Post: #1
Title: مبادرة الدوحة-لرد الدين لابوساندرا
Author: عمر سعد
Date: 10-27-2007, 08:33 AM
وجدت محنة ابوساندرا كما اسماها تكاتف وتعاطف الجميع, واهتمامهم بصحة ابوساندرا.
ولم لا فابو ساندرا علم على راسة نار علم من اعلام الدوحة يساهم فيها فكريا وماديا
تجدة من اوائل المبادرين . والمساهمين دون من او اذى ....
شعلة من النشاط ...واتقاد الذهن ....ورث هذة الصفة لزوجة وبناتة ....
من القلائل الذين عملو على ارساء تقاليد ديمقراطية حقيقة لجالية ديمقراطية عمل لها..
واتى اكلة ......مشارك فى جميع الفعاليات والانشطة ...الخيرية ...النفير الاجتماعى ..
السلام والتنمية ....ومنظمات لا حصر لها....
اعتقد ان الكل يعرف عنة اكثر منى ...باسمى هنا فى الدوحة وباسم كل السودانيين
بقطر ...وباسم الامانة الاجتماعية للجالية ...نعلن وقفتناالقوية حتى يتم الشفاء...
وليكن لاهل الدوحة خاصة القدح المعلى فى هذا الشان .........
ولتبدا حملة حتى اكتمال الشفاء باذن اللة .......
واقترح وضع المساهمات فى حسابة مباشرة.....
حانت الان لحظة رد الدين .........
|
Post: #2
Title: Re: مبادرة الدوحة-لرد الدين لابوساندرا
Author: عمر سعد
Date: 10-27-2007, 08:43 AM
Parent: #1
بسم اللة ابتديت مثل البرق لاحت فى الشين والفسل بقينا نتباحت
اقتراحاتكم يا ناس الدوحة وخارجها .....
واعتقد ان الموضوع لا يحتاج الى لجان ..........
|
Post: #3
Title: Re: مبادرة الدوحة-لرد الدين لابوساندرا
Author: الطاهر عثمان
Date: 10-27-2007, 08:44 AM
Parent: #1
الاخ عمر احيى فيك هذه الروح وهذا اقل ما يمكن عمله
اقترح التنسيق مع احد الاخوان الموجودين في الدوحة في إستقبال المساهمات
وياريت لو تم فتح هذا الخيط في المملكة
|
Post: #4
Title: Re: مبادرة الدوحة-لرد الدين لابوساندرا
Author: عمر سعد
Date: 10-27-2007, 09:03 AM
Parent: #1
الاخ الطاهر شكرا ليك على المرور ...
لكن اقتراحى هو ان ترسل المساهمات مباشرة الى حسابة الخاص ساحاول
ان ادرجة هنا بعد الاذن والحصول علية قليلا فقط
وبهذا تحل مسالة الاتصالات وتكليف شخص اللهم الا بالاعلان فقط وسط المجموعات
|
Post: #5
Title: Re: مبادرة الدوحة-لرد الدين لابوساندرا
Author: haroon diyab
Date: 10-27-2007, 10:20 AM
Parent: #1
دكتور عمر سعد
يادراج المحن
صباح الخير
Quote: وجدت محنة ابوساندرا كما اسماها تكاتف وتعاطف الجميع, واهتمامهم بصحة ابوساندرا.
ولم لا فابو ساندرا علم على راسة نار علم من اعلام الدوحة يساهم فيها فكريا وماديا
تجدة من اوائل المبادرين . والمساهمين دون من او اذى ....
شعلة من النشاط ...واتقاد الذهن ....ورث هذة الصفة لزوجة وبناتة ....
من القلائل الذين عملو على ارساء تقاليد ديمقراطية حقيقة لجالية ديمقراطية عمل لها..
واتى اكلة ......مشارك فى جميع الفعاليات والانشطة ...الخيرية ...النفير الاجتماعى ..
السلام والتنمية ....ومنظمات لا حصر لها....
اعتقد ان الكل يعرف عنة اكثر منى ...باسمى هنا فى الدوحة وباسم كل السودانيين
بقطر ...وباسم الامانة الاجتماعية للجالية ...نعلن وقفتناالقوية حتى يتم الشفاء...
