Post: #1
Title: انا غايتو كنت بجي الاول
Author: khaleel
Date: 10-24-2007, 04:42 PM
معظم الاباء في السودان يحكون لاطفالهم بان كانوا ( بجوا ) الاوائل في المدارس زمان
وكان مدارس ليس بها الطيش العند الله بعيش
والواحد يكون كان في المدرسة كان ( بلدية) بلادة
واكون دقوهو اكتر من جرس المدرسة في البلادة ويقول لاطفاله انت كنت بجي الاول
والاول الحقيقي كان يطارد في المدارس ومحسود ويوم النتائج بتخارج بدري
عشان ما ياخد دقتو
انتو منو فيكم الكان بجي الاول ومنو الشجاع البقول انت كنت بجي الطيش
|
Post: #2
Title: Re: انا غايتو كنت بجي الاول
Author: khaleel
Date: 10-24-2007, 05:09 PM
Parent: #1
عمي المرحوم الطيب الكبور كان ترتبيه الخمسين في احد امتحان الابتدائي
ولم علم بان هناك عواقب وخيمة تنتظره داخل البيت ممثلا في والدته الحاجة قمر
اخد شوكة وثقب الصفر جوار الخمسين وقال لوالدته بان الخامس
وزعت حاجة القمر الحلوي واطلقت زغرودة وهي تغني ( الكبور كبر وجدو الخدر)
وفي مساء اليوم حضر اصدقاء الكبور بالمدرسة جمال العطا وعادل عبد الرازق ومحمد ابو قدوم
وزعت حاجة قمر الحلوي لهم بمناسبة المركز الخامس لابنها النابغة
وبعد ان اكل الشباب الحلوي سالوا عن المناسبة فقالت الكبور جاء الخامس
ضحك الشباب واخبروها بان الكبور الخمسون وليس الخامس
قامت الحاجة قمر بدق الكبور دق العيش
|
Post: #3
Title: Re: انا غايتو كنت بجي الاول
Author: khaleel
Date: 10-24-2007, 05:37 PM
Parent: #2
واحدة بلدياتنا
ولدها كان دائما الطيش ويزف دائما للبيته
زعلت والدته زعل شديد وقامت قالت ليهم
( ولدي زاتو اقرا لي شنو القراية حقت الفقراء الزيكم كدي)
نحن غنيانين ما محتاجين للقراية
|
Post: #5
Title: Re: انا غايتو كنت بجي الاول
Author: jini
Date: 10-24-2007, 05:41 PM
Parent: #3
Quote: واحدة بلدياتنا
ولدها كان دائما الطيش ويزف دائما للبيته
زعلت والدته زعل شديد وقامت قالت ليهم
( ولدي زاتو اقرا لي شنو القراية حقت الفقراء الزيكم كدي)
نحن غنيانين ما محتاجين للقراية |
لووووول يا خليل
دى زى السجن حق الرجال!!
جنى
|
Post: #4
Title: Re: انا غايتو كنت بجي الاول
Author: فتحي البحيري
Date: 10-24-2007, 05:41 PM
Parent: #2
.... أنا غايتو
كنت في المرحلة الابتدائية
بين 1976 و 1982
أتبادل الأولية مع صديقي الطبيب الآن عبد القادر أحمد الطيب
الأولية
في مدرسة أمبدة وسط (الحارة الخامسة)
وفي المتوسطة ما جيت الأول .. وما مرقت من الـ 10 الأوائل
في الثانوي كنت بجي الأول على فصلي أحيانا
ويمكن أكون أحرزت أعلى نسبة وبوكسنج في امتحان الشهادة السودانية في محمد حسين1988
(في الطلبة النظاميين .. غير المنازل )
... في جامعة الخرطوم ... مدرسة العلوم الرياضية
دفعة 88
لم أكن الأول
لكنني كنت أتفوق أحيانا بشكل ملحوظ في بعض المواد
بعد الإنقاذ .. وبعد الجامعة
طوالي ... العند الله بعيش داك
تسلم يا خليل
شكرا على هذه الفرصة العزيزة
لهذه القشرة اللزيزة
!!!!
