واااااااااااااااااااااااا فضيحتااااااااااااااااااااااه !!!!!!!!!!!!!!!!!!!!!!!

ده شنو ده !!
معقول ده حال فريق وصل لنهائي !!!
انا من مباراة الخرطوم 3 ما كنت مطمئن لكن كنت دافن راسي في الرمال
وقلت امكن المريخ يحالفو الحظ ويكون في حالة كويسة ..

معقووووووولة!!!

ده المريخ !!!!

امبارح تمنيت لو كان المريخ فاز على القطن التشادي في الخرطوم 1/0
وانتهينا من الشبكة دي .

وتمنيت لو كنا تعادلنا مع الاسماعيلي في الخرطوم وغلبنا دولفين 2/0
واتفكينا من الشبكة دي .

الحاجة الوحيدة الما اتمنيتها انو الهلال هو الكان لاعب امبارح لأنو
فعلاً كان فاز بسهولة على الصفاقسي ..

اقر واعترف وانا المريخابي المتعصب جداً جداً .. بأن مستوى المريخ الحالي لا يؤهله
للمنافسة على اي مسابقة .. وبالجد كده انا لو كنت مسؤولاً بالنادي لطالبت بالانسحاب
من مباراة الرجاء في البطولة العربية .. طبعاً من الصعوبة بما كان الانسحاب من مباراة
الرد مع الصفاقسي لأنها مباراة نهائية .. وستكتمل فيها النهاية المرّة .


امّا بالنسبة للاعبين فالظاهر ان المريخ يحتاج لـ كشف كامل من اللاعبين طالما أن هؤلاء هم
الأساسيين وهم أفضل من في المريخ فهم واحتياطييهم يذهبوا غير مأسوف عليهم ..
فثبت أن المريخ نادي فيهو ادارة ومشجعين فقط وما فيهو لاعبين على قدر المسؤولية ..


المريخ نحرنا ليلة امس ..
المريخ ضبحنا مثل الضان من الأضان للأضان .
المريخ مرمط سمعة الكورة السودانية..


المريخ خذل حتى عصام الشوالي المعلّق التونسي الكان بردد ان المريخ فريق كبير وكان الشوالي
متخوّف حتى عندما كانت النتيجة 0/3 .. لأن تجربة الصفاقسي التونسي مع الأهلي القاهري في نهائي
أفريقيا 2006 انقلبت عليهم في تونس .. لكن شتّان ما بين المريخ والأهلي فريق القرن الأفريقي !!



المريخ فضحنا المريخ فضحنا المريخ فضحنا ...

الحبيب أمير الجمري

اربعة الف تحية

Quote: المريخ فضحنا المريخ فضحنا المريخ فضحنا ...

يا اخوانا الجقلبة شنو ولسه في مباريات متبقية .. المسألة كانت لا تخرج من نطاق الكرم ..

الناس ديل مويتهم جايبنا معاهم يعني جاهزين موية ونور ..

وده عيبهم انهم كانو جادين جدا فالمريخ لم يكن بخطورة استعداد الصفاقسي .. اي نعم قد بنوا حساباتهم عندما شاهدو الهلال ساطع ولكن لم يكونو يدركو ان النجم قد هوى ..

ما زالت هنالك مباراة لاثبات الوجود ..

كدي حسي حقو يحصروا تفكيرهم بان تكون المباريات القادمة استعدادا للهلال .. عشان ما يتأزمو اكتر من اللازم ..

مودتي

ود العم
والله حالة تحنن
المشكلة في المدرب و الاعلام
المدرب لاعب خطة هجومية من قولة تيت
بدون اي جس نبض ولا معرفة بحجم الخصم
ونزل أمير دامر بعد عملت تلاتة
ومصر علي لاعبين كأنو عندهم حصانة دبلوماسية ضد التغير
والنتيجة المريخ ظل يلعب ناقص طيلة المباريات الأخيرة
أما الأعلام فدي قصة تانية
كدي بالله أضرب شوف هاشم الجمري الحصل عليهو شنو؟؟

أخي الأمير أمير لاتستعجب ياصديقي والنتيجة الكبيرة دي عدم مسؤلية من اللاعبين

لأن الذين مثلوا المريخ أمس خيالات لاعبين وليسوا لاعبين عرفوا ماضي هذة النجمة

التي حفظوا لها اللاعبين أجيال وأجيال وطريقة اللعب من بداية المباراة مباراة

هذيمة ولكن بهذا الكم والكيفية هي مسؤلية من خط الدفاع المتهالك إلي بهاء المنهزم

أصلا ولكن لا نقول إلا لاحو ولاقوة إلابالله وهولاء اللاعبين لا يرتقوا قدر الشعار الذي لبسوا

ونترحم علي جيل حامد بريمة وكمال وعاطف وحاتم والرجول التي شاهدوها هذا العرين الذي

زمجر فية أسود النزال وأتوا من غيبوا هذا التاريخ وهاردلـــــــك أمير وكبوة يجب أن

تنقشع في شوطها الثاني بتونس وإلا أن الكرة المريخية سوف تأفل نجمتها إلي الأبــد وبرغم

الهزيمة أنه المريخ القدر والحب الكبير .

