الرساله الاخيره

شكرا لصاحب الدار بكري ابو بكر
شكرا لكل ا ابنائي وبناتي الحبيبات
ولكل الاصدقاء والصديقات .
لقد قررت الاعتزال نهائيا
وامنيتي الصادقه لك اهل السودان
بالسلام والديمقراطيه والحريه والعداله .
واعفو عني .
مامه دومه

دوما يا حبيبة..

ده بالضبط البقصده لما اقول ان القبح ما بيتمدد الا بانكماش الجمال
اعتزالك هزيمة لاشياء كثيرة
ورسالة سالبة لكل صاحب حق وصوت عالي

بكتب ليك بيد واحدة والشمال. ولغاية ما تشفى ايدي اليمين ارجوك رجاء خاص الا تذهبي









اعتذر للجميع بعدم وضع الهمزات على الالف لتمييز المعنى

رجويه حببيتي سلامتك ويسلمن يداك

والله خسارة كبيرة يا خالة
... وفقد للمنبر ..
ارتاحى شوية ورتبي امورك وارجعى
حتلقى اخوانك واخواتك واولادك وبناتك منتظرينك بشوق ان شاء الله









خارج النص :

قلبي على ( جني )
بعد ده ياكل نارو براهو مع جماعة بشاشا .........

لالا مابنقدر نسيبك تمشي .....
وبرضو ما بنقدر نقاوم.....

Quote: شكرا لصاحب الدار بكري ابو بكر شكرا لكل ا ابنائي وبناتي الحبيبات ولكل الاصدقاء والصديقات . لقد قررت الاعتزال نهائيا وامنيتي الصادقه لك اهل السودان بالسلام والديمقراطيه والحريه والعداله . واعفو عني . مامه دومه

السلام والديمقراطيه والحريه والعداله تاتى بالكفاح والنضال والتبشير بها لا بترك الساحة لأعدائها انصار الحرب والديكتاتورية والظلم!
دومة المثقفة اليقظة والوطنية ذات الضمير الحى التى تمتلك ناصية التعبير بالانجليزية والالمانية والعربية تتنكر للشعب السودانى وتنسحب من الساحةلأمر مؤس محزن!
جنى

الخالة دوما
بدري عليك
ياخي بدري عليك


رجوية ..
سلامتك الف سلامة

الأخت العزيزة دومـــة

Quote: دومة المثقفة اليقظة والوطنية ذات الضمير الحى التى تمتلك ناصية التعبير بالانجليزية والالمانية والعربية تتنكر للشعب السودانى وتنسحب من الساحةلأمر مؤس محزن!

تحية طيبة وكل عام وأنتِ بخير وعافية
أختي الغالية
أنتِ قامة من قامات هذا المنبر
أنتِ الفكر الثاقب
أنتِ العقل الراجح
أنتِ الخلق الرفيع
أنتِ العــلم الغـزير
أنتِ كل القيم الراقية التي عجز قلمي عن تسطيرها.
كيف تغادرين والكثيرون ، وأنا منهم ، قد أدمنوا الاطلاع على مساهماتك الثرة ؟
أعــلم وأدرك تماما ما لحقك من إساءة لا مبرر لها ولكن آمل الإستجابة لنداء كل الإخوة والأخوات بأن تعودي للمنبر .

أخي العزيز بكــري ، صاحب الحوش.
سيتكرر قرار الرغبة في ترك المكنبر من الأعضاء ، خاصة المستهدفين ، إذا لم تقم بتفعيل قوانين المنبر وتطبيق العقوبات لكل من يتجاوز الحد الأدنى من الأدب وحسن الخطاب . تأمل أخي العزيز هذه القائمة من الأقلام التي لها اسهامات راقية في هذا المنبر وغادروه في صمت : عثمان محمد صالح ، لؤي شمت ، د. بيان ، سناء خالد وآخرين لم تسعفني الذاكرة لذكر أسمائهم .. وحتما ستطول القائمة إذا ما بقيت الحال على ما عليها الآن. .. هذه نصيحة من شخصي الضعيف الذي يحب أن يظل هذا المنبر وجها مشرقا للسودان .

صادق مودتي

عهدناك قوية يا دوما ما هذا الإنهزام...
كده يا جماعة ورونا الحاصل شنو لأنه ما فاهمين حاجة!

Quote: وامنيتي الصادقه لك اهل السودان بالسلام والديمقراطيه والحريه والعداله . واعفو عني

!!!!!no way

العزيزة دوما
انا ضد التوقف عن المشاركة مهما كان السبب
و بتصور الحكاية دي زي الانتحار كرد فعل لما يعتقد انه سبب كافي لمقاطعة الحياة
مع كامل الاحترام لخيارك
انت عضو في اسرة كبيرة
لهم عليك حق
فلاتحرميهم هذا الحق
خليك هنا و بلاش تفارقي

الصديقة العزيزة دوما.. حبابك

زمان كنت مفتكر انو الحضور و الذهاب من هنا (قصدي المنبر) حاجة شخصية و لإرادة الفرد:الفردة مطلق الحرية فيها..و لكن..!

نعم هناك حاجات كتيرة بتفور الدم..و بتخليك تشعر بأن الذهاب امر محتوم..وأن الإحساس بعدم تقديم الفائدة سبب للذهاب..

طالما القصة فيها ابناءك و بناتك..اقول زي ما قالت الصديقة رجاء.. ذهابك يعني انهزام لحاجات كتيرة..و ممكن تقولي لينا الهزيمة قاعدة و سيك سيك معلقة في رقابنا.. لكن برضك لازم نفج كوة صغيرة.. عشان النور يظهر للجايين.. نحن اصلو وطاتنا صبحت من مآسيها..

زمان لمن بدينا في المنبر ده.. الناس من باب المزحة بتقول ليك ارح طالعني الخلا..لكن التجارب علمتنا انو فكرة الخلا ده ممكن يجي واحد/واحدة عبقري/عبقرية..و يعمل منها فضاء اخر للذم و الشطح..و الممارسة اياها الما تقدر تلقى ليها وصف..

و كل ده ما مهم..
المهم..ان كان قدرنا البقاء و العيش في زمن ثيمته الأساسية القبح.. فأضعف الإيمان نقول لأ للقبح..وتلك اللأ.. بتحتم بقائنا جميعا..

بعد النقة دي كلها.. باقي ليك مشيك ح يخفف او يغير..ولا وجودك هو الممكن يحدث الفرق؟
Just take some rest and get back

كبر

انا غاضبه منك زي ماغاضبه منهم..
غاضبه منك غضب العشمان وهو مختلف من الغضب الآخر..
لأنك سلمتي بدري شديد وماشيه والطريق امامنا طويل..
طويل ومليء بالمصاعب..
مع بعض بنواجه الصراعات القبيحه ونقف بالكلمه الواضحة القويه الجميله ضدها..
..
تخليتي عن اخواتك وأخوانك وأبناءك وبناتك..
في وقت يحتاج الجميع للجميع..ويحتاجونك أكثر..
....

علي كل المستويات..الشخصيه والعامه..
خذلتيني يا دوما في وقت اقتربت منك فيه أكثر..
وفرحت بوعيك مع وعي آخرين كثر هنا..

اعلم ان الجو المشحون بالكراهيه جو سخيف..
واعلم ان الأستهداف طال وزاد من حده..

ولكن..

علينا أن نتكاتف يا دوما ونقوي من وجودنا هنا بكلمة الحق والحب..
ضد الهانات المستمره..

كيف هان عليكي الأنسحاب من اسرتنا؟؟

يعني الواحد أول ما يفتح المنبر من الصباح يلاقي خبر زي دا

Quote: لقد قررت الاعتزال نهائ

اللهم عدي اليوم دا على خير!!

الاستاذة دومة ، تحياتي
لقد كنت من اكثر الذين اقرأ لهم/هن ، في المنبر العام ، ونحترم كل
ما تكتبينه ، وتلك القفشات التي تطلقينها ، والان الاستفتاء هنا اظهر
مدى الحب والمكانة المحترمة التي تحتلينها في قلوب اعضاء المنبر
على اختلاف الوانهم ومنطلقاتهم ، ناهيك عن القراء الذين واجزم انهم
سيكونون اكثر حزناً ، قضايا السلام والديموقراطية دفع فيها العديد
من ابناء شعبنا من الدماء والدموع ، وانت لست بعيدة من النضال في
هذه القضايا ، وانت خير من يعرف ان هذا الطريق طويلة وتحتاج الى
صبر جميل ، واعلم انك تشاققين يوميا عندما تتصفحين خبرا او تعليقا
مضر او سخيف ، لكن في ذات الوقت تعلمين انه طريقك الشاق .. اعلم
انه قراراك لكن يمكنك العدول عن هذا القرار خاصة عندما يطالبك
هم الذين يعرفونك وبنوا علاقاتهم الشخصية معك .
انا لم اتداخل معك قطعا لكن اتابع ما تكتبينه ، رجاء خاص جدا
ان تواصلي معنا ها هنا ...ولك الشكر والتقدير والاحترام

قطعة: الا يا استاذة دومة ظهرت ليك وزارة في الخرطوم !!!