|
Post: #7
Title: Re: انا غايتو كنت بجي الاول
Author: عبدالكريم الامين احمد
Date: 10-24-2007, 05:57 PM
Parent: #4
هلا يامدارات
وحليل زمن الناس البتجي اوائل
|
Post: #19
Title: Re: انا غايتو كنت بجي الاول
Author: khaleel
Date: 10-27-2007, 11:03 AM
Parent: #4
Quote: ويمكن أكون أحرزت أعلى نسبة وبوكسنج في امتحان الشهادة السودانية في محمد حسين1988
(في الطلبة النظاميين .. غير المنازل )
|
خلاص يا فتحي اعمل سكاننغ) عشان نشوف شهادات المراحل دي كلها
|
Post: #6
Title: Re: انا غايتو كنت بجي الاول
Author: الرفاعي عبدالعاطي حجر
Date: 10-24-2007, 05:54 PM
Parent: #1
Quote: شكرا على هذه الفرصة العزيزة
لهذه القشرة اللزيزة |
ياخليل...
|
Post: #8
Title: Re: انا غايتو كنت بجي الاول
Author: shammashi
Date: 10-25-2007, 09:51 AM
Parent: #6
واحد قريبي جاء تاني الطيش (يعني التسعة واربعين من خمسين). وكان ماسك حبل الواسوق (ابت تطلع) لخالو يجهزوا في الأرض للزراعة.
قام جاء واحد ماري وسأل تاني الطيش قال ليهو جيت الكم؟
قام الخال على التعترو قال للسائل والله حسن ولد اختي دا عفص ليك الجماعة كلهم بس فضل ليهو واحد بس.
حسن (البليد) قوم انتق حبل الواسوق وجيب خالك الدلجة.
قاموس للحناكيش:
الواسوق: يُستخدم لتسوية الأرض ويصنع من قطعة خشب وحبل
عفص (بتشديد الفاء) يمشي على الشيء أو على ظهر الشيء
على التعترو: علي حظو التعيش وشلاقتو
أنتق: شد بسرعة وبقوة
والله ياخليل أنت قاعد تنكت ليك جنس مواضيع بتحرج بيها الناس وتدخلم في ضفورن.
|
Post: #23
Title: Re: انا غايتو كنت بجي الاول
Author: khaleel
Date: 10-27-2007, 11:46 AM
Parent: #8
Quote: واحد قريبي جاء تاني الطيش (يعني التسعة واربعين من خمسين). وكان ماسك حبل الواسوق (ابت تطلع) لخالو يجهزوا في الأرض للزراعة.
قام جاء واحد ماري وسأل تاني الطيش قال ليهو جيت الكم؟
|
شماسي البلادة تبدا بفيروس الرياضيات في الابتدائي
وتنتهي بالانجليزي في الثانوي العام وبعد كدة الزول بيركب المحلي الداخل عطبرة
|
Post: #9
Title: Re: انا غايتو كنت بجي الاول
Author: عاطف عمر
Date: 10-25-2007, 10:10 AM
Parent: #1
والله يا خليل صحي بتنكت جنس مواضيع ؟؟
صديقنا الساخر جداً ( ... ) جاء ترتيبه ( تاني الطيش ) ونحن في المرحلة الإبتدائية . ذهب لمنزلهم حاملاً نتيجته فصادفته والدته عند الباب فسألته عن النتيجة فأجابها بصدقه الذي عرف به . أخذت الحاجة تولول
" وا سجم خشمي .. وا تعب أبوك ... وا سهري عليك ... وووووو "
فأجابها بتأتأته الشهيرة
" هسع إنتي قلتي الكلام دا كلو فيني أنا . أها الجا الطيش داك أمو تقول شنو يعني ؟؟ "
صديقنا هذا هو الأن أميز المهندسين الميكانيكيين خريجي جامعة الخرطوم .
|
Post: #24
Title: Re: انا غايتو كنت بجي الاول
Author: khaleel
Date: 10-27-2007, 11:50 AM
Parent: #9
| Quote: صديقنا هذا هو الأن أميز المهندسين الميكانيكيين خريجي جامعة الخرطوم |
المهندس عاطف عمر
هذه بلادة حميدة يمكن معالجتها والخيل الحرة بتجي في اللفة
|
Post: #10
Title: Re: انا غايتو كنت بجي الاول
Author: hatim ibrahim
Date: 10-25-2007, 10:15 AM
Parent: #1
..
ازيك يا خليل ..
