Post: #1
Title: الوعي بجوهر ثقافة التقاضي
Author: Kabar
Date: 10-20-2007, 10:19 PM
اشارة:
التحية للجميع هنا..و كل عام و الجميع بخير..
كتبنا هذه المساهمة كرد على بشار صقر و بشاشا..وكان ذلك بالأمس.. ثم بحثنا عن البوست المعني و لم نجده..ولا ندري ظروف أو اسباب اختفائه.. لذلك رأينا أن تكون في بوست منفصل..لأن الأمر يهمنا جميعا..
و عذرا للخلط..
بشار صقر كتب:
Quote: "وهل حقا بروفسور الرسم الناري
يشتكي في قضية فكرية
هل حقا فتحت بلاغا حول
القضايا الحوارية |
ثم بتهديد صريح ، كتب:
| Quote: " و المحاكم لا تحلك" |
و كتب بوثوقية متطرفة:
Quote: "وليس المحاكم من تحكم في هذه القضايا
بل جمهور القراء
جمهور الخطاب |
ثم صار يهذى و ترجى قائلا:
Quote: "عيب كل عيب ان يذهب بروفسور الفن
الناري بقضايا التفكير الى المحاكم
ان هذا لضعف عظيم
وسقوط مجلجل |
بشاشا كتب:
| Quote: فالتحرش الجماعي ام فتح البلاغات والبلطجة لحسم صراع اساسا فكري؟ |
الوعي بجوهر ثقافة التقاضي:
الوعي بجوهر ثقافة التقاضي امر مهم للغاية..و الذي يظن انه مجرد ضعف..و جبن..و ما بيحل.. أو مجرد فتح بلاغات و بلطجة..هو في حقيقة امره يطعن اهالي دارفور بغدر ما بعده غدر..و يقول لهم طظ في مسعاكم نحو تاسيس المحاسبة العادلة لمرتكبي جريمة الإبادة الجماعية و العرقية في دارفور..
لم تكن ، و لن ، جريمة الإبادة الجماعية و العرقية مجرد مسالة اختلاف فكري.. لأن الإبادة جريمة..و الجريمة نزاع قانوني..و النزاع القانوني محله ساحات التقاضي في المحاكم و ليست المنابر الإسفيرية..وفقا لشيوع مبدأ سيادة القانون في النقاط محل الإختلاف..و هذه السيادة لا تأتي مجانا..و انما يسندها الإيمان الراسخ بثقافة التقاضي..و حق الناس في الذهاب الى ساحات القانون لإسترداد حقوقهم..و ماهو الجديد هنا؟
الجديد هو خطاب مناضلي زمن الغفلة.. الخطاب الذي اضر كثيرا..ولازال يضر.. فبعد تسويف القضايا الكبرى ، مثل قضية دارفور ،و سحقها تماما بالتماطل و الخطل العظيم.. عاد هذا الخطاب الى مهمة اخرى لا تقل خطورة..وهي ابتدار خط تسويف اخر..وهو القول للناس بان التقاضي جبن..و عيب..و بلطجة كمان..
نعم.. قد تنتهي النزاعات المسلحة في كل مكان بالتسويات السياسية و الترضيات..و اقتسام الثروة و السلطة و غيرها من سقط المتاع..و حينما تضع الحرب اوزارها في دارفور سوف نرى نفس السناريو يتكرر..لكن هناك امر جديد في هذه المرة..و هي محاسبة الذين ارتكبوا جرائم الإبادة في حق اهل دارفور و البشرية جمعاء..و مثل تلك المحاسبة مكانها المحاكم و ليس المنابر الإسفيرية..
التقاضي بين الأفراد و التقاضي بين الشخصيات الإعتبارية .. هو في نفسه تقاضي.. مع العلم أن جريمة الإبادة نزاع جنائي..والنزاع الجنائي يحاسب فيه الأفراد..
المحك هنا.. أن الذين يتحدثون عن الهامش و قضاياها .ز لم تغلبهم الحيلة في ابتداع خط مواجهة جديد.. يتلخص في صرف الناس عن فكرة المحاسبة القانونية..
بشار صقر يعتبر الذهاب الى المحاكم (سواء من قبل خالد كودي أو اهالي دارفور) مجرد جبن ..و موقف لا يتخذه الإ الضعفاء..و نفس الإتجاه يعضدده بشاشا الذي يعتبر أن الذهاب الى المحاكم نوع من البلطجة و الإبتزاز..!.. الأ يحق للجبهة الإسلامية أن تمد كرعيها زي ما تدور؟
و سؤالنا لبشار صقر..طالما في عرفك ذهاب خالد كودي كفرد الى المحاكم تعتبره جبن..و ما بحل كمان.. هل ينطبق هذا الفهم ايضا على ذهاب بعض اهالي دارفور الى المحكمة الدولية و المطالبة بمحاسبة الذين ارتكبوا جريمة ابادة في حقهم؟ مع العلم ان جوهر التقاضي واحد في كل الأحوال؟
يعني يا بشار صقر داير تقول لينا انو ذهاب اهل دارفور للمحكمة الدول برضو ما بيحل مع نظام الجبهة الإسلامية؟ مع العلم انو موضوع الدعوى هو الإبادة الجماعية و العرقية..وقريب في الفهم من موضوع دعوى خالد كودي (اتهامه بالمشاركة في جرائم ابادة عرقية)؟
و اذا كان التقاضي بيعني البلطجة.. على حسب قول بشاشا.. هل ينطبق مثل هذا الفهم ايضا على نضال اهل دارفور في مسألة المطالبة بمحاسبة الذين ارتكبوا جرائم الإبادة الجماعية و العرقية في دارفور؟
يعني من كده نفهم انو اتجاه الخطاب الجديد عندكم تقعيس الناس المطالبة بحقوقهم عبر اجراءات التقاضي؟..و مش ياها الجبهة الإسلامية الحاكمة في الخرطوم القاعدة تعتبر ان الذهاب للمحاكم الدولية من قبل دارفور.. هو جبن و ضعف و ما بيحل كمان ( زي ما بيقول لينا ربيبها بشار صقر)..و بلطجة زي ما بتقول لينا انت يا بشاشا؟
و اذا كان مناضلي دارفور يسمحون بمثل هذه الهرطقات.. فاننا نعتبر الأمر اكبر و اخطر.. لأن غياب ثقافة التقاضي و جوهر معناها في اذهان الكثيرين منهم (امثال بشارة صقر و محمد سليمان و غيرهم) يعني نسف الجهد الكبير المبذول من قبل الجميع في احقاق المحاسبة. لأن الذي لا يؤمن بحق الأفراد في التقاضي.. بالضرورة لا يؤمن بحق الجماعة في التقاضي..
