Post: #1
Title: إمرأة الرئيس حامل!!!!!!
Author: abdalla elshaikh
Date: 10-31-2007, 00:59 AM
إمرأة الرئيس حامل!!!!!!
?????????????
|
Post: #2
Title: Re: إمرأة الرئيس حامل!!!!!!
Author: abdalla elshaikh
Date: 10-31-2007, 01:01 AM
Parent: #1
عنوان مسرحية ساخرة بكتب فيها
|
Post: #4
Title: Re: إمرأة الرئيس حامل!!!!!!
Author: abdalla elshaikh
Date: 10-31-2007, 01:14 AM
Parent: #2
فكرة الـمسرحية قائمة علي حالة رئيس تزوج الأولي ولـم تلد.. فتزوج الثانية ولـم تلد..فتهامس الناس عن فحولة الرئيس...وقطعا لهذا الهمس تزوج الرئيس بالثالثة...فحملت الثالثة..وكان همس الناس لـماذا حملت ??..بعضهم نسي همومه اليومية وملصها في الهم العام(حمل مرة الرئيس)..أما عوضيه الـمجنونه فقد فارقها الجن وركبها شيطان إسمو(إمرأة الرئيس حامل)
|
Post: #3
Title: Re: إمرأة الرئيس حامل!!!!!!
Author: نصار
Date: 10-31-2007, 01:06 AM
Parent: #1
و الشعب هو البيلد
|
Post: #5
Title: Re: إمرأة الرئيس حامل!!!!!!
Author: abdalla elshaikh
Date: 10-31-2007, 01:20 AM
Parent: #3
ألأخ نصار
الشعب في الـمسرحية يـمثله شخص إسمه(فرح)..و(فرح) دائما في حالة إنتظار وهو يترنـم بأغنية عسيرة علي الفهم
|
Post: #6
Title: Re: إمرأة الرئيس حامل!!!!!!
Author: Aymen Tabir
Date: 10-31-2007, 01:21 AM
Parent: #3
كارلوس
سلامات
الفكره محزنه ومضحكه في نفس الوكت - ياها حالتنا هم يضحك وهم يبكي !!
بالله المره الجايه خلي المعالجه المسرحيه تجيب الرئيس سينغل- single - وجاي عبر الصناديق !
تحياتي ومزيد من فضح الواقع المحزن !!
علا الرئيس ...
فقري وبـ ....
بدري !!!
|
Post: #7
Title: Re: إمرأة الرئيس حامل!!!!!!
Author: abdalla elshaikh
Date: 10-31-2007, 01:28 AM
Parent: #6
ألأخ أيمن
كل شيئ عندنا يدعو للمسرحة..فأنا تقريبا من سنة تسعة وتمانين في إنتظار نزول هذا الـمهرج لأكتب مسرحيتي..ولكن أجاد الـمهرج التمثيل وسيطر علي الخشبة ..وتسمرنا نحن علي الكراسي
|
Post: #8
Title: Re: إمرأة الرئيس حامل!!!!!!
Author: abdalla elshaikh
Date: 10-31-2007, 01:40 AM
Parent: #7
فيا تـماضر شيخ الدين {شدي حيلك...ياحبيبة شيلي شيلك} طبعا ياأصدقائي الـمقطع السابق{شدي حيلك..ياحبيبة شيلي شيلك} من قصيدة كتبها القدال ولحنها علي السقيد وكان يترنـم بها العميري علي خلفية مسرحية الخازوق بطولة تـماضر شيخ الدين{ابريل..1989)..فيا تماضر حأرسل ليك النص وألعبي علي{الخوازيق..الخبزقات}بتعبير محمد محي الدين
|
Post: #9
Title: Re: إمرأة الرئيس حامل!!!!!!
Author: abdalla elshaikh
Date: 11-01-2007, 02:01 AM
Parent: #8
والـمسرحية من مشهدين فقط...ففي الـمشهد الأول يدخل الرئيس بكامل زيه العسكري{نياشين..دبابير.. صقور..ومؤخرة مبالغ فيها}..و مجموعة من{التنابلة} يهرولون هنا وهناك...{صحفيون أجانب وعرب وعجم ينصبون كامراتهم وما يكرفوناتهم أمام منصة الرئيس}..يتنحنح الرئيس ..والكل يمسك أنفاسه في إنتظار حديث الرئيس...ولكن بدلا أن يتكلم الرئيس نراه {ينقرش}علي الـمنصة التي أمامه إيقاع{التمتم}الـمعروف..فينبجس الرئيس بالغناء علي طريقة{جلالة }القوات الـمسلحة الـمشهورة: -
ود الشريف رايو...كمل..