أخوك من أولى ابتدائي لغاية امتحان الشهادة السودانية
ما تزحزح من ( الأول ) شبر..
ما أديت ليك فرصة لأي زول ..
متكنكش ليك في ( الأول ) دي التقول حاجة سمحة
بس لو كنت بعرف الحيحصل لي بعد داك
كنت حأجي الطيش عديل كده 
..
|
Post: #11
Title: Re: انا غايتو كنت بجي الاول
Author: Nader Abu Kadouk
Date: 10-25-2007, 10:23 AM
Parent: #10
خلي
نزار عوض حامد دفعتنا في الجامعه
قال لي اي واحد في الجامعه يقول ليك كنت بجي الاول انا داير اعرف التاني والتالت ديل مشو ياتو جامعه
ودابكدوك
|
Post: #12
Title: Re: انا غايتو كنت بجي الاول
Author: عمار يس النور
Date: 10-25-2007, 11:50 AM
Parent: #11
خليل يا دفعة سلام
عارف الباشمهندس الليثي صاحب البريك الشهير ((الذي ترك فيه كراساته في إكستنشن الهندسة و ذهب إلى مدني و رجع بعد إسبوع كامل))
الباشمهمدس الليثي راجل لذيذ و نكتة قال لينا مرة و إحنا برالمة : لمن دخلنا الجامعة كنا فاكرينا نسفنا الاوائل و شطار و الواحد كان يدوهو المسألة يحلها ليك بي قدام و بي ورا.
و يواصل الليثي : لمن لما فينا سعد عدنان في البرلم و جاب لينا إمتحان خلانا نفتش لينا في مسألة واحدة عشان نحلها ما لقيناه لمدة 3 ساعات.
عارف يا ابو خليل : مرة عثمان يوسف عثمان عمل فينا عملية و الله كان مفروض يرفدوا الدفعة كلها.
ياخ ده جاء داخل محاضرة الدفرينشيال إكويشنز يتاعة سنة ثالثة و فاضل 10 دقائق بس للمحاضرة. و بس قعد كده و رفع راسو للسبورة و طوالي قال لدكتور الصادق حمزة ((عليه رحمة الله)) قال ليهو المسالة دي ما حتتحلى كده.
الصادق حمزة نهرو ليك و قال ليهو : إنت إنت جاي متأخر و عاوز تتفلسف ! أقعد و أسكت ساكت .
و الله بعد 3 دقائق الصادق حمزة رمى الطبشيرة و كوع يدينو و إتلفت لي عثمان يوسف و قال ليه : إنت قبيل قلت شنو ؟
عثمان يوسف قال ليهو نزل السبورة تحت و رجعوا ليك إمكن تلاته سبورات لي ورا و حاجات هو ذاتها ما شافها معانا
و بس قعد يفلي ليك في المسألة هنا كده ... و هنا كمان ، و هناك الفرضية خطأ ...
لحد ما حل المسألة كلها. صاحبنا صالح محمد صالح قال و الله كان مفروض نصفق ليه ذي نهاية الفلم الهندي.
عارف عثمان يوسف جاب كم في المادة : 110 من 100 ما تقول لي كيف !
ياهم ديل الناس المفروض يجوا الاوائل او بلاش.
تحياتي
عمار يس النور
عاشق بخت الرضا
|
Post: #13
Title: Re: انا غايتو كنت بجي الاول
Author: عبدالكريم الامين احمد
Date: 10-25-2007, 07:53 PM
Parent: #12
Quote: عارف عثمان يوسف جاب كم في المادة : 110 من 100 ما تقول لي كيف !
ياهم ديل الناس المفروض يجوا الاوائل او بلاش. |
هلا يا عمار يا دفعة السنين
وانت عارف يا عمار تخيل لي لمن الناس في الدنيا بتقول (الاول) بكونوا قاصدين
1-حمد حماد
2-عثمان يوسف
3- اشرف عبد الحافظ
4- خالد حماد
يازول ماشاء الله الناس ديل شطارتهم تخلعك وتخليك تقوم جااري من جنبهم
مع الناس ديل (واعك اسمعك يا خليل تقول لي جيت الاول زمان الابتدائي) فالاول ماركة مسجلة لهولاء الناس
|
Post: #14
Title: Re: انا غايتو كنت بجي الاول
Author: Mekki M Alhassan
Date: 10-25-2007, 09:51 PM
Parent: #13
الاخ خليل
تعرف انا حااكون معاك صريح
الاول دي اصلا ما ضغتها ..