،،،،أبوقصى،،،،

أخي العزيز الأمير : أمير ،

تحياتي ، وأحسن الله عزاءكم !

فعلاً المريخ بهدل سمعة الكرة السودانية أمس ،
ليس هو المريخ الذي نعرفه .. أنا هلالابي لكني
أمس كنت مريخابي ، وبكيت وحردت العشاء بعد تلك
الهزيمة الداوية والفضيحة المجلجلة .. كنت بين
لحظة وأخرى بعد الهدف الثاني أتوقع الانتفاضة
المريخية ، لكن خاب فألي وضاع أملي .
لم أبك يوم انهزم الهلال من الأهلى في القاهرة أو
من النجم الساحلي ، ولكني والله العظيم أمس ذرفت
الدموع لأول مرة في حياتي كمشجع على المريخ أمس
رغم أنني لست مريخابي بل هلالابي ، ولكنه الولاء
لمن يلعب باسم السودان ، والذي فرحنا لصحوته من
بعد طول رقاد ، فرحنا للمنتخب وللهلال وللمريخ
وهم يحلقون بنا عالياً فوق السحب .. لكن ما حدث أمس
كان مخزياً ومؤلماً وفظيعاً .

وربنا يستر من المباراة النهائية .. ولسان حالنا يقول :
اللهم إنا لا نسألك رد القضاء ولكن اللطف فيه .

Quote: المريخ نحرنا ليلة امس .. المريخ ضبحنا مثل الضان من الأضان للأضان . المريخ مرمط سمعة الكورة السودانية..

و .. أردد معك من خلف دموعي .. واااااااااااا فضيحتااااااااااه !!!!!


مودتي ،


( ليمو )

اخوي امير ,, انت مقتنع لكن البيقنع اعلامكم الكضاب شنو,,, بكرة يقولوا المريخ قادر علي التعويض ,,, يا عزيزي التشكيلة بتاعت امبارح فيها 5 لاعبين كانوا خلوا الكورة و اعتزلوا اللعب في الاندية الكبيرة لكن ادارة المريخ و من خلفها امثال مزمل جابوهم تاني و كمان دفعوا فيهم الملايين و هم ابالو بعد كاس العالم كان بطل اللعب الدولي ... مجاهد اقتنع ينهي حياتوا في مدني و باولينو كان بدون نادي ,,اما اليجا فقد انهي الجزيرة الاماراتي عقده في منتصف الموسم و ده بلغة ناس الكورة القدام ( ناس الصيني و ابراهيم جبارة لاعب منتهي و بلغة صديق العارض : مقيل ) و فيصل العجب رقم اشراقاته من وقت لاخر هو نفسه مامصدق انه جاري لحد هسع ,, و علاء بابكر رغم صغر سنه لاعب بلا طموح و شطب لسؤ السلوك ,,,هل تتوقع مردود غير الذي رأيته من هؤلاء ,,,
قال الصحفي الرائع عبدالمجيد قبل ايام: مريخ يقوده اتوفستر و و باولينو و اليجا و ابالو و ايداهو غير جدير بتحقيق البطولات ,,, و لو قريت مايكتبه مزمل تقول المريخ ده المان يونايتد ..
شفت المشجع الطلع قميصه و اجهش بالبكاء.. هم ضحايا مزمل و امثاله..
عزيزي هاردلك و هي ضربة في الراس عشان نصحي...

الأخ العزيز علاء حيمورة
تحياتي

Quote: وده عيبهم انهم كانو جادين جدا فالمريخ لم يكن بخطورة استعداد الصفاقسي .. اي نعم قد بنوا حساباتهم عندما شاهدو الهلال ساطع ولكن لم يكونو يدركو ان النجم قد هوى ..

فعلاً ده الكان حاصل
المريخ كان عايش في حالة زهو بفعل الانتصارات الحققها على فرق بأي حال من الأحوال لم تكن بمستوى
الصفاقسي .. في الوقت الفيهو الصفاقسي قرأ المريخ تماماً وعرف كيف يقدر يوصل بأقصر الطرق وبأقل مجهود لمرمانا.

Quote: الحاجة الوحيدة الما اتمنيتها انو الهلال هو الكان لاعب امبارح لأنو فعلاً كان فاز بسهولة على الصفاقسي ..

