Post: #1
Title: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 09:04 PM
Parent: #0
عن نفسى
تعلمت الصبر على الأذى (سمح)
و
تعلمت الحرص فى التعامل (سمح)
و
تعلمت السهر (كعب)!!
و
تعلمت الصبر على الجوع عشان ارد على بوست لما الاكل يبرد ويطلع من نفسى (كعب) !!
اها وانتو كيف بالجد شديد ؟!!
|
Post: #2
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohamed Ahmaed Olyesh
Date: 11-06-2007, 09:09 PM
Parent: #1
ناديه
حمدلله علي عودتك
تعلمت المعرفه وحب الناس بالمنبر
تعلمت مشاركة الناس الافراح والملاح
تعلمت ومازلت
ومن هنا ساتعلم مع الناس المواصله مع المتواجدون حاليا
عليش
|
Post: #3
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohamed Ahmaed Olyesh
Date: 11-06-2007, 09:13 PM
Parent: #2
اما الكعب
الادمان
الواحد قبل مايقلع هدومو من الباب للبورد طوالي
العجب لو بكرة اجازة عييييك تلقونا من المتواجدين طول اليوم
عليش
|
Post: #7
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 09:29 PM
Parent: #3
Quote: اما الكعب
الادمان
الواحد قبل مايقلع هدومو من الباب للبورد طوالي
العجب لو بكرة اجازة عييييك تلقونا من المتواجدين طول اليوم |
عليش
اها
دى نفس الملامح والشبه بين تلاتة ارباع ناس المنبر ديل  
|
Post: #6
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 09:25 PM
Parent: #2
عليش سلامات
| Quote: تعلمت المعرفه وحب الناس بالمنبر |
ياسلااااااام
اها حب الناس ده احلى شئ نتعلموا فى المنبر والله .. تسلم يارب
|
Post: #120
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: هشام كمال
Date: 11-12-2007, 07:26 AM
Parent: #2
تعلمت الحرص فى التعامل (سمح)
الاستاذة نادية اسمحى لى يإقتباس عبارتك لأنها هى المعبرة عن اهم الاشياء الى إتعلمتها فى سودانيزاون لاين.
مع خالص الود
هشام كمال
|
Post: #4
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: M A Muhagir
Date: 11-06-2007, 09:16 PM
Parent: #1
لاقيت بنات حلوات (سمح)
و
لا قيت معارضين حققيقيين (سمح)
و
لاقيت اخبار جديدة (سمح)
و
لاقيت بكرى عبد الرحمن ابو بكر (سمح)
و
لاقيت اشباه مثقفين غرقانين فى الغطرسة (كعب)
و
لاقيت اغبياء عنصريين (كعب)
محمد مهاجر (سمح / كعب))
|
Post: #9
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 09:36 PM
Parent: #4
| Quote: لاقيت بنات حلوات (سمح) |
بختك
| Quote: لا قيت معارضين حققيقيين (سمح) |
تمام
محمد مهاجر
تسلم يارب
وانك هنا ده (سمح) جدا
|
Post: #5
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: محمد عثمان
Date: 11-06-2007, 09:18 PM
Parent: #1
نااادية...
سلاااام
تعلمنا سهر الليل
لكن عرفنا نااس حلوين...
يديك العاافية...
|
Post: #11
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 09:44 PM
Parent: #5
محمد عثمان
سلامات
كعب شديد !!
| Quote: لكن عرفنا نااس حلوين... |
مكسب
|
Post: #8
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Eng. Mohammed al sayed
Date: 11-06-2007, 09:34 PM
Parent: #1
إخوان وأخوات لا أعرفهم ولا يعرفوني
كم دعوت لهم بظهر الغيب لحالهم لما أعلموني
هذا ما (ملكت) ..وبذلته ..وما اهلكوني
أحببتهم في الله وها قد بادلوني
إن كان* يحسب حسنا
فهو بضاعتي وهم أربحوني.
الدعاء بظهر الغيب*
............................................................................
سودانيز اون لاين كما قال الشاعر..(زي شباك منور في ظلام الليل)
.............
أما البوسط البجيب الشئ الكعب أقفلو وما ت ت ع ب , ولا شنو؟
|
Post: #10
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohamed Ahmaed Olyesh
Date: 11-06-2007, 09:42 PM
Parent: #8
هسه دي انا لسه ماقلعت هدومي برضو ياداب جيت
الحاجه الجميله ارتباطك بالبعيد
والماشفتهم من زمن
والمتمني شوفتهم
تخريمه
قبل ما اخش المنبر لاقيت ناديه عثمان فى مصر وبعد دخلت المنبر قلت دي ناديه الزماان ديك
شفت اللمه فى لمنبر جميله كيف
|
Post: #17
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 10:35 PM
Parent: #10
Quote: قبل ما اخش المنبر لاقيت ناديه عثمان فى مصر وبعد دخلت المنبر قلت دي ناديه الزماان ديك
شفت اللمه فى لمنبر جميله كيف
|
والله صدقت اللمة دى اروع شئ فى دنيا النت ده ياعليش يااخوى ..ماعندك صورة اشوفك كبرت ولا لسة زى ماانت ؟
|
Post: #16
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 10:18 PM
Parent: #8
Eng. Mohammed al sayed
| Quote: سودانيز اون لاين كما قال الشاعر..(زي شباك منور في ظلام الليل) |
حلو وصفك ده عجبنى شددددددديد
يديك العافية يارب
|
Post: #12
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: دوت مجاك
Date: 11-06-2007, 09:44 PM
Parent: #1
تعلمت من المنبر كل (السمح)
اخوان بحق وحقيقة (مش هظار)
تعلمت كيف يكون الانسان (بنى ادم ومتسامح)
تعلمت انه سودانيزاون لاين مش مجرد اعضاء اجتمعوا (باختلافاتهم الكثيرة)
بل اسرة واحدة (رغم المشاترين) تجدهم بقربك عند (الصعب)
وتلعمت ايضا مهما وجدت (الكعب هنا) لا تساوى الجمال الذى وجدته هنا
وجدت (صحبة الكترونية) بمشاعر يندر ان تجدها فى صحبة حقيقية
ندوية ان شاء الله ما تشوفى اى كعب (بس تقعى فى سمح وتقومى من سمح)
|
Post: #18
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-06-2007, 11:55 PM
Parent: #12
دوت مجاك
انت عارف انك من (اسمح) الناس العرفتهم فى المنبر ده مع ناس كتاااااااار تانيين (سمحين) شديد سعدت بالتعرف عليهم اخوة واشقاء اعزاء ..
| Quote: ندوية ان شاء الله ما تشوفى اى كعب (بس تقعى فى سمح وتقومى من سمح) |
وانت كمان يادوت امممممممممين يارب ..
|
Post: #13
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: عزيز عيسى
Date: 11-06-2007, 09:45 PM
Parent: #1
الأخت نادية،
تعلمت كيف أبني جسر من الصداقات والعلاقات الطيبة
والتعرف على العديد من الأخوان والأخوات والإستفادة
منهم في توسعة معلوماتي خاصة عن السودان (مكسب)
تعلمت كيف أتعامل مع الناس بحذر ودبلوماسية
وكيف أحترم آراءهم حتى ولو لم تعجبني
دون المساس بمشاعرهم. (سمح)
تعلمت أن الخير والشر متلازمين في كل مكان..
لذلك فضلت أن أتمسك بالخير وأبعد عن الشر. (سمح)
|
Post: #19
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 00:02 AM
Parent: #13
Quote: تعلمت كيف أتعامل مع الناس بحذر ودبلوماسية
وكيف أحترم آراءهم حتى ولو لم تعجبني
دون المساس بمشاعرهم. (سمح) |
نفس الشعور والله (سمح شديد)!
Quote: تعلمت أن الخير والشر متلازمين في كل مكان..
لذلك فضلت أن أتمسك بالخير وأبعد عن الشر. (سمح) |
توارد خواطر عجيييب (سمح لدرجة قف تأمل )!!
عزيز عيسى الله يديك العافية يازول يا(سمح جدا )
|
Post: #14
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: عاطف عمر
Date: 11-06-2007, 10:00 PM
Parent: #1
العزيزة نادية
تحياتي والإحترام
في ظني أن هذا المنبر يمثل الواقع السوداني بكل جماله وبكل تناقضاته . المعلومة مبذولة لمن يريد ، وهؤلاء الذين يحرصون على نصف رأيهم الذي هو عند أخيهم موجودون . وناس ( كتحتنا في وسط البحر ) أيضاً موجودون . العلاقات الإنسانية متوفرة على أرقى مستوى ، تتجلى بحميمية في لحظات الضعف الإنساني عند وقوع حادث أليم جربت ذلك عندما اختلت كل موازيني برحيل سندي في الحياة المرحوم والدي الذي فارقني فجأة، وجدتهم كلهم معي . وأيضاً ( الشكل المجاني ) برضو موجود . الحراك الموجود في ظاهرة صحية رغم حدة الإستقطاب والترصد أو قولي قلة هامش التسامح ، المقلق هو ظهور النبرة العنصرية الكريهة .
