Post: #1
Title: 5 مليار دولار لتنفيذ الخطة الخمسية
Author: محمد فرح
Date: 11-06-2007, 02:15 PM
كشف السيد أحمد إبراهيم الطاهر خلال المؤتمر الصحفي الذي عقده بالأمس أن الحكومة الإتحاديه رصدت مبلغ (50 مليار دولار)لتنفيذ الخطه الإستراتيجية الخمسية القوميه ودعا كافة الأجهزه الإعلاميه إلى تنوير الشعب السوداني بأهداف الخطه ومشروعات التنميه ومكافحة الفقر مؤكداً أنها ستغير وجه البلاد إلى الأفضل مستشهداً بالتجربه الماليزيه في هذا الأمر .
وذكر أن البرلمان سيبدأ في مناقشتها اليوم ولمدة ثلاثة أيام وذلك لإتاحة الفرصه للوزراء لمناقشة الأمر بخططهم المرحليه تمهيداً لإجازة الموازنة القادمه على أساس الخطه الخماسيه .
وأكد الرجل أن الخطه ليست ملكاً لحزب واحد وإنما جاءت بمشاركة من جميع التيارات والقوى السياسيه بهدف إخراج السودان من هذا الزضع الذي لايرضي طموح الجميع إلى وضع إقتصادي وتنموي أفضل .
ودعا الرجل لتمليك هذه الخطة لجميع أفراد الشعب السوداني حتى تتحول كل الطاقات لتنفيذها .
ـــــــــــــــ
|
Post: #2
Title: Re: 5 مليار دولار لتنفيذ الخطة الخمسية
Author: محمد فرح
Date: 11-06-2007, 02:16 PM
Parent: #1
عذراً جاء العنوان (5 مليار ) والصحيح (50 مليار)
|
Post: #14
Title: Re: 5 مليار دولار لتنفيذ الخطة الخمسية
Author: محمد فرح
Date: 11-08-2007, 08:47 AM
Parent: #2
خارج النص
خمس سنين
يوسف عبد المنان
أختار مجلس التخطيط الاستراتيجي 5 سنوات لانفاذ خطة تنموية تنهض بالسودان من دولة صغيرة كانت تتسول عند العرب والعجم بحثاً عن المال والبترول والسلاح, وأصبحت اليوم دولة تعتمد على نفسها تنتج نفطاً لم يبلغ بعد نصف مليون برميل في اليوم, ويطالبها صندوق النقد الدولي برفع سعر الوقود داخلياً والحكومة ترفض, وتطالبها الدول المنتجة للنفط بتصدير كميات معقولة حتى لا تؤثر على قدامى المصدرين ودولة تنتج الذخيرة والسلاح التقليدي من البندقية حتى الدبابة, ومن سيارة العائلة الصغيرة حتى ناقلات الجنود ولكن هل طموح السودانيين لا تتعدى سقوفاته العيش الرغد والطرق البرية وقليل من الرفاهية؟.
مجلس التخطيط الاستراتيجي الذي يضم في تكوينه كل طيف السودان السياسي وخبرات علمائه تواضع على خطة قصيرة الأمد تمتد من العام الحالي وحتى عام 2011م, فهل أختيار عام نهاية الخطة الخمسية له علاقة بالإنتخابات وحق تقرير المصير؟ قد ينفي الدكتور تاج السر محجوب المدير التنفيذي للأمانة العامة لمجلس التخطيط الاستراتيجي وجود صلة بين نهاية عمر الخطة الخمسية واستفتاء نصف السودانيين للإختيار ما بين بقاء البلاد موحدة أو ذهاب الجنوب لحاله, لأن د. تاج السر محجوب اكاديمي وإداري وعالم تخطيط أكثر منه سياسي في بلد تقود ترزي الجلاليب في بحري لكرسي الوزارة, وسائق اللوري لإدارة شؤون المحليات, ولكن مجلس التخطيط الاستراتيجي أفسح الباب واسعاً لمن تقوده صناديق الانتخابات للبرلمان ورئاسة الجمهورية لتعديل الخطة التي اتفق الجميع على أنها تمثل طموحاً مشروعاً لدولة تبحث عن مكان لها بين الأمم.
الخطة الخمسية التي يقرأ 90% من السودانيين تفاصيلها ولم يهتم الإعلام الحكومي والمستقل بالإشراقات التي تضمنتها المجلدات الضخمة التي يتأبطها د. تاج السر محجوب ويذهب بها لقبة البرلمان بحثاً عن دعم سياسي وتشريعي لها, تصلح الخطة كبرنامج تنموي طموح باسناد شعبي عريض إذا ما نجح الإعلام في التبليغ بمرامي الخطة الخمسية, التي هي في حاجة لرقابة شعبية واسعة والتزام من قبل الدولة ووزارة المالية بتمويل المشروعات الكبيرة التي وردت فيها, ولكن ما هي تفاصيل الخطة وما هو خط الولايات التي تشكو التهميش ومحاباة صناع القرار لجهات بعينها على حساب أخرى؟...