أنا ما قلت ليكم أمير الجمري ده هلالابي ... بس زعلالالالالان ؟؟؟

Quote: ما زالت هنالك مباراة لاثبات الوجود ..

اثبات وجود شنو ياخي .... هو فضل فيها وجود !!!!


علي الطلاق انا حردان الاكل لي حسي

الاخ العزيز امير الجمرى

اتمنى ان تستفيد من زفرات الوا والاها فى الكلمتين

لتكون لك رصيد فى العمر اما ان تزرفهاعلى فريق كرة

قدم والله حرام لانو نحن بعيدين عن كل الرياضات وكل

فرق السودان تعتمد على سمعة كأس افريقيا70 وبعدها

اصفار لان التطور لابد ان يكون شاملا من ناشئين ومدرسه

واشبال على مراحل ثم ترحيل الى مراحل اكبر حتى الفريق

الاول والمنتخب ولابد ان يتبعها جيل مثقف رياضيا من المدربين

الجادين والحكام فارضى القوانين والادارين ليس اصحاب

رؤؤس الاموال بل اصحاب الرؤؤس القادرة على القيادة

ورحم الله شاخور والطيب عبدالله والكرة السودانيه فى نعش

الاعبون الموجودون الذين همهم الاموال وليس السودان .

تحياتــــــى

ســـــــــيد

يا أميــر الجمري ..
النفطي كيف..؟

ابن عمي الغالي
عمر محمد الحسن (القردابي)

تحايا واشواق

Quote: ود العم والله حالة تحنن المشكلة في المدرب و الاعلام المدرب لاعب خطة هجومية من قولة تيت بدون اي جس نبض ولا معرفة بحجم الخصم ونزل أمير دامر بعد عملت تلاتة ومصر علي لاعبين كأنو عندهم حصانة دبلوماسية ضد التغير والنتيجة المريخ ظل يلعب ناقص طيلة المباريات الأخيرة أما الأعلام فدي قصة تانية كدي بالله أضرب شوف هاشم الجمري الحصل عليهو شنو؟؟

يا عمر اول حاجة المدرب ده منتهي الصلاحية وبكل امانة ومستوى تفكيرو بطئ للغاية ودي كان قالها
احد المحللين الرياضيين على مدرب آخر غير اتوفيستر لكنه في نفس سنه تقريباً وقال المحلل ان عامل
السن يؤثر على سرعة التعامل مع المتغيرات يعني لما اتوفيستر يدرك الحوجة لتعديل مجريات المباراة حسب المتغيرات تكون مالطا خربت وقد كان ..
الاعلام ده عوجتنا ومصيبتنا الكبرى .. والمشكلة اركان النقاش بتاعت المشجعين والفيهم (الصحفيين) نفسهم بتنتقل لصفحات الجرائد وكل صحفي بيكتب وفي ذهنو انصار الفريق الآخر سواء أن كانوا مريخاب أو هلالاب .. عشان كده أغلب الكتابات بتكون منافية للمنطق وبعيدة كل البعد عن الحقيقة .

هاشم الجمري والله ربنا يعينو وبالجد امبارح كنت خايف عليهو جداً .. والله ربنا يستر عليهو

الحبيب ابو قصي
المريخابي الجميل
تحية وتقدير

Quote: أخي الأمير أمير لاتستعجب ياصديقي والنتيجة الكبيرة دي عدم مسؤلية من اللاعبين لأن الذين مثلوا المريخ أمس خيالات لاعبين وليسوا لاعبين عرفوا ماضي هذة النجمة التي حفظوا لها اللاعبين أجيال وأجيال وطريقة اللعب من بداية المباراة مباراة هذيمة ولكن بهذا الكم والكيفية هي مسؤلية من خط الدفاع المتهالك إلي بهاء المنهزم أصلا ولكن لا نقول إلا لاحو ولاقوة إلابالله وهولاء اللاعبين لا يرتقوا قدر الشعار الذي لبسوا ونترحم علي جيل حامد بريمة وكمال وعاطف وحاتم والرجول التي شاهدوها هذا العرين الذي زمجر فية أسود النزال وأتوا من غيبوا هذا التاريخ وهاردلـــــــك أمير وكبوة يجب أن تنقشع في شوطها الثاني بتونس وإلا أن الكرة المريخية سوف تأفل نجمتها إلي الأبــد وبرغم الهزيمة أنه المريخ القدر والحب الكبير .