على المستوى الشخصي
تعلمت منه كثيراً
تعرفت فيه بأفاضل وفضليات لم تختلف شخصياتهم في الواقع عندما التقيتهم بل قد يزيدون ظرفاً ومعرفة .
يبقى ذلك الذي يشبه الإدمان في ضرورة المرور
باختصار
المحصلة إيجابية
|
Post: #21
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 00:13 AM
Parent: #14
عاطف عمر يا ايها الرجل العالى التهذيب ..(السمح) الاخلاق
تسلم على المداخلة الثرة والحقيقية جدا
| Quote: تعرفت فيه بأفاضل وفضليات لم تختلف شخصياتهم في الواقع عندما التقيتهم بل قد يزيدون ظرفاً ومعرفة . |
ومعرفة الناس كنوز .. فما اغنانا بمعارفنا من الناس الرائعين جدا هنا ياعاطف الجميل الدواخل..
|
Post: #15
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Al-Shaygi
Date: 11-06-2007, 10:13 PM
Parent: #1
Quote: عن نفسى
تعلمت الصبر على الأذى (سمح)
و
تعلمت الحرص فى التعامل (سمح)
و
تعلمت السهر (كعب)!!
و
تعلمت الصبر على الجوع عشان ارد على بوست لما الاكل يبرد ويطلع من نفسى (كعب) !!
|
قطعت جهينة قول كل خطيب!!!!
Quote:
تعلمت الصبر على الجوع عشان ارد على بوست لما الاكل يبرد ويطلع من نفسى (كعب) !!
|
ويمكن تأكلي ويمكن لا؟؟؟؟؟
بس الخرابي تخليني على الأطلاق كان برد كان ما برد....
كلو سوا.....
غايتو أصلها الخرابي النت دي فاتحه خرابتها طوالي عندي إلا منما أجيها بس أكوس الخرابي القاصدا ديك وأمشي أكوسلها, كان ألقاها كان ما ألقاها بس هي في ....
بس نقول شنو!!!
الشايقي
|
Post: #22
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 00:18 AM
Parent: #15
الشايقى العزيز
| Quote: ويمكن تأكلي ويمكن لا؟؟؟؟؟ |
فى الغاااااالب بنسى (صحن الملاح) لما يبقى بارد وبايخ واحردو وانوم خفيف !!
نقول شكرا لبكرى اللمانا مع ناس زيك فى المنبر ده يا الشايقى اخوى ود امى الغالية جدا !
|
Post: #20
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: bashir adam abdalla
Date: 11-07-2007, 00:04 AM
Parent: #1
تعلمت الاستماع لراي الاخرين (سمح)
تعلمت ادمان الكيبورد (كعب)
|
Post: #23
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: غادة عبدالعزيز خالد
Date: 11-07-2007, 00:18 AM
Parent: #20
نادية يا غالية
إلتقيت بأناس كثر (سمح)
لقيت أخوات وأخوان أخوات (سمح)
وجدت فرصة أن أطل من نافذة الغربة (سمح)
المعب نخليهو المرة الجاية
لو لقيتو 
محبتي
|
Post: #25
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 00:37 AM
Parent: #23
غادة (السمحة شديد)
Quote: إلتقيت بأناس كثر (سمح)
لقيت أخوات وأخوان أخوات (سمح)
وجدت فرصة أن أطل من نافذة الغربة (سمح) |
تسمح ايامك يابت امى وماتشوفى شر ان شاء الله
Quote: الكعب نخليهو المرة الجاية
لو لقيتو |
فتشى كويس يازولة وادينا بنتعلم من (البورداب) مصيرك بكرة بتتعلم !!
|
Post: #24
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 00:22 AM
Parent: #20
bashir adam abdalla
| Quote: تعلمت الاستماع لراي الاخرين (سمح) |
سمح شدددددديد جدا
والاسمح انو الاخرين برضو يسمعوا رأيك ولا شنو ؟!!
|
Post: #26
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohamed Ahmaed Olyesh
Date: 11-07-2007, 00:48 AM
Parent: #24
كده كيف ياناديه
|
Post: #27
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 00:53 AM
Parent: #26
كده تماااااااااام
صغرت سبعة سنوات ياعليش
|
Post: #28
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: ترهاقا
Date: 11-07-2007, 01:18 AM
Parent: #27
الاستاذة نادية سلام
السمح : عرفت إنو فى السودان فى مجموعة من الادباء والشعراء على مستوى راق
الماسمح : عرفت إنو كلمة جلابة مصطلح سياسي وليس من جلب يجلب
|
Post: #36
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 10:40 AM
Parent: #28
ترهاقا سلام
| Quote: الماسمح : عرفت إنو كلمة جلابة مصطلح سياسي وليس من جلب يجلب |
قول بركة انت العرفت شئ عن هذا المصطلح حتى لو (ماسمح) !!
كدى هم سموهم (جلابة) عشان كانوا بيجلبوا البضاعة بس ولا عشان بلبسوا (جلاليب) برضو ؟!!
|
Post: #29
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Khalid Osman Jaafar
Date: 11-07-2007, 02:58 AM
Parent: #1
سلام يا نادية،
موضوع جميل ...
سودانيز أونلاين يصبح إدمان بعد فترة ..
في كتاب مميزين وبتلقي نفسك متابعة معظم (وليس كل) ما يكتبون
بالتأكيد سودانيز أونلاين ساحة للتواصل بين السودانيين حول العالم. ودي حاجة تحسب للأخ بكري أبوبكر، ومجهود يُشكر عليه
بصراحة، سودانيز أونلاين ما أضاف لرصيد أصدقائي، لأنّي ما تعوّدت أختار أصدقائي أونلاين بس. ده ما بيمنع إنّو في ناس كتيرة هنا تستاهل إنّو الواحد يسعي لصداقتها علي فكرة . بس للأسف ما حصل لاقيت زول من المنبر وجهاً لوجه حتّي الآن؛ وعشان كده قلت إنّو المنبر ما أضاف لرصيد أصدقائي ...
بالمقابل، كتابة البعض هنا - خاصة بعض مدّعي النضال، ممن لا يفرّق بين السودان كوطن كلنا ننتمي ليهو وبين حكومة الإنقاذ التي لا تمثّل إلا قلة - تجعلني أضع يدي علي قلبي خوفاً علي وطني
بكل أسف يا نادية، خلاصة ما خرجت به من هنا إنو نحن السودانيين ما بتنفع معانا الديمقراطيّة، وعلي طول بنقلبها فوضي. جولة سريعة علي المنبر تخليكي تعرفي إنّو الحكاية في أغلبها كيمان وتصفية حسابات
أحياناً بتحصل مشاكل بتصل مراحل تخليك تتذكّري شكل شفّع الروضة! نادراً ما تلقي نقاش موضوعي بين إتنين مختلفين في الرأي؛ وكل زول بيتناول الأمور من وجهة نظرو بما يخدم أهداف التوجّه البيتّبعو
ده غير إنّو في ألفاظ متكرّرة هنا ما إتخيّلت يوم إنّي ممكن أقراها مكتوبة في منبر نقاش يغشاه الكل. ياخ في ألفاظ أصلاً ما سمعتها إلا هنا!
علي كل حال سودايز أونلاين مدرسة مفيدة، الواحد بيتعلّم منها الكتير. وما بالضرورة إنّو كل البتعرفيهو هنا يكون مفيد. أحياناً لازم نعرف الغلط عشان نتجنّبو!
آه، وقبل ما أنسي ...
تعلمت إنّي لما أكون في نقاش مع زول أسد كل الثغرات الممكنة في طرحي لوجهة نظري قبل ما أعلنها. وبرضو إنّي دايماً أخلي خط رجعة للطرف التاني، وأسهّل عليهو التراجع عن رأيو لو كان خطأ بدون ما يحس إنّو الموضوع شخصي ويصر علي موقفه ...
علي كل حال مشكورة علي إثارة الموضوع، ويديكي العافية ...
|
Post: #30
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: غادة عبدالعزيز خالد
Date: 11-07-2007, 03:25 AM
Parent: #29
| Quote: غادة (السمحة شديد) |
في البورد ده نادية عثمان شخصيا
بتقول لي السمحة شديد
(أها دا السمح زاتو )
محبتي يا أم قلبا أبيض 
|
Post: #38
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:02 AM
Parent: #30
غادة السمحة (لمن غلط)
عارفة ؟
المصريين عندهم تعبير كده عن البت القاطعة فى السماحة بقولوا فيهو (البت دى مافيهاش غلطة) اها انا كل مااشوفك بتذكر المقولة دى ..جمال وعلم وثقافة وادب ورقى واى شئ سمح انتى ربنا يحفظك ياام القلب دهب يااااارب .. قولى اميييييييين ..
|
Post: #37
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 10:56 AM
Parent: #29
سلام خالد عثمان جعفر
شكرا جميلا على المداخلة الثرة المفيدة والحقيقية جدا
| Quote: علي كل حال سودايز أونلاين مدرسة مفيدة، الواحد بيتعلّم منها الكتير. وما بالضرورة إنّو كل البتعرفيهو هنا يكون مفيد. أحياناً لازم نعرف الغلط عشان نتجنّبو! |
ده كلام سليم جدا .. ومدرسة سودانيز اون لاين يااااااما حاتعلمنا دروس وعظات ويبقى اروع مافيها لمتنا الطيبة دى ربنا يديمها علينا يارب العالمين ..
|
Post: #31
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Omar Bob
Date: 11-07-2007, 05:35 AM
Parent: #1
اسمح حاجه اتعلمتها في المنبر
عرفت انك قريبتي من خلاله
|
Post: #32
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Dr. Abdalla Siddig
Date: 11-07-2007, 05:41 AM
Parent: #31
الآخت ناديه
تعلمنا الكثير الجميل
ومازلنا في صف اول اساس(ابتدائي) من مدرسة السماحة
|
Post: #40
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:31 AM
Parent: #32
Dr. Abdalla Siddig
| Quote: تعلمنا الكثير الجميل |
الاجمل ان نكون هنا مع بعضنا البعض رغم انف منافى الاغتراب .. كن بالف خير دوما
|
Post: #39
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:08 AM
Parent: #31
عمر بوب ياقريبى الغالى
Quote: اسمح حاجه اتعلمتها في المنبر
عرفت انك قريبتي من خلاله |
ياسلاااااااااااام عليك يارائع
والله ودى من اسمح الحاجات الحصلت لى فى المنبر ده انى اعرف انك قريبى ياعمر امبس ياخى ..