المنافسة فيها كانت حارة
وكمان زملائي في اي فصل درست فيهوا
كاموا شطار شطارة شديدة
يا زول نوابغ عديل كده
وكمان المنافسة كانت
بتمتد للمركز الثاني
والثالث
والرابع
والخامس
والسادس
والسابع
والثامن
والتاسع
والعاشر
و
و
و
و
و
و
و
و
و
و
و
يا زول انا ما نسيت انت الطيش
ده بيكون رقموا كم؟؟
|
Post: #15
Title: Re: انا غايتو كنت بجي الاول
Author: محمد على طه الملك
Date: 10-25-2007, 09:52 PM
Parent: #13
حكاية من الواقع ..
واحد بلدياتنا قاعد قدام بيته..
اولاد المدرسه جو مارين شايلين نتائجهم ..
سأل الاول ..
جبت كم ياولدي ..؟
جبت خمسة واربعين ..
فالح ..
اها وإنت ؟
خمسين ..
الله يفتح عليك ..
وإنت ؟
ثلاته وتلتين ..
ماقصرت ..
وإنت؟
العاشر ..
الله يعينك ..
جاء الدور علي ولده قال ليه يابا جيت الأول ..
يعني كم ؟
يعني واحد ..
قلع مركوبه وفناه فيه..
ياخايب الرجال الوليدات يجيبو اربعين وخمسين إنت جايب لي واحد !!
..
..
ده ما أبوي والله.
..
علي زمنا الما بندقه في المدرسة
بندقه في البيت والزمن ورانا إنهم كانوا علي حق ..
والمحظوظين طلعوا ناس الكنبه الورا زمان وحسع .
|
Post: #16
Title: Re: انا غايتو كنت بجي الاول
Author: عبدالكريم الامين احمد
Date: 10-27-2007, 10:22 AM
Parent: #15
بالله يا خلي دايرين قصة بلدياتكم ياسر ود منو كده داك ماعارف
|
Post: #17
Title: Re: انا غايتو كنت بجي الاول
Author: haroon diyab
Date: 10-27-2007, 10:40 AM
Parent: #16
خليل
مساء الخير
| Quote: بالله يا خلي دايرين قصة بلدياتكم ياسر ود منو كده داك ماعارف |
كيكي اسمع دي...1
نحن في الثانوية عمك استاذ مبارك بتاع الرياضيات شال من كل واحد خمسين قرش وجاب هدايا وقال حااديكم امتحان رياضيات ذي السم ومافي واحد فيكم حينجح فيه... والجوائز لاحسن عشرة وبالترتيب كمان .... المهم اخونا حسن الطيب من اولاد كردفان وماعارفة حسع بقه مصيبة في ياتوا بلوة لاني كل ماانزل اجازة القي ليك في وزارة جديدة ...المهم الراجل ده جاب في الامتحان 100/100 يعني قفل الحكاية ... لكن تخيل اقرب واحد ليه كان اخوك وجبت كم ... وحاتك 39/100 يعني نجاح مافي كدي شوف جنس المحن دي واحد جايب النمرة الكاملة وباقي الفصل قادي عدييييييييييييييييييييييل كده ياهم ديل البقولوا كنا بنطلع الاوائل مش نحنا ناس قريعتي راحت ... وسيد اللبن سكاني .
تحياتي
هارون دياب
|
Post: #18
Title: Re: انا غايتو كنت بجي الاول
Author: khaleel
Date: 10-27-2007, 10:51 AM
Parent: #16
| Quote: بالله يا خلي دايرين قصة بلدياتكم ياسر ود منو كده داك ماعارف |
هلا كريم
ياسر ود ايوب كان معنا من اكبر البلديات
ونحن في سنة رابعة ياسر لا يجيد القراية
استاذ حسن ابو الفتح في حصة المطالعة لازم اي زول اقرا شوية
جاء الدور علي ود ايوب فشل تماما ان يقرا ولا حرف
استاذ حسن قال قوموا جيبوا الصوت
ياسر خاف خوف شديد وقال للاستاذ ( استاذ انا ما براي ما بعرف معاي عبدالحميد ود خيرالله)
استاذ حسن قال عبد الحميد قوم اقرا وفشل ايضا ثم قام باخراجهم للسبورة
وامرهم بكتابة الحرف (ص) فشل الاثنان اضطر استاذ للاستعانة بتلميذ من سنة اولي واسمه فياض
وامره بكتابة الحرف (ص) فكتبه شافع سنة بمهنية غالية
بعد كدة استاذ حسن قال ليهو عليك الله يا فياض ( ادي اي واحد من الهبل ديل كف)
|
Post: #20
Title: Re: انا غايتو كنت بجي الاول
Author: Maaz Alnugomi
Date: 10-27-2007, 11:19 AM
Parent: #18
الكلام دا كلوا عشان قلت بتجي الاول طيب اذا قلت ماقاعد اقرأ وبجي الاول البيحصل شنو؟ ياشاطر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!
