Post: #1
Title: هجمة مرتدة !!
Author: سامى عبد الوهاب مكى
Date: 11-07-2007, 08:04 AM
فعلاً شر البلية ما يضحك!!
قد أجد كل العذر لأي مريخابي يسخر من تواضع الهلال و((عجزه)) المستمر عن إحراز بطولات يدخل بها الفرح والسرور على قلوب محبيه((حتى المكابر منهم))
فكرة القدم لعبة قوامها لاعب ومدرب وجمهور مع وجود خصم للتنافس وجائزة تعطى للأجدر!! وقانون بالطبع يحكم اللعبة..
المنطق البسيط هو من جرب طعم أن يكون الفائز بالمركز الأول له كل الحق في أن يمد لسانه لمن ((عجز)) ويخلف رجل على رجل ويضع كل الكأسات المحرزة ويفاخر بها!!
لكن ما هو المنطق الذي يسند من((عجز))؟؟؟
وهل يظن أي ساذج أنه في الإمكان إقناع طفل صغير او عالم نحرير بان من ((أنجز)) كمن ((عجز))
فعلاً نحن في غاية الحزن ولنا أسبابنا..لأننا كنا نود إضافة كاس جديد للسابقات..وللتذكير هي ثلاث داخل إفريقيا..شارك فيها الهلال ((عجز)) عن الإتيان بها ومنها أتى المريخ بـ ((سيكافا 1 وسيكافا 2)) و((مانديلا)) او ((كأس الكؤوس)) سابقاً...
سيكافا الضعيفة جداً والتي تعيش الدول المنافسة فيها فقيرة كروياً ومادياً في نظر الهلالاب القادمين من سويسرا!!
شاركوا فيها تسع مرات على ما أظن كان إحرازهم للمركز الثالث قمة ما توصلوا إليه من إنجازات..فما لهم لا يعترفوا بإنجازهم فلا فرق بين الثالث والثاني !!
مع العلم بأننا أصحاب اللقب فيها مرتين ووصلنا النهائي فيها أكثر من مرة..والمركز الثالث كان أسوأ ما أحرزناه..كنا لنعذركم لو امتنعتم كمبدأ بدل عن التشدق!!
أما حالكم هذه الأيام هو الأسوأ على الإطلاق وأنتم في قمة البهجة لا لكأس قد أحرزه الهلال بل لنتيجة مباراة المريخ في الذهاب وهو ينافس على إحدى اثنتين((ذهبية او فضية))
خليكم في بلاويكم!!
فلن يمسح أصفاركم الضجيج ولا إطلاق النار ولا رفع التوابيت!!
أحسن خليكم في بلاويكم!!
|
Post: #2
Title: Re: هجمة مرتدة !!
Author: abuguta
Date: 11-07-2007, 08:24 AM
Parent: #1
خليك شجاع وواصل
من ذبح المريخ
دا المهم حاليا
|
Post: #6
Title: Re: هجمة مرتدة !!
Author: سامى عبد الوهاب مكى
Date: 11-07-2007, 08:48 AM
Parent: #2
Quote: خليك شجاع وواصل
من ذبح المريخ
دا المهم حاليا |
ألشجاعة دي كيف اجيب سيفي واسككم في البوستات ولا كيف يا اب قوتا؟؟
ألمريخ صاحب الكأسات المحمولة جواً قصدك؟؟
طبعاً ما بينفع معاك الكلام دا !!
لكن تهربوا منها وين!!
المهم هو أين وصل الهلال في التصنيف؟؟
أما قضايا المريخ عادة ما تجد الحل لوجود من من لهم المقدرة على حلها وهم كُثر.
ولا داعي للمقارنة!!
|
Post: #3
Title: Re: هجمة مرتدة !!
Author: محمد البشرى الخضر
Date: 11-07-2007, 08:28 AM
Parent: #1
إبراهيموفتش بسلم عليك وقاليك
يرسل الجزمة بالتونسية
عشان هم ما جايين
وبالمناسبة هم صحي ما جايين ؟
|
Post: #5
Title: Re: هجمة مرتدة !!
