استنجاد .... اريد حل سريع وناجع!!!!

اريد ان أسألكم عن علاج بلدى ناجع وقاطع للانفلونزا (نزلة)

جربت كل العلاجات البلدية البعرفها والما بعرفها وما فى فايدة

امل (وجديا) ان كل من له دراية وبصارة ان يلحقنى بى وصفة


لكم التحية

عبدالخالق الجمرى

لايوجد علاج ل flu لابلدى ولاأفرنجى الحل الوحيد تدعيم مقاومة الجسم للفيروس...
لذا عليك بكل مايحتوى على فيتامين C
والف سلامه
تحياتى

العزيز ود المكى
اشواق وتحايا توقف (نزيف) ال Flu
طيب ذى شنو الخاصة بفايتمين c غير الليمون والرتقال

ويبدو ان المناعة دى شئ فارق السودان مع ناس (سوق البصل ) زمان جدا

لك موفور الصحة والعافية

لا زلت اكح ولا زلت اعطس

أولاً قلتا الزول جنَّ ولا شنو
قريت عنوان البوست إستنجاء

بعدين انت ووليد عمك أمير الواقع فيكم شنو
قبل مدة أمير كان بدور لي دواء لعلاج القاوت

وصفة ما بتخيب ضلافين فأر عجوز ماتت عنه زوجته
ضفور نملة عانس
بعيرات نعجة مولودة في هلة هلال شهر عربي
كبدة باعوضة
قلب وطواط
وتخلطهم بي بول الصباحية لي كديس ضكر ابرق

تمسح بيهم سدرك بعد ما تصلي العشاء
وتتغطى تقيل وتنوم

جرب دي وصفة وقفت سيلان وادي العوتيب
حرّم توقف مناخيرك في فد ساعة

لك تحياتي ومودتي وسلامي للأسرة

سلامتك

بس ما وضحت ليك كام يوم بالطريقة دى؟ وهل راجعت الطبيب ؟ شكلك عندك حساسية ، عايزين نتدكتر فيك شوية
وهنا معانا أخوة أطباء اعضاء فى البورد حيوجهوك توجية صحيح

وزى ما بيقولوا النزلة بتاخد دورتها ، أنا شخصيا ولفترة طويلة لمن تجينى نزلة طوالى معاها كحة سخيفة جدا
ومرة كنت فى السعودية وحالتى كانت سيئة كحة وعطيس وذهبت لى طبيب وبعد الكشف قام حاول يكتب لى مضادات حيوية
قمت قلت ليهو أنا داير علاج سريع فقام أدانى الدواء بالوريد يعنى زى نظام جلكوز وإرتحت جدا

أما لو داير تمشى للادوية البلدية فعليك بالكركديه والليمون لو معدتك ما مخستكة

مع الشفاء العاجل

الاخ عبد الخالق الجمري
سلامتك اولا يا اخي.
اتفق مع ترهاقا انها ربما حساسيه.
فالنزله بتاعات الفيروسات في العاده معاها حمى
اما اذا.....كانت رشحه من غير حمى فهي حساسيه مؤكد
الخطوة الثانيه انها لو حساسيه تعرفها من شنو؟؟؟




اما اذا كانت نزلة فحقيقي
الي جانب البرتقال كثر من الزبيب و البلح
والشوربه المركزه و الراحه.
الراحه.....و الراحه....و الراحه.
الارهاق المزمن بيفتك بالجسد جدا.

Quote: اما اذا كانت نزلة فحقيقي الي جانب البرتقال كثر من الزبيب و البلح والشوربه المركزه و الراحه. الراحه.....و الراحه....و الراحه. الارهاق المزمن بيفتك بالجسد جدا.

تراجى ،،،

حقيقى محتاج لراحة ...راحة...راحة

ارهاقى اكثر من مزمن

فقط وتحديدا اى شوربة تقصدين(خضار،حمام،دجاج،لحم.........)

لك بساطة الخير

عبدالخالق الجمرى

عليك بـ الـ FLU SHOT
يا عبد الخالق

عزبزى جدا خالد

تعرف انى حاولت القى (طايوق) رتيله حوصة
حسب وصف شيخ البعوض(ابوالدقيق)
لكن للاسف لقينا كل الرتيله الشفناه طرش وما سمعتنا



حقيقى اخى خالد انا تعبان

لك وللخال (احمد بادى الحسن) الصغير والاسرة جل تقديرى

Quote: سلامتك بس ما وضحت ليك كام يوم بالطريقة دى؟ وهل راجعت الطبيب ؟ شكلك عندك حساسية ، عايزين نتدكتر فيك شوية وهنا معانا أخوة أطباء اعضاء فى البورد حيوجهوك توجية صحيح

مش مشكلة تدكتر كما تشاء المهم أن أجد والقى عندك الحل عزيزى تهراقا

بقالها اكتر من 6 ايام

تقدر تقول بكره امشى (المستشفيات) رائحتها جد تعطيك انطباع (بضعفك) (وبؤسك) لكن فى جماعة دكاترة وصيادلة نصحوا ببعض العلاجات وماجابت فائدة.
ما تركت لا ليمون ولا برتقال

أجدك معافى

* فوائد الثوم:
- الثوم هو مضاد حيوى طبيعى، مضاد للفطريات، ويحفز الجهاز المناعى.
- يستخدم الثوم على نطاق واسع لتجنب الإصابة بنزلات البرد.
- استخدام الثوم على المدى الطويل يساعد على منع الإصابة بأمراض القلب وذلك من خلال تقليل نسبة الكوليسترول وتقليل لزوجة الدم.
- ينظم معدلات سكر الدم بل ويمنع الإصابة بالأورام، وهناك أدلة قوية بأن الثوم لا يمنع الإصابة بالأورام السرطانية فقط بل يبطأ من نمو الأورام.

