Post: #1
Title: يا أهل الدوحه من أم درمان سلام ,,
Author: kamal ali
Date: 10-21-2007, 10:08 PM
لكل الاحباء بالدوحه وأخص البورداب الاعزاء
لكم منى كل الود والمحبه وكل سنه وانتو طيبين
وعفوا اذا جاءت المعايده متأخره فايقاع الحياه فى
السودان صار رهيبا , اليوم فيهو ساعتين فقط معظمها
يقضونه الناس زح فى الشوارع بسبب تكدس العربات وقلة
المخارج . وماتبقى من دقايق يروح فى المجاملات .
ولكن بالرغم من ذلك اذا اضفتا اليه الحر الرهيب والجراد
الفظيع والذى بسببه تطفى كل الانوار مما يجعل المدينه تعيش
فى الظلام , بالرغم من كل ذلك اذا اضفنا اليه الجو السياسى
الملتهب والملبد بغيوم داكنة السواد بالرغم من ذلك ياأبوساندرا
فالسودان حلو حلا ( زى راجل المره) ,
تحياتى لكل الاحباء الاعزاء والى أن القاكم فى الاسبوع الثانى من
نوفمبر من ام درمان لكم كل المحبه ,
|
Post: #2
Title: Re: يا أهل الدوحه من أم درمان سلام ,,
Author: عبدالكريم الامين احمد
Date: 10-21-2007, 10:14 PM
Parent: #1
هلا ابو كمال
ومنور الاسافير والله والدوحة بقت خلا
صحبك عمر قائم بالواجب ورسايله تتطاقش
تحياتي ليك ولكل اهل السودان
|
Post: #3
Title: Re: يا أهل الدوحه من أم درمان سلام ,,
Author: Alsa7afa_30
Date: 10-21-2007, 11:20 PM
Parent: #1
مراحب أستاذ كمال و كل عام و أنتم بخير ..
الحر عرفناه ,, لكن الجراد ده حكايتو شنو ؟؟ و في العاصمة كمان ؟؟
|
Post: #4
Title: Re: يا أهل الدوحه من أم درمان سلام ,,
Author: عمر سعد
Date: 10-21-2007, 11:51 PM
Parent: #1
كمال سالم رصيدك كيف اول حاجة تعال استلم مهامك وبطل زوغان كيكى دة
كل سنة وانت طيب قالو من رجلك وصلت نسيت المرض والفولترين
اها الجو قلت لى مكهرب الكيزان ديل ما يلمو فيك يبيعوك
الدوحة حالتة حالة الايام دى ....كيف امدرمان
باللة شوف لى الجو داير اعلن فيها انفصال عديل كدة
حدودنا معروفة من الفتيحاب مربع اتنين لى قصر الشباب وماشى لحدى المهدية الحارة الاولى
ترجع لى حدود امبدة برة مننا السوق زمان ولا بقت فيها مشكلة بنخليها حدود الاذاعة القديمة
رايك شنو بمسسكك وزارة شؤون الرئاسة ............
|
Post: #6
Title: Re: يا أهل الدوحه من أم درمان سلام ,,
Author: عادل التجانى
Date: 10-22-2007, 09:40 AM
Parent: #5
يا كماااااااااااااااااال علي
دوحة سلام - خرطوم حباب
مشتاقين
والسودان سعيد بيك .. بس أنا عايزك تعمل (الحنظل) حسب وصفي وما ترجع إلا وقد أكملت الموضوع ... طبعاً الجماعة حا يقولوا ديل مخططين يختو الحنظل لي منو .. وتجد الكثر من أشجار الحنظل في السكة حديد الخرطوم .
وحا ننتظرك بي ليالي السمر الشتوية إن شاء الله
عادل التجاني
الدوحة
|
Post: #7
Title: Re: يا أهل الدوحه من أم درمان سلام ,,
Author: ابوبكر الامين يوسف
Date: 10-22-2007, 09:40 AM
Parent: #5
معقول ياكيمو انت فى السودان
ياخى فى ناس كده خاينة بشكل
|
Post: #8
Title: Re: يا أهل الدوحه من أم درمان سلام ,,
Author: kamal ali
Date: 10-22-2007, 09:31 PM
Parent: #1
الاعزاء كيكى - صحافه30 - عمر سعد- ودالقريش - عادل التجانى - ابوبكر -
لكم منى كل التحايا وشوق بالكوم زى اكوام جوافة الكدرو الحلوه الماليه
الشوارع اليومين دى .