وليكن لاهل الدوحة خاصة القدح المعلى فى هذا الشان .........
ولتبدا حملة حتى اكتمال الشفاء باذن اللة .......
واقترح وضع المساهمات فى حسابة مباشرة.....
حانت الان لحظة رد الدين ......... |
لك عاطر التحايا وحقيقة ياها دي المحرية فيكم جميعا لكن الاخ عبد الرحمن حتي الان متحفظ علي هذه الفكرة وقد كلفني بنقل وجهة نظره وانوا مارافض مساعدة الاخوان والاصدقاء ... لكن حتي الان الامور تحت السيطرة ولكن وعد ووعد الحر دين عليه اذا الامور احتاجت اي مساعدات مادية فسنقوم بنشرها في هذا البوست ونطلب ذلك من الاخوان مباشرة ومرة اخري يادكتور عمر لك امانة من ابو ساندرا وهي شكر حتي النخاع لهذه البادرة الطيبة وشكرا مرة اخري للجميع .
تحياتي
هارون دياب
|
Post: #6
Title: Re: مبادرة الدوحة-لرد الدين لابوساندرا
Author: عمر سعد
Date: 10-27-2007, 11:54 AM
Parent: #1
| Quote: ... لكن حتي الان الامور تحت السيطرة ولكن وعد ووعد الحر دين عليه اذا الامور احتاجت اي مساعدات مادية فسنقوم بنشرها في هذا البوست ونطلب ذلك من الاخوان مباشرة |
موضوع رد الدين دة يا ابو ساندرا ما قصة امكانية كويسة ولا كعبة
المهم المشاركة وبعدين العلاج اسالنى منو انا الحكاية ما معروف حاتقيف فى كم
والمشاركة لو منى ما محتاجة بوست لكن دى رغبة ناس كتار جدا لذلك فتحت البوست
فانت ما تحرم الناس المشاركة والاجر ....ودة رد دين يا سعاة القانونى والخبير
كدى لحدى ما اطلع من الدوام واجيك بعدين حضر شاى كتير حا نجيك كميات الساعة 7
اوكى ..............
|
Post: #7
Title: Re: مبادرة الدوحة-لرد الدين لابوساندرا
Author: Atif Makkawi
Date: 10-27-2007, 12:04 PM
Parent: #1
شكرا عمر سعد
فعلا أبوساندرا من أصحاب الأيادى
التي قيل عنها (بأنها أحب الي الله)
|
Post: #8
Title: Re: مبادرة الدوحة-لرد الدين لابوساندرا
Author: عمر سعد
Date: 10-27-2007, 09:22 PM
Parent: #1
فعلا تعددت البوستات وحقيقى الفعل هو المحك عشان كدة انا حا اخطو
خطوةامامية ونبدا ................شايف بكرى بدا بى واحد تبرع بى 200 دولار
وانا فى حد اتصل على وتبرع ايضا بى 100 دولار
اها ابدو
|
Post: #9
Title: Re: مبادرة الدوحة-لرد الدين لابوساندرا
Author: haroon diyab
Date: 10-28-2007, 10:01 AM
Parent: #8
من بين عديد الزيارات التي تمت لمنزل الاخ الفاضل ابوساندرا زاره امس نفر كريم من رموز الدوحة
ضم الاخوة :
سفيرنا السابق : احمد التني
دكتور ابو الحسن مصطفي :0 امين عام الجالية
عثمان بشير: امين المكتب الثقافي
عمر سعد : امين المكتب الاجتماعي
فيصل كبلو / دكتور فياض عوض/ مازن ابو الحسن
المهم .... تمت دراسة الوضع مع الاخ ابوساندرا وتمت اتصالات دولية عديدة .
المهم في الموضوع تناولهم للتكلفة المالية للعلاج ووعدوا ببذل كل جهودهم في هذا الصدد
وقد أعلنوا عن إلتزام عدد كبير من زملاء وأصدقاء أبو ساندرا بكل الذي تقرر في الإجتماع
وأتفق عليه,, والباب مفتوح لجميع الاخوة الزملاء والبورداب .
ومن ناحية أخرى بادر { بورداب الدوحة } بتوجية دعوة لإجتماع عاجل يوم الخميس القادم
في مركز أصدقاء البيئة لقيادة حملة علاج ابو ساندرا حضوركم مهم جدا .
