بشرى ســارة .. (ابورزقة) توجد (صورة)

في ناس كدا نست الناس ..
وفي ناس كدا الواحد فيهم بيكون خرمان .. شديد ..
وفي ناس كدا عاملين زي الكلب البريد خناقو .. لامؤاخذه

وفي ناس كدا يجوكم تكوركو .. بكوركو ليكم تكوركو برضو ..

يللا خمو وصروا ..

وبما إنو المساحة دي اصبحت وطن من لا وطن له* ..
وبما إنو العالم اصبح قرية صغيرة* .. أو* بي كدا اي واحد اصبح يعبر عن شعورو بس سهولة .. أو اي واحد شايل ليهو بقجة غباين ممكن عايدي جدا يجي يفرغه هنا ويجيب معاهو صورة ..
فأنا في الحتة دي اتقدم بالتحية لي الزميل شماشي قدر في غمرة هذه الاحداث أن يتذكر اخونا عبد الرازق الطالب .. ويعدوا ليهو بالرحمة والمغفرة وهو بعيد عن هذه المساحة بمكان*

ـــــــــــ
* =

وبما إنو البورد بيمر بمنعطف خطيــر ..
وبما إنو في حريات هنا ، وديمقراطية في الطرح .. وإذدواجية في المعايير ..
وفي ناس هنا الواحد كان عفصتو ساكت وما شايفو يفتح ليك بوست، ويقول يا بكري اشطب لي الزول دا عفصني ..
وبما إنو عبد الرازق الطالب يعتبر تيار ما عارفو ( من ياتو نوع ) .. المهم هو تيار والسلام ..
والله أقول ليكم حاجة:
دا زلزال عديل كدا ..

من هنا
ندعو

باطلاق المحبوس بورديا عبد الرازق الطالب...ابو رزقة
مش كلنا بنطالب الحكومة ,,بمزيد من الحريات,,,يعنى تسليم السلطة وبسط الديمقراطية
خلاص خلونا نمارسها بورديا,,,كيف نقنل هذه الشخصية وهو يمثل تيار معاكس لكثير
من ناس البورد,,,
انا ما بعرف هو وقف فى شنو
لكن بطالب برجوعه مرة اخرى
ودمت يا تمبس

ضد الابعاد

الاعزاء فيصل وأبوقوتــه ..
للنظر بعمق ما بداخلنــا.. متى بلغنا من الكمال .. متى كبرت قيمة الخير فينــا وتراجع الشر بهامتى حكمنا بعدل وإنصاف ومتى فرقنا بين حق وباطل دون الركون غلى اهواء انفسنا ..
من منكم يستطيع ان يذهب في ثبات عميف ويمني نفسه بنومه هنيئة .. طويلة الابد وبداخله يشتعل فتيل الاحساس بذنب ما ارتكبه في حق غيره .. حتى ولو بكلمة صغيرة بعبارة اراد بها سلب حق هو ليس له..؟
من منكم يستطيع أن يمارس عادة الصمت الممله .. وهو يرى ما لا يجب السكوت عنه ..؟
عند انعدام العدل والانصاف يتساوى المجرم مع الضحية .. والحاكم مع السارق .. يضيع هنا العدل وينتشر اسلوب الغــاب .. وتتعطل لغة العقل ويتحدث الجسد..
عبد الرازق الطالب نختلف معه .. نتفق معه .. نتجاوزه نقرا له .. لا يضير من شئ ..
امثال عبد الرازق الطالب هنا تضج بهم المساحة .. يشاركونه نفس الفكر .. وهو حق متاح لهم طالما هناك حق لكل منا في اعتناق ما يحمله من فكر اويدلوجيه .. عضوية هذه المساحة لا تعطى حسب الايدلوجية .. ولا التوجه السياسي ولا الديني ولا العرقي .. ولا بفصاحة اللسان .. ولا بالشتيمة والسباب ـ وإن كان ذهاب عبد الرازق الطالب تكرر اكثر من مرة فإن هناك من تكرروا مرات ومرات .. إلا أن لهم من الحظوة ما تمكنهم من الاستمرارية هنا طويلا ..
ترى لو منعنا اصحاب الايدلوجيات المختلفة، وأصحاب الالسنه الزفرة، واصحاب الكتابة السرياليه الغير مفهومه، واصحاب المصالح الذاتية، واصحاب الدعاوي العنصرية، واصحاب الجمعيات اليهودية ، واصحاب الجمعيات غير اليهودية، إلخ..
ترى من تبقى لنــا من عضوية هنا.. ترفع لهم الاعلام والبيارق وتهدى لهم الانواط والاوسمه في احتفالات قومية .. اشبه باعياد النصر وعودة الجيوش من المعارك ..؟

كلنا ابو رزقة القوقلي

Quote: ضد الابعاد

بدون جريرة..
أو حتى ينفو من الأرض بدون سبب..


شكراً فيصل

Quote: مش كلنا بنطالب الحكومة

دي يا ابو قوته تلقاها عند الغافل..



البشير ذاتو قال بيطالب الحكومة بالإنتظام..



تجي بدري بس..

Quote: وبما إنو البورد بيمر بمنعطف خطيــر

..
متين ده؟!!

يا سلام عليك يا علاء الدين

فعلا (( فى هذه الأيام يفتقد إلى قلم أبو رزقه ))
شفنا إيقاف العضو لأيام و لشهر مثلا ، ولكن فصل عضو
من هذا المنبر أول مره أعرفها فى أبو رزقه ....


تحياتى ....

الأخ العزيز علاء الدين [تمبس]..
عدنا والعود أحمد..
متمنياً عودة الأخت العزيزة د. نجاة..
وكل من سلبت كلمة سره..

من جانبي بخصوص عودتي أقول..

ياها حكاية قيمة العائد المستحقة في حالة العجز الكلي المستديم الناجم عن إصابة عمل..
أو حكاية إياك أحذر..

فالشجاعة هنا ليست في أن نقول كل ما نعتقده بل أن نعتقد كل ما نقوله ولا ضير في ذلك..
بدون مراوغة..
على الرغم من أن من أوجب واجبات صاحب البورد الأخ بكري ابوبكر تجاه الغير من أعضاء هذا المنبر من الذين لا يوافقونه الرأي قد أصبحت تمثل إعادة إنتاج لسياسة المناطق المقفولة.. [إسكات، إخراص].. أو بالعدم حمل تأشيرة مرور في ديارك..
كمعول لنصرة الأحباب والأصحاب حتى وإن كان الموقف يخالف هواه ولوائحه التي صاغها هو بنفسه..
مثل ما كان ينادي اليهودي سلاطين باشا في دعواه لتحرير السودان من أهله..
نعود متجرعين مرارة ظلم الإنسان لأخيه الإنسان..