يعني نفهم من كده ان الجبهة الإسلامية في خطابها الجديد دايرة تقنعنا انو جريمة الإبادة الجماعية و العرقية هي مجرد اختلاف فكري ؟ عجائب..!
كبر
|
Post: #2
Title: Re: الوعي بجوهر ثقافة التقاضي
Author: Mohamed Suleiman
Date: 10-20-2007, 10:49 PM
Parent: #1
الأخ كبر
لك التحية:
Quote:
ألوعي بجوهر ثقافة التقاضي:
الوعي بجوهر ثقافة التقاضي امر مهم للغاية..و الذي يظن انه مجرد ضعف..و جبن..و ما بيحل.. أو مجرد فتح بلاغات و بلطجة..هو في حقيقة امره يطعن اهالي دارفور بغدر ما بعده غدر..و يقول لهم طظ في مسعاكم نحو تاسيس المحاسبة العادلة لمرتكبي جريمة الإبادة الجماعية و العرقية في دارفور..
|
لقد بدأ بوستك بعنوان جذاب . الوعي بجوهر ثقافة التقاضي .
لكن داخله يحمل خواءا .... بل خلطا مضللا .
ثقافة التقاضي بصورتها الصحيحة هي من سمات المجتمع المتحضر .
فبدلا من أخذ القانون باليد لتعم فوضي العنف و الثأرات . نجد أنه من سمات التمدن وجود مؤسسات يحتكم اليها الناس للبت في نزاعاتهم .
لكن هناك فرقا شاسعا بين التقاضي مدنيا و جنائيا في أمور خلافية أو تعديات علي حقوق الآخرين Disputes .... و بين الإختلاف في الرأي Difference in Opinions
لأهل دارفور الحق و كل الحق في مقاضاة المجرمين الذين إرتكبوا أبشع جرائم في العصر الحديث . يمكن لأهل دارفور مقاضاتهم مدنيا و جنائيا و في مختلف المحاكم في كل بقاع الدنيا .
ما حدث بين بشاشا و خالد كودي أن الأخ بشاشا قد كون رأيا بعد إستعراضه لمعطيات بعينها من ضمنها إنتماء الأخ خالد في يوم من الأيام لتنظيم ينادي بسيادة القومية العربية .
جرائم الإبادة بدارفور إنطلقت من فلسفة سيادة الثقافة و الإنتماء العربي و محو كل من هو ليس عربيا من الوجود في ذلك الإقليم .
فالجنجويد ( و هذه موثقة بمكاتبات و صوت و أقوال الشهود ) كانوا يصرخون عند إغارتهم علي قري القبائل الأفريقية بكلمات ( الزرقة) و هي نقيض إثنية العرب ... بوجوب قتلهم أو طردهم من دارفور .
الإستنتاج الذي وصل اليه بشاشا مؤداه أن فلسفة القومية العربية هي موازية لفلسفة نقاء الجنس الآري .... و في كلتا الحالتين كانت نتيجة تطبيق الفلسفتين هي إبادة من أعتقدوهم مختلفين عنهم إثنيا .
هنا الإختلاف فكري .... ليس تعديا علي حق أحد .... أو جناية في حق أحد .
|
Post: #3
Title: Re: الوعي بجوهر ثقافة التقاضي
Author: Bashasha
Date: 10-20-2007, 10:51 PM
Parent: #1
| Quote: الوعي بجوهر ثقافة التقاضي امر مهم للغاية..و الذي يظن انه مجرد ضعف..و جبن..و ما بيحل.. أو مجرد فتح بلاغات و بلطجة..هو في حقيقة امره يطعن اهالي دارفور بغدر ما بعده غدر..و يقول لهم طظ في مسعاكم نحو تاسيس المحاسبة العادلة لمرتكبي جريمة الإبادة الجماعية و العرقية في دارفور.. |
ياحليلك!
برضك شايل بقجة غباينك ضد د.بشار او بشاشا، او حايم!
من الاساس انت مالك او مال دارفور؟
ماعامل فيها عربي من اوربا، ذي الاسود او ناصري؟
قال الذي يظن انه مجرد ضعف يطعن في اهل دارفور!
اي كلام!
انت بتايد التقاضي والمحاكم لحسم الصراع الفكري في المنابر؟
او في قلعة حرية التعبير؟
|
Post: #4
Title: Re: الوعي بجوهر ثقافة التقاضي
Author: Kabar
Date: 10-21-2007, 00:32 AM
Parent: #1
الأخ محمد سليمان.. حبابك
كتر خيرك على الحضور هنا..
بالنسبة للخواء و الخطل ، فماذا نتوقع من الذين لا يؤمنون بمشروعية الإختلاف غير التهاتر و محاولة صرف الناس عن جواهر المواضيع؟
لكن برضو مافي مشكلة تب..