التحايا للجميع
هارون دياب
|
Post: #10
Title: Re: مبادرة الدوحة-لرد الدين لابوساندرا
Author: عادل التجانى
Date: 10-28-2007, 10:31 AM
Parent: #9
عمر سعد
إلى الأمام
أصلو ما تشتغل إلا بالصاح أنسى رأي أبو ساندرا فأنت تعرف أنه إنسان أبي وكان يقدم للناس ولا يذيع ذلك ، وأنه يحاول أن يقول (مستوره والله يا جماعه) صاح مستوره بس نحن علينا واجب بغض النظر عن حاجته من عدمها (أنساهو وواصل) ونحن معاك .
تعرف يا عمر بالرغم من معاناته إلا أنه يتمتع بروح عالية جداً فهو مقاتل من الطراز الأول - ولسانو الله لا يوريك -
هو حبيب الجميع - له ولأسرته الكريمة كل المعزه والتقدير - مع تمنياتنا له يعاجل الشفاء .
عادل التجاني
|
Post: #11
Title: Re: مبادرة الدوحة-لرد الدين لابوساندرا
Author: Elmosley
Date: 10-28-2007, 11:17 AM
Parent: #1
الحبيب عمر سعد ربنا يعين ابو ساندرا
واسرتهو علي تجاوز المحنة
ويعينكم علي ماتقومون به يا اهل الدوحة
نحن معكم قلبا روقالبا
كل الحب
|
Post: #12
Title: Re: مبادرة الدوحة-لرد الدين لابوساندرا
Author: awadharoun
Date: 10-28-2007, 03:15 PM
Parent: #1
سوف احاول ان اكون معكم في اجتماع الدوحة - ابو ساندرا اكثر من صديق \ هل العلاج في السعودية في مستشفيات المغربي المتخصصة في طب العيون غير ممكن وافوني بالتقارير قبل يوم الاربعاء وسوف اكون معكم بالنتيجة يوم الخميس ايميلي [email protected]
[email protected]
[email protected]
ارجو سرعة ارسال التقارير - جوالي 009660509905744
|
Post: #13
Title: Re: مبادرة الدوحة-لرد الدين لابوساندرا
Author: Abd Alla Elhabib
Date: 10-28-2007, 03:29 PM
Parent: #12
(أنساهو وواصل) ونحن معاك .
|
Post: #14
Title: Re: مبادرة الدوحة-لرد الدين لابوساندرا
Author: عمر سعد
Date: 10-28-2007, 10:48 PM
Parent: #1
يت شباب كل ناس فى منطقة يحاولو يجمعو جهودهم عند شخص واحد
الللجان الكتيرة ما بتفيد الرجاء ارسال كل ما جمع عن طريق الويسترن يونيون
باسم هارون دياب فى الدوحة او اى طريق صرافات لانو البنوك بتاخد وقت
اها وصلنا وين .........................
|
Post: #15
Title: Re: مبادرة الدوحة-لرد الدين لابوساندرا
Author: عمر سعد
Date: 10-28-2007, 10:51 PM
Parent: #1
ليس هنالك من حرج انا قلتها لابوساندرا انو الكلام القلتو لى هارون دياب بانو
الوضع الان لا يحتاج غير مقنع وانو يخليهو فى حالو مع الاستشاريين بتاعين العيون
وما نفعلة رد ديـــــــــــــــــــــــــــــــــــــــــــــــن
رد ديــــــــــــــــــــــــــــــــــــــــــــــــن
|
Post: #16
Title: Re: مبادرة الدوحة-لرد الدين لابوساندرا
Author: بخاري عثمان الامين
Date: 10-28-2007, 11:11 PM
Parent: #1
عمر سعد
ما براكم دخلونا في ( رد الجميل ) .....
معليش غيرت رد دين اعذرني رد الجميل اجمل
لانه ما قام به الخال عبد الرحمن لم يقصد به دين علي احد
وكله كان جميل بنفس جماله
|
Post: #17
Title: Re: مبادرة الدوحة-لرد الدين لابوساندرا
Author: عمر سعد
Date: 10-30-2007, 00:37 AM
Parent: #1
انا اخدتها من
يا والدة دينك كم دين الوطن كمين
ورد الجميل اطيب وقعا فابوساندرا شيال تقيلة وهو لا يفعل شى كعادة السودانييين
ليرد لة الدين ............