اللهى ايكى باريكيرو ياربينا ..
|
Post: #33
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: الطاهر عثمان
Date: 11-07-2007, 06:20 AM
Parent: #1
الاخت نادية تحياتي وتقديري
تعلمت تقبل الآخر مهما إختلفت معه (سمح)
العمل العام(سمح)
بالمنبر أقلام حقيقية أحترمها جدا ونتعلم منها كثيراً (سمح)
الكثيرون يقرأون للاسماء فقط (كعب)
بعض الغث من محبي الاثارة(كعب جدا)
إستخدام الآلفاظ السيئة الخادشة من البعض (كعب جدا جدا)
|
Post: #42
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:48 AM
Parent: #33
الطاهر عثمان اخى الاكرم سلامات كده
Quote: تعلمت تقبل الآخر مهما إختلفت معه (سمح)
العمل العام(سمح)
بالمنبر أقلام حقيقية أحترمها جدا ونتعلم منها كثيراً (سمح)
الكثيرون يقرأون للاسماء فقط (كعب)
بعض الغث من محبي الاثارة(كعب جدا)
إستخدام الآلفاظ السيئة الخادشة من البعض (كعب جدا جدا) |
كلامك ومرورك ده كلو (سمح) جدا جدا جدا والاسمح انو نتعرف على ناس زيكم اخى الفاضل .. وكن بالف خير دوما
|
Post: #34
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: elameen
Date: 11-07-2007, 07:09 AM
Parent: #1
الاخت نادية تحياتي اليك.
تعلمت بمعرفة ناس حلوين (سمح)
وجدت فيه المساعدة (سمح)
استفدنامن كتابات بعد الاعضاء (سمح)
المساعدات الاجتماعية (سمح)
العنصرية والقبلية (كعب)
المهاترات والشتائم (كعب)
تحياتي
امين
|
Post: #44
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 12:01 PM
Parent: #34
الامين اخوى
| Quote: المساعدات الاجتماعية (سمح) |
اها دى بالذااااااااات سمح شديد .. والناس بالناس والكل برب العالمين .. ربنا يديمها على السودانيين نعمة يارب العباد ..
|
Post: #35
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: lana mahdi
Date: 11-07-2007, 09:02 AM
Parent: #1
إكتسبت صداقات و خوة لا تقدر بثمن..هم و هن الدنيا (أسمى سمح)
تعلمت أكثر عن السودان(سمح)
تواصلت أكثر مع السودانيين أهلي(سمح)
تعلمت تخن الجلد و الصبر على مخاشنات المداخلات(سمح)
قلّت حساسيتي لنقد حزب الأمة(سمح)
تعلمت الشكل(كعب)
تعلمت اللياقة عند ردي على البعض(كعب)-من لايوق و ليس من لائق-
وبجي راجعة يا حبيبة
|
Post: #41
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: وليد محمد المبارك
Date: 11-07-2007, 11:45 AM
Parent: #35
انا غايتو حاسي باني بقت زول شراني ولبط
|
Post: #43
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: هاشم أحمد خلف الله
Date: 11-07-2007, 11:58 AM
Parent: #41
نادية
أصبحت مدمن كبير للمنبر واهلو , وهي إشارة إلي الحب العميق .
أصبحت مشهور او احسب نفسي هكذا , والدليل علي ذلك زيادة عدد الذين تعرفت
عليهم في هذا المنبر وخارجه وقبل ذلك كان عدد معارفي يحسبون علي اصابع اليد
تعلمت الصبر علي الكلمات الجارحة والتي تصدر من بعض الناس ( شفاءهم الله )
تعلمت كتابة الشعر ومازلت اتعلم .
إكتشفت ان الجنس اللطيف في هذا المنبر من أنبل الإناث ويمتلكون عقلية راجحة وحب غير محدود.
|
Post: #48
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 12:18 PM
Parent: #41
وليد محمد المبارك سلامات كده ياخى
| Quote: انا غايتو حاسي باني بقت زول شراني ولبط |
اها لكن مادايرين نعرف الاحساس ده جاك ساااااااى كده بس بلا سبب ولا لانو لقيت هنا (الالبط والاشر ) مما جعلك تتعامل بردة الفعل فتولّد عندك هذا الاحساس (بالبط والشر ) ؟!!
|
Post: #46
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 12:07 PM
Parent: #35
لنا مهدى
لنوية ياحبيبة البى من جوانياتو
| Quote: تعلمت تخن الجلد و الصبر على مخاشنات المداخلات(سمح) |
ماده الصبر وطولة البال البنقول عليهو زاااتو وهو سمح شديد ..
| Quote: قلّت حساسيتي لنقد حزب الأمة(سمح) |
ههههههه.. هى كان قلت مامشكلة الخوف العدم ياحبيبة
| Quote: تعلمت اللياقة عند ردي على البعض(كعب)-من لايوق و ليس من لائق |
الصراحة هو كعب بس كمان اللياقة بتجيب اللياقة وتعمل ملاح ويكة (كعب جدا ) !!
|
Post: #45
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: د.محمد حسن
Date: 11-07-2007, 12:05 PM
Parent: #1
تعلمت منافسة المبدعين بشرف
|
Post: #49
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 12:25 PM
Parent: #45
د. محمد حسن
تحيات كميات
| Quote: تعلمت منافسة المبدعين بشرف |
جميل جدا .. لكن مافى اى عادة ماسمحة اتعلمتها هنا بالجد ؟!!
|
Post: #74
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: د.محمد حسن
Date: 11-08-2007, 01:42 PM
Parent: #49
اما السيئة
البكا
والدردقة في الناس السمحين
خلقة
واخلاق
وبس
|
Post: #47
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: ismeil abbas
Date: 11-07-2007, 12:12 PM
Parent: #1
ألأخت /نادية
لكى الود
إخوة بلا حدود..(سمح)
مشاحنات ومناكفات وتصفيات شخصية فى المنبر(كعب)
معارضة غير مؤسسة (كعب)
تعصب للرأى (كعب)
معرفة ناس رأئعين بالمنبر إلتقيت بهم فى الواقع(سمح)
أن أتحفظ عند مداخلاتى بدون حياد وأن أكون وسطيآ(سمح)
بوستك ألآن إيجابى وفكرة جميلة أتاحت لنا فرصة للتعبير(سمح)
مودتى...
إسماعيل محمد احمد عباس...............
|
Post: #50
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: ابو جهينة
Date: 11-07-2007, 12:26 PM
Parent: #47
سلام نادية
أسمح شي معرفة عضوات و أعضاء هنا .. هم/هن في الحقيقة كنز حقيقي.
أكعب شيء .. هو أن يعاديك عضو هنا عن سوء فهم لما ترمي إليه ...
دمت
|
Post: #55
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 01:00 PM
Parent: #50
ابو جهينة ياغالى
عارف ؟
زمان لما الولد المهذب الجميل الاسمو لؤى شمّت جانا فى القاهرة حكى لى عنك كلام جميل وقال انو بيحبك ويحترمك جدا وقلت ليهو انو ده نفس احساسى بالجد ..
عاين
منبر بكرى ده حقق لى حاجات كتيرة سمحة منها التعرف على شخصية راقية وجميلة زيك والله
| Quote: أكعب شيء .. هو أن يعاديك عضو هنا عن سوء فهم لما ترمي إليه ... |
والله نفس الملامح والشبه وده شئ بيحزن قلبى شديد انو سؤ الفهم يخلق عداء بينى وبين اى زول فى الدنيا دى ناهيك عن منبر بكرى البنحب كل ناسو السمحين !!
بالمناسبة لؤى شمّت اخبارو شنو عساه طيب .. بالله طمنا على الزول المهذب ده لو لسة عندكم فى المملكة سمح ؟!!
|
Post: #51
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: عبدالأله زمراوي
Date: 11-07-2007, 12:27 PM
Parent: #47
Quote: تعلمت الصبر على الجوع عشان ارد على بوست لما الاكل يبرد ويطلع من نفسى (كعب) !!
|
|
Post: #52
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Muna Khugali
Date: 11-07-2007, 12:38 PM
Parent: #51
طيب يا حبيتي لازمني شوية فلسفه قبل ما أرد علي سؤالك..