عموماً..
يا ألف مراحب بلقياكم من جديد بعد إعادة كلمة السر لي من صاحب المنبر مشكوراً والتي سحبها إثر المشادة الشهيرة بخصوص حوارنا في هذا المنبر عن أنشطة بعض البورداب التي تبنت حملة الجمعيات الصهيونية التي إتخذت من [وليد دار فور] شعار لها..
تلك الحملة الصهيونية الدولية المسماة Darfur Campaign فقد إستطاعت أن تجمع حوالي 1,350,000 دولار في نفرتها التي إستهدفت المدارس الثانوية في الولايات المتحدة والقائلة Dollar for Darfur والتي ذهبت إلى جيوب منظمي مهرجاناتها لدعم أنشطتها الخاصة والتي خالفت الكثير من القيم الإنسانية على الرغم من إستغلالها لذات الشعار الإنساني.. ما حدا بنا لأن نقول مثلنا مثل الكثيرين يعني [طُرش في الزفة]..
لا عليك..
فلإن نفكر فيما يحتاجه الناس ثم نجتهد على إختراع الفكرة فهو شيء جيد..
ولكن لأن نستغل الفكرة لخدمة أجندة لا تخدم مصالح كان من كان من البشر فلسنا في حاجة لذلك وليس بالخبز وحده يحيا الإنسان..
فيكفي اليهوديان كارل ماركس ولينين إستغلال فكرة الضلال الشيوعية عبر المداخل الإنسانية لنفث سمومهم..
والتي نراها قد إستهوت الشباب المسلم بحجة الإنعتاق من ربقة التخلف الديني والرجعية العقائدية إلى رحاب الحضارة والتقدم..
مما أنتج مسخ كالسلوقي [لا هو كلب ولا هو لوقي]..
صحيح أن المنبر وكما تعلم يا عزيزي علاء الدين لا يشكل لنا سوى زيادة أعباء مضافة لأعبائنا العملية..
على الرغم من أنه سلوانا وليس الوحيدة في ربطنا بهذا الوطن المنكوب بفعل أبنائه الذين أصبحو لا يشرفهم الإنتماء إليه لسوء فعلهم.. حسب مظانهم..


لا علينا..
على قولهم التنوع إبداع..
وعلى إعتقادنا من شذ شذ في النار..
ولكن لمثل حالنا غير.. على وزن الغير..
فتقبل الآخر في حد ذاتو ليس بالمشكل ولكن لأن نضع الآخر في النني نحذو حذوه النعل بالنعل نصب أعيننا حتى ولو دخل جُحر ضب نحن ورائه سيجلب لنا ولغيرنا الكثير من المتاعب أو كما ترى نخاسة العصر على مشارف حدودنا الغربية يختطفون في أطفال في أعمار يايفعة بحجة إنهم أطفال والدواعي إنسانية والغرض تجارة رقيق ورفد سوقهم العامر هناك..
يا صحاب الجُرح القديم لن تكون هذه آخر المآسي على الرغم من أنها كشفت فرية ممارسة العرب لتجارة الرقيق بطول عمر هذه الأزمة الإنسانية في إقليم دار فور..

هذا ما يجعلنا نتمسك أكثر بقيم ديننا وعقيدتنا على قول المصطفى من تعلم لغة قوم أمن شرهم فيجب أن نجعل من الآخر ليس أساساً للتعامل أو معياراً للفصل بيننا..
ولكن الفيصل هو شرعة الله وأظن أن البشر لهم أعين وأذن يقرؤون بها فهم بشر يجب أن لا نفترض غباؤهم..
ولا مانع من إبداء وجهات النظر وتعضيدها بالحجج والأسانيد..
ولا وألف لا لتكميم الأفواه..
عموماً..
عرفنا الكثير من أعضاء هذا البورد كرجال..
مثلهم مثل الأرقام..
قيمتهم تتوقف عند مواضعهم..


خالص الأماني الطيبة لكم جميعاً..
ولمن خالفنا الرأي ومن وافقنا..


شكراً جزيلاً أخوتي الأفاضل..

ولد ده

مشتاقين يا ابو رزقة

فيصل نوبي

Quote: ولد ده

كيفنكـ يا نوبي..

الاعــزاء بشير ونوبـــي ..
كثير ما نطالع هنا على هذه المساحة بوستات التائيد .. وبوستات المطالبات بإقصاء فلان وبوستات السؤال عن فلان .. وبوستات المطالبه بغعادة فلان وفك حظره ..
كثير ما نطالع بوستات الشجب والادانة .. والتضامن.
يتعاظم معدل القبول .. والتضامن مع عظمة العضو .. وكومـه .. وحسب طرحـــه وايدلوجيته، ايدلوجية عبد الرازق الطالب يختلف فيها مع الكثيرين ..
لا يعجبني اسلوبه احيانا .. لكن أمن بحقه المشروع له .. نصحناه كثيرا بحكم انتمائه الجغرافي لنا بالرياض .. لكنه يعمل وفق ما يراه مناسبا معه
غيــاظ جدا .. لكنه انساني إلى ابعد درجات الانسانية.
له قضية كغيره من ابناء دارفور يساهم بوجهة نظره مثله ومثل غيره حسب معطيات متوفره له .. وهو الشق الآخر من ابناء دارفور الذين امتطوا هذه القضية وعزلوا الكثير من ابناء الاقاليم الأخرى وصنفوا وفق ما شاء لهم التصنيف ..
عندما ذهب من هذه المساحة في المرات السابقة أو تم فصله .. رايته (والموت في عينيه) وكل احباط الدنيا لانه يحب هذه المساحة عضويتها بكل ما فيها .. من معارك، سلميه وغير ذلك. يدافع عن ما يراه بمنظاره .. بكامل قناعاته ..
حذرناه اكثر من مرة بعدم الخوض في الأمور الشخصية .. والاتهامات الغير مسنده بأدلة واضحة .. كان يلتزم لنا ويعود تحت تاثير الاثارة والعنف الموجه ضده للافلاس .. والاتهام .. يسحب صاحب الموقع كلمة مروره نجتهد في سعينا خلف أن يكون معنا..
وللتذكير.. تم سحب كلمة مرور عبد الرازق آخر مرة .. نتيجة ما وجهه لحملة بورداب الرياض ووجه كلمة ذكر فيها بأننا عملاء لليهود .. هذا كل ما في الأمر .. تم بعدها توقيف حسابه .. بينما يستمر الان من لهم علاقة مباشرة مع اليهود .. ومنظمات يمارسون فيها عملهم في وضح النهار .. وآخرين أتوا بعلم الدولة اليهودية هنا ونكسوا به علم السودان .. فايهما احق بإنتزاع عضويته .. بمجرد كلمة أم بافعال واضحة كما الشمس ..؟
اتهمنا غيره هنا في هذه المساحة وفي منابر أخرى بالكوزنة .. ووجهوا لنا وكالوا من السباب ما كالوا .. تحت سمع وبصر الكثيرين هنا وهناك..
وبالمثل .. قام (إبراهيم بقال) .. بإتهام كل بورداب الخرطوم المشاركين في الحملة الانسانية لإنقاذ وليد دارفور .. اتهمهم في اكثر من بوست .. بالسرقة وفشل أن ياتي باسانيده .. ماذا تم معه:؟
كان جزاءه أن ظل هنا يتمتع بعضويته كاملة الدسم .. ويمارس نشاطه بالخارج من خلال هذه المساحة ..