- ملحوظة:
يمكن التخلص من أى رائحة غير محببة للفم من تناول الثوم بمضغ بعض فروع من النعناع أو البقدونس.


يعني يا حبيب أعمل ليك يوم بتاع ثوم وبعدين خلي المدام تطبخ سلطة بزنجان وكتر الثوم

Whenever I feel a cold coming on, I start eating fresh garlic like it’s candy. No, it certainly doesn’t taste like candy, but it kicks ####### like candy can. But garlic is more consistent in its ####### kicking ability.
As soon as I notice a cold is trying to sneak up on me, I begin to eat at least on clove of garlic every 3-4 hours for as long as I’m awake. But I make sure to eat the garlic only after I’ve eaten something somewhat substantial. I can’t stress this enough. If you eat a clove of garlic on an empty stomach, you will vomit within 30 minutes. And vomiting bile and garlic has to be one of the most painful vomiting experiences I’ve ever had. And because I can be a little forgetful, I’ve experienced it FOUR times. I can’t believe I’d forget how painful it is, but it’s good to know I can still surprise myself every now and then.

So, eat something, and then eat the garlic. Do this every 3-4 hours for a few days, and the little virus that was trying to ruin your weekend will whimper as it sulks off to pick on someone else.

If you’ve never even nibbled on a bit of fresh garlic, I should probably tell you that eating a fresh clove will burn. It won’t burn your mouth for very long, but it’ll be slightly painful. And you’ll probably dive for a glass of water after you’ve swallowed (but be sure to chew well!), and then you’ll probably curse me as a sadist and then revise that to a sadist and masochist, but if you keep up with the garlic regiment, your potential flu will be disintegrated into dust.

Fresh Garlic is a guaranteed flu destroyer.



مع أمنياتي بعاجل الشفاء

حاتم صباح الخير بالليل

لك تحية بحرارة الثوم

طبعا كل النصائح القريتها هنا عملتها Including Garlic
والان خفت كثير جدا جدا


بودى لك الخير

اي شوربه هي كويسه يا عبد الخالق للنزله
لكن لو شفت لك (اثنين كليو حلم ضان بالعظم)
واضفت ليها معلقتين شعير
وظبط منه شوربه مركزه وكثرت من الليمون
تأكد انها كمده بالرمده للنزله.

Quote: فقط وتحديدا اى شوربة تقصدين(خضار،حمام،دجاج،لحم.........)

انا شخصيا لا احب شوربة الفراخ كثير.

الف سلامه وطمأنا لو بقيت كويس.


نسيت اقول لك حرارة القلب الكثيره برضها ما كويسه
بتجيب النزله وحاجات ثانيه زي الجلطه فبرد نفسك .

اي شوربه هي كويسه يا عبد الخالق للنزله
لكن لو شفت لك (اثنين كليو حلم ضان بالعظم)
واضفت ليها معلقتين شعير
وظبط منه شوربه مركزه وكثرت من الليمون
تأكد انها كمده بالرمده للنزله.


انا شخصيا لا احب شوربة الفراخ كثير.

الف سلامه وطمأنا لو بقيت كويس.


نسيت اقول لك حرارة القلب الكثيره برضها ما كويسه
بتجيب النزله وحاجات ثانيه زي الجلطه فبرد نفسك .


فعلا الضان أصبح حلم (ولو قصدنا اللحم)

انا يا تراجى كويس جدا الان...

مات القلب من قبل اواصر صلة الخطوات نحو خيط التشريد

سلامتك يا ود الجمري و9 و8 وتكساس كلها فداك
والف مرحب بك يا اخي
والمشكلة ليست في النزلة و الانفلونزا ولكنها في عامل السن
و المناعة بتتناسب عكسيا مع السن
اهم سؤال عمرك كم سنة??
تحياتي محمد عثمان محمد

يامحمد عثمان يا اخي حرام عليك الزول لسه
في ريعان شبابه تقول ليه عامل السن؟؟غايتو جنس حساده!!

Quote: سلامتك يا ود الجمري و9 و8 وتكساس كلها فداك والف مرحب بك يا اخي والمشكلة ليست في النزلة و الانفلونزا ولكنها في عامل السن و المناعة بتتناسب عكسيا مع السن اهم سؤال عمرك كم سنة?? تحياتي محمد عثمان محمد

وبعدين تكساس دي شنو اوع يكون قاعد فيها؟؟؟؟
وشابكنا يا ايها المنظرين من المنافي البارده وحاجات كده



غايتو يا الجمري يا اخوي كان بقيت قريب بجاي واطاتك اصبحت معاي.
المهموحمد الله على السلامه واعمل حسابك من البرد وخلي السهر الكثير في الانترنت.