جوهر الفكرة من هذه المساهمة واضح تماما..والإختلاف بين بشاشا و خالد كودي ليس هو بجوهر الموضوع.. لأن لبشاشا الحق في ان يبدي رأيه كيفما شاء ..و لخالد كودي أن يرد بالطريقة المتاحة له.. لكن مسألة الإتهام بالإبادة الجماعية و العرقية مسالة لا تقبل المساومة..ولا توجد فيها منطقة وسطى أو رمادية..و يظل المتهم فيها هو متهم سواء كانت حكومة الجبهة الإسلامية أو خالد كودي او غيرهما..ولا اظن للفكر موقع هنا.. لأن اتفاقنا بأن اتهام بشاشا لخالد كودي بأنه مجرد تفاكر و مسألة فكرية.. فهذا يفتح الباب على مصراعيه لأن يدعونا البعض بأن نتفق معه في أن خلافنا في قضية الإبادة مع حكومة الجبهة الإسلامية هو مجرد اختلاف فكري ولا داعي للمحاكم..و نضرب ليك مثل يا محمد سليمان.. لو جاء واحد في المنبر ده و في معرض حوار اسفيري فكري و قال للتاني انت ود حرام ساكت.. فالقصة بتكون خرجت من اطار الحوار لإطار التعدي الجنائي (قذف) .ز أها باقي ليك بيقدروا الأجاويد يقعدوا و يقولوا لا ده مجرد اختلاف فكري؟..لآ اظن.. الحد بين بين التعدي الجنائي و الإختلاف الفكري..و ماتنسى الإختلاف الفكري في السودان و طرائق حسمه.. سقط حجر زول اسمو محمود محمد طه..متذكر؟
الحاجة التانية.. فهمك لإبادة اهل دارفور استغلق على شوية..و استغرب أن يكون هذا فهم انسان من دارفور شحما و لحما..فانت قلت في هذا الشأن:
| Quote: جرائم الإبادة بدارفور إنطلقت من فلسفة سيادة الثقافة و الإنتماء العربي و محو كل من هو ليس عربيا من الوجود في ذلك الإقليم |
و يبقى السؤال: اذا كان فكرتك عن دم الناس الراح هدر مجرد صراع ثقافات..و سيادة ثقافات على اخرى.. مش ياهو الكلام الأبيتو ذاتو..مش بالفهم ده ممكن بكرة جلابة الجبهة الإسلامية يجوا ناطين فينا و يقولوا لينا صراع الثقافات هو مجرد صراع فكري ..شن دخل المحاكم فيهو؟زلا انت اساسا طابور خامس للجبهة الإسلامية؟
و هذا ما نبهنا اليه من قبل في مساهمتنا الأساسية بأن خطاب مناضلي زمن الغفلة تطور في توجهاتو..سيادة ثقافة قال.. الناس تقول ليك الناس بتموت..و تجي تفسرنا لينا موت الناس بأنو مجرد سيادة ثقافات و فلسفة و شنو كده كمان..يا راجل..!
خلاصة الأمر.. اذا كنت انت و بشار و بشاشا بتفتكروا التقاضي مجرد جبن و بلطجة.. يبقى انتو غلطانين..و للمرة التانية من ينكر حق الفرد في التقاضي..لا يعدم حيلة في ان ينكر حق الجماعة في التقاضي..و ان كان جماعة دينها طلع زي ناس دارفور (الفي دارفور مش الفي امريكا و مرطبين).
No offence
كبر
|
Post: #5
Title: Re: الوعي بجوهر ثقافة التقاضي
Author: Kabar
Date: 10-21-2007, 00:36 AM
Parent: #4
بشاشا .. حبابك و كل سنة و انت طيب
عيييك انت لسع في محطة قنب ديك.. ياخي اصحي!
ما زمان قلنا ليك بنتفق معاك اننا عرب سبيدر ساكت..و تقليد مغشوش.. و زونوج كارهة لذواتها..و حاجات كتيرة..
ما عندك مشكلة تب..
بشاشا كتب:
| Quote: برضك شايل بقجة غباينك ضد د.بشار او بشاشا، او حايم! |
شفت يا بشاشا .. دي واحدة من وشايات محمولك الثقافي..و هي واحدة من تجليات وعيك الباطن..منو هم البشيلوا البقج في راسهم؟مش يا هم الغرابة الزينا نحن و اخونا محمد سليمان ولا ناس تانيين؟..و اذا كان اهلك الأميين في الجزيرة عرب بيقولوها لينا بنعذرهم لأنهم اميين.. لكن انت نعذرك على ايتها اساس؟
بشاشا كتب:
| Quote: من الاساس انت مالك او مال دارفور؟ |
برضو غريبة منك يا بشاشا.. ياخي افرض انا الناس جات شايلاني في ضهورا و رابطاني من ام حجر.. اها باقي ليك ياتو الأقرب لدارفور.. ام حجر ولا الزنجي من اريزونا؟..العقل من وين بشتروا..
بشاشا كتب:
| Quote: انت بتايد التقاضي والمحاكم لحسم الصراع الفكري في المنابر؟ |
شفت يا بشاشا يا ها البلبصة بعينها.. اسمع كويس يا بشاشا الحتة دي مافيها مساومة.. الإتهام بارتكاب جريمة ابادة جماعية و عرقية..لا محل للفكر فيهو..و هي شنو الإبادة العرقية في ذات نفسها؟ او عي تجي تقولي كلام اخونا محمد سليمان صاحب تفسير ابادة دارفور وفقا لنظرية سيادة الثقافة..
جوهر النقطة يا بشاشا الذهاب للمحاكم لا يعد بلطجة زي ما انت بتقول..و اذا كان مصر عليهو بالكيفية دي.. يبقى تجي تقول لينا فرقك شنو من الجبهة الإسلامية؟ .
كبر
|
Post: #8
Title: Re: الوعي بجوهر ثقافة التقاضي
Author: Mohamed Suleiman
Date: 10-21-2007, 01:21 AM
Parent: #4
الأخ كبر
أنت كتبت :
و نضرب ليك مثل يا محمد سليمان.. لو جاء واحد في المنبر ده و في معرض حوار اسفيري فكري و قال للتاني انت ود حرام ساكت.. فالقصة بتكون خرجت من اطار الحوار لإطار التعدي الجنائي (قذف) .ز أها باقي ليك بيقدروا الأجاويد يقعدوا و يقولوا لا ده مجرد اختلاف فكري؟..لآ اظن.. الحد بين بين التعدي الجنائي و الإختلاف الفكري..و ماتنسى الإختلاف الفكري في السودان و طرائق حسمه.. سقط حجر زول اسمو محمود محمد طه..متذكر؟
يا كبر !!! ..... عندما يقول أي شخص لآخر أنت ود حرام .... هنا جريمة تعدي سافرة بحق المجني عليه .... أقلها التشهير Slandering
و تعريفها بالتحديد :
1. Law Oral communication of false statements injurious to a person's reputation.
2. A false and malicious statement or report about someone.
هنا يصير مثالك لا معني له .