مهمة نواب البرلمان وهم يبتدرون المداولة في الخطة الخمسية أن يجعلوا من الأيام التي خصصها المجلس لمدارسة الخطة ورشة عمل وسانحة للتعديل والجرح والإضافة, ومسؤولية الإعلام نشر تفاصيل الخطة التي يعلم مواطنو سنكات وشنقلي طوباي إن التزام المركز نحوهم إقامة مشروعات محددة يحاسبون المعتمد والوالي ونائب البرلمان ويرفعون أصواتهم وليس سلاحهم في وجه القصور الذي يعتري تنفيذ ما تم إقراره في الخطة من أجلهم لترتقي البلاد تنموياً وتجف منابع التمردات والإحتجاجات, وينال كل أقليم أو ولاية حقوقه كاملة, وليحكم من السياسيين ما يحصل على ثقة الشعب من بعد.
الدكتور تاج السر محجوب ليس وحده المسؤول عن كشف أبعاد الخطة الخمسية وليس المسؤول وحده عن متابعة تنفيذها, بل الجميع شركاء في محاسبة من يخرج عمداً عن نصوص الخطة الخمسية التي تشبه خطط النمور الآسيوية, التي هددت الولايات المتحدة ومثل خطة بتسوانا التي ستجعل منها دولة افريقية منافسية لمصر وجنوب افريقيا ونيجيريا, فما هي المشروعات التي ستنهض بالسودان في السنوات الخمس؟ هذا ما نطالب المجلس الوطني وأعضاءه بالكشف عنه عند مناقشة الخطة الخمسية اليوم..
|
Post: #3
Title: Re: 5 مليار دولار لتنفيذ الخطة الخمسية
Author: محمد مكى محمد
Date: 11-06-2007, 02:24 PM
Parent: #1
| Quote: عذراً جاء العنوان (5 مليار ) والصحيح (50 مليار) |
عذرك معاك ...لكن ال45 كده كده حياكلوها...
وكده يكون الخبر صادق 100 الميه...
تحياتى
|
Post: #4
Title: Re: 5 مليار دولار لتنفيذ الخطة الخمسية
Author: عاصم ابوبكر حامد
Date: 11-06-2007, 02:32 PM
Parent: #1
يا ود فرح
كيفك
الكلام تقولوا لناس ما عارفين اصلكم وفصلكم ...
دئ اسمها الخطة الخمسية لكى نملا بطوننا وجيوبنا ...
|
Post: #5
Title: Re: 5 مليار دولار لتنفيذ الخطة الخمسية
Author: محمد فرح
Date: 11-06-2007, 02:52 PM
Parent: #4
الإخوه الكرام
محمد مكي
عاصم أبوبكر
كدي إنتو صفوا النيه وإن شاءالله الأحوال حتتصلح
الخطه كما ذكرت في الصياغ ساهم في وضعها جميع التيارات والقوى السياسيه .
وأتمنى أن نتحد جميعاً لإنزال هذه الخطه لأرض الواقع
مؤونة عامين من الود
|
Post: #6
Title: Re: 5 مليار دولار لتنفيذ الخطة الخمسية
Author: مرتضى الصادق
Date: 11-06-2007, 02:56 PM
Parent: #5
الناس ديل بقولوليك كدى لية
انتو صحى كدى؟؟؟
|
Post: #7
Title: Re: 5 مليار دولار لتنفيذ الخطة الخمسية
Author: Mustafa Mahmoud
Date: 11-06-2007, 03:09 PM
Parent: #6
اين قبرتم أشقاؤنا؟]
|
Post: #16
Title: Re: 5 مليار دولار لتنفيذ الخطة الخمسية
Author: محمد فرح
Date: 11-08-2007, 10:33 AM
Parent: #6
Quote: الناس ديل بقولوليك كدى لية
انتو صحى كدى؟؟؟ |
أرجو التوضيح
نحنا منو ؟؟؟
وهم منو ؟؟؟
وهم قالو شنو ؟؟؟
|
Post: #23
Title: Re: 5 مليار دولار لتنفيذ الخطة الخمسية
Author: المر
Date: 11-08-2007, 08:18 PM
Parent: #16
Quote: أرجو التوضيح
نحنا منو ؟؟؟
وهم منو ؟؟؟
وهم قالو شنو ؟؟؟ |
انتو ما الحكومة
هم ما المادايرنكم(المعارضة)
انتو حرامية
|
Post: #8
Title: Re: 5 مليار دولار لتنفيذ الخطة الخمسية
Author: Dhieu Chabiet
Date: 11-06-2007, 04:00 PM
Parent: #1
Quote: وأكد الرجل أن الخطه ليست ملكاً لحزب واحد |
Quote: ودعا الرجل لتمليك هذه الخطة لجميع أفراد الشعب السوداني |
إتلفظ يا أخونا هوي! إنتا بتورد خبر عن السيد وزير المالية والإقتصاد الوطني...