الأخ سرى
حقا لقد اوضحت ما عجزنا عن تفصيله وتوضيحه دوما قلم وطنى له محبيه من كل الوان الطيف فى هذا المنبر ولها قلب طفل رضيع ومحبة للسودان مرتبطة به رغم وجودها خارج السودان لعدة عقود وقد تركت المنبر فى مرة سابقة بسبب الاساءة وناشدتها فى ان تعود ونقلت لها ذلك ايضا اخت وزميلة توقفت عن المنبر لنفس السبب ولطيبة قلبها عادت ولكن زميلنا الفحل منعم سليمان سبها سبا من ذات مفرداته التى استخدمها فى بوسته الشهير سبا لا يليق بها ولا بهذا المنبر فطلبت من الاخ بكرى الحذف حتى لا يبقى فى الارشيف ما يسئ اليها فاستجاب الاخ بكرى مشكورا وتركت المنبر لان لها ابناء وبنات كبار لا يرضيهم ان يجدوا مايسيئهم ويسئ الى امهم!
كيف نستطيع الابقاء على امهاتنا واخواتنا اذا فشلنا ان نتعامل معهن تعامل الجنتلمانات مع القوارير!
جنى

Quote: اعتزالك هزيمة لاشياء كثيرة ورسالة سالبة لكل صاحب حق وصوت عالي

ارجوك اعيدي نظر في قرارك ..

يعني عايزه تعملينا جداد الخلا الطردت جدادة البيت؟؟؟
يازوله ما قلت لما بتعرفي الانترنت ده نحن لسه ما عرفنا التلغراف؟؟؟؟
تمشي وين تخلي المولد .....ده
بعدين انت احد اعمدة الجلبنه بالمنبر تقبلي وين تخليهم ؟؟؟
واليوم لسه لم نكمل تدشين معتصم الطاهر جلابي كبير حسب اعترافه
والفيلم يادوبه بدأ؟؟؟؟


يازول كان منعم زعلك قولي لي ؟؟؟لك علي اخليه يعتذر لك شخصيا
رغم فشلي في انه اخليه يعتذر لنسوان الشمال عموما
لكن التعدي الشخصي طبعا اخطر من الموت المع الجماعه وبيبقى عرس.

عرفتي يادوما نحنا ماشين ورا ليه ؟

قراركـ ده ما تفتكري انو صعب
ده قرار المهزوم .. يعني ده اسهل قرار
الناس القناعاتا ثابته في الدنيا دي قليلين
وانا حزين جدا الليله لانو انتبهت لي انكـ ما منهم
انا اسف .. لكن خزلتيني بعد ما راهنت عليكـ

Quote: شكرا لصاحب الدار بكري ابو بكر شكرا لكل ا ابنائي وبناتي الحبيبات ولكل الاصدقاء والصديقات . لقد قررت الاعتزال نهائيا وامنيتي الصادقه لك اهل السودان بالسلام والديمقراطيه والحريه والعداله . واعفو عني . مامه دومه

كده ؟!!

عملتيها ظاااهرة يعنى انا كراعى حااااارة ياماما دومة ولا شنو ؟(وجه بعيون دامعة )!!

الأخت الكريمة دومة

ظللت عندي من الشخصبات التي أحس ناحيتها باحترام كبير
وآرائك غض النظر عن إتفاقنا أوإختلافنا معها مكان تقديري واحترامي
لذلك أرى في ذهابك فقد كبير لمن ظللت عنده مكان احترام

جبر الخواطر يقع في عرفنا - وأنت العليمة - مقام الأمر

" كان تقوم للحول ما تقوم بى خاطر زول "

كوني معنا
لنهزم معاً القبح والعنصرية النتنة

سلام دوما
قولي ما تريدين لكن لا تذهبي

Quote: لقد قررت الاعتزال نهائيا

Sie kennen Tante doma?
Es ist eine weise Entscheidung zu pensionieren, während Sie „noch“ ein Superstar sind.
Das Problem jedoch ist das, Zahl der Namen hier wird drehen Waisenhaus (Nur Scherzen, und wünscht Ihnen langes Leben).
Bitte nehmen Sie einen Rest und kommt zurück.

Unterschrift: Schmerz vom Herzen

Übrigens: wie ist meine deutsche Sprache?

Tragie: Haben Sie ein Ding von dieser Sprache verstanden?

دمه
المؤسف أنني رأيت البوست مبكراً وكنت أقوم بتأجيل فتحه عشان أستمتع بقراءته بنهايات اليوم فأُفاجأ بكلامك لبس لدي أدق ولا أوضح ما قالته رجاء

Quote: القبح ما بيتمدد الا بانكماش الجمال

Quote: اعتزالك هزيمة لاشياء كثيرة

أتمنى بقاءك فمازلنا ببدايات التعارف

فعلا عنوان البوست لم يوح لي ابدا بما وجدته بالداخل


يؤسفنى جدا قرارك عزيزتي دوما
لك شخصيتك (المميزة) التي لا يستطيع غيرك تعويضها
ننتظر تراجعك بعد ان تهدأ نفسك ولو بعد حين

خالص مودتي

الخالة العزيزة دوما

فتحت البوست على اساس ان اجد واحدة من كتاباتك العميقةو القوية التي تعودناها منك طوال السنوات التي مضت في هذا البورد
ولكن اتفاجات انه قرار بعدم الكتابة
لنا كقراء ومشاركين حق في كتاباتك وفي وجودها
قرار ابتعادك هو ابتعاد عن السودان القوي
احترم رغبتك انك ممكن تكوني زهجتي شوية ، مليتي النقاش شوية
لكن ان تذهبي طوالي بلا عودة
فهذا هو غير الممكن

في انتظار عودتك وجمال كتابتك التي تشع منها الاراء القوية الصريحة

لكمي مني خالص المحبة

Quote: زميلنا الفحل منعم سليمان سبها سبا من ذات مفرداته التى استخدمها فى بوسته الشهير سبا لا يليق بها ولا بهذا المنبر فطلبت من الاخ بكرى الحذف حتى لا يبقى فى الارشيف ما يسئ اليها فاستجاب الاخ بكرى مشكورا

يا دوما والله حزين لذهابك...
رغم أنك رب الجلبنة لكنك بتخاصمي بشرف ووعي!
نعرف غيرتك علي الوطن حتي ولو إختلفنا معاك فيها برضو نحترمه..

بلا شك منعم أخطأ في تعيينه للخطاب لأنه يعتبر تعدي مخصوص
نحن جينا ولقينا بكري أوريدي سحب كل شئ وظنينا كده الموضوع إنتهي
أوعك تظني سكتنا عشان شلليات صديقيني في الحق ما بنجامل أيا كان

شوفي صاحبتك تراجي ده كم مرة تعرضت بوابل من السفاهة والقلة أدب
حتي لحقت الإساءة أسرتها وأولادها وبرضو إستحملت لسبب بسيط لأنها عندها قضية

وأنا برضو متأكد أنو إنت عندك قضية بس كان ما عشانا عشانها أرجعي
خلاص بكري زي ما قال جني إستجاب لطلبك وحزف كل ما قيل عنك من الإرشيف إذن ما في داعي أبدا للذهاب...

Nein, das ist nicht akzeptabel. Doma, bitte nicht verlassen.

Ich bin sehr, sehr traurig.
Kostawi

كم انا حزين لافتقادنا دوما بشخصيتها المحببة حزنت لاننا سنفتقد الدفء الذى تشيعه فى زمهرير سودانيزاونلاينز سنقتقدها كما افتقدها السودان الذى احبته وكانت يمكن ان تقدم له الكثير بعلمها الثر وبتفانيها واخلاصها ولكن ابى الاخر الا ان يحرمنا منها اسفيريا كما حرم منها السودان لأسباب خارج ارادتها وهى التى تتعبد فى محرابه صباح مساء بتواصلها مع ابناءه فى كافة انحاء المعمورة!

دوما لمن لا يعرفها جمال المخبر والمنظر نموذج لذلك الجمال السوداني المتفرد الذى تراه فى بوسترات الثقافة والاعلام وفى علب حلويات كريكاب وريا وسعد .دوما سودانية يفخر السودان بانتمائها اليها صوتا ملائكيا عندما تحييك كأنها تعاود مريضا!
دوما اذا لم تعود ى من اجل هؤلاء فعلى الاقل عودى من اجل هذا الطفل البائس واهله الذين حفيت اقدامهم وبليت ثيابهم بحثا عنه يسائلون شعاب مكة مقيميها وزوارها حجاجها وعمارها يسائلون طوب الارض عن فلذة كبدهم الذى انشقت عنه الارض وابتلعته!
عودى يا اختاه لأنك حملت صورة الصغير احمد الحمرى فى قلبك الكبير قبل ان تحمليه فى بروفايلك عسى ولعل من يراه فى بروفايلك يراه عيانا ويرده الى صدر امه وابيه!
عودى ولا تتركى صغار البورد وشبابه فهم احوج الى فكرك الثاقب وتجربتك الثرية فانت تذكريهم بالام المعطاءة وتجسدى الامومة قلبا وقالبا نهجا ومنهجا لهم وهى منافى الشتات!
من لم يعرفك يجهلك!
جنى

Quote: زميلنا الفحل منعم سليمان سبها سبا من ذات مفرداته التى استخدمها فى بوسته الشهير سبا لا يليق بها ولا بهذا المنبر