اكتب هذا البوست بعد أن علمت بخبر عودة عبد الرازق الطالب .. أخيرا إلى اماكن النزال من جديد في سودانيزاونلاين



فهنيئا لشيوعيي المنبر بعودته وهو يزاحمهم بسرياليه .. بواقعيه ـ ويقدم لهم خدماته المجانية من أجل الممارسات الديمقراطية .. وكيفية قبول الآخــر وينفي عنهم تهمة الاقصاء التي اصبحت تلاحقهم..

صورة إلى:
- المحقق الفيدرالي كوستاوي
- الزميل شماسي
- الأمريكي دينق
- الأمير الكوشي يقجة غباين
- تراجي جمعيات تعاونية يهودية
- إدارة متحف الهولوكوست
- خالد دافنشي
- إدارة القوقل دوت كوم.
- الزول المسؤول من الورود بالبورد

أبو رزقة

عودا حميدا

و لكن :

Quote: يا ألف مراحب بلقياكم من جديد بعد إعادة كلمة السر لي من صاحب المنبر مشكوراً والتي سحبها إثر المشادة الشهيرة بخصوص حوارنا في هذا المنبر عن أنشطة بعض البورداب التي تبنت حملة الجمعيات الصهيونية التي إتخذت من [وليد دار فور] شعار لها..

مبروك يا بورداب الرياض الإنتماء للقافلة الصهيونية بشهادة أبو رزقة.
ممكن تورينا بالضبط يا أبو رزقة الحملة الصهيونية دي وين بداية الخيط بتاعها و منو المتبنيها في الخرطوم ؟
خليك صريح لو عارف زول صهيوني في الحملة قولو.
بورداب الرياض في الحملة من كل ألوان الطيف السياسي .. و فيهم مؤتمر وطني .. و السفارة متمثلة في أحمد يوسف القنصل العام داعمة و بقوة هذه الحملة. فقل لنا بكل صراحة من هم متبنيو الحملة الصهيونية بكل صراحة حتى لا نسير بالفعل كالطرش في الزفة. لربما تكون عالماً بشيء لا نعلمه ( و فوق كل ذي علم عليم ).

ليه ما تكون الفكرة سودانية 100%؟

يعني لو في حملة يهودية للتحول إلى الإسلام نقوم نفرتق من الإسلام ؟

Quote: تلك الحملة الصهيونية الدولية المسماة Darfur Campaign فقد إستطاعت أن تجمع حوالي 1,350,000 دولار في نفرتها التي إستهدفت المدارس الثانوية في الولايات المتحدة والقائلة Dollar for Darfur والتي ذهبت إلى جيوب منظمي مهرجاناتها لدعم أنشطتها الخاصة والتي خالفت الكثير من القيم الإنسانية على الرغم من إستغلالها لذات الشعار الإنساني.. ما حدا بنا لأن نقول مثلنا مثل الكثيرين يعني [طُرش في الزفة].. لا عليك..

ياخي البورداب دفعوا من جيوبهم لإنجاح الحملة .. دفعوا من وقتهم و جهدهم.

طرش في الزفة ؟
طيب يا أبو رزقة جيب لينا زفة بقيادتك تكون فيها الموسيقى مسموعة لينا.. و حنكون فيها أحسن مستمعين.

Quote: فلإن نفكر فيما يحتاجه الناس ثم نجتهد على إختراع الفكرة فهو شيء جيد.. ولكن لأن نستغل الفكرة لخدمة أجندة لا تخدم مصالح كان من كان من البشر فلسنا في حاجة لذلك وليس بالخبز وحده يحيا الإنسان..

هل المساعدات التي تم جمعها لأطفال دارفور لا تخدم أطفال دارفور؟ بس جاوبني على السؤال دة مباشرة.
الموت في دارفور بسب شيئين :
القتل
الجوع

القتل يمكن درؤه بعدة وسائل معروفة
أها الجوع دة بدون خبز ممكن توقف زحفه نحو البطون ؟ مع إنو نحن ما أرسلنا و لا ناوين نرسل خبز من هنا.

في إنتظار تنويرنا حتى نفرق بين يهود الحملة و بين العمل الخيري المتجرد.

دمتم

أبو جهينة..

Quote: مبروك يا بورداب الرياض الإنتماء للقافلة الصهيونية بشهادة أبو رزقة. ممكن تورينا بالضبط يا أبو رزقة الحملة الصهيونية دي وين بداية الخيط بتاعها و منو المتبنيها في الخرطوم ؟

مبروكـ دي طبعاً من باب تصادق مع الذئاب على أن تكون فأسك في يدكـ ولا شنو..؟
ياخي كتاحتكـ دي تفتكر إثارتكـ لمثل هذه الزوابع الجماعية حتودر أثركـ..

دي يا مان دايرة ليها مد وجذر سونامي عديل..

كفاية تلبس روح اليهوديان الحاقدان كارل ماركس ولينين للكثيرين ممن ينسبون أنفسهم كشيوعيين..
والإدعاء الكاذب بتبنيهم لأفكارهم من باب كونهم خوازيق..


وتحت الخوازيق دي خت خطين..

سأكشف لك الكثير المثير وما غاب عنكـ في تلك الحملة..
ومن يقف خلفها..

وكيف تم إلباس بورداب الرياض وبقية دول العالم طاقية اليهود الكط..
بحسب مكالمتي الهاتفية معك شرحت لك الكثير ولكن يبدو إنني في حاجة لمزيد من الشرح وشرح الشرح..
سأجلب لك بعض الروابط من بعض المواقع التي لا تروق لصاحب المنبر..
لزوم التدليل وحرز الأدلة خصوصاً تلك التي تساند صدق قولي صدقني لن تزيد على قدر فعلتكم التي أحبطت مساعيها في مطار الخرطوم حتى تاريخ كتابة هذا البوست..

عموماً..
أخشى أنكـ أوهمت بأنكـ أحسنت صنعاً..
أشكرك على الترحاب مرة ثانية..

وسيتم التبيان لاحقاً..
والمزيد فيما بعد..
وإلى ذلك الوقت..
خذ هذا الرابط باعوا العقيدة التي يفخر بها اهلهم علي مـرّ السنين من أجل ذواتهم وأطماعهم من الـ off.net
والذي أبتدرته هنا في بوست الأخ/ المكاشفي.. في ردي..

Quote: أعذرني للمخاشنة والحدة.. فالكثيرين حول العالم ينتحلون شخصية العاملين في الحقل الإنساني والمهتمين بحقوق الإنسان مستخدمين الأزمة في دار فور لإستغفال البشرية وهم على النقيض من ذلك ولهم أجندتهم الخاصة.. والبعيدة كل البعد عن الإنسان في الإقليم وتطلعاته.. فقط لغرض في نفسوهم.. مثلاً اليهود وهم أعدى أعدى الإنسانية جمعاء والعقيدة على وجه الخصوص على نقيض كلام محمد يحيى الذي أتي بما لم تأتي به عقيدتنا.. أنشأوا منظمة سموها www.savedarfur.org لتشويه السودان الوطن والعقيدة.. ومن خلالها فقد جمعوا أموال طائلة باستغفال العالم.. وفبركة الحقائق الماثلة على الأرض.. أنت الآن بحسب ما تزعم موجود في نيالا البحير.. هل تسمع لهم ركزاً.. [وأعني اليهود].. هل لهم وجود في المعسكرات.. حتى لا أقول أنني أرهم في شخصكـ.. شوف: دي.. منظمة إنقاذ دار فور اليهودية تخطط لجمع تبرعات من 27,000 مدرسة بالولايات المتحدة الأمريكية مستقلين أزمة مآساة دار فور.. كدعاية وبروبقندا.. على إفتراضهم أن كل مدرسة يمكن أن يحصلوا منها على 50,000 دولار أمريكي الناتج: 27,000× 50,000= 1,350,000,000 دولار أمريكي يعني مليار وثلاثمائة وخمسون مليون ..

