Post: #1
Title: ... ما هي معايير أختيار زعيم الكرة في اي بلد ؟؟؟؟
Author: علاء الدين حيموره
Date: 10-29-2007, 08:41 PM
نعم من حق كل مشجع أن يكون فريقه هو زعيم الكرة بلا منازع ..
ولكن هل تخضع الزعامة لمواصفات ؟؟ وما هي المواصفات للزعيم حتى ينال الزعامة ؟؟؟
ما اعرفه ان زعيم الكرة في اي بلد هو الفريق الاكثر استحوازا على لقب بطولات الدوري ..
في زول عندو راي تاني ؟؟؟
|
Post: #2
Title: Re: ... ما هي معايير أختيار زعيم الكرة في اي بلد ؟؟؟؟
Author: علاء الدين حيموره
Date: 10-29-2007, 08:56 PM
Parent: #1
ببقى وبنطلب من الاخ أحمد الريح يدينا كشف حساب بتاريخ الهلال وعدد المرات التي استحوز فيها الفريق على البطولات مقارنة بفريق المريخ الذي يدعي مشجعيه انهم زعماء الكرة في السودان ...
|
Post: #3
Title: Re: ... ما هي معايير أختيار زعيم الكرة في اي بلد ؟؟؟؟
Author: mohmed khalail
Date: 10-29-2007, 10:05 PM
Parent: #2
اشتممت رائحة الطعام تفوح من دياركم فأتيت ممنيا النفس بثريد ولحم فما وجدت سوى المرق..... وال(قرقوش).
| Quote: في زول عندو راي تاني |
..........................
...........................
ازيك يا علاء
بنرد ليك الزيارة وكده
مودتي
|
Post: #4
Title: Re: ... ما هي معايير أختيار زعيم الكرة في اي بلد ؟؟؟؟
Author: علاء الدين حيموره
Date: 10-30-2007, 02:38 AM
Parent: #3
الحبيب / محمد خالد
تحياتي ليك كتير
Quote: اشتممت رائحة الطعام تفوح من دياركم فأتيت ممنيا النفس بثريد ولحم فما وجدت سوى المرق..... وال(قرقوش).
|
اللحم طلعو من المرقة عشات يحمروه والقرقوش للكفتة .. انت اصبر شوية كمان عشان احمد الريح يجيب الرز ..
شكرا يا ملك ونجيك في السمح ..
|
Post: #5
Title: Re: ... ما هي معايير أختيار زعيم الكرة في اي بلد ؟؟؟؟
Author: haroon diyab
Date: 10-30-2007, 05:44 AM
Parent: #4
علاء الدين
صباح الخير
شنو يامان من ديك وعييييييييييييييييييييييك ...؟
اسمع البعرفه انا انوا بالنسبة للسودان علي الاقل الموضوع ماعاوز اسئلة لانوا فيه زعيم وااااااااااااااحد بس والناس عارفاه .... لكن مثلا لو قلنا في مصر ممكن اقول ليك الاهلي والتاني يقول ليك الزمالك ..... قول لي كيف الاهلي شال الدوري وبرضو الزمالك .... الاهلي شال الكاس وبرضو الزمالك ... الاهلي جاب بطولات خارجية وبرضو الزمالك .... والحال ينطبق علي اسبانيا ريال مدريد وبرشلونة وايطاليا ميلان واليوفي .... بعد داك الفيصل بينهم يبقي في العدد وفي اهمية المنافسة وطبعا اهم حاجة انك تجيب بطولة اقليمية او قارية اوعالمية .... كدي واضح ولا اكرر تاني .
تخريمة صغيرة :
طبعا البطولات المحلية دي زي البوستات البتملا المنابر لكاتب واحد المطالعات 10 والردود صفر وبعد ساعة يكون في الصفحة 24 ومافي زول شغال بيه.. وبوست اخر لكاتب تاني في نفس الموضوع الزيارات تكون 250 والردود 40 في خلال نفس الساعة يبقي الزعيم فيهم منوا .
وبرضو المحلي داخل عطبرة .
تحياتي
هارون دياب
|
Post: #6
Title: Re: ... ما هي معايير أختيار زعيم الكرة في اي بلد ؟؟؟؟
Author: mohmed khalail
Date: 10-30-2007, 06:16 AM
Parent: #5
ده اطلع منو يا علاء يا اخوي..
ركز معانا شوية ما تكون زي إيداهور في خط ستة
|
|