وضح الان جزئيا سبب الانسحاب..دعيني اتساءل ثم ماذا؟
هل يعتبر الانسحاب حلا لما حدث ام هي محاولة هروب وتكتفين بالتالي العمل بأن
الباب البجيب الريح سدو واستريح وبالتالي تسدي(دي بطينة ودي بعجينة)،
وتقولي باي باي لمواقفك الكثيرة والمشرفة..
الخمسة الاعوام التي مرت وانت هاهنا، جعلت منك مرجعية للكثيرات منا.
اعلم اي منحدر (انزلق) اليه الخطاب في كثير من البوستات، خاصة في الاونة الاخيرة..
واقدر مدى الرشاش الذي (سيكون) قد اصابك، رغم عدم احاطتي التامة بتفاصيل ماحدث.
لو كنت مكانك، لما اختلف موقفي كثيرا عن موقفك.. (ولكن)..
لدى الكثير لاقوله، واعجز عن ذلك في هذه اللحظة.. ربما هي المفاجاة، وربما
مشاعر اخرى اعجز عن الافصاح عنها ولكن مرة اخرى..
اقول فقط..ارجوكي لا تغادري..
(نحن قاتلنا سنين عددا واقتتلنا
نحن سجلنا التآلف والتآخي في انفعالات الاجنة)
لي عودة بعد فهم سبب الاحالة الى المعاش..
مودتي وتقديري..
حليمة

حذف للتكرار

Quote: يؤسفنى جدا قرارك عزيزتي دوما لك شخصيتك (المميزة) التي لا يستطيع غيرك تعويضها ننتظر تراجعك بعد ان تهدأ نفسك ولو بعد حين

خالة دوما
...صديقتى...
سلام وتحية
"قبل يومين انا وبقية من أصدقائ الذين عرفتهم هنا كنا فى سيرتكــ ..أنتى وإشراقة واخريات
اتناقشنا فى كيفية ...وطريقة ...(مداخلاتكم ..بوستاتكم)..

"..ما تفكرى الناس دى ما بتكتب معناها ما بتقرأ
"

مجموعة تراجعات "وخاصة من الجانب الجندرى" هنا...ويبدو انك آخر من تبقى ,,
اغلبية الأعضاء القدامى تراصوا على كنبة الإحتياط منعاًلتعرضهم للهجمات ,, وإكتفاء من معارك الشخصنة ...والإساءة المتعمدة
والغير متعمدة
...

أنا زى خدر راهنت عليك ...وخسرت الرهان ...
مع انو كلامكـــــــ زمان ما كان بوحى بى كده...

...
عموماً بالتوفيق فى ما تريه مناسباً لكــ,,

لوووول بشاشا, سلطان, إستار,أسامة و كوستاوي 25 مايو 2001

إحتمال البوست دا يجيب لينا حبوبتنا راجعة


يا جني البوست دا من سودان نت 2001 شوف أمك دومة كانت رايقة kaif و فنانة.

غايتو يا دومة لو ما جيتي راجعة و الله أجننك بالتلفونات في نص الليالي حتى ولو في الصين.

أنا شايقي لايوق لكن ما ظلامي زي صاحبتك بيان.

ياخ عليك الله تجي.

الأخت الأستاذه دومه،

تحية طيبة.

أتمنى أن لاتتركى هذا الموقع وأن تظلى تعبرى عن ماتؤمنى به.

السودان خلاصه فى فكرة السودان الجديد والتى أساسها التعدد والاختلاف والتعايش مع هذا التعدد والاختلاف.


وإعتذارى جراء كل ماغير موضوعى تجاهك .

تحياتى ولك ولأسرتك و كل الود والاحترام.

Quote: شكرا لصاحب الدار بكري ابو بكر شكرا لكل ا ابنائي وبناتي الحبيبات ولكل الاصدقاء والصديقات . لقد قررت الاعتزال نهائيا وامنيتي الصادقه لك اهل السودان بالسلام والديمقراطيه والحريه والعداله . واعفو عني . مامه دومه

اختى الكريمة دومه
الاعتزال مرة واحدة غريبه كنت متخيلاك اقوى من كده بكتير
كلام مامقبول على الاطلاق وبامانه ماكنت متوقعاهو منك تحديدا لانى كنت فاهمه انك عارفه
حقيقه الحاصل وانو الهم طال الكل ماانتى براك وتصليح الحال مابيكون بالانسحاب ابدا
الناس تقيف وتواجه الخطا وتواصل وتستمر فى العطاء وماكل البيتكتب بيستحق اننا حتى نلتفت ليه
خاصة اذا جا من شخصية مريضه اتمنى ان تعيدى النظر قرارك فهو لايشبهك

للأسف الشديد هكذا الحال لا يتغير أو يتبدل منذ أن بدأت هذه المنابر رسالتها .. ينتظرون أن تقع الفاس فى الرأس .. ثم ينتظم طابور (استجداء) البقاء على كوبرى (الأنقاذ) وينطلق (مشروع النفاق المنبرى) الذى يشبه (المشروع الحضارى) الفاشل !!
لا ما تمشى .. وعليك الله اقعدى .. وأنت أهم زول ... الخ!!
لماذا لا يدان ويشجب العنف اللفظى واغتيال الشخصيه ؟؟
لماذا تنتظرون حتى أن ينفذ صبر الصابر واما ان أستل (سكينة) كلماته من ضراعه أو انهزم ومشى .. خروج وعودة .. او خروج نهائى؟؟
ما هى المشكله فى أن ننادى بصوت عال بأن تتحول المنابر الى مشاعل وعى حقيقى بدون شتائم أو اساءات أو شخصنه للمواضيع ؟؟
ما هى المشكله فى أن نرفض بصريح العباره مداخلة اى عضو يتجه الى التحدث عن العضو فى شخصه أو يقصد استفزازه، بدلا من أن يرد على افكاره واطروحاته؟؟
لماذا يستثنى البعض من الاساءة للأعضاء ويسمح للبعض الآخر باى دعوى أو مبرر ؟؟
متى يتعلم الناس ان من حق من يقول عنك (جلابى) .. ان تقول عنه ( ...........) ؟؟
لماذا هذا الصمت البشع على ممارسة اغتيال الشخصيه .. ومحاولة جر كل أنسان محترم واظهاره بالمظهر القبيح فى وقت، يوضع فيه ثوب الطهر والعفاف على ظهر الذين لا يرتدونه فى واقع الحياة ؟؟
لولا ايماننا الكامل بأنه من اساء الأدب فيجب تاديبه وأن يواجه بذات اسلوبه لا أن يترك له المنبر من اجل خير المنبر وخير الدنيا كلها، لذهبنا من زمان وقبل أن تذهب (دوما)!!

وييين يا مامتو

no way

ما بنقدر علي شوقك،

سمعتِ؟

دووما
دوووما
دي مشت وين كمان ؟؟
يعني ما سامعاني !!
تعالي عندي معاك ونسة
تعالي
سمعت

سـلام

ماكنت أود التداخل بسـبب أن معظم المتداخلين هنا كما أتضح لى لم يقرأوا مـا تم سحـبه. ....
أتمنى أن يراجـع مـن يملك نسـخـة من البوسـتات المسحـوبة العبارة الأخـيرة في كلام منعم سـليمان

المـوضوع أكبر من إلأهـانة الشخصية للعـضوة دومـة

رغم أسفى لمغادرة ألأخت دومـة لا أسـتغرب لرحيلها لأن بعض مـا يدور هـنا يجبر الملتزمين أخلاقيا منا على إختيارالرحـيل عندما يصبح كل ماتعـارفت عليه الأنسـانية من خطأ أو صـواب خاضع لأعادة التعريف بواسطة من يعـتقدون أمتلاكهم للحقيقة المطلقة بسبب إنتماءاتهم ولاحق لمن يختلف معهم سـوى الأتفاق أو الصمت....

ألألتزام ألأخلاقي والأنسـانى يحتم على الجمـيع ألأحـترام الفـردى للآخر بغض النظر عن الأنتماء العرقى أو الجغرافى...وإذا عجزنا عن إيقاف المحاكمات والتجريم الأخـلاقى الذى يتم لبعض ألأعضاء هنـا بسـبب الأنتمـاءات العـرقية لهـولأء الأعضاء ، لا أرى كيف سـنتمكن من التصالح مع أنفـسـنا...
تمريرنا وسلبيتنا تجاه الخـطاب العنصـرى سـتصبغ عليه سراب من الشرعية تغرى أصحابه فى التمادى وبالتعـود تصـبح مفرداته رغم سطحيتها هى لغة التحليل السـياسى السـائدة

الحل عـندى أن نتصـدى كلنا لمثل هـذا الخطـاب بغض النظر عن مصدره حـتى وإن قـادنا هـذا التصـدى إلى خـيارات لا نفضل اللجوء ليهـا بسبب ما نراه من أولويات

أتمـنى عـودة دومـة لتواصل مجهودهـا وألأ يكتفى الأخرين بالفـرجة لأن المـبادئ لا تتجزأ وليس هناك صـكوك للوطنية تمـنح وتمنـع ، على الأقـل ليس بيد منعم سـليمان ومن لف لفه

ســيف

دوما
ماما خالتو أختي يمة أي شي
خليكي هنا

بعد أن كدت أقتنع أنه طنين بعوضة في أذن فيل؟ّ!

أنا ما بعفي ليـك يا خالة عديـــل.

Quote: أنا ما بعفي ليـك يا خالة عديـــل.