حأزيدكـ بالمدد من هنا www.savedarfur.org وغيرها من المواقع الصهيونية..
لستم أول من أستغفل..
ولن تكونو آخر من لا يعلم..




مع خالص الأماني الطيبة..

بشير حسـن بشـير

Quote: من هذا المنبر أول مره أعرفها فى أبو رزقه ....

السعيد بيشوف في أخوهو..

طلبتكـ أمس أكتر من مرة..
جوالاتك كلها لا يمكن الوصول إليها..

بخصوص ود أخت أبو عركي البخيت..
بورداب السعودية ...... مساعدة عاجلة
شد لي سلكـ..


والعافية درجات..

مرحباً بعودة الزميل عبد الرازق الطالب، وعقبال كل الطيور المهاجرة.

وشكراً لك يا تمبس.

Elawad Eltayeb

Quote: مرحباً بعودة الزميل عبد الرازق الطالب، وعقبال كل الطيور المهاجرة

شكراً العوض الطيب على الترحاب الحار..
والشكر موصول للأخ علاء الدين تمبس في مسعاه..




وعقبال بقية الأخوة..

Quote

مرحباً بعودة الزميل عبد الرازق الطالب، وعقبال كل الطيور المهاجرة.

وشكراً لك يا تمبس.

==================================



صلاح واسبه

Salah Waspa
عذراً لو جاء ردي متأخراً فلم أرى هذه المداخلة أمس..

Quote: وشكراً لك يا تمبس

وشكراً لمروركـ أخي صلاح..

ألف مرحب بعودة الأخ عبد الرازق ونأمل عودة الموقوفين وعلى رأسهم ياسر طيفور .

شــكرا جزيلا حبيبنا تمبس ، هكذا عهدناك دائما حقاني .

مودتي

Gaafar Ismail
تحياتي..

Quote: ونأمل عودة الموقوفين وعلى رأسهم ياسر طيفور

صوت آخر في إنتظار فك أسره..




وبأملنا نبني جنة..

Quote: A.Razek Althalib

ياهـــلا والله

يا عالم.. يا ناس.. أبو رزقة وصل
أعتقد والله أعلم أن أبو رزقة قد قرأ سورة يس ألف مرة كما أجزم انه لم ينسى صورة الواقعة فهي جالبة للرزق.
.
.
يا أخي ألف مرحب بك.. والله منور المنبر

إسماعيل وراق
حمد الله ألف على السلامة..
حبابكـ إسماعيل..

Quote: سورة الواقعة فهي جالبة للرزق

بدون شكـ فقد كشف سرها من لا ينطق عن الهوى..




ألا بذكر الله تطمئن القلوب..

ملكة سبأ

Quote: ياهـــلا والله

حبابكـ رفيقة الحرف الندي..

Quote: - إدارة القوقل دوت كوم.

دي نار في نار ... لوووووول
حبابو الف

BAKTASH

Quote: حبابو الف

شكراً على الترحاب وحبابكـ عشرة..

ألفين مراحب وسلام ليك يا ود الطالب

نورت البورد

والتحيات ليك يا علاء الدين


حأرجع ليك فى آخر اليوم يا أبو رزقه

ابورزقة ظااااتو

عوجة كبيرة تب











مرحب

حيدر حسن ميرغني
شكراً للسؤال عني فترة غيابي..
فأنت أحد الأرقام السودانية باليابان التي لا يمكن تجاهلها..

Quote: عوجة كبيرة تب

لمن رضي لنفسه أن يكون خنجراً ساماً يطعننا من الخلف..
إضافة إلى..


من لا نوافق هواهم فقط..

بشير حسـن بشـير

Quote: حأرجع ليك فى آخر اليوم يا أبو رزقه

زارتنا البركة..



في إنتظاركـ..

عبدالرازق مرحبآ بالعودة .. وشكرآ تمبس..
وبالامارة كده استلم الامانة أدناه :
________________________________________.
.




كينغيبي ذكر أن متمردين من حركة تحرير السودان قتلوا عددا غير معروف من البدو العرب وخطفوا سبعة آخرين وسرقوا آلاف الجمال (الفرنسية-أرشيف)

أضغط هنا المصدر: (الجزيرة نت) مسؤول بالاتحاد الأفريقي يصف متمردي دارفور باللصوص


لماذا الهلوكوست مهتم بالشأن السوداني...
ومن أين لهم بمثل هذه التصاوير...
الفطير...
ولمصلحة من..
ولأجل من...


نمضــي....

Munir

Quote: وبالامارة كده استلم الامانة أدناه :

تم عرضها على السماوات والأرض والجبال فأبين أن يحملنها وحملها الإنسان..

شوف كيفن الظلم والجهل..
شكراً كتير على المرور..
وشكراً لهذه الأسئلة التي تفتق الكثير لتنير لنا ظلمات العتمة في الدروب..

Quote: لماذا الهلوكوست مهتم بالشأن السوداني... ومن أين لهم بمثل هذه التصاوير... الفطير... ولمصلحة من.. ولأجل من... نمضــي....

ليس متحف الهلوكوست فقط هو الجمعية الصهيونية الوحيدة والمهمتمة بالشأن السوداني..

ولكن اليهود حول العالم وعلى مدار تاريخ السودان تراهم مهتمين بالشأن السوداني وفي ظنهم إنهم يحاولون محاربة قيم هذا الدين الإسلامي أو كما وصفهم الخالق في القرآن الكريم..
لإعتقادهم أن الدين الإسلامي هو دين العرب كما زعمو أن الدين اليهودي هو دين بني إسرائيل فقط [في تصنيف عنصري وقح] ..
ولذلك تجدهم مجتهدين إينما وجدوا في تجنيد وترغيب كل أرعن منا في إثارة الفتنة بين العرب وغيرهم من العرقيات الأخرى من عيال آدم وحواء إضافة إلى خلعهم نياشين وأنواط البطولة والجدارة لكل من تم إستغفاله مننا..
وما تلك التصاوير وما أدراك ما التصاوير لو بتفتكر أو تتذكر صورة الوليد النيجري [أبو عراقي كط ]بتاع الأخوة تراجي ومحمدين..
وإجتهادهم لإيقاظ شيطان الفتنة فينا بدون تحري المصداقية والإنجرار وراء العاطفة الكذابة..
إضافة إلى ضابط البحرية الأمريكية العامل في لجنة تقصى الحقائق في الإتحاد الأفريقي..
وعلى ما أظن أن أسمه بريان إستايدل الذي حرف الكثير من الصور والحقائق..
وفبرك الأكاذيب..
عينك يا تاجر.. وقبض تمنها على ما أعتقد..
وحينما حاولنا كشف المستور عن هذا ضابط البحرية الأمريكية بريان إستايدل إنبرى الكثيرين هنا للدفاع عنه بحجة الإستنارة والإنتماء إلى العالم المتحضر..
ولا عزاء لذلك..
أما لمصلحة من..؟
فلو تتذكر لاعب غانا المحترف في الدوري الإسرائيلي والقام لوح بالعلم الإسرائيلي في آخر مونديال لكأس العالم..
والوردت الإشادة به في الصحف الإسرائيلية..