أخي الجمري
لو كنت تعيش في الخليج فالانفلونزا المنتشرة هذه الأيام طورت سلالتها ولا يفلح معها سوى اللقاح
لقد أصابتني منذ عيدالفطر و استخدمت أقوى المضادات الحيوية دون جدوى!
خطورتها تكمن أن المريض يظن أنه شفي ولكن عند أي ارهاق تنشب أظافرها ثانية في جسده!

Quote: اهم سؤال عمرك كم سنة??

عمرى قبل ما تجينى الانفلونزا ام بعد؟؟
لازم تحدد !!

تحياتى صديقى محمد عثمان

لانا مهدى

لاحظت من خلال شرحك مسألة أظافرها ، منذ لحظة نشبها لاظافرها فى مناعتى وهى لم تسحبها

قصاصات حلم معافى تماما من (انفلونزا الكتابة) من (الخليج) ارسلها لك


كل التقدير والامتنان

الاخ عبد الخالق كفارة
خد الوصفة دي لكن ما تضحك والله انا جربتها قبل كدة ونفعت معاي بالحيل
جيب ليك جمر في مبخر وكب فية حبة شاي حب وابعد من اللبتون وشاي الأكياس دة وجيب ليك ملاية ادخل جواها انت والمبخر واستنشق البخور بي انفك لمدة تلاتة اربعة دقائق كدة .
ملحوظ حقوق الطبع محفوظة للكاتب.
وبالشفاء وما تنسي ترسل الهدية بالمسنجر (أه نسيت ما لغوة وكدة)

Quote: الاخ عبد الخالق كفارة خد الوصفة دي لكن ما تضحك والله انا جربتها قبل كدة ونفعت معاي بالحيل جيب ليك جمر في مبخر وكب فية حبة شاي حب وابعد من اللبتون وشاي الأكياس دة وجيب ليك ملاية ادخل جواها انت والمبخر واستنشق البخور بي انفك لمدة تلاتة اربعة دقائق كدة . ملحوظ حقوق الطبع محفوظة للكاتب.

صدقنى لم أضحك أنا كنت أبحث يا عزيزى عن وصفة بلدية

ولن أخبر أى أحد بها (لحفظ الحقوق)

Quote: وبالشفاء وما تنسي ترسل الهدية بالمسنجر (أه نسيت ما لغوة وكدة)

الحسنة الوحيدة اللقيته أنا من (الغاء المسنجر)؟؟؟

شكرا الزبير صالح الزبير

Quote: يامحمد عثمان يا اخي حرام عليك الزول لسه في ريعان شبابه تقول ليه عامل السن؟؟غايتو جنس حساده!! Quote: سلامتك يا ود الجمري و9 و8 وتكساس كلها فداك والف مرحب بك يا اخي والمشكلة ليست في النزلة و الانفلونزا ولكنها في عامل السن و المناعة بتتناسب عكسيا مع السن اهم سؤال عمرك كم سنة?? تحياتي محمد عثمان محمد وبعدين تكساس دي شنو اوع يكون قاعد فيها؟؟؟؟ وشابكنا يا ايها المنظرين من المنافي البارده وحاجات كده غايتو يا الجمري يا اخوي كان بقيت قريب بجاي واطاتك اصبحت معاي. المهموحمد الله على السلامه واعمل حسابك من البرد وخلي السهر الكثير في الانترنت.

تكساس القاصدها محمد عثمان الله ما وراك ليها


أشكرك جدا

المهم السبب الرئيسى وراء رفعى للبوست ده مرة تانية مش حا تصدقوا

صدقوا جاتنى تانى والمرة دى اقوى

يا كل البصائر (مش هى جمع بصير ؟) وفقرة المنبر ، لا تبخلوا علينا انا جاد جدا وعندى (إعتقاد) فى البصير اكتر من الاجزخانة

الجمرى
دواك الوحيد انك تبطل البتسوى فيهو دا ؟؟؟
طوااااالى ح تبقى كويس

والزول لما يكون محموم برقد فى السرير ياخ
ما بهضرب ما بين البوستات ،،،









ــــــــــــــــــــ
ياشيخ ماليك حق والله ! مش كنت من زمان تقول لينا
دى الحمى ،،،،،،،،،،،،،

Quote: وقاطع للانفلونزا

طبعا ذى عادتك بتقول نصف الحقيقة كتبت الانفلونزا ودسيت الطيور
ياخى ما تعذب الناس معاك دى ما عندها علاج
بس تحسن اعمالك وتتجهز تب
دى اسمها تتوكلون

ما انا نسيت كلكم الليلة بقيتو من سكان كبريت المدن المنورة شنو البعرفكم بالبصارة والودك



يا ناس غير بخور ومص القرض تانى شنو؟؟؟



واحد يهمس ومش حا اكلم اى زول اقول ليهو انك رحلت من الرياض وسكنت العالياب ,, حقيقى