وقس على ذلك
|
Post: #18
Title: Re: مبادرة الدوحة-لرد الدين لابوساندرا
Author: بدر الدين الأمير
Date: 10-30-2007, 06:00 AM
Parent: #17
صحة العليل في المد الانسانى الذى يجده في من يشاركونه
تقاسم العلة وكما يقول أهلنا (مرضك مقسم فوق الدقشم)
تنهدات: إيد على إيد تجدع بعيد)
|
Post: #19
Title: Re: مبادرة الدوحة-لرد الدين لابوساندرا
Author: Randa Hatim
Date: 10-30-2007, 07:13 AM
Parent: #18
حاضرين وجاهزين "لابو البنيات"
وان شاء الله ما يشوف شر ابدا ..
|
Post: #21
Title: Re: مبادرة الدوحة-لرد الدين لابوساندرا
Author: خالد ماسا
Date: 10-30-2007, 07:24 AM
Parent: #1
طـــق خااااص
ابو ساندرا
بورداب الدوحه " عيوني لو بتنفع " برسلا
ورونا ممكن نرد دين الزول ده كيف ؟؟
|
Post: #22
Title: Re: مبادرة الدوحة-لرد الدين لابوساندرا
Author: Randa Hatim
Date: 10-30-2007, 07:26 AM
Parent: #21
| Quote: بورداب الدوحه " عيوني لو بتنفع " برسلا |
.
.
.
بدون تعليق!!!!!!
|
Post: #23
Title: Re: مبادرة الدوحة-لرد الدين لابوساندرا
Author: معروف حمدين
Date: 10-30-2007, 07:53 AM
Parent: #1
نيابة عن بورداب الأمارات ..
نفديكـ بكل ما نملك يا ابوساندرا...
ومعاكم يا بورداب الدوحة ..
وعلي أتجاه بوصلتكم نسير ...
مع الأمنيات بالشفاء لحبيبنا ابو ساندرا
|
Post: #24
Title: Re: مبادرة الدوحة-لرد الدين لابوساندرا
Author: عمر سعد
Date: 10-30-2007, 08:56 AM
Parent: #1
معروف حمدين نيابة عن بورداب الدوحة ان جاز لى ان اتكلم عنهم
ويا ها المحرية فيك ......................وكل بورداب الامارات
اذا متابع اعتقد بتكون وصلتك الفكرة كاملة .
بخارى........الامير ...رندا حاتم خالد ماسا ..........(لا تعليق)
|
Post: #25
Title: Re: مبادرة الدوحة-لرد الدين لابوساندرا
Author: أبو ساندرا
Date: 10-30-2007, 03:59 PM
Parent: #1
إنتهزت فرصة غياب ماهيتاب في العمل
وإنشغال رشيدة عني بمسلسل سوري
هرعت إلى الجهاز الذي حرمت منه
مدفوعآ بإحساس غامر أخذ يتولد داخلي وينمو
وبلغ ذروته بمكالمة عبرت المسافات من أمريكا من الأخ معتز بيومي
في الحقيقة ، وقبل ماأشد على أياديكم جميعآ فردآ فردآ
وأقول : كتر خيركم ، ما عدمناكم ، شكرآ جزيلآ
عايز أشرككم في احساس الفخر العالي الذي إنتابني
زملائي في المكتب من ثلاث دول عربية
كانوا مندهشين جدآ للكم الهائل من التلفونات التي إستقبلها فقط في فترة وجودي في المكتب
وقدروا لوحدهم كم الإتصالات في المساء
وأشاروا إلى علاقتي وشعبيتي
زادت دهشتهم ، بل تعجبوا ، وأغرورقت عينا السوري أبو يارا بالدموع
عندما أخبرتهم أن 70% من الإتصالات كانت من { أزوال } لم أتشرف بمقابلتهم من قبل
بل ولم أسمع بحوالي 40% منهم ناهيك عن سابق المعرفة
زدت طولآ وعرضآ
وقلت لهم وانا في تمام الفخر ونص :
أنه الدم السوداني الجاري فينا بالحب والإيثار
