حكـومة يا ظالمـة يا النقـلت حبيـب ريـدي!!

وحبيب الريد الذي اقصده هنا ليس زوجي انما هو موقف المواصلات بالسوق العربي
واغرب حاجة الزنكي السوروا بيهو بعض المواقف صناعة امريكية يعني ما تستبعدوا ضلوع امريكا في القرار والذي يبدو انه قرار اتخذ علي عجل ودون مشورة او تريث..

ويادوووب فكرت في معني الاغنية الكنت بسمعها لي سنوات..الفنانة تشتكي من حبيب ريدها الذي تم نقله لاحدي الولايات البعيدة
حكومة ياظالمة يا النقلت حبيب ريدي..
لكن لاول مرة اشعر بانو الحكومة دي ظالمة جد بالجد وماعندها شغلة بالناس ومعاناتهم..
يعني لو كان البشير ماعنده عربية ولا المتعافي بركب معانا المواصلات ولا علي عثمان شخصيا كان بقدروا يمشوا المشاوير البنمشيها كل يوم جية وذهاب وربما لعشرات المرات_في حال كان الواحد منهم صحفيا_

هسة كان في داعي للبشتنة دي؟!