يكفي الإستدلال به وبوصف رئيس حكومة بلاده له بأنه أرعن..

وما خطف الأطفال مؤخراً عبر المنظمة الفرنسية الإنسانية إلا دليل آخر على صدق تأكيد الرعونة التي تجتاح الكثير مننا بحجة عداء ثورة الإنقاذ..

وهكذا..؟
نمضي والأيام شواهد بيننا في مارثون لعبة كراسي السلطة والسلبطة بالأحقية..



ولا منفعة تذكر..

أبو رزقة

Quote: مبروكـ دي طبعاً من باب تصادق مع الذئاب على أن تكون فأسك في يدكـ ولا شنو..؟

لا زالت عدة فؤوس في يدي و هو خيار إستراتيجي يرتبط ببقائي حياً .. لا تخف علينا فنحن يمكننا العيش مع الذئاب و كل ما يخطر على بالك من وحوش دون الحاجة إلى فاس أو فرَّار.

Quote: ياخي كتاحتكـ دي تفتكر إثارتكـ لمثل هذه الزوابع الجماعية حتودر أثركـ..

إنت إعتبرتها كتاحة .. و أنا أعتبرها دفاع عن جهدنا الذي تم تجييره لليهود كما قلت أنت.

Quote: سأكشف لك الكثير المثير وما غاب عنكـ في تلك الحملة.. ومن يقف خلفها..

دة مبتغانا و نحن في الإنتظار. يمكن تكون إنت على حق.

Quote: وكيف تم إلباس بورداب الرياض وبقية دول العالم طاقية اليهود الكط..

صدقني يا أبو رزقة لو أثبت لي الطاقية دي ... تاني جنب البورداب ما بمشي. فقط أثبتها لنا هنا و كما قلت لك يمكن إنت عارف مالا نعرفه.

Quote: بحسب مكالمتي الهاتفية معك شرحت لك الكثير ولكن يبدو إنني في حاجة لمزيد من الشرح وشرح الشرح.. سأجلب لك بعض الروابط من بعض المواقع التي لا تروق لصاحب المنبر..

فعلا. أحتاج لمزيد من الشلرح. و إن صدق قولك فلنا شأن آخر.

Quote: لزوم التدليل وحرز الأدلة خصوصاً تلك التي تساند صدق قولي صدقني لن تزيد على قدر فعلتكم التي أحبطت مساعيها في مطار الخرطوم حتى تاريخ كتابة هذا البوست..

قول واحد

Quote: عموماً.. أخشى أنكـ أوهمت بأنكـ أحسنت صنعاً..

حتى تاريخه و توقيته المحلي .. أنا لم أوهم نفسي .. بل على قناعة تامة. و لكن إلى أن تثبت العكس
في إنتظارك

ابو رزقه

الف حمد على السلامه ... غيابك طال.

مشتاقين .... والله قبل يومين كنت بفكر اطلب من بكري يفك اسر باسووردك

الدنيا ام بناية قش ما بتستحق.



مالك قايم نمرة 5 على ناس الرياض الطيبين ؟

يا اخي اعتبر الفات مات وابدأ معانا صفحة جديدة


شكرا يا علاء

عزيزي العائد عبد الرازق

.... بإفتراض توفر حسن النية فى حوارك مع الاخ ابوجهينة
____________________________________________________

نريد ان تكون عودتك بقدر شوقنا الدفعنا للجية والترحيب بك

ليتك تترك هذا البوست للغرض الذي فتح من اجله

على ان تعمل بوست منفصل لمناقشة امر الجالية موضوع النقاش

انت زول نفسك حار وهميم وما عايزينك تفك اخرك من اول يوم

بالله عليك خلي الناس تجي تسلم وتتخارج بس

اتوقع منك بوست كارب فى اى موضوع

ده عشمي فيك يا حبيب

حيدر حسن ميرغني

Quote: بإفتراض توفر حسن النية فى حوارك مع الاخ ابوجهينة

وعلى قدر معزتكـ عندي..
وإعتزازي بعلاقاتي ببورداب الرياض..
والكثيرين من مختلف دول العالم..
وعلى رأسهم أبو جهينة..


أقدر مشاعرك تجاه هذا الموضوع مع توفر حسن النية من قبلك..
متي ما توافرت..

وفي ذات الخصوص دعني أقول أن تبني المشروع الصهيوني كفكرة والدفاع عنها..
واجب علينا أن نكشفه والساكت عن الحق شيطان أخرص..

دعنا أقول للمخطئ مخطئ..
إلى أن يثبت العكس..
متي ما سنحت السانحة..

وللمحسن محسن..
ليزيد في إحسانه..

والنعطي كل ذي حقٍ حقه..



تقديري يا الغالي..

سلالالالالالالالالالالالالام يا عبد الرازق

عارف فاتتك حاجت كتيرة ورغم غيابي الطويل من البورد وجابني الشديد القوي

سرقة الشفع وتجارة الرقيق التي مارسها الرجل الابيض في وضح النهار ..

شفت جنس قوة العين دي ..

ترانا قاعدين ليهم

تصحيح معلومة

Quote: حوالي 1,350,000

\

لالالالالالا القروش اللهفوها ناس سيف دارفور عبارة عن 15 مليون دولار ..

مأساة دارفور تدر ربحاً وفيرا.....لأمثال محمد يحي الذي قبض 100 الف دولار من اليهود

لن يكون الأخير

مرحب بيك الف

عزيزي حيدر

Quote: .... بإفتراض توفر حسن النية فى حوارك مع الاخ ابوجهينة

هو ليس بإفتراض حسن النية بل هو تأكيد .. فأبو رزقة مشاكس و مصادم .. و لكن كما قال أحدهم هنا يحمل قلباً بحجمه .. قلب كبير..

دمتم

القلب النابض
ألفين تحية وتقدير..

Quote: سرقة الشفع وتجارة الرقيق التي مارسها الرجل الابيض في وضح النهار ..

