Post: #1
Title: معلقة هلاليه في الفضيحه المريخيه
Author: waleed dawash
Date: 11-08-2007, 03:10 PM
اروع ما قرات في المنتديات الاخرى
من منتدى العربيه
الكاتب .. عاشق الهلال
قلنا زعامة السودان للـ بمثل في الانديه الافريقيه
قالو لا ... الزعامه في السودان أصلاً مريخابيه
وهم دايماً أصحاب الكؤوس المحمولة وكمان الجوية
دقسوا وحلموا بالبطولة و بي كاس الكونفيدرالية
بدوها بالقطن ولاعيبتو المكوجيه
وكمان غلبوا حمام نيجيريا الترزيه
وقايلين خلاص ماشين بي أحسن استراتيجيه
درنوا مع ألمغاربه وقالو ما ذات اهميه
جانا الصفاقسي وعملوا ليهم سهرة تلفزيونيه
وقالوا اصلا غالبين وده اكيد ميه الميه
ونكون او لا نكون وحبه شعارات كده وهميه
بدت المباراه وبالجد كانت بدايه قويه
بسم الله زعطوهم بالاول قلنا غلطه بهاءيه
مالو تاني معليش دي تكون هفوه دفاعيه
طمموا بطنا بالتالت وبررناها باسباب اداريه
قرضونا بالرابع والقصه بقت جد حزاينيه
سجم خشمنا طيب نحن كده ما ركبونا التونسية
كده طار كاس الكونفيدرالية وقبلها البطولة العربية
كيف تنهزموا في السودان دي ما فضيحة تاريخية
خسروا عليكم ناس المؤتمر قروش اسكت خليها
أوعدوكم بالدولار وقطعه ارض وكمان عربيه
ونجمه المريخ عشان خاطر الصفاقسي بقوها رباعية
بسببكم سلفاكير كان راجع الغابه بدخولكم في بنود ألميزانيه
ما ياهو حالكم 000دي لا شماتة لا سوء نيه
ذنبهم ايه جماهيركم الدخلو الاستاد قبال شمس الضهريه
في أخر كلامي بنصحكم نصيحة بس أخويه
انتو أساسا ما لعبتو زمان مع فرق كانت قويه
اصحوا من أحلامكم البتشبه فنايلكم ألورديه
الممتاز خلاص مشي لسيد البلد وبقت ليهو خماسية
تسلم يا عاشق الهلال
|
Post: #2
Title: Re: معلقة هلاليه في الفضيحه المريخيه
Author: ahmed khidir
Date: 11-09-2007, 00:39 AM
Parent: #1
وليد
ســـــلامات
يا اخى الضرب على الميت حرام
الناس ديل الجاب ليهم الكلام
لسانهم الطويل...........
وقالوا السواى ما حداث
يا زول الهلال فوووووووووووووووووووووووووووووووووووووووووق
احمــد خضــر
|
Post: #3
Title: Re: معلقة هلاليه في الفضيحه المريخيه
Author: waleed dawash
Date: 11-09-2007, 10:47 AM
Parent: #2
الاخ احمــد خضــر
تحياتي
انت عارف انا طولة اللسان دي غايظاني و عامله لي ضغط و سكري....
و هم(بضم الهاء) ناسين انو يوم ليك و يوم عليك...
شايف الايام دي ماسكين في قصة الكوره مدوره...
كانها كانت مثلثه..
|
|