Author: abuguta
Date: 11-07-2007, 08:47 AM
Parent: #3
| Quote: إبراهيموفتش بسلم عليك وقاليك |
لا حولة,,,بالله صحى ياود البشرى الزول دا مع النتر ميلان
لكن بجد ناس المريخ ديل طلعو عاقلين,,عشان اعتزرو ودفعو المليون دولار
زولك دا ( قاعد ) بجيب ليه هدفين
كدا اسى الناس ديل لاعبين مع الرجاء متين
عشان اتفق مع بتاع الصيوان ديل,,باقى ليك ناس النصر السعودى
عاوزين ياجروه شهر كامل,,
|
Post: #4
Title: Re: هجمة مرتدة !!
Author: omar altom
Date: 11-07-2007, 08:41 AM
Parent: #1
بشششششششششتنة ورقاد واطة
برضو ما بحلكم
فضحتونا
شرطوا عينا
مسحتوا بي سمعتنا الواطة
مـــــــــــــــــــــافي فريق في العالم لعب مباراه نهائية في ارضو واتغلب بي اربعة اهداف غيركم
ده رقم قياسي عالمي مسجل باسم المريخ
معقولة ياخ؟؟؟؟؟
|
Post: #7
Title: Re: هجمة مرتدة !!
Author: حمزاوي
Date: 11-07-2007, 09:09 AM
Parent: #1
سامي اخوي
مسكاقمي
انا مش قلت ليك الناس دول قمة طموحهم ان يهزم المريخ عشان يفرحوا
هزيمة المريخ يعتبر انجاز لديهم
مافي مانع افرحوا وياهو دا مقاسكم وقمة طموحكم
وعلى قدر طموحاتكم تأتيكم انجازاتكم
|
Post: #8
Title: Re: هجمة مرتدة !!
Author: محمد البشرى الخضر
Date: 11-07-2007, 01:27 PM
Parent: #7
| Quote: وعلى قدر طموحاتكم تأتيكم انجازاتكم |
النصيحة يا عمك
بهدلة زي دي وصفع قاسي بالشكل دا فاق طموحاتنا وتوقعاتنا وتمنياتنا زاتا
طموحنا كان تعادل او يجيبو فيكم قون ينفعهم بعدين او حاجة بالشكل دا
لكن من اول خمسة دقايق صفعتين و التالتة بعد عشرة دقايق
و الكلام دا وين جوة استادكم
رش زي دا اصلو ما شفنا وتاني وين نلقا
من نعم ربنا علينا أن يسر لينا حضور البهدلة التاريخية دي
و لسة زي ما بتقولوا القادم أحلى
|
Post: #9
Title: Re: هجمة مرتدة !!
Author: نادر محمد الراضي
Date: 11-18-2007, 08:01 AM
Parent: #8
لن ندفن الرؤوووس في الرمال ...
سنواجه الحقيقة بكل مراراتها ...
وللأمانة كان الرجااااااء حمااام ...
وسهل إصطياده ولكنا كنا حمام أكتر منو ...
يا جماعة مباراتي الصفاقسي والرجاء أثبتا ...
أننا فريق يهزم نفسه بنفسه وفي اعتقادي ...
أن تحقق هذا الموسم كان إنجازاً ونحتاج للمزيد ...
من الوقت حتى نصير ابطال والوكت كلو عندنا ...
بس الناس ما تتراجع وتفكر في بكرة وتنسى أمبارح
|
Post: #10
Title: Re: هجمة مرتدة !!
Author: abas
Date: 11-18-2007, 08:16 AM
Parent: #9
بس الناس ما تتراجع وتفكر في بكرة وتنسى أمبارح
نادر اخوي
انت بالجد كده امس قدرت تنوم
هااااااااااااااااااااااااااااااااك التلاته ديل
|
|