أما عن الإبادة فقد كتبت أنت التالي :
Quote:
الحاجة التانية.. فهمك لإبادة اهل دارفور استغلق على شوية..و استغرب أن يكون هذا فهم انسان من دارفور شحما و لحما..فانت قلت في هذا الشأن:
Quote:
جرائم الإبادة بدارفور إنطلقت من فلسفة سيادة الثقافة و الإنتماء العربي و محو كل من هو ليس عربيا من الوجود في ذلك الإقليم
|
و يبقى السؤال: اذا كان فكرتك عن دم الناس الراح هدر مجرد صراع ثقافات..و سيادة ثقافات على اخرى.. مش ياهو الكلام الأبيتو ذاتو..مش بالفهم ده ممكن بكرة جلابة الجبهة الإسلامية يجوا ناطين فينا و يقولوا لينا صراع الثقافات هو مجرد صراع فكري ..شن دخل المحاكم فيهو؟زلا انت اساسا طابور خامس للجبهة الإسلامية؟
|
أرجوك أن تراجع التعريف القانوني للإبادة كما ورد في الوثيقة القانونية للأمم المتحدة ( يمكنك مراجعته هنا في هذا اللنك ) :
http://www.preventgenocide.org/genocide/officialtext.htm
ففي هذا اللنك ورد الآتي :
The law protects four groups - national, ethnical, racial or religious groups.
A national group means a set of individuals whose identity is defined by a common country of nationality or national origin.
An ethnical group is a set of individuals whose identity is defined by common cultural traditions, language or heritage.
A racial group means a set of individuals whose identity is defined by physical characteristics.
A religious group is a set of individuals whose identity is defined by common religious creeds, beliefs, doctrines, practices, or rituals.
القانون يحمي أربعة مجموعات :
مجموعات قومية , إثنية , عنصرية, دينية .
و تحت المجموعة الإثنية ورد التعريف الآتي :
مجموعة إثنية هي مجموعة أفراد بحيث تعرف هويتهم بثقافة تقاليد مشتركة , لغة , أو موروثات .
ضع تحت كلمة ثقافة ألف خط .
الإبادة تمتد الي محاولة محو هوية أهل دارفور الأفارقة .... من قبل نخبة مهووسة بالعروبة في الخرطوم إستغلت عرب دارفور كأداة في تنفيذ جرائم الإبادة هناك .
كبر ..... أقرأ أكثر عن الإبادة .... و ستجد أنك أنت أيضا مهددا بالإبادة ( نحن السابقون و أنتم اللاحقون ) .
|
Post: #6
Title: Re: الوعي بجوهر ثقافة التقاضي
Author: Bashasha
Date: 10-21-2007, 00:49 AM
Parent: #1
| Quote: لكن مسألة الإتهام بالإبادة الجماعية و العرقية مسالة لا تقبل المساومة.. |
ولانها لاتقبل المساومة قنا راينا في المسؤلين من جرائم الابادة!
كيف كلام بشاشا حرقك او عراك امام مسؤوليتك الاخلاقية تجاه جرائم الابادة، كمتوهم عروبة وداعية استعلاء عروبي ناصري، تقوم تودي من المنبر المحكمة عشان تادبو؟
ماهذا؟
ولكن مالغريب في نافخ كير مثلك، شايل بقج قباينو او حايم!
|
Post: #7
Title: Re: الوعي بجوهر ثقافة التقاضي
Author: Bashasha
Date: 10-21-2007, 01:11 AM
Parent: #1
| Quote: اها باقي ليك ياتو الأقرب لدارفور.. ام حجر ولا الزنجي من اريزونا؟..العقل من وين بشتروا.. |
الاقرب لي درفور بي ياتو معيار؟
الجغرافيا؟
طيب ما اقرب كشيب!
بالملامح؟
برضو اقرب كشيب!
ولكن في واقع الحال المجرم المطلوب للعدالة الدولية هو ذات كشيب الاقرب بي منطقك الذرائعي الابتزازي هذا!
لهذا نوعك ده بالذات يا كبر انت والناصري او اسود، هم الابعد من اهل دارفور، لانك متعري منهم عامل عربي جيت من اوربا اي الاندلس!
هل صدفة من يبادون في دارفور انهم ماعرب من الاندلس زيك؟
تاريخ مواقفك في المنبر ده يثبت انك الابعد عن اهل دارفور، بل والاقرب للشريحة المستغلة بواسطة الاقلية المهيمنة البتقوم بالمجاذر، انطلاقا من انهم عرب زي الجلابة، او ضحاياهم زرقة، اي اجانب.
فانت لاتمت لدارفور باي صلة حسب الوهم المعشش في راسك.
اما عن نفسي، فلا اتحدث.
يتبع..
|
Post: #10
Title: Re: الوعي بجوهر ثقافة التقاضي
Author: Kabar
Date: 10-21-2007, 01:33 AM
Parent: #7
بشاشا كتب:
| Quote: ولانها لاتقبل المساومة قنا راينا في المسؤلين من جرائم الابادة! |
القصة ما ها قصة قوالة راي ساكت يا بشاشا..و لو كده حكومتك بتاعة الجبهة الإسلامية برضو بتقول راي ..و بعداك بتمشى تكتل الناس و تاني تجي راجعة تقول رأي..
التقاضي ثقافة..و لو انت مجقلب و خايف من دعوى خالد كودي عليك.. ده ما سبب بيخليك تمارس اسقاطات ذاتية و تتعتبر التقاضي و الذهاب الى المحاكم مجرد بلطجة ساكت..
لازمك تعتذر و تعدل كلامك..و تقولها صريحة (ذهاب خالد كودي لشكوتي في محكمة هو بلطجة).. اما بخلاف ذلك.. فستظل طابور خامس لتمرير خطاب الجبهة الإسلامية..و نحن ما بنشتكيك ولا بنشيل ليك عكاز.. شفت من كلامك و بس..يعني من دقنو و افتلو.. اها قصرنا معاك..
الحتة الما ح تقدر تتجاوزها يا بشاشا.. انك انت و بشار و محمد سليمان بنطبق عليكم واحد من اتنين: يا اما ما عندكم فكرة عن جوهر ثقافة التقاضي..و يا اما عندكم فكرة لكن جايين تبشروا بحاجة تانية زي ما وجهتكم حكومتكم حكومة الجبهة الإسلامية؟
رايك القلتو في المسئولين عن الإبادة اوع يكون وفقا لنظرية سيادة الثقافات بتاعة اخونا محمد سليمان؟لأنو لو قلت يودوهم للمحكمة الدولية يبقى ده اسمو تقاضي.. و منها بتكون انت بتناقض في ذاتك و اذا كان عندك فهم تاني ليهو تعال قولوا للملأ هنا..
