الصبحيـــة ...

الجماعة الكانو زايغين أمس بالليل ...
عندنا فكرة نجيب ليهم هاجر كباشي .. ياندى القلعة .. يا حنان بلو بلــو ...

وبالمره عايزين:
(اربعـــة) (صواريخ) تودي لينا فطــور العريس ... اوووب سوري .. فطور المغلوبين ... توديهو الاستاد قالو الناس ديل فارشين هناك ...
بالعدم:
(أربعــة) طيارات .. على شرط .. (بالتونسيـــــة) لانها ما بتتأخر..



الفطـــور .. (كسكسي) بس وشعيرية..

شماته حااااااااامضة.... لكن يا تمبس

Quote: شماته حااااااااامضة.... لكن يا تمبس

يا محمد خليل ...
ياخي قول صباحية مباركه، قول اصبحتو كيف..؟
تعال اتفقد معانا الجماعة واترهم .. أخوانك ديل من أمس حالتهم والله تحنن الطير ..
انا حسع قلت افرفش بيهم شوية .. ما ممكن كمان ينومو بي اربعتهم دي ويصحو يفطرو على بصلة..
بعدين بلاي تاني مرة ما تجينا يدينك فاضيات ..
لو ما عندك حاجة .. تعال امسك لينا الكشف .. اصلو عايزين نعمل صندوق دعم الزمالة ..
أدعموا اخوانكم في الريــــد كاسيل.. فهم في اشد الحوجة لكم..
ادعموهم يدعمكم الله ..


حلالالالات الزهرة ...
برييييد الزهرة ...

صباحات بيض وزرق يا عمك
في واحدة جديدة إسمها صفاء المرابيع
من جيهة طوكر (قاعدة) قريب من خور (أربعات)
ممكن تجي بالقطر المحلي

حقاً ... المريخ يزرع الفرح في قلب الشعب السوداني !!!
منو فيكم الما شاف فرحة الشعب أمبارح كيف ؟


وفوووووق

صباح الخير يا تمبس ..
بالله جيب لينا صورة الحكم ( الرابع ) لمن رفع الزمن بدل الضائــع ( اربعة ) دقائق
وبالعدم جيب لينا صـــورة اليفــوارى لمن رقص ( اربعة ) بلدى

Quote: صباحات بيض وزرق يا عمك في واحدة جديدة إسمها صفاء المرابيع من جيهة طوكر (قاعدة) قريب من خور (أربعات) ممكن تجي بالقطر المحلي

.. يا عمك ..
شايف في نشاط ...
تعرف عندي صاحبي عزيز جدا علي .. وزول ساخر جدا .. وشاعر من الطراز الأول .. امس بعد الكورة اتصل علي متعني بي اتصال جميل جدا..
قال لي تعرف القون الرابع دا ما محسوب .. قالو ناس المريخ اشتكو في القون الرابع
قلت لي كيف..؟
قال لي:
قالو الزول دا لما نط فووووق كدا ... كان في داخليات بنات الأحفاد .. وفي بتاعين القصب بي بره بي جاي .. وفي بتاعين المنقه .. الزول دا شاف الناس ديل كللللهم .. وبعد شوية قام شعرو دا طار لي فوق .. قام رجع شعرو دا لي ورا .. واداهو ربطه .. بي ربطة المعلم .. وبعداك عاين كدا لقى ليك بهاء الدين ملوص واقف هنااااك ... وطاخ ختاها ليهو..
عشان كدا الجماعة ديل قالو الزول دا ما كان لاعب في الميدان دا معانا .. الزول دا كان لاعب بي بره الشارع ..
حسع الحصل إنو الناس ديل ح يشيلو القون الرابع دا .. ويبقوها تلاتة اتنين
بلاي تعال غالطني ..

قرقر قرقر ....

الليق الليق يا .....

