
كيفنك وسلامات




عدل بمزاج

Quote: جااااتكم في جرح يا رشاشات مش

اريتو جرح عدوك يا ناذر ياخوي ..

يا تيتاوي سلامات
شايفك بقيت تحب جبنة الدويم ..
حذفت أصح كلام كتبتو في الآونة الأخيرة في تيتاوي ..
جالك تلفون من البلد واللا شنو .....؟

طلحة سلامات

Quote: حذفت أصح كلام كتبتو في الآونة الأخيرة في تيتاوي

يعنى عامل حريف وعارف تفاصيل التفاصيل

عموما ياطلحة الموضوع كبير ولا يمكن ايجازه فى التلغرافات دى
ربنا يعدل الحال

Quote: يعنى عامل حريف وعارف تفاصيل التفاصيل

ومال أنت قايل ايه يا تيتاوي اخوى ..
انا اكتر شىء عجبني في موضوع البنية دى تطرفها فى الإشارة لذاتا وتأكيدها على انها مشهورة بين المشهورات ..
خليك من اى حاجة تانية ..

لمزيد ممن التفاصيل
دا الكلام كلو هاكم ليهو أها ..
عشان مافى واحد يتذاكي هنا ويقول حرفنا واللا أكلنا لالوب ..

Quote: انا واحدة زرقاء من اولئك الذين يعانون من هذه المشكلة.. فكلما ألتقي احد الحمر يمتدحني ولكنه يتراجع سريعاً بمقولة مشهورة (عيبك هلالابية) وما أحلاه (عيبا)!! أفتخر به واعشقه حد الوله والجنون.. وآخر يلتقيني ويقول لي: (بتشبهي النجمة) ولا ادري ما هي مميزات النجمة حتى أكون (بشبهها) ومالو لو كنت بشبه الهلال الجميل وأرتدى الابيض والازرق؟ فالانتماء هو المبدأ الذي نحيا عليه ونعيش.. انا ومنذ صغري تفتحت عيناي على حب الأزرق وترعرعت في كنف أسرة تتباين فيها الألوان ولكني تمسكت بهذا العشق الأبدي.. ولا انسى أن هناك من يقابلني ويمازحني: (لازم رئيس التحرير الاستاذ مزمل يرفدك من الجريدة لأنك طابور) وآخرون (انتي شغلوك كيف في الصدى؟) وعبارات كثيرة ونحن في الصحيفة نعمل بمبدأ الديمقراطية والحرية والصدى ليست حمراء كما يعتقد البعض.. ومزمل ابوالقاسم ليس ديكتاتوراً فهو يحترم الرأي الآخر بالرغم من حمرته الصارخة والتي يشمئز منها الانسان!!. * ولو جئنا على حسب رأي الحمر.. لو كنت مريخابية (الأربعة دي ما كانت ودتني التوج) معقولة بس فريق ذو قاعدة جماهيرية ضخمة.. ويمتلك لاعبين تم تسجيلهم بمليارات الجنيهات ورئيسه جمال الوالي الإداري الفذ.. ينهزم في أرضه ووسط جمهوره بهذا العدد الضخم من الاهداف؟ وليس مهماً الهزيمة في حد ذاتها ولكن المهزلة التي حدثت وجعلتنا (مضحكة ومسخرة للكل)!!. * من البداية كنا نؤقن بأن المريخ سيتوقف يوماً في إحدى المحطات.. لأنه غير مؤهل لبلوغ النهائي.. وعندما (جات الحارة) والتقى بالكبار تقزم لأنو (ده شهر ما عندو ليهو رقبة) والحمد لله انها انتهت على الأربعة فقط!!.. * ختاماً الحمد لله الذي أتم علي نعمة الانتماء للهلال.. والحمد لله الذي جعله عشقي الوحيد.. والحمد لله أنه لم يخذلني في كل الأوقات لذلك أقول (ولا شيء سوى الأزرق).. * بالمناسبة.. أنا لا أحب الحديث في الكورة..

جريدة الصدي
الخميس 8 نوفمبر 2007م ـ السنة الثانية ـ العدد 691
صدي الفنون
بلالة البشاري
http://alsadda.net/monwat.html

الاخ طلحة عبد الله

لو عشان هلالابية ياخى نائب رئيس التحرير هلالابى وما اظنك قاصد الحتة دى
لو عشان كلامها عن بهدلة المريخ ياخى كبار كتاب المريخ كتبو انو هزيمة الاربعة
كانت مهزلة
الجديد شنو فى كلامها ده مزعلك

مع الود والاحترام

كمان موضوع شهرتها ده واضح انو انطباع جوااااك ساي
لانو كلامها ما فيهو اشارة لحاجة زى دى وكلامها عن الناس
البسألوها ولا بمدحوها يمكن قصدها زملاء المهنة فى الجريدة
فى الحى
اصدقائها ساي
وده حديث ما بيدل انها بتقصد تلمح للقارئ انها مشهورة من المشهورات
زى ما تفضلت انت

وده عادى جدا وبحصل لاى زول شغال فى صحيفة وبالذات رياضية
حتكون اسئلة الناس ليهو من شاكلة احمر ولا ازرق وهلم جرا

يا ناجي يا منعم
كدا خليك من دا كلو تعال بس ورينا عليك الله أنت إستفدت شنو من الكلام الكاتباهو صاحبتنا دي ..؟
الصحافة ما شخبطة خواطر وونسة فارغة يا منعم .
كل الود والشكر لمرورك يا زول .