العزيزه دوما
بعد الإستفتاء ده ما اظنك تقدري تفارقي ناس
بحبوك كده
ولا رايك شنو
ودابكدوك

Quote: الأخت الكريمة دومة ظللت عندي من الشخصبات التي أحس ناحيتها باحترام كبير وآرائك غض النظر عن إتفاقنا أوإختلافنا معها مكان تقديري واحترامي لذلك أرى في ذهابك فقد كبير لمن ظللت عنده مكان احترام جبر الخواطر يقع في عرفنا - وأنت العليمة - مقام الأمر " كان تقوم للحول ما تقوم بى خاطر زول " كوني معنا لنهزم معاً القبح والعنصرية النتنة

الاخت دومة
تحية طيبة
الرجاءالعدول عن هذا القرار والاستجابة لتلك
الاصوات التي عبرت بصدق عن أهمية وجودك في هذا
الفضاء اننا في هذا الوقت محتاجون لبقاء الاقلام
المهمومة بأمر السودان وهو ينحدر الي مزالق
العنصرية والجهوية والقبلية والحزبية الضيقة
يحيي

العزيزة الغالية ماما دوما (الخالة) .

تعرفين مدى معزتك لدينا وخاصة قدامى (SDBERS).

تعرفين يا خالة أن لكل بيت كبير وأركان البيت المعمور لازم يكون عندو ( كبير+ كبيرة)

عاد أنت الكبيرة مقام .

وإن أصابك أي رشاش من إبن عاق ، دعيه الله كفيل به

ماما دوما ،،،

مريم بتسألني دائماً عنك ، وأنا بقول ليها إنك بخير وبعافية

لو إنقطعتي وما عرفنا خبارك أقولها شنو؟

إن شاء الله دائماً أنت بخير وعلى خير

لا و الله..
لا يا دومة..
عاوزينك ضروري..
أنت من أهم أسباب بقاء الكثيرين هنا..فلا تذهبي
كفانا من تركوا الكتابة هنا لأسباب مشابهة..
أحسـبيها تاني..

العزيزة دومة ..
الساعة الآن كما ترين ..
إفتتحت يومي برسالتك ..
فلا تظني أن ما تكتبينه عبث ..
لا تكسري قلمك الذي إمتشقتيه تعبيرا عن آرائك الجادة..
ولا تكتمي أنفاس أفكارك..
كيفما كان قرارك فلن تستطيعي البعد وستظلين متابعة..
قرارك هذا ليس ضد من تتحسسين منهم بل ضد قرائك .
أتفق معك تماما علي إنفلات عقال لسان بعضنا تجاه البعض ..
وأن أكثريتنا لا تلتزم مبادئ الحوار ..
ولكن ألا يشفع لنا أننا في سنه اولي حضارة ..؟
وأننا ما زلنا نخاطب بعضنا البعض بألسن مضببة ووجوه (مكشره )
لاننا لم نفلح بعد في قتل دكتاتورية الرأي الواحد التي نشأنا عليها ..
عزيزتي ..
راجعي نفسك ..
أتفق مع الأخوه هنا ..
فقلمك لم يعد ملكا لك وحدك كما تظنيين .

الخالة العزيزة ، دومـة

تحيــاتي وكثير احترامي ..

إنه قرار مؤسف أن تكتبي رسالتك الأخيرة ومايزال مدادك

ممتلئٌ عافية وقارحة .. والكل يشــهدون لك بثراء الفكرة

وعِفـّة الكي بورد وطلاوة الرّوح الكاتبة ..


مؤسـفٌ أن تتراجعي قافلة من وسط الطريق ..! وقد بدت نُجيمات سـعدٍ

في الأفق .. لإسـهامك فيها ، الكثير ولمشاركاتك القِـدح المُـعلـّى ..

مؤسفٌ أن تقتلعي ما غرست من بذور موضوعية في أفئدة متابعيك من

خلال تملـِّيك الهُمام في التحاور وإبداء وجهة النظر الثريـة ، وتلك بذور

قد نما عنها غرس بهيج يُعجب الأسوياء ويكيد لغيرهم ؛ والإقتلاع يأتي من

توقـّع الهجر لما كتبتِ وما تداولتِ فيه ، إن قُيِّض لهذه الرسالة أن تكون

الأخيرة " فِعلاً " ..


الفعل المُسـِف ! هو أن تتعرِّضي - كما قرأنا لأول مرّة هاهنا- لسباب

هذا المتعنطِز " فارغات" مونئم سليمان ! وإن كنتُ مستغرباً لاصرارك في

دوام التصدِّي لرؤاه البائرة والمـتشـرنقة بالبؤس والداعية

للعدم والساعية الى الهيجاء بغير دراية ! فإنني لأشـدّ استغراباً

من " اعتباريـّتك " لما يخطـّه من سباب! وهل يخطّ غيره ! وما أسهل أن يردّ

الناس السـِّباب ! بمثلِه وأكثر منه ! إن كان هذا آخر ما يفعلون !!

وهل فات عليكِ يا عزيزتنا دومة ، قول الحكيم :

لكل داءٍ دواء يُستَـطبُّ به ..

إلا الحماقة قد أعيتْ مَنْ يُـداويـــها ..


------

أمنياتي إليكِ أن تُـراجــعي هذا القرار ..


وأن تعودي ، شـمـَّاء واثقة باسقـة ..


ولك احتراماتي ..

ٍ

الأخت دوما

نرجو أن ترتاحي فقط قليلاً كإستراحة محارب.
و لكن أن تعتزلي قهذا أمر لا نوافقك عليه

خسارة والله

معقول بس يبقو علينا الإتنين ..
خروج الهلال ..
وإنسحاب الخالة دوما ..

إذا أتاح لنا المنبر كتابة رأينا بحرية لماذا لا نحترم حرية الآخر في ما يكتب ..
بعيداً عن الإسفاف والإساءات الشخصية ..
لماذا لا نحترم رأي وقناعات بعض ..
لماذا نلجأ دائماً لشخصنة حواراتنا وقتل الشخصية ..
قد نفيق يوماً ولا نجد هذه المساحة لنكتب فيها ونكون بأنفسنا هدمنا حريتنا ..

الأخت/الخالــة/الوالــدة .. الحبيبة .. دومــــــا
من المواظبين على القراءة لك من قبل ان انال عضوية هذا المنبر ..
ورغم انى لم اتداخل معك يومـاً الاَ اننى قد عشت الحب الصامت تجاه كتاباتك وتعاملك الحنين ،، فأرجوك ثم ارجوك الاَ تذهبى .. ابقي معنا .، من اجل كثيرون هنا يريدونك ان تبقى.

الحبيبة (حبوبة) دومة
ده كلام شنو ده

يعنى بقيتى الخاله والماما وكبرتينا قبال يومنا ودايرة تزوغى

وجودك مهم.. ناس أدروب وناس تراجى البحوشم منو ؟؟

يا زولة بطلى زوغة ناس فلانة ديك

وأتحزمى إنشاءالله بصفيحة تركين

الخيار ضاع منك ولا على كيفك

محبتى

Quote: دوما يا حبيبة.. ده بالضبط البقصده لما اقول ان القبح ما بيتمدد الا بانكماش الجمال اعتزالك هزيمة لاشياء كثيرة

فقط تذكري ضريبة اصحاب الرسالات

أملاً في ان لا ترحلي



مدخل للخروج :

يسقط القلم البيقبل
يبقى زي جرس الدلاله
لاقضية ولا رساله
وتسلم عيونك ياوطن
يا اصل الاصاله

الأخت / دوما.........


البورد بعدك أصبح خلا ...............

-
-

حبيباتي و حباني وليداتي واخواني
قريت كل حر ف اتكتب بمداد المحنه واجهشت بالبكاء المر .
السبب ما لانه منعم شتمني . خلوني اكفف دمعي دا واستجمع افكاري
و بجي احكي ليكم
لو لقيتوا اسبابي مقبوله
بتمني انكم تسمحوا لي بالاعتزال .
اهلي السمحين البريدهم متل عيوني بقولوا( لو قعدت للحول ما تقوم بخا تر زول )
بجيكم صاده اقعدوا عافيه يا الزينين

دوما

كدي روقي المنقة و راجعي كلامك ده

البورد بقى بيتنا كلنا.. فلو كل واحد سمع كلام ما عجبو يلملم هدومو ويطلع
من البيت .... تاني البيت حيبقى فيهو منو؟؟؟

اطالب بمحاسبة من اساء اليك

رجاءا
عودي

اخوك الكبير

دخلت للمرة الثالثة لمتابعة تطورات الموقف،
كيف لا وخالتنا دومة من اوتاد هذا المنبر وتستاهل كل الاهتمام.
من سبقوني لم يدعو لي ما اقوله لكن عرضك الاخير يستحق المداخلة.

عليه اقول:
لا مانع لدينا من الاستماع لاسبابك شرط ان تدعي لن حق اتخاذ القرار ببقائك او ذهابك.
وشكرا كثيرا على جبر خواطر الناس البريدوك ويحترموك.

ماما دومة

Quote: أمنياتي إليكِ أن تُـراجــعي هذا القرار .. وأن تعودي ، شـمـَّاء واثقة باسقـة .. ولك احتراماتي ..

نجلاء الماحى

Quote: اهلي السمحين البريدهم متل عيوني بقولوا( لو قعدت للحول ما تقوم بخا تر زول )

وقد ورد ايضاً فى الأثر ان نبينا الكريم قال ( عليكم بجبر الخواطر ) .. ورغم ضعف الحديث والشكـ الدائر حول صحته ، لكن العلماء قالوا .. ان الأحاديث الضعيفة يجب ان يؤخذ بها فى فضائل الأعمال .. وبقاؤك هنا من فضائل الأعمال .. لذا .. وجبراً بهذه الخواطر والنفوس التى تريدك .. نسألك مراجعة هذا القرار .. ونرجوك ثم نرجوك .. كونى معنا .. وكـونى بخير.