يا مجدي اولاً ديل مش مثلّوا المريخ .. ديل مثلّوا بالمريخ وبالكورة السودانية عموماً

بعدين هل لاعبينا عندهم ثقافة التخلص من الأرض والجمهور كبقية لاعبين العالم وهل تعتقد ان لاعب واحد من هؤلاء اللاعبين عنده امل في الفوز او التعادل مع الصفاقسي في تونس !! طبعاً لا والف لا يا مجدي صدقني لاعبينا لسة ابعد ما يكونوا عن هذه الثقافة وهذا الفهم وانا بكل صراحة ما عندي ذرّة من تفاؤل في نتيجة اي من المباريتين طالما هؤلاء الأشباح التلاعبوا باسمنا هم من سيمثلّوا بنا في مبارتي الرد في المغرب وتونس ..

الأخ الحبيب
ليمو
الهلالابي المتفرد ..

والله يا عبد الحليم ما اظن في هلالابي غيرك امبارح بكى معانا .. الله يجيك العافية

Quote: فعلاً المريخ بهدل سمعة الكرة السودانية أمس ، ليس هو المريخ الذي نعرفه .. أنا هلالابي لكني أمس كنت مريخابي ، وبكيت وحردت العشاء بعد تلك الهزيمة الداوية والفضيحة المجلجلة .. كنت بين لحظة وأخرى بعد الهدف الثاني أتوقع الانتفاضة المريخية ، لكن خاب فألي وضاع أملي . لم أبك يوم انهزم الهلال من الأهلى في القاهرة أو من النجم الساحلي ، ولكني والله العظيم أمس ذرفت الدموع لأول مرة في حياتي كمشجع على المريخ أمس رغم أنني لست مريخابي بل هلالابي ، ولكنه الولاء لمن يلعب باسم السودان ، والذي فرحنا لصحوته من بعد طول رقاد ، فرحنا للمنتخب وللهلال وللمريخ وهم يحلقون بنا عالياً فوق السحب .. لكن ما حدث أمس كان مخزياً ومؤلماً وفظيعاً . وربنا يستر من المباراة النهائية .. ولسان حالنا يقول : اللهم إنا لا نسألك رد القضاء ولكن اللطف فيه .

والله يا ليمو كلنا فرحنا بما تم من انجازات في الفترة السابقة ولكن والله العظيم انا كطنت متأكدمن ان الحاصل ده مجرد فورة او توفيق من الله .. يعني المسألة ما مسألة دراسة ولا تخطيط ولا تكتيك ولا حاجة من هذا القبيل ودي حالتنا يوم في القمة ودهور في القاع ..

الغالي عبد الغفار
تحياتي

Quote: اخوي امير ,, انت مقتنع لكن البيقنع اعلامكم الكضاب شنو,,, بكرة يقولوا المريخ قادر علي التعويض ,,, يا عزيزي التشكيلة بتاعت امبارح فيها 5 لاعبين كانوا خلوا الكورة و اعتزلوا اللعب في الاندية الكبيرة لكن ادارة المريخ و من خلفها امثال مزمل جابوهم تاني و كمان دفعوا فيهم الملايين و هم ابالو بعد كاس العالم كان بطل اللعب الدولي ... مجاهد اقتنع ينهي حياتوا في مدني و باولينو كان بدون نادي ,,اما اليجا فقد انهي الجزيرة الاماراتي عقده في منتصف الموسم و ده بلغة ناس الكورة القدام ( ناس الصيني و ابراهيم جبارة لاعب منتهي و بلغة صديق العارض : مقيل ) و فيصل العجب رقم اشراقاته من وقت لاخر هو نفسه مامصدق انه جاري لحد هسع ,, و علاء بابكر رغم صغر سنه لاعب بلا طموح و شطب لسؤ السلوك ,,,هل تتوقع مردود غير الذي رأيته من هؤلاء ,,, قال الصحفي الرائع عبدالمجيد قبل ايام: مريخ يقوده اتوفستر و و باولينو و اليجا و ابالو و ايداهو غير جدير بتحقيق البطولات ,,, و لو قريت مايكتبه مزمل تقول المريخ ده المان يونايتد .. شفت المشجع الطلع قميصه و اجهش بالبكاء.. هم ضحايا مزمل و امثاله.. عزيزي هاردلك و هي ضربة في الراس عشان نصحي...

والله يا عبده كان اعلامنا كان اعلامكم ياهو الحال من بعضو صدقني نحن قاعدين نغش نفسنا ونصدّق برانا
وبالجد انا متفق معاك في كل القلتو الا في باولينو على فكرة يا عبدالغفار باولينو لاعب مهاراتو عالية جداً لكن محتاج لتعاون يعني ما تنتظر من باولينو يكون لاعب تبويظ زي ما بنقول او لاعب ارتكاز ده لاعب فنان وصانع العاب ولو وجد شوية تعاون بيكون مفيد جداً ولو لاحظت الأهداف الأحرزها طوال البطولة دي بتلقاها كلها اهداف جميلة وبتاعت لاعب كورة فعلا بيعرف يتعامل مع الكورة وهدفه الامبارح ده بيؤكد كلامي ده بالمناسبة.. لكن الباقين كلهم للخور .