|
Post: #22
Title: Re: انا غايتو كنت بجي الاول
Author: khaleel
Date: 10-27-2007, 11:28 AM
Parent: #20
| Quote: الكلام دا كلوا عشان قلت بتجي الاول طيب اذا قلت ماقاعد اقرأ وبجي الاول البيحصل شنو؟ ياشاطر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟! |
في عباقرة زيك كدة ما بقروا وبجوا الاوائل برضو
|
Post: #21
Title: Re: انا غايتو كنت بجي الاول
Author: نجوان
Date: 10-27-2007, 11:24 AM
Parent: #18
ازيك يا خليل..
لغاية دلوقت في الخيط ده
ثقافة مدارس البنين هي السائدة ..
يبدو انه الأمهّات ما بيدّعوا الأولوية كتير زي الاباء (ليه يا ربّي؟)
المهم..
في مدارس البنات
الأولى ما كانت بتدّقا..
بل كانت تتمتع -هي وبقية العشرة الأوائل- بنجومية..
ومركز خاص ..
المرارة كانت دائما عند ناس ترتيب ال11 والى ال15 تقريبا
لقربهم من المنصة.. وعدم صعودهم عليها..
ونواصل.. عن الهرم الأكاديمي الإجتماعي..
|
Post: #33
Title: Re: انا غايتو كنت بجي الاول
Author: khaleel
Date: 11-09-2007, 04:22 PM
Parent: #21
Quote: لغاية دلوقت في الخيط ده
ثقافة مدارس البنين هي السائدة |
نجوان
كل سنة وانتي طيبة
علي ايامنا في الشهادة السودانية كانت اولتنا بت
دكتورة انتصار كانت رهيبة وشاطرة جدا
لكن علي المستوي الجامعي كان التفوق علي مستوي الاولاد
|
Post: #25
Title: Re: انا غايتو كنت بجي الاول
Author: khaleel
Date: 10-27-2007, 11:58 AM
Parent: #10
Quote: متكنكش ليك في ( الأول ) دي التقول حاجة سمحة
بس لو كنت بعرف الحيحصل لي بعد داك
|
حاتم ابراهيم في بلادة بتجي
بعد الزول اشم ( صناحو) ما معروف اصلها
|
Post: #27
Title: Re: انا غايتو كنت بجي الاول
Author: Elawad Eltayeb
Date: 10-27-2007, 04:51 PM
Parent: #25
Quote: .... أنا غايتو
كنت في المرحلة الابتدائية
بين 1976 و 1982
أتبادل الأولية مع صديقي الطبيب الآن عبد القادر أحمد الطيب
الأولية
في مدرسة أمبدة وسط (الحارة الخامسة)
|
الأخ العزيز فتحي البحيري، مصداقاً لكلامك أنا وأخي الصغير د. عبد القادر والوالدة قضينا العيد سوياً بالمدينة المنورة.. ودار حديث مطول بالخير بيني وبينه عن شخصكم الكريم مليء بالإعجاب والتقدير وحكى لي عن عبقرية أفراد أسرتكم الكريمة.. حفظكم الله.
أنا غايتو ما كنت شاطر زيكم كده لكن جيت الأول لعدة مرات متواترات في عدة مراحل دراسية متفرقة آخرها الأول على دفعتي بالجامعة عند التخرج. ولو بتقبلوا الثاني والثالث فعندي عدة إنجازات منها الثالث على مستوى خريجي السودان في اختبارات لجنة الإختيار للخدمة العامة المركزية. والثاني في إختبارات تعيين بنك الخرطوم. والأول في إختبارات NCR. والأول في اختبارات مكتب العمل عند الهجرة، واليوم فقط عرفت أنني الثالث على دفعتي في ماجستير إدارة أعمال MBA من جامعة السودان للعلوم والتكنولوجيا.
