لعيبة المريخ مقلبو سماسرة الاراضي

امبارح اتصلت علي صديق في السودان شغال سمسار اراضي و قلت ليه عايز اكلفك بموضوع بكرة الصباح..قال لي لا لا لا لا ألا بكرة ,,قلت ليه في شنو بكرة ,,, قال لي بكرة يوم الضربة الكبيرة ناس المريخ حيدوا لعيبتهم اراضي و انا عندي اتنين من اصحابي بلعبوا في المريخ ,,داير اتفق معاهم بدري بدري علي عمولة البيع قبال ما يتصرفو اصلهم حيبيعوا اراضيهم ,, و كمان ماتنسي في 6 اجانب بالمدرب ,,ديل حيبيعوا اراضيهم بقروش التراب ,,عشان كده يامعلم ما تضيع لي اليوم ده,,, و زولي ده ماعندي علاقة بالكورة ,,قال انا ماشي انوم بدري عشان اصحي دغش و اكابس ليك معسكر المريخ من الصباح,, و قام الصباح ما عارف الحاصل فتح باب الشارع لقي ليك عمك ود الامين راقد جنب قعر حيطة الشارع و قاشط و ريحته تعمل قعدتين ,,جري عليه و رفعه بالراحة قبال نسوان الحلة ما يطلعوا ,,قال ليه مالك ياودالامين ..البخليك تعمل كده شنو ,, ود الامين بصوت نص كم ..يعني هع انت هع ما هع عارف ,, امبارح مارشونا اربعة ,, يا عمي انتو ناس منو .. نحن ناس هع الزعيم هع اسياد البلد .. و اخيرا فهم السمسار الحاصل و قال لعمك وديني معك للناس العملوا فيك هع كده هع,, صحبنا قشط بالريحة,,,,

صديقي صديق حمدتو : ليس بالارانب وحدها يحيي الانسان ... لقد كاد اهل المريخ ان يقنعوننا بان الفلوس هي وسيلة لكل نجاح الي ان استفاق الجميع من صفقة الصفاقصي و تبين ان العنصر البشري اهم من الارانب و كان الله في عونكم ...............

Quote: قال لي بكرة يوم الضربة الكبيرة ناس المريخ حيدوا لعيبتهم اراضي و انا عندي اتنين من اصحابي بلعبوا في المريخ ,,داير اتفق معاهم بدري بدري علي عمولة البيع قبال ما يتصرفو اصلهم حيبيعوا اراضيهم ,, و كمان ماتنسي في 6 اجانب بالمدرب ,,ديل حيبيعوا اراضيهم بقروش التراب