شنو شابكنا حلف الرجل و كضب الرجل!
فاكر بتخاطب مجلس الأربعين واللا شنو؟
طيب، ما تقول سجن الشيخ و اللا إنبطح المجاهد... عشان نقدر نلقى ليهو بكان في الإعراب!
صحفيين آخر الزمن!
|
Post: #17
Title: Re: 5 مليار دولار لتنفيذ الخطة الخمسية
Author: محمد فرح
Date: 11-08-2007, 10:54 AM
Parent: #8
Quote: إتلفظ يا أخونا هوي! إنتا بتورد خبر عن السيد وزير المالية والإقتصاد الوطني...
شنو شابكنا حلف الرجل و كضب الرجل!
فاكر بتخاطب مجلس الأربعين واللا شنو؟
طيب، ما تقول سجن الشيخ و اللا إنبطح المجاهد... عشان نقدر نلقى ليهو بكان في الإعراب!
صحفيين آخر الزمن! |
مداخله تدل على مدى شتارة صاحبها
|
Post: #19
Title: Re: 5 مليار دولار لتنفيذ الخطة الخمسية
Author: Dhieu Chabiet
Date: 11-08-2007, 01:26 PM
Parent: #17
| Quote: مداخله تدل على مدى شتارة صاحبها |
بل أسلوب يدل على (حنبكة) الصحفي الناقل للخبر!
|
Post: #9
Title: Re: 5 مليار دولار لتنفيذ الخطة الخمسية
Author: Nasr
Date: 11-06-2007, 05:30 PM
Parent: #1
كدي ورينا أموال النفرة الزراعية مشت وين بعدين بنوريك أموال الخطة الخمسية حتمشي وين
المرة دي ما يفوتك المولد. طقطقت كيبورد دي كفاية لحدي هنا. شوف دفعك البنو عمارات ديل محلهم وين.
|
Post: #11
Title: Re: 5 مليار دولار لتنفيذ الخطة الخمسية
Author: محمد فرح
Date: 11-07-2007, 08:58 AM
Parent: #9
| Quote: كدي ورينا أموال النفرة الزراعية مشت وين بعدين بنوريك أموال الخطة الخمسية حتمشي وين |
أخ نصر
لك التحيه
تم بالأمس فتح ملف التحقيق في أموال النفرة الزراعية التي تفرق دمها بين الولايات .
|
Post: #10
Title: Re: 5 مليار دولار لتنفيذ الخطة الخمسية
Author: nabielo
Date: 11-06-2007, 06:44 PM
Parent: #1
50 مليار???
يا فرح انت ميزانية الدولة السنوية كام عشان تكون في خطة خمسية بي 50 مليار?
من الواضح جماعتك ديل دايرين يبيعوا السودان كلوا بحجة الاستثمار
لو بقي شي ما باعوه
لك مؤونة خمسة سنوات من الود
|
Post: #18
Title: Re: 5 مليار دولار لتنفيذ الخطة الخمسية
Author: محمد فرح
Date: 11-08-2007, 11:51 AM
Parent: #10
Quote: 50 مليار???
يا فرح انت ميزانية الدولة السنوية كام عشان تكون في خطة خمسية بي 50 مليار?
من الواضح جماعتك ديل دايرين يبيعوا السودان كلوا بحجة الاستثمار
لو بقي شي ما باعوه
لك مؤونة خمسة سنوات من الود |
أخ نبيلو
السودان والحمد لله موارده الماليه أصبحت جيده نوعاً ما
والـخمسين مليار هذه لم توضع هكذا جزافا
عموماً البرلمان سيتداول ولمدة ثلاثة أيام هذه الخطه عسي ولعل أن تفلح في إنتشال البلاد من هذا الجب.