جيبو ..لي..شرايتو..من دار قمر(بكسر القاف)
جيبو لي شرايتو...
يتواصل الغناء والعزف ويتحرك الرئيس وعصاته في إبطه {خطوات تنظيم بطول الـمسرح وعرضه..فتتاطير في هذه اللحظة هتافات{الله أكبر}بشكل كاريكاتيري مبتذل
|
Post: #12
Title: Re: إمرأة الرئيس حامل!!!!!!
Author: abdalla elshaikh
Date: 11-01-2007, 02:33 AM
Parent: #9
وفجأة يقفز الرئيس علي الـمنصة..{إظلام علي الـمسرح)..ونري بعد ذلك صورة الرئيس علي(الشاشات الفضائية) الـمثبته علي خلفية الـمسرح وهو يرقص{اشكال والوان} علي{نغم} الاغنية الـمشهورة :-
وين..وين..تلقو..زي دا
رئيس..شحد..الله..الله أداه
|
Post: #10
Title: Re: إمرأة الرئيس حامل!!!!!!
Author: omar ali
Date: 11-01-2007, 02:21 AM
Parent: #1
الاخ ود الشيخ ذكرني بوستك هذا بنكتتين:
تقول الاولي:
ارسل رئيس لا ينجب رسالة الي الرئيس الامريكي يقول
فيها:" احملك مسئولية المؤامرة التي تدبرها الـ CIA ضد
السودان "
فرد عليه الرئيس الامريكي: " يا اخي حمل مرتك "
___
النكتة الثانية تقول:
ان ذات الرئيس ذهب الي اوربآ عله يجد علاجآ للعقم
فسأله الطبيب هل في اسرتكم حالات مشابهة لحالتك
اي مصابون بالعقم...حك الرئيس رأسه وفال:
" يمكن يكون ابوي "
|
Post: #11
Title: Re: إمرأة الرئيس حامل!!!!!!
Author: Omer Abdalla Omer
Date: 11-01-2007, 02:30 AM
Parent: #10
quaote:
(إمرأة الرئيس حامل!!!!!!)
من منو؟؟؟؟؟؟؟؟؟
|
Post: #13
Title: Re: إمرأة الرئيس حامل!!!!!!
Author: خالد العبيد
Date: 11-01-2007, 08:32 AM
Parent: #1
العزيز كارلوس
تحياتي
اتخيل شكل المسرح اثناء وبعد العرض !!!
دخان وبمبان!
ما تنسى الكورس
والجوقة
وحاشية الملك
والخوازيق
والطبالين!
وحارقي البخور
و
و
|
Post: #14
Title: Re: إمرأة الرئيس حامل!!!!!!
Author: mahmed alhassan
Date: 11-01-2007, 08:44 AM
Parent: #13
يهب لمن يشاء إناثاً ويهب لمن يشاء الذكور * أو يزوجهم ذكراناً وإناثاً ويجعل من يشاء عقيماً إنه عليم قدير} صدق الله الغظيم
بل عدم الرجولةهي السخريةمن الاخرين لعدم الانجاب حتي لوكان الاخرين رئيس دولة مكث علي سدةالحكم سنوات طوال بسبب تهريجكم علي خشبة مسرح المعارضة 0
|
Post: #15
Title: Re: إمرأة الرئيس حامل!!!!!!
Author: Mustafa Mahmoud
Date: 11-01-2007, 09:03 AM
Parent: #14
ألأخ نصار
الشعب في الـمسرحية يـمثله شخص إسمه(فرح)..و(فرح) دائما في حالة إنتظار وهو يترنـم بأغنية عسيرة علي الفهم
|
Post: #16
Title: Re: إمرأة الرئيس حامل!!!!!!
Author: ابراهيم تون
Date: 11-01-2007, 09:04 AM
Parent: #1
انسب عنون للمسرحية امراءة الرئيس (حامل وما حامل )
كده احسن عشان نكون مافاهمين اى حاجة(اساسا" مافهمين اى حاجة) طوال المسرحية ونقول هى حامل ولا ما حامل يا ربى حامل ولا ماحامل المشكلة تطلع حامل لكن فى النهاية هى مسرحية مامشكلة.
|
Post: #17
Title: Re: إمرأة الرئيس حامل!!!!!!