ولغتية ما يحصل كده أسمحي لي وأنا في دوري الكبير كسياسيه كبيره وكده اقول ليك..
اتعلمت .....
...........
وبجيك تاني بتفاصيل أكتر..
|
Post: #54
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: بابكر حامد احمد
Date: 11-07-2007, 12:47 PM
Parent: #52
تعلمت حاجات كتير كلهاسمح اسمح من من سماحتك اللمن غلط دي
|
Post: #63
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 03:48 PM
Parent: #54
بابكر حامد احمد
| Quote: تعلمت حاجات كتير كلهاسمح اسمح من من سماحتك اللمن غلط دي |
الاسمح انو يكون عندنا اخوان زيك دمهم خفيف وناس روحهم حلوة وتسلم يارب
|
Post: #58
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 01:24 PM
Parent: #52
منمن ياعسلنا
| Quote: طيب يا حبيتي لازمني شوية فلسفه قبل ما أرد علي سؤالك |
فلسفة وعلم نفس ورياضيات وفيزياء واى حاجة بس انتى تعالى يابت ياحديقة انتى ..
|
Post: #57
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 01:13 PM
Parent: #51
عبد الاله زمراوى
حتى انت يازمراوى ؟!!
ياخ والله مفروض لو مرضنا من قلة الأكل ..الدكاترة الفى منبر بكرى ديل يعالجونا ببلاش رايك شنو ؟!!
|
Post: #53
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 12:44 PM
Parent: #47
الاكرم اسماعيل عباس
سلامات كميات
| Quote: مشاحنات ومناكفات وتصفيات شخصية فى المنبر(كعب) |
كعب لدرجة قف تأمل عديل كده !!
| Quote: بوستك ألآن إيجابى وفكرة جميلة أتاحت لنا فرصة للتعبير(سمح) |
تسلم يارب
وتعبيرك الصادق سمح جدا جدا
|
Post: #56
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: ماجدة عوض خوجلى
Date: 11-07-2007, 01:06 PM
Parent: #1
ندو حبيبة مشتاااقين احنا
انا عن نفسى اتعلمت حاجات ..وعرفت حاجات .. وقوت عندى حاجات وترسخت اكتر عندى قناعات !!
اتعلمت الصبر على الاذية ..
اتعلمت برضو عدم التسرع فى الاحكام..
لكن الباقى عرفتو وشفتو بس الحمدلله مااتعلمتو !!
وعرفت انو فى ناس مابتعرف فى الدنيا دى غير الاذية..
وعرفت ان الفجور عند البعض فى الخصومه عند البعض ماعندو حدود ..
وعرفت ان البعض يعشق ان يكون شاذا وسط الاخرين حتى ولو كان هذا خصما عليه/لايهم!!
وقوت عندى قوة احتمال غير عادية ودى بتكون مع الصبر فوق
وترسخت عندى قناعات انو مرمى الله مافى زول بيرفعو ولو اتقلبت الدنيا !!
وانو المااتربى فى بيتو من هو صغير وحياتك حبيبه لو اتقلبت الدنيا مابيتادب !!
كفاك ولا ازيدك ؟!
حبيبة تسلمى يارب
|
Post: #59
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mutwali Malik
Date: 11-07-2007, 01:50 PM
Parent: #56
نادية عثمان
اولا حمدلله علي السلامة ومنورة البورد
يقولون معرفة الناس كنز
كل لحظة من عمرنا لها ثمن كل شاردة واردة او ومضة واشراقة لها تاريخ كل موقف له معني وتبقي ابدا المعاني والمواقف الجميلة واللحظات الممتعة لاتنتهي والحياة استمرار وليست تكرار فكل جمال بجماله وكل متعة بلحظتها وكل انسان بمواقفه والحياة لاتقف وتبقي الحياة باستمرارها وحياتنا بقصرها فلنعش مواسم الفرح الاتية فليس هناك زمنا لاهداره قيل
اليوم جميل والغد اجمل
سمح
|
Post: #68
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:29 PM
Parent: #59
Mutwali Malik
Quote: وحياتنا بقصرها فلنعش مواسم الفرح الاتية فليس هناك زمنا لاهداره قيل
اليوم جميل والغد اجمل
سمح |
تسلم كتييييييير على المرور الطيب والفهم العمييييق والكلام السسسمح جدا ..
|
Post: #66
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:16 PM
Parent: #56
ماجدة بت عمو عوض خوجلى (الله يرحمو)
بت امى ماما جارة الغالية
طلتك بالدنيا ياحبيبة
وواحشانى لمن غلط .. ماعندك لينا جية لمصر ياخ ؟!!
مداخلتك مليانة وجع ياماجدة لكن دايرة اسألك انتى فى المنبر ده ماممكن ابدا اعداء اليوم يكونوا اصدقاء بكرة يابت امى ؟!!
قولى الجواك كلو واهو نتعلم من البورداب حبيبة
|
Post: #60
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: طارق جبريل
Date: 11-07-2007, 02:05 PM
Parent: #1
نادية كيفنك
تعلمت حب الناس من جديد
بس اهم حاجة
قدرت اكتب عن الطُلب والبنايين وعن حبهم
|
Post: #69
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-07-2007, 11:50 PM
Parent: #60
طارق جبريل
سلامات كميات
Quote: بس اهم حاجة
قدرت اكتب عن الطُلب والبنايين وعن حبهم |
وده سمح جدا جدا .. تسلم ياااارب
|
Post: #61
Title: Re: بمنتهى الصراحة ..
Author: انعام حيمورة
Date: 11-07-2007, 02:27 PM
Parent: #1
ندوية العسل ...
العمل العام ( سمح شديد)
حب الناس ( سمح شديد)
| Quote: أكعب شيء .. هو أن يعاديك عضو هنا عن سوء فهم لما ترمي إليه ... |
أكعب شيء .. هو أن يعاديك عضو هنا عن سوء فهم دون ان ترمي إليه ... (كعب شديد)
|
Post: #62
Title: Re: بمنتهى الصراحة ..
Author: محمد صباحى
Date: 11-07-2007, 03:02 PM
Parent: #61
سلام نادية
تعلمت أن أحب غيري دون شروط.
تعلمت أن أمد يد العون لمن أرادها، وأن أكون حاضرة لمن لم يطلبها بعد.
تعلمت بأن هناك أخاً وأختاً لم تلدهم أمهاتنا برغم أننا لم نراهم ولم نستمع لأصواتهم
ولكننا لا نستطيع الإستغناء عن شهامتهم وطيب قلوبهم
|
Post: #64
Title: Re: بمنتهى الصراحة ..
Author: معتز القريش
Date: 11-07-2007, 04:03 PM
Parent: #62
السمح كتير ما بقدر أعدو ...
الكعب ـ سـفّــــرت نسواني كلهن وقعدت مقابل المنبر
|
Post: #72
Title: Re: بمنتهى الصراحة ..
Author: نادية عثمان
Date: 11-08-2007, 01:22 PM
Parent: #64
معتز القريش
| Quote: الكعب ـ سـفّــــرت نسواني كلهن وقعدت مقابل المنبر |
بالغت عدددددددديل ده (كعب) شديد جدا لكن !! 
|
Post: #71
Title: Re: بمنتهى الصراحة ..
Author: نادية عثمان
Date: 11-08-2007, 12:43 PM
Parent: #62
محمد صباحى
انت اخو معتز صباحى الفنان الجميل داك ؟!
Quote: تعلمت بأن هناك أخاً وأختاً لم تلدهم أمهاتنا برغم أننا لم نراهم ولم نستمع لأصواتهم
ولكننا لا نستطيع الإستغناء عن شهامتهم وطيب قلوبهم
|
وما اظن فى اجمل من كده فى الدنيا (سمح لمن سمح ) !
|
Post: #70
Title: Re: بمنتهى الصراحة ..
Author: نادية عثمان
Date: 11-08-2007, 00:35 AM
Parent: #61
انعام حيمورة
سلامات كتارااااات
| Quote: حب الناس ( سمح شديد) |
والله ده نعمة من ربنا ان شاء الله ينعم علينا بيها ومايحرمنا منها ابددددددددا يارب ..(سسسسمح جدا)
|
Post: #65
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: AnwarKing
Date: 11-07-2007, 04:37 PM
Parent: #1
تحياتي نادية وعوداً حميداًُ بعد طول فراق (سمح)
أهو دي واحدة من ابعاد البورد الاجتماعية... مجتمع بحق...
والتحية لضيوف البوست (سمح برضو)...