الغالية دومه.

وجودك مهم بالبورد.



دينق.

الغالية دومه.

وجودك مهم بالبورد.


we all love you here

please
please
do not give your enemies a golden chance




dr mustafa

الحبيبة ماما دومة
أنا بعيدة عن المنبر في الفترة الماضية
ولكنني أقرأ لك وأعجب بشخصيتك القوية
وكلمتك الواضحة والقاطعة حد السيف
تقولين حتى ما لا أستطيع أن أقوله
وتناقشين يقوة وعزم
كمن يحفر في الصخر

ماما دومة

ما تتخيلي أنا حزينة قدر كيف حسة؟

العزيزة دوما

Quote: أمنياتي إليكِ أن تُـراجــعي هذا القرار .. وأن تعودي ، شـمـَّاء واثقة باسقـة .. ولك احتراماتي ..

دوما
البورد ده انت ضلو وزينتو
وحياتنا عندك
وحياة بنيتك الحلوه البتريديها
ماتمشي
عشان خاطرنا ترجعي

المحترمة دوما سلامات..

وجودك يعتق المكان حواراً وفكراً ..

خالص الود ..

بركه الجيتي طيبه..عارفك حنينه قشقي ديمعاتك وارجعي
منتظرنك.

Quote: حبيباتي و حباني وليداتي واخواني قريت كل حر ف اتكتب بمداد المحنه واجهشت بالبكاء المر . السبب ما لانه منعم شتمني . خلوني اكفف دمعي دا واستجمع افكاري و بجي احكي ليكم لو لقيتوا اسبابي مقبوله بتمني انكم تسمحوا لي بالاعتزال . اهلي السمحين البريدهم متل عيوني بقولوا( لو قعدت للحول ما تقوم بخا تر زول ) بجيكم صاده اقعدوا عافيه يا الزينين

Quote: بركه الجيتي طيبه..عارفك حنينه قشقي ديمعاتك وارجعي منتظرنك.

مافى احلى من الكلمة الطيبة ياتراجى لانك انت برضك حنينة
بس لو نقعد مرة فى قلب الواطة دى ونطلع كل الغبائن والاحزان ونتحرر منها
بس لو....


انتى كنتى ماشة ووين يادومة ياختى؟ بركة الجيتى

المحترمة دوما سلامات..

وجودك يعتق المكان حواراً وفكراً ..

خالص الود ..

ما تخذلينا يا ماما دومة..

العزيزة دوما
ان شاء الله الدموع تكون غسلت الاحزان
و من اسع بقول ليك بنسمع كلامك و نشيل عنك الضيم لكن مشي مافي
لانه ببساطة لو ما كنا بنتقسم الكعب قبل السمح يبقي معرفتنا ما ليها لازمة
البصيبك بصيبنا كلنا و اذا في مشي برضو نمشي كلنا
لكن للاسف ما تبقي لينا خيار سوي مواصلة المسير
احيانا بنشوف العبس هو الذي يتحكم هنا.. لكن لو وقفنا مع انفسنا شوية بنشوف التغيير الايجابي الحصل لينا كلنا.. كثيرون كانوا لا يعبهون بالشأن العام و يناكفون في قضايا هام.. قلت مواقف البين بين و زاد ارتفاع صوت الحق و مناصرة قضايا المسحوقين.. بسبب ما تعرضت له تتكثف امام عينيك سلبيات هذا المكان و تجدي الحسبة ما جايبة تعبها لكن في الوضع الطبيع و نسبة للمحن الواقعة علينا نصف الخطوة في الطريق الصحيحة تعادل اميال.. ما حاق بك يؤلمنا و نتصور مدي سوءه لمعرفتنا لصلابتك و عمق صلتك مع اهلك و احباءك هنا لكن الا تأمني رفقتنا و لا تثقي في عزيمتنا في نصرة الحق و مناهضة الباطل??... في رجاك

ذهابك دوما يعني اننا قد خذلناك ..

غايتو انتو ياسودانيز ...
البيحاوركم بتجننو لمن يجى يودعكم بتحننو ...!!


أها ....
الحمد لله الخالة رجعت عشان ماتكسر الخواطر
والله كنت عندى احساس انها ماحتغيب اكتر من نص يوم
الخالة دى حنينة ياجماعة وماهى الزولة البتكسر الخواطر
ربنا يديك الصحة والعافية يادومة



عليك امان الله لو اتاخرتى يوم تانى جنى كان حيلقط الورق في شوارع المملكة ...

الاخت العزيزة دوما

فى انتظار عودتك وحكاويك

وما بتخذلينا ان شاء الله

تحياتى

خسارة ...
مش فيكي ... و لكن في البيطبلو ليكي الآن هنا فقط ....
لأننا ( نحن من عجمنا عودك في مجادلاتنا الساخنة في هذا الفضاء الإسفيري ) نعرفك أكثر منهم ...
لأننا قد سبرنا غور عقلك ... منطلقات أفكارك ... قلناها لك سافرة ... و قلتيها لنا سافرة .... لذلك عرفنا بعضنا اكثر من معرفة هؤلاء بك .
و إحترمناك لأنك كنتي خصم عنيد .

في حاجة أخيرة بقولها ليكي :
كنت أعتقدتك أقوي من كده بكتير .... أما الآن ... جرجري أذيال الهزيمة و أنزوي في مكان قصي تلعقين فيها جراح هزيمتك ) ..

تخريمة :
السطر الأخير ده أنا متأكد حيخليها ترجع ... كيتا في محمد سليمان )

خليكي قاعدة يا دوما .... فمعاركنا لم تنتهي بعد .




ز

استاذة دومة من فضلك عودى..
خليكى معانا ..

هـذا البوست أكـد ثقتى ورأيى فى الشعب الســـودانى.. ما أظهـره وثبتـه البوست، ليس
التضامن مع الأخت دومة فحسب، ولكن قبل ذلك، أثبت معدن الســودانى الأصيل الذى يقف
مع المظلوم الذى لا يرد الظلم بأسلوب الظالم.. ويقينى، لو أن قلم الأخت دومـا خط
كلمـة واحـدة فقط، طيلـة وجودهـا فى هـذا المنبـر، بهـا ما يوحى بالإسـاءة الشخصية
أو المطاعنة والتجريـح، لما وجدت قطـرة من كل هذا الحب الدافق الذى غمرهـا به
أخوتها واخواتهـا و أبناؤهـا..

بالنسبـة للبعض، فإن معارضـة الإنقاذ أصحبت إدمـان، يحتاج الى علاج، وليست نضـال..
وما الإسـاءات والتجريح الشخصى الذى تعرضت له إلا مظاهـر من سلوك مدمنى المعارضـة.

ولو لم تقـم إدارة المنبـر بتفعيل اللوائح ضـد من يعتدى على حرمات الأشخاص، فإن
هناك من الوسـائل ما سيجعلهـم يتحيرون من أصدقائهـم قبل أعدائهـم!! ودش المعارضـة
سيموت فى يدهـم.. حينهـا فقـط سيستيقظـون من السبـات العميق والخدر الطويل، وربما
(يفك) الإدمـان.

يا خالة دوما ... و يا يمّة
( يمّة دا الإسم البنادى بيهو أمى و إتعودت عليهو)
غابت بيان...!
الأخت ... الأم .... و الصديقة
جميلة الدواخل .
فجعنا لدرجة أنّ معظمنا لم يقووا حتى الدخول فى بوستات
النداءات المتكررة لها ، وأنا منهم !
ليه يا يمّة ، عاوزة الحزن فينا يكبر و مساحتو تتمدد؟؟
بعد كلام الشباب الفوق دا تفتكرى ممكن أضيف حاجة مفيدة؟
المهم ...
تعرفى أى زول فى المنبر دا ، يقرأ مداخلات الناس و خصوصاً
الماعندهم صور فى البروفايل بتخيلهم وأنا عندى ليك صورة فى ذهنى
جميلة جداً ، وعارف إنها بتشبهك شديد.
بعدين كبّر ولدك و صديقك الفوق دا ، كمّل لى اللوحة بإعجابو بيك...
ما بقول ليك لو عندنا خاطر عندك، تعرفى ليه؟
لأنو لو كل أحبابك الفوق ديل ماجبرتى بخاطرهم وهم عزيزين عليك
ما حتجبرى بخاطرى!
عشان كدا خلينى أقول و بس...
تعرفى يا يمّة دوما ... من القصص والحكاوى السمعناها عن الشيخ
فرح ود تكتوك ، وطبعاً كلها المغزى منها الحكمة ، عجبتنى واحدة من الحكاوى
يروى :
أنّ الشيخ فرح ، ومجموعة من حيرانو ، سافروا زيارة لقرية ، الدنيا رمضان
و الشمس تلهب زى التقول أدوها أورنيش ، و عارفة أهلنا فى قرى السودان
و لهفتهم لإكرام الضيف ، واحد من ناس القرية نسى إنو الدنيا رمضان
شال قرعة ملاها موية بااااااردة و جرى لاقى الشيخ قبل ما ينزل من دابتو
و قدمها ليهو !
الشيخ فرح ..... مسك القرعة و قرطعها شرب الموية كلها !
واحد من الحيران سألو : أبوى الشيخ نسيت رمضان؟
قال ليهو مانسيت، وطيب كدا مافطرت عمداً ؟؟!
الشيخ فرح قال ليهو :
ياولدى رمضان بتجبر بشهرين متتاليين لكن الخاطر مابتجبر.

