من الـصــوب لي الـلــلوب .. مع تقدير كامل الدسم للانيق عبدالله داش

لاحظت خلو داري من المفردات.. اعتمرت كنانتي ..ووترت قوسي لاصطياد الشوارد .. التقيت عبد الله داش .. تجاننا قليل .. وذكر لي مفردة .ز وفسرها لي بعد جهد كتفسير الماء بالماء .ز ( لكنها وقعت لي ) .. وجاتني الجنونة ولقيت نفسي بدخلها في جملها .. فهل يا عبدالله استخدمتها صاح .. ويبقى الود



وأنا سَرْحان بِِيْن نَجْمَات اْلِّليْل
ومَْسَاهِر
مِن الْصُوب لي الْلُّوْب
شَقَّ خَيَالِك جُفْنَ اْلخَاطِر
مَوْسُوْم بِالْفَال
ومَوَشَّح لَهْفَة
يِشْلَع بَسْمِك زَي الْبِارِق
ومِن بَقِّيْتِي
بَقَّ الْشُوْق الْكَامِن فِيْنِي وحَارِق
فَجَّجْ كُتَل الْعَتْمَة
وجَاكِ مْدَافِر
وجُوَّة الْعَصَب الْصَاخِب نَقَّر
طَاِرِق :
( قُوْم يَا وْلِيْد
يَا حْنَيِّن وعَاشِق،
تُرْ مُتْرَار الْكِلْمَة
واغْزِل مَعْنَى
يِخَلِّى الْمَعْنَى الْظَاهِر رايِق
ويِبْقَى الْمَعْنَى الْجُوَّة غَرِيْباَ شَاهِق
أنْسِجْ مِن فَتْلاتَها الْشَايْلَة
غَرَامَك فِي جَنْبَاتَها
أنِيْن ومَشَاعِر .
قُوْم يَا وْلِيْد
الْزَّمَن الْمَاحِق
شَتَّتْ صَبْرَك بِيْن الْحُرْقَة
وجَدْعَةْ إيْد الْبِتْ
الْنَايْرَة ونَادْرَة
وانْتَ تَسْاَسِقْ،
مَا لَمِّيْتْ
بَسْ.. هَمِّيْتْ...
تُر مُتَرارَك واغْزِل
مِنْ شِرْيَاَنك
شَكْل الْرِّيْد الْمَا حَجُّوهُ
لِلْجِنْيَاتْ ..
أو إتْهَامَس بِيْن أزْهَارْ )
واتْوشَحْتَ هَوَاكِ دَثَارْ
وصِرْتَ مْسَافِر
بِيْن الْغِيْمَة الْشَايْلَة نَدَاهَا ومَابْيَةْ تْصُبْ
وشَبَق الْطِّيْن الْفِيْهُ بِيِنْتَحْ
جُرْحَاً غَاِيْر
يَاَ ْمَرْيُوْدَه
و طِيْبِكْ شَاِيل مِنُّه الصَّنْدَل
فَايِح وعَابِقْ
مِنِّك آه
وآهَة تْغَوِّر
تَمْرُق نَمَّة
حِنِيْنِة ونَسْمَه
آه يَا نِيْل
آه يَاِ ْليل
آه يَا وِيْل
وخِيْط الْفَجْر الْواقِف حَايِر
يَاَ ْمَرْيُوْدَه
لَمَّا يِجِيْكِ غَراِمي الْدَّاِفْق
تَشِيْلِكْ مُوْجَة
يِحَلِّقْ بِيْك الْنَّغَمْ الْحَالِم
يِمْسَح كُلَّ خُطُوْط الْزَّمَن الْجَايِر
آه يَا نِيْل
شِلْتُه غَرَامِك
شِيْتًا جُوَّة الْجُوَّة
يِِهِدّ الْحِيْل
مَا انْهَدّيْت
إلا.. كَتَبْتَ
وقُلْتَ
وبُحْتَ
آه
يَا رِيْد
آه يا قَمَراً
بِضْحَك
لَمَّا عُيُونِك تَفْرَح و تَضْحَك
وانَا لِي عُيُونِك
بَفْرَح واضْحَك
لأني بَحِبّك
وحُبِّك
كَسَّر كُل سُدُوْد الْمَعْنَى
وزَلْزَلْ هَادِرْ

د. محمد حسن

( حسب الله سـجمها ورمدا ..)

طوالى إتذكرت كلمة حبوبتك ديك

بصراحــه إنت شرّحت الكلمه بأدوات تشبه إنسياب السهوله
فى المسالك المتعرجه
ووفقت تماما فى إيصال إحساسك الأخــضر

النص بلاشك رائع جدا
هذا ليس من قبيل المجامله بل هذا ما وجدته فعلاً
وأنا بين مفرادتك النضيره



أظنك قدمتولينا طااازج ( صاح )

(إذا راجعته لضبط بعض الأشياء
سيكون ذو طعم ( مش عارف كيف ؟ )

بوحميد

شكراً ...

ولعلمى المؤكد إنها لا توفى ما أقصد

لك أيها الجميل
ما تود ..
ما تتوقع

ويبقى الود

Quote: أظنك قدمتولينا طااازج ( صاح )

من نارو

التقدير واكثر المودة

د/مجمد حسن

لك ولجميل الدواخل مودتى(عبد الله داش)

دى مساسقة حلوة......وغزل حلو وجميل

روعة وإبداع

مودتى.إسماعيل محمد اخمد عباس........