تعلمت ان أقرأ بعقل مفتوح جداً ، والا اضع ثابتاً غير قابل للتغير ، فإمكانية النقاش ذا المصادر المتعددة مفيدة للجميع (موش سمح؟)
في ناس هنا وان لم يعودوا متواجدين الآن ، أثروا فيّ بشكل كبير جداً ، أهديهم عبر بوستك أسمى آيات المحبة
على سبيل المثال لا الحصر (إيمان أحمد ، رودا مردا ، عبد الله بولا ونجاة محمد علي ، د.عباس مصطفى صادق، حنينة وخالد الحاج والعتبى لمن سقط اسمهم/هن سهواً) (سمح خالس)
في ناس هنا اتمنى ان لا ينقطع عطائهم/هم\ن ، أهديهم عبر بوستك أرقّ أزهار المودة...
على سبيل المثال لا الحصر ( أ.محسن خالد ، أ. يوسف الموصلي ، أ. عبد المنعم عجب الفيا، أ. تماضر شيخ الدين ، د.إشراقة مصطفى) وعذراً لمن سقط اسمهم/هن سهوا)
وقد أعود للتكملة(....) ( دي واحدة من الجاكات الاتعلمناها هنا يا نادية )
أنور
|
Post: #67
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohamed Ahmaed Olyesh
Date: 11-07-2007, 11:29 PM
Parent: #65
فى داعي الواحد يصاقر الجهاز ده علا نسوي شنو ااجماعة الله
زي ماقت لك ناديه دابي جيت وتلبت تللبت علي النصيبه دي وباقيلي بقوم صباحي من هنا
العاقبه عندكم
كعب شديد
عليش
|
Post: #77
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-08-2007, 11:00 PM
Parent: #67
Quote: فى داعي الواحد يصاقر الجهاز ده علا نسوي شنو ااجماعة الله
زي ماقت لك ناديه دابي جيت وتلبت تللبت علي النصيبه دي وباقيلي بقوم صباحي من هنا
العاقبه عندكم
كعب شديد |
فعلا حالة صعبة ياعليش !!
الله يكون فى العون بس
|
Post: #75
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-08-2007, 01:49 PM
Parent: #65
انور العزيز
سلامات كتارات جدا وبركة الشفناك طيب
| Quote: تعلمت ان أقرأ بعقل مفتوح جداً ، والا اضع ثابتاً غير قابل للتغير ، فإمكانية النقاش ذا المصادر المتعددة مفيدة للجميع (موش سمح؟) |
سمح شديد طبعا ..
| Quote: وقد أعود للتكملة(....) ( دي واحدة من الجاكات الاتعلمناها هنا يا نادية ) |
لازم تعود طبعا وماتنسى تجيب معاك الجاكات
|
Post: #73
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: اسامة الخاتم
Date: 11-08-2007, 01:41 PM
Parent: #1
اتعلمت انو اوقف كتابة فى المنبر و اكتفى احيانا بالقراءة ( سمح ولا.. كعب)
تحياتى
|
Post: #76
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Elawad Eltayeb
Date: 11-08-2007, 10:20 PM
Parent: #73
تعلمت إنو ما ضروري يكون عندي "مكتبة بإسمي" أو "أفتح بوست جديد"، إلاّ إذا كان الموضوع جديد والفكرة متفردة ومفيدة وعندي الزمن للمتابعة والقدرة على الرد،
وتعلمت إنو الأهم أن أدخل كل بورد إيجابي أتعلم منو وأشارك وأدعم الأفكار الإيجابية والخيرة. وأرمي لي قدام..
تعلمت أن أتحاشى الشهرة وأقاوم حب الظهور.
أتمنى أن أواصل إلزام نفسي أن لا أشارك في أي بوست مشاتر.
تعلمت هنا كيف أكون فاعل وأحول أي فكرة ممكنة التنفيذ لخطة عمل.
وتعلمت أن الخير دائماً يسود ويبقى مهما طال الزمن.
وعرفت إنو في ناس بحبو السودان بالفعل مش بالكلام.
|
Post: #78
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mouiz Hashim
Date: 11-08-2007, 11:17 PM
Parent: #76
تعلمت
أن الكلمة الطيبة كشجرة طيبة أصلها ثابت وفرعها في السماء (سمح)
تعلمت
لمن اجي البيت و غادة تكون فاتحة سودانيزاونلاين ما حيكون في غدا (كعب عالي)
|
Post: #84
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-09-2007, 01:09 AM
Parent: #78
Mouiz Hashim
Quote: تعلمت
أن الكلمة الطيبة كشجرة طيبة أصلها ثابت وفرعها في السماء (سمح) |
وتيب ؟!!
Quote: تعلمت
لمن اجي البيت و غادة تكون فاتحة سودانيزاونلاين ما حيكون في غدا (كعب عالي) |
ماانت كمان ماتبالغ يعنى غادة تقعد تسوى ليك فى الغداء وتخلى بوست القطيعة بتاعة الامريكان يحرق ؟!  
|
Post: #83
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-09-2007, 00:48 AM
Parent: #76
العوض الطيب
سلامات كتارات
| Quote: تعلمت إنو ما ضروري يكون عندي "مكتبة بإسمي" أو "أفتح بوست جديد"، إلاّ إذا كان الموضوع جديد والفكرة متفردة ومفيدة وعندي الزمن للمتابعة والقدرة على الرد، |
ياسلااااااام اها ده تواضع وفهم سمح جدا جدا
| Quote: أتمنى أن أواصل إلزام نفسي أن لا أشارك في أي بوست مشاتر. |
وده اسمح من السماحة فى حد سماحتها زاتها !
| Quote: وتعلمت أن الخير دائماً يسود ويبقى مهما طال الزمن. |
اها فى سماحة اكتر من كده بالله ؟!!
|
Post: #80
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-08-2007, 11:49 PM
Parent: #73
اسامة الخاتم سلامات
| Quote: اتعلمت انو اوقف كتابة فى المنبر و اكتفى احيانا بالقراءة ( سمح ولا.. كعب) |
سمح وكعب فى آن !!
قولى لى كيف ؟!!
والله جد!!
سمح لانو احيانا التوقف لقراءة مايكتب مهم !
وكعب او تحرمنا من كتاباتك خااالص كلو كلو !!
شفت كيف !!
|
Post: #79
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: بخاري عثمان الامين
Date: 11-08-2007, 11:26 PM
Parent: #1
تعلمت ان المنبر يفتح افاقا واسعة
لمبادرات تخدم قضايا هذا الشعب وتنجح
دائما :-
وليد دارفور
امونة ست الشاي
المدرسة بدار السلام الحاج يوسف .. كله سمح
تعلمت انه ( احيانا ) اذا اختلف معك احدهم فربما
طلعت ............
|
Post: #85
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-09-2007, 01:32 AM
Parent: #79
بخاري عثمان الامين
Quote: تعلمت ان المنبر يفتح افاقا واسعة
لمبادرات تخدم قضايا هذا الشعب وتنجح
دائما :-
وليد دارفور
امونة ست الشاي
المدرسة بدار السلام الحاج يوسف .. كله سمح |
صدقت والله يابخارى اخوى دى من اسمح الحاجات البتحصل فى منبر بكرى ده ..
Quote: تعلمت انه ( احيانا ) اذا اختلف معك احدهم فربما
طلعت ............ |
ممممممممممممممم
اها ده اكعب اكعب اكعب شئ
|
Post: #81
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: قاسم المهداوى
Date: 11-09-2007, 00:01 AM
Parent: #1
Quote: Úä äÝÓì
ÊÚáãÊ ÇáÕÈÑ Úáì ÇáÃÐì (ÓãÍ
æ
ÊÚáãÊ ÇáÍÑÕ Ýì ÇáÊÚÇãá (ÓãÍ
æ
ÊÚáãÊ ÇáÓåÑ (ßÚÈ!!
æ
ÊÚáãÊ ÇáÕÈÑ Úáì ÇáÌæÚ ÚÔÇä ÇÑÏ Úáì ÈæÓÊ áãÇ ÇáÇßá íÈÑÏ æíØáÚ ãä äÝÓì (ßÚÈ !!
ÇåÇ æÇäÊæ ßíÝ ÈÇáÌÏ ÔÏíÏ ¿!!
ها وانتو كيف بالجد شديد ؟!! |
اها انا كدا ....و........!!!!
قاسم
|
Post: #82
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: غادة عبدالعزيز خالد
Date: 11-09-2007, 00:20 AM
Parent: #81
Quote: تعلمت
لمن اجي البيت و غادة تكون فاتحة سودانيزاونلاين ما حيكون في غدا (كعب عالي)
|
سودانييز أونلاين طلعت فضائح البيوت بره
كده يا معز؟
عاجبك الكلام ده يا ندوية..
حسه جبتي لينا الهوا
محبتي
غادة
|
Post: #86
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Muna Khugali
Date: 11-09-2007, 01:37 AM
Parent: #82
طيب يا ندويه..
اتعلمت اشاركم الفرح والحزن.. سمح
اتعلمت اوصل فكرتي بالكتايه..يعني ما قاعده لتم شرحي باشارات اليدين..سمح
اتعلمت اضحك براي مع الكومبيوتر لما اقرا حاجه مضحكه كاتبها زول...سمح
اتعلمت الصبر...سمح
أدبت نفسي أكتر...سمح
اتعلمت أشوف كلام كعب بدون ما يغمي عليا...شين
اتعلمت بالزمن أعرف بتحديد أكبر الميول والألتزامات السياسيه لكتير من الزملاء والزميلات..