والله يا الغالية عمالة مزارع التبغ بفرجينيا ليست ببعيدة فهي الشاهد على صدق قولكـ..
والمعروف عنهم هذا السلوكـ البغيض وعلى مدار التاريخ الإنساني في إستغلالهم للبشر وما عرفو به اليوم إنهم منتهى سوق النخاسة..
والمستنكر مننا هو مشاركة النخاسة المحليين في ذلك على الرغم من لهجهم بالعكس..
والإدعاء بخلاف الحقائق الماثلة للعيان..
مثلاً دعونا نبتدر ببوست بكري أبوبكر:
فيديو من الزميلة نعمة الباقرلاستعباد الجنجويد لسكان دار...لبون بالقوات الدولية
ومقارنته بجريمة نخاسة فرنسا: لا أستغرب بيع أطفال دارفور: لقد باع الغرب وأشترى أبناء ...ركات الكبار قبلهم!!
ثم الوقوف أمام الدعاية المصاحبة لذلك بعمر الأزمة:
قضية دارفور: قضية سود كما يصورها أبناء دارفور فى الغرب ...الوا شوفوا الأبتزال)

فى الصورة عبدالجبار أدم رئيس منظمة درافور لحقوق الأنسان بالولايات المتحدة

فلا تعطي الدنيا إلا العجب..؟!!

Quote: Quote: تصحيح معلومة Quote: Quote: حوالي 1,350,000 \ لالالالالالا القروش اللهفوها ناس سيف دارفور عبارة عن 15 مليون دولار ..

شكراً للتصحيح..
هم كانوا مخططين على النحو التالي:

Quote: منظمة إنقاذ دار فور اليهودية تخطط لجمع تبرعات من 27,000 مدرسة بالولايات المتحدة الأمريكية مستقلين أزمة مآساة دار فور.. كدعاية وبروبقندا.. على إفتراضهم أن كل مدرسة يمكن أن يحصلوا منها على 50,000 دولار أمريكي الناتج: 27,000× 50,000= 1,350,000,000 دولار أمريكي يعني مليار وثلاثمائة وخمسون مليون ..

ولا علم لي بمقدار ما جمعوه من مبالغ ولهطوها..
فهم على مقدرة على تحريف الكلم عن موضعه..
ومن السهل تحريف الأرقام..
فهم قالوا مستهدفين 27,000 مدرسة ثانوية..
وفي ظنهم الحصول على مبلغ 50,000 دولار من كل مدرسة في حملتهم الكان شعارها dollar for darfur

Quote: مأساة دارفور تدر ربحاً وفيرا.....لأمثال محمد يحي الذي قبض 100 الف دولار من اليهود

أكل أموال الناس بالباطل..
درت عليهم جام اللعنات..


وحقائق التاريخ لا ترحم من خان أمته..

Zoal Wahid

Quote: يا اخي اعتبر الفات مات وابدأ معانا صفحة جديدة

نقطة أول السطر..


حاضر..
شوف دي نيالا عبر الأقمار الصناعية: شوف دي نيالا عبر الأقمار الصناعية

على الرغم من جمال مناظر الطبيعة في الجنوب الدار فوري..
تظل صحارى الشمال المتاخمة للحدود الليبية السودانية مقفرة في هجير صحراء رمالها اليابسة..

وتظل محطات ماضي تاريخنا السوداني حاضرة بقوة كناقوس للأسى المنذر الذي يدق في قلب ذاكرتنا الجمعية منذراً دون عبرة أو حتى مجرد إعتبار..


من باب المؤمن لا يلدغ من جحر مرتين..

دعنا ننخر قليلاً في هذا الجانب..

فآلام التجربة لا زالت مريرة حين يجترها ضحاياها..


فالناتج من حصيلة هذا البؤس السوداني الماثل اليوم هو نتاج طبيعي لحكاية [خلوها مستورة]..
وإبتداع إنتاج مصطلح المسكوت عنه..


شكراً مرة تانية على المرور..
فخلاف الرأي محمده..



فالننطلق لبناء سودان الحريات المنشود..

الأخ.عبد الرزاق الطالب,
حبابك عشرة ونورت سودانيزاونلاين من جديد...

لك كل الود تمبس

حسن الجيلى سعيد

Quote: حبابك عشرة ونورت سودانيزاونلاين من جديد...

شكراً للترحاب..

ومروركـ الغالي..

الف حمد الله على السلامة ..
وبرجوعك البورد نووووووووووور ..












والتحية لتامبا

والله يا ابو رزقة من كترة ما حظروك في المنبر دا الواحد بقي ما عارف حالة كونك (مفكوك ولا مقبوض )

اسع انا في بالي احتمال ترد لي في البورست دا 50% واحتمال تتحظر قبل ما تر 50%

يعني الواحد بقي شايفك فيفتي فيفتي

الاخ الحبيب عبد الرازاق الطالب
منور و الله....وبركه الشفناك طيب.



ويا تمبس عارف عبد الرازق انا بحترمه ليه؟؟؟
لاني عارفه انه لا علاقة له بنظام الخرطوم
كان متدين متدين لروحه
ومعناها لا مرتبط بانقاذ او غيرها
وكان عامل عربي عامل عربي لروحه
يني ما مرتبط بنظام بعث ولا يحزنون

اذن يظل عبد الرازاق الطلاب..هو عبد الرازاق الطالب
له نمطه المميز
دفش في نقد الآخرين
يعني ما بيعرف يحنكش النقد.


ويا ابو جهينيه عبد الرازق...احيانا حقيقيه يعجز عن توصيل فكره بكلمات واضحه
لكني واثقه بانه لا يعني....حملتكم...وانما يعني حملات آخرى خارج السعوديه.



ويا عبد الرازق منور مرة آخرى
ومشتاقه اشوف صورة البنيه الكنت حتسميها علي وبعدين غيرت رايك
اها 5 من بنات برام سموهم علي



تخريمه:
عليك الله يا عبد الرازاق اوع تخرم على بوست المثليين لانك حتصوته
وانا عارفه تمبس الحسود ده بكون رجعك اليومين دي عشان البوست ده

حقوا بكري كان يرجعك بعضويه مشروطه وهي الا تسوط البوستات المميزه فوق تحت زي عوايدك.

بت حلتنا Tragie Mustafa
كيفنكـ..

Quote: ويا ابو جهينيه عبد الرازق...احيانا حقيقيه يعجز عن توصيل فكره بكلمات واضحه لكني واثقه بانه لا يعني....حملتكم...وانما يعني حملات آخرى خارج السعوديه.

لا حول ولا قوة إلا بالله..
اللهم أحلل عقدة من لساني يفقهو قولي..
يا تراجي العك الحاصل فوق ده كلو وبرضو جاية تدرفسيهو صواطه برجلينكـ..
يا تراجي أنا أعني على وجه الخصوص حملة بورداب الرياض داخل المملكة العربية السعودية..
ومن ثم بقية معاول الصهيونية خارجها..
كتبت تراجي تقول:

Quote: بوست المثليين

ما تكوني قاعدة تجاملي صاحبتك المثلية بس..؟

Quote: البوستات المميزه

هسع يا تراجي التميز الإنتي ناشداهو موش ياهو العنصرية وحب الذات..
ولا حاجة تانية..

كان ده دربكـ..

قشة ما تعتر ليكـ..


قال حزب شيوعي قال..

عودا حميدا أبورزقة

امسك في كلام تمبس الفوق دا قـــوي 0

تحياتي

mahmed alhassan

Quote: امسك في كلام تمبس الفوق دا قـــوي

شكراً على المرور والترحاب..