Quote: د/مجمد ........

يا المجمد وما ماك مهمد

انت يا راجل وعندالله جزاك

حبيبي اسماعين
اتلخبط عليك الاختساس

واغرق في مودتك

يا جميل يا راقى إحساسك

د/مححححححححححححححححححححححححححححمد حسن

عشان ما تزعل ولو إنت مجمد نحن نبقى شنو؟ عندى مشكلة فى الكيبورد شوف حتى أحمد عملتها...اخمد..

مودتى..

إسماعيل محمد احمد عباس.......

ريكس

يا ملك

بس نحن مشتاقون

وشلت النول وسدرت صعيد

مليان حاجاتك

وما حاجاتك كل الريد

وانت معاي

في غنواتي

وفي الحجوات

مرباع مليان بالشوق

الطامح فيني وديمة يزيد

انت النغم الهادر وسادر

وانت حنينة

وفيك بحس باحلى مشاعر

ولما تطلي ويفرح بيك الكون الحاير

بفرح بيك

وليك بغني

وبصبح شاعر

يا ريت بس

لو اصبح شاعر

الا شاعر

بي غرامك جوة يلفح

تاج كلامي انت يا روح المسادير والغنا

والكلام جواي فاير

الانسان لمن يكون جميل النفس
اى حاجاتو كلها بتكون جميله
وانت زول نفسك جميله شديد علشان كدة كلامك جميل
تسلم يارب انت

Quote: الانسان لمن يكون جميل النفس >

صفية القمر

وصفية النفس

وماانقاك

Quote: وأنا سَرْحان بِِيْن نَجْمَات اْلِّليْل ومَْسَاهِر مِن الْصُوب لي الْلُّوْب شَقَّ خَيَالِك جُفْنَ اْلخَاطِر مَوْسُوْم بِالْفَال ومَوَشَّح لَهْفَة يِشْلَع بَسْمِك زَي الْبِارِق ومِن بَقِّيْتِي بَقَّ الْشُوْق الْكَامِن فِيْنِي وحَارِق فَجَّجْ كُتَل الْعَتْمَة وجَاكِ مْدَافِر وجُوَّة الْعَصَب الْصَاخِب نَقَّر طَاِرِق : ( قُوْم يَا وْلِيْد يَا حْنَيِّن وعَاشِق، تُرْ مُتْرَار الْكِلْمَة واغْزِل مَعْنَى يِخَلِّى الْمَعْنَى الْظَاهِر رايِق ويِبْقَى الْمَعْنَى الْجُوَّة غَرِيْباَ شَاهِق أنْسِجْ مِن فَتْلاتَها الْشَايْلَة غَرَامَك فِي جَنْبَاتَها أنِيْن ومَشَاعِر . قُوْم يَا وْلِيْد الْزَّمَن الْمَاحِق شَتَّتْ صَبْرَك بِيْن الْحُرْقَة وجَدْعَةْ إيْد الْبِتْ الْنَايْرَة ونَادْرَة وانْتَ تَسْاَسِقْ، مَا لَمِّيْتْ بَسْ.. هَمِّيْتْ... تُر مُتَرارَك واغْزِل مِنْ شِرْيَاَنك شَكْل الْرِّيْد الْمَا حَجُّوهُ لِلْجِنْيَاتْ .. أو إتْهَامَس بِيْن أزْهَارْ ) واتْوشَحْتَ هَوَاكِ دَثَارْ وصِرْتَ مْسَافِر بِيْن الْغِيْمَة الْشَايْلَة نَدَاهَا ومَابْيَةْ تْصُبْ وشَبَق الْطِّيْن الْفِيْهُ بِيِنْتَحْ جُرْحَاً غَاِيْر يَاَ ْمَرْيُوْدَه و طِيْبِكْ شَاِيل مِنُّه الصَّنْدَل فَايِح وعَابِقْ مِنِّك آه وآهَة تْغَوِّر تَمْرُق نَمَّة حِنِيْنِة ونَسْمَه آه يَا نِيْل آه يَاِ ْليل آه يَا وِيْل وخِيْط الْفَجْر الْواقِف حَايِر يَاَ ْمَرْيُوْدَه لَمَّا يِجِيْكِ غَراِمي الْدَّاِفْق تَشِيْلِكْ مُوْجَة يِحَلِّقْ بِيْك الْنَّغَمْ الْحَالِم

دكتور محمد حسن ياخي والله بحبك , كلامك حنين ورزين ومعذرة للتاخر في الدخول , صدقني حاولت ان اتي
بجديد ولكني لم استطع فااكتفيت بالمتاوقة من بعيد .

Quote: دكتور محمد حسن ياخي والله بحبكä ÈÚíÏ .

الاخ هاشم

ولك ما في القلب مثله

وربنا يديم المحبة

نتلاقي الاربعاء ان شاء الله

د. محمد حسن...

أدام الله المودة بين الناس

التحية والتقدير لك سيدي الفاضل

وللأخ عبدالله داش

Quote: أدام الله المودة بين الناس

اللهم آمين

سلمى شكرا ليك كتير