افتكر سمح..
اتعلمت اشرب قهوه أكتر..سمح للمزاج كعب للصحه..
قلت قراءاتي للكتب..كعب جدا..
قلت ساعات نومي...افتكر كعب..
اتعلمت اوسع دائرة علاقاتي بالناس الحلوه هنا واتعرف بأسرهم...حلو جدا جدا..
كفي الليله ..موش؟
|
Post: #95
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-09-2007, 02:53 PM
Parent: #86
منمن حبيبة قلبى من جوة
| Quote: اتعلمت اضحك براي مع الكومبيوتر لما اقرا حاجه مضحكه كاتبها زول...سمح |
انا زااااااااتى زيك وده جنون سمح
| Quote: اتعلمت اشرب قهوه أكتر..سمح للمزاج كعب للصحه.. |
وانا مشكلتى بنسى اشرب اى حاجة وانا مصاقرة منبر بكرى ده (كعب جدا )
| Quote: قلت قراءاتي للكتب..كعب جدا.. |
نفس الملامح والشبه يامنى !! كعب جدا
| Quote: اتعلمت اوسع دائرة علاقاتي بالناس الحلوه هنا واتعرف بأسرهم...حلو جدا جدا.. |
اسمح من السماحة زاتها ياعسل
كونى بالف خير ياحبيبة
|
Post: #88
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-09-2007, 01:51 AM
Parent: #82
غادة السمحة شديد
| Quote: سودانييز أونلاين طلعت فضائح البيوت بره |
سودانيز اون لاين موش حاتأدر تغمض عينيك
الاثارة
التشويق
الفضائح
المجاملات
الحب
العيش
اللبان
الاى حاجة
Quote: كده يا معز؟
عاجبك الكلام ده يا ندوية..
حسه جبتي لينا الهوا |
انتى كمان يادودى ماتبالغى .. يعنى ياغادة ود الناس ده كل يوم يتغدى كشرى ذنبو انو جاب ليك كمبيوتر فيهو سودانيز اون لاين 
|
Post: #87
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-09-2007, 01:43 AM
Parent: #81
ود المهدوى
قا
سمح
جدا
كدا كيف
|
Post: #89
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: قاسم المهداوى
Date: 11-09-2007, 03:34 AM
Parent: #87
Quote: ود المهدوى
قا
سمح
جدا
كدا كيف |
نادية عثمان مختار..... كدا كيف ولا ازيد شوية !!!!
طبعا اضحيت كمن ينتقص الناس أحرف اسمائهم اجباريا
وتلك اشكالية يجب حلحلتها وتفكيكها واعادة تراتيبها
قبيل فوات النهار وليس الاوان
يا زولا انا المهداأأأأأأأأأأأأأأأأأأأأأأأأأوى وليس المهدوى
سلام
قاسم
|
Post: #90
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: النذير حجازي
Date: 11-09-2007, 03:58 AM
Parent: #89
الأستاذة نادية عثمان عوداً حميداً ومنورة البورد،
ما تعلمته من غوغاء سودانيز أون لاين هو العمل بهذه الحكمة وأعز الله قائلها:
والصمتُ عن جاهلٍ أو أحمقٍ شرفُ....... وفيه أيضاً لصونِ العرض إصلاحُ
أما ترى الأسدَ تخشى وهي صامتةٌ؟! ........ والكلبُ يخزى لعمرُ اللهِ نباحُ؟!
|
Post: #99
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:15 AM
Parent: #90
الرائع النذير حجازى
Quote: ما تعلمته من غوغاء سودانيز أون لاين هو العمل بهذه الحكمة وأعز الله قائلها:
والصمتُ عن جاهلٍ أو أحمقٍ شرفُ....... وفيه أيضاً لصونِ العرض إصلاحُ
أما ترى الأسدَ تخشى وهي صامتةٌ؟! ........ والكلبُ يخزى لعمرُ اللهِ نباحُ؟! |
لله درك اخى الاكرم
ولكن اعتقد ان المنبر كما به من الغوغاء كما جاء فى وصفك فهناك ايضا اروع الناس وانت منهم
يلا تعال قول برضو السمح الاتعلمتو من سودانيز اون لاين سمح ؟!
|
Post: #98
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:01 AM
Parent: #89
| Quote: نادية عثمان مختار..... كدا كيف ولا ازيد شوية !!!! |
الاستاذ قاسم المهداوى
مرحب بيك وبى مرورك الباهى دوما
وكن بالف خير دوما
|
Post: #91
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohammed Ibrahim Othman
Date: 11-09-2007, 06:51 AM
Parent: #1
الأخت نادية عثمان قريبتنا مع اني عاتب عليك ما شاركتي في منتديات سالي حتى الان وبتقولي قريبتنا ...http://www.sally2.net/vb...ولسه بنعشم مع درياتنا بمشغولياتك أختي ...
السمح :
_ المنبر جامع بجد لكل التباينات والاختلافات (انا بعتبر دا من ذكاء بكري )بحيث لا تطغي فئة على فئة الكل ممكن يكتب وممكن يرد ...بدون ميل لفئة محددة ...
_اجتماع الناس معاك في محنتك رغم اختلافهم معك او حتى لو ولعو معك للطيش ..(عجبني جدااا)...
_ العمل الطوعي الخيري (امثال انعام حيمور ،تبلدينا ،منظمة اميرة للاحتياجات الخاصة،رابطة خريجي مدرسة ابي كدوك المتوسطة النموزجية (مهندس حسن زمراوي ) ...الخ)...
_ معرفة نوابغناالبنفخر بيهم (بوستات المهندس بكري ابوبكر )وصراحة برسلها لكل الزملاء عندنا من
شدة فخري ...
_ دراسات مفيدة (امثال عمار يس ،د /اشراقة ...الخ)...
_ معالجة سلبيات الغربة (كموضوع الاخت عواطف عن اعدام طالبة ثانوي )...
_ جمعنا بزملاء دراسة شتتهم الحياة (تواصل خريجي مدرسة المؤتمر الثانوية ...لكاتبه المهندس ابراهيم محمد الحسن ..)..
_ اشتمال على جوانبنا الدينية (بوستات لمعتز قريش ،صالح عبده وقرشو وبت الاحفاد ...)..
_ تعلمت التسامح (وفي بالي بت الاحفاد ...وكلمتها الطيبة ...والحين دومة ...ونتي كماان يانادية كلامك طيب ...واخرون ...)..
|
Post: #92
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohammed Ibrahim Othman
Date: 11-09-2007, 07:05 AM
Parent: #91
الكعب :
_ عرفت انه في ناااس بيكروهنا لدرجة العمى فقط لاننا ولدنا من ابوين شماليين ويطلقو علينا جلابة ،ويتمنو لو يفنونا من الوجود ....
_ عرفت انو في جراءة سيئة في كتابة عناوين البوستات ...بدون اعتبارات لشدتها علينا ولحريمنا واخواتنا وعيالنا ....تورعت عن مطالعة امام عيالي حتى اتاكد من خلوه من عبارات نابئة مقززة ...
_ عرفت انه نحن عاطفيين جدااا وممكن واحد لو فهم كتابتك خطأ ...يتهمك بابشع التهم ويعاديك اشد العداوة ...
_عرفت ان بعض الناس بتدافع عن بعض فقط بسبب الميول الحزبية او الجهوية ...
_ تعلمت ما اقول كل ارائي ...لان هناك من يطالب بالديمقراطية ويمنعها منااذا اختلفنا معه في ارائه ...
_ عرفت انه ممكن يجتمع عليك نفر لاغتيال شخصيتك المعنوية بنشر الاشاعات والتهم ...
اها يانادية قصرنا معاك ...قلنا ارائنا بكل صراحة والله ...
|
Post: #101
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:44 AM
Parent: #92
Mohammed Ibrahim Othman
| Quote: عرفت انه في ناااس بيكروهنا لدرجة العمى فقط لاننا ولدنا من ابوين شماليين ويطلقو علينا جلابة ،ويتمنو لو يفنونا من الوجود |
ياساتر يارب ..ربنا يهدى النفوس يارب !!!
| Quote: عرفت انو في جراءة سيئة في كتابة عناوين البوستات ...بدون اعتبارات لشدتها علينا ولحريمنا واخواتنا وعيالنا ....تورعت عن مطالعة امام عيالي حتى اتاكد من خلوه من عبارات نابئة مقززة ... |
والله ده شئ مؤسف فعلا .. لكن الحمد لله برضو فى بوستات راقية وجميلة ومصادمة وحقيقية يعنى فى وفى وهنا يكم العزاء والسلوى سمح ؟!