Author: عاصم ابوبكر حامد
Date: 11-01-2007, 09:23 AM
Parent: #1
شكرا يا كارلوس
فعلا هى حامل ...
والرئيس زاتو حامل معاها ...
|
Post: #18
Title: Re: إمرأة الرئيس حامل!!!!!!
Author: فيصل محمد خليل
Date: 11-01-2007, 09:57 AM
Parent: #17
ما هكذا نعارض
|
Post: #19
Title: Re: إمرأة الرئيس حامل!!!!!!
Author: Al-Shaygi
Date: 11-01-2007, 10:45 AM
Parent: #1
فيصل..
كان زحيت الألف بتظبط..
الشايقي
|
Post: #20
Title: Re: إمرأة الرئيس حامل!!!!!!
Author: شول اشوانق دينق
Date: 11-01-2007, 11:25 AM
Parent: #1
مية المية يا فيصل
شول اشوانق
|
Post: #22
Title: Re: إمرأة الرئيس حامل!!!!!!
Author: Abd Alla Elhabib
Date: 11-01-2007, 11:46 AM
Parent: #20
من منكم يرضى فى أمه..أخته.. أو زوجته ولو كلمة ??
عدم القدرة على الإنجاب قضاء ربانى وليس مدعاة للتهكم.
تعالو نعارض البشير وحكومته.. وندع نسائه فى حالهن
إنها دعوة للتسامى .
|
Post: #21
Title: Re: إمرأة الرئيس حامل!!!!!!
Author: عبد الله عقيد
Date: 11-01-2007, 11:33 AM
Parent: #1
هناك فروق بين الرجال والنساء.. أمر طبيعي
ومن هذه الفروق.. أن النساء (وحدهن) يستطعن السؤال
إن كانت (مرت فلان حامل)..
بعض الرجال يسألون أيضا.. ولكنهم في هذه الحالة يزيلون
الحاجز (الطبيعي) ويقتربون أكثر إلى طبيعة غير طبيعتهم.
وبعضهم معذور..
|
Post: #23
Title: Re: إمرأة الرئيس حامل!!!!!!
Author: حسن الجيلى سعيد
Date: 11-01-2007, 11:51 AM
Parent: #1
وصلتوا للمرحلة دى بالله
ونعم الأخلاق ونعم الكفاح
|
Post: #24
Title: Re: إمرأة الرئيس حامل!!!!!!
Author: عبد اللطيف بكري أحمد
Date: 11-01-2007, 11:51 AM
Parent: #1
Quote:
Quote: ما هكذا نعارض
مية المية يا فيصل
شول اشوانق |
وأنت أيضا مية المية ياشول،،
==
|
Post: #25
Title: Re: إمرأة الرئيس حامل!!!!!!
Author: Ashraf El Bagir
Date: 11-01-2007, 12:00 PM
Parent: #24
ده شغل مشَاطات ما شغل معارضة
والله المشاطات احسن منكم
ولو ده حالكم يا معارضين الترابه فى خشَمكم
Grow up
توف
|
Post: #26
Title: Re: إمرأة الرئيس حامل!!!!!!
Author: Naji A.Moniem
Date: 11-01-2007, 12:41 PM
Parent: #1
اعملو حسابكم وخليكم عارفين كويس :
اى شعور سلبى يحسو الزائر \العضو بسبب نوع كتابتكم (ونستكم) دى
حيقلل من استيائو من الانقاذ ويولد استياء تجاه المعارضة
حكاية الاخلاق والكلام ده ما بترضوهو فى نسائكم ده بقى للأسف كلام
عاضى فى المنبر ، لانو من الواضح تماماً انو بعض المعارضين هنا
مؤمنين تماماً انو كل السبل الاخلاقية وغير الاخلاقية متاحاً تماماً للنيل
من الآخر،باسلوب الغاية تبرر الوسيلة ، وناسين او غير مدركين انو
خسارة اى شخص لأيمانه فى المعارضة هو كسب للانقاذ ودونكم
ازدياد الحانقين على المعارضة اكتر من حنقهم على الحكومة،
وبكم تزداد الانقاذ قوة
والى الخلف سيرو
|
Post: #27
Title: Re: إمرأة الرئيس حامل!!!!!!