أخيراً :
القصة أعلاه نسخة مرفقة للعزيزة بيان ، و تأملى فى الأصل
و يا خسارتاه ....

إبنكم / عبدالرحمن

كونى كما أنت أينما حللت تتبعك دعواتى الصادقة و من تحبين.

شكرا انك قد وعدتي بعدم الذهاب .وزي ما قالوا ليك قولي الدايره

تقوليهو واي زول يقول العاوز يقولوا بس بدون شخصنه.

نعم ارجوك ان تستمعي لاخوانك ديل الوصلوك فوق وركبتي في سرج

واحد مع امهاتهم فتعودي ويعود كل من غادر هذا المكان قبلك

وفي مقدمتم الدكتورة نجاة ..لكم جميعا التحية .

Quote: خالد كودي : السودان خلاصه فى فكرة السودان الجديد والتى أساسها التعدد والاختلاف والتعايش مع هذا التعدد والاختلاف. وإعتذارى جراء كل ماغير موضوعى تجاهك .

الغالية دومه ...
مشكلتنا في الصامتين ..والذين بامكانهم وضع حلول لهذا البلد وهم كثر ...
العزيزة دومه لقد وضح خطك الصادق مما جعلنا نتابع كل ما تكتبين ووجدناه يعبر عنا وعن الصامتين ...
نحتاج لك في هذا المنبر والله ...
قد نجد ما يعكّر صفونا ...لكن بالحكمة وتجاوز الاساءات سوف نصل لم تبتغينه ونبتغيه ...
سوف نصل لسودان المحبة ،السلام،الاخاء والاعمار ....الخ .
لا تتوقفي ...ارجوك اسمي عن ما تتعرضين له من اساءات ...
فكثيرين ممن لايستطيعون الكتابة هنا ...تمثّيلنهم ...
فانسحابك ضربة قوية للمحاورة الصادقة ...
صحيح نحن بشر ونكره الكلمة السيئة وخاصة نحو شخوصنا ...
لكن نتذكر هدفنا اكبر من اجل غالبية بلدنا ممن كل همهم العيش بامان ...
وياريت تسامحي كل من اساء اليك ...وتقولي اللهم لاتجعل في قلوبنا غل للذين امنو ...
متأكد من عدم حرماننامن مشاركتك ...
تعرفين قبل الرد في اي موضوع اقرأ ردك ...فاجد لاداعي ان اكتب لانك تعبرين عنا ...
تحياتي ...

كلامكم سمح وزين وبريدكم كلكم والله حتي محمد سليمان المقاشرني دا بريدو عشان كدا والله الا ارد عليه بالاول . اها يا محمد سليمان جيتك راجعه و"الكي المخلف وني "
عشان ما تكوفر دومه رجعت ليك

Quote: كلامكم سمح وزين وبريدكم كلكم والله حتي محمد سليمان المقاشرني دا بريدو عشان كدا والله الا ارد عليه بالاول . اها يا محمد سليمان جيتك راجعه و"الكي المخلف وني " عشان ما تكوفر دومه رجعت ليك

مرحب بيك ...
لكن

Don't even THINK I will give you a break !! x

الأخوات والإخوة
بسبب انتقالي للإقامة مؤقتا ببلد جديد فإن ترتيب السكني والمكتب ومسائل أخرى حرمتني من متابعة سودانيزاونلاين وما يطرأ فيها من امور يجدر أن نطالعها وأن ندلي بدلونا فيها إن اقتضى الآمر. فاتني أن اطالع هذا البوست الهام إلا قبل قليل..واهمية البوست تأتي عندي من أنني خضت تجربة (حراق روح) مماثلة - وإن اختلفت الأسباب - وذهبت مغاضبا في إجازة من هذا الموقع استمرت أشهرا. كانت مفيدة من حيث انني خلوت إلى نفسي يعض الشيء وتلقيت عددا لا يحصى من الرسائل والمحادثات الهاتفية الشخصية كان معظم من قاموا بها أكثر تعفلا مني. وملخص ما قالوه هو ما ذكرته اخت هنا حين قالت للاخت دومة: كلماانحسرت مساحة الجمال زادت مساحة القبح!! لا أدعي أنني املك الحقيقة ولا ادعي أن ما انشره هنا ينال رضا الكل ولكني قطعا رأيت من الأفضل أن أخوض معركتي التي اخترتها واخترت ميدانها..فعدت وبقيت وسأبقى في هذا الموقع ما شاء الله لأني مع خيار تمليك الحقيقة للناس..كل الناس مهما كلفني ذلك من عناء.
ثم إن من حسن حظي أنني تشرفت منذ فترة ليست بالقصيرة بمعرفة صاحبة هذا البوست (دومة) عبر هذه المساحة الأثيرية وزادت المعرفة لتصل إلى حد صداقة أنا فخور بها. ودومة - لمن يريد إضاءة صغيرة عنها- (وعلمي أنها حريصة ألا يعرف الأعضاء غير إسم دومة) سيدة سودانية متعلمة ومثقفة ووطنية حتى الأظافر وام وربة بيت ناجحة..وهذه معلومات لا تنقصها أو تفشي سرا عنها، بل تزيدها شرفا ومقاما في نظر إخوتها وأخواتها من عضوية هذا البورد. صحيح أنها أحيانا (منحازة للحقيقة من وجهة نظرها وتجادل خصومها حين يقسون عليها إلى درجة النكد والإسفاف) لكنها لا تسيء ولا تعرف لغة الإساءة. ودومة وقفت مع قضاياإنسانية وسياسية طرحت في هذا البورد - ومن ضمنها قضية إنسان دارفور (ونساء دارفور بصفة خاصة) من دون ان تذكر ذلك في حواراتها مع المختلفين معها فكريا من اشقائها وشقيقاتها من أبناء دارفور. كانت دائما تفرق بين القضية واختلاف الرأي مع القريبين من القضية. أكتب هذا الكلام وأنا لم ألتق هذه السيدة وجها لوجه..ولكنها مثل قلة من رجال ونساء تشرفت بمعرفتهم/ن في هذا البورد بحيث وصلت علاقتي ودرجة صداقتي بهم بأننا فتحنا النوافذ والأبواب لتصل الصداقة بيننا إلى درجة السؤال عن بقية أفراد الأسرة ومعرفة أحوالهم..بل هي من بين قلة أفادوني بالنصح والتوجيه في مسائل قد لا تكون ذات صلة بما نحن فيه الآن.

كلمة أخيرة لأختي السيدة الفاضلة (دومة): أنت من نصحتني كثيرا باحتمال دخان المعركة والصبر على الآخر المختلف. ومن الواجب أن أذكرك بما قلت لي. وأعجب ما فائدة وجودنا في هذا البورد إن لم نكن مثل قوس القزح : مختلفة الوانه لكنه أروع ما يكون باختلاف الوانه.

سعدت انك سمعت نداء إخوتك واخواتك وعدت مسامحة وجميلة الدواخل كما عهدتك. أنا فخور بك!

أسفا للتكرار

Quote: Don't even THINK I will give you a break !! x

لووووووووول
لؤما ما يفوتك يا محمد سليمان
شفت المناضلين الشرفاء قدموا لي باقات الورد انت بريك ما عايز تديني ليها ؟؟!!
شكرا كثيرا يا دكتور مصطفي محمود

الحرب والموت فى دارفور للكبار فقط



my dearest doma

i am so happy you are back to join us to say the truth nothing but the truth and so help me god

to our friend the anti jalaba clan i send this




الحرب والموت فى دارفور للكبار فقط

where are the so called


المناضلين الشرفاء

the anti jalaba clan


like our friend above

none of them has even said a word about this documentary post about drafur
war atrocities


by the way i am classified as a jalaby by the anti-jalaba clan in this board

الحبان حسب وعدي ليكم ح اقول ليكم سبب قرار اعتزالي . كلام منعم لم يكن الدافع .
وهو منعم ذاتو قال شنو ؟؟ كلامه عني انا دومه شخصيا ناموسه في ا ضان فيل وقيل لي كامراه مرات ومرات وشئ عادي في مجتمع ذكوري نحن لسه ورانا مشوار طوويل .
وحكايه ا ني عجوز شمطاء دي قيلت لي من قبل منعم ولا اعتراض عليها لانها حقيقه اني عجوز شمطاء وما كان انتمائي لهذا البورد بغرض ان اجد زوجا او معجبا حتي .
جئت هنا لاجل الوطن وقضايا اهله الغبش وسمحين نتفاكر حولها واتعلم منكم والقي فيكم ريحه التراب البهاتي بيهو يوماتي القي فيكم وليداتي بناتي اخواتي واخواني . اشاركم افراحكم واتراحكم وهمي الشاغل السودان وانسانه

قررت الاعتزال لاني حسيت بانني غير مفيده احسست بان الحوار صارمبتزلا ومنحصرا في انه دومه جلابيه وطلعت لي بطانه من الكيزان وانا ما عارفه !!
واني ام الجلبنه بالبورد
واني احاول رتق ثقوب النخب الحاكمه .
طيب يا جماعه والحال كهذا ما فائده وجودي بينكم ????.
If I
say "dihydrogenated oxygen is essential for life ". They will say " what a lie propagated by Doma al jalabiya"
I feel like being trapped in a vicious circle .We are getting nowhere . Either with us or against us . This is completely a barren discussion and a terrible waste of time

الغالية دومه.