|
Post: #100
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:29 AM
Parent: #91
Mohammed Ibrahim Othman
تسلم من كل شر يارب
الموقع بتاعك رفض يفتح معاى والله
| Quote: تعلمت التسامح (وفي بالي بت الاحفاد ...وكلمتها الطيبة ...والحين دومة ...ونتي كماان يانادية كلامك طيب ...واخرون ...).. |
تسلم وكتر خيرك ايها النبيل جدا
|
Post: #107
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: Mohammed Ibrahim Othman
Date: 11-10-2007, 06:22 PM
Parent: #100
Quote: Author: نادية عثمان
تسلم من كل شر يارب
الموقع بتاعك رفض يفتح معاى والله |
حاولي الرابط التالي ونتشرف بزيارتك :
http://www.sally2.net/vb
|
Post: #93
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: lana mahdi
Date: 11-09-2007, 07:33 AM
Parent: #1
نسيت أقول
إتعلمتا تقل الدم
(كعععععععععععععععععععععععععععب)
|
Post: #97
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 01:50 AM
Parent: #93
لنويااااااااااااا
Quote: نسيت أقول
إتعلمتا تقل الدم
(كعععععععععععععععععععععععععععب |
والله دمك عسسسسسسسسسسسسل حتى لو قلتى غير ذلك ياصاحبة الدم الشرباااااااات
|
Post: #119
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: adam khatir
Date: 11-12-2007, 07:07 AM
Parent: #97
تعلمت كيف تتاح الحريات ويعبر عنها ... وهذا سمح
ولكن عرفنا كيف يساء استخدام الحريات ..... وهذا كعب
تعلمت كيف يكرمنا الاخ بكرى عبر هذه النافذة التى تحمد لهبمنبر فريد فى بلاد فريدة بخصائها وشعبها لا قيادتها مما يوجب شكرنا وتقديرنا
ولكن كم منا احسن اكرام الرجل والتزم الضوابط ، وكم كرس للصراع والجنوح والاساءة والمغالاة والفجور غير المباشرة دونما كابح
تعلمت كيف يجسد الحديث ( من سن سنة حسنة له أجرها وأجر من يعمل بها الى يوم القيامة ، ومن سن سنة سيئة له وزرها ووز من عمل بها الى يوم القيام ) وهذه حمالة أوجه .....كل حسب احسانه وعطائه ...
تعلمت كيف تكون المؤازرة ونصرة الحق والتعاطف ، وعرفت كيف يتجمع الباطل ويتراكم ويستشرى ....
تعلمت كيف تأتى الاخبار والتهانى وبرقيات المؤاساة ، وعرفت كيف تنسج الشائعات وبذور الفتنة التى طالما هى نائمة ....
تعلمت أين يسمو الانسان باصله وفكره وحسبه ومنطقته ودولته ، وعرفت كيف تمزق الاوصال وتنشر العرقيات والجهويات على نحو مقيت ...
تعلمت كيف نتعاطى السياسة وننشر الديمقراطية والحكم الراشد وحقوق الانسان .... وعرفت ازدواجية المعايير فى الباس الباطل ثوب الحق ...
تعلمت كيف يمكننا أن نصنع وحدة لبلادنا وأمنا لشعبنا ... وعرفت كيف تمزق البلدان بايدى بنيها ويهدد أمنها واستقرارها ...
تعلمت كيف يكون حسن الخلق لهوية السودانى وسماحته .... وعرفت كيف نتبرأ من فعال ليست من أخلاق أمتنا ....
عرفت كيف يكون الاخاء بلحمة الدين والوطن ... وعرفت خلافه على نحو تجاوز الاعراف والمعايير الضابطة للخلق ...
تعلمت كيف نبنى وطنا على هدى المورورث والحضارة والثقافة المتنوعة والاخذ باسباب الرقى والتطور بمقدار ، وعرفت يكون الانفلات والتطبيق الاعمى للثقافة الوافدة دون تبصرة او تمحيص .....
تعلمت كيف اكون موضوعيا ومنطقيا وعقلانيا ... وعرفت كيف يكون خلافهما ...
وبغير اطالة عرفتك انت نادية الانسانة بكسبها وقلمها وخاطرها الذى يأبى أن نكون الا ابناءا لامتنا وصوتها .... ودونك آخرين ... ومن هم غير ذلك ادعو الله لى ولهم الهداية والعافية ... والحفظ لبلادنا
|
Post: #121
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-12-2007, 01:13 PM
Parent: #119
الانسان النبيل ..الانسان بحق ..الكريم الاخلاق .. الجميل الدواخل
الاستاذ ادم خاطر
Quote: تعلمت كيف تتاح الحريات ويعبر عنها ... وهذا سمح
ولكن عرفنا كيف يساء استخدام الحريات ..... وهذا كعب
تعلمت كيف يكرمنا الاخ بكرى عبر هذه النافذة التى تحمد لهبمنبر فريد فى بلاد فريدة بخصائها وشعبها لا قيادتها مما يوجب شكرنا وتقديرنا
ولكن كم منا احسن اكرام الرجل والتزم الضوابط ، وكم كرس للصراع والجنوح والاساءة والمغالاة والفجور غير المباشرة دونما كابح
تعلمت كيف يجسد الحديث ( من سن سنة حسنة له أجرها وأجر من يعمل بها الى يوم القيامة ، ومن سن سنة سيئة له وزرها ووز من عمل بها الى يوم القيام ) وهذه حمالة أوجه .....كل حسب احسانه وعطائه ...
تعلمت كيف تكون المؤازرة ونصرة الحق والتعاطف ، وعرفت كيف يتجمع الباطل ويتراكم ويستشرى ....
تعلمت كيف تأتى الاخبار والتهانى وبرقيات المؤاساة ، وعرفت كيف تنسج الشائعات وبذور الفتنة التى طالما هى نائمة ....
تعلمت أين يسمو الانسان باصله وفكره وحسبه ومنطقته ودولته ، وعرفت كيف تمزق الاوصال وتنشر العرقيات والجهويات على نحو مقيت ...
تعلمت كيف نتعاطى السياسة وننشر الديمقراطية والحكم الراشد وحقوق الانسان .... وعرفت ازدواجية المعايير فى الباس الباطل ثوب الحق ...
تعلمت كيف يمكننا أن نصنع وحدة لبلادنا وأمنا لشعبنا ... وعرفت كيف تمزق البلدان بايدى بنيها ويهدد أمنها واستقرارها ...
تعلمت كيف يكون حسن الخلق لهوية السودانى وسماحته .... وعرفت كيف نتبرأ من فعال ليست من أخلاق أمتنا ....
عرفت كيف يكون الاخاء بلحمة الدين والوطن ... وعرفت خلافه على نحو تجاوز الاعراف والمعايير الضابطة للخلق ...
تعلمت كيف نبنى وطنا على هدى المورورث والحضارة والثقافة المتنوعة والاخذ باسباب الرقى والتطور بمقدار ، وعرفت يكون الانفلات والتطبيق الاعمى للثقافة الوافدة دون تبصرة او تمحيص .....
تعلمت كيف اكون موضوعيا ومنطقيا وعقلانيا ... وعرفت كيف يكون خلافهما ...
وبغير اطالة عرفتك انت نادية الانسانة بكسبها وقلمها وخاطرها الذى يأبى أن نكون الا ابناءا لامتنا وصوتها .... ودونك آخرين ... ومن هم غير ذلك ادعو الله لى ولهم الهداية والعافية ... والحفظ لبلادنا |
لا اظن اننى استطيع ان اعلق على كل هذه الروعة والعقلانية والموضوعية سوى بكلمة واحدة هى (سمممممممممممح جدا جدا جدا )
ربنا يحفظك ويغطيك ايها الرجل القامة .. الانسان بحق ..
|
Post: #127
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: حبيب نورة
Date: 12-08-2007, 09:27 AM
Parent: #93
حمد الله علي السلامة
يا ست الكل
أتعلمت أشتاق ليك
(كعب)
شكرن كتيرن!
|
Post: #128
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 12-08-2007, 08:19 PM
Parent: #127
حبيب نورة ياولدنا الغاااااااااااااالى
Quote: حمد الله علي السلامة
يا ست الكل
أتعلمت أشتاق ليك
(كعب)
شكرن كتيرن! |
والله انك بخير ده (اسمح) سمممممممممممممممح
تعال تانى وماتغيب ياحبيب نورة ياخ سمح؟
|
Post: #94
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: اسامة الخاتم
Date: 11-09-2007, 10:35 AM
Parent: #1
| Quote: وكعب او تحرمنا من كتاباتك خااالص كلو كلو |
طيب يا نادية
دا تشجيع كويس
نحاول نجرب تانى يمكن المرة دى تبقى سمحة يا...