Author: saadeldin abdelrahman
Date: 11-01-2007, 01:03 PM
Parent: #26
ابو النجا
ازيك ياخ و وين الحي بيك؟
ياخ انت قايل التمنتاشر سنة الفاتت دي عدت علينا كيف؟
ما بي زي دا!
البوست ده اسمه : كما تكونوا يولى عليكم.
تحياتي
|
Post: #28
Title: Re: إمرأة الرئيس حامل!!!!!!
Author: Naji A.Moniem
Date: 11-01-2007, 01:21 PM
Parent: #1
سعد الدين ياعزيز
مشتاقون والله
| Quote: البوست ده اسمه : كما تكونوا يولى عليكم. |
صدقت وايم الحق
هسه زى كلامنا ده بنطو لينا فيهو جوز ويطلعونا كيزان
وبعد كم ارشفة كده واحد يمشى يجيب ليك مداخلتك هنا
كدليل على كوزنتك والسيناريو المعلوم والبايخ داك
|
Post: #29
Title: Re: إمرأة الرئيس حامل!!!!!!
Author: Rihab Khalifa
Date: 11-01-2007, 01:58 PM
Parent: #1
معقوله وصلنا الحاله دي؟
مع الاحترام لنيتك للمعارضه، لكن الاسلوب غير مقبول و قد ياتي باثر عكسي
قالوا توجه حضاري اول ناس شبكوهم البنات و لابسين كيف و اخلاقياتهم
و ستات الشاي و بائعات الكسري
سوت ليك شنو مرت الرئيس اسي؟ ولا بس حال البلد، تسيبوا الرجال الكبار و تشبكوا في نسوانها المساكين
|
Post: #30
Title: Re: إمرأة الرئيس حامل!!!!!!
Author: Abureesh
Date: 11-01-2007, 02:22 PM
Parent: #29
تماضر اذكى من ان تنحدر الى هذا المستوى.. وهى اكيد كامراة لها راى
فى هذا , وكمسرحية تحكمها اخلاقيات المهنة.. ان كنت من امن الجبهة
ودى خطتك لتوريط تماضر, فشوف غيرها دى مكشوفة.. ولو كانت خطتك تشويه
صورة المعارضين للانقاذ فسوف يسير خلفك الغافل منهم.
|
Post: #31
Title: Re: إمرأة الرئيس حامل!!!!!!
Author: elsawi
Date: 11-01-2007, 02:36 PM
Parent: #30
نختلف مع البشير ونظامة وعصابتة الحاكمة ماشئنا، نفضحهم ونفضح جرائمهم وفسادهم واستبدادهم وظلمهم للعباد، ننتفض ضدهم ونقدمهم للمحاكمة لينالوا عقابهم العادل لكل الجرائم التي ارتكبوها في حق الشعب الصابر اثناء فترة حكمهم التي آمل الا تطول .. ولكن ان نعيب على الناس عدم الإنجاب فهذا ليس من الرجولة في شئ ..
الصاوي
|
Post: #32
Title: Re: إمرأة الرئيس حامل!!!!!!
Author: tmbis
Date: 11-01-2007, 02:37 PM
Parent: #30
Quote: شكرا يا كارلوس
فعلا هى حامل ...
والرئيس زاتو حامل معاها ... |
.. وبرضو تقول لي حسين ملاسي عجيب وغريب ..؟
انا امبارح كتبت انو البورد دا اصبح زي عنبر القايني .. يا مستشفي الدايات امدرمان .. لكن اتضح انو غير كدا خالص ..
دا حاجة تانية ..
ياعاصم ابوبكر ..
عليك الله في بوست كتبو صاحبك العجيب وقريب الكوز الاسمو بقــال .. كتبو عن نسوان الرئيس وفيهو شئ من دق الريحه والخمره والدخــان ..
جيب الرابط بتاعو هنا عشان تحجز مساعد مخرج .. يا كومبارس.
بلاي واصلو في المشروع دا وكلمونا عن اطفال الانابيب ..
|
Post: #33
Title: Re: إمرأة الرئيس حامل!!!!!!