تركتهم غرقى في دهشتهم
وانا متضخم بالفخر
وبالحب
إنهم أبناء بلادي الغبش ، سمر وخضر وبيض ، زنوجة ونوبة وعربان ومولدين وحلب ،
{ وتلقانا ضو }
الوان متداخلة وأعراق متمازجة
{ آمنا بيك وموحدين }
معليش يا شباب
المسلسل السوري إنتهى ، ورشيدة ح يعود لها إهتمامها بي فتتفقدني
وماهيتاب جات
وأكيد ح تجي تطفي الجهاز وتضيع حروف فرحتي أعلاه[/B
|
Post: #26
Title: Re: مبادرة الدوحة-لرد الدين لابوساندرا
Author: haroon diyab
Date: 10-31-2007, 05:40 AM
Parent: #25
|
Post: #27
Title: Re: مبادرة الدوحة-لرد الدين لابوساندرا
Author: مبيوع
Date: 11-01-2007, 01:10 AM
Parent: #1
اههههههه
عمر سعد ارجو الاتصال
|
Post: #28
Title: Re: مبادرة الدوحة-لرد الدين لابوساندرا
Author: عمر سعد
Date: 11-01-2007, 03:34 AM
Parent: #1
اعرف يا ابو ساندرا انك لن تقرا هذة المداخلة لان الخناق سيضيق عليك
اكثر واكثر ...بعد هذة الشردة الصغيرة والغفلة من ماهى ورشيدة
قبل يومين مر الصديق الفنان على السقيد عابرا من امريكا الى السودان متوقفا مدة
15 ساعة مرحنا وشربنا الكرك وتونسنا الى ساعات الصباح الاولى .....
ومن هناك ذهبت الى العمل .........اليوم الذى تلاة اتى عابرا الصديق الطبيب النطاس
الدكتور ابشر حسين وزوجة الدكتورة اميرة من تونس الى السودان بعد اثرائهما للمؤتمر
العالمى ....عن النيرولوجى .....فذهبنا ايضا الى الكورنيش وتجولنا فى الدوحة
الى ساعات الصباح الاولى ومن هنالك ذهبت للعمل .....صديقى ورئيسى فى العمل اردنى
هانى ابوعنزة طلبت من ساعة اذن لانى تعبت 3 يوم بدون نوم...فقال لى العايز يبقى عمدة
يفتح دارو ...قلت ليهو ما عايز ابقى عمدة لكن لو شرحت ليك من هنا للصباح ما حاتفهم
قال لى لية؟ قلت ليهو الا تبقى سودانى ذلك الوقت ستفهم لماذا اعمل انا او اى سودانى
ذلك .......مع ذلك لن يفهمو يا ابوساندرا الى ان يصبحو سودانيون/ سودانين/
|
Post: #29
Title: Re: مبادرة الدوحة-لرد الدين لابوساندرا
Author: عمر سعد
Date: 11-01-2007, 03:37 AM
Parent: #1
Quote: اههههههه
عمر سعد ارجو الاتصال |
مبيوع سلامتك من الاهة
علم ساتصل بك غدا انا اليوم بايت فى الدوام NIGHT
|
Post: #30
Title: Re: مبادرة الدوحة-لرد الدين لابوساندرا
Author: عمر سعد
Date: 11-01-2007, 03:38 AM
Parent: #1
Quote: الاحباب الاعزاء
صباح الخير
للمساهمة في علاج الاخ ابو ساندرا
حساب رقم :4060687615001
البنك التجاري - الدوحة - قطر
باسم / عبد الرحمن احمد بركات
وفي ميزان حسناتكم باذن الله
تحياتي
هارون دياب |
|
Post: #31
Title: Re: مبادرة الدوحة-لرد الدين لابوساندرا
Author: شكرى سليمان ماطوس
Date: 11-01-2007, 07:39 AM
Parent: #1
ود سعد،، سلام
وسلامة ود بركات ....
مبسوط شـديد عشان تحزمك ،، و الشيلة شيلتك و تجدنـــا قدامك و وراك !!!
و عاجبنى كتـير سكيتك للخشامة و ناس قريعتــى راحـت !!!