و شكرا ليك
|
Post: #96
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: saif massad ali
Date: 11-09-2007, 05:33 PM
Parent: #94
تعلمت اجدع بالحجار تذكرى فلقتك كيف
|
Post: #103
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:57 AM
Parent: #96
الاخ سيف مساعد على
شكرا على المرور
وكن بالف خير
|
Post: #102
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:55 AM
Parent: #94
اسامة الخاتم
Quote: طيب يا نادية
دا تشجيع كويس
نحاول نجرب تانى يمكن المرة دى تبقى سمحة |
حاتبقى سمحة اكيييييييد يلا بس ابدأ بسم الله سمح ؟!!
|
Post: #104
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: mohmed khalail
Date: 11-10-2007, 03:47 AM
Parent: #102
نادية عثمان (الما فيهاش حاجة غلط)
المسهرك لحدي هسي شنوووو (كعب)
اها في بوستينك ده اقول ليك اتعلمت اكون صاحب بالين. بال في الشغل وبال في المنبر(كعب)
حب الشمارات الفي المنبر (كعب)
محاولة ارضاء كل الناس(كعب)
الاتهام بحب بوستات الجكس( )
كمان اتعلمت اكتب جادي جدا ومواضيع هادفة مافي زول اشتغل بيها(كعبببببب)
اكتب مواضيع خفيفة ونظام دردشه تعجب الناس(سمح بالحيل)
ونواصل في الحلقة القادمة
|
Post: #105
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 10:12 AM
Parent: #104
mohmed khalail
| Quote: اها في بوستينك ده اقول ليك اتعلمت اكون صاحب بالين. بال في الشغل وبال في المنبر(كعب) |
كعب شديد الله يسامح بكرى المعطل لينا (دولاب) العمل
| Quote: الاتهام بحب بوستات الجكس |
تهمة لا تنكرها وشرف لا تدعيه
| Quote: كمان اتعلمت اكتب جادي جدا ومواضيع هادفة مافي زول اشتغل بيها |
لا طبعا انت بس واظب على البوست واصبر واكييييييييييد حاتلقى (البهببو) ليك سمح
|
Post: #106
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-10-2007, 02:09 PM
Parent: #105
واتعلمت اعمل الوشوش الباسمة والغامزة وعقبال وضع الصور (سمح) !
لكن النصيحة لى الله الحركة دى علمنى ليها ناذر الخليفة العريس الله يطراهو بالخير ..
|
Post: #108
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: mohmed khalail
Date: 11-10-2007, 08:55 PM
Parent: #106
| Quote: تهمة لا تنكرها وشرف لا تدعيه |
عرفتي..كيييييييييييف؟؟؟؟؟؟؟!!!!!!!!!
|
Post: #109
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: mohmed khalail
Date: 11-10-2007, 08:58 PM
Parent: #108
| Quote: واكييييييييييد حاتلقى (البهببو) ليك سمح |
خليتيني اضحك براي زي المجنون اها جنس ده كععععبببببب
|
Post: #110
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-11-2007, 02:42 AM
Parent: #108
| Quote: عرفتي..كيييييييييييف؟؟؟؟؟؟؟!!!!!!!!! |
موش ولدنا من بحرى ؟
|
Post: #111
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: معتصم دفع الله
Date: 11-11-2007, 09:53 AM
Parent: #1
ندوية ازيك ..
ومشتاقووون ياخ ..
المنبر دا حالة خاصة جداً ..
يعني أي زول يمكن يلقى فيهو نفسه ..
فيهو حاجات (سمحة) كتير وأخرى (كععععبة) شديد ..
بس الحاجة الكعبة شديد انو في ناس حلوين هجروه وهذه بمثابة دعوة لهم للرجوع ..
ونقول ليهم أي حاجة سمحة هنا بكم ..
|
Post: #112
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-11-2007, 01:36 PM
Parent: #111
ممو سلااااااااااام
Quote: بس الحاجة الكعبة شديد انو في ناس حلوين هجروه وهذه بمثابة دعوة لهم للرجوع ..
ونقول ليهم أي حاجة سمحة هنا بكم .. |
يارب يرجعوا كل الحلوين ياااااااارب
وانت زاتك ماتغيب كتير سمح ؟
|
Post: #113
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: haroon diyab
Date: 11-11-2007, 02:10 PM
Parent: #1
اتعلمت اكسر التلج ( كعب شديييييييييييييييييد)
اتعلمت اساهر كتيييييييييييييير ( كعب)
اتعلمت احاسب نفسي قبل كل كلمة اكتبه ( سمح )
اتعلمت الجدية في العمل الاجتماعي ( سمح )
بديت اتعلم معني العنصرية لاهلي الدناقلة ( دي ماعارفه سمحة ولا كعبة....!)
تحياتي
هارون دياب
|
Post: #114
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-11-2007, 02:37 PM
Parent: #113
هارون دياب امبس
ان هال مندى
كمبو شديد
| Quote: بديت اتعلم معني العنصرية لاهلي الدناقلة ( دي ماعارفه سمحة ولا كعبة....!) |
مممممممممم كعععععععععععب شديد طبعا .. لا للعنصرية بشتى صورها لا لا لا
|
Post: #115
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: haroon diyab
Date: 11-11-2007, 03:59 PM
Parent: #114
استاذة / نادية
مساء الخير
| Quote: كعععععععععععب شديد طبعا .. لا للعنصرية بشتى صورها لا لا لا |
ياريت القاعدين يتهمونا باننا جلابة يفهموا كده .
رسالتك وصلت ويديكي العافية
تحياتي
هارون دياب
|
Post: #116
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-11-2007, 11:33 PM
Parent: #115
الاكرم هارون اخوى
سلامات تانى
| Quote: ياريت القاعدين يتهمونا باننا جلابة يفهموا كده . |
هو مصطلح (جلابى) يطلق على الرجل بس ولو فى نساء (جلابيات) او (جلاليب) مثلا ؟
|
Post: #117
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: عبدالله داش
Date: 11-12-2007, 00:29 AM
Parent: #1
تعلمت أشياء
أحتاجها كزاد يومى
لايمكننى الإستغناء عنها أبداً
كالنقيضين
السكر والملح
أشتهى الملح لما يشرقنى العسل
وأسرف فى العسل لما يغلبنى الملح
بس بشوف لي حل مع الإدمان المستعصى دا
ناديه
لك التحيه
|
Post: #118
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-12-2007, 01:00 AM
Parent: #117
عبد الله داش
التحايا كميااااات
Quote: كالنقيضين
السكر والملح |
صدقت والله
سودانيز اون لاين زى السكر والملح ولا يمكن الاستغناء عن كليهما !!
|
Post: #122
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-13-2007, 02:16 AM
Parent: #118
التقيت اولاد مسقط رأسى الشعبية (سمح )
|
Post: #123
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 11-13-2007, 12:20 PM
Parent: #122
تعطيل دولاب العمل بسبب متابعة الردود على البوستات او قراءتها (كعععععععب)!!
|
Post: #124
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: محمد عبد الماجد الصايم
Date: 12-07-2007, 03:46 PM
Parent: #1
اتساع الرؤية حول عدد من القضايا بسبب مداخلات الأعضاء (سمح)
متابعة الأخبار بصورة سريعة وبدون تحفظ (سمح)
تطيل العمل .. تعطيل شديد خلاص (كعب)
زيادة وقت البورد على حساب الخروج من البيت (أكعب من الكعب)
أها جبت ليك المرحوم ده من الحارة 27 (دي ما عارف تكون شنو)
|
Post: #125
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 12-07-2007, 05:29 PM
Parent: #124
ود الصايم اخوى سلاااااااااااام
| Quote: أها جبت ليك المرحوم ده من الحارة 27 (دي ما عارف تكون شنو) |
ده يكون الزهايمر بسبب منبر بكرى لانى اصلا نسيت انو انا الكاتبة البوست ده !!(كععععععععععب)
|
Post: #126
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: مجاهد عبد الرحمن
Date: 12-08-2007, 07:30 AM
Parent: #125
العزيزة نادية
ألف مرحب بي عودتك
سعداء حقيقة
بالله ما تغيبي .... ياخ(سمح)...
الواحد هنا بيتعلم كتير يانادية
لي عودة لها ...
مرحباً بك ...
|
Post: #129
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 12-08-2007, 08:22 PM
Parent: #126
مجاهد عبد الرحمن سلاااااااااااااامات
(ان عدتم عدنا ) اها العبارة دى من زماااان مالاقية ليها مكان مناسب وهسى لقيت يلا عد انت ولا تغب برضووووو و(ان عدتم عدنا )
|
Post: #130
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: محمد عبد الماجد الصايم
Date: 12-09-2007, 09:45 AM
Parent: #1
عدنا ولم نجدكم
مشيتو (تعودو) ولا شنو؟؟؟؟
|
Post: #131
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 12-09-2007, 02:26 PM
Parent: #130
ود الصايم
| Quote: مشيتو (تعودو) ولا شنو؟؟؟؟ |
مشينا مشوار لحدى سمسار الشقق و(عدنا) ياابو سوق نائم
|
Post: #132
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: محمد عبد الماجد الصايم
Date: 12-09-2007, 03:14 PM
Parent: #1
نحن ناس السوق وعارفنو .. يوم بنوم ويوم بفوق
الدور عليكم
لو ما الزهايمر بتاعك بوستيك ده مش كان العزا بتاعو انتهى
والله لقيتو ليك ورااا هناااااااااااااااااااك حالتو تحنن الـ (****)
خرمجة:
(****) = الكافر
عشان ما يجو يقولو ليك ظــ*** ومســ****
|
Post: #133
Title: Re: بمنتهى الصراحة ..واجه نفسك ..ماالذى تعلمته من منبر سودانيز اون لاين (سمح وكعب)؟!!
Author: نادية عثمان
Date: 12-09-2007, 04:59 PM
Parent: #132
| Quote: والله لقيتو ليك ورااا هناااااااااااااااااااك حالتو تحنن |
اقول ليك حاجة ؟
انا والله عينى ليهو بيغرق ابيت انقذوا عشان الارشفة وفك تسجيلات البوستات جاية خلاااااااااص
|
|