Author: abdalla elshaikh
Date: 11-02-2007, 02:36 AM
Parent: #32
إبتداءا..{ألحمل أو العقم}الذي أعنيه ليس حملا أو عقما{بيولوجيا} وإنما هو حالة تتلبسنا {عقم خيال..إبتكار} منذو غزو{محمد علي باشا} للسودان عام(1821)
ثانيا أشكر لكم تواضعكم/ تواضعنا كمجتمعات سودانية في ذات ألأمر الذي يدخل في شأن حياتنا الخاصة..وهو شأن يدخل في باب {التسامح} أو {التساكن} من دون خدش حياء ألآخر.. وهنا ولفائدة الحوار{طبعا ما الـمسرحية}..فعند سنين الإنقاذ الأولي جلست لأستاذي جعفر ميرغني مسائلا وبإلحاح عن هل بين ثقافاتنا السودانية شطط و (شيلة) حال حتي تنجب من بين ظهرانينا رجل فاحش بلسان(يونس محمود)..فأفادني دكتور جعفر ميرغني بتجربة التسامح أو التساكن الثقافي التي تمت مابين الشيخ عبدالرحمن الضرير وقبائل جبال النوبة وهو يمشي بينهم كداعية إسلامي بالتي هي أحسن...وأيضا ولفائدة الحوار(طبعا ما الـمسرحية) أذكر ان عمنا الـمغفور له(عمر نور الدائم) والـمعتقل حاليا الأخ(مبارك الـمهدي) عرضا علينا شريط إتفاقية(شقدوم-1994).. وفي الشريط كان يتكلم(سلفا كير) عن من إنهم عندما سقطت طائرتهم داخل الحدود الكينية لـم يأت أحدهم لإنقاذهم..بل كل من وصل لـمكان الطائرة كان يهدف لسلب ساعاتهم..ثـم أردف قائلا {لو الطائرة دي سقطت بداخل الحدود السودانية لحدث العكس حتي من عدوك)..
أما الـمسرحية فهي فعل إجتماعي سياسي ثقافي إقتصادي بيتحرك منذ دخول محمد علي باشا للسودان وحتي الآن...وأتمني إني انتهي منها لأنني زول(مزاجي خالص)
|
Post: #34
Title: Re: إمرأة الرئيس حامل!!!!!!
Author: Nasir Ahmed Elmustafa
Date: 11-14-2007, 10:28 AM
Parent: #33
|
فكرة الـمسرحية قائمة علي حالة رئيس تزوج الأولي ولـم تلد.. فتزوج الثانية ولـم تلد..فتهامس الناس عن فحولة الرئيس...وقطعا لهذا الهمس تزوج الرئيس بالثالثة...فحملت الثالثة..وكان همس الناس لـماذا حملت ??..بعضهم نسي همومه اليومية وملصها في الهم العام(حمل مرة الرئيس)..أما عوضيه الـمجنونه فقد فارقها الجن وركبها شيطان إسمو(إمرأة الرئيس حامل)Quote:
الكلام دة عيب في العرف السودني وبجرح ناس كتيرين وحقو تحمد ربنا على نعمة الاولاد يا ابو نهى وخالد وياسين ودة الكلام البجيب المشاكل للمنبر وممكن يحرمنا جميعا في السودان من المشاركة بسبب كلمات لا يلقي لها صاحبها بال ومافي داعي لتشويه صورتنا قدام الناس وتحرجونا قدام المجتمع السوداني كله وفي الاخر تجي تتملص وتقول انا ما قاصد كدة والمعنى واضح
|
Post: #35
Title: Re: إمرأة الرئيس حامل!!!!!!
Author: Nasir Ahmed Elmustafa
Date: 11-14-2007, 10:34 AM
Parent: #33
يا ابو نهى وخالد وياسين ربنا يخلي ليك اولادك ويديم نعمه عليك
لمن الكلام دة عيب في عرفنا واخلاقنا السودانية الاصيلة واحسن تجي بالباب بالرغم من انك حاولت تتملص منه لكن الموية الادفقت ما بتتلم
والكلام دة بجيب لينا الهواء ونتيجته ممكن تكون حرماننا جميعا من المشاركة في المنبر من السودان ونت قاعد برة وما هماك
|
Post: #36
Title: Re: إمرأة الرئيس حامل!!!!!!