وشكرا ياود القريش على الرابط الجميل الخلانى عشت معاكم احتفالات الجاليه
بس ماقلت لى المركوب عايزو نمر ولابعشوم ؟
وياكيكى يأخى انا بمشى كل يوم لاوزون بس ماقدرت اقابل ملاسى , ماتعمل لى
معاهو مواعيد .
عمر سعد اخبار الخمسه ريال شنو ؟ وبعدين تقول لى داير قسمة ثروه وسلطه
لاهل العاصمه . ياخى الجماعه ديل الغابه الوحيده العندنا والكنا بنخشها مره
واحده فى السنه يوم شم النسيم عشان نشد فيها الحلل , تصور باعوها ,
الصوت الدافى الحنون عادل التجانى تصور من يوم ماوطئت قدماى السودان تانى
مااشتكيت من اللوز . غايتو الحنظل ده الا اجيبو ليك انت , بعدين السكه حديد
نصها اتباع والنص التانى بقى مواقف للمواصلات يعنى مافيها قشه ,
الباشمهندس ابوبكر والله مشتاقين وانشاء الله تكونوا بقيتو تلاته , تحياتى للجميع
وانشاء الله الرطوبه تكون انتهت .
|
Post: #9
Title: Re: يا أهل الدوحه من أم درمان سلام ,,
Author: محمد سنى دفع الله
Date: 10-22-2007, 09:50 PM
Parent: #8
كمال
سالم من كل بلا
والصحة والعافية
وطبعا الضغط مافي والسكر نازل ظار
والركب انطلقت واللوز بح
ووجع البطن راح
ونفسك مفتوحة للطماطم الفريش
والجريجير البخلي الزول إعطس
والبصل مع الشطة وعرقك صابي
والسمك وسوق الموردة
من السوكي لي شعيبو
سلامي للساحات الما تباعت
وللهادي نصر الدين
وميدان البحيرة
وشارع الإذاعة
وسوق الموية
للعرضة
وللهلال والمريخ
ولأبوعنجة وشارع الفيل
للضباط تعظيم سلام
وللعباسية بلبس الجهادبة
وبقدل وتبين قيافتي في بانت
وينك ياقيافة
مساهر
وين اصحابك القدام
متلمين في سوق الناقة
والتحلية في قندهار
مشتاقين ليك ولي
أمــدرمـــــــان
|
Post: #11
Title: Re: يا أهل الدوحه من أم درمان سلام ,,
Author: معتز القريش
Date: 10-26-2007, 09:17 AM
Parent: #8
| Quote: بس ماقلت لى المركوب عايزو نمر ولابعشوم ؟ |
جلد كي كي ... آآآآآآآآآآه سوري قاصد جلد ككو
|
Post: #10
Title: Re: يا أهل الدوحه من أم درمان سلام ,,
Author: عمر سعد
Date: 10-22-2007, 11:17 PM
Parent: #1
كمال سالم كيفك
انت ىلسة بكرى ما غير ليك اسمك هاهاهاهاهاههاهاهاهاهاه
اليوم وضع حجر اساس المدرسة طبعا بواسطة وزير الخارجية الاصلى الدكتور ما لام كوز الكوز الاصلى
اجمل حاجة انك اطمانيت انو الناس ديل ما باعو بيتكم ..........
وحاتك بعد يومين بيظهر ليك القرار الحقيى من شيل المواقف دى وتلقى واحد بى دقن كدة وكرش
اشترى الحتة ....سياسة يهود عديل كدة ...
انت بجدك داير تقابل المخبر ملاسى ... المخبرملاسى خلى كيكى وقبل على انا ...ما قالو ليك ؟
مالك ومال المخبرين ياخ استمتع باجازتك ...........
اللوز قلت لى راحت هاهاهاهاهههاهههههاهاها تكون وقعت ليك فى جزيرة حنضل كان كدة جيب منو
فى ناس كتار بحتاجو ليهو هنا ........اهاهاهاهاهاهاهاها ما بقول ليك منو مبيوع اتصل بيسلم عليك
قال ليك جاى بتين ...قلت ليهو قال لمن يفلس ...وانا رهانى معاك اسبوعين وتفلس
انا جاى اسبوعين اشيل معاى كم كدة ...وما داير ااجر عربية ولا اكل فى امواج هاههاهاها
وسلم على الهادى الضلالى وامشى سوق الموردة دكان شوقى التاجر بتنسى انك فى السودان
تلقى التجانى حاج موسى وعمر التوم والمحينة ونادر وابو الليل تضحك لحدى ما ترجع
سلامى لكل امدرمان من قصر الشباب لى المهدية فقط...........
|
|