عادل جبارة
مشتاقين يا حبيب

Quote: أنا ما قلت ليكم أمير الجمري ده هلالابي ... بس زعلالالالالان ؟؟؟

تعرف انا اكتر حاجتين ما بحبهم (الهلال وملاح الخدرة)

الأخ الفاضل
manubia

تحية واحتراماً
اثبات وجود شنو ياخي .... هو فضل فيها وجود !!!!


علي الطلاق انا حردان الاكل لي حسي


[والله ديل مسحوا بينا الأرض ومرمطونا .. وانا ذاتي مشيت جبت لي عيشة (تميس) قلت اقزقز وانا بتفرج
جيت لقيت الدقيقة اتنين والنتيجة 1/0 قلت لي ياسين صحبي كان بحضر معاي الكورة قال لي والله في اول دقيقة وقبل ما يتم كلامو جابو فينا التاني ..
وحاتك التميسة صبحت ناشفة ..

Quote: تعرف انا اكتر حاجتين ما بحبهم (الهلال وملاح الخدرة)

أمير الجمري
القميص الأزرق عليك يجنن !! يا هلالابي يا زعلان

الأخ العزيز ابو اسيد
تحياتي واحتراماتي

والله يا سيد بيني بينك ما بنقدر نعيش من غير الكورة دي
وهي المتنفس الوحيد لينا ورغم ما يحدث فيها من افراح واتراح
الا انها تظل المصب الرئيسي لكل همومنا حتى الهموم البتصيبنا
منها بنفرغها فيها عشان كده بلاها ما بنبقى.. وعشان نرجع لانجازاتنا
وماضينا التليد لابد لنا من المواكبة اولاً والتعايش الصحيح مع الأوضاع
والا سنظل مكانك سر وكل ما نجي لمحك حقيقي بنلقى نفسنا ما قادرين نتخطاهو.

Quote: القميص الأزرق عليك يجنن !! يا هلالابي يا زعلان

عادل جبارة وأنت الصادق ده ماأزرق اللون تركواز وحلاة اللون الداخلي الفي أميرنا ده

أحمااااااااااااار لون القلب مع تحياتي لك ياهلالابي ياجميل ود جبارة المليان نضااارة.

ياأمير المريخ ده تعرف ذمن المرحوم صديق العمده والمرحوم الرائع الدش كان مولع شرار

والفضلوا ديل رمار الشرارة الفاتت ديك ياحليل الكان بيهدي الغير صبح محتااار يكوس

للبيهديهوا الفرح والأنتصار برضو بحبك يامريح وياحماااار أحلي من البطيخ مريخابي حتي

النخااااع .

،،،،أبوقصي،،،،

تمبس !!

والله من امبارح بفكر في كتاباتكم انت وتاج السر

Quote: يا أميــر الجمري .. النفطي كيف..؟

النفطي وللا رقم 9 ده يا تمبس انا من كترة ما زعلان منو اصلو ابيت اركز في اسمو
ياخي ده مجنون .. ووالله انا لو في محل جمال الوالي من المنصة انزل امشي عليهو
اناديهو وانادي ابالو وادفع ليهو الدايرو واقول ليهو الموسم الجايي انت معانا
واقبل على ابالو واديهو بنية ومن الاستاد للمطار طلاق تلاتة واقول ليهو زي ما جيتنا
لاهدوم العليك ترجع بالهدوم العليك .

اخي امير الجمري ...تحياتي ..انا هلالابي ، ولكن كنت متفاءل بأن المريخ سوف يرفع راسنا في الدار البيضاء في لقاء الرد مع الرجاء ..ولكن ماحصل امس اصبحنا نحن في الجالية السودانية في المغرب نعيش كابوسا مرعبا خوفا من هزيمة مدوية تحطم كل الآمال التي وضعت اخيرا في عودة الروح للكرة السودانية

أخي أمير شوفته اللاعبيين ديل عملوا فينا شنو وهاك إيميل من أبوجومانا

أتاني اللحظة:

Quote: نـدعـوك بالأربـعـة والكـتـب الأربـعـة والـسـور المـائـة والعـشـرة وأربـعـة بالملائـكـة السـتـة والكـرمـا الأربـعـة بنبيـنـا محـمـد والخـلـفـاء الأربـعــة والسـتـة البَعُـدُهـم والأئـمـة الأربـعـة والفقـهـا السبـعـة وأقطابـنـا الأربـعـة أوتــاد الأرضِ فــي القِـبَـل الأربـعــة الأبـدال والنقبـا العـشـرة فــي أربـعـة أحـفـظ جـوارحـي الثـلاثـة وأربـعــة وتجـافـي المضـجـع جُنُوبـنـا الأربـعـة زيل مـرض الجسـمِ فـي طبايعـه الأربعـة بــارك إسبُـوعـنـا لـيــوم الأربـعــا أيـام السـنـةِ التسعـيـن فــي أربـعـة وبُحُورنـا السبـعـة وأنهـارنـا الأربـعـة نسلَـم مـن أربعـة وُنحشـر مـع أربـعـة والصافقسى التونسى وأقوانه الأربعه وركوب التونسيه مثنى وثلاثه وأربعه ومباراة الرد الله يستر ونسلم من أربعه رباعيات الصفاقسى بدأت بأربعه ونكمل الكونفدراليه والله يستر من الأربعه والله فضيحه بجلاجل فى أربعه مباراة الكاس والمريخ مهزوم بأربعه وبس

والله معاكم حق ياهلالي المنبر تفرحوا طووول عمروا ناسيكم الفرح وداووا جراحاتكم!!

،،،،أبوقصى،،،،

Quote: واااااااااااااااااااااااا فضيحتااااااااااااااااااااااه !!!!!!!!!!!!!!!!!!!!!!!

Quote: المريخ فضحنا المريخ فضحنا المريخ فضحنا ...

وااااااااااااااااااشماااااااااااااااااااااتتااااااااااااااااااااااه

امير الجمرى
سلام يا رائع
اتفق معاك فى ما قلت
والعترة بتصلح المشى

أبو قصي
الشهادة لله إنت والسمؤال ود شهاب الفاتح والله أخلاقكم عالية جدا
لكن في بعض المريخاب ورونا الويل وسهر الليل في المنبر ده
وسكتنا لمن جات الطوبة في المعطوبة ....
أعزرونا .. معليش ..

يا امير الجمري نحن كظمنا وكتمنا الفرحة في سرنا كي لا يقوم علينا عتاولة المريخ ويكسروا لينا راسنا اصلهم... بالله شفت كيف الزول المتفرج دا كان قرب ينتحر....
طبعا ديل فضائحهم تبقى لسنوات ... ولا ننسى لما اتغلبوا كتير من الهلال شالوا الكورة ومرقو بيها برا
ولا ننسى سرقة غطاء الكأس الدهب

عموما الله اسكتهم القارات دول

Quote: أمير الجمري القميص الأزرق عليك يجنن !! يا هلالابي يا زعلان

يا عادل جبارة
مليون مرّة قلت ليك الأزرق ده بلبسوا لمّا اكون ماشي لي مكان زحمة
لأنو بيستحمل العرق والوسخ .. وممكن تقش فيهو وتلصق فيهو اي حاجة.


ماشفته التيشيرت الأحمر الخطير داك لمن نكون قاعدين قعدات اللذيذة البي مزاج ديك
وحتى الهلالابي سيف الدين علي البشير لمن نكون في جلسة هادئة بلبس تيشيرتيهو الأصفر.

Quote: اخي امير الجمري ...تحياتي ..انا هلالابي ، ولكن كنت متفاءل بأن المريخ سوف يرفع راسنا في الدار البيضاء في لقاء الرد مع الرجاء ..ولكن ماحصل امس اصبحنا نحن في الجالية السودانية في المغرب نعيش كابوسا مرعبا خوفا من هزيمة مدوية تحطم كل الآمال التي وضعت اخيرا في عودة الروح للكرة السودانية

الحبيب ابو انس
تحياتي ووين الغيبات يا فنان
والله تعرف يا عمر المريخ عودنا دائماً على الفرح ورفع رؤوسنا عالياً في كثير من المحفل
الا أنه في هذه المبارة اغرقنا خذلاناً نتمنى ان ندرك هذا العاتي حتى يعود كما كان هصوراً

وبرضو بنطلب منكم نقل احساسكم للاعبي المريخ عند حضورهم للاقاة الرجاء بأنهم يمكنهم تخطي
الأزمة وقد يكون لوقوفكم معهم وتحفيزكم لهم مردود ايجابي .

شكراً يا ابو عمير ودائماً انت انيق الاحساس.