Author: عصام دهب
Date: 11-14-2007, 11:01 AM
Parent: #35
| Quote: فكرة الـمسرحية قائمة علي حالة رئيس تزوج الأولي ولـم تلد.. فتزوج الثانية ولـم تلد..فتهامس الناس عن فحولة الرئيس...وقطعا لهذا الهمس تزوج الرئيس بالثالثة...فحملت الثالثة..وكان همس الناس لـماذا حملت ??..بعضهم نسي همومه اليومية وملصها في الهم العام(حمل مرة الرئيس)..أما عوضيه الـمجنونه فقد فارقها الجن وركبها شيطان إسمو(إمرأة الرئيس حامل .. |
| Quote: إبتداءا..{ألحمل أو العقم}الذي أعنيه ليس حملا أو عقما{بيولوجيا} وإنما هو حالة تتلبسنا {عقم خيال..إبتكار} منذو غزو{محمد علي باشا} للسودان عام(1821) .. |
الكلام الفوق دا مقصود بيهو عقم الابتكار و لَ الخيال و لا غزو السودان لمحمد علي باشا ؟؟
يا ريت تفيدنا ..
عشان نضحك بس ..
مش هي مسرحبة ساخرة !!
|
Post: #37
Title: Re: إمرأة الرئيس حامل!!!!!!
Author: Mirghani Ali AlAmin
Date: 11-14-2007, 12:03 PM
Parent: #1
ما هكذا تورد الأبل
عيب والله عيب كبيـر
ليست هذه أخلاقنا ولا ديننا ، وليست هذه من شيم مجتمعنا السوداني الأصيل
أتقوا الله
|
Post: #38
Title: Re: إمرأة الرئيس حامل!!!!!!
Author: فدوى الشريف
Date: 11-14-2007, 12:27 PM
Parent: #1
عدم الموضوع بعمل اكتر من كدة
|
Post: #39
Title: Re: إمرأة الرئيس حامل!!!!!!
Author: Saber Abdelhadi
Date: 11-14-2007, 12:44 PM
Parent: #1
Quote: إبتداءا..{ألحمل أو العقم}الذي أعنيه ليس حملا أو عقما{بيولوجيا} وإنما هو حالة تتلبسنا {عقم خيال..إبتكار} منذو غزو{محمد علي باشا} للسودان عام(1821)
ثانيا أشكر لكم تواضعكم/ تواضعنا كمجتمعات سودانية في ذات ألأمر الذي يدخل في شأن حياتنا الخاصة..وهو شأن يدخل في باب {التسامح} أو {التساكن} من دون خدش حياء ألآخر.. وهنا ولفائدة الحوار{طبعا ما الـمسرحية}..فعند سنين الإنقاذ الأولي جلست لأستاذي جعفر ميرغني مسائلا وبإلحاح عن هل بين ثقافاتنا السودانية شطط و (شيلة) حال حتي تنجب من بين ظهرانينا رجل فاحش بلسان(يونس محمود)..فأفادني دكتور جعفر ميرغني بتجربة التسامح أو التساكن الثقافي التي تمت مابين الشيخ عبدالرحمن الضرير وقبائل جبال النوبة وهو يمشي بينهم كداعية إسلامي بالتي هي أحسن...وأيضا ولفائدة الحوار(طبعا ما الـمسرحية) أذكر ان عمنا الـمغفور له(عمر نور الدائم) والـمعتقل حاليا الأخ(مبارك الـمهدي) عرضا علينا شريط إتفاقية(شقدوم-1994).. وفي الشريط كان يتكلم(سلفا كير) عن من إنهم عندما سقطت طائرتهم داخل الحدود الكينية لـم يأت أحدهم لإنقاذهم..بل كل من وصل لـمكان الطائرة كان يهدف لسلب ساعاتهم..ثـم أردف قائلا {لو الطائرة دي سقطت بداخل الحدود السودانية لحدث العكس حتي من عدوك)..
أما الـمسرحية فهي فعل إجتماعي سياسي ثقافي إقتصادي بيتحرك منذ دخول محمد علي باشا للسودان وحتي الآن...وأتمني إني انتهي منها لأنني زول(مزاجي خالص) |
تشرح لمنو ياكارلوس..??
الزول لمن مخو يكون one way..
مابينفع يتعمل ليهو صينية (roundabout) في نص شارع مخو..
بيفهم ما يدور في دماغو هو فقط..
ويبدو إنو مافهموه هو الدائر في أدمغتهم..