تمبسكو
صباح الخير
اها... الليلة لقيت امها مافي اعرض ساااااكت يااخوي.
ده المريخ..... قرين التاريخ والله لو اتغلبنا عشرة يانا اسياده لكن الفيكم معروفة والتونسية الركبناها دي ماياكم الركبتوها قبلنا وزمان قلنا ليكم المحلي داخل عطبرة وماصدقتونا .
انا متاكد انوا في ناس كان حتتشل اذا المريخ فاز ... لكن دي من رحمة ربنا علي عباده ... وياخي بصراحة انتوا قاعدين تتكلموا فوق شنوا ....؟ ياربي التمانية بتاعت بااااااااااع ( النقر) ياها شبهكم ومستواكم .... والمصيبة انتوا بتتكلموا ذي التكنكم لسة موجودين في البطولات الخارجية ...يااخوي ماقلنا ليكم انتوا مافريق بطولات خارجية..... وحاجات ذي دي خلوها لاسياده وخليكم في محليتكم وصفركم الكبير المابتطلعوا منوا.
الكلام ده قلناه قبل الهلال مايلعب مباريات الرد لانوا حدودكم معروفة

ياابو ساندرا ... هلالكم طار ... الفاتحه مقدما ....!

وبرضو المحلي دخل عطبرة....
تحياتي
هارون دياب

خلوها خفيفه شويه

بدل(اربعة) قولوا (ربع دسته)!!!!!!!!!!!!!!!!!!!!!

عليك الله بالإضافة لي فنانات الصبحية ديل جيب معاهم
صابر الرباعي من تونس.

معطتونا معط .... الهوبا... الشقلوبة ... البرتلوبة أتقول النجم الساحلي دا نجم العرضة جنوب.

هسة عليك الله أربعة أم درمان أمبارح دي أم تلاتة في تلت ساعة دي و قون الجلك حقكم البي الكعب دا ولا الهوبا؟

الله يصلح سمعة كورة السودان بعد السويتو أمبارح دا.

يا شماتة أبله ظازه فينا

ندعوك بي الأربعة ..
والأئمة الأربعة ..
والسور المية وعشرة وأربعة ..
وأيام السنة تسعين في أربعة ..
والمريخ أمبارح إتغلب أربعة ..
نحشر مع أربعة ونسلم من أربعة ..
والحكم الرابع زاد الدقايق أربعة ..
ونحن الليلة في يوم أربعة ..
بنبينا محمد والخلفاء الاربعة ..
وفي شوطين جبنا التلاتة وأربعة ..
ويارب مباراة العودة ما تكون يوم أربعاء..
والله يسترنا من تدبيل الأربعة ..
امبارح البشتنة في القبل الأربعة ..
مصر المؤمنة بي أهل الله ..

Quote: مصر المؤمنة بي أهل الله ..

ما خلاص غيروها ... بقت تونس المؤمنة

Quote: الجماعة الكانو زايغين أمس بالليل ... عندنا فكرة نجيب ليهم هاجر كباشي .. ياندى القلعة .. يا حنان بلو بلــو ...

تمبس انا غايتو ما من الجماعة الزائغين لأنو وحاتك ما حضرت الكورة واحد (ما أفضلو عليك )جر لى سلك شامت أقصد كارب ومن كترت ما كان بضحك ما عرفت منو إلا انو المريخ مغلوب أربعة ..الاتنين حقتنا ذاتا ماسمعتها وحاتك .
اها قمت من الصباح جائيكم زول حكم وموعظة حسنة شان تستفيدوا انتو (السابقين) قبل ناسنا اللاحقين لكن لقيت غناياتكم وحكاماتكم يلعلعن وانتو ما مقصرين .. بالشبابيك والحيط .. وما مدننا فرصة ذاتو عشان ندخل نقول ليكم معاكم حق ..
غايتو بيت بكري دا اكن ما اتهد فى اليومين ديل تانى ما بتهد .

تمبس صبحية مباركة

لكن ديل ثلاثة الشوط الاول وين الرابع

ولا انت حاسب العريس يتم العدد (اربعة).


غايتو الناس ديل قدر ما قلنا ليهم اخير

تقدمو السبت رفضو ... عاد لجنس ده


لكن يا زول الناس ديل اربعة يوم ما بنوموا

فدحين الصبحية اجلها ليهم خامس يوم امكن

هييييييييييييع
هلا هلا
خربانة ام بنايا قش حرم ..