مؤونة عشرة أعوام من الود
|
Post: #12
Title: Re: 5 مليار دولار لتنفيذ الخطة الخمسية
Author: معروف حمدين
Date: 11-07-2007, 09:05 AM
Parent: #1
وهل الخطة الخمسية ( للخرطوم ) فقط
أم ستنال بقية ولايات السودان نصيب منها ؟؟؟؟
|
Post: #13
Title: Re: 5 مليار دولار لتنفيذ الخطة الخمسية
Author: عمار يس النور
Date: 11-07-2007, 10:18 AM
Parent: #12
الاخ محمد فرح
مسعول من الخير ! الخطة الخمسية الزمان ديك و العشرية البعدها حصل فيهم شنو !!!!!!!!!!!!!!!!!!!!!!!!!!!!!!
50 مليار سنة ضوئية من التساؤلات
تحياتي
عمار يس النور
عاشق بخت الرضا
|
Post: #15
Title: Re: 5 مليار دولار لتنفيذ الخطة الخمسية
Author: قلقو
Date: 11-08-2007, 10:01 AM
Parent: #13
الأخ محمد فرح
اشهد لك بالجرأة وخفة الظل وسلامة الطوية.
مع تحياتى .
|
Post: #20
Title: Re: 5 مليار دولار لتنفيذ الخطة الخمسية
Author: Osman Musa
Date: 11-08-2007, 05:10 PM
Parent: #15
انشاءالله يكون فى حساب .
وما يكون كلام خارم بارم
جلا ليب وعمم وبدل فى الفاضى
عربات ومواتر ومكاتب وهيلمانه
عجيبه
دايرين البلد تمشى لى قدام
1 اول شى الملاريا
العلاج
2 تانى شى النظافة
3 الكهرباء
4 والسكه حديد
والامانه الوطنيه وترك الكسل والمجاملات
|
Post: #21
Title: Re: 5 مليار دولار لتنفيذ الخطة الخمسية
Author: Alshafea Ibrahim
Date: 11-08-2007, 05:36 PM
Parent: #1
أخي محمد
يعني الإنقاذ قاعدة 5 سنوات تاني ياللحسرة ... شخصيا لا أتمنى بقاؤها خمس ايام .. يا محمد 19 سنة وكل يوم بلوى تفوق سابقتها من البلاوي والامتحانات التي ابتلت بها الإنقاذ الشعب المسكين - الآن الحميات تفتك بالابرياء ووزارة الصحة لن تتنازل عن ثمن نقالة حمل الموتى من العنبر إلي مثواهم الآخير ناهيك عن ثمن أجرة السرير البالي والأدوية المضروبة والأطباء تحت التمرين ... وأسعار القمح ترتفع بما لا يمكن تصوره وتحمله وحكومتكم تزيد الاسعار دون اعتبار للحد الأدنى للأجور والفقر المستشري في البلاد - وليت أهلي بالجزيرة يمتنعون ويضربون هذا العام عن زراعة القمح آخر موسم 2006 كان نصيب حواشتنا جوال من أصل 20 جوال (19) جوال تكلفة قالوا ..وما في شئ مجان حساب الموية وشراء الاسمدة كله على المزارع بس الحكومة تجي مع (الحصاد) وتنشر فرق البوليس والأمن للجبايات ... وقالوا النفرة الخضراء .. الرئيس يعد ويخلف ولا جنيه واحد ضل طريقه لجيب المزارعين - والآن تقول لي الخطة الخمسية .... أرحمونا يرحمكم الله -
الشفيع إبراهيم
|
Post: #22
Title: Re: 5 مليار دولار لتنفيذ الخطة الخمسية
Author: الخير محمد عوض
Date: 11-08-2007, 06:13 PM
Parent: #21
Quote: عذراً جاء العنوان (5 مليار ) والصحيح (50 مليار)
Quote: عذرك معاك ...لكن ال45 كده كده حياكلوها...
وكده يكون الخبر صادق 100 الميه...
تحياتى |
|
Post: #25
Title: Re: 5 مليار دولار لتنفيذ الخطة الخمسية
Author: خالد حاكم
Date: 11-08-2007, 11:52 PM
Parent: #24
| Quote: كشف السيد أحمد إبراهيم الطاهر خلال المؤتمر الصحفي الذي عقده بالأمس أن الحكومة الإتحاديه رصدت مبلغ (50 مليار دولار)لتنفيذ الخطه الإستراتيجية الخمسية القوميه |
محمد فرح
مسكاقمى
يا سيدى قبل ما تسرقوا السلطة , الشعب السودانى ما كان بيعرف خطة والا خطة(بالفتحة) وكان لاقى العلاج فى المستشفيات الحكومية وبالمجان , كان لاقى التعليم فى المدارس والجامعات الحكومية وبالمجان وكان بيصرفوهو الكتب والكراسات لغاية الاستيكة وبالمجان , وكان بيسكنوهو فى داخليات من الابتدائى للجامعة وبالمجان وكان بيدوه الفطور واالغداء والعشاء فى الداخليات وبالمجان , ولا ما كان فى اغتصاب للاطفال , ولا ما كان فيه ذبح للناس مثل الخرفان, انا حاقول شنو وحاخلى شنو يامحمد فرح!!!!