والدين النصيحة..

اساسي

Quote: يعني الواحد بقي شايفك فيفتي فيفتي

حنبكة سيد كورة الشراب ساكت لامن يتغلب في دافوري الحلة..

أسمع؛
بعد الغياب..


لقيتني كيف..؟

ود المايقوما
أشواقنا يا الغالي..

Quote: الف حمد الله على السلامة ..

وووووين الحي بيكـ..


شكراً يا الغالي..

تامبا يا صاحب ..
أحي فيك هذه الروح السمحة ..


تذكرة ..
أعتقد أننا نخاطب عقول ..
وإحترام رأي الآخر إحترام لذاتنا ..
ونتساءل ماذا أضاف لنا المنبر وماذا أضفنا أو ح نضيف له ..
يا عبدالرازق عودتك ليست تأكيداً ليهوديتنا ..
وما قمنا به وقام به بورداب الخرطوم والعالم بدواعي إنسانية بحتة ..
وإتهامك مردود عليك ..
أتمنى أن تكون راجعت نفسك كويس في فترة توقفك وإزلت الغشاوة الفي عينيك ..

سلام إلى مطلع الفجر ..

مرحب بعودة ول أبا عبدالرازق

أحتفائية خاصة بعودة القوقلى ول أبا: عبـــــــــــدالرازق الطالب.

بريمة

very welcomed indeed



i hope you and your family are well

ما أجملها
التحايا
لك
ولها .

حمدالله على
السلامة
---------
شكرا شمبس وتماسى !!

عودا حميدا يا ابو رزقة

اليهود والورودوالهوليكوست جاهم بلا

شكرا يا تمبس

مرحب بحرامي النت

عقلت ولا لسع?

مبروك البنية يا أبو رزقة
غايتو لو كبرت و كيست وليد يهودي
يكون تعبك دا كلو راح في هولوكوستاويك ساكت

Kostawi

Quote: مرحب بحرامي النت

حاسب ما يطق ليك عرق..
أصلوا العرق دساس..

Quote: عقلت ولا لسع?

بعد ما تترفعو وتكبروا أنتو..

Quote: مبروك البنية يا أبو رزقة

عقبالكـ..

Quote: غايتو لو كبرت و كيست وليد يهودي

على قول صاحب الرسالة الذي لا ينطق عن الهوى قال: [يولد المولود على الفطرة..
فأبواه يهودانه أو ينصرانه أو يمجسانه..

رفقاً بالقوارير يا نصير المرأة..

شن قولكـ..

Marouf Sanad

Quote: اليهود والورودوالهوليكوست جاهم بلا

براهم..
يا أخوي معروف اليهود ديل بلاهم موعودين بيهو من رب السماء..


أنحن خلينا كان نقدر على أطفال أنابيبهم..
وبقية أجسامهم الهلامية..



شكراً على المرور..

Abd Alla Elhabib

Quote: ما أجملها التحايا لك ولها .

من قلبي عقبالكـ..

Mustafa Mahmoud
شكراً د. مصطفى على المرور الطيب..
والكرت الجميل..



خالص الأماني الطيبة..

Biraima M Adam
حبابك حباب الفارس..
أحتفائية خاصة بعودة القوقلى ول أبا: عبـــــــــــدالرازق الطالب.

Quote: مرحب بعودة ول أبا عبدالرازق وفى "الويك أند" ح أعمل كرامة.

كده أجلها شوية..


أصلوا بكرى ما مضمون..
عامل زي سيد كورة الشراب..


أول ما ينغلب يقوم يشيل كورتو..


خالص الأماني الطيبة..

معتصم دفع الله
يا صاحب الغربتين..

Quote: وما قمنا به وقام به بورداب الخرطوم والعالم بدواعي إنسانية بحتة ..

نخاسة الأطفال بتوع المنظمة الفرنسية برضو بيقولوا دوافعهم إنسانية بحته..

تعرف يا صاحبي..
حكاية الأعمال بالنيات ولا ما سمعت بيها..
تعال شوف في واحدة من داعرات أفلام الجنس الفاضحة قالت برضو دوافعها في الحملة إنسانية..
مثلاً خذ دي عينة عشوائية لمارثون جنس دارفور العالمي..

Quote: Darfur Sex Rally A sweet young blonde tells us about what happened when she met a cute guy at a rally for the people of Darfur. http://blip.tv/file/184121

نموذج عشوائي

ولا أظنكـ كنت ستشارك فيه..
ولا شنو..؟
يا صاحبي البطن بقرانة..

والنفس السليمة عوافه..

كده أتبين تحت أقدامكـ وأسمع رجع صداكـ..
والرجوع للحق فضيلة..

بكر تجرد..


راجع ذاتكـ..

مرحبابك يا هلا

روق المنقة ياابو رزقة . وحمدا لله علي السلام .

وليد شريف
الزول الغايب من زماآآآآآآآن..
ووووووين الحي بيكـ..
كيفنكـ يا زول..

Quote: روق المنقة ياابو رزقة . وحمدا لله علي السلام .

لون المنقة يا الشايل المنقة..

موش لامن يروق الشايلها..

كيف يستقيم الظل والعود أعوج..


خالص الأماني الطيبة..

نصار

Quote: مرحبابك يا هلا

حبابك نصار..

تمبس يا راقي

كما عهدناك بقلبك الأبيض

يا خي ظلله شوية بس عشان العين


مرحب الغالي عبدالرازق الطالب

وبعدين موضوع حملة وليد دارفور

والبورداب ده ما اتكلمنا فية..

بيض النية عبدالرازق ،،،

فرحانه بيك كل نجوم البورد ،،

تحياتي للحسنين والامورة وايمان ..

مودتي يا غالي ،،

خالدة البدوي
حبابكـ يا الغالية..

Quote: وبعدين موضوع حملة وليد دارفور والبورداب ده ما اتكلمنا فية..

صحيح تكلمنا فيه..

لكن لم نقتله بحثاً..



شكراً على المرور والترحاب..

عبد الرازق الطالب

سلام و مرحب بعودتك

زمان واحد صاحبنا قال اسهل حاجة تبطل السجاير قلنا ليهو كيف؟ قال انا لغاية حسع بطلتو يجى 100 مرة

هشام المجمر

Quote: زمان واحد صاحبنا قال اسهل حاجة تبطل السجاير قلنا ليهو كيف؟ قال انا لغاية حسع بطلتو يجى 100 مرة

تلاقيهو شيوعي مرة..





شكراً على المرور والترحاب..

ابورزقه
وصل
أنا حسع شفت البوست دا
الف حمد الله على السلامة
تمشي وتجي بالسلامة
تلقانا نحن يانا نحن

حمزاوي
يا خال بورداب الرياض..

Quote: أنا حسع شفت البوست دا

وبركة الشوفناكـ..




سمحة العافية..

Quote: زمان واحد صاحبنا قال اسهل حاجة تبطل السجاير قلنا ليهو كيف؟ قال انا لغاية حسع بطلتو يجى 100 مرة

الله يجازي محنك

قطعت مصاريني من الضحك.