لكن أختى الأكبر بدرية كانت الأولى دائماً منذ الإبتدائي ثم الثانوي العام ثم الثانوي العالي بمدرسة أمدرمان للبنات دون توقف ثم الأولى على منطقة أمدرمان بالثانوية. وقد تخرجت من جامعة الخرطوم آداب والآن أولادها ودكتور كمال يوسف عكاشة طالعين شاطرين زيهم كدة كمان ما شاء الله.
|
Post: #26
Title: Re: انا غايتو كنت بجي الاول
Author: الزبير صالح الزبير
Date: 10-27-2007, 04:21 PM
Parent: #1
والله البوست دة احلي من بوستات الكورة والسياسة
اها يا حبايبي انا جيت الاول مرة واحدة بس وتاني ما عتبتها والمرة اليتيمة دي كانت في سنة اولي ابتدائي بمدرسة الشمالية الابتدائية بعطبرة والحقيقة كمان انو كنت زي العايد السنة لانو قريت سنة اولي بمدرسة الكمبوني ولمن السنة قربت تخلص جدي سمع انو انا بدرس في مدرسة كفار وحلف لابوي الا يطلعني وما ينتظر نهاية السنة رغم انو السنة فاضل ليها شهرين تلاتة المهم طلعوني وانتظرت لمن المدرسة فتحت السنة البعديها والكويس انو ناس الكمبوني كانو بيقبلو الواحد فوق الخمس سنوات وكلن عمري وقتها ستة يعني لمن جيت مدارس الحكومة جيت مع اندادي وما فاتوني المهم جيت الاول والتاني كان اخونا جلال مختار حسين والبعد داك الاولي دى ما فارقتو ابدا رغم محاولات الكثيرين ومنهم انا نلحقوا لكن ابدا ما قدرت علية. ولمن دخلنا المتوسط ودونا عطبرة الاميرية وكان بيجيبوا ليها اوائل الابتدائيات في عطبرة اول امتحان زاعو العشرة الاوائل والباقيين قالوا ليهم النتائج بتروح لاهلكم بالبريد ومشينا بعد اسبوعين كدة القي ليك الحاج وكت الفطور جاي هائج البيت ووقع فيني لبيع وما كنت عارف الحاصل شنو بعد ما تعب من الدق قال لي تجي الستة واربعين من اتنين وخمسين وما صدقت لانو شغلي ما بتاع اربعينات وخمسينات وقلت لية ما معقول ابدا ولمن اداني النتيجة وشفتها الدنيا ضلمت ليك والله بقيت ما بشوف حتي كوركتك وقلت انا اتعميت والغريبة ابوي ما هبب لي وقايلني بستعبط عشان ما يدقني تاني وقام مشي الورشة وحرد الفطور.المهم جاء خالي وحكوا لية الحكاية وقام واساني وقال لي المهم انت شفت درجاتك قلت لية درجات شنو ما شفت حاجة وكانت كل المواد ما عدا الانجليزي فوق التمانينات في المائة (والنتيجة بتاعت الفصل الأول من أربعة وعشرين والفترة التانية من ستة وثلاثون والمجموع ما ستين اخر السنة عشان كدة ابوي شاف درجاتي شويات) وقال لي الفصل دة بس قوي لكن دة معدلك الطبيعي من وانت في الابتدائي وبس مسكت ليك في موضوع المدرسة قوية واي واحد يسلني اقول لية المدرسة قوية انتو قايلنها مدرسة الخدمات ولا شنو (مع الاعتذار لخريجي مدرسة الخدمات عطبرة المتوسطة) ولكن قدر ما حاولت لغاية ما مرقت من المتوسط ما نقصت من التلاتينات.غايتو الكلام دة ما قاعد اقولة للبنات ولمن يقعدوا يزرزروا فيني بقول ليهم ايوة ابوكم كان الاول من الابتدائي لغاية الجامعة.وعارفين انا كل ما امشي اجازة السودان اكتر حاجة بكون ملاوز منها انو الحاج يطلع شنطتو اللبنية ديك المحتفظ فيها بكل نتايج الامتحانات بتاعتي وبتاعت اخواني ويوريها لبناتي.