والبيعرف كارلوس كان فهم من البداية.. عجبي
كمل يا صاحبي ..
|
Post: #40
Title: Re: إمرأة الرئيس حامل!!!!!!
Author: البعيو
Date: 11-14-2007, 07:03 PM
Parent: #1
Quote: ما هكذا تورد الأبل
عيب والله عيب كبيـر
ليست هذه أخلاقنا ولا ديننا ، وليست هذه من شيم مجتمعنا السوداني الأصيل
أتقوا الله |
|
Post: #41
Title: Re: إمرأة الرئيس حامل!!!!!!
Author: نصار
Date: 11-16-2007, 00:11 AM
Parent: #1
ما عارف كيف يكون نقد لعمل اصلا ما اكتمل ناهيك من عدم اطلاعنا عليهو?? المباشرة هي عدو الابداع,, فلو فعلا المسرحية حاكت الواقع ما بكون عندها قيمة فنية و بالطبع لا اخلاقية ايضا,, احمد الملك في روايته الخريف يعود مع صفاء يتضح للقارئ انها ذات طابع سياسي و ان الشخصية المحورية هي شخصية جعفر نميري,, لكنها تميز عن كتابة السيرة الذاتية و عن التسجيل التارخي,, الرواية خلقت واقعها الذاتي و اوجد ظرف و زمن و امكنة تداخل جميعها حيث انها تكتفي بالاشرة للعهد و معطياته المختلفة لكنها ,اي الرواية, تتمرد علي الثوابت و تخلق ديناميكا تتحرك بدفعها حيوية و حركة تنتج بدورها لغتها و مواقفها و مفارقات و هنا تكون قيمة العمل الفنية.. من الساهل اطلاق حكم علي ما اراد الكاتب ان يقدم به لعمله لكن لا يكون النقد الا بعد دراسة العمل الابداع و كما تعلمون هناك من ينزع من المبدع حقه في تفسير انتاجه بعد ان يطرح علي الجمهور.. اكرر ان المباشرة تقتل الابداع حتي اذا لم تكن هناك معضلة اخلاقية امامه...
|
Post: #42
Title: Re: إمرأة الرئيس حامل!!!!!!
Author: abdalla elshaikh
Date: 11-16-2007, 01:14 AM
Parent: #41
والله يا نصار إخوانا السودانيين ديل يحيروا..وزي ما قال الصادق الـمهدي ايام الديمقراطية{إنو الواحد لو داير يبني ليهو حيطه جوه بيتو يجي واحد ناطي ويقول ليهو لا الـمكان دا غلط}...فيا جماعة دي فكرة فنية فلماذا جرجرتوها لكي تذبحوها في مذبح السياسة وفقا لتصوراتكم السياسية..وإمرأة الرئيس دي إحتما تكون إنتو أو نحن اوهم او التأريخ السوداني{الاعرج) والذي اعياه الـمسير منذ عام(1821)وحتي الآن..هذا من ناحية فنية العمل الفني وهي(فنية)مفتوحة علي كل الإحتمالات..أما من ناحية {ألإكلشيه}الـمبرقط والذي يسمي بالـمعارضه والحكومة..فهذا{إكلشيه}لخصت وجهة نظري فيه في سلسلة مقالات بجريدة الخرطوم{القاهرة-1994}بعنوان {ألأزمة السياسية الراهنة!!حكومة ومعارضة..هل وصلت لأعلي مراحل عجزها??}
|
Post: #43
Title: Re: إمرأة الرئيس حامل!!!!!!
Author: sumah
Date: 11-16-2007, 03:07 AM
Parent: #1
**
*
عبداللة ..
انت كان مفروض توريهم
انو الرئس المقصود هو تمبل.
تمبل باى..
رئيس افريقى سابق ..
وانت سيد العارفين
ان الحرامى في راسو ريشة ..
العياذة باللة.
انت اصلا لا يمكن ان تقصد الريس بتاع السودان .
لانو ده اصلا ما بيلد..
في الحقيقة الصراح ..
اما من ناحية الكذب والخداع
فهو كاتب في اورنيك الاراضي
الخاص بان لة اطفال..
حكمت يارب ..
تهب منتشاء الذكور .
وتهب منتشاء الاناث.
وتجعل منتشاء عقيما..
صدق قولة..
*
**
|
|