Quote: تم بعدها توقيف حسابه .. بينما يستمر الان من لهم علاقة مباشرة مع اليهود .. ومنظمات يمارسون فيها عملهم في وضح النهار .. وآخرين أتوا بعلم الدولة اليهودية هنا ونكسوا به علم السودان .. فايهما احق بإنتزاع عضويته .. بمجرد كلمة أم بافعال واضحة كما الشمس ..؟

العزيز تمبس قبل تتم كلامك أعلاه جات بي بجاحتا التحت دي

Quote: حقوا بكري كان يرجعك بعضويه مشروطه وهي الا تسوط البوستات المميزه فوق تحت زي عوايدك.

تخيل الكلام البينطبق على المصيبة دي تشيلو وتختو فوق الناس
لا اعتراض في حكمك يا الله

yasiko

Quote: لا اعتراض في حكمك يا الله

كلك نظر..

لا تبتأس على قولها..


فإنها مأمورة..

Welcome back
خالص الترحيب ..

اب رزقــــــة ..
عودا حميـــدا ..
علي الاقل كدا احسن .. انت طاقتك دي لازم توزعها علي ( الكرة الارضية ) كلها..
ناس ( الرياض ) براهم ما بسـتحملوا ..!!

..
..

يا تمبس ..
تعال بعد يومين قول ( كثافــتي جات يا جماعة ) ..!!

أبو رزقة (حبيبي أنا)

مرحب بعودتك.
وحقو تشكرني حتى أستغيث.

يللا سريع النبدأ الشكل عشان نخلص قبل مايحظروك

غايتو سلاطين باشا واليهود حتبقى عليهم جنس بشتنة ورقاد واطة.

محمد المحجوب..
الشهير بـ(shammashi)..
ود أخت الشيخ نقد ونسيب الزميل أزرق طيبة..
كيفنكـ من تعب الدنيا..

Quote: يللا سريع النبدأ الشكل عشان نخلص قبل مايحظروك

يعني هي ناقصة مآسى..
ولا ياها الإنتهازية..

عموماً..


شكراً للمرور حتى تستغيث..

humida
شكراً على المرور..

Quote: ناس ( الرياض ) براهم ما بسـتحملوا ..!!

أفرز..!!

ما تلخبط الكيمان ساكت يا حميدا..

يلا يا كوستاوي شوف شغلك

رقم صفر

Quote: يلا يا كوستاوي شوف شغلك

لووووووووووووول..




مالك إنت صغير..

مجاهد عبدالله

Quote: خالص الترحيب ..

شكراً يا بطل..

أخونا عبد الرازق
البيت بيتك
حللت اهلا ونزلت سهلا
جنى

أبورزقه

عودا حميدا

كسرة:

صورة قريبي دا لقيتا كيف ؟

أبو رزقة

أنا قاعد متحكر فوق كرسي و منتظرك لتوضيح ما يلي :

Quote: سأكشف لك الكثير المثير وما غاب عنكـ في تلك الحملة.. ومن يقف خلفها..

دة مهم جدا جدا زي ما قلت ليك هاتفياً.

Quote: وكيف تم إلباس بورداب الرياض وبقية دول العالم طاقية اليهود الكط..

يا ربي القَفا دة يشبه قفا منو في بورداب الرياض ؟ ( وجه ضاحك : و شر البلية ما يضحك )

Quote: سأجلب لك بعض الروابط من بعض المواقع التي لا تروق لصاحب المنبر..

في سبيل توضيح الحقيقة .. و في سبيل تبرئة ذمتنا .. لا أظن أن بكري سيمانع .. هات ما تستطيع من روابط

Quote: لزوم التدليل وحرز الأدلة خصوصاً تلك التي تساند صدق قولي صدقني لن تزيد على قدر فعلتكم التي أحبطت مساعيها في مطار الخرطوم حتى تاريخ كتابة هذا البوست..

هذه النقطة بالذات بدأتء تزيد من شكوكي.

منتظرين يا أبو رزقة :

ادريس خليفة علم الهدي
راجيكـ تشد لي سلكـ..

Quote: صورة قريبي دا لقيتا كيف ؟

في القيف..؟

jini
حبابكـ يا زول..

Quote: البيت بيتك

والله الحوش حوش بكري..
ومن حقو يقلع مفاتيحو..



لكن ما من حقو يحجر على آرائنا..


ولا شنو..؟



دمت يا الغالي..

ود الطالب
حبابك يا زول ...
وكدي (النقالدك) قبل تروح تاني ...
أصلك وقفت الزيارات
.......
غايتو التيمان بعد ده الله يعينهم ... ترجع تلقاهم (نايميين ) !!!!!!!!
....
أنصحك تشد السلك من البيت ....
شكلك جاي (مشمر ضريعاتك ) ...

ودوام نهاري بس ( ما بكفيك ) !!!!!
....
يا زول لا حجر على رأيك طالما ( البرهان ) .. و(المنطق) موجود ...
واختلاف الـ ..... الخ
........

ويبقى الود ...

Quote: لكن ما من حقو يحجر على آرائنا.. ولا شنو..؟

حق اصيل يا ود الطالب

جنى

jini

Quote: حق اصيل يا ود الطالب

شكراً جني..

عمران حسن صالح
تحياتي..

Quote: أصلك وقفت الزيارات

الظروف يا عمران..
تحياتي للوالدة ومحمد وأم محمد..


كل سكة بنواصلا..

أبو رزقة

سلام

Quote: ابو رزقة أنا قاعد متحكر فوق كرسي و منتظرك لتوضيح ما يلي : Quote: سأكشف لك الكثير المثير وما غاب عنكـ في تلك الحملة.. ومن يقف خلفها.. دة مهم جدا جدا زي ما قلت ليك هاتفياً. Quote: سأجلب لك بعض الروابط من بعض المواقع التي لا تروق لصاحب المنبر.. في سبيل توضيح الحقيقة .. و في سبيل تبرئة ذمتنا .. لا أظن أن بكري سيمانع .. هات ما تستطيع من روابط Quote: لزوم التدليل وحرز الأدلة خصوصاً تلك التي تساند صدق قولي صدقني لن تزيد على قدر فعلتكم التي أحبطت مساعيها في مطار الخرطوم حتى تاريخ كتابة هذا البوست.. هذه النقطة بالذات بدأتء تزيد من شكوكي. منتظرين يا أبو رزقة :

أبو رزقة مالك فطيتني ؟
زي ما قلت ليك أنا منتظر على أحر من الجمر ..

عودا كريما للاخ ابوزرقة وعقبال عودة كل الذين ابتعدوا او ابعدوا .

نيازي مصطفى
تحية طيبة..

Quote: عودا كريما للاخ ابوزرقة وعقبال عودة كل الذين ابتعدوا او ابعدوا .

شكراً على المرور نيازي..

ابو جهينة

Quote: أبو رزقة مالك فطيتني ؟

جاييكـ يا ريس بورداب الرياض..

فول سوببورت يا عبدالرازق

فدوى الشريف
تحياتي يا الغالية..

Quote: فول سوببورت يا عبدالرازق

shookraaan