لكن عاوزين تعرفوا اشطر زول قابلتو في حياتي.هو المرحوم الدكتور بكري عبد الرحيم من ابناء فداسي بالجزيرةالذي تفضل واستضافني سنة كاملة في غرفتة بداخلية الحلة الجديدة بمعهد الكليات التكنولوجية هو والاخ الفاضل عمر مدني الزول دة (الله يرحمة )كان بيقرا هندسة مدنية(بيتيك)وكان بيصحي الصباح يصلي ويرقد في السرير يقرا لية زي نص ساعة ويقوم يشرب الشاي ويلبس وينتظر البص يمشي الكلية يخرج من المحاضرة يروح المكتبة زي عشر دقائق وبعدين يرجع الداخلية ينوم يقوم العصر يشيل كورتة يروح ميدان المولد يلعب لغاية الساعة سبعة او تمانية وقت المسلسل في تلفزيون امدرمان وبعد يرجع يستحم ويقوم يلف ليك الداخلية دي غرف غرفة يهظر مع دة ويشرح لي دة لغاية حداشر بالليل يرجع ينوم والصباح يعيد الكرة دة برنامجة حتي ايام الامتحانات ما بيزيد ولا بينقص وبجي اول دفعتة واتعين معيد وسافر بعثة لجامعة ليدز في انجلترا(ان لم تخني الذاكرة) وحضر الدكتوراة ورجع يدرس في قسم الهندسة المدنية الي ان توفاة الله (ربنا يرحمة ويحسن الية)
|
Post: #28
Title: Re: انا غايتو كنت بجي الاول
Author: Amira Elsheikh
Date: 10-27-2007, 06:37 PM
Parent: #26
غايتو البوست دا بقى لى ديوان بس ..كلو رجال .. غير نجوان ما شايفة مرة
جات قاطعة بهنا..
ازيكم..
احكي ليكم قصة قريبنا سيف الدين..
سبف الدين داكان فى الابتدائى و طوالى بجى الطيش وكلو سنة بعودوه
يعنى قعد فى سنة تالتة دى زى اربعة سنوات (مدرسة حلتنا كمان)
يوم جدنا خلاص زهج منو .. قال ليهو يا سيف الدين يا ولدى بتقعد بكانك
واحد بس؟ ... سيف الدين قال لى جدنا.....
يا جدى المدرسة دى بشلعوها ما قاعدة....
مافى زول يقراء لى بشلعوها دى بحنكشة....ولا يقول ما عارف معناها
|
Post: #29
Title: Re: انا غايتو كنت بجي الاول
Author: الزبير صالح الزبير
Date: 10-28-2007, 05:17 PM
Parent: #28
يا جماعة البوست دة ما كويس مالكم جادعنو بعيد كدة...........اها انا برفعة ليكم المرة دي بس يدينك معانا
|
Post: #30
Title: Re: انا غايتو كنت بجي الاول
Author: فتحي البحيري
Date: 10-28-2007, 05:28 PM
Parent: #29
الأخ الحبيب
عوض الله محمد الطيب
والله ما كان قصدي اقشر مع الشفع ديل وكدا
بس خشيت هنا وكنت زهجان ....وكدا
وحدين يضحكوا
وحدين دايرين سكاننق للشهادات والنتائج !!!
بسيطة
عدل بواسطة فتحي البحيري .....
ما صعبة
موش ؟؟
تحياتي للشقيق النابغة الطبيب عبد القادر وللوالدة ولكل أفراد الأسرة الكريمة
متلومين معاكم يا عوض الله لكن الدنيا ام قدود ومشاغل !!
والله يجازي اللي كان السبب!!
|
Post: #31
Title: Re: انا غايتو كنت بجي الاول
Author: Tragie Mustafa
Date: 10-28-2007, 05:50 PM
Parent: #30
شكرا خليل
ومصداقا لتساؤل نجوان
فعلا في نكته قالوا:
(السودانين الاباء اي ابو بقول لاولاده هو كان الاول
واي ام بتقول كان شعرها لحد ضهرها)
اها دي دليل تقليدي طبعا انه المرأه السودانيه ما كانت شغاله بالقرايه شغله.