Quote: وجودك مهم بالبورد

العزيزة دومه

انت مطلوبة حية او حية

لعدالة قضية و طننا الحبيب.
المعارك الشرسة لا يصبر عليها ألا كوماة المحاربين.

فلا تنقصينا فارس لم تقتله سهام الافشال بعد.

مطلوب التمام الفوري:جني درق سيدو


ودي و عشمى

Quote: dihydroginated oxygen is essential for life

Dihydroginated Sauerstoff ist von wesentlicher Bedeutung für das Leben

بالجد يا حبوبة دا كلام جلابة.

يا ولد يا كوستاوي انا صلحت the y and the eeامش صلحا

الذي يعجبني في أهلنا السودانيين إنهم دائما متسامحين..
شفتي كيف يا خالة دومة الناس دي كلها بتحبك وبتحترمك..
وجني دا لو ما جيتي كان جن عديل..
الزول دا بيريدك شديد.
والحمد لله عدلت عن قرار الإعتزال.
وربنا يديم المحبة والألفة بين الجميع.

دومه ياخ إنتى مهمه ومواضيعك مهمه وطريقتك كذا السراط المستقيم لا عرج فيها ولا عوج ولك رسالة تأدينها بهمة وصبر وجلد ولك من المتابعين جحافل من جيوش وفيه فلا تفكرى قط فى هزيمة تواجهك فإنك تهزمين المستحيل ظلى هنا وظللى هذا المكان بطرائقك ودوحى فيه ما شئتى وكيف ما شئتى ومتى ما شئتى ولا تلتفى لواهى القش لابل حقول الألغام لا ولن تحيدك عن المسير إلى مقاصدك ولك السلام.......................


منصور

دومه :

Quote: قررت الاعتزال لاني حسيت بانني غير مفيده احسست بان الحوار صارمبتزلا ومنحصرا في انه دومه جلابيه وطلعت لي بطانه من الكيزان وانا ما عارفه !! واني ام الجلبنه بالبورد واني احاول رتق ثقوب النخب الحاكمه . طيب يا جماعه والحال كهذا ما فائده وجودي بينكم ????.

حقيقة يا دومه أنا توقعت أن يكون السبب أعمق و أقوي من هذا !!!!
نحن هنا في هذا الفضاء الإسفيري نترك شخصياتنا خارج الكمبيوتر و نتعارك بأفكارنا ...
و يخطئ معك هنا كثر في تناول الأمر شخصيا ....
فأنا لا أراك غير جملة أفكار أراها هي السبب في وصولنا الي هذه المحطة الأخيرة من عمر السودان ....
و لو كنت آخذ ما يقذفه البعض نحوي شخصيا بحساسيتك ... لإعتزلت منذ الشهر الأول الذي وجدت فيه علاء الدين يوسف و أساسي و عمرالفاروق يكيلون لي الشتائم العنصرية .
فكما ترين قليلون يعرفون عني شخصيا ماذا كنت خارج هذا المنبر و خارج السودان .
لكن ذلك لم يمنعهم من التجني علي شخصي بكل الأكاذيب و البهتان فقط لأفعل ما فعلتيه: الإنسحاب و الإنزواء .
في هذا البورد أتي أساسي ببهتان الموطر السوزوكي ... و أضاف له نظارات سوداء ... و نعتني البعض بغرابي حاقد متعقد ... و حتي أنت كنت تلوكين ترهات كوز و جبهة عندما يغادرك المنطق ..
و تمبس يلوك أكاذيب صريحة ... و الصفيق أحمد عبدالله يؤلف قذفا في شخصي و في تراجي و بشاشا ...
في هذا البورد لم يعاني شخص من الإساءات الشخصية مثل الأخت تراجي و الأخ بشاشا ...
بشاشا هذا فقد تجني عليه تاج السر و ألف ضده كذبة أخلاقية بشعة ... و بعد سنتين أتي ليعتذر له بعد الدمار ... the damage was done
بشاشا هذا كل ذنبه أنه ظل يقاتل و بشراسة لتبيان جذور مأساة السودان .... و هذا ليس قولي فحسب ... لكن مع تطور الأحداث التي أبانت صواب رأيه فإن هناك كثير من مثقفي الشمال بدأوا يرددون أرائه .... و المفتاح هنا ( مثقفو الشمال ) بكل حساسيات الجملة .
عندما نقرأ هنا ما اورده أنصارك هنا ... فهم يثبتون لنا بالضبط لماذا يجب علينا ان نستمر في محاربة هذه العقليات التي تحملونها .
فأنت هنا إنسانة من لحم و دم و ربة منزل محترمة و لك أبناء و بنات و و .... بإختصار كما سمعنا في حادثة المهندسين : إنتو أولاد ناس و بنات ناس ...
و باقي أهل السودان الزينا يجوز لكم جر الشوك في جلودنا . لأننا و بعبارات ( عندما ينكمش الجمال ... يتمدد القبح ) .... نفس التصنيف من عقليات مريضة أصبحت هي تشخص لنا أمراض هذا المجتمع المريض .... مجتمع عرفه العالم بمجتمع تسوده ثقافة الإبادة و الفساد .... لذا أصبح إسمه منبوذا .

سنظل نحارب عقليتك و أفكارك ..... بلا أي إعتذارات ..... و لتواصل هذه الجوقة في دق الدفوف لك ....

بالطبع ليس لدي ما أخشاه من تيمك هذا ... فهم قد قالوا كل ما ذخرت به مصطلحاتهم .... في سرهم و علانيتهم .....
و لكن هناك إحترام خاص أكنه لأحد الاخوة لأنه ظل ثابتا في حقانيته و إحقاقه لحق الآخرين .... و لسنين في هذا المنبر ... و هذا ما ظل يخطه و ثابت عليه ... و في رأيي المتواضع هو من وضع أصبعه في موضع الجرح ... فلقد كتب :

Quote: خدر ياحبيب انى اختلف احتج ارتج الى اخر عبارات الرفض لهذا النوع من الطرح لقضايا غميسة مثل العنصرية فى مجتمعنا, ومع انى فاهم كويس عمق مشاعرك, لكن ليس المطلوب هو حصر الازمة الشاملة التى انتجت الواقع الذى نعيشه الان فى ارض السودان فى عبارات يرددها البعض فى المنبر(يمكن تكون قاصد حاجة غير الانا فهمتها من كلامك وفى الحالة دى اعزرنى واعتبرنى داخل غلط). اعتقد المطلوب هو مواجهة الحقائق على طبيعتها,والاعتراف بالموضوعى منها ومحاربته عديل وبخشم الباب ..كارثة دارفور مثلا ما كان ممكن تحصل بالعمق والشراسة والبشاعة التى حدثت بها خصوصا تنفيذ الجرائم ضد الانسان والحيوان حتى هكذا بلا رحمة كما شفنا وسمعنا مالم تكون هناك جذور للحقد والاستهانة كامنة فى نفوس منفذى هذه الجرائم . اعتقد بدون مواربة ولف ودوران ان السبب هو العنصرية ممثله فى احساس فئة مننا تمتلك السلطة وادواتها قامت بالنيابة عن شعورنا الجمعى المعبأ اصلا باحتقار جزء من مكونات شعبنا بتنفيذ هذه الجرائم وهى مطمئنة ان رد فعلنا لن يخرج عن ماهو راسخ فى تكوينا العنصرى ونظرتنا لود الغرب والجنوبى ...والدليل قدامنا كلنا بس كيف نمتلك الشجاعة ونشير اليه. والله العظيم ياخدر انا مشغول وماعندى اى وقت لكن كلامك دا جاب كثافتى ليه ماعارف ؟ تحياتى وبجيك راجع لموضوع الجلابة كان الله هون

لقد كتب أعلاه الأخ عمر إدريس محمد ... و هو بالطبع ليس بدارفوري حاقد عنصري أو كوز أو يحمل أي من مصطلحات الوحل .... سلاح من يغادره المنطق منكم .
لقد كتب هذا الكلام في بوست لخدر بعدما ( ركت ) جحافل أنصارك و رددوا كلاما مشابها لما رددوه هنا ... و كان بوست خدر بعنوانه الجاذب سببا في تكالبهم فيه :
جلابي نفر .. حد نازل ؟ طوالي ياااااااااااااا

جلابي نفر .. حد نازل ؟ طوالي ياااااااااااااا
و يا دومه .... الأمر ليس شخصيا ..... قد أكون أنا أي شخص .... و ربما تكونين أنت أي شخص .... لكن أراءنا هي الحقيقية
It is not personal






ز

يعني يا محمد بقت هسة ما Personal؟
لما ناس يكون فيهم من تعذب و من فصل للصالح العام و من تشرد ، و تجي يا سعادة الثائر
و بجرة قلم تلمهم مع مع ناس الحكومة و تسميهم ( جلابة)... و لسة nothing personal؟
يا ثائرنا ذو الخط الاستراتيجي
صراعكم هنا شخصي (شديد) و لا تشكي من علاء و الفاروق فأنت لست بأحسن منهم
على أي حال، فقد قرأت لك ذات مرة مخاطبا جني أن يعود الى ما وراء البحر الأحمر
(حيث اتى) حتى اضطر أن يجيبك بما شابه سلوكك الممعن في العرقية و
اثارة النعرات !
أنت عنصري يا عزيزي .. و دفاعك عن أهلك لا يبرر ذلك
العنصري عنصري من يومه!
و هذا لا يفوتني أن أشكرك على مبادرتك معنا هنا في مطالبتك الخالة دوما ..
و أتمنى أن لا تفهم أن قرارها هذا هروب منك.