الغالى امير الجمرى
صادق العزاءوعظيم المواساة للمرحومة كونفدرالية
والله ياامير ماشفت البوست ده الا هسى ( الاثنين )
ولو كنتا قريتو ماكنتا لاويتك بهناك فى بوست يوم
الضحك العالمى

Quote: وااااااااااااااااااشماااااااااااااااااااااتتااااااااااااااااااااااه

تشمي الشطة الحمرااء المدقوقة يا انعام وشرطاً تكون حمراء (مريخابية)
عشان تشرقك يا انعام ودموعك يجرن ونخرينك يمشن يا هلالابية يا حاقدة




المشكلة انّي اتفاصحت عليك يوم المباراة بالنهار ..

أحييييييّ انا من لساني ده !!!!

تشمي الشطة الحمرااء المدقوقة يا انعام وشرطاً تكون حمراء (مريخابية)
عشان تشرقك يا انعام ودموعك يجرن ونخرينك يمشن يا هلالابية يا حاقدة

لاحولااااااااااااااااا قدر دا؟ أتاريه الغلب حاااااااااااار

بس ما قلت لي وصفة الشمة كم مره 4 مرات كويس

المشكلة انّي اتفاصحت عليك يوم المباراة بالنهار ..

تاني ما تتفاصح سمح؟

Quote: امير الجمرى سلام يا رائع اتفق معاك فى ما قلت والعترة بتصلح المشى

الامتدادابي الهلالابي الجميل احمد خضر

يا احمد اريته تكون عترة ما تكون كسر مركّب.

وده داير زمن عشان يجبر ..
اتمنى تدعيم كشف المريخ بلاعبين يقدرون المسؤولية وبمحترفين أجانب على شاكلة
رقم 9 في فرقة الصفاقسي .. واكيد سيكون لنا شأن .. آخر ..
كما اتمنى اعطاء الفرصة كاملة لجيمي ناتالي وإكسابو الثقة وسيكون مهاجم يشار له
بالبنان .

’’’’ومن الحــب ماقتل !! أرفعوا الحدَاد أربعة ليالي ياهلالاب’’’’

رغم الحصل والبيحصل هو في القليب متحكـــر نجمة عزة هوانـــا وكل أفراح دنيانا



’’’’ أبوقصى ’’’’

Quote: يا امير الجمري نحن كظمنا وكتمنا الفرحة في سرنا كي لا يقوم علينا عتاولة المريخ ويكسروا لينا راسنا اصلهم... بالله شفت كيف الزول المتفرج دا كان قرب ينتحر.... طبعا ديل فضائحهم تبقى لسنوات ... ولا ننسى لما اتغلبوا كتير من الهلال شالوا الكورة ومرقو بيها برا ولا ننسى سرقة غطاء الكأس الدهب عموما الله اسكتهم القارات دول

زمراوي يا زمراوي

طبعاً يا زمراوي انا زمان الهلال لو كان لاعب ضد فريق حارس مرماهو شارون وراس حربتو نتنياهو
كنت بشجع الاسرائيلين وبفرح جداً لو انهزم الهلال لكنها الغربة (اللعينة) خلتني اتعاطف أحياناً
معه لما يكون لاعب مع فرق غير سودانية .. لكن بالجد التعاطف ده بكون لحظة المباراة لكن لمن
تنتهي الشماتة بتبدأ .. كان غالب بنتضارى من لسناتكم الطويلة دي ..
بعدين يا ابو الزمر ياخ نسيت الفليق والبمبان .. وتقول لي شلنا الكورة !!!!!

ما قلت ليك لسانكم طويييييييييييييييييييييييل.

Quote: طبعاً يا زمراوي انا زمان الهلال لو كان لاعب ضد فريق حارس مرماهو شارون وراس حربتو نتنياهو كنت بشجع الاسرائيلين وبفرح جداً لو انهزم الهلال

طيب يا أمير هاك النكتة دي وصلتني للتو طازجة من لندن من دكتور عماد البيلي :
هلالابي شامت قالوا ليهو ياخ المريخ ده لاعب باسم السودان مفروض تشجعوا ، قال ليهم المريخ ده لو لاعب براهو ... أنا ح أشجع براهو
( ياربي براهو ده يطلع قريب نتنياهو ؟؟؟ )

Quote: الغالى امير الجمرى صادق العزاءوعظيم المواساة للمرحومة كونفدرالية والله ياامير ماشفت البوست ده الا هسى ( الاثنين ) ولو كنتا قريتو ماكنتا لاويتك بهناك فى بوست يوم الضحك العالمى

الحبيب عامر تيتاوي

طبعاً انا بالجد كنت محتاج اني افرّغ مخزون الحزن والهم والقهر الكنت مشحون بيهو
وصراحة المريخ يومها كان تائهاً وطبعاً الخلل في دفاعات المريخ واضح وامكن جميع الأهداف
الولجت مرمى المريخ في هذه المنافسة كانت من أخطاء دفاعية قاتلة .. عشان كده المريخ محتاج
لتغيير طقم الدفاع بأكمله بدءاً من حارس المرمى المتحمس زيادة عن اللزوم وامكن بس نستثنى موسى الزومة لصغر سنه ولمجهوداته المقدّرة اما ما دون ذلك فالتغيير واجب مريخي يعني واجب (وطني) لأن المريخ هو (الوطن)

رغم الحصل والبيحصل هو في القليب متحكـــر نجمة عزة هوانـــا وكل أفراح دنيانا



’’’’ أبوقصى ’’’’

ابو قصي تحياتي يا فنااااااااااااااان

المريخ .. فريق النجوم رابطة الامتداد .. البرازيل .. مارادونا .