Quote:
ازيك يا خليل..
لغاية دلوقت في الخيط ده
ثقافة مدارس البنين هي السائدة ..
|
لكن كل هذا تغير لاحقا حيث صاروا معظم المتفوقات بنات الا ان جاءتنى الانتكاسه مع الانقاذ.
برجع لكم لاحقا انه ضقت الاولى سنة كم.
|
Post: #32
Title: Re: انا غايتو كنت بجي الاول
Author: khaleel
Date: 11-08-2007, 03:55 PM
Parent: #31
iwill be back very soon
|
Post: #34
Title: Re: انا غايتو كنت بجي الاول
Author: khaleel
Date: 11-09-2007, 04:29 PM
Parent: #31
| Quote: برجع لكم لاحقا انه ضقت الاولى سنة كم. |
تراجي
المركز الاول في البتدائي ما محسوب
|
Post: #35
Title: Re: انا غايتو كنت بجي الاول
Author: khaleel
Date: 11-09-2007, 04:37 PM
Parent: #26
| Quote: والله البوست دة احلي من بوستات الكورة والسياسة |
شكرا يا الزبير
ليلي بت الحاج مشت تشوف نتيجتها في امتحان الشهادة وكانت بلدية كبيرة خالص
اعطت الاستاذ رقم جلوسها
قام الاستاذ شاف النتيجة وقال ليها
امشي يا بتي والله انتي في العواسة ما تنفعي
|
Post: #36
Title: Re: انا غايتو كنت بجي الاول
Author: الزبير صالح الزبير
Date: 11-14-2007, 02:45 PM
Parent: #1
واللة يا جماعة البوست حلو بس يمكن انتو ما فاهمنة عشان كدة غاطس اها اللوريكم
انا عرفت انو نجحت في امتحان التخرج في سنة رابعة كيف ، وبالتبادي عاوز اقول ليكم في سنة اولي ملحقت احصاء والغريبة الاحصاء الكان بيدونا ليها نفس بتاعت الثانوي بس بالانجليزي واصلها ابت تركب لي وكان بيدرسا الاستاذ مدثر المهم جلست للملحق وكان لازم انجح فية والا سوف اعيد اسنة بكل موادها وكان مراقبنا الاستاذ نبيل جرجس فقمت قلت لية بالله كدي نادي استاذ مدثر لانو في غطة في سوال ولازم يجي عشان يصححة والغريبة استاذ مدثر لمن جاء المدرج وكان في يمكن مائة نفر بيمتح في مدرجات ام بدة جاء ماشي علي عديل وقال لي مباشرة اها لمن قالو في واحد بيقول في مسالة غلط قلت اكيد دة انت اها وريني يا بروف الغلط وين قلت لية طوالي يا استاذ الغلط فيني انا ما فاهم الكلام دة معناة شنو واللة ضحك وقال كدة انت استهدي بالله وواشتغل وبتنجح انشاء الله لكن في سنة تانية تمشي قسم البانكنج وما اشوفك تاني ووعدتة بذلك المهم نجحت ومشيت سنة تانيةbanking قابلني الاستاذ دريا في المحاسبة وبرضو بالتلتلة مشيت سنة تالتة وهناك اتلقاني الاستاذ احمد الحاج في البراكتس وبرضو بالجلالة مشيت رابعة لمربط الفرس جيت الكلية الصباح كدة بعد كم يوم من الامتحانات ما خلصت ولقيت المجلس مجتمع عشان يجيز النتيجة طوالي طلعت مشيت البيت في الشجرة بعد صلاة العشاء ركبت الباص مشيت الخرطوم جدنا عندة فندق في السوق العربي اسمة فندق بحر الغزال مشيت الاستقبال شلت ليك بطارية ومشيت علي الكلية في المقرن وعلي البورد طوالي بقيت افتش ليك في اسمي بالبطارية وطبعا حسب الحروف الابجدية اسمي فوق في اول اللستة ولمن لقيت ليك كلمة بروموتد قدام اسمي التقول قالو لي اذان المغرب اذن بعد نهاية يوم رمضاني ساخن.
برجع ليكم لي حكايتي مع ACIB امتحان الزمالة البريطانية مرة تانية بس يا ريت بناتي ما يشوفو البوست دة
|
|