Quote: المفتاح هنا ( مثقفو الشمال ) بكل حساسيات الجملة . عندما نقرأ هنا ما اورده أنصارك هنا ... فهم يثبتون لنا بالضبط لماذا يجب علينا ان نستمر في محاربة هذه العقليات التي تحملونها . فأنت هنا إنسانة من لحم و دم و ربة منزل محترمة و لك أبناء و بنات و و .... بإختصار كما سمعنا في حادثة المهندسين : إنتو أولاد ناس و بنات ناس ... و باقي أهل السودان الزينا يجوز لكم جر الشوك في جلودنا . لأننا و بعبارات ( عندما ينكمش الجمال ... يتمدد القبح ) .... نفس التصنيف من عقليات مريضة أصبحت هي تشخص لنا أمراض هذا المجتمع المريض .... مجتمع عرفه العالم بمجتمع تسوده ثقافة الإبادة و الفساد .... لذا أصبح إسمه منبوذا . سنظل نحارب عقليتك و أفكارك ..... بلا أي إعتذارات ..... و لتواصل هذه الجوقة في دق الدفوف لك ...

والله الحق يا محمد سليمان انا لو قدر ت اعرف انت مخك شغال كيف
كان طوالي مشيت لاهاي قدمت روحي ليهم بس عشان يحاكمو عقليتي التي دمرت السودان كدا يا محمد ونص ان يور لايف استعمل اللوجك وما تكوجن لي الموضوع انا ما بعرف كدا الا الكلام يكون متسلسلا عشان افهم مشكله تفكيري وين ؟؟ ومشكلتك في تعليقات الناس الكتبوها شنو ؟؟ يعني لو استاذ فضيلي قال انها انسانه وست بيت وام وكدا بالضروره يكون قاصد انكم النقيض !!! لا الله الا الله ولو رجاء العباسي او غيرها قالت عندما ينكمش الجمال يتمدد القبح بالضروره تكونوا انتم المقصودون بالقبح يا جماعه دي شبكت شنو دي ؟؟
يا محمد سليمان والله عاد انا نظيركم تب ما لاقاني ولا حجوني بيهو. عشان كدا بكرر سؤالي دا وبقول طيب نحل مشكلتنا دي كيف ؟؟!!
نحن معاكم شركاء في الوطن دا وما تسمع حكايه انتوا الكل في الكل وا اسياد البلد الاصليين وما بعرف شنو نحن اسياد بلد متل ما انت سيد بلد انا ما دخلي باي حكومه ولا شيطان انا بتكلم باسم اهلي الغبش يا اما يكونوا معاكم من ضمن المهمشين والمغلوبين علي امرهم ويكون نضالنا واحد
لسودان موحد ودوله ديمقرا طيه فصل كامل بين الدين والدوله دوله علمانيه تسود فيها حقوق الانسان والعداله وسياده القانون والمساواه بين كل اهل السودان , ولا كمان نشوف سبب فرزكم لينا دا شنو انا كلام المثقافتيه الناجرنو من راسهم دا ما بفهم فيه كتير ما عندكم حق في السودان اكتر مننا ولا نحن عندنا حق اكتر منكم و لا اكتر من ناس الشرق ولا اكتر من ناس الجنوب كلنا نتساوي في الحقوق ونتساوي في الواجبات ومن هنا نبدا . انتوا بتناضلوا باسم العداله وهذه هي العداله تناضلوا باسم المساواه دي المساواه و ضد العنصريه و لو فرزتونا تبقيي دي زاتها عنصريه ونحن ضدها

.
يا خي انتوا ناس سمحين بالحيل وصدق القال فيكم

Quote: . . ديل أهلي ديل أهلي لما أدور أفصل للبدور فصلي .. أقول بعضى .. ألاقيهم تسربوا فى مسارب الروح بقو كلي أسياد قلبي والإحساس . وسافر في بحار شوقم زمان عقلي . محل قبلت ألقاهم معايا معايا زي ضلى . لو ما جيت من زي ديل .. كان أسفاي .. وآ مأساتي وآ ذلي تصور كيف يكون الحال ؟ لو ما كنت سوداني .. وأهل الحارة ما أهلي ؟ تصـور كيف ؟

لكم عميق شكري وطبعا ليدز فيرست
بناتي الحبيبات واخواتي الجميلات
رجاء العباسي
مني وماجده عو ض خوجلي
سناء جعفر
تراجي مصطفي
ناديه عثمان
شيماء
مايا
حليمه عبد الرحمن
لنا مهدي
البت النخله نجلاء الماحي
غاده
نهال كرار
رشا سالم
اشراقه مصطفي
مهيره
هند محمد

ملكه سبأوشكر ا علي الا غنيه الحنينه
واقول ليكن شنو يا حبيبات رديتن لي رو حي بعطر المحنه

اخواني الكرام وابنائي الافاضل

جعفر اسماعيل
رافت ميلاد ر
زول واحد
شيخي استاذ فضيلي جماع
الشقيق جني يا رفيق وجعي وشريك همي
كمال عباس
محمد كبار
نصار
ثروت سوار الدهب
عادل عبد العاطي
خالد كودي

الطيب بشير
ابو جهينه
محمد علي طه الملك
دكتور مصطفي محمود
ابو الريش
مصطفي سري
بشري سليمان
كوستاوي

عاطف عمر
احمد موسي
خدر
محمد سليمان
ادروب بابكر
الخواض
اشرف الحلبي :
الطاهر ساتي : ما نسيتك جاياك بهناك ( ما بقبل باقل من الطاقه والتعدين )
ود الجيران :
جيرمانيتك تمام جود القرامر
دينق
عبد الغفار محمد سعيد
ولياب
الملك
محمد سني دفع الله
محسن خالد
سيف مصطفي
سعد الدين عبد الرحمن
فيصل نوبي
نادر ابو كدوك
يحي مصطفي
تاج السر الحسن
معتصم دفع الله
محمد البيلي
محمد ابو جوده
احمد عكاشه
محمد محمدين اسحاق
مانوبيا
نيازي مصطفي
محمد ابراهيم عثمان
عبد الرحمن عزاز
عزيز عيسي
حاتم يوسف ابو عبيده القصاص
احمد يوسف ابو حريره
مجاهد عبد الله
خالد العبيد
لكم جميعا المعزه
وخالص الشكر

Quote: فأنا لا أراك غير جملة أفكار أراها هي السبب في وصولنا الي هذه المحطة الأخيرة من عمر السودان .

يا محمد سليمان انا ما عندي مانع نتفاكر حول افكاري الوصلت السودان للمحطه الاخيره . اها يبقي الحوار بيني وبينك فقط يا محمد سليمان رجاء جماعتك ما يدخلو و عشان نصل لما هيه افكاري التي قتلت وشردت واغتصبت والله لو ثبتت علي التهمه اخليك تعمل لي امر قبض وطوالي امش لاهاي

Quote: ..وما كان انتمائي لهذا البورد بغرض ان اجد زوجا او معجبا حتي .

في ذمتك ، بتقصدي شنو يا دوما؟

Quote: في ذمتك ، بتقصدي شنو يا دوما؟

في ذمتي يا ولدي
الرجال ديل شتموني مر تين قالوا لي لي ايتها الشمطاء اولهم طه جعفر الخليفه وتانيا منعم سليمان وتاني واحده ولا وا حد ما بعرف في منبر السودان الجديد اها قلت ليهم انا ما جيت كايسه عريس ولا معجب امراه عجوز وشمطاء معترفه بكدا وما داساها
فما يتعبو روحهم بشتمي

ايقي قليلا
إنني أري ضوءا في أخر النفق
أو دعيني أقول
إنت مضوية الحتة دي، لو مشيتي حيكتر الضلام

تسلم يا نصر شاكره كتير

Quote: إنت مضوية الحتة دي، لو مشيتي حيكتر الضلام

رتينة يعني?


يا حاجة لو مشيتي الواين سعرو بدوق الواطة

Quote: رتينة يعني?

اي رتينه
وعيني كهارب المينا
و ز ينه فوق زينه

Quote: وعيني كهارب المينا

تقصدي كهارب الجاز


حبوبة روقي المنقة
و لبيت الله إتهنا


أمشي حجي و إتوكلي يا خردة
الزهور و الرد واين علي

karampa

Quote: أمشي حجي و إتوكلي يا خردة

لالا يا خوي انا لسع لا شفت لا رايت مالك علي محججني
انتظر بس لما الود تمبس يجئ يصلح لي صورتي بالفوتو شوب
عشان تشوف الرتينه

Quote: لسودان موحد ودوله ديمقرا طيه فصل كامل بين الدين والدوله دوله علمانيه تسود فيها حقوق الانسان والعداله وسياده القانون والمساواه بين كل اهل السودان

منفستو سياسي متحضر و غيره هراء و رجعية و تخلف.

معا من اجل ذاك سودان تشتهين

يا جماعة الخير ... المنبر دا الواحد ما يغمض عينو إلا ويلقى حاجات كتيرة.. يا دومة والله أنا كنت أقرا في البوست ويدي على قلبي لكن الحمد لله أنك عدلتي عن رأيك..
كوني كما أنت

Quote: الحمد لله أنك عدلتي

وقبل صفارة الحكم

شكرا ليها

ومبروك للبورد