دي ثوابت لا يمكن ان احيد عنها ما حييت وتجري في الاوردة والشرايين مجرى الدم.
لكني احياناً احتاج لسحب عينة منها للفحص وذلك من اجل العلاج وانا هنا شدّدت في الفحص
عشان العلة كانت كبيرة يعني ممكن تكون (قاوت) عديل كده..
اتمنى ان يدرك الزعيم هذه الكبوة ويرجع كما كان (مدخل الفرح والسرور).

ألأخ/العزيز امير الجمرى

كيف حالك وكل عام وأنت وألأسرة بخير...

والله يعوض عليكم..

كم تمنيت أن أنهى إجازتى بالسودان بشىء سعيد بعد كمية السعادة التى عشتها والحمد لله ....

تاريخ عودتى امس والمباراة أول امس.....جاى من المسجد وأسارع الخطأ لآحضر المباراة ..ومن المسجد للببيت لم أسمع كعادتى هدير المشجعين من إستاد المريخ عند كل هدف...وإذا يأحد الجيران قال لىالكورة 2/صفر..قلت بهظر معاى...وفعلآ أول ما ضربيت جرس الباب جانى احمد إبنى جارى وبه نشوى مستخباة بحكم هلاليته المتوارثة..قال لى تصدق يا بابا الدقيقة 6 والنتيجة 2 وعليك الله يا بابا تعال أحضرها معانا..وبزعل قلت ليه غير القناة وبلاش فضايح والله يستر..

مودتى

وهاردلك

وتحياتى


إسماعيل محمد أحمد عباس......

Quote: الحاجة الوحيدة الما اتمنيتها انو الهلال هو الكان لاعب امبارح لأنو فعلاً كان فاز بسهولة على الصفاقسي ..

الجعلي الهلالي الزعلان حبيبنا أمير الجمري, البعترف انو الهلال كان بكل بساطة ان يهزم الصفاقصي

علي ملعبه مثل ماهزم اعتي واقوي الفرق في بطولة الاندية الافريقية .... وان المريخ ليس فريق بطولات

بوضعه الحالي كما صور له اعلامه .

الكلام بتاع الهلالابي الزعلان والراجل البشبه الهلال أمير كلام بتاع زول فاهم كورة وزول

عقلاني استطاع ان يقر ويعترف انو تيم المريخ الحالي ضعيف لا يرقي الي المستوي المطلوب (عفارم

عليك )

فوق

وتسلم يا ذوق

ياأمير لبك تحياتي والاسرة

كنت اتمني ان اتداخل معك في ماهو ليس فضيحة

ولكني اسألك بالله ؟

لوكان الواقف في الخط بره ده الكوتش أحمد محمد ,كان الدفاع ده كده؟؟؟

ولوكان محل ابالو الصادق ودالمرين والشازلي العربي ,مش كان اللاين مان برفع في الراية لحدي هسه؟؟

ولو كان نص المريخ فيهو عادل شاويش ومجدي قطيط وتحتهم دفع الله,مش كان الصفاقسي بقي صفق ساكت؟

ولو كان مكان ايداهو والعجب وايفوسا مكانهم حاتم حمدتو وعوض العربي و ومنصور .مش كان القون جاهو وجع ضهر من جيب الكور من جوه؟؟

قبل ده كلوا تخيل الكان واقف قون قاسم نوار ؟؟ وريني ياتو قون كان دخل؟؟


انا عارف ياأمير اكون هيجته عليك الاشجان , لكن عساي اكون خففت عليك من هول الصدمة بارجاعك للزمن الجميل؟؟؟


دمت و دام نجوم الامتداد


معتصم العربي

Quote: المريخ نحرنا ليلة امس .. المريخ ضبحنا مثل الضان من الأضان للأضان . المريخ مرمط سمعة الكورة السودانية..

مرمطها ساكتتتتتتتتتتتتتتتتتت كده ياحبيبي خلانا نسف التراب والفضيحة كانت بجلاجل

والفضيحة الاكبر قدام امسكو الخشب