كبر
|
Post: #9
Title: Re: الوعي بجوهر ثقافة التقاضي
Author: Bashasha
Date: 10-21-2007, 01:28 AM
Parent: #1
| Quote: الإتهام بارتكاب جريمة ابادة جماعية و عرقية..لا محل للفكر فيهو. |
لو كده انت مستهبل!
الانت بتسوي فيهو في الخيط ده شنو؟
مش اعمال للفكر حول جرائم الابادة؟
لماذا التناقض؟
تنهي عن فعل وتمارس ذات مانهيت عنه، او انت بتنهي!
ماالجديد في طرح وتناول هذا الموضوع عشان فجاة يكون جريمة؟
اما كيف بلطجة، فهناك في ادبيات التقاضي مايعرف مثلا بfrivolous law suites بغرض ابتزاز الخصوم. بالذات لما منشا الشكوي يكون صراع فكري في منبر عام مخصص للممارسة دي. الغرض الاساسي من المحاولة دي هو ارهاب الخصوم واسكاتم ليس الا، وهو في الاساس تشفي لتعريتنا لهذا الاسود او ناصري!
|
Post: #11
Title: Re: الوعي بجوهر ثقافة التقاضي
Author: Kabar
Date: 10-21-2007, 01:44 AM
Parent: #1
محمد سليمان.. حبابك
شكرا على تنبيهنا للقراءة عن جريمة الإبادة الجماعية و العرقية..و بالمناسبة لازم تكتبها كده.. لأنو لمن تفكها ابادة ساكت .. ممكن تكون ابادة خمور زي البيعملوها القضاة في محاكم السودان..
المهم.. مثالي القلت ليك انا فاهمو لكن.. انت ما فاهمو.. و جوهر الفكرة الإتهام (يعني زي اتهام خالد كودي) بالمشاركة أو ارتكاب جريمة الإبادة الجماعية و العرقية.. ممكن جدا يشكل جوهر دعوى لزول بيحترم نفسو و حاجاتو..و يوم واحد خالد كودي ما جا قال داير يشتكي زول بانو قال ليهو انت ناصري ولا تحالف.. تفتكر ليه؟..
و ده ما الموضوع.. انت ليه بتنطط زي قرد الطلح.. الموضوع انكم جايين تبشروا بأن التقاضي مجرد جبن..سواء تقاضي افراد أو تقاضي مجموعات..ما تقولوا لقرائكم الأعزاء انكم ما قاصدين كده..و انو نحن فاكرين المسألة مجرد ونسة ساكت..
و يا محمد سليمان ما تنسى انك انت اكتر زول بيعرف معنى التقاضي هو شنو؟ولا مو هيك؟
كبر
|
Post: #12
Title: Re: الوعي بجوهر ثقافة التقاضي
Author: Bashasha
Date: 10-21-2007, 02:44 AM
Parent: #1
| Quote: القصة ما ها قصة قوالة راي ساكت يا بشاشا |
كبر،
لوما قوالة راي ساكد، الانت بتسوي فيهو هنا في الخيط ده يطلع شنو؟
شفت حشرناك في الزاوية كيف؟
لانك بتلف او بتدور!
|
Post: #13
Title: Re: الوعي بجوهر ثقافة التقاضي
Author: د. بشار صقر
Date: 10-21-2007, 07:12 AM
Parent: #1
كبر تاني!
بس الودالظاهر مرة دي
داخل محامي عديل كده
كدى جايينك برواقة
بس قبل ما نمشي بعيد
كدي قول لينا موقع اتهامك لنا
باخذنا الفلوس من نافع على نافع
من "جوهر ثقافة التقاضي" حقك ده شنو
يا المحامي الشاطر!
|
Post: #14
Title: Re: الوعي بجوهر ثقافة التقاضي
Author: د. بشار صقر
Date: 10-21-2007, 11:59 AM
Parent: #1
كتب المحامي الشاطر!" لسان الجلابي" كبر
مطلقا اتهامات جزافية
عشوائية لا يمكن ان يطلقها حتى طفل صغير!
بحقنا
في حوار له مع
تراجي مصطفي
Quote:
عشان ما تلفي و تدوري ساكت..بشارة صقر
ليهو علاقة بنافع على نافع (ولو ده عندكم ده الإسم
السري للمهندس صلاح قوش ..يبقى قولوا لينا)..و انو جاء
السعودية لإختراق اهل ثورة دارفور و خلخلة الصفوف
|
وكتب لسان الجلابي
وهو محامي من نوعية عجيبة يتهم الناس جزافا
ودون ان يرمش له جفن
Quote: اهو منبر نيوسودان كل يوم بيلم في كوادر الأمن الخايبة
..واخيرا بشارة صقر الذي رفضتي حتى تذكر اسمه و ختيتهو
ضمن (و ما خفى اعظم)..ولا ماك عارفة قصة علاقتو
بنافع على نافع و شوية الدولارات الدفعوها ليهو
عشان يخترق واحدة من حركات دارفور..ولا انتو قاعدين
تنسوا كلام ناس دارفور في بعضهم البعض؟
|
]
Quote: و لكن الذي يهمنا.. انك يا محمد الزاهد..
قد عملت في جهاز امن الجبهة سواءا مع سليمان ابرة..
او مع محمد حامد جمعة..و الآن تواصل نفس الدور عبر
منبر نيوسودان و في معية تراجي مصطفى و بشاشا
و محمد سليمان و بشارة صقر
|
وطبعا لسان الجلابة المثالي كبر
استند في اتهامه العشوائي هذا
على نص كاذب تلفيقي كتبه عضو
المنبر عبدالفتاح يدعي فيه
ان بشارة صقر اخذ فلوس
من نافع على نافع في السعودية
لم نرد على فزورة! عبدالفتاح
لانو امر فزورته هذا تركناه ليوم
سوف ياتي على الملأ لوحده ليعتذر
ولكن هل من تعاسة ان يبني هذا المحامي
لسان الجلابي اتهامه على قول هذا
المسكين المدعو عبدالفتاح
يا لك من "لسان جلابي" تعيس!
ترى هل انستك بلاد "العم سام" نصوص القانون
الا تمنع القوانين في كل العالم الاتهامات العشوائية
ام انك قانوني لا شغل له "بروح القانون"
لقد حسبناك تستفيد من بلاد القوانين والنظم العادلة
ليحررك من ثقافة "المراحلين" !
