Post: #1
Title: الاخ/هشام هباني أدي بقية الاعضاء فرصة معاك (16)موضوع في الصفحة الاولي؟؟
Author: mahmed alhassan
Date: 11-02-2007, 09:33 AM
Parent: #0
اناشدك اخي هشام هباني
مش كثيرة شوية 16 موضوع في الصفحة الاولي
رفقا بالاخ بكري الذي لم يبخل علينابوقته وماله وجهده 0ورفقا بالقراء وقبل
ذلك الاعضاء0 يعني16 موضوع (حتل ) في الصفحة الثانية كان ممكن
يستفيدمنها متصفحوا الصفحةالاولي0
مع كامل تقديري واحترامي لك 0
|
Post: #2
Title: Re: الاخ/هشام هباني أدي بقية الاعضاء فرصة معاك (16)موضوع في الصفحة الاولي؟؟
Author: ALazhary2
Date: 11-02-2007, 09:48 AM
Parent: #1
بغاث الطير أكثرها فراخاـ وأم الصقر مقلاة نزورُ .
ضعاف الأسد أكثرها زئيراً ـ وأصرمها اللواتي لا تزيرُ .
|
Post: #3
Title: Re: الاخ/هشام هباني أدي بقية الاعضاء فرصة معاك (16)موضوع في الصفحة الاولي؟؟
Author: هشام هباني
Date: 11-02-2007, 12:37 PM
Parent: #1
اخونا محمد الحسن
سلامات
يا خوووي العزيز دي قدرتنا البنقدر عليها و16 موضوع يا ريت تكفي وتسوي حاجة في زمن الغيبوبة ده وان قدرنا نزيد ما بنقصر لكن الايد قصيرة والعين بصيرة ومرات الحكيم بديك حبوب عند اللزوم..اخوك هباني شغال بيع جملة وشغل القطاعي ده ما بنفع ما البلد كلها تجارة وشطارة بس بقت علي رفع المواضيع ما تشوفوا رفع الكرعين الحاصل في البلد بسبب الفقر والفقر بسبب الظلم والظلم بسبب الفاسدين والفاسدين هم جماعة الحاكم والحاكم ماهو البشير والبشير ما هو الكوز والكوز داير رجال والرجال دايرين رجالة والرجالة عند النسوان والنسوان عايزات رجال والرجال فاقدين رجالة...عشان كده الكوز بقعد الف سنة!
بدل تتعب روحك يا محمد اخووي القضية كلها بس جرة ماوس تفوت وتفط مواضيع هباني الشينة دي...بدل تفتح انت زاتك بوست ..ويا ريت تفتح ليك خمسين بوست في قضايا الوطن الكتيرة والمابتنعد عشان ما تبقي زيك وزي الناس الكلها داشة في المريخ المريخ والهلال والهلال والسودانية اسمح من العربية والحبكان والفرتكان وعين الجمل اكبر من عين الغنماية والجراي الحصان ولا الشين الجمل؟![
محبتي واحتراماتي/B]
|
|