التحية لأبو ساندرا و هو فى صــميم محنته ...
و لن نبخل عليه بما نملك ،،
و الله يقدرنا على ما لا نملك !!
و آآخ لو كان بيدى القــلم ... أقصــد المفتاح ...
لكنت كتبت الشيكات و فتحت بالمفتاح :::
كنت فتحت الصناديق الإتمصت من دم الغلابة عشان تكفف دمع الغلابة...
و إنت عارف إنه ده وقتها ...
و الله يظلم الظالم،،، آآآمين..
خاص:
ليك شوق و وحشة
|
Post: #33
Title: Re: مبادرة الدوحة-لرد الدين لابوساندرا
Author: عمر سعد
Date: 11-02-2007, 02:08 PM
Parent: #31
ماطوس المناضل (القديم) يا ها المحرية فيك
اعتقد حسب معلوماتى تطابقت رؤى اطباء كثيرين اتو للدوحة دون موعد
الا ان دعوات الاخوان قد اتت بهم فى ان الحقنة لابد منها الان
وينظر الى الاثار بعد فترة 20 يوما مع التركيز على السيطرة على الدهون والسكر والضغط
فى هذة المرحلة ..........
وستكون التكلفة الان اقل بكثير من ما هو متوقع ...........
تخريمة :----
اهلنا قالو السترة والفضيحة متباريات عارفنى قاصد شنو هاهاهاه
|
Post: #32
Title: Re: مبادرة الدوحة-لرد الدين لابوساندرا
Author: معاوية الطيب
Date: 11-01-2007, 09:14 AM
Parent: #1
الاخ / عمر سعد
معا وقفة واحدة .....
والف سلامة وامنياتنا بالشفاء لابو ساندرا
___________________________________________________
اسف لانقطاعى عن احداث الساحة لسفرى خارج الدوحة
وكل عام وانتم بخير
|
Post: #34
Title: Re: مبادرة الدوحة-لرد الدين لابوساندرا
Author: عمر سعد
Date: 11-02-2007, 02:11 PM
Parent: #32
حمد للة على سلامتك معاوية
قبل فترة كنا بنقطع فيك انا والخالة اميرة قلت ليها سفرو كتر
قالت لى يكون فى جكس وراء الموضوع الظاهر هاهاهاهاهاهاهاهاه
|
Post: #35
Title: Re: مبادرة الدوحة-لرد الدين لابوساندرا
Author: عمر سعد
Date: 11-02-2007, 11:40 PM
Parent: #1
ستتم عملية السيد ابوساندرا يوم الثلاثاء القادم ان شا اللة بمستشفى حمد العام
بالدوحة .............وستكون ان شا اللة العملية دون تكاليف ........
بنفس الحقنة التى كانت ستعمل لة بالمستشفى المغربى هذا بعد المشاورات الكثيفة مع
الاطباء بعدها يكون الاهم فالاهم وهو السيطرة على السكر والضغط والكوليسترول
لان ما حصل بالعين عرض وليس مرض يمكن ان يصيب اى جزء من الجسم علية المحافظة
والسيطرة ..........
واود نيابة عن ابوساندرا واسرتة (ان سمح لى) ان اشكر كل الذين ساهمو باتصالاتهم
او الرد او الاستفسار على هذا البوست واقول ليهم يوم شكركم ما يجى وكتر خيركم
كتير وما نقيف معاكم فى شينة ان شا اللة ............
وليكن هذا ديدننا فى الوقفة مع كل انسان من ابناء بلدى ...
شكرا جزيلا جدا لكم...............مرة اخرى ..........
|
Post: #36
Title: Re: مبادرة الدوحة-لرد الدين لابوساندرا
Author: Abd Alla Elhabib
Date: 11-03-2007, 00:19 AM
Parent: #35
| Quote: ستتم عملية السيد ابوساندرا يوم الثلاثاء القادم ان شا اللة بمستشفى حمد العام بالدوحة |
أبو ساندرا...تقوم بى السلامة والعافية المستدامة وماتشوف شر يارب .
شكرا أخونا عمر سعد وربنا يحفظ فينا جميعا هذه الروح الجميلة.
ودمتم صحة وعافية.
|
|