ولكن يبدو انك فاسد حتى في تمثيلك لروح القانون
كفساد مواقفك من قضايا المحارق في بلادنا
وحقا "لا يصلح العطار ما افسده
الدهر" فهنيئا لك وظيفة "اللسان" في خدمة الجلابة
فانت خير من يتحدث بلسانهم
ويالها من وظيفة لسانية تعيس!
ثم بعد كل هذا الازراء بالقانون
يريد ان يحاضرنا هذا اللسان
الجلابي النموذجي "بثقافة التقاضي"
سبحان الله!
حقا تعيش اكثر تشوف اكثر!
خطاب مفتوح الى الأخ محمد الزاهد..
|
Post: #15
Title: Re: الوعي بجوهر ثقافة التقاضي
Author: د. بشار صقر
Date: 10-21-2007, 03:10 PM
Parent: #1
Quote: بشار صقر يعتبر الذهاب الى المحاكم
(سواء من قبل خالد كودي أو اهالي دارفور) مجرد جبن |
تاملوا هذا النص التلفيقي
طبعا اضافة نص "و اهالي دارفور" من قبل
محامي الشاطر لسان الجلابي
لا يخفى ماوراء النص من كشف لرغبات المضمرة
تنساب عبر النص دون ان يدري
انه يتحدث عن امانيه في عدم حدوث المحاكمات
هذا نص مفتاحي يكشف كثيرا عن المضمر
في تفكير ابن المراحلين هذا فتأملوا!
لحد ما نعود
|
Post: #16
Title: Re: الوعي بجوهر ثقافة التقاضي
Author: Kabar
Date: 10-21-2007, 07:29 PM
Parent: #15
الأخ بشار صقر.. حبابك
كل سنة و انت طيب..
بالمناسبة البوست بتاعك الحصل عليهو شنو؟
المناسبة التانية..انت ما عندك فكرة عن الشعر.. لأنو كلامك في البوست المنكوب حاولت فيهو تشعر(من الشعر يا بشار) شوية.
الفكرة من المساهمة هنا انو نوضح ليك اليف باء تاء ثاء.. ثقافة التقاضي..
و زي ما قلتها للناس القبالك هنا.. الإتهام بالمساهمة في ارتكاب جريمة الإبادة الجماعية و العرقية..لا محل للفكر فيه..
و التقاضي في ايتها دعوى كانت..ما فيهو عيب.. اللهم الإ من زول عندو حول فكري و ثقافي..
هامش بسيط يا بشار..
لمن الهوس الإسلامي اغتال الأستاذ محمود محمد طه.. انت كنت واحد من المغيبين و المستلبين فكريا و ثقافيا..و صفقت و هللت و كبرت لذلك الفعل الشنيع..و اعتبرتو انتصار للعقيدة..و ده ما المحك..
المحك.. انت كزول مسلم رأيك شنو في الردة؟هل هي مسألة فكرية لا تجوز فيها التصفية الجسدية أم هي مسألة جنائية تجب فيها التصفية الجسدية(عقوبة الإعدام)؟
اذا اعتبرتها مسألة فكرية.. يبقى كيف تبرر لينا تصفية الأستاذ محمود محمد طه؟..و اذا اعتبرتها مسألة جنائية (زي جريمة الإبادة الجماعية و العرقية) يبقى كيف تبرر لينا رفضك لمبدأ التقاضي؟
مسالة اخيرة.. اخونا محمد سليمان فسر الإبادة الجماعية و العرقية الحاصلة في دارفور على اساس نظريات سيادة(صراع)ثقافات..يعني شغل مناطو حقل الصراع الفكري.. اها انت رأيك شنو في القصة دي؟
و ما عندك مشكلة..غيب و تعال
كبر
|
Post: #17
Title: Re: الوعي بجوهر ثقافة التقاضي
Author: Bashasha
Date: 10-21-2007, 08:09 PM
Parent: #1
| Quote: شفت يا بشاشا .. دي واحدة من وشايات محمولك الثقافي..و هي واحدة من تجليات وعيك الباطن..منو هم البشيلوا البقج في راسهم؟مش يا هم الغرابة الزينا نحن و اخونا محمد سليمان ولا ناس تانيين؟..و اذا كان اهلك الأميين في الجزيرة عرب بيقولوها لينا بنعذرهم لأنهم اميين.. لكن انت نعذرك على ايتها اساس؟ |
عيييييييييك!
لي شلاقتك جيت لي عندي بي كرعيك!
محمول ثقافي قت لي؟
يعني انت واعي بهذا المحمول الاستعبادي الاسترقاقي من الجلابة تجاه امثالك؟
طيب، بتحارب كعسكري نفر ليه في صفوف جلاديك يا كاره ذاتك؟
ضربتها جيت، لقيت اهون بدل الاعتراف بوجود واقع زي ده، ومن ثم مواجهتو، الافضل تنكر، تدفن راسك في الرمال، او زيهم تعمل عربي او كمان من الاندلس!
ولهذا انت كبقاري وهذا ترميز، ارتكبت جرائم الابادة زي اخوك كوشيب، ضد النوبة والدينكا في جنوب كردفان! لهذا موقفك من ثوار دارفور من امثال دكتور بشار او محمد سليمان ماصدفة!
جانب من موقفك ده، دافعو احساس غير واعي بي عقدة الذنب من جهة، او عقدة رفض الجلابة ليك من الطرف التاني!
امثال محمد سليمان او مواقفم الابية لاترضي الضيم، بعروك تماما او بحسسوك بالضالة الانكسار واحتقار الذات! من باب المكابرة تعاديهم او تمسك في برطوش جلادك اكثر!
بروف بشاشا، عالم نفس المستلبة!
|
Post: #18
Title: Re: الوعي بجوهر ثقافة التقاضي
Author: د. بشار صقر
Date: 10-21-2007, 08:09 PM
Parent: #1
Quote: بالمناسبة البوست بتاعك الحصل عليهو شنو؟
المناسبة التانية..انت ما عندك فكرة عن الشعر..
لأنو كلامك في البوست المنكوب حاولت فيهو تشعر
(من الشعر يا بشار) شوية.
الفكرة من المساهمة هنا انو نوضح ليك اليف
باء تاء ثاء.. ثقافة التقاضي..