|
Post: #26
Title: Re: 5 مليار دولار لتنفيذ الخطة الخمسية
Author: ثروت سوار الدهب
Date: 11-09-2007, 00:04 AM
Parent: #25
| Quote: تم بالأمس فتح ملف التحقيق في أموال النفرة الزراعية التي تفرق دمها بين الولايات . |
نفهم من كدا انو بعد 6 سنين ح ينفتح تحقيق ل49 مليار و نص الاختفت انشالله؟
انتو عالم تاكل مال النبي
تحياتي يا فرح
بالمناسبة
الرقم مبالغ فيهو شوية بالنسبة لخمس سنين.
|
Post: #27
Title: Re: 5 مليار دولار لتنفيذ الخطة الخمسية
Author: Nasr
Date: 11-09-2007, 08:39 AM
Parent: #1
أها شفت كلامي مشا وجا؟؟؟
الخطة الخمسية كمان حيتفرق دمها بين الولايات + حسابات سرية في ماليزيا
|
Post: #28
Title: Re: 5 مليار دولار لتنفيذ الخطة الخمسية
Author: ثروت سوار الدهب
Date: 11-14-2007, 07:58 PM
Parent: #27
محمد فرح تحاياي
اها القروش اتلحست و لا لسه فيها باقي؟
يا اخ تعال ورينا ملامح الخطة الخمسية ام خمسين مليار دي كيف؟
مؤنة عام من اللفحي و الخطفي
|
Post: #29
Title: Re: 5 مليار دولار لتنفيذ الخطة الخمسية
Author: ثروت سوار الدهب
Date: 11-19-2007, 11:25 AM
Parent: #28
محمد فرح
القروش اتلحست بدري بدري و لا كيف؟
مونة عام من السحت
|
Post: #30
Title: Re: 5 مليار دولار لتنفيذ الخطة الخمسية
Author: ثروت سوار الدهب
Date: 11-23-2007, 10:46 PM
Parent: #29
الخطة الخمسية
كيف تنفذ الخطة الخمسية؟
هل لازال الامر قيد الاستخارة؟
|
Post: #31
Title: Re: 5 مليار دولار لتنفيذ الخطة الخمسية
Author: د.محمد حسن
Date: 11-25-2007, 09:34 AM
Parent: #1
تعرف يا محمد فرح
مشكلتك بتنظر للسودان با عتباره الانقاذ
اللون عندك واحد
في اشياء بداهة معروفة
ولكن التغامي عنها يضر المتغامي اكثر من ضرره على البصير
في ظل غياب اجهزة تنفيذية وتشريعية فاعلة
اي تصريح هو غير مسئول
اذ كيف يأتي تصريح مثل هذا في وقت وزير المالية مزنزق زنقة كلب في سلخانة لان الميزانية منفسة بدرجة توسسسسسسسسسسسسسسسسس وكانت في مساءلة ليه في المجلس الوطني الاسبوع الماضي
ولنكن موضوعيين يا محمد فرح وزي ما قال ابو داوود ( حكم ضميرك)
عندما وضعت الميزانية بداية هذا العام كان سعر البترول قرابة ال 60 دولار للبرميل
وارتفع حتة قارب المائة منذ اكثر من شهر
اذا بي حسبة ناس بسيطسن وحسب اخر تصريحات عن الانتاج
يفترض يكون في فائض في الميزانية
ليه هذا العجز الكبير
وكم سعر برميل البترول السوداني للصين
هل هو فعلا 7 دولار لمدة 20 عام
وكل المودة
|
Post: #32
Title: Re: 5 مليار دولار لتنفيذ الخطة الخمسية
Author: Nasr
Date: 11-25-2007, 08:13 PM
Parent: #1
والله ذكرتني يا د.محمد حسن
الميزانية نفست في الربع الاول وبيتكلموا عن الخطة الخمسية؟؟؟
فاشل في الميزانية وبيحلم بخطة خمسية
زي تلميذ في سنة اولي جاي الطيش وتسالوا عن مسقبله يقول ليك داير أبقي دكتور
وبعدين البترول صحي إتباع بتراب القروش لمدة طويلة جدا
وزي ما بقولو الخواجات
China is laughing all the way to the bank
|
|