و زي ما قلتها للناس القبالك هنا.. الإتهام
بالمساهمة في ارتكاب جريمة الإبادة الجماعية و
العرقية..لا محل للفكر فيه..
و التقاضي في ايتها دعوى كانت..ما فيهو عيب..
اللهم الإ من زول عندو حول فكري و ثقافي..
هامش بسيط يا بشار..
لمن الهوس الإسلامي اغتال الأستاذ محمود محمد طه..
انت كنت واحد من المغيبين و المستلبين فكريا
و ثقافيا..و صفقت و هللت و كبرت لذلك الفعل
الشنيع..و اعتبرتو انتصار للعقيدة..و ده ما المحك..
المحك.. انت كزول مسلم رأيك شنو في الردة؟هل
هي مسألة فكرية لا تجوز فيها التصفية الجسدية
أم هي مسألة جنائية تجب فيها التصفية الجسدية
(عقوبة الإعدام)؟
اذا اعتبرتها مسألة فكرية.. يبقى كيف تبرر لينا
تصفية الأستاذ محمود محمد طه؟..و اذا اعتبرتها
مسألة جنائية (زي جريمة الإبادة الجماعية و العرقية)
يبقى كيف تبرر لينا رفضك لمبدأ التقاضي؟
مسالة اخيرة.. اخونا محمد سليمان فسر الإبادة
الجماعية و العرقية الحاصلة في دارفور على
اساس نظريات سيادة(صراع)ثقافات..يعني شغل
مناطو حقل الصراع الفكري.. اها
انت رأيك شنو في القصة دي؟
|
يا كبر ده شنو ده!
والله بقيت تحنن عديل كده
بعد كل هذه الحوامة حول البوست
البراك فتحتو بقي ليك
شوكة حوت
جاي هارب لقدام بكذبة اخرى
والله بوستك ده الا تقول لبكري شيلوا
يا جماعة الشهيد محمود محمد طه اغتالو سنة كم؟
يا كبر بشار صقر دخل جامعة خرطوم وراك
بكتيير يعني
سنة1990 ميلادية
سنة1990 ميلادية
سنة1990 ميلادية
سنة1990 ميلادية
وتخرج سنة
1996
وتخرج سنة
1996
وتخرج سنة
1996
فتأمل فزورتك الجلجلة التانية
في ضوء هذه الحقيقة !!!!.
وقل لنا اين
هللنا باغتيال شهيد الفكر
الاستاذ محمود محمد طه ؟
الظاهر الزول البمليك ده قاعد
يشربك شربوت اصلي!
عشان يفور راسك
ركز يا محامي
الكذب والتلفيق والله لا يليق بمحامي
وكمان خريج جامعة عزيزة لنا
مثل جامعة الخرطوم
لما لانها تغذي منسوبيها بقيم
الانتماء لروح المعارف
التي ينهلوا منها ولكن يبدو انك حالة فريدة
من نوعك هل حقا انت هكذا كذاب
وملفق ام غيرتك الايام!
لا تكذب يا كبر , خصوصا انت رجل قانون
فهذا يضر ضررا بليغا بالقيم
العدلية التي تحملها
كدى اسحب كلامك ده قبل ما
تكون ملطشة مرة اخرى
ولا تهرب قل لنا ما موقع اتهاماتك
لنا من ثقافة
"التقاضي" التي تريد ان
تحاضرنا فيها في هذا البوست
شعر ما شعر ما موضوع البوست
البوست عن القانون و
التقاضي وما الى ذلك
يا محامي الكذاب الملفق !
هامش:
البوست بكري مسحو ممكن
تتوسط لينا عشان يرجعو
واعتقد كتبنا بوست سالنا عنه
ولا مجيب
المهم ركز في موضوعك وبلاش تاااااني
تميع الكلام واللف والدوران
جاوب على فوازيرك القلتو فينا
بتركيز رجل القانون!
يا بتع ثقافة التقاضي انت!
اما ردة ما ردة
فافتح بوست ديني وناقشا فيه
اذا كان يهمك افكاري ومعتقداي
حول الاديان عموما اوالاسلام خصوصا
مش انت القلت بوست ده حول ثقافة التقاضي
ولا غيرت رايك يا لسان الجلابة!؟
بالله يا جماعة في زول وكمان
بتع قانون يلفق قصة زي الفوق ده
الا زول سازج زي صاحبنا المودر ده!
يا لك من لسان جلابي تعيس!
|
Post: #19
Title: Re: الوعي بجوهر ثقافة التقاضي
Author: د. بشار صقر
Date: 10-21-2007, 09:27 PM
Parent: #1
Quote: [تحرير] إعدام الأستاذ محمود 1985
فى 25 ديسمبر 1984 أصدر الجمهوريون منشورهم
الشهير "هذا أو الطوفان" في مقاومة قوانين
سبتمبر دفاعا عن الأسلام و الشعب السودانى.
أعتقل الجمهوريون وهم يوزعون المنشور و اعتقل
الأستاذ و معه أربعة من تلاميذه و قدموا للمحاكمة
يوم 7 يناير 1985 و كان الأستاذ قد أعلن عدم
تعاونه مع تلك المحكمة الصورية في كلمة مشهورة
فصدر الحكم بالأعدام ضده و ضد الجمهوريين
الأربعة بتهمة أثارة الكراهية ضد الدولة..
حولت محكمة أخرى التهمة إلى تهمة ردة..و
أيد نميرى الحكم و نفذ في
صباح الجمعة 18 يناير 1985 .
|
مصدر
ar.wikipedia.org/wiki/محمود_محمد_طه/مسودة - 30k
تخيلوا يا جماعة عند اعدام الشهيد
محمود محمد طه من قبل طغمة
كنّا يادوبك
داخلين الاولى وسطى في مدرسة كارنوي
المتوسطة
تلك البلدة التي احرقتها الطيار
الجلابي وهو يصرخ
كلهم اعداء
وفي تلك الزمان والحمد الله
لم يفتح الله لنا يا كبر
حتى بزيارة واحدة الى اي مدينة من
المدن التي يتحكم فيها
الجلابة والتي هي ليست مثل جوبا
الحرة اليوم بكل تاكيد
والا لربما كنّا مسخا من مسوخهم
امثال هذا اللسان الجلابي
ومع ذلك يتهمنا هذا اللسان الجلابي باننا
هتفنا لاغتيال الشهيد محمود محمد طه
يازول انت عارف سنة 1985 انا وين!
يا لمحاولة رخيصة لشد انتباه
الجلابة من اتباع الشهيد
تريد ان تشوه بشار باي ثمن يا كبر
مرة باتهامه باستلام دولارات من نافع
ومرة بانو هتف لاغتيال محمود
محمد طه في زمان
يادوب الزول داخل الوسطى
يا كبر بشار سوى ليك شنو
يمكن في حاجة انا ماعارف
يا محامي التلفيقات
اللعنة للمنافقين الكذابين
الذين يلبسون
"روبات" العدالة دون ان يستاهلوا
|
Post: #20
Title: Re: الوعي بجوهر ثقافة التقاضي
Author: Kabar
Date: 10-21-2007, 10:15 PM
Parent: #1
| Quote: التقاضي في ايتها دعوى كانت..ما فيهو عيب.. اللهم الإ من زول عندو حول فكري و ثقافي.. |
الأخ بشار.. ده الموضوع هنا..و بعد ما تفرغ من سيرتك الذاتية..تعال افيدنا بكلام معقول..
اها قصرنا معاك..
طبعا عزيزنا القارئ الضحك شرطو من الجقلبة العارمة دي..لغاية الآن بشاشا و بشار صقر ما فتح الله عليهم بفهم في الموضوع ده..عاد ده كلام ده؟
كبر
|
Post: #21
Title: Re: الوعي بجوهر ثقافة التقاضي
Author: Adrob abubakr
Date: 10-21-2007, 11:20 PM
Parent: #1
| Quote: و لو انت مجقلب و خايف من دعوى خالد كودي عليك |
بالله متي حصل هذا ومعقول وصلت المسألة للمستوي ده؟؟!!!
|
Post: #22
Title: Re: الوعي بجوهر ثقافة التقاضي
Author: د. بشار صقر
Date: 10-22-2007, 07:22 AM
Parent: #1
Quote:
الأخ بشار.. ده الموضوع هنا..و بعد
ما تفرغ من سيرتك الذاتية..
تعال افيدنا بكلام معقول
|
الله!
مش انت الجبت سيرة البحر يا لسان الجلابة
مش انت الخليت ثقافة التقاضي وجريت تسأل
في الردة وغير الردة.
يا محامي الكذاب تزوير سيرة
الناس ده مو عندو علاقة بثقافة التقاضي
وبعدين انت كزول قانون لما زول يقول ليك كذاب
ما ترد عليه لا سلبا ولا ايجاب
دي اقرار بانك كذاب يا كبر
التقية ما بحلك
فتحت بوست عن ثقافة التقاضي وكذيبت فيه
عن سيرتنا الذاتية ودي في عمق موضوعك
وشوف يا لسان الجلابي
اثبت انو صقر شال فلوس من نافع
واثبت انو صقر هتف في
اغتيال محمود محمد طه
والا يمين ابقى ليك زي
دكتور مصطفى محمود ماتجي المنبر ده
اشيل ليك قفة اكاذيبك ديل واقلبهم في راسك يا
بشار صقر السيرة الذاتية
درج كثير من عيال الجلابة اتهامنا
باننا من السنتهم الكيزانية ولاننا نعرف
كلهم من بعضهم
ولاننا نعرف استهبالهم ونفاقهم لم
نفكر حتى في االرد عليهم فماذا يختلف
عن الجلابي ان يكون المهمش كوزا يساريا
مثل هذا الكبر اللسان
فكلهم لسان لهذا السيد
ولكن حينما يتقمس لسان من السنتهم
شخصيتهم ويكرر بغباء لا يشبه
الاهل القانون ما يقوله "اولاد البلد"
يستحق سحق مثل هذا السان المنافق وليكون عزة وعبر
لكل لسان منافق
والسيرة الذاتية يا كبر مهم لك لكي
انقذك من اكاذيب الذين يملون عليك ليهبلوك
امام جمهور القراء لانو لا يزال لنا قليل امل في
ان تترك ذات يوم مهنة اللسان وتعود لقضايا وهموم اهلك
ايها المحامي المنافق
بشار صقر___ السيرة الذاتية
1977-1983 مدرسة باسو الابتدائية
وقد اصبحت باسو اليوم خالية من اهل الارض
وتحولت الى مرتع للجنجويد
وسنحررها ذات يوم
ايّما تحرير
1984-1987 كارنوي المتوسطة وهي ايضا
اليوم ارضا خرابا لا حياة فالجلابة الذين
اصبح كبر لسانهم لا يجيدون الا حرق المدن
وابادة الناس
فعلوا في الجنوب
وفعلوا في دارفور العزيزة
1987-1990
كتم الثانوية
ارض الخضرة والجمال والامن والسلام
والتي اصبحت خرابا في
ظلال دولة الجلابة التي
تنتج الا خرابا فيما السنتهم امثال كبر
1990-1995
كلية الصيدلة جامعة الخرطوم
وقد كنّا منذ اول يوم دخولنا
على وعي بالتكوينات الهلامية التي تتعدد
اسمائها والاصل واحد من
تكوينات الحزبية الجلابية
فلم ننتمي الى الى حزب من احزاب الجلابة
ولكننا تعاطفنا مع رفاقنا
من الطلاب المحايدين
فتقاسمنا معهم السكن وتذاكر
"الباسطة" التي توزع لنا مثل
مثل جرعة الكلوركوين في زمن الملاريا
لقد تقاسمنا مرارة الحياة الجامعية مع رفاق
اعزاء ويا لهم من رفاق
كما الدين احمد خضر زعيم المحايدن في الصيدلة من ابناء كردفان
وعبدالكريم احيمر من ابناء سنار
وعبدالرحمن باشا ومعتز الطيب وغيرهم من احباب الصيدلة الذين
شربنا معهم "المنقهة" ورددنا معهم "القهقهات"
على مقاعد الونسة وراجعنا معهم "الشيتات" قبيل الامتحانات
حتى اكملنا سنين العجاف في زمان حكومة الكيزان اللعينة
والتي هي عينة الاكثر قبحا من عينات حكومة الجلابة
سنعود لتكملة سيرة البحر
بس ركز يا محامي الكذاب واثبت اتهاماتك او قول رووب
والا الا ابقى ليك
دكتور مصطفى محمود وانت عارف كويس الكلام ده